بنات بطوطة -Banat Batouta

01/04/2024

حفلة العيد ٣×١ يوم السبت ٤/٦
(حفلة العيد-خروجة العيد-عمل خير في يوم واحد)🤗
🔵برنامج الحفلة عبارة عن:
💥حفلتنا هتكون في مساحة خضراء مخصصة للأطفال 👫
💥التعرف علي العيد وايه هي زكاة العيد؟🌸
💥فقرة اللعب ومسرح العرايس🕺🕴️
💥فقرة تحضير كحك العيد وتوزيعه علي أطفال المساحة الخضراء🧑‍🍳
💥فقرة توزيع الهدايا والمفاجأت 🙈🎊
💥فقرة حرب الألوان 🧨🪂
✨اخر موعد للحجز يوم الاربعاء 💫



#مفاجات

25/01/2024

مساء الخير 🥰
إحنا عندنا رحلة لطيفة لرشيد كان المفروض هنطلعها بكره بالتعاون مع #نسيمة لكن بسبب عدم استقرار الجو ووجود شتا بكره قررنا نأجلها ليوم السبت

💥 ده برنامج الرحلة لو حد يحب يضم علينا 👇
- هنزور قناطر ادفينا ونتصور معاها
- هنشوف ورش تصنيع مراكب الصيد
- هنزور المتاحف
- هنزور قلعة قايتباى
- هناخد مركب في النيل ونجرب نصطاد
- هنشوف جبل أبو مندور التاريخي

👈 ده طبعا غير مسابقاتنا وفقراتنا المتنوعة والأنشطة اللي بنعملها طول اليوم ما بين أنشطة فنية وأنشطة حركية وأنشطة تأمل واسترخاء وأنشطة جماعية وتعاونية
وطبعا الألعاب اللي بنلعبها مع بعض في الباص طول الطريق
وفقرات الغناء والحكى 🥳🎼

✨ للحجز والاستفسار يمكنكم التواصل من خلال رسائل الصفحة أو على رقم واتس آب 01097853746

#رحلات #رشيد #سفر

19/12/2023

مساء الفل 😍
جاهزين لخروجة خفيفة ورايقة نختم بيها السنة مع بعض في محاولة لتحسين مودنا وحالتنا النفسية؟ 🤔

خروجة المرة دي هتكون للمتحف اليوناني الروماني 🙈
وحقيقي المتحف ده كنز محتاجين ندخل نكتشفه مع بعض..
وهيكون معانا مرشد هيكلمنا عن كل جزء في المكان 👌

غير إن المكان كمان مناسب نعمل فيه فوتوسيشن خطير والصور بتطلع تحفة 😍

وبعد ما هنخلص جولتنا في المتحف هنطلع على الشلالات نفطر مع بعض ونعمل أنشطة كتير مختلفة ما بين تعارف وتأمل وتخطيط للسنة الجديدة وأنشطة فنية وتعبير عن المشاعر 🥰

وخليكم مستعدين لرحلات نص السنة، فيه مفاجأت كتير هتعجبكم 🥳
👈 المعاد: السبت 23 ديسمبر
👈 الخروجة مجانية تمامًا فقط هتدفعي تذكرة دخول المتحف
👈 للحجز والاستفسار تقدروا تتواصلوا معانا من خلال رسائل الصفحة أو الجروب اللي في أول تعليق أو على رقم واتس آب 01097853746

#رحلات #استكشاف

08/09/2023

رحلة برعاية نوستالجيا التسعينات 🥰👭

مين فيكم شاف مسلسل ريڤو؟👀
لو حبيتوا أجواء التسعينات واستمتعتوا بالذكريات يبقى يلا بينا نعيش تاني الأجواء ونرجع بالزمن لورا في رحلة مختلفة على شاطئ اليشمك 🏖️

ومش بس هتكون نوستالجيا وذكريات جميلة هنرجع نعيشها تاني من جديد 🙈
إحنا كمان هنستمتع بفقرات كتير مختلفة ومتنوعة ووقت لطيف مع صحاب لذيذة ما بين:
💫 فقرة غنا ومسابقات أثناء طريقنا وإحنا في الباص
💫 فقرة الذكريات وفيها هنلبس لبس تسعيناتي وهنرجع بالزمن لورا شوية ونتصور أحلى صور
💫 حفلة باربي اللي فيها هنشوف الدنيا بينك وبس
💫 فقرة زومبا ورقص شرقي وفيها هنفرغ كل الطاقة السلبية
💫Color Party
💫 فقرة حكى
💫العاب مختلفه

