16/07/2021
النهارده البوست عن كل حاجه حضراتكم محتاجين تعرفوها عن مطروح بلد السحر والجمال ❤
اولآ: افضل الشواطئ بدون ترتيب من اقصي الغرب الي الشرق 🏊♀️🏄♂️
هضبة عجيبه يفضل صور فقط ولو بتعرف تعوم انزل مفيش مشكله، شاطئ روتس ام الرخم بتاع سالم دواس روعة الروعه، شاطئ اللجونه بعد فندق كارلوس علي طول روعه، بلوبيتش، الأبيض العام، عروس الأبيض، زمردة الابيض، المروه بمنطقة القصر، كليوباترا، الغرام بلاش تروح يوم الجمعه والاحد علشان رحلة اليوم الواحد بيكون زحمة جدا، البوسيت، العوام ، مبارك أمام النادي الأهلي 🦅 ، غرناطة امن جدآ للاطفال، روميل واجمل مكان فيه اللجون بين الجبل وبين اللسان بلاش تروح يوم الجمعه والاحد علشان رحلة اليوم الواحد بيكون زحمة جدا، الفيروز ، النخيل ، باب البحر كلهم واحد ميزته امان جدآ للاطفال، مينا الحشيش ، الرميله ، الجراولة تحفه ، اجمل واقرب شاطئ لقلبي باغوش ❤ وانا عارض صورته ف البوست روح وتصور فيه هتلاقي الناس بتفتكرك قاعد بتصيف ف المالديف 😍 ، سيدي حنيش ممتع ،
*الألعاب المائية موجوده بجميع الشواطئ
*أكوا بارك : الأندلسية، فندق غزالة البوسيت ، مرسيليا ، بورتو مطروح
ثانيآ : السهرات والخروج وسهرات البند شرقي 💃
كوفي شوب الف ليله البوسيت ، كوفي شوب النورس بالعوام ، كوفي شوب دهب، كوفي شوب سهر الليالي فحضن الجبل ، بعده علي طول هتلاقي السيوية والفلكلور البدوي والسيوي الخاص بمطروح ، قرية الشلال بجوار الأندلسية حاجة تحفه بجد
ثالثآ
*المطاعم : مشويات واكل بدوي 😋
كمنه ، سحر ، عبده كفته ،صلاح كفته، الاحرار ، التركي ، كوكو العربي القديم، الواحه ، العالمية ، قرية الشلال، ابن سوريا ، علي بابا ، مطعم الكرم بالفيروز
مطاعم الأسماك :
حمو التمساح ، ابو شعفه، ابو العربي ، مجدي وإخواته، باسط العوامي ، سمكمك، ابو طعيمه،
*مطاعم بيتزا وسندوتش
التكيه ، ابو حلاوه ، تبوله ، نيو سلطانه ، ميلانو ، بيتزا هت، ماكدونلز، كوك دور ، كنتاكي، فراخ البيك بجوار المحكمه الجديده ، حوده صابر فباب البحر
وبالنسبه لمحمصات عشان كلهم اسمهم النصر انا هقولكم علي الاصل وهما اثنين فقط اللي تشتري منهم أولهم طبعآ محصمة النصر شعارها الغزالة أمام سوبر ماركت الوالي بشارع علم الروم وبعدها محصمة النصر الإسلامية وشعارها الاسد بجانب صيدلية فرغلي بشارع اسكندرية هما دول فقط الاصل والباقي هجص 😁
الملابس : سوق ليبيا ، مول دبي، شارع اسكندرية،
وبالنسبه لمحلات الزيتون افضلهم السيوية بجوار المرور القديم او أمام جزارة المحروسة ، أو بجوار جامع المغاربة بسوق الخضار ، أو أمام محصمة نصر بعلم الروم
بالنسبه زيت الزيتون الأصلي هتلاقي معصره فطريق الأبيض ممتازه اشتري منها وكمان ليها معرض وسط البلد بجوار البنك الأهلي، وعندك كمان اي حد بدوي هتلاقي عنده زيت أصلي اللي هما بتوع البطيخ اللي علي طريق الابيض وعندك عائلة الزغرات فدخلة الغرام ممتازين وحاجاتهم تجنن وعندك كمان هتلاقي فسوق الخضار بتوع بطيخ وتين وعنب براني الاسود فرشين فجزيرة الشارع اشتري منهم ومتخفش علي ضمنتي هتلاقي عندهم زيت زيتون معبأ ف زجاجة حاجة سقعه خده دا زيت أصلي ومتخفش انه ملهوش مصدر علشان هما بيعصروا الزيت عندهم وبيكون خام وانا والله بخده لبيتي ممتاز جدا
اه كنت هنسي عندكم القرية البدوية ممتازه بوادي الرمل تجنن وعندكم كهف الملح كمان، كهف الملح فالبوسيت وفيه كمان قرية الشلال هتلاقي كمان حيوانات جميله تتصور معاها ، وعندكم ركوب العجل والبيتش بجي والحصان والجمل علي طول الكورنيش ، مصيف سعيد عليكم 🏖
اتمني ان اكون وفقت واسف لو نسيت أحد ومكتبتش اسمه واسف علي الاطاله وكل عام وانتم بخير وعيدكم مبارك 🌺
