Cyprus visa

19/09/2023

طول ما أنت متخيل إن السعادة في الفلوس و الشقة والعربية هتفضل تعبان طول عمرك و هتفضل عبد للفلوس الدنيا زي مياه البحر كل ما تشرب منها تعطش أكتر

السعادة الحقيقية هي في القرب من ربك اللي خالقك و اللي الرزق بايده وحده سبحانه و تعالي

السعادة الحقيقية هي الرضا بما قسمه الله لك و كتبه عليك

غير كده يا صديقي فا الدنيا أوهام في أوهام و كلها مناظر كذابة شكلها حلو من بره لكن من جوه هي معفنة أوي فوق ما تتصور

09/08/2023

هو أنت بتصل رحمك ولا قاطعها و مقاطع امك وابوك و اخواتك و قرايبك ؟؟

للاسف أغلب المسلمين قاطعين ارحامهم وهما مش عارفين ان صلة الرحم ربنا أمرنا بيها و النبي صلي الله عليه و سلم امرنا بيها و نهانا عن قطع الارحام

انا هقولك بس علي سبب كبير من اسباب قلة الرزق وعدم البركة في حياتك

قال رسول الله صلي الله عليه وسلم ( من أحب أن يبسط له في رزقه وأن ينسأ له في أثره فليصل رحمه )

و قال رسول الله صلي الله عليه وسلم ( لا يدخل الجنة قاطع رحم )

وقال رسول الله صلي الله عليه وسلم ( رضا الله في رضا الوالدين و سخط الله في سخط الوالدين )

و قال الله سبحانه وتعالي عن صلة الرحم في حديث قدسي ( من وصلك وصلته و من قطعك قطعته )

يعني طول ما انت قاطع رحمك عمرك فما هتشوف خير في حياتك ابدا و سخط ربنا هيفضل عليك

اتقي الله سبحانه وتعالي وصل رحمك ولا تقطعها

06/08/2023

عارف انك تعبان ومهموم وحزين و شايل هم الدنيا كله فوق دماغك لوحدك ومفيش حد حاسس بيك حتي أقرب الناس ليك وكمان مش لاقي حد تثق فيه تفضفض معاه براحتك وتحكيله كل اللي في قلبك وانت مطمن لانك باختصار فاقد الثقة في كل اللي حواليك

طيب ايه الحل هتفضل عامل في نفسك كده كتير لغاية ما يجيلك إكتئاب ده اذا كنت مش مكتئب أصلا

الحل بسيط جدا جدا و مريح جدا و كل مشاكلك هتتحل باذن الله وحده

الحل الوحيد إنك تفضفض مع ربنا سبحانه وتعالي وحده لأنه هو اللي خالقك وعارف كل مشاكلك وقادر علي حلها بكلمة واحدة كن فيكون وكمان هو أحن عليك من نفسك ومن امك كمان ربنا اسمه الستير يعني هو الوحيد اللي عيستر عليك و اسمه الروؤف و اسمه الحنان المنان اللطيف الودود

اعمل زي سيدنا يعقوب ابو سيدنا يوسف عليهما السلام ما عمل سيدنا يعقوب كان بيحب سيدنا يوسف جدا جدا فا لما اخوات يوسف غاروا من حب ابوهم ليوسف قرروا انهم يتخلصوا منه و القصة انت عارفها كويس ربنا ذكرها في القرءان الكريم في سورة يوسف بس المقصود ايه بقي من القصة المقصود ان لما سيدنا يعقوب فقد ابنه المحبب يوسف قال ايه بقي قال ( إنما أشكوا بثي و حزني إلي الله ) كانت ايه النتيجة بقي ؟؟ النتيجة ان يوسف رجع لابوه وكمان رجع وهو ملك من ملوك الارض هو ده بالظبط مقصد كلامي معاك جرب تحكي وتفضفض كل مشاكلك مع ربنا وانت ساجد وخليك علي يقين وحسن ظن بالله إنه مش هيتخلي عنك أبدا لانه هو ربك و خالقك سبحانه وتعالي

05/08/2023

عمرك سألت نفسك هو انت ليه بتكذب ؟؟ وهل في احد يستاهل انك تكذب وتاخد ذنب كبير زي ده بسببه ؟؟

للاسف من أكتر العادات اللي انتشرت بين الناس دلوقتي هي الكذب وانت لو ركزت في اغلب الناس اللي الحواليك هتلاقيهم كذابين ولو ركزت في نفسك انت كمان هتلاقي نفسك كذاب باردو

