31/07/2022
🇬🇧
بما انو كثرو المنشورات لي تستفسر حول تاشيرة بريطانيا السياحية مؤخرا،راح ندير منشور خفيف حولها.
كبداية،التاشيرة تسمح لك بالدخول لانجلترا،اسكتلندا،ايرلندا الشمالية و الويلز بالإضافة لاقاليم وراء البحار مثل الجزر العذراء البريطانية,جزر كايمان،جبل طارق،برمودا،أنتيغوا وباربودا و بعض الدول كالمكسيك،صربيا،الجبل الاسود،البانيا ،بنما ،تركيا ( تاشيرة الكترونيةB1)،جورجيا ،السعودية ( فيزا عند الوصول).
اول طلب يمدلك فيزا 6 اشهر multi entry.
مدة دراسة الطلب و الرد مابين 20 الى 45 يوم.
دفع الملف بمركز TLS CONTACT في العاصمة او وهران،مصاريف التاشيرة و حقوق المركز و خدمات المسح الضوئي و توصيل جواز السفر مابين 18560 الى 24000دج.
الملف تقريبا موحد لجميع الفئات ( موظف تاجر طالب...) مع اختلاف في الاوراق المالية و بعض الاوراق الاضافية
اخطيكم من التزوير حتى في الحوايج صغار،راهم يمدو 10 سنوات بان كي صباح الخير.
بالنسبة للخطوات بالترتيب تبدا بالدوسي و الترجمة تاعو،ابري تفتح حساب هنا و تملأ application ( راح نشرح فيها بعض النقاط) ،كي تكمل و تبعثها تشد رونديفو و تروح تدفع الدوسي تاعك و يشدو البصمات ...
كاينة واحد الخانة في السيت تحب تخير self service او assisted service ،كي تخير self service تسكاني الدوسي وحدك و طلعو في السيت،كي تخير الثانية تسكانيه في TLS عندهم و تزيد قريب 700 الف،ماعندها حتى تاثير كل واحد واش يساعدو.
الملف بصفة عامة : - نسخة من جواز السفر
- شهادة عائلية او فردية ( + عقد الزواج اذا
متزوج)
-حجز فندقي
-شهادة ميلاد
- كشف حساب ccp او حساب بالدينار +
historique 6 mois
بالنسبة للموظفين تزيد fiche de paie تاع 3 اشهر لخرة،تزيد ايضا titre de congé ( اختياري)
affilation cnas غير اجبارية مي اذا عندك ديرها تزيدلك في الحظوظ تاعك
بالنسبة للتجار تزيد registre de commerce,
C20 ( لازم يكون mentionné fiha chiffre d affaire)
Extrait de rôle اختيارية
الحساب لازم عليك تزيد حساب تجاري compte commercial بالعملة الوطنية،اذا ماعندكش دير ccp برك مي دير lettre explicative تشرح فيها الوضعية تاعك
الطلبة دير نفس الملف الاساسي زائد الملف تاع الضامن و الورقة تاع prise en charge
الاوراق لازم ترجمهم كامل للإنجليزية غير الاوراق تاع البنك ( تقدر ترجم وحدك ماشي لازم مترجم معتمد ).
تحب تزيد telex billet,lettre explicative, اوراق تثبت ملكية سيارة منزل ...الخ تزيد في الفرص تاعك
بالنسبة لل application او الفورميلار لازم تركز فيه مليح و تتفادى الغلطات او حوايج متناقضة مع الملف.
كاينة خانة تاع savings يقولك شحال عندك
هي الأموال التي تحتفظ بها غير التي تجنيها من الراتب مثل الإرث أو هبة او دخل منتظم كمنحة حتى حساب اورو،كي تكتب اي مبلغ زيد معاه lettre explicative تبين مصدر هذوك الاموال .
كاينة ايضا خانة يقولك شحال راح تصرف في الرحلة،ركزو فيها جيدا.
المبلغ لازم يكون منطقي و متعلق بالشهرية تاعك و شحال تصرف كل شهر و شحال عندك في الحساب تاعك،لازم ماتصرفش اكثر من المدخرات تاعك في 3 ( المبلغ لي تخليه في الحساب من الشهرية )
في معظم الحالات مهما كان الدخل تاعك كبير دير تصرف ثما ما بين 500 الى 1000 باوند لمدة اسبوع
مثلا تخلص 60000دج تصرف كل شهر 20000دج
اي 40000*3=120000دج اي دير تصرف 10000دج و بتحويل العملة تكون حوالي 570£،اذا درت بلي عندك مصدر دخل اخر او مدخرات تقدر توصلها ل 620£.
اي حاجة فيها اللوش خاصة للوضعية المالية او مشكل في الحساب لازم توضحو برسالة توضيحية lettre explicative.
موقع التقديم
All words used in any translation are there to help. The English version of the questions will be used to assess your application.
