https://www.facebook.com/112388573846512/

Hosam Amgad- حسام أمجد

Home
Egypt
Alexandria
Hosam Amgad- حسام أمجد

بحب المخاطرة والحواديت تعالي احكيلك حدوتة تاريخية❤️

03/08/2024

مسجد احمد بن طولون..❤️
جاهزين؟؟🌚🤫❤️

14/04/2024

منطقة اثار كوم الدكة..❤️
طب لو قلنا نطلع لايف من مكان الاثر نفسه ونشرح المكان الجميل ده بالتفاصيل سوا واحنا مع بعض ايه رائيكم؟

23/03/2024

(المتحف المصري بالتحرير).. درة المتاحف المصرية والعالمية كلها
تم انشائه عام ١٨٣٥ وهو اولي المتاحف الي تم انشائه علي انه يكون متحف
مكانه اول الانشاء كان في حديقة الازبكية بعد كده اتنقل لقاعة العرض التانية ف قلعة صلاح الدين بس في عالم في متحف اللوڤر ف فرنسا اسمه (اوجست) حب يفتح معرض في بولاق علي شواطئ نهر النيل ولما الاثار دي اتعرضت لخطر الفيضان اتنقلت لقصر (الخديوي اسماعيل بالجيزة) بعد كده جه عالم المصريات (ماسبيرو) وافتتح المتحف في قلب القاهرة ف مكانه الحالي ١٩٠٢..
المتحف يشمل عصور كتيرة اوي ما قبل التاريخ؛ عصر التأسيس؛ عصر الدولة القديمة؛ عصر الدولة الوسطي؛ عصر الدولة الحديثة والعصور المتاخرة ده غير انه فيه القناع الذهبي لتوت عنخ امون
ده اختصار كبير اوي بالنسبة للكنوز الي مالية المتحف تقدر عددها بالالاف
لو حابب تعرف اكتر عن المتحف وعن اثار بلدك في العموم تابعني وهتستمتع..❤️🤝🏻

11/09/2023

المتحف المصري بالتحرير
جاهزين تعرفو القصة كاملة؟
انتظرو اقوي المعلومات والحقايق عن المتحف المصري❤️

09/08/2023

زاوية من زوايا مسجد محمد علي❤️

14/12/2022

دول من اشهر ٥ اماكن سياحية وتاريخية ف اسكندرية اكتر صورة هتجيب ريأكت هتكلم عن المكان الي فيها بالتفصيل والصور والتاريخ وكل حاجة خاصة بيها❤️
شوفو حابين انهي مكان ويلا بينا نعرف اكتر عن اسكندرية❤️👀

05/12/2022

أزاي انا ابقي من اسكندرية عاصمة مصر التانية ومن اجمل مدن العالم الساحلية ومتكلمش عنها كفاية وعن اثارها وحضارتها المختلفة منها الاسلامي واليوناني والروماني والقبطي صور ومعلومات وفيديوهات اول مرة تشوفوها عن اماكن وجبانات مناطق اثرية ف اسكندرية❤️❤️❤️

22/11/2022

تواشيح من داخل مسجد السلطان حسن فوق الخيال والله❤️❤️❤️

21/11/2022

مسجد ومدرسة السلطان حسن( درة العمارة الأسلامية) ❤️
انشأه السلطان حسن بن ناصر محمد بن قلاوون..خلال الفترة ٧٥٧ه‍ الي٧٦٤ه‍. خلال حقبة المماليك البحرية
وكانت المدرسة لتعليم المذاهب الاربعة( الشافعية-الحنفية-المالكية-الحنابلة) وايضآ تدرس علوم تفسير القرءان الكريم والحديث النبوي والقرءات السبع ويوجد بها مكان لتعليم الاطفال الايتام القرءان الكريم وعلوم الخط
تبلغ مساحة المسجد ٧٩٠٦ م مربع وارتفاعه ٧'٣٧ متر فيه مأذنتين ارتفاع الواحدة منهم ٨١ متر كان مشروع انشاء اربع مأذنات للمذاهب الاربعة اتبني اثنين واثناء بناء الثالثة سقطت ع الطلبة اثناء الدرس قتلت كتير اوي منهم وكان وقتها نظير شؤم للسلطان حسن وتنبأو بانتهاء حكمه حتي تم قتله
ووضع تصميم المدرسة علي طريقة التعامد التي تشتمل علي اربعة ايوانات يتوسطها صحن مكشوف❤️
المكان فيه راحة نفسية غير عادية ده غير انه موجود فيه دكة المبلغ الي بيكون بيردد ورا الشيخ اثناء السجود والركوع لكثرة عدد المصلين وقتها وفيها كمان اكبر حامل مصحف ف العالم واكبر كرسي قارئ كمان ممكن تشوفه وفيها ضريح السلطان حسن بنفسه مدفون جوه المسجد❤️
المكان مفتوح من ٩ ص حتي ٥ مساءآ مينفعش متزورش التحفة الفنية دي❤️

