Quel est le site Web ?

https://www.facebook.com/225734703948111/

United kingdom and Australian Tourist visas for Algerians, Algiers (2024)

07/02/2024

سلام اصدقائي ، بعد ما كملنا أجزاء تاع بريطانيا United kingdom 🇬🇧 في السياحة ☑️
ماهو البلد لي راكم حابين نبداو فيه من هذو 3 بلدان ؟

1 _ كندا Canada 🇨🇦 💎
2 _ أستراليا Australia 🇦🇺 💎
3 _ أمريكا USA 🇺🇸💎

نحتاجو أجوبتكم ✈️

30/01/2024

ألف مبروك🎉 تأشيرة إسبانيا 🇪🇸

ملئ الإستمارة /حجز فندق مؤكد / حجز تذكرة الطائرة / طلب الملف و الإرشادات و التوجيه.

شكرا لك على الثقة ✅

Make it easy ☑️

29/01/2024

سلام عليكم

: المدخرات

🔹 - في الإستمارة كاين سؤال يقولو فيه شحال عندك المدخرات ؟ و إذا ذكرتهم لازم يكون عندك دليل على ذلك

1️⃣ - و هنا انت تقدر تختار طريقة الكتابة بالعملة الجنيه استرليني GBP💷 فقط .

2️⃣ - و هنا بزاااف ناس تغلط و يقولك مانديرش savings و كاين لي يدير يعني كل واحد و كيفاش يقول المهم مقصود تاع المدخرات savings :

🔹- عموماً الأجانب عندهم حساب خاص للتوفير كي شغل يخبو فيه أموالهم 💷
على سبيل المثال : شخص أجنبي تدخل له الشهرية تلقائيا ينفق منها شويا و يخبي منها شويا أو يحولها للحساب الآخر للتوفير , لذلك يطلبولهم دليل على المدخرات لي يخبي فيهم في حسابه الآخر للتوفير ..
و هنا يجب ان يكون دليل على الأموال الموجودة في حسابه للتوفير و هي :

1️⃣ - تحويل من حسابه البنكي لي تدخل فيه الشهرية الى حسابه للتوفير أو وثيقة بيع ممتلكات و يحطوهم في حسابه للتوفير أو سحب نقداً و يحطها في حسابه في نفس التاريخ .

لكن الجزائرين عامة ماعندهمش هكذا ، مثال عندهم حساب يخلصو فيه و هو يخبو فيه أو تلقى عندو حساب يخلص منو الشهرية و الباقي يخرجها كاش و يديها للحساب الآخر ليس في نفس التاريخ ، و هنا توقع الكارثة ..

: تقدر تكتبلهم المدخرات هكذا ⬇️

1️⃣ - يجب معرفة مجموع أموالك في حسابك البنكي لي تخلص منو الشهرية تاعك ، بعدها تقوم بعملية حسابية هي :

مجموع أموالك في حسابك البنكي × السعر الرسمي الموجود في موقع Oanda = ( المجموع ) الذي يكون بالعملة الجنيه الإسترليني 💷

و هذاك ( المجموع ) هو المبلغ لي يتحط في الإستمارة في خانة المدخرات ( savings ) و أيضا مع ذكر ذلك في الإستمارة في خانة الشرح او في رسالة توضيحية + تاريخ تحويل العملة ✅
لماذا من الافضل ذكر تاريخ تحويل العملة ؟؟
( لأن السعر يطلع و يهبط و كي تذكرلو يتفهم الأمر مليح )

2️⃣ - اذا كان لديك مبلغ آخر في حساب التوفير يجب تبريره كما قلنا سواء تحويل من حسابك البنكي لي يخلصوك منو الشهرية تاعك الى حساب التوفير ، أو تخرجهم نقداً ( cash / espèces ) من حسابك و تحولهم نقداً للحساب التوفير بشرط نفس التاريخ .
3️⃣ - و في حالة شخص ما ، مدلك الأموال يجب تحويل الأموال من حسابه الى حسابك .

4️⃣ - في حالة تم ادخال المبلغ كبير او صغير بدون العمليات السابقة .
هنا يجب تبرير الأموال في حسابك التوفير سواء بعقد بيع أحد هذه الممتلكات مثل : عقد بيع منزل أو سيارة أو قطعة أرض ..الخ

________________💎إنتهينا 💎__________________

🔹 أتهلاو في الصفحة بلا ماتنساو 💎

27/01/2024

🇬🇧

#الموضوع⬅️: ماهو رصيد الإفتتاحي في كشف حساب البنكي .

