27/09/2024
விழிப்புணர்வு பதிவு
வேலை வாங்கித் தருவதாகச் சொல்லி பணம் வாங்கிக் கொண்டு அவர்களுக்கு விசிட் விசாவை எடுத்துக் கொடுத்துவிட்டு வீதியில் அலையவிடுகிறார்கள்.
தலைப்பில் வரும் ‘Tourist -Short Term Visa’ என்பதை மட்டும் ‘Employment Visa’ என்று மாற்றிவிடுகிறார்கள். விசா இருப்பதால் அவர்களும் விமானச்சீட்டு எடுத்து வந்துவிடுகிறார்கள். விசா எண் சரியாக இருப்பதால் வந்து சேர்ந்துவிடலாம், ஆனால் அது பின்னாட்களில் பிரச்சனையில் வந்து முடியும்.
படித்தவர்களே இதில் மாட்டிக் கொள்கிறார்கள். கவனமாக இருங்கள். பணம் செலுத்துவதற்கு முன்பு தெரிந்தவர்களிடம், அல்லது இங்கு அமீரகத்தில் ஏற்கெனவே இருப்பவர்களிடம், நல்ல பரிச்சயமானவர்களிடம் கேட்டுவிட்டு பணம் செலுத்துங்கள்.