20/11/2022

مسجد ومدرسة السلطان حسن❤️
من اعظم الاماكن الاسلامية ف مصر وف التاريخ الاسلامي كله جه الوقت الي نتكلم عنه باستفاضة خلال ساعات
جاهزين؟ والمرادي بجد والله😂❤️❤️❤️

04/10/2022

المعلومات التاريخية والمغامرات وحشتك صح؟
ڤيديو من داخل محميات وادغال الفيوم😂❤️
بحضرلكم حاجة عظمة والله ف الطريق🤌🏻

14/09/2022

صباح الخير لكل محبي التاريخ❤️
أنتظرو اول فيديو هنا ع البيدچ بتكلم فيه عن مسجد ومدرسة السلطان حسن وهيبقي ف مفاجاءة ف الفيديو هتعجبكم جدا اتصورت جوه ضريح السلطان معتقدش انكم شفتوها قبل كده❤️
❤️😉

09/09/2022

أنا مين وبعمل أيه؟
👀أنا اسمي حسام امجد
👈🏻حاصل علي ليسانس أداب قسم التاريخ والاثار المصرية والاسلامية شعبة عامة درست جميع العصور التاريخية وفترات الحكم المتتابعة لحد وقتنا هذا انت متخيل؟
👈🏻حاصل علي شهادة الارشاد السياحي من وزارة الثقافة ووزارة الاثار
👌🏻وشهادة الترميم الاثري والحفائر من وزارة الثقافة ووزارة الاثار
بحب بلدي جدآ وبحب اعرف الناس كلها عن بلدها بشكل بسيط وسهل يحببهم ف انهم يروحو الاماكن الاثرية والسياحية ويعرفو اكتر عن البلد وتاريخ اجدادهم سواء التاريخ الاسلامي او المصري او اليوناني والروماني
سافرت كتير وحياتي كلها مغامرات ومخاطر وجي انقلك تجربتي كلها بالحرف واوعيك لبلدك وحضارتها اكتر❤️
ادعمني لو حاببني وحابب بلدك ونفسك تعرف عنها الي متعرفوش❤️
المخاطر❤️🤙🏻💜

09/09/2022

بوست المسجد وصل ي شباب قولولي رائيكم❤️❤️

09/09/2022

مسجد محمد علي.. او مسجد الالباستر بسبب كثرة استخدام الالباستر ف الجدران وف الارضية امر ببنائه محمد علي عام ١٨٣٠م وتم الانتهاء منه عام ١٨٤٨ عند وفاة محمد علي ودفن فيه تم استكمال الانشاءات فيه بعد وفاته صمم المسجد علي نسق مسجد السلطان احمد خان ف اسطانبول والمسجد ده عدي بفترات ترميم وتجديد كبيرة المسجد بيحتوي علي ٤ قباب رئيسية وفي نصف قبة كمان بتبان ف الجزء الخارجي للمسجد مطليين بطبقة من الرصاص والنحاس لعكس اشعة الشمس ومن الداخل السقف عالي جدا ليضيف قوة لصدي الصوت اثناء الاذان والصلاة محمد علي اهدي مسلة لملك فرنسا بسبب وقوفه جمبه اثناء حروبه الخارجية ف قام ملك فرنسا باهداء محمد علي ساعة علي شكل برج كانت بترن زمان اوقات الصلاة حاليا ف مشروع لترميمها هتلاقي كل الصور تحت😉
الملك فاروق قام بترميم جزء كبير من المسجد ومن العمدان وامر بانشاء منبر له سنة ١٨٣٩
ويوجد بالمسجد واحدة من الأسرار التي لا يعرفها الكثيرون وهي قطعة من الرخام تم نقش وجه ملكة بريطانيا ونقش رسم للجزر البريطانية عليها في أعلى القبة من ناحية اليسار، وذلك احتفالا بزيارتها للمسجد سنة 1920م في عهد السلطان فؤاد الذي أطلق على نفسه لقب ملك في عام 1922 وهو والد الملك فاروق الأول.
ويوجد خارج المسجد مكان يسمي الفسقية للوضوء مصنوعة ع الطراز الاسلامي القديم
المسجد تحفة معمارية عظيمة داخل قلعة صلاح الدين الايوبي والمكان مفتوح للزيارة جميع ايام الاسبوع من ٩ ص حتي ٥ م

08/09/2022

مين مستني جامع محمد علي؟❤️

07/09/2022

كل الاراء جاتلي حابين الاثار الاسلامية..❤️
عشان كده الفترة الجية معلومات اسلامية تاريخية مش عند اي حد غير هنا❤️❤️
جامع محمد علي واحد من اجمل واعظم الفنون المعمارية❤️
انتظروووو..👌🏻🧐

05/09/2022

صباحكم جميل وتاريخي😉😍
دلوقتي انا حابب أعرف انتو بتحبو انهي نوع من السرد والتوثيق عشان اقدمه لو عليا انا انا ملم وبحب كل انواع الحضارات والازمنة التاريخية وعصورها اليوناني والروماني والاسلامي والقبطي والمصري والفرعوني والتاريخ الحديث والمعاصر وكل دول
انتو بقي الاهم عندي حابين تعرفو ايه؟ وحابين اني اتكلم علي انهي زمن او وقت بالتفصيل واذكر مميزاته والي حصل فيه وهكذا وبرأي الاغلبية هبتدي اركز ع الوقت والزمن الي اختارتوه وهعرفكو عنه كل حاجة جديدة❤️
مستني رائيكم❤️🤝🏻

