Quel est le site Web ?

https://www.facebook.com/100557323123112/

Evasion DZ, Sidi-aich Bejaia, Sidi Aïch (2025)

Name: Evasion DZ
Address: Sidi-aich Bejaia, Sidi Aïch, DZ
Telephone: +213549788219
Rating: 0

09/03/2024

🔴 السلام عليكم إخوتي، دائما مع Evasion DZ في هذا المنشور راح نحكيي على تغير الأوضاع هنا في كندا🇨🇦، كيما علابالكم بعد القوانين الجديدة التي أصدرتها كندا أصبح الدراسة في المعهد صعب قليلا خاصتا في تغيير الوضعية.

🚨📢تنبيه: لي عندهم Permis d'étude وراهم في 🇨🇦 ومازالو مابداوش يقراو في كيبك :
الطلبة الأعزاء في 🇨🇦، بالأمس كان تغيير ال CAQ من جامعة إلى DEP صعب جدا جدا واليوم أصبح تجديد ال CAQ أيضا صعب بالنسبة للذين عندهم فترات انقطاع عن الدراسة. رأيت العديد من الطلبة يقراو منذ مدة وعندما يقومون بتجديد ال CAQ، وزارة الهجرة لكيبك تعطيهم intention de refus و تسألهم عن الفترات التي فيها انقطاع عن الدراسة‼️ ولهذا خوذو حذركم، وحاولو الالتحاق بمقاعد الدراسة في أقرب وقت، ولكان الكولاج قالكم ماكاش بلاصة وقام بتأجيل دخولكم، خذو من عندو إثبات بذلك (ورقة رسمية أو مراسلة رسمية عبر الإيميل...) وابحثو عن مكان في كولاج آخر... وديرو شهادة تأمين maladie et Hospitallisation pour étudiant من اول يوم خذيتو فيه ال pemris d'étude.

04/01/2024

شرح كامل ومفصل على كيفية التقديم للدراسة في كندا🇨🇦 لسنة 2024 للجزائريين 🇩🇿
السلام عليكم اخوتي نشاء تكونو لابأس، في الفيديو هذا راح تفهمو خطوات التقديم للدراسة في دولة كندا لهذه السنة، وراح نروح خطوة بخطوة لأستوفي الشرح بأهم التفاصيل.
شكرا على المشاهدة والدعم.

18/11/2023

🚨📢 الجامعات الكندية المفتوحة للتسجيل لموسم خريف 2024 للجزائريين 🇩🇿🇩🇿 :

🔵 بعد تغير التسجيلات في معضم الجامعات الكندية 🇨🇦 في هذا العام، منها من زادت في سعر التسجيلات و منها من أضافة إمتحان اللغة (tcf)، و منها من زادت في سعر الدراسة، إلا أن نسبة القبول تبقى معتبرة وتعتبر الأفضل للجزائريين، وإليكم الجامعات الأكثر قبولا للجزائريين :

🔴 جامعة ETS : سعر التسجيل : 135 Cad / أخر أجل للتسجيل : 20/02/2024.

🔴 جامعة ENAP : سعر التسجيل : 56.65 Cad / أخر أجل للتسجيل : 15/03/2024.

🔴 جامعة Moncton : سعر التسجيل : 200 Cad / أخر أجل للتسجيل : 10/02/2024.

🔴 جامعة UQO : سعر التسجيل : 120 Cad / أخر أجل للتسجيل : 01/03/2024.

🔴 جامعة Uqar : سعر التسجيل : 83.5 Cad / أخر أجل للتسجيل : 15/03/2024.

🔴 جامعة Uqam : سعر التسجيل : 83.5 Cad / أخر أجل للتسجيل 01/02/2024.

🔴 جامعة Uqat : سعر التسجيل 75 Cad / أخر أجل للتسجيل 11/08/2024.