: الرصيد الإفتتاحي 💵

🔹 - كاين بزاف أشخاص يتحصلو على عدة أسباب رفض و هذا أحد من أسباب الرفض هو الرصيد الإفتتاحي💵 ، واش معنى هذا الرصيد الإفتتاحي🤔 ؟؟
⬅️ هو مبلغ لي يكون قبل كشف الحساب البنكي الخاص بك ، يعني المجموع قبل بدأ كشف الحساب البنكي
و كي لعادة نمدو مثال :

🔹 - على سبيل المثال :
1️⃣ - انت موظف لديك عمل منذ سنتين يعني 24 شهر عمل و شهريتك قدرها 7 ملاين في شهر ، نفقاتك الشهرية هي
2 ملاين في شهر .
- يعني هنا لديك مبلغ 5 ملاين صافية بعد نفقاتك الشهرية ✅ Ok

2️⃣ - انت هنا ذهبت الى البنك🚶و طلبت كشف حساب البنكي لمدة 6 أشهر 📄 و رأيت عند بداية كشف الحساب الخاص بك بأن الرصيد الإفتتاحي بمبلغ : 90 مليون
هل الرصيد الإفتتاحي الخاص بك صحيح و مايحاسبوكش عليه ؟؟

3️⃣ - نعم صحيح 100%✅
كيف ذلك ؟؟
⬅️ لأن لو نديرو عملية حسابية رايحين نتحصلو على نفس المبلغ 90 مليون و العملية هي :
نحسبو عدد السنوات في عملك و مدينا مثال⬆️ أن لديك سنتين من العمل ، و سنتين لديها 24 شهر الآن نقصو 6 أشهر الأخيرة لي موجودة في كشف الحساب البنكي تاعك
و هنا بقاتلك 18 شهر المخفية من كشف حساب الخاص بك ( يعني لي قبل رولفي تاعك )
و هنا تبدأ العملية الصحيحة :

4️⃣ - 5 ملاين صافية × 18 شهر المخفية = 90 مليون
يعني أعوان الهجرة كي يلقاو هذا المبلغ يعرفو بالي مصدره من شهريتك فقط ، و هذا منطقي ✅
- و أيضا اذا لقاو مبلغ تحت الرصيد الإفتتاحي مثال 80/70/60 مليون أيضا عادي جدا لأن علابالهم بالي راك تنفق على روحك في أشياء اخرى..
( كي شغل هما ما يحاسبوكش على النفقات لي نفقتها بزاف قبل كشف حسابك )
5️⃣ - لكن لو يلقاو مبلغ اكثر من 90 مليون هنا توقع الكارثة❌ و يقولك لديك مبلغ اكثر من مدخولك الشهري الصافي و معندكش دليل على ذلك 🚫 و يقولك منين جبتهم ؟؟

- لذلك اذا معندكش دليل أن لديك عمل آخر أو وثيقة كدليل أنك قمت ببيع ممتلكات مثل سيارة أو منزل أو قطعة أرض ..
هنا يفهم بالي أنت عمرت حسابك البنكي عمدًا باش تبينلهم بالي حسابك البنكي زعما فيه دراهم بزاف
و بعد ذلك يقرر و يأتيك برفض مباشرة ⚠️🚫

7️⃣ - الأفضل ديما نكررها و نعاودها لي عندو حساب منظم مدة عام او عامين او 3 سنوات ديرو و ماتخافش حتى و يكون منظم بطريقة غير مباشرة ( ذرك نشرحلكم في الأسفل عليها ) و هكذا تعزز ملفك مليح و تبينلهم بالي أموالك كامل مصدرها من شهريتك فقط ✅
( و اذا وضعت في حسابك مبلغ كبير يجب دليل عليه كما ذكرت .)

8️⃣ - كيفاش معنى تنظيم بطريقة غير مباشرة :

راني تكلمت عليها في المنشورات السابقة و لكن نعاودلكم
الطريقة غير مباشرة هي : تنفق اموالك بطريقة عشوائية لأن منطقيا نفقاتك تختلف من شهر الى آخر .
- و تجمع نفقاتك الشهرية على حسب عدد الأشهر الموجودة في كشف الحساب الخاص بك و تقوم بعملية القسمة ، للمزيد ابحث في المنشورات السابقة.