👈 تفاصيل أكتر عن الرحلة:
- المعاد: يوم السبت 16 سبتمبر
- الرحلة للبنات والستات بالتعاون مع #نسيمة
- هيكون معانا فوتوجرافر شاطرة جدًا عشان نوثق أوقاتنا الحلوة
-متاح اصطحاب الأطفال حتى سن 8 سنوات
-ممنوع التصوير تمامًا غير في الأماكن المسموح فيها بالتصوير
-الشاطئ للسيدات فقط، ممنوع نزول البحر غير بالملابس المخصصة للبحر (مايوه عادي أو مايوه شرعي)
-التجمع في سوتر الساعة 9 ونصف صباحًا والتحرك 10 صباحًا
-التحرك للعودة الساعة 7 ونصف مساء
- الرحلة يوم واحد فقط ومتاح تكون يومين للي يحب يقضي يوم زيادة في فيلا بجاردن خاصة

👈 للحجز والاستفسار برجاء التواصل من خلال رسائل الصفحة او على رقم واتس اب 01097853746

29/06/2023

أقوى وأروق وأجمد رحلة عيد ممكن نطلعها ومعانا الأهل كمان 😍🏊‍♀️

الرحلة اللي فعلًا هتلاقي نفسك بتستمتع فيها بحاجات كتير مع بعض، فرصة كويسة بتحصل مرة واحدة بس في السنة 👌

هنحتفل مع بعض بالعيد وببداية الصيف كمان 😍🙈

هنروح فين؟ بينا على Taverna Aqua city 🏊‍♀️🤽‍♂️

👈 طب ليه اختارنا تاڤيرنا؟ 🤔
💥لأن المكان ده لنا فيه ذكريات كتير جميلة جدًا
💥 لأنها أكبر مدينة ألعاب مائية في اسكندرية، على مساحة 7 فدان تقريبًا
💥 لأنها اتجددت وبقت أحلى وأحلى
💥 التيكيت بتكون شاملة وجبة الغداء
💥 فيها 7 حمامات سباحة
💥 10 ألعاب مائية
💥 كيدز إيريا
💥 ألعاب متنوعة زى البلياردو وإير هوكي وبينج بونج وغيرهم كتير
💥 المكان حلو أوي أوي للناس اللي بتحب التصوير
💥 وكمان معاد الرحلة مناسب جدًا لكل الناس

👈 يومنا مش بس هيكون سباحة ولعب في الماية، إحنا كمان هيكون عندنا فقرات وأنشطة مختلفة احتفالًا بالعيد، زى:
💥 فقرة تعارف وألعاب وغنا في الباص
💥 حفلة العيد الخاصة بنُسيمة
💥حرب الألوان
💥 فقرة فوازير (والفائز له هدية لطيفة من نُسيمة)

👈 موعد الرحلة: السبت (رابع أيام العيد) 1/7/2023
👈 تكلفة الرحلة تشمل:
- الانتقالات بالباص
- وجبة غداء
- كل الألعاب والأنشطة

يلا مستنيين إيه؟ الحقوا الحجز بسرعة، العدد محدود جدًا جدًا 👌

🍃 للحجز والاستفسار ابعتولنا على رسائل الصفحة أو على رقم واتس آب 01097853746

05/06/2023

أخدنا الأجازة؟ طب يلا رحلة جديدة كلكم طلبتوها مننا ومستنينها بقالكم كتير، الحدث اللي بيحصل مرة واحدة في السنة عشان نستمتع بالألوان والرقة والبهجة اللي بجد 🌿🌻

هنطلع يوم القاهرة ننسى فيه كل ضغط فترة الدراسة والامتحانات ونستمتع فقط 😍

يومنا هينقسم ل 3 أجزاء:
🌻 زيارة معرض الزهور: ودي فرصة لطيفة عنيكم تشوف أشكال وألوان جميلة تخطفكم وتحسن نفسيتكم جدًا وتديكم مشاعر إيجابية..