🔴 جامعة Sherbrooke : سعر التسجيل : 98 Cad / أخر أجل للتسجيل 15/01/2024.

🔴 جامعة Saint Ann : سعر التسجيل : 295 Cad / أخر أجل للتسجيل 01/04/2024.

🔴 جامعة Uqam : سعر التسجيل: 109 Cad / أخر أجل للتسجيل 01/03/2024.

🔴 جامعة UdeM : سعر التسجيل : 77.25 Cad / أخر أجل للتسجيل 01/02/2024.

🔴 جامعة Laval: سعر التسجيل : 95 Cad / أخر أجل للتسجيل : 01/02/2024.

🔴 جامعة Uqtr : سعر التسجيل : 50 Cad / أخر أجل للتسجيل : 01/02/2024.

🔴 جامعة Saint bomiface : سعر التسجيل : 120 Cad / أخر أجل للتسجيل : 01/04/2024.

🔴 جامعة Polytechnique Montréal : سعر التسجيل 94.5 Cad / أخر أجل للتسجيل : 01/03/2024.

🔴 جامعة Ottawa : سعر التسجيل 110 Cad / أخر أجل للتسجيل : 01/04/2024.

🔴 جامعة Laurentien : سعر التسجيل 144 Cad / أخر أجل للتسجيل : 01/02/2024.

🔴 جامعة Bishop: سعر التسجيل 65 Cad / أخر أجل للتسجيل : 15/03/2024.

🔴 جامعة Concordia : سعر التسجيل 100 Cad / أخر أجل للتسجيل : 02/02/2024.

👈شكرا على الدعم🙏 و بالتوفيق للجميع🤲.

🖇لاستفسار أكثر يرجى التواصل معنا في صفحتنا على الفيسبوك 📲.

09/08/2023

🍁 شرح بالتفصيل كيفية الحصول على فيزا دراسة كندا 🍁

باه تروح لكندا عن طريق الدراسة يجب عليك دير فيزا دراسة (أو مايعرف ب Permis d'étude أو PE أو Visa d'étude). باه دير فيزا دراسة لازمك تمر بالخطوات الثلاثة:

1️⃣🍁1️⃣🍁1️⃣🍁🍁1️⃣🍁1️⃣🍁1️⃣🍁1️⃣🍁1️⃣
1️⃣خطوة 1️⃣: تسجل في برنامج دراسي حسب مستواك في مؤسسة تربوية (جامعة أو Collège أو معهد) : يعني لازمك تختار مؤسسة ثم تدخل في موقعها على الانترنيت ثم تختار برنامج يناسب تخصصك لي قريتو من قبل. مثلا أنت قريت بيولوجي L2 وحاب تقرى في كندا، من الأحسن انك تختار برنامج دراسي في البيولوجي وتختار session : hiver 2023.
كيف تختار البرنامج الذي يناسبك حسب الحالة لي راك فيها انت⁉️:
✅الخاوة أصحاب الثانوية، والحرفيين يمكنم اختيار برنامج DEC أو AEC أو DEP :
▪️بالنسبة ل DEP لكي تحصل على القبول لازمك على الأقل مستوى سنة أولى ثانوي، ويمكن أن تكون سنة رابعة متوسط إذا كان لديك ديبلوم تكوين مهني.
▪️بالنسبة ل AEC و DEC لازمك على الأقل مستوى ثالثة ثانوي.
▪️بعض المعاهد وخصوصا المعاهد الحكومية تشترط اختبار اللغة الفرنسية، أما المعاهد الخاصة فأغلبها لا يطلب الاختبار