👈 كي لعادة إعتنوا بصفحتكم 👉

💎 أراكم لاحقاً ان شاء اللّه 💎

_____________________________________________

26/01/2024

سلام عليكم 👋

#الموضوع: حساب اليورو € في تأشيرة سياحية بريطانيا🇬🇧

:

🔹 _ أصدقائي كيما علابالكم بزااف بلدان يطلبو في ملف التأشيرة attestation de solde او relevé de compte للحساب الأورو تاعك
و كاين بلدان ماتطلبهمش بصح الأكثرية تاع الناس دير حساب الأورو تاعها في الملف و منهم هذه البلدان مثال : فرنسا 🇨🇵 ،إسبانيا 🇪🇦 إيطاليا 🇮🇹 ،كندا 🇨🇦 ،ألمانيا 🇩🇪 ....الخ

لكن بريطانيا تختلف عنهم تماماً و الحساب اليورو في تأشيرة بريطانيا غير محسوب لن يعتمد عليه ( يعني كي تقدم حسابك في ملفك ليس لديه أي معنى و إحتمال كبير 99% يمدولك رفض مباشرة من أجله ) و الأسباب هي :

ماعندناش مكاتب الصرف لي تبيعلنا الأورو بكمية كبيرة بطريقة قانونية باش تسمحلنا نحولو الدينار الجزائري الى الأورو € ، و راكم علابالكم جزائريين منين يشرو الأورو و أكثريتهم من سوق السو.داء .

🔹 - و أسباب الرفض لي يقولولك عليها هي :

1️⃣ - حسابك اليورو ليس لديه مصدر الأموال
- أو حسابك اليورو لديه مصادر مجهولة .
( بالمعنى انت راك شريتهم و حطيتهم و هما معرفوش منين جبتهم )

🔹- شروط إستخدام الحساب الأورو لديك 2 إختيارات فقط✅ :

1️⃣ _✅ لازم تكون عندك شهرية بالأورو .
( هكذا عندك مصدرهم بلفيش دوباي وو الخ )

2️⃣ _✅ شخص لديه شهرية بالأورو و يديرلك تحويل من حسابه البنكي الى حسابك.
( نفس الشئ الانسان لي يديرلك تحويل من حساب الأورو تاعو الى حسابك أيضا لازم تكون شهريته او مدخوله بالأورو و بالأدلة ) .
🔹- إنتهى موضوع حساب الأورو و اذا ماتوفرتش فيك الشروط لي ذكرتهم ، ماديروش نِهائيًّا .

: الخانة المذكورة في الإستمارة و ماذا يعني ذلك .
Savings ( المدخرات )

🔷دعموا صفحتكم كي لعادة 💎

18/01/2024

سلام عليكم 👋

:

#الموضوع : كيفية حساب مصاريفك الشهرية و مصاريف نفقاتك في الرحلة .
: طريقة حساب نفقاتك في رحلتك

دعنا نبدأ يا اصدقائي ⬇️⬇️

🔹 - كيما علابالنا كاين عمليات حسابية للمصاريف و النفقات الشهرية في الجزائر و ايضا مصاريفك في رحلتك الى بريطانيا .

و ديما نمدلكم مثال بشخص ، و الآن نمدو مثال على موظف و طريقة العملية الحسابية الصحيحة :

1️⃣ - هذا الموظف خدام عادي لديه شهرية قدرها ( 7 ملاين ) في شهر .
2️⃣ - لديه مصاريف الشهرية قدرها 2 ملاين في شهر .

و هنا بعد نفقاته الشهرية قعدتلو 5 ملاين صافية ✅

3️⃣ -مثال حاب ينفق على رحلته 700 £ جنيه استرليني لمدة 7 ايام

4️⃣ - دعنا نبدأ العملية الحسابية :

نذهب الى الموقع الرسمي Oanda لي يحسبو بيه

700 £ × 169.386DZ = 118,570 DZ .

5️⃣ - يعني مبلغ منطقي و معقول بالنسبة للدخل الصافي الخاص به و هذا يساوي أكثر من 2 أضعاف و شويا ✅💯
هنا كملنا عملية الحسابية الصحيحة .

🔷 -🚫 و الخطأ يبدأ من أكثر 3 أضعاف الى 3.5 اضعاف و نصف من مدخولك الشهري الصافي ، على سبيل المثال :

1️⃣ - مثال هذا الموظف حاب ينفق على رحلته 1500 £ في أسبوع.

