caspiandom.com

“Bir millət – iki dövlət” şüarı ilə Azərbaycan və Türkiyə qardaş olduğunu dünyaya elan etdilər. Türkiyədə xaricilərin əmlak almasına icazə veriləndən sonra Qardaş ölkədə ən çox daşınmaz əmlak alanlar sırasında liderlik Azərbaycanlılara məxsusdur. Azərbaycanlılar ən çox Türkiyənin İstanbul,Antalya və Bodrum şəhərlərində əmlak alırlar. Türkiyədə də uzun müddət müzakirə mövzusu olan problem nəhayət

keçən il həllini tapıb. Mülkiyyət Qanununun 35-ci maddəsindəki “qarşılıqlılıq prinsipi" şərti çıxarılıb və beləliklə, azərbaycanlılar da daxil olmaqla bir çox ölkələrin vətəndaşları üçün Türkiyədə daşınmaz əmlak əldə etmək asanlaşıb. Keçən ilin avqustundan bəri Türkiyədə ev sahibi olan Azərbaycan vətəndaşlarının sayı isə 325-dir. Türkiyənin daşınmaz əmlak bazarını azərbaycanlılar üçün cəlbedici edən isə onun artan turizm potensialıdır: ”
Antalya, Kəmər, Bələk, Alaniya və ümumilikdə Aralıq dənizinin ətrafında təxminən 59 min avro dəyərində ev almaq mümkündür. Burada qiymətlər Egey zonasına nisbətən ucuzdur. Antalya ətrafında kurort mövsümünün Bodrumdan daha uzun çəkdiyinə baxmayaraq, Antalyada evlərin qiyməti daha münasibdir. Səbəb isə iqlim fərqidir. Bodrumun iqlimi Antalyadan qurudur. Türkiyə coğrafi baxımdan da olduqca əlverişli mövqedə, Avropa və Asiyanın qovşağında yerləşir. Bundan əlavə Türkiyə əla kurort ölkəsidir və yerləşdiyi regionda bu aspektdə, xüsusi ilə də rusiyalı turistlər arasında olduqca populyardır. Çimərlik mövsumuni xüsusi sevən əcnəbilər Türkiyədə özlərinə şəxsi mənzil almağa üstünlük verir, belə ki, onlar bu ölkəni hər il ziyarət etməkdən doymurlar. Nəyə görə məhz Türkiyədə daşınmaz əmlak? Türkiyə daşınmaz əmlaka investisiya yatırmaq üçün ən cəzbedici istiqamətlər reytinqində yer tutur. Viza əlverişliliyi, investorlara etibar etmə və nisbətən əlverişli qiymətlər Türkiyənin xeyrinə şəhadət edir. Türkiyənin rəsmi mətbuatında 6 yanvar 2006-cı ildə dərc olunmuş 5444 saylı xarici vətəndaşlara daşınmaz əmlakın satışı haqqında yeni qanun alınmış obyektin rəsmiləşdirilməsi prosedurunu asanlaşdırdı. Bundan əlavə, Türkiyə daşınmaz əmlakına ajiotajlı tələbatı formalaşdırmış əsas amillərdən biri Türkiyə iqtisadiyyatındakı müsbət dəyişikliklər, xüsusən də türk lirəsinin uğurla denominasiyası və ölkədə inflyasiyanın nisbi sabitləşməsi oldu. Bu cür əlverişli fonda mənzil inşaatı sürətlə inkişaf etməyə başladı. Türkiyədə əmlak sürətlə bahalaşdığına görə, bura pul qoyan itirməyəcək – istəsən 3-4 il sonra evi satıb pulunu götürmək olar. Y.Arçibaşeva bildirir ki, bir qədər əvvəl Türkiyədə xaricilərə ev satışına icazə veriləndən sonra bura axın artıb. İndi qardaş ölkədən ən çox əmlakı azərbaycanlılar, sonra isə rusiyalılar alır. Hal-hazırda Türkiyənin Avropa İttifaqına qəbul olunmasına dair danışıqlar aparılmaqdadır. Türkiyədə mövcud olan vəziyyət 15 il əvvəl Mayorkadakı vəziyyəti xatırladır. O zamanlar İspaniyada olduqca aşağı qiymətlə mənzil və ya villa almaq olardı. Aİ ilə danışıqlar zamanı isə daşınmaz əmlaka olan qiymətlər inanılmaz dərəcədə artdı. Hazırda İspaniyanın sahillərində münasib qiymətə daşınmaz əmlak tapmaq praktik olaraq mümkün deyil. Müasir Türkiyənin daşınmaz əmlak bazarındakı vəziyyət Avropa İttifaqına qəbul olunmazdan əvvəl İspaniyada olan vəziyyətlə demək olar ki eynidir. Ötən il daşınmaz əmlak qiymətlərinin artımı orta hesabla 35% təşkil etmişdir.