✅️لي عندو تارمينال يسجل DEC في CEGEP 🇨🇦

✅لي عندو تارمينال + تقني سامي يسجل بكالوريا أو DEC في تخصصه🇨🇦
✅لي عندو بكالوريا أو L1 أو L2 أو L3 يسجل بكالوريا في واش يحب, ومن الأحسن نفس التخصص لي راه فيه🇨🇦
✅لي عندو ليسانس + ماستر 1 أو ماستر 2 يسجل ميترتيز في تخصصه
✅لي عندو PHD او سنة 2 أو 3 او 4 او 5 دكتورا يسجل ميتريز او دكتورا في تخصصه🇨🇦
***مثال: أنت عندك ليسانس (L3) في informatique إذن البرنامج لي يناسبك في جامعة كندية هو بكالوريا في الإعلام الآلي ***

براهيم راك قتلتنا ب DEC و ميتريز....‼️ماراني فاهم فيها والو 😔😰⁉️ ماعليش أخي هاهو الشرح تاع كل كلمة:

🇨🇦 = Doctorat en 🇩🇿
🇨🇦 = Master 1 + master 2 en 🇩🇿
🇨🇦 Master business administration = master 1 + master 2 en 🇩🇿
🇨🇦 Diplôme d'études supérieures spécialisées (2eme cycle) = Master 1 en 🇩🇿
🇨🇦 = licence ou ingénieur en 🇩🇿
1 er cycle 🇨🇦 = Licence en 🇩🇿
2 eme cycle 🇨🇦 = Master 1 et master 2 en 🇩🇿
3 eme cycle 🇨🇦 = Doctorat en 🇩🇿
🇨🇦 =Diplôme des études collégiales
هو ديبلوم يسمح لك بالحصول على شهادة تقني سامي ويسمح لك بالدخول الى الجامعة
🇨🇦 = Diplôme des études professionnelles ديبلوم تكوين مهني en 🇩🇿
🇨🇦 = Attestation des études collégiales
🇨🇦 (أو collège) = Lycée en 🇩🇿
= مركز التكوين المهني en 🇩🇿
= Classification nationale des professions
=Certificat de sélection du Québec
= Certificat d'acceptation du Québec, أي واحد حاب يقرا ولا يخدم في مقاطعة كيبك لازمو يطلب الورقة هذي من وزارة الهجرة تاع كيبك
= Permis d'étude أو Visa d'étude
= Permis de travail
= Entrée express
= Équivalence des diplômes d'études (هذه Entrée Express المعادلة إجبارية في ملف)
= World Éducation Services (في هذه المنظمة EDE دير طلب شهادة المعادلة)
= Visite médicale
Paris = bureau de visa canadien à paris

الان ماعليك هو تسجل في الجامعة وتتبع الخطوات التي تطلبها الجامعة.
رابط جامعة لافال: www.ulaval.ca
رابط الجامعة: www.usainteanne.ca

🔴تحوس على الملف لي تدفعو للمعهد او الجامعة تفضل:
✅يتم استخراج الاستمارة من موقع المعهد
✅️️نسخة عن جواز سفر
✅️شهادة ميلاد بالفرنسية
✅️كشوف النقاط تاع الثانوية فما فوق. أو السنة الرابعة متوسط+ديبلوم بالنسبة لماقراوش في الثانوية. كشوف النقاط الأصلية + الترجمة
✅️دفع حقوق طلب القبول، غالبا ماتكون حوالي 250 دولار (حوالي 3,7 مليون) بالنسبة للمعاهد. قد تكون أكثر وقد تكون أقل حسب المعهد وحسب الجامعة.
✅️في الجامعة يقدرو يطلبو منك: CV، Des lettres de recommandation, une lettre se motivation...