2️⃣ - نبدأ العملية الحسابية:

1500 £ × 169.386 DZ = 254079 DZ

و هذا المبلغ ليس منطقي و ليس معقول و هذا المبلغ لي راك ناوي تنفقه في رحلتك يساوي أكثر من 5 أضعاف و شويا من مدخولك الصافي 🚫

3️⃣ - و هنا يمدولك رفض و يقولك ( كي شغل انت 5 اشهر و انت تجمع في الأموال باش تروح تصرفهم في أسبوع ليس منطقي 🚫

أحبس هنا 😎

دير متابعة للصفحة و اعجاب للمنشور و خلينا نكملو ⬇️

: كيفية حساب مصاريفك الشهرية في الجزائر

1️⃣ - هنا لازم يكون المبلغ المذكور في الإستمارة منطبق مع حسابك الشخصي .
على سبيل المثال : قلتلهم ننفق 2 ملاين في شهر ، هنا لازم يلقاو 2 ملاين في شهر .

2️⃣ - النفقات الشهرية في حسابك ليس شرط أنك كل شهر تكون خرجت مبلغ 2 ملاين بضبط ، و حنا علابالنا بالي مصاريفك الشهرية تختلف من شهر الى آخر و كل شهر و مصروفه الخاص ،
و لكن هنا تحسب على مدة كشف حساب الخاص بك و تقوم بعملية الحسابية التقسيم و تلقى النتيجة لي هي مصروفك الشهري✅

3️⃣ - مثال : في كشف الحساب لمدة 6 أشهر لقيت مجموع المصاريف 12 مليون
12 millions ÷ 6 months = 2 millions
12 مليون ÷ 6 اشهر = 2 ملاين .

___________________________________________

كملنا من الجزء الثالث و مزال بزاف أجزاء راح تعجبكم ان شاء الله
يا اصدقائي دعمولنا الصفحة باش نزيدو اذا قعدت كيما هاك ما درنا والو .

Like and follow ✅

اللهّم لاتجعلنا من البخلاء الذين لايتمنون خيراً لغيرهم🤲

17/01/2024

سلام عليكم 👋

الموضوع : تأشيرة سياحية للتجار و الأعمال الحرة ⬇️

: كيفية تقديم ملف تاجر و الأعمال الحرة للسياحة في بريطانيا .

موضوع طويل شويا خاص بالتجار فقط.

🔷 كما نعلم أن التجار لديهم الرفض كثيرا في تأشيرة سياحية مقارنة بالموظف ، مع العلم أن التجار لديهم مداخيل من الأموال كبيرة في حسباتهم البنكية مع ذلك نسبة الرفض دائما مرتفعة .

( كي شغل لوكان نقعدو و نخمو بيناتنا 🤔 نقولو كيفاش التجار عندهم دراهم بزاف و كان من المفروض هما لي يمدولهم التأشيرة باش يصرفو كثير من الأموال )

🔷 و أسباب رفض التجار هي عدم تقديم الوثائق الكاملة بالتدقيق ، لذلك سأذكر الملف المطلوب مع أوراق إضافية و كل وثيقة و دورها مع الشرح و هذه هي الوثائق التالية :

1️⃣ - السجل التجاري .

2️⃣ - وثيقة المدخول السنوي C20 + التصريح النهائي.

3️⃣ - شهادة الضمان الإجتماعي للتجار CASNOS .

4️⃣ - شهادة الضرائب Extrait de Rôle.

( باش يعرفو بالي معندكش الديون )

5️⃣ - كشف حساب التجاري لمدة 6 أشهر او مدة عام او أكثر .

1 - و دور هذا الحساب التجاري و أمواله متعلقة فقط بالعمل تاعك .
2 - لازم يكون منطبق مع المدخول السنوي.

⬅️ على سبيل مثال : أعلنت المدخول السنوي رقم الاعمال 200 مليون في السنة 2023 لازم في الحساب التجاري يكون منطبق مع واش أعلنت عند الضرائب ، ماشي لازم يكون متساوي ولكن يكون قريب من الرقم لي أعلنتو او يكون نفس الرقم .
( كاين لي يقول منقدرش نعرف ؟؟ )

3 - كاين وثيقة إسمها التصريح النهائي و تلك الوثيقة لي تعلن فيها شحال زدت على المبلغ المعتبر لي أعلنت عنه في وثيقة المدخول السنوي c20 و هذه الوثيقة التصريح النهائي تعمرها من 1 جانفي الى 20 جانفي و تذكر شحال زاد المبلغ تاعك .

4 - اذا كان المبلغ في الحساب التجاري أكثر من واش أعلنت في الضرائب ( هنا يمدولك رفض مباشرة و يحاسبوك كي ما أعلنتش المبلغ بضبط في ضرائب تاع الجزائر )

5 - و اذا كان المبلغ أقل من مدخولك السنوي ( يمدولك رفض و يقولوك انت راك تعلن في مبلغ لي مكاش أصلا في حسابك التجاري) .