المعرض متنوع و مبهج وفيه جميع أنواع الزهور والنباتات بأسعار بسيطة جدًا.. ودي فرصة كويسة نتعرف أكتر على النباتات وأنواعها والزراعة وإزاى نعتني بالزرعة بتاعتنا، تجربة فعلًا هتفرق معانا ونفسيتنا 🥰🌿

🌻 زيارة المتحف المصري أو حديقة الحيوان (حسب رغبتكم) :
- المتحف المصري واحد من أكبر وأشهر المتاحف العالمية، وفيه عدد كبير جدًا من الآثار المتنوعة، حوالي 180 ألف قطعة أثرية، ودي فرصة كويسة الأولاد يتعرفوا أكتر على حضارة بلدهم ونرفع وعيهم ونزود ثقافتهم والأهم يزيد ارتباطهم بجذورهم وهويتهم 👌🍃

- ومتحف الحيوانات المحنطة جوا حديقة الحيوان وده فيه عدد كبير من الحيوانات المحنطة والهياكل العظمية المصفوفة بشكل بديع، ومن أبرز محتويات المتحف التمساح الفرعوني القديم "سوبيك" ، وهيكل عظمي للحوت الأزرق، وبعض الديناصورات النباتية، ... إلخ

🌻 رحلة نيلية: بعد كده هنحتاج نقعد شوية في مكان رايق، نرتاح ونستجم ونشم هوا نضيف 🥰
ف هناخد مركب في النيل نختم فيه يومنا بروقان وسعادة وهدوء ♥️

يلا مستنيين إيه؟ الرحلة دي مش بتتكرر غير من السنة للسنة فحاول تلحق مكان معانا 😃

✨ الرحلة بالتعاون مع #نسيمة ومناسبة لكل العيلة
✨ ميعاد الرحلة: السبت 17/6/2023
✨ العدد محدود جدًا
✨ للحجز والاستعلام برجاء التواصل من خلال رسائل الصفحة أو على رقم واتس آب 01097853746

#استكشاف

25/04/2023

في طريقنا لرحلة العيد ..فجنون ❤️

21/04/2023

كل سنة وأنتم طيبين وبخير 🥰
نتمنى تكونوا بتقضوا عيد جميل 🎈

وبنفكركم إنكم تقدروا تكملوا احتفال بالعيد معانا في رحلة فجنون 🙈🎨

حيث الأنشطة المختلفة والألعاب والفقرات اللي هتحسسنا بنشوة وفرحة العيد اللي بجد 😃😍

✨ بنشارككم تفاصيل أكتر عنها في أول تعليق

✨ وبنأكد عليكم إن أخر معاد للحجز غدًا السبت 22 إبريل

✨ متبقي 10 أماكن فقط

عيد سعيد عليكم 🩷🩷
للحجز والاستفسار برجاء التواصل من خلال رسائل الصفحة أو على رقم واتس آب 01097853746

#فجنون

18/04/2023

لسه محتارين هتحتفلوا ازاى بالعيد؟ 🙈🎈

لو لسه محتارين وبتفكروا إزاى نقضي عيد سعيد كله بهجة وألوان، ف إحنا كمان فكرنا معاكم ولقينا إن فجنون مكان مناسب جدًا نقدر نعمل فيه أنشطة كتير مبهجة ونحس سعادة وبهجة العيد ✨🥳

ف يلا بينا على فجنون للمرة للتالتة 😍🙈
في يوم من تاني بعنوان The Power Of Hand
وخلونا نرجع نشوف يا ترى إيدينا ممكن تبدع وتطلع إيه؟ 🎨
👈 في التعليقات هتشوفوا تجاربنا السابقة وإزاى قضينا وقت ممتع جدًا في فجنون 😃

طب نقدر نعمل إيه في فجنون؟ 🤔
في فجنون متاح أنشطة كتير مناسبة لكل الأعمار من سن الأطفال حتى سن الجد والجدات👇
✨ حرب ألوان
✨ حرب طين
✨ رسم على السيراميك
✨ رسم على الزجاج
✨ فخار
✨ زراعة
✨ حدادة
✨ تلوين
✨ طباعة
✨ رسم بالنشارة
✨ رسم بالأركت
✨ سجاد
✨ تركيب عطور
✨ اكسسوارات
✨ حفر على الخشب
✨ خراطة
✨ خبيز (كأنك بتعيش زى الفلاح)