🍁2️⃣🍁2️⃣🍁2️⃣🍁2️⃣🍁2️⃣🍁2️⃣🍁2️⃣🍁2️⃣
2️⃣خطوة 2️⃣ : بعد التسجيل في الجامعة او المعهد أو الكولاج والحصول على الموافقة (Admission). إذا اخترت جامعة أو معهد أو كولاج تقع في مقاطعة كيبك مثل جامعة لافال التي تقع في مقاطعة كيبك لازمك دير
CAQ (certificat d'acceptationdu Québec)
بصح واش هو CAQ‼️ خويا بلاما نطولو بزاف CAQ هذا كيما لي يحب يدخل لحاسي مسعود لازمو laissez passer, أفهمها كيما هك لي يحب يقرا ولا يعيش في كيبك لازمو laisser passer (CAQ)
لطلب CAQ ادخل إلى الرابط، ولكن لازم تكون عندك الادميسيون تاع الجامعة قبل ما دير طلب CAQ
https://www.immigration-quebec.gouv.qc.ca/fr/services/caq-electronique/nouvelle-demande.html
وإذا اخترت جامعة خارج مقاطعة كيبك مثل جامعة Sainte Anne التي تقع في مقاطعة NOVA SCOTIA في هذي الحالة ما ديرش CAQ
🍁3️⃣🍁3️⃣🍁3️⃣🍁3️⃣🍁3️⃣🍁3️⃣🍁3️⃣🍁3️⃣
3️⃣خطوة 3️⃣ : دفع ملف فيزا دراسة (Permis d'étude)
عليك الدخول الى موقع وزارة الهجرة الكندية ودير Demande de visa d'étude en ligne, واول حاجة ديرها هي فتح كونط CléGC عبر موقع وزارة الهجرة الكندية
https://www.canada.ca/fr/immigration-refugies-citoyennete/services/demande/compte.html
ومن بعد كندا تبقى تتواصل معاك عبر الكونط CléGC وتقولك واش لازم دير ومتى لازمك ديرهم، مثل
données biometriques, visite médicale.....

🍁🍁🍁🍁🍁🍁🍁🍁🍁🍁🍁🍁🍁🍁🍁🍁
🍁🍁🍁🍁ملاحضات هامة و astuces🍁🍁🍁🍁
أشياء مهمة لكي يكون ملفك قوي في الفيزا دراسة 🇨🇦 وبالتالي يصبح لديك فرص أكبر في الحصول على Permis d'étude:
1️⃣ وهو الأهم، ️كيفية إقناع عون الهجرة بمشروعك الدراسي عند الذهاب إلى كندا🇨🇦 وعند العودة إلى الجزائر🇩🇿.
يجب أن تجيب على هذه الأسئلة:
✅️لماذا تريد دراسة هذا التخصص دون غيره⁉️
✅️لماذا اخترت الدراسة في كندا⁉️
✅️ماذا ستستقيد من هذه الدراسة⁉️
✅️ماذا ستفعل عند نهاية الدراسة⁉️
يعني تشرحلو فواش راح تفيدك الدراسة هذي في حياتك المستقبلية في الجزائر. مثلا، عندك ليسانس في كاش حاجة وخدمت عدة سنوات، تقدر تقلو مثلا أنك راح تقرا MBA تساعدك في فهم مجال الأعمال لكي تفتح شركتك في الجزائر.

✅️تكون متزوج، وتذهب إلى الدراسة تاركا ورائك زوجتك في الجزائر هذي تساعد في إقناع ال agent بعودتك إلى الجزائر بعد الدراسة
✅️عندك عقار (منزل، قطعة أرض، محل...) تساعد أيضا
✅️عندك مشروع تجاري في الجزائر أيضا تساعد في إقناع عون الهجرة
✅️عندك عمل وتجيب الدليل من عند المشغل تاعك بأنه يضمن لك الرجوع إلى منصبك بعد إتمام الدراسة تساعد أيضا

2️⃣ الملف المالي💰، لا يقل أهمية عن الأول. كل ماتكون عندك أموال كبيرة في البنك كل ما يكون عندك حظوظ كبيرة في الحصول على الفيزا. بشرط أن تبين لديك مصدر هذه الأموال. مثلا les garants تاعك عطاوك هذه الأموال وبالتالي لازم تبينلهم بالوثائق واش يخدمو هذ les garants وشحال يدخلو دراهم...