6️⃣ - كشف حساب الشخصي لمدة 6 أشهر .

1 - التاجر لازملك حساب شخصي لأن الاموال لي في الحساب التجاري متعلقة فقط بالعمل تاعك كيما شرحتلك الفوق⬆️ ، و الحساب الشخصي هذه اموالك الشخصية الحرة لي تخصك انت فقط و تخص مصاريفك الخاصة .

2 - و الأموال لي في حسابك الشخصي لازم يكون مصدرها من الحساب التجاري .

3 - انت لي تخصص مصدر للشهريتك في حسابك الشخصي و تحول شهريتك من حساب تجاري الى حسابك الشخصي ، و هكذا اصبحت مثل الموظف.

4 - مصاريفك الشهرية تصرفها من حسابك الشخصي فقط.

7️⃣ - الفواتير :

اذا دخل مبلغ كبير في حسابك التجاري يجب ان تبرره بالفاتورة باش يعرفو مصدر تلك الاموال ، لكن كيف نعرفو اذا المبلغ كبير أو لا ؟؟ ⬇️

على سبيل المثال 200 مليون في السنة يعني حوالي 16 و نص في شهر .

1 - انت تاجر و أكيد متقدرش تعرف شحال يوصلك المبلغ الكبير ، لكن حنا نقارنو بي 16 مليون و نص هذيك.

في حالة ما كان يدخل المبلغ حوالي 10 ملاين او 15 مليون او حتى 20 مليون هنا متحتاجش فاتورة لانك راك قريب على الرقم 16 مليون لي راك تقارن بيه .

2 - لكن اذا دخلت مبالغ مثال 30/40/50 مليون هنا لازملك فاتورة لانك راك بعيد بزاف على المبلغ 16 مليون لي راك تقارن بيه .

3 - مثال آخر كاين لي عندو رقم الأعمال تاعو مليار يعني حوالي 83 مليون في شهر .

هذا التاجر كي يدخل مبلغ 50/60 مليون في حسابه تجاري ماشي لازم عليه يقدم فاتورة لأن المبلغ راه صغير مقارنة بي المبلغ الشهري المعتبر 83 مليون لي رانا نقارنو بيه.

8️⃣ - رسالة توضيحية على كل شئ ماشي واضح في ملفك.

🔹هنا ينتهي ملف التاجر ✅
_____________________________________________

: الأعمال الحرة و الحرفيين .

1️⃣ - ملفك مثل ملف التاجر لكن حساب تجاري مافيهمش
يعني عندك حسابك الشخصي فقط .

2️⃣ - المدخول السنوي يكون منقارن مع حسابك الشخصي
و اطلب من ضرائب المدخول السنوي C 20 و يكون فيها غير رقم الاعمال فقط .
و ايضا تكون منطبقة مع حسابك الشخصي .

🔹هنا ننتهي من موضوع التاجر و الأعمال الحرة ✅

ديرو متابعة و إعجاب للصفحتكم للتشجيع و لمزيد من المعلومات إن شاء اللّه 🔹

15/01/2024

سلام عليكم 👋

✅

- يجب عليك القراءة قبل الإرسال للصفحة حتى النهاية⬇️

1️⃣ - يجب إرسال رسالة للصفحة للإستشارة .

2️⃣ - سيتم الرد على رسالتك و تعرف على ملفك اذا كان مؤهل أو لا .

3️⃣ - إذا كان ملفك غير مؤهل سوف يتم توجيهك و اصلاح أخطائك.

4️⃣ - اذا كان ملفك مؤهل 💯 نبدأ المعالجة .

5️⃣ - نشرحلك كامل على الملف تاعك واش درتلك بالتفاصيل+ نبقاو على تواصل حتى يرجعولك إن شاء اللّه

1️⃣ - يجب أن يكون ملفك 100% قانوني ✅

2️⃣ - كي نطلب عليك أوراق إضافية ماتقوليش مانديروهاش ولا بزاف عليا ( خويا من الاول مراكش قادر تدفع ماتدفعش )
انا مندفعلكش نص ملف .

3️⃣ - اذا كان لديك ملف غير قانوني أو تريد الإستفسار على ملف غير قانوني ، سوف يتم حظرك مباشرة من الصفحة ⛔.

4️⃣ - اذا حاولت خداعنا و تريد إرسال وثيقة غير قانونية مع الملف ، سوف يتم الإبلاغ عنك مباشرة الى مركز التأشيرات و بالأدلة .
5️⃣ - يجب عليك إحترام هذه الشروط بمحمل الجد.

