12/05/2014
Bu il ölkəmiz ilk dəfə olaraq, Frankfurtda keçiriləcək IMEX beynəlxalq işgüzar turizm sərgisində Azərbaycan Konqreslər Bürosu simasında təmsil olunacaqdır.
Bu il ölkəmiz ilk dəfə olaraq, 20-22 May tarixlərində Frankfurtda keçiriləcək və MICE (görüşlər, stimullar, konfranslar, sərgilər) sahəsində mühüm hadisə sayılan IMEX beynəlxalq sərgisində Azərbaycan Konqreslər Bürosu simasında təmsil olunacaqdır.
Hər il IMEX sərgisi beynəlxalq konqres və konfransların təşkili, geniş əhatəli tədbirlərin keçirilməsi və həvəsləndirici turizm sahəsində xidmətlərin göstərilməsində maraqlı olan yüzlərcə mütəxəssisi bu tədbirdə toplayır. Rəsmi məlumatlara əsasən, ötən il sərgidə 157 ölkədən 3500 şirkət təmsil olunmuşdur.
Sərgidə həmçinin Frankfurtda Siyasətçilərin Forumu nəzərdə tutulmuşdur və bu forumda Azərbaycan nümayəndə heyətinə başçılıq edən Mədəniyyət və Turizm Nazirinin müavini Cənab Nazim Səmədov da iştirak edəcəkdir.
Sərgidə Azərbaycan, birbaşa olaraq milli turizm bazarında fəaliyyət göstərən və Azərbaycanın Konqres Bürosunun tərəfdaşları olan turizm sektorunun nümayəndələrini bir yerdə cəmləşdirən ayrıca stend vasitəsi ilə təmsil olunacaq. Bu tərəfdaşlar siyahısına Absheron Hotel Group, Fairmont Baku, Hilton Baku, Hyatt Regency Baku, JW Marriott Absheron Baku, Jumeirah Bilgah Beach Hotel, Kempinski Hotel Badamdar kimi otellər, və eləcədə peşəkar turist agentlikləri Victory Tour, Millennium Tourism и Regea Travel daxildir. Əlavə olaraq, stenddə Konqres Bürosunun əsas tərəf müqabillərindən biri olan Azərbaycan Hava Yollarının maraqları da təmsil olunacaqdır.
12.05.2014