012586.157543

08/05/2024

Azərbaycan Respublikası KT nazirliyinin Aqrar innovasiya mərkəzi tərəfindən İsmayıllı rayonunda təşkil olunan Aqrar İnnovasiya festivalında ARZU Kənd Təsərrüfatı Məhsullarının İstehsalı və İstehlakı kooperativi olaraq iştirak etdik.Dostlarla görüş və müzakirələr,yeni tanışlıqlar çox xoş oldu.

05/05/2024

ARZU Qadın İnkişaf qrupunun xalçaçı xanımlarının timsalında bu qədim el sənətini yaşadan bütün Azərbaycan xanımlarını 5 May Xalçaçı Günü münasibətilə təbrik edirik.Ömürləri xalçaların ömrü qədər uzun, gözəl, rəngarəng olsun!

01/05/2024

31/03/2024

31 Mart soyqırım qurbanlarının xatirəsini ehtiramla anırıq.Allah rəhmət eləsin.

09/03/2024

6 mart 2024- cü il.Ailə, Qadın və Uşaq Problemləri Dövlət komitəsinin 8 Mart Beynəlxalq Qadınlar bayramı münasibətilə Heydər Əliyev sarayında keçirdiyi bayram tədbirində.Yaşadığım rayonun,kəndin,rəhbərlik etdiyim ARZU Qadın İnkişaf qrupunun xanımlarını təmsil etmək çox qürurverici və məsuliyyətli idi.Etimada görə Ailə, Qadın və Uşaq Problemləri Dövlət komitəsinə, İsmayıllı RİH -nə təşəkkür edirəm.

20/01/2024

Müstəqilliyimiz uğrunda şəhid olan Vətən övladlarına Allah rəhmət eləsin.

10/11/2023

10/11/2023

Abone OL: http://bit.ly/2lSiR2CSayt: https://goo.gl/7XBKU4Facebook: https://goo.gl/n0HN1ETəkrar Yayım Qadağan Edilir!Copyright © WediaCorp Company

08/11/2023

Son 30 günde gönderilerimde 400 ifade aldım. Desteğin için teşekkürler. 🙏🤗🎉

31/10/2023

Ruhiyyə Əzizova AFAQ layihəsinə İsmayıllı rayonunun Sumağallı kəndindən qoşulub. Pendir, qatıq, nehrə yağının hazırlanması ilə məşğul olan fermer kənd təsərrüfatının digər sahələri olan arıçılıq, quşçuluq, bağçılıqla da məşğul olur

22/10/2023

ARZU Kənd Təsərrüfatı Məhsullarının İstehsalı və İstehlakı kooperativinin üzvlərinin alma bağlarında Qızıl Əhmədi almasının yığımı yekunlaşmışdır.Bağlardan bol və keyfiyyətli məhsul yığılmışdır.Qədim yerli alma sortlarından biri olan Qızıl Əhmədi alması İsmayıllı , Qəbələ və Oğuz rayonlarının bir neçə kəndində yetişir.Başqa torpaqda əkdikdə almanın sortu dəyişir.Bu alma tərkibində dəmir elementinin və fruktozanın həddindən artıq çox olması ilə fərqlənir.Qan azlığı xəstəliyi olanlara həkimlər bu almanı yeməyi tövsiyə edirlər.ARZU qrupunun xanımları Qızıl Əhmədi almasından dadlı riçallar,halvalar, meyvə quruları da hazırlayırlar.

15/10/2023

15 Oktyabr - Beynəlxalq Kənd Qadınları Günü münasibətilə bütün zəhmətkeş kənd qadınlarını təbrik edirik.İsmayıllı rayonu Sumağallı kəndində fəaliyyət göstərən ARZU Qadın İnkişaf Qrupunun yarandığı gündən 5 il 6 ayda keçdiyi yolu nəzərdən keçirəndə uğurlarımıza sevinir, gələcək üçün yeni planlar qurur, kənd qadınlarının sosial, iqtisadi vəziyyətini yaxşılaşdırmaq üçün perspektivlər axtarırıq.Fəaliyyət göstərdiyimiz müddətdə Azərbaycan Respublikası Kənd Təsərrüfatı nazirliyinin BMT - nin Ərzaq və Kənd Təsərrüfatı Təşkilatının ( FAO) tərəfdaşlığı ilə həyata keçirdiyi AFAQ,FAO- VEP,Sovqat layihələrində uğurla iştirak etdik.Hal- hazırda " Şəhərdən Kəndə" layihəsi ilə ARZU Qadın İnkişaf Qrupunun turizm imkanlarını artırmaq istiqamətində işlər görürük.
Qadın qrupu yaranandan bəri Özünə Məşğulluq Proqramının kriteriyalarına uyğun 4 xanım layihədə iştirak etmişdir.Onlardan 2 nəfər çörək və un məmulatları üzrə avadanlıqlar almış,iki nəfər isə layihə xətti ilə peşə kurslarına cəlb olunaraq xalçaçılıq ixtisasını qazanmış,Azərxalça ASC - nin İsmayıllı xalça fabrikində işə düzəlmişlər.2019- cu ildən bəri ARZU qrupu üzvlərinin təşəbbüsü ilə Sumağallı ,Qalacıq, İstisu kəndlərindən onlarla qadın İsmayıllı Peşə Təhsili litseyində xalçaçılıq sənəti üzrə kurslara cəlb olunmuş və xalça fabrikində işə düzəlmişlər.Dövlətimizin kənd qadınları üçün yaratdığı bu müəssisədə çalışan qadınlar ailə büdcələrinə nə qədər kömək edirlər.ARZU Qadın İnkişaf Qrupu Amerika Beynəlxalq İnkişaf Agentliyinin Özəl Sektorun İnkişafı layihəsində uğurla iştirak edib meyvə qurutma sexinin avadanlıqlarını qrant olaraq almış və meyvə qurutma sexi yaratmışdır.Qadın qrupu üzvlərinin bağlarından yığılan meyvələr burada keyfiyyətli,təmiz quru meyvəyə çevrilir.İştirak etdiyimiz dövlət,QHT layihələrinin hamısı kənd qadınlarının sosial - iqtisadi vəziyyətini xeyli yaxşılaşdırmış, onların təsərrüfatlarının inkişafına səbəb olmuşdur.Heyvandarlıq, quşçuluq, arıçılıq, bağçılıq təsərrüfatları ilə, milli şirniyyat bişirmək ilə məşğul olan xanımlarımızın artıq özlərinə məxsus kiçik biznesləri vardır.2022- ci ilin sonunda ARZU Qadın İnkişaf Qrupu üzvləri kənd təsərrüfatı məhsullarının istehsalı kooperativini yaratmışdır.Sıralarımız daha da genişlənmişdir.İnanırıq ki, özünəməxsus dəyərləri, işbirliyi olan insanları birləşdirən ARZU Kənd Təsərrüfatı Məhsullarının İstehsalı və İstehlakı kooperativi nümunəvi bir kollektiv kimi özünü təsdiqləyəcəkdir.

15/09/2023

Son 30 günde gönderilerimde 200 ifade aldım. Desteğin için teşekkürler. 🙏🤗🎉

05/09/2023

ARZU Kənd Təsərrüfatı Məhsullarının İstehsalı və İstehlakı kooperativinin USAİD layihəsi tərəfindən yaradılmış meyvə qurutma sexində yeni mövsümün meyvə quruları istehsalı artıq başlanmışdır.Kooperativ üzvlərinin bağlarında yetişdirilən meyvələrin bir hissəsi qurudularaq satışa çıxarılır.Təmiz, təbii məhsullarımızı sevənlər çoxdur.