__________

🔷 أسعار معالجة الملف :
ناس بزاف تحب تعرف الأسعار قبل كل شئ و
الأسعار تختلف من طالب الى موظف الى التاجر ..الخ

تبدأ من 8000 دج حتى 15000 دج

المهم خدمتنا احكم بنفسك و شعارنا الثقة و المصداقية ✅

بالتوفيق للجميع.

14/01/2024

سلام عليكم 👋

الموضوع : تأشيرة سياحية للموظفين
: كيفية تقديم ملف موظف للسياحة في بريطانيا 🇬🇧

- الموظف يختلف على حسب مكان العمل الخاص به و ينقسم الى إثنان و منهم عند القطاع العمومي أو القطاع الخاص و الآن نذكرلكم الملف تدريجيًا ⬇️

🔷 الوثائق المتعلقة بالعمل :

1️⃣ شهادة العمل أو عقد العمل .

2️⃣ شهادة الإنتساب للضمان الإجتماعي ( cnas )
- Affiliation de cnas .

3️⃣ شهادة كشف الحساب البنكي أو البريدي ccp
لمدة 6 اشهر ( يعني لاباي تاعك إذا تدخل في البنك خَرج رولفي تاع البنك و اذا تدخل في ccp خرج رولفي تاع ccp )

4️⃣ 6 قسائم الدفع الراتب
- 6 fiche de paie .

5️⃣ شهادة العطلة السنوية .
Titre de congé.
( من الأحسن دير فيها 10 أيام ) .

🔷 الوثائق المطلوبة للسفر :

1️⃣ - الحجز فندقي. Reservation hotel

( من الأحسن 7 أيام / 8 أيام و سعر يكون منطبق مع مصاريفك في رحلة مثال اذا رحلة كانت 8 ايام الحجز يكون بين 150/ 250 £ , و يبقى تحديد السعر على حسب مدخولك الشهري الصافي و على حسب المبلغ المحدد لمصاريفك في الرحلة ).

2️⃣ - مخطط الرحلة Travel plan

( مخطط رحلة يلعب دور كبير في الملف و هو لي رايح يحددلهم مدى أهميتك لزيارة بريطانيا و أيضا يحددلهم إذا مصاريفك كافية باش تزور الأماكن لي ذكرتهم أو لا ).
كي لعادة النصيحة تاعي أنكم تجتنبوا المعالم السياحية الذي لديهم تذاكر الدخول بالأموال ) .

🔷 الوثائق الشخصية ليست مطلوبة و لكنها تعزز ملفك :

1️⃣ - شهادة الحالة العائلية Fiche famille

( اذا كنت متزوج قَدم الحالة العائلية تاعك / اذا كنت عازب قَدم الحالة العائلة للوالدين ) ( باش تثبت انك إبنهم )

2️⃣ - شهادة الإقامة للوالدين للأب و الأم.

( باش يعرفو بالي والديك عايشين في الجزائر ، و هكذا عندك إرتباط بالعائلة.

3️⃣ - شهادة العزوبية
( اذا كنت عازب تقدر تقدم شهادة العزوبية أو تقدم شهادة الميلاد )

4️⃣ - عقد الزواج
( اذا كنت متزوج من الأحسن دير عقد الزواج ، باش تثبت انك متزوج زوجتك لي ذكرتها في الإستمارة ) .

5️⃣ شهادة الإقامة للزوجة
( باش تثبت أن زوجتك تعيش معك في الجزائر ).

ملاحظة : يمكن تعديل المنشور في حال تذكرت أشياء أخرى✅

و متنساوش دعموا صفحتكم ، لي رايحين تلقاو فيها غير الصح و بدون أوهام ✅

الموضوع : تأشيرة سياحية للتجار
: كيفية تقديم ملف تاجر و الأعمال الحرة للسياحة في بريطانيا
يتبع ...

12/01/2024

الموضوع : زيارة الأقرباء في بريطانيا

🔷 : الوثائق المطلوبة للشخص المقيم في الجزائر .
سلام عليكم 👋

- بعد ما كتبت الوثائق المطلوبة للشخص المقيم في بريطانيا ، الآن نكتب الوثائق المطلوبة للشخص المقيم في الجزائر.
الوثائق كل شخص و الملف الخاص به : طالب / موظف / تاجر / أعمال حرة / متقاعد / بدون عمل .

في حالة ان الشخص المقيم في بريطانيا سوف يتم استدعائك في منزله فقط .