🔴 أن يكون لديك واحد من عائلتك في كندا فهذا جيد في ملفك👌 وليس كما يشاع (كون يكون يعندك garant في كندا أو قريب، l'agent مايعطيكش الفيزا ويقول راح تحرق وتقعد عن قريبك).
🍁🍁🍁🍁🍁🍁🍁🍁🍁🍁🍁🍁🍁🍁🍁🍁
🍁🍁🍁ملف Garant و Dossier financier 🍁🍁🍁
هل يلزم garant للفيزا دراسة⁉️ وهل Garant يكون في كندا أو في الجزائر أو في فرنسا أو الهند... وشحال لازم نحط من garant⁉️ دراهم يكونو بالدينار ولا بالدولار ولا بالأورو... ⁉️

درك نشرحلكم بالتفصيل باش تفهمو واش هو المطلوب 👌

🔴 أولا شحال لازمني دراهم باش نقرا في كندا⁉️
من بين شروط الدراسة في كندا هو توفر الشخص المقبل على Permis d'étude على المال الكافي لدراسة سنة في كندا (حوالي 18000 دولار أي حوالي 200 مليون) مع احتساب تكاليف المعيشة (تقريبا 12000 للسنة الواحدة أي حوالي 120 مليون). يعني لازمك تتوفر على الأقل على مبلغ 320 مليون. كما يجب الحساب بسعر صرف البنك وليس بسعر صرف سكوار.

🔴 ثانيا، دراهم هذو وين لازم يكونو، عندي ولا عند garant ⁉️هنا كل واحد والوضعية تاعو، يعني مثلا:

▪️لي راهو مقبل على الدراسة وخدم من قبل ولا عندو ورث... يعني يقدر يبين بلي عندو مبلغ معين في الرصيد تاعو في البنك أو CCP أو في أي مؤسسة مالية...
في هذه الحالة يجيب relevé de banque تاع عدة شهور من الأحسن تكون 6 أشهر فما فوق + شهادة العمل + شهادة الراتب لأربعة أشهر الأخيرة + Affiliation Casons ولا شيء آخر.

▪️واحد متخرج من الدراسة أو مازال يقرا. المهم ماخدمش أو خدم شوية برك. يعني هذا الشخص منطقيا ماعندوش دراهم أو عندو حاجة قليلة‼️ في هذه الحالة لازمك تبين لوزارة الهجرة الكندية منين راح تجيب دراهم أو شكون راح يخلص عليك⁉️ أنت راح تقلهم أبي أو عمي أو خويا..... هوما لي راح يخلصو عليك. إذن باباك، عمك وخوك هوما Les garants تاعك.
في هذه الحالة المطلوب منك، تجيب لكل Garant:
وثيقة les relevés de comptes تاع les garants تاعك + نسخة من Passeport + وثائق تثبت الوظيفة والشهرية + وثيقة ممضية من طرف garant يتعهد فيها بأنه هو لي يخلصلك دراستك هذه الوثيقة موجودة في الانترنيت واسمها D09 (Déclarati
onde soutien financier)
+ إذا كنت تعمل : وثيقة relevé de banque تاع عدة شهور من الأحسن تكون 6 أشهر فما فوق + شهادة العمل + شهادة الراتب لأربعة أشهر الأخيرة + Affiliation Casons ولا شيء آخر. لكان ماخدمتش ماديرش هذو واكتفي بأوراق ال garant وفقط.

