ACE Australia Immigration 卓越澳洲移民

10/12/2024

內政部(Home Affairs)上禮拜六已經靜悄悄地開放接受新簽證”國家創新簽證National Innovation Visa (NIV)”的Expression of Interest (EOI)。NIV一定要經EOI收到Invitation邀請後才可申請。

雖然目前為止澳洲政府未有進一步解釋NIV 邀請甄選資格要求的細節，但係由佢地列出的邀請發出優先次序可見端倪。

Priority 1 邀請發出最優先考慮是國際級最頂尖人才，包括諾貝爾獎奧運金牌得主等等。呢個等級同以往Distinguished Talent 嘅要求其實非常相似。

Priority 3, 4 邀請發出優先次序第三及四等級包括總共9個指定領域有傑出成就嘅專才。睇真啲似是舊酒新瓶非常類似之前Global Talent 環球專才嘅要求，只不過在指定領域同埋其專業界定上有所微調。

至於Priority 2邀請發出優先次序第二等級就係”被澳洲聯邦、州或領地政府的專業機構提名的申請人”。傳聞中嘅NIV投資/營商移民途徑好可能就係包含於此，但係現時無任額外資料大家只可以繼續等待消息。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

05/12/2024

新簽證”國家創新簽證National Innovation Visa (NIV)”明天12月6日將會正式生效，繼續沿用簽證類別Subclass 858，取代現有”環球專才簽證Global Talent visa”。

NIV 同Global Talent有甚麼分別? 睇返今日公佈嘅法例條文，暫時最主要就係NIV一定要收到邀請”Invitation”先可以申請，而Global Talent其實係可以無邀請都入得申請，只不過係審批門檻同處理時間上有所分別。

咁究竟NIV 點先可以拎到邀請? 當中有甚麼準則要求? 呢啲問題最為關鍵但今日公佈嘅法例條文完全無提及。所以係澳洲政府公佈NIV邀請甄選要求和程序前，就算聽日新簽證推出其實暫時都無辦法展開NIV申請程序，但係相信好快就會另有公佈，我哋會為大家繼續跟進最新消息。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

03/12/2024

突發消息! 內政部(Home Affairs)剛剛正式公佈Core Skills Occupation List (CSOL)，簡化現時僱主擔保簽證的職業名單制度。CSOL 包含456個職業，由Jobs and Skills Australia 就勞動市場分析與業界持份者諮詢後所制定。當中有啲出人意表嘅職業例如瑜伽導師以往除咗特別勞工協議以外係做唔到僱主擔保簽證，但係呢家竟然榜上有名。

新聞公佈中提及到CSOL 將適用於 2024 年 12 月 7 日 生效的新Skills In Demand Visa技能需求簽證，呢個新簽證將取代現時482 Temporary Skill Shortage Visa僱主擔保臨時技術短缺簽證。

另外一個公佈重點就係提到於12月7日全新National Innovation Visa國家創新簽證亦會生效。呢個新簽證將取代現時Global Talent Visa環球專才簽證以及極有可能包含類似以往188簽證類別嘅投資/營商移民途徑。

今日呢個新聞公佈重點除咗CSOL 外，就係一直只聞樓梯響嘅新簽證Skills In Demand Visa 同埋National Innovation Visa 終於有落實推出日子。而公佈中提到更多改革細節將於短期內公佈，呢家離推行日子重有幾日即係好快會有新消息，我哋會繼續為大家跟進。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

04/11/2024

”國家創新簽證 National Innovation Visa (NIV)”沒有公開諮詢一直只聞樓梯響, 內政部(Home Affairs)終於係上星期五Migration Institute of Australia 嘅周年會議公佈多項有關呢個新簽證嘅細節如下:
- 將會取代現有環球專才簽證Global Talent Visa, 並繼續沿用簽證類別Subclass 858 。
- 將會於2024年底前推行。
- 直接取得永久居民身份。
- 不設申請年齡上限。
- 必需收到邀請(invitation)才可申請簽證。