:
1️⃣ شهادة مدرسية من الجامعة سنة 2025/2024
دعنا نركز في هذه الوثيقة و لي بزاف الطلاب وقعت فيها و مدولهم رفض عليها بزاف ❌
نشرحلكم سبب الرفض على هذه الوثيقة ، كيما نعرفو الجامعات معظمهم يمدلك وثيقة في عام 2023/2024 معنتها اذا دفعت الملف تاعك في 2024
احتمال كبير يمدلك رفض و يقولولك بالي الدراسة تاعك تنتهي في 2024 و بعد ذلك ليس لديك رابط بدراسة تاعك لي تخليك ترجع على جالها !
هنا انت تستغرب و تقول علاش مامدوليش طلما عندي دراسة نوالي ليها ؟؟؟
و كاين في بعض الحالات مايحسبوهمش على هذه نقطة و لكن لتفادي الرفض

الحل الأول لهذه المشكلة✅:

اذا كنت رايح تدفع ملفك في 2024 ، من الأحسن أن تبرر بوثيقة انك مازلت تدرس في الجامعة و عندك تسجيلات بعد العطلة الصيفية أو رسالة من الإدارة على أساس انك طالب مستمر في دراستك حتى لعام 2025 او 2026 .

الحل الثاني ✅:
مثال ؛
تدفع ملفك قبل نهاية العام 2023 باش تتحصل على شهادة 2023/2024 .

2️⃣ بطاقة الطالب
3️⃣ كشف حساب البريدي أو البنكي لمدة 3 اشهر
▪️و من الأفضل المنحة الجامعية كي تدخل خرجها ( يعني باش كي يسقسوك على مصاريفك الشخصية في شهر تذكرهالهم ويكون المبلغ منطبق مع الاستمارة .
▪️ في حالة كان الأب يرسلك أموال في حسابك ايضا تذكر مصروفك الشهري لي تخرجو من حسابك .
▪️في حالة لم تتوفر هذه الشروط ( أكتب رسالة توضيحية أن الأب يمدلك الأموال نقدًا / cash ، و عاود أذكر المبلغ في رسالة التوضيحية .

و لإستكمال ملفك و يجب إرفاق الوثائق التالية :

4️⃣ شهادة الحالة العائلية الخاصة بك في الجزائر ( يعني اذا كان الأخ تاعك مقيم في بريطانيا هذه الوثيقة لي تثبت انه الأخ تاعك ) + شهادة الحالة العائلية الخاصة بك اذا كنت متزوج(ة) .
5️⃣شهادة الإقامة للوالدين ( لإثبات أسرتك مقيمة في الجزائر)
6️⃣ شهادة الميلاد أو شهادة العزوبية ( لإثبات أنك عازب ) و إذا كنت متزوج ( الحالة العائلية لأسرتك و عقد الزواج و إقامة زوجتك).

✅مديتلكم الوثائق تاع #الطالب في حالة إذا كان الكفيل المقيم في بريطانيا هو من يتكفل برحلتك ،
🔷 و إذا كان الكفيل يستدعيك لمنزله فقط .

هنا تقوم بجميع الإجراءات مثل ماطبقت مع الشخص القريب في بريطانيا ، فقط دير الأب تاعك أو الأم هو الكفيل الخاص برحلتك ( بشرط دير تحويلات المبلغ من حساب الأب الى حسابك او شهادة تثبت انه دفعلك الأموال في حسابك )+ ( رسالة خاصة من الأب على أساس مدلك الأموال كهدية لزيارة الأقارب في بريطانيا ).

هنا نكمل الموضوع تاع اليوم و المرة القادمة نتحدث على ملف الموظف سياحة فقط .

الموضوع : تأشيرة سياحية للموظفين
: كيفية تقديم ملف موظف للسياحة في بريطانيا.

يتبع....

11/01/2024

الموضوع : زيارة الأقرباء في بريطانيا

🔷 : الوثائق المطلوبة للشخص المقيم في بريطانيا .

سلام عليكم 👋

- زيارة العائلة في بريطانيا تختلف من شخص إلى آخر و على حسب الشخص المقيم في بريطانيا و على حسب الشخص المقيم في الجزائر و يجب على كل شخص يقدم الوثائق الكاملة و الآن سنبدأ بالوثائق الكفيل الذي يعيش في بريطانيا:
1️⃣ الشخص الذي مقيم في بريطانيا سواء كانت الأخت او الأخ او الإبن أو الإبنة او الجدّ او الجدّة او الخال او الخالة او العم او العمة ، لديه خيارات كثيرة و منهم :

✅الخيار الأول هو ان يتكفل بمكان الإقامة فقط ؛
و هنا يرسلك إستظافة في منزله فقط و مصاريف الرحلة تكون على عاتقك.

