10/11/2022
پوښتنه: ايا د نويو افغانيو بڼه او محتوا بدله شوې؟
جواب: نه، د تازه چاپ شوېو افغانيو بڼه او محتوا همغه پخوانۍ ده.
پوښتنه: ټولې څومره افغانۍ چاپ شوي او کوم نوټونه دي؟
جواب: ټولې لس ميليارده افغانۍ چاپ شوي وې، ۷ ميليارده يي پخوا د افغانستان بانک ته سپارل شوې وې او باقي ۳ ميليارده يي اوس هيواد ته راځي.
۲ ميليارده يي شلگون دي، او ۱ ميليارد يې لسگون دي.
پوښتنه: دا کوم شرکت چاپ کړي؟
جواب: دا يو پولينډي شرکت (PwPw) چاپ کړي.
پوښتنه: ايا نورې افغانۍ به هم چاپ شي؟
جواب: يو قراداد، چې د سل ميليارد افغانيو دی د فرانسوي شرکت سره یې د چاپ پروسه روانه ده ښایي چاپ شي، چې دا بیا ۵۰۰ او ۱۰۰۰ افغانيو نوټونه دي.
پوښتنه: يو نوټ په څومره وخت کې (مندرس) زړيږي؟
جواب: په اوسط توگه واړه نوټونه ۳ کلونو کې زړيږي، او لوی نوټونه (۵۰۰، او ۱۰۰۰) په لس کلونو کې زړيږي.
پوښتنه: ايا د نويو چاپ شوېو افغانيو سره به د افغانيو ارزښت کم شي؟
جواب: نه، د افغانيو چاپ په دی معنی نه دی چی ټولې نوې چاپ شوې افغانۍ دې بازار ته داخلي شي، بلکې پخوانۍ مندرس او زړې شوې افغانۍ پرې تعويض (عوض) کيږي.
کله چې پيسې چاپ شي يو ځانگړي ځای کې ساتل کيږي، او لاندې عمده عوامل نظر کې نيول کيږي، چې په کومه اندازه پیسې بازار ته عرضه شي:
۱) د اقتصاد حجم او وده
۲) په هيواد کې افغانيو ته تقاضا (کله چی د افغانيو سره سره نور پولي واحدونه هم په چلښت کې وي، افغانيو لپاره تقاضا کميږي)
۳) تجارتي تعاملات( تجارتي راکړه ورکړه)
واحدالله نوشیر