لازم تعرف إن ربنا سبحانه و تعالي اكتر ناس بيكرهها هم الكذابين و اكتر حاجة كان النبي صلي الله عليه وسلم بيكرهها هي الكذب

لان الكذب شعبة من شعب النفاق كما قال رسول الله صلي الله عليه وسلم آية المنافق ثلاث اولهم إذا حدث كذب

توب الي الله سبحانه وتعالي من الكذب وخلي دايما في بالك إن الله يحب الصادقين فا خليك من الصادقين عشان ربنا يحبك ويرضي عنك و يرزقك كل اللي بتتمناه

04/08/2023

عمرك سألت نفسك إيه هو أكتر عيب في الانسان ؟؟

اكتر عيب في الانسان هو الجبن و الخوف لإن الجبن بيترتب عليه كل الاخلاق السيئة اللي ربنا مش بيحبها و بيكرهها طيب مش معني الجبن بالذات ؟؟ لإن الجبن هو اللي بيخليك منافق وكذاب و بخيل و للأسف لو ركزت هتلاقي أغلب الناس اللي حواليك الا من رحم الله منافقين و كذابين و بخلاء ولو ركزت أكتر هتلاقيهم في الأصل جبناء وعشان الجبن هو سيد الاخلاق السيئة النبي صلي الله عليه و سلم كان بيستعيذ منه بعد كل
صلاة ويقول ( اللهم إني أعوذ بك من الجبن )

خليك راجل و متخافش غير من الله سبحانه وتعالي وحده ومتبقاش منافق وكذاب بحجة أكل العيش و الرزق فا الرزق بإيد ربنا وحده سبحانه وتعالي مش بإيد أي حد من الناس أيا من كان

06/11/2021

04/11/2019

خدوا بالكوا أن فى دعوات وهمية كتير فى السوق و دعوات مضروبة

١_ الدعوات الوهمية بتكون من مواقع الانترنت و بفلوس باردو بتوصل ل ٥٠ يورو احيانا المواقع دي بتخليك تملى الابلكيشن و بتدفع ال٥٠ يورو و بيبعتلك دعوة فعلا بس اصلا الشركة اللى بعتالك الدعوة شركة وهميه ملهاش وجود بينصب على الناس عن طريق الانترنت

٢_ الدعوات المضروبة دي بتكون دعوة بتاعت واحد تانى فا المندوب أو المكتب بياخدها سكانر و يغير بياناتها ببيانات حد تانى و يطبعها و يبعهالك على أنها دعوة سليمة

ليه بقولك الكلام ده لان السفارات عرفت قصة الدعوات المضروبة دى فا السفارة دلوقتى بتستعلم عن الدعوة و بتتصل بالشركة اللى باعته الدعوة فا بتعرف أن الدعوة وهمية أو مضروبة فا بالتالى انت بتاخد رفض

تتأكد ازاى أن الدعوة سليمة فعلا حضرتك بتتصل بالشركة بنفسك و تتأكد أن الدعوة باسمك و خارجة من الشركة فعلا و كمان بتتاكد إذا كانت ارقام التليفون اللى فى الدعوة وهمية ولا فعلا موجودة

انا حبيت اعرفكم لان سر الملف اللى انت بتقدمه للسفارة هو الدعوة و كشف الحساب البنكي لو مضروبين انت بتاخد رفض و خليك متأكد أن السفارات دلوقتى بتستعلم عن كل ورقه انت مقدمها سليمة ولا مضروبة

بحبكم فى الله

02/11/2019

الحمد لله ربنا سبحانه و تعالى أكرمنى بفضل دعواتكم و فتحت شركة سياحة فئة أ شركة اللوتس

العنوان / ٨٠ شارع عباس العقاد الدور الخامس فوق شركة اورانج

انا فى خدمة حضراتكم فى اى حاجة تحتجوها و باذن الله ربنا يقدرنى و أقدر اساعدكوا

محمود عبد العزيز / ٠١١٤٩٢١١١٩٤

09/10/2019

السلام عليكم و رحمة الله و بركاته

قال رسول الله صلى الله عليه و سلم

الدين النصيحة

و هذا الحديث من جوامع الكلم يعنى ده المختصر المفيد

بما أن النبى صلى الله عليه و سلم قال كده يبقى احنا كمسلمين فرض و واجب علينا أننا ننصح بعض لوجه الله الكريم من غير فلوس و من غير مصالح شخصية و من غير ما يبقى فى بينا اى عداوات