( كي شغل تروح عندو تبات فقط بصح انت(ي) تصرف على روحك )

و الملف متكون من :
_ الصفحة الأولى من جواز سفره ➕ الإقامة الدائمة أو المؤقتة ➕عقد الملكية المنزل أو عقد الإيجار للمنزل ➕ رسالة الدعوة يكتب فيها:
[ إسمه و لقبه و عنوان منزله و يكتب قرابته لك و يكتب انه يريد إستقبالك في منزله من تاريخ .. / ../ 2024
الى غاية تاريخ .. / .. / 2024
و ايضا يكتب ارقام الهاتف و الإيميل الخاص به.]

✅الخيار الثاني ؛ أن يتكفل بجميع المصاريف في رحلتك منهم الأكل و الشرب و الإقامة و النقل ].

( كي شغل انت(ي) مادير والو رايح تاكل و تشرب و تحوس و تبات و توالي) .

و الملف متكون من : الصفحة الأولى من جواز سفره ➕ الإقامة الدائمة أو المؤقتة ➕ عقد العمل ➕ شهادة العمل ➕ كشف حساب البنكي لمدة 3 أشهر ➕ 3 شهادات دفع الراتب ➕ الملكية المنزل أو عقد الإيجار للمنزل ➕ رسالة دعوة مكتوب فيها :

[ إسمه و لقبه و عنوان منزله و يكتب قرابته لك و يكتب انه يريد إستقبالك في منزله
-من تاريخ .. / ../ 2024
- الى تاريخ .. / .. /2024
و ايضا يكتب انه سوف يقوم بجميع التكاليف و النفقات الرحلة على عاتقه و ايضا يكتب المبلغ الذي يريد أن ينفقه على حسب المدة لي راك ناوي تقيم فيها و على الأماكن لي راكم ناويين تزوروهم .

: الوثائق المطلوبة للشخص المقيم في الجزائر .
يتبع .....

11/01/2024

سلام عليكم و رحمته اللّه تعالى و بركاته .
الموضوع : التأشيرة سياحية إلى المملكة المتحدة البريطانية.

التأشيرة السياحية البريطانية لديها الكثير من القواعد و نظام الذي يختلف على كل بلد ، لذلك منقدرش نكتبهم في منشور واحد ، لذلك قررت نخصص أجزاء و كل جزء يتحدث على تفاصيل و سوف تكون عناوين الأجزاء كالتالي :
🔹الجزء رقم 1 : الكفيل سواء كان شخص من بريطانيا او من الجزائر سواء كان للطالب او للشخص العادي .
🔹الجزء رقم 2 : طريقة تقديم ملف تاشيرة سياحية للموظف.
🔹الجزء رقم 3 : طريقة تقديم ملف التاجر و المستثمرين و الحرفيين و الأطباء و المحامين و الأشخاص الذي لديهم أعمال الحرة اخرى.
🔹الجزء رقم 4 : أسباب الرفض .

و كل جزء سوف أدقق و أشرح بالتفاصيل الخاصة به :

1️⃣ طريقة حساب مصاريفك الشهرية في حسابك البنكي .
2️⃣ أهمية المدخول الشهري و طريقة إثبات أموالك سواء تحويل أو espèces / cash.
3️⃣ تحديد مدة كشف الحساب البنكي على حسب الرصيد الإفتتاحي الخاص بك ( Opening balance ) + الرصيد المغلق ( closing balance) .
4️⃣طريقة حساب مصاريف رحلتك و ذكر أهم الأماكن السياحية.
5️⃣ الرسالة التوضحية و ما دورها في الملف الخاص بك.
6️⃣ تجديد التأشيرة السياحية و طريقة كتابة المشروع السياحي القادم في المملكة .

❌ لا نتعامل مع الأشخاص الذي يملكون ملفات غير قانونية و سوف يتم حظره مباشرة ❌
اتعامل فقط مع الأشخاص الذي يملكون ملفاتهم قانونية 100% ✅

ان شاء اللّه ربي يوفق الجميع لما فيه الخير والصلاح.

United kingdom and Australian Tourist visas for Algerians

07/02/2024

30/01/2024

29/01/2024

27/01/2024

26/01/2024

18/01/2024

17/01/2024

15/01/2024

14/01/2024

12/01/2024

11/01/2024

11/01/2024

Adresse

Site Web

Notifications

Raccourcis

Partager

Type