22/04/2021
Si na gjeti dita e Tokës ?
Si na gjeti dita e Tokës ?
Mjedisi po shkon keq dhe më keq prej 30 vitesh.
Institucionet mjedisore janë kthyer në t**a ping-pongu aspak serioze për funksionin e tyre jetik.
Politikat mjedisore nuk i gjejmë më as në letër, jo më në zbatim.
Ato nuk mund të ekzistojnë në një shtet që gjithçka e drejton vetëm një institucion, Kryeministria.
Ndryshe nga premtimet e pambajtura, Mjedisi ynë as nuk premtohet fare . Është humbje kohe. Se që të premtosh duhet të kesh një program, këshillime me ambientalistë, shoqëri civile që të imponohet. Po ku , në Shqipëri ?
Fushata po mbaron , mes plumbave, thasëve dhe parave , fjala Mjedis nuk u dëgjua kurrë.
Ku është problemi këtu ?
Jeta jonë lidhet direkt me mjedisin;
Dita e Tokës na ka gjetur shumë më keq me erozionin që nuk po bëhet asgjë prej 30 vitesh dhe po i rremben hektare me t**e vendit tone.
Na ka zënë shumë keq me proçesionaren që po than prej vitesh parqet dhe pyjet e Shqipërisë, po kërcënon njerëzit dhe po e çon në degradim masiv pishën e zezë, sepse ka 30 vite qe nuk behet asnje veprim.
Na ka gjetur keq me lumenjtë që janë të thara gjatë gjithë vitit dhe të përmbysin në 3-4 ditë shi, sepse ka mbi 500 hece qe i burgosin ato ne tuba dhe i leshojne vetem kur nuk i mbajne dot me.
Na ka gjetur keq me perrenjte, lumenjë se po I përdorim masivisht për të pastruar fshatrat dhe qytetet tona nga mbeturinat se nuk kemi menaxhim mbeturinash pas 30 vitesh. Po I përdorim si kosha që shkojnë në det, por askush nuk të thotë gjë, se eshte pergjegjesi shteterore menaxhimi i mbetjeve.
Na ka gjetur shumë keq me drejtësinë mjedisore. U bë vite 30 pa u dënuar një krim mjedisor.
Na ka gjetur shumë keq me 70 % pyje te shfarosura, që vazhdojnë priten, nuk mbillen por tenderohen mbjellje milionash.
Na ka gjetur pa një fidanishte shtetërore, pa një politikë të pyllëzimit masiv vullnetar me studentë, komunitetin dhe nxënësit.
Na ka gjetur me një kryeqytet që ka më pak gjelbërim për frymë se çdo kryeqytet tjeter i botës.
Na ka gjetur me të njëjtin park të liqenit artificial të para një shekulli.
Na ka gjetur me trafikun me te madh te historise se Tiranes, me 200.000 mije makina pa parkingje , por me sheshe pallatesh te zena.
Na gjeti mes ajrit te ndotur dhe ndotjes të zhurmave më të mëdha të historisë në qytet.
Na gjeti mes betonizimeve masive te shesheve kryesore te qyteteve duke i nxehur disa here me shume.
Na ka gjetur pa trotuare të ecim, pa transport publik, pa trena dhe hekurudhe.
Na ka gjetur me zero riciklim, pa ndarje dhe pa riperdorim, por me incineratorë që djegin por nuk kanë cfarë.
Na gjeti me peizazh të shkatërruar të rivierës sonë, nga makutëria e mbifitimit dhe betonizimit masiv.
Na gjeti me peizazhe të shkatërruara në cdo rrugë që bëhen shpejtë dhe shkatërrohen akoma më shpejtë, nga erozioni I dijes.
Na ka gjetur pa politika mjedisore por me justifikime të panumërta pse jemi vëndi I fundit në botë për zhvillim mjedisor.
Na gjeti në fushatë duke hapur thesin e burimeve natyrore, tokave, shesheve, hapësirave, hidrocentraleve, betonizimeve në bregdet, lejeve pa leje,
Na gjeti kështu jo se bota është bardh e zi, ajo në fakt është plot me ngjyra, por jemi ne që shohim vetëm dy ngjyra .
Këto dy ngjyra nuk do e përfaqësojnë kurrë mjedisin dhe jetën tonë.
Optimisimi në mjedis është krim, sepse mbulon një akt kriminal shtetëror , të shkatërrimit mjedisor që shumë shpejtë do të sjelli pasoja direkte për shëndetin, ekzistencën, ekonominë tonë.
Prandaj Dita e Tokës na gjeti shumë shumë më keq kete here, dhe është vetëm në dorën tonë si qytetarë të bashkohemi , të gjejmë fuqinë që vitin tjetër ta bëjmë vetë më mirë.
Politika Mjedisore është qytetari mbi të gjitha.