🔴 ثالثا، ال garant وأمواله وين لازم يكونو⁉️
مايهمش وين يكون، يكون في روسيا، في الصين في كندا في الجزائر في فرنسا.... المهم عندو أموال كافية تكون في البنك وفقط👌
العملة لاتهم، يكونو أورو ولا دولار ولا دينار المهم المجموع تاعهم بسعر صرف البنك يكون يكفي لسنة دراسة (أي أكثر من 320 مليون)

🔴 رابعا، شحال لازمني من Garant⁉️
قانونيا لايوجد عدد محدود ل garant. ولكن عمليا وبالتجربة من الأحسن ماتفوتش 3 أشخاص.
الهدف من لي garants كما قلت هو يخلصولك قرايتك، يعني مثلا أنت عندك زوج تاع لي garants واحد عندو 100مليون ولاخر عندو 250 مليون. المجموع بينهما هو 350 مليون يعني المبلغ كافي لدراستك إذن اكتفي بزوج تاع les garants. ولكان لقيت المبلغ مايكفيش زيد garant troisième.
اختارو بعناية les garants تعكم، يكون قريب جدا ليك، مثلا خوك باباك عمك خالتك.... وكون يكونو في كندا فهذا أحسن👌

🔴🔴 نصيحة:
✅️ ماتجيبش جاركم ولا صاحب باباك وتقول هذا garant لأن ال agent ماتدخلش في راسو تاع واحد ليست له صلة قرابة يعطيك 350 مليون باه تقرا‼️ إذا تحمت ومالقيتش ديرهم وخلاص
✅️ دائما حاول تضع نفسك مكان ال agent وفكر إذا جاتك أي خطوة ديرها أنت منطقية أو لا.

🍁🍁🍁🍁🍁🍁🍁🍁🍁🍁🍁🍁🍁🍁🍁🍁
🍁🍁🍁🍁🍁🍁أسئلة شائعة🍁🍁🍁🍁🍁🍁

🔴اختبار اللغة الفرنسية إجباري⁉️
✅️بعض الحالات يصبح إجباري وبعض الحالات الأخرى لا. ولكن أنصحكم ديروه وتتهناو
🔴هل يوجد حد للسن من أجل الدراسة⁉️
✅️لا يوجد سن محدد، اقرا في أي سن تريد
🔴كندا غالية لقراية فيها وتكاليف الدراسة حوالي 220 مليون للسنة الواحدة‼️
✅️نعم صحيح غالية و تكاليف الدراسة حوالي 220 مليون للسنة. ولكن كندا فيها العمل بزاف. الساعة بحوالي 16دولار يعني تقريب 2200 دينار للساعة. تخدم 10 ساعات ب 2,2 مليون واحسب انت الباقي.
🔴أغلب من ذهب إلى كندا هم من الأغنياء في 🇩🇿‼️
✅️خطأ. الأغلبية الساحقة من الجزائريين في كندا هم من الطبقة المتوسطة وأقل من الطبقة المتوسطة. الغني مايجيش لكندا إلا القليل.
🔴لازم تجيب معاك دراهم كبار باه تجي لكندا‼️
✅️نعم إن كنت مرفه. ولكن الأغلبية الساحقة تجيب شي لي تقدر عليه، كاين لي جاب 1000$ (15 مليون) كاين لي جاب 500 أورو .... وكاين لي جاب 100مليون.... كل واحد ومقدورو. أنا شخصيا نعرف الكثيير والكثير من الجزائريين جابو معاهم 1000 دولار(15 مليون) وراهم اليوم لاباس عليهم والحمد لله. والجميع تعب في الخدمة وفي الدراسة وفي الأخير يصلون إلى نفس النتيجة ⬅️الإقامة الدائمة🇨🇦
وكاين لي جاب 300 مليون وماقدرش يقرا وفشل.
🔴هذيك تاع 1000$ بكري دركة ولات صعيبة‼️
✅️بالعكس ضرك لي رجعت ساهلة لأن العمل اليوم متوفر بشكل كبييير جدا أكثر من أي وقت مضى.
🔴الطالب يخدم فقط 20 ساعة في الأسبوع ممنوع عليه يخدم أكثر و20 ساعة فقط ماتكفيهش باش يخلص‼️
✅️قانونيا نعم مايقدرش يخدم أكثر من 20ساعة. ولكن الواقع شيء آخر. كاين طلبة يخدمو حتى 80 ساعة في الأسبوع. أعيد وأكرر أنا اوصل لكم المعلومة و أتكلم عن الواقع المعاش ولا أشجع على عدم احترام القانون.
🔴خويا أنت راك تبيع في الحلم والاوهام‼️
✅️دير ملف ماديرش هذا ليس شغلي. ماتنفعني ماضرني. أنا نوصلك المعلومة الحقيقية وفقط وانت دير بيها واش حبيت.