دي مش أول مرة نكون في فجنون في العيد، تجربتنا السابقة كانت لذيذة جدًا وكل الناس حبيتها واتمنوا لو اليوم ميخلصش، وكل مرة بنروح فيها مبنزهقش أبدًا وبنحس كأننا أول مرة نروح وبنجرب حاجات جديدة ومختلفة، عشان كده حبينا نكررها تاني بالتعاون مع #نسيمة ❤️❤️

ومش كده وبس هيكون عندنا فقرات تانية وأنشطة كتير زى فقرةMeditation وفقرة ألعاب العيد 🤾‍♀️🎭

يلا هاتوا اصحابكم وتعالوا اكتشفوا العيد الحقيقي مع ومتنسوش تسألوا على خصم العيد 🤩

⬅️ للحجز والاستفسار برجاء التواصل من خلال رسائل الصفحة أو على رقم واتس آب 01097853746

#فجنون

05/04/2023

فطار فريق نسيمة في تجمع فطار جمعية نهضة المحروسة
كجزء من برنامج حاضنة اعمال رابحة 💜🌿
at Ahimsa Egypt

09/03/2023

ايه اليوووم الحلو دااااه ❤️
بدأنا رحلتنا لمعالم القاهرة ( قصر عاىشة فهمي ،مجمع الأديان ،مجنع الفسطاط ،حديقة الأزهر )❤️🪷💕☀️✨
الاحتفال باليوم العالمي للمرأة ....كل سنة وكل بنت وست طيبة وبألف خير وسلام بالتعاون مع مؤسسة كير مصر ومساحة الصديقة العجمي 🥰🌿♀️

https://fb.watch/j9jwCa9-Ki/?mibextid=RUbZ1f

08/03/2023

يوم صد رد للقاهرة ونيلها ومواويلها.. تيجوا معانا؟ 😃

قبل ما ننشغل في أجواء رمضان الجميلة إيه رأيكم تكون أول استعداداتنا إننا نحسن نفسيتنا برحلة لطيفة تصفي ذهننا وترفع لنا الأدرينالين؟ 🙈
رحلة كمان مناسبة لكل العيلة، يعني لو الأسرة كلها طالعة مع بعض اليوم هيكون أجمل وأجمل وهنرجع كلنا مبسوطين 🥰😍

👈 برنامج الرحلة كالتالي:
(زيارة قصر عائشة فهمي - زيارة متحف الحضارة - رحلة نيلية - مول مصر)

👈 تحبوا تعرفوا ليه اختارنا الأماكن دي؟ 🤔

⬅️ قصر عائشة فهمي هو قصر تاريخي يعتبر تحفة معمارية و من أجمل القصور اللي بتطل على النيل، أطلق عليه (مجمع الفنون) 🌅🎨
فيه أجمل لوحات فنية من الحرير والكتان ونقوش يابانية وجداريات رائعة شاهدة على فترة معمة من تاريخ مصر وكمان بيستضيف معارض أهم الفنانين العالميين زى بيكاسو وسلفادور دالي وهنري مور 😍

⬅️ متحف الحضارة واحد من أهم وأكبر متاحف الآثار في العالم وأول متحف يتم تخصيصه لمجمل الحضارة المصرية، أول رجلينا ما هتخطي بوابة المتحف هنكون دخلنا رحلة عبر الزمن هنتعرف فيها على مراحل تطور الحضارة منذ أقدم العصور ولحد العصر الحديث وده من خلال أكتر من 50 ألف قطعة أثرية موجودة في المتحف..
مقتنيات المعرض بتتعرض في معرض رئيسي دائم فيه أهم إنجازات الحضارة المصرية بالإضافة ل 6 معارض تانية (الحضارة - النيل - الكتابة - الدولة والمجتمع - الثقافة - المعتقدات والأفكار) بالإضاقة طبعًا لمعرض المومياوات الملكية 👌

⬅️ بعد كل المعلومات اللي هنعرفها من خلال حكايات بسيطة تناسب سن الأطفال هنطلع رحلة نيلية في مركب عشان نستمتع بالجو والهدوء ونرتب أفكارنا ونستجم 🥰

⬅️ هنطلع بعد كده على مول مصر نعمل شوبينج ونتصور ونلعب، وهننهي يومنا على أمل نتقابل تاني قريب جدًا 🙈👌

👈 رحلتنا بالتعاون مع بمساحة تعلم الحر نُسيمة ولو حابين تعرفوا أكتر عننا وعن أنشطتنا السابقة شوفوا اللينك اللي في أول تعليق.
👈 لو مهتمين تشاركونا اليوم سيبوا تعليق عشان نشارككم تفاصيل الحجز أو تواصلوا معانا من خلال رسائل الصفحة أو على رقم واتس آب 01097853746

🔵 ومتنسوش العدد محدود جدًا.