NIV旨在吸納以下各種範圍高質素人才:
* Global Researchers / Thought Leaders (國際研究學者/思想領袖)
* Innovative Investors (創新投資者)
* Entrepreneurs (企業家)
* Athletes / Creatives (運動員/創作者)

一直以來NIV都有提及將會吸納投資者, 相信當中會包含投資移民途徑。此外亦有提及企業家，當中會唔會包含營商移民途徑大家真係要拭目以待。至於專才類別方面, 表面睇申請門檻可能會比現時環球專才Global Talent為高, 我哋估計會比較接近以往”Distinguished Talent”嘅水平。

呢家已經係11月頭，NIV要如期係今年內推出相信澳洲政府最遲係12月頭就要為簽證要求詳細立法。我哋會係度同大家分享有關NIV嘅最新消息, 大家密切留意。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

10/10/2024

今日新州(New South Wales)終於開放技術移民190/491簽證州擔保申請。隨著新州開放申請，今個財政年度所有州份技術移民州擔保申請條件終於塵埃落定。

由於澳洲政府收緊移民政策，今個財政年度雖然技術移民州擔保配額比上年多，但係競爭比過往其實更為激烈。例如西澳(Western Australia) 過去兩輪邀請都只限當地居住申請人獲邀，而維州(Victoria)最新一輪邀請醫護界申請人已經無法輕易獲邀。

假如大家想透過技術移民呢個相對性價比高嘅方法移民澳洲，歡迎聯絡我哋查詢。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

04/09/2024

估唔到今個財政年度第一次獨立技術移民189 skill select round 咁快”派彩”，大家入咗EOI 快啲check 下email 睇下有無”中獎”。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

27/08/2024

琴日維州(Victoria)已經進行咗今個財政年度第一次輪技術移民州擔保申請遴選。我哋都有醫護界嘅客人收到190邀請，但係英文能力要去到superior程度，競爭真係愈來愈激烈。

另外一提就係昆州(Queensland)將會係9月開放技術移民州擔保申請。今個財政年度會引入類似維州Registration of Interest 嘅制度，而澳洲境外申請人最低要求要有5年經驗同埋Proficient English 先可以申請，佢哋目標係吸納能源/建築/醫護/教育呢幾個範疇嘅技術職業。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

14/08/2024

今日維州(Victoria)終於開放接受2024-2025財政年度嘅技術移民190/491州擔保申請。申請條件最低要求同往年相若，但係由於獨立技術移民189 配額今個財政年度大減，相信競爭會更激烈要拎到州擔保邀請會比以往更難。

呢家只凈返新州(New South Wales), 昆州(Queensland)同埋南澳(South Australia)未開放今個財政年度嘅技術移民州擔保申請，有心部署申請歡迎聯絡我哋。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

27/06/2024

重有幾日就踏入新一個澳洲財政年度，呢個月其實澳洲政府係移民政策方面密密有所動作有新法例更改推出以趕及於新財政年度首日7月1日實施，我哋為大家好簡單咁歸納如下:

1. 上個禮拜進行咗今個財政年度第二次(亦相信係最係一次)189獨立技術移民簽證嘅邀請甄選(Invitation Round)。今次甄選終於唔再只係邀請醫療和教育相關技術職業，各類技術職業(尤其係同建築工程相關)都有獲取189簽證申請邀請嘅機會。但係重點係非常大多數獲得邀請嘅技術職業最低技術分數(Skilled Points)都係85分或以上，醫療和教育類別技術職業達到最低要求65分就可以攞到邀請嘅日子已經不再。由於下個財政年度189獨立技術移民簽證嘅配額比今年度更加大幅減少，可以預期申請人之間嘅競爭將會更激烈而獲邀嘅最低技術分數將會更高。

2. 一如之前公佈，485簽證嘅收緊申請要求改變將於7月1日生效。持有香港特區或BNO護照的申請人對於大部分收緊條件變更(例如年齡上限降低，英文成績提高要求)可獲豁免，但係要留意英文成績有效期將會減少至1年。