🔴كي تكون طالع ويقلك عون الهجرة في المطار نعتلي دراهم لي جبتهم معاك وانت ماعندكش دراهم، لتم يبعتك تروح‼️
✅️دير كارط كريدي في البنك، وكي يسقسيك عون الهجرة قلو نخلص قرايتي بالكارط كريدي. في جميع دول العالم يتعاملو بالكارط كريدي إلا في الجزائر نتعاملو بالكاش.
ولا عون الهجرة ولا اي أحد يقدر يعرف شحال عندك رصيد فالكارط كريدي لأنه ممنوع.
✅️أو جيب معاك relevé de compte جديد من البنك يثبت انو فيه دراهم، أو تاع الضامن وقلو الضامن لي يبعتلي دراهم.
🔴انت قلت ناس ماعندهاش دراهم وطلعت لكندا ب 1500$ (15مليون)، كيفاش دارو باش خلصو قرايتهم⁉️
✅️يخدم يتمرمد يسلف يديباني يروبورطي لا سيسيون، يركب توربو فالعطل ويزيد يخدم أكثر... كل واحد وكيفاش دار.
🔴انت قلت ناس ماعندهاش دراهم وطلعت لكندا ب 1500$ (15مليون)، كيفاش دار باه عطاوه الفيزا وهوما طالبين يكون عندك حوالي 25000 أورو⁉️
✅️كل واحد وكيفاش، كاين سلف دراهم وحطهم فالكونط وعطاهم relevé de compte
✅️كاين لي كرا دراهم باه خرج relevés de compte
✅️كاين لي دار les relevés de compte تاع les garants (خالو عمو جدو جداتو..... كاين حتى لي حط صاحبو‼️).نعم نعرف واحد دار صاحبو garant وصدقتلو الفيزا
✅️كاين لي دار التزوير للأسف. وأحذركم من التزوير

🔷️توضيح: أنا لا أشجع على هذه الأعمال وإنما أجيب عن أسئلتكم و أنقل لكم تجارب الناس من واقع معاش.
أكيد أحسن شيئ هو تجيب معاك دراهم بزاف، تسكن مليح وترقد مليح وتقرا a l'aise. ولكن كل واحد وظروفو
ربي يوفق الجميع

🔴 عندي مستوى دكتورا أو ميتريز أو ليسانس أو BAC + سنة او سنتين او ثلاثة نقدر ندير DEP أو DEC أو AEC⁉️
✅️نعم تقدر القانون يسمحلك. ولكن ابقى في مستواك و ديما طلع النيفو وابتعد عن DÉGRADATION DE NIVEAU لكي تتفادى الرفض في الفيزا.

أتمنى أن تكون وصلتكم المعلومة وربي يوفق الجميع

Adresse

Sidi-aich Bejaia
Sidi Aïch

Téléphone

+213549788219

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Evasion DZ publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Evasion DZ:

Vidéos

شرح كامل ومفصل على كيفية التقديم للدراسة في كندا🇨🇦 لسنة 2024 للجزائريين 🇩🇿 السلام عليكم اخوتي نشاء تكونو لابأس، في الفيديو هذا راح تفهمو خطوات التقديم للدراسة في دولة كندا لهذه السنة، وراح نروح خطوة بخطوة لأستوفي الشرح بأهم التفاصيل. شكرا على المشاهدة والدعم.

Evasion DZ