اللى انا بعمله معاكوا ده و الحاجات اللى بقولكوا عليها الخاصه بتأشيرات أوروبا ده مش تفضل منى عليكم لا سمح الله و إنما أردت النصح لكم لوجه الله سبحانه و تعالى

و يعلم الله انى لا اريد منكم سوا الدعاء فقط لا اريد منكم أموالا و لا تربحا ولا شئ يخص هذه الدنيا

فالدنيا ملعونة و زائلة و نحن كلنا اموات ولا ينفعنا في الآخرة إلا العمل الصالح لا أموال بتنفع ولا عربيات و لا فلل كلها زائلة و انا و انت سوف نموت لا محالة ثم تذهب أموالك الى الورثه من بعدك و انت سوف تنزل قبرك وحدك و سوف تحاسب وحدك و تدخل الجنة أو النار وحدك

و الله لن ينفعك أحد إلا عملك الصالح و بعد موتك سوف تنسى نهائيا لن يتذكرك أولادك ولا أهلك ولا احد

فلماذا القتال على الدنيا و على الأموال من أجل من ؟

قال رسول الله صلى الله عليه و سلم يأتى زمان على الناس لايبالى المرء أمن حلال أكل أمن حرام

و المال هو الشئ الوحيد في الدنيا الذي يحاسبك الله عليه مرتين ( من اين اتيت به و اين أنفقته ) و المال الحرام يقطع الصلة بينك و بين ربك لأن النبى صلى الله عليه و سلم قال في ما معناه من أكل من حرام لا يستجاب له دعوة

فلماذا نأكل اموال الناس بالباطل و الزور و قد قيل قديما أموال الناس كالناس

و اخيرا و ليس اخرا انا بفضل الله وحده بطلت اشتغل في مجال التأشيرات الأوروبية خصوصا و لكن فرض عليا ان انصحكم لوجه الله و عرفكم ايه اللى بيحصل معاكم انتم مساكين لا تعلمون شيئا كل اللى يهمكم انكم تسافروا و خلاص بأى طريقه او بأى سعر المهم انك تسافر مع انك رايح بلد غريبه لا تعرف فيها حد ولا حد يعرفك و لا حتى تعرف اللغة بتاعتهم و سايب بلدك و أهلك و اصحابك و حياتك كلها و رايح لمجهول لا يعلمه إلا الله مع أن الله سبحانه و تعالى هو الرزاق الذى يرزق هنا و هناك و لكنك لا تعلم هذا أو تعلمه ولكنك تتجاهله

انا مش هرد بعد كده على كومنتات و لا على رسائل في الخاص ولا على تليفون لكن اللى محتاج اى مساعدة في اوراق تخص السفر يبعتلى على الواتس بس من غير ما يتصل و انا هتفق معاه على معاد نتقابل فيه و اعمله الدعوة و هو قاعد معايا و من على تليفونه عشان يتعلم ازاى يعملها لغيره و مش عايز من حد فلوس ولا محتاج فلوس الحمد لله

ده رقمى ٠١١٤٩٢١١١٩٤ واتس اب فقط

اسال الله ان يوفقنى و اياكم لكل خير و يسترنا في الدنيا و الآخرة و يجعلنا من الناصحين الصادقين

07/10/2019

ده فيديو يا جماعه بيشرح ازاى تعمل الدعوة بنفسك اتفرجوا عليه ده مهم جدا

https://youtu.be/M6vetJDukN4

كيفية الحصول على دعوة رسمية من معرض او مؤتمر من اي دولة في العالم و هذا بغرض تطوير المهارات الشخصية و التواصل مع اشخاص من مختلف العالم و تبادل الخبرات. -----...