3. 482簽證條件將於7月1日變更，簽證持有人如離職將有180日嘅時間係澳洲境內去搵新嘅僱主擔保。

4. 簽證申請費用一如以往將於7月1日作年度上調，但係到呢一刻澳洲政府都重未公佈新費用詳情。

5. 學生簽證係澳洲境內嘅申請由7月1日開始將會受到限制，485畢業簽證以及訪客簽證類持有人(例如601 ETA)將不能在澳洲境內申請學生簽證。

6. 配偶簽證有關家庭暴力嘅定義而及受影響當事人嘅申請資格將會係7月1日有所變更。

如有任何問題，歡迎聯絡我哋。祝大家係新一個財政年度申請澳洲移民簽證過程一切順利！

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

16/05/2024

緊隨星期三晚公佈嘅2024-2025年度財政預算案，內政部(Home Affairs)亦都係星期四早上公佈咗下個財政年度嘅移民計劃配額(Migration Program Planning Level)，以下係當中幾項重點：

1. 188商業投資/營商簽證：最重要係釐清咗已遞交的188簽證申請將會按政府嘅整體移民優先次序同埋配額繼續處理，睇嚟唔會好似我哋之前估計嘅”cap and cease”。但係由於配額再減(由1900減到1000 當中重要計埋888永久居民嘅配額)，我哋估計對於已遞交嘅188簽證申請都有機會繼續拖，所以先有財政預算案嘅退款措施比唔想再無了期等落去嘅申請人作個了斷。

2. 189/190/491技術移民簽證：189獨立技術移民簽證嘅配額大幅減少接近一半，而190州提名技術移民簽證和491偏遠地區技術移民簽證嘅配額則有輕微增加。睇嚟下個財政年度要做技術移民都係要搵州擔保比較大機會。

3. 新簽證”National Innovation visa”：根據政府講法呢個新簽證將會”為最傑出的優秀移民提供永久居留身份嘅申請途徑，例如傑出企業家、主要投資者和全球研究人員”。新簽證暫定係2024年尾推出，將會取代現時858 GTI環球專才簽證並會共用下個財政年度嘅4000個配額。留意當中有提及吸引”主要投資者”，期望新簽證將會包含投資移民途徑。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

14/05/2024

澳洲政府今晚公佈咗關於2024-2025年度嘅財政預算案，當中關於移民政策嘅重點如下:

1. 188商業營商/投資簽證

- 188商業營商/投資簽證計劃（BIIP）將被中止(discontinued)。從2024年9月起，希望撤回188簽證申請嘅申請人將獲退款簽證申請費。

- 將推出新簽證”National Innovation visa”，以吸引具有卓越才能的移民，旨在推動澳洲重要領域嘅增長，呢個新簽證將會取代現時嘅環球專才GTI 858簽證。而根據之前Migration Strategy 嘅講法，成功企業家/主要投資者有機會合資格申請呢個新簽證。

2. 技術簽證類別

- 約70%的永久移民計劃將分配給技術簽證類別。

- 將會改革技術移民計分制度Point Test。

- 僱主擔保482簽證的工作經驗要求將從2年減至1年，於2024年尾生效。

3. 永久移民計劃

- 2024-2025財政年度永久移民計劃(Permanent Migration Program)的規劃水平(Planning Level)為185,000個名額，比2023-2024財政年度略為減少。正如之前提到，其中132,200個名額（約70%）將會分配比技術簽證類別。

- 從2025-2026財政年度起，政府將會把永久移民計劃的規劃期從現時1年延長到4年。

4. 其他

- 針對法院移民案件積壓問題進行重大改革，包括設立Administrative Review Tribunal取代現時嘅Administrative Appeals Tribunal。