#نُسيمة
#

19/02/2023

رحلتنا لإسطنبول مصر(بورسعيد) .....وأخر نقطة في مصر
(راس البر )

ممتنيين لكل اللى حاول يتبسط في الرحلة وفتح قلبه لكل الأنشطة والفقرات ❤️




📸 مريم صبحي عفيفي

05/02/2023

فاصل خمس أماكن في رحلة افريكانوا بارك 🪷

بتحب الحيوانات؟ 🦁🦓🦩
بتحب المغامرة؟ 🤩
بتحب تعيش تجارب جديدة ومختلفة؟ 😍
طب تحب تزور مكان يحسسك إنك في غابة من غابات افريقيا، الطبيعة تسحرك وعدد كبير من الحيوانات المختلفة والمتنوعة حواليك من كل مكان؟ 🤔
قرود وحمار وحشي ونعامة ولاما وطيور كتير أول مرة هتشوفها وتعرف عنها، هتلعب معاها وتأكلها وطبعًا هنكون بنراعي كل سياسات الأمان 🙈

لسه قدامك فرصة تحجز معانا في رحلة افريكانو بارك وتعيش مغامرة رائعة هتحب تكررها كتير ومش هتندم أبدًا على قرارك 🤩

👈 أخر معاد للحجز بكرا الاثنين 2/5
👈 الرحلة يوم الجمعة 2/10
👈 الرحلة مناسبة لكل الأسرة 👨‍👩‍👧‍👧
👈 الحجز من خلال ملء الاستمارة الموجودة في التعليقات
👈 لتفاصيل أكتر ابعتولنا على رسايل الصفحة أو رقم واتس آب 01097853746

#

21/01/2023

15/01/2023

ليه نطلع رحلة لراس البر ؟

رأس البر يعني شارع 89 والسوق الكبير وبلبول وابو طبل
والسينما واللسان بالليل والترمس والبطاطا المشوي
و فطير فتوح واﻻيس كريم وكافتيريات ومكتبات ومحلات السوق الكبير . ذكريااااات جميلة .

🏛️مكان له تاريخ كبيرا بيبدأ من القرن التاسع عشر
أولا:- نتكلم عن منطقة اللسان كلنا سمعنا عن التقاء البحر المتوسط مع نهر النيل
في منظر تحفة و واضح هناك فرق بين البحر المتوسط ونهر النيل في اللون المياة
ثانيا :-الشؤاطئ
شاطئ النخيل والعائلات دة شاطئ أول لما تروح تاخد شمسية وكراسي
ثالثا :- منطقة الجربي السياحية ودي بقي أولي المناطق للعلاج الطبيعي في مصر
والمعروف برماله الجافة مفيدا جدا للجسم

✨هناخد مركب من اللسان بس اللي بتروح لحد دمياط بتقعدوا ساعتين في النيل فسحة روعة

يلا لو لسه بتفكروا تطلعوا معانا رحلة بورسعيد وراس البر اخر يوم للحجز النهاردة ❤️

تفاصيل الرحلة كاملة في أول تعليق 👇

14/01/2023

https://m.facebook.com/story.php?story_fbid=536008805217186&id=100064242123096&mibextid=Nif5oz

مساء الفل
بنفكركم أن آخر ميعاد للحجز بكره 15/1 الفوج التاني من رحلة بورسعيد ونسيبكم مع صور الرحلة السنة اللى فاتت ❤️

11/01/2023

أعداد الرحلة قاربت علي الانتهاء بنفكركم أن آخر ميعاد للحجز 15/1 ☺️
رحلتنا لبورسعيد وراس البر قربت خلاص ومتحمسين ليها ومستنينها بفارغ الصبر 🤩
يلا بينا نخطف يومين نشوف بيهم 3مدن بشكل مختلف عن اى مكان بيطلعها تاني وتقابلوا ستات ملهمات في أماكن مختلفة في مصر قدروا ينجحوا ويكون عندهم مشاريع ناجحة ومختلفة 😍