02/09/2022

(جبانات الجيزة) او اهرامات الجيزة التلاتة اعظم واضخم بناء حجري تم بناء الهرم الاكبر ف عصر الملك خوفو احد اعظم ملوك الاسرة الرابعة علي يد (حانوبي) تعرف ان طول الهرم حوالي ١٤٧ متر؟ بس دلوقتي بسبب العوامل المناخية تهشمت بعض الحجارة عشان يوصل طوله ل١٣٧ متر عرض القاعدة بتاعته بس ٢٣٠ متر انت متخيل؟ وزن الحجارة الي فيه من ٥ طن ل ٨ طن ه حسب مكانها
طب ليه الهرم اتعمل اصلا وليه واخد شكل هرم اصلا؟
عشان احنا عارفين ان المصريين القدماء بيعتقدو ف البعث والخلود ف صممو الهرم ده علي اساس بوابة للسماء حتي لو نلاحظ السحاب اوقات بياخد شكل هرمي كده عشان يبقي الملك المدفون منه لاله السماء ع طول
هرم خوفو مش لوحده هنلاقي حواليه ١١ هرم طبعا مش ف نفس طوله وبناءه لكن ف حدود ال٧ متر تقريبا قام ببنائم لزوجاته ك تقدير ليهم وهدايا وتم جلب الحجارة من الاماكن الصخرية وتكسيرها وونحتها وكانت بتنقل ع جزع النخل ك عجلات وبتتشد للمساعدة ف التخفيف من وزنها
طب ليه الهرم اتعمل اصلا؟
عشان الملك يتدفن فيه وتبقي اكبر واعظم مقبرة لملك شيدها بنفسه طب ليه كان ف اهرامات كتير حواليها وف دهشور وهكذا عشان يشتت بيها الاعداء راغبي السرقة وعشان كانت ف مؤامرات وصراعات ف الاسرة الرابعة❤️

02/09/2022

جاهزييين...؟
بكرة بعد الصلاة بأذن الله قصة اعظم حاجة ف التاريخ الفرعوني وواحدة من عجائب الدنيا السبعة القديمة الي لسه موجودة لحد دلوقتي وهي الاعجاز الفكري والتنفيذي لاكبر مقبرة عرفتها الحضارة الفرعونية..❤️
صلي وتعالي هتلاقيني جاهز😉❤️

30/08/2022

أفضل من زاهي حواس نسبيآ😂❤️
انتظرو حدوتة ف منتهي المتعة عن الاهرامات او بمعني اصح (جبانات الجيزة) وابو الهول وهرم زوسر❤️🤝🏻🧐

29/08/2022

مسجد الرفاعي بالقاهرة
مسجد الرفاعي أحد مساجد القاهرة الأثريّة، شيد عام 1329 هجرية الموافق لعام 1911 ميلادية

سمي بذلك الاسم نسبة إلى (أحمد عزالدين الصياد الرفاعي) أحد أحفاد الإمام أحمد الرفاعي الذي ولد بالعراق وسافر لمصر وتزوج فيها من فتاة من سلالة الملك الأفضل ابن صلاح الدين الايوبي

ويتميز المسجد بالتفاصيل الدقيقة في الزخارف على الحوائط الخارجية والعمدان العملاقة عند البوابة الخارجية، وقد استمر بناء هذا المسجد 40 عام

ويحتوي مسجد الرفاعي على العديد من مقابر أكثر أفراد العائلة الملكية في مصر ، لهذا أصرت خوشيار هانم والدة الخديوي إسماعيل على بنائه ، و كان ذلك عام ١٨٦٩ عندما وقع اختيارها علي زاوية الرفاعي وكلفت اشهر مهندس وقتها بتصميمه ولكن توقف البناء واستكمل مجددا عام ١٩١١ و لكن هذه المرة بعد وفاة خوشيار هانم ، حيث تم تشيد الجامع علي الشكل الذي نراه عليه حاليا

ويوجد بداخل المسجد قبر الملك فاروق الأول، والخديوي إسماعيل ووالدته وقبر شاه إيران رضا بهلوي ومحمد رضا بهلوي، ومؤخرا وتحديدا يوم الأثنين الموافق 14 فبراير 2022 تم نقل رفات الملكة فريدة من مدفنها في الأمام الشافعي لتدفن بجوار بناتها في مسجد الرفاعي

27/08/2022

مسجد أحمد الرفاعي من اقدم واهم المساجد الاثرية بالقاهرة❤️
لو طلعت ورقة من فئة العشرة جنيه هتلاقيه موجود عليها
تفاصيل كتير عنه وتاريخه البوست الجي❤️👌🏻

Address

Alexandria

Telephone

+201277327198

Website

facebook.com

Alerts

Be the first to know and let us send you an email when Hosam Amgad- حسام أمجد posts news and promotions. Your email address will not be used for any other purpose, and you can unsubscribe at any time.