07/10/2019

السلام عليكم و رحمة الله و بركاته

دلوقتى يا جماعه مناديب كتير و مكاتب كلمتنى بخصوص الدعوة و قالولى مستعدين ندفع ال ٢٠ يورو و اتعابك كمان

دول ايه بقى يا سيدي دول بيشغلوا دماغهم أو بيستنصحوا عايزنى اجبلهم الدعوة ب ٣٦٠ جنيه و يبعهالك ب ١٥٠ الف جنيه نصب بس بصياعه

و الطريقه التانيه للنصب أن ياخد الدعوة و يعمل عليها سكانر و يغير البيانات بتاعتها و يطبعها و يبعهالك باردو ب ١٥٠ الف جنيه بس طبعا السفارة لما بتستعلم عنها بتعرف أنها مضروبة و بالتالى بتاخد رفض

متخليش حد ينصب عليك الدعوة السليمة بالملف كامل بكل حاجة بيتكلف ٢٠٠٠ جنيه يا عم قول ٣٠٠٠ جنيه عشان يشرب شاى 😃 اكتر من كده نصب

اصحوا ليغفلونا 😃

07/10/2019

السلام عليكم و رحمة الله و بركاته

بفضل الله وحده قدرنا نوصل للطريقه اللى الناس دي بتعمل بيها الدعوات ( الدراسيه أو البزنس أو العلاج ) مش عايزكوا تتصدموا بس

الدعوة يا سيدي بتتكلف ٢٠ يورو يعنى تقريبا ٣٦٠ جنيه مصري

انت متخيل الرقم ٣٦٠ جنيه مصري ده سعر الدعوة قول الترجمة و حجز الفندق و الطيران المبدئى ١٠٠٠ جنيه مثلا

يعنى المندوب أو السمسار أو المكتب كل اللى بيدفعه في تجهيز الملف ١٣٦٠ جنيه بالدعوة

و يبعهولك ب ١٠٠ الف جنيه لو خدت التأشيرة ولو خدت رفض يقولك كل شئ قسمة و نصيب

المهم أنا هقولكوا على الموقع اللى بتجيب منه الدعوة سواء دراسيه أو بزنس أو علاج و كمان الموقع فيه كل المهن المتاحة في الدنيا انت بس بتختار المجال بتاعك

اسم الموقع ( eventseye ) الموقع فيه ٣ لغات و للاسف مفهوش عربى ( انجليزي و فرنسى و المانى )

طبعا اسهل حاجة تختارها الانجليزي و ممكن تستعمل جوجل ترانسليت للترجمة عشان يسهل عليك الدنيا

بعد ما بتختار التخصص بتاعك بيفتحلك لينك بتاع المعرض أو المستشفى أو الجامعه اللى انت رايح عليها

بتسجل بياناتك كلها بس لازم يكون معاك فيزا او ماستر كارد عشان تدفع بيه ال ٢٠ يورو اول ما بتسجل بياناتك و رقم الفيزا بتاعك بيبعتلك الدعوة على ألايميل بتاعك اللى انت سجلت بيه و بكده يبقى انت عملت الدعوة بتاعتك من غير ما تحتاج لمندوب ولا مكتب

اعمل دعوتك بنفسك و متخليش حد ينصب عليك

بحبكوا في الله

06/10/2019

السلام عليكم و رحمة الله و بركاته

يا جماعة انا هتكلم معاكوا بما يرضى الله و رسوله انا هكلمكم بخصوص تأشيرات أوروبا عموما و ازاي المناديب و السماسرة و المكاتب بينصبوا علي الناس و بياخدو منهم مبالغ مش طبيعية بدون اى وجه حق أقل مبلغ ١٠٠ الف جنيه في التأشيرة ااقولك انا يا سيدي على القصه بتحصل ازاي

١_ خليك فاهم و متأكد أن مفيش اي مندوب أو مكتب بيعملك حاجة جوه السفارة

٢_ ولا يعرف حد جوه السفارة بيخلص الورق أو يجيب التأشيرة

كل الموضوع أنه بيظبط الملف بتاعك بس عبارة عن ايه الملف ده يا سيدى ااقولك

عبارة عن ( خطاب عمل أو سجل تجاري و بطاقة ضريبية و حجز فندق و طيران مبدئى و دعوة لو التأشيرة بزنس )

هو ده يا سيدي الملف بتاع حضرتك المندوب بقى أو المكتب مش بيعمل اى حاجة غير أنه بيجهزلك الورق ده و انت تروح تقدم في السفارة بنفسك و انت و حظك بقى لو خدت قبول يقولك انا عايز ١٥٠ الف جنيه و لو خدت رفض يقولك كل شئ قسمه و نصيب ده اللى بيحصل في السوق

فا انت خليك ناصح و متخليش حد يضحك عليك بالكلام و يعشمك و يقولك كلام معسول و كله كذب و الله