—

以上種種消息，相信最震撼係188簽證將被中止。而由於有提及退款安排，當中似係暗示有可能會”cap and cease”，即係現時仍在排隊未有決定嘅申請一旦簽證數目達到政府所定嘅配額上限就會停止處理並安排退款。

當然我哋都係要等將來正式公佈嘅法例細節先可以知道澳洲政府係點樣安排”discontinue”188簽證。但係假如真係”cap and cease”嘅話，相信好多等緊188簽證處理嘅申請人將會大失所望。因為當中有部份已經等咗2至3年，雖然會有簽證申請費退款，但係就白白浪費預備申請嘅功夫同漫長嘅等候時間，而將來”National Innovation visa” 要求亦係未知數未必乎合資格再申請。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

25/04/2024

今日係ANZAC Day，但係估唔到Home Affairs 竟然揀澳洲公眾假期公佈關於485簽證嘅要求改革，如立法通過將會係今年7月1日實施。

一如之前Migration Strategy提到485簽證年齡上限會由50歲以下降低到35歲以下，但係香港人(香港護照/BNO 護照持有人)就會有特別豁免繼續保持50歲以下為年齡上限。相信睇到呢個官方公佈對於行緊或計劃行Hong Kong Stream 嘅朋友會更加放下心頭大石，但係呢個改變對其他國籍嘅留學生將會係震撼彈，可以預期澳洲留學生數目將會更加減少，貫徹呢家執政工黨想大幅減低身處澳洲嘅”permanently temporary”人口數目政策。

另外今次公佈嘅改變細節，當中令人覺得意外就係提到Graduate Work Stream(將會改名做Post-Vocational Education Work Stream)如申請人持有學士學位或以上資歷將不會乎合資格申請，只可以申請Post-Higher Education Work Stream (原文係”Applicants with a degree level qualification or higher will no longer be eligible for this stream. If an applicant holds one of these qualifications, they must apply through the Post-Higher Education Work stream.”) 。呢點之前Migration Strategy並無提及，要等有法例條文詳情先可以睇到確實嘅申請限制會係點執行，但係實際影響真係可大可小，大家要密切留意之後嘅立法細節。

我哋都有一段時間無為大家更新移民澳洲消息，因為係2023年尾澳洲政府出咗migration strategy 後其實就比較平靜並無重大消息公佈。但係除咗今日有呢個485簽證改革公佈，其實琴日4月24日都有份技術移民Point Test 改革咨詢文件公佈，當中或多或少睇到端倪澳洲政府想點樣改革技術移民計分制度，我哋嚟緊會係度同大家分享。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

19/02/2024

我地嘅澳洲註冊移民代理將會於3月初係香港同大家面對面評估移民澳洲資格, 名額有限先到先得, 報名從速!

https://forms.gle/CF53RorzBnFE5XSm6

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189簽證 #190簽證 #491簽證 #485簽證 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革

我地嘅澳洲註冊移民代理將會於3月初係香港同大家面對面評估移民澳洲資格, 名額有限先到先得, 報名從速! 日期: 2024年3月1至7日 形式: 香港親身會面 地點: 金鐘 / 尖沙咀 (詳情於報名登記確認後有專人聯絡安排) 如有查詢可Whatsap...

09/01/2024

根據最新澳洲Home Affairs 嘅fact sheet，485 畢業簽證同500學生簽證嘅英文程度要求將會係2024年初提高，呢點其實係Migration Strategy 都已經講過大家應該唔會覺得意外。

但係原來重有另一個細節就係485畢業簽證承認嘅英文考試有效日期亦將會係2024年初由3年減到1年，即係代表係新政實行後基本上要申請485就要再考多次英文試，唔可以用申請500學生簽證時嘅”舊”英文試成績，大家要留意啦。

#澳洲移民 #移民澳洲 #澳洲生活 #技術移民 #投資移民 #營商移民 #創業移民 #澳洲 #移民 #189 #190 #491 #485 #香港免費講座 #卓越澳洲移民 #註冊澳洲移民代理 #香港人永居特別途徑 #澳洲移民改革