Layihə Avropa İttiqfaqının maliyyə dəstəyi, BMT-nin Ərzaq və Kənd Təsərrüfatı Təşkilatının dəstəyi ilə həyata keçirilir. Zaqatala, Qax, Balakən rayonlarını əhatə edən layihənin əsas məqsədlərindən biri bu regionu ölkədə tanınan və kənd təsərrüfatı məhsullarının istehsalı üzrə dəyər zəncirlərinin yaradılmasına dəstək verən bir region olaraq tanıtmaqdır. Layihə müddətində 7 dəyər zənciri üzrə 23 ist
ehsal qrupu yaradılıb ki, onların hər birində kiçik istehsalçılar cəmləşib. Qrupların istehsal istiqamətləri dəyər zənciri üzrə seçilmiş məhsullar: bal, arıçılıq məhsulları, meyvə qurudulması, mürəbbə istehsalı, bəkməz, qoz-fındıq məshulları və qurudulmuş ət məhsullarıdır. Seçilmiş dəyər zənciri iştirakçılarına öz istehsal sahələrini genişləndirmək və eyni zamanda istehsal prosesini bazarın tələblərinə uyğun qurmalarını təçin etmək məqsədilə layihə tərəfindən zəruri avadanlıq və alətlərlə təchiz edilmişlər. Layihənin digər istiqamətlərindən biri də bölgənin turizm potensialını öyrənmək və bu bölgədə aqro turizmə dəstək olmaqdır ki, Qax, Zaqatala və Balakən rayonlarının hər birində aqro turizm mərkəzi müəyyən edilib, təsərrüfat rəhbərləri və işçilər kənd turizmi, satış, qonaqlama xidməti mövzusunda təlimlərə cəlb olunub.