انت ظبط ورقك بنفسك ولو تعرف حد يبعتلك دعوة بزنس من أوروبا يبقى افضل و قدم بنفسك وموضوع القبول و الرفض بايد ربنا وحده و متخليش حد ينصب عليك

اللهم بلغت اللهم فاشهد

05/10/2019

تأشيرااااااات ايطاليا بيزنس فقط عن طريق دعوة بزنس من ايطاليا المطلوب

١_ يكون في الباسبور مهنة صاحب شركة استيراد و تصدير

٢_ يكون كشف حساب سليم أقل قيمة ١٠٠ الف جنيه

للاستعلام / ٠١١٤٩٢١١١٩٤

محمود عبد العزيز

02/10/2019

مطلوب للامارات عقود عمل لمدة سنتين
١٠.مبلط سراميك راتب اساسي
٢٠٠٠الي ٢٢٠٠درهم طريحه ٢٠حواءط او ٢٥ارضيات

١٠.نجارين مسلح راتب اساسي ٢٠٠٠ الي ٢٢٠٠درهم

٨.حداد مسلح راتب ٢٠٠٠الي ٢٢٠٠درهم اساسي

جميع الصناعات سكن مواصلات علي الشركه
تمن العقد ٣٠ الف غير ثمن الإقامة

تنفيذ اقل من شهر باذن الله من استلام اصل الاوراق

01/10/2019

دلوقتى يا جماعه في عقود عمل لدولة الإمارات لعمال المعمار فقط مثلا نجار مسلح أو حداد مسلح أو مبلط سيراميك أو مبيض محارة المهم عقود العمل دى نوعين

١_ عقد عمل لمدة سنتين شامل الإقامة و السكن و المواصلات و ده بيتكلف ٣٠ الف جنيه بدون تذاكر

٢_ تأشيرة لمدة ٣ شهور و دي بتتحول لعقد عمل بعد كده لما الشركة اللي انت رايح عليها تعملك عقد و إقامة سعر التأشيرة فقط ٤٠٠٠ جنيه ولو هبعتك انا على شركة تشغلك هيبقى السعر ١٥ الف جنيه بدون تذاكر

01/10/2019

تأشيرة ايطاليا قريبا بإذن الله عقود موسمية و لكن جاري التأكد من الخبر

01/10/2019

تأشيرات الإمارات سياحة

تأشيرة لمدة شهر ب ٢٠٠٠ جنيه اى مؤهل

تأشيرة ٣ شهور ب ٤٠٠٠ جنيه أى مؤهل
و بدون أي ضمانات

للاستعلام / ٠١١٤٩٢١١١٩٤
محمود عبد العزيز

30/09/2019

تأشيرات حرة السعودية

العامل / ٧٠٠٠ ريال

المندوب / ٨٠٠٠ ريال

المحاسب / ٨٥٠٠

سواق خاص / ٧٥٠٠

للاستعلام / ٠١١٤٩٢١١١٩٤
محمود عبد العزيز

12/05/2019

مطلوب ٤ ويتر للعمل في الكويت بمدينة حوالي
المرتب ٣٥٠ دينار شامل السكن و المواصلات
( سيدات فقط )
يشترط حسن المظهر

10/05/2019

متوفر حاليا

تاشيرات سياحية و تاشيرات حرة

الامارات ( شهر / ٣ شهور ) و الحرة ( سنتين )

الكويت ( شهر ) و الحرة ( سنتين )

عمان ( شهر و تجدد شهر ) و الحرة ( سنتين )

للاستعلام / 01149211194 محمود عبد العزيز

08/05/2019

انتظرونا قريبا عقود عمل و تأشيرات حرة لجميع الدول العربية

26/09/2018

مطلوب فورا للسفر لسلطنة عمان
خبازين فينو وبرجر
راتب 210 + سكن
________________
شيف بيتزات وفطاير
180 + إقامة كاملة
الدفع 25000

للاستعلام / 01149211194
محمود عبد العزيز

31/08/2018

مطلوب للعمل بالامارات فورا

عدد 5 نجارين مسلح

و عدد 5 حداد مسلح

العمل 10 ساعات بمرتب 2000 درهم

شامل السكن و المواصلات

للاستعلام / 01149211194 محمود عبد العزيز

12/05/2018

مطلوب 4 ويتر في الامارات

سيدات فقط

مرتب 2500 درهم شامل الاقامة و السكن

للاستعلام / 01149211194