وتفاصيل الرحلة هتلاقوها في أول تعليق 👇

09/01/2023

الحياة قصة وإحنا رايحين لواحة الأساطير أو زى ما سموها المصريين زمان سيخت أم ( أرض النخيل ) وده أول ما أتكتب عنها فى معبد إدفو
كل بنت وست هتختطف نفسها وتيجى هتكتب قصتها فى 4 أيام قصتها اللى هتكتشفها فى واحة الزيتون

سيوة هتكون البريك اللى محتاجينه وسط الضغوط والتغييرات الكتيرة السريعة الغير متوقعة
عجلة الزمن هتفضل ماشية لكننا هنوقف حركتنا معاها هناك ، هنستجمع طاقتنا وناخد نفس طويل نفس نقدر نرجع نكمل بيه

وهنعرف سيوة من قريب قوى ونستمتع بالسلام اللي بيحوطها ونستمتع بالطبيعة والغروب والشروق ورمالها وبحيراتها الجذابة ونتعرف على طيبة أهلها وأصالتهم وإعتزازهم بلهجتهم الأمازيغية

🏝️تفاصيل وترتيبات تنظيمية🏝️

🕚ميعاد الرحلة 🕚

التحرك 9-2 مساءا والرجوع الإثنين 13-2

🌴 رحلة سيوة فى أغلب الأماكن بتكون 3 أيام ليلتين ودايما دايما بتكون التعليقات لو نزود يوم زياده نستمتع بالهدوء والجمال فيها و لأن المرة دى عايزين نتكلم مع نفسنا برفق وبراحة الرحلة خليناها 4 أيام 3 ليالى وده خط سير الرحلة :)

🌴التحرك من اسكندرية الخميس مساء للوصول لسيوة صباحا

🏞️اليوم الاول:
-الوصول لسيوة والتسكين في كامب جوبار وتناول الفطار وفقرة صندوق رسايل سيوة .
- زيارة قلعة شالى والمسجد العتيق والبيت السيوى وجزيرة فطناس وواحة الغروب وبحيرات الملح .
- العودة للفندق وتناول العشاء وسهرة بدوى ودردشة عن موضوع هنختاره كعادتنا.

🏞️اليوم الثانى :
- تناول الفطار .
- زيارة جبل الموتى وعين كليوباترا ومعبد امون ومعبد الإسكندر وجبل الدكروروعين الماظة .
- العودة للفندق وتناول العشاء و قعده عن ايه الحاجات اللى عايز أودعها فى حياتى .
-سهرة سيوة كما لما تراها من قبل .

🏞️اليوم الثالث :
-تناول الفطار .
- التحرك للسفارى بعربات الدفع الرباعى والتزحلق على الرمال .
- تناول العشاء البدوى .
-زيارة السكان الامازيخ وشخصيات مؤثرة في المجتمع السيوي
- العودة للكامب .
- بنات بطوطة بارتي للبنات والستات .💃😉🤩

🏞️اليوم الرابع:
-تناول الفطار وعمل Check out .
- جولة حرة لمشاهدة الحرف اليدوية والمشغولات لسكان اهل سيوة .
- التحرك للعودة ان شاء الله

ولو عايز تشوف رحلات سيوة اللى طلعناها من هنا 👇

رحلة سيوة 1..رحلة عن قيمة التسامح
https://bit.ly/3hQCAPO

رحلة سيوة 2...القصة وما فيها
https://bit.ly/3YWiWm4

تقدروا تتعرفوا على رحلاتنا اللي طلعناها فى أماكن مختلفة فى مصر من خلال اللينك ده 👇
https://bit.ly/3WwOMEc
للإستفسار والحجز من خلال مسدج البيدج أو رقمنا الواتس اب
01097853746
و‏علشان تكون أول واحد يعرف رحلتنا و كل الأخبار والمعلومات الخاصة بالسفر والتخييم و السفاري تابع البيدج الخاصة بينا 😍
وانضم للمجتمع الخاص ب بنات بطوطة علشان تعرف رحلاتنا السابقة من خلال واتساب جروب من هنا
https://bit.ly/3eElaOk


#سيوة

01/01/2023

خروجتنا في راس السنه في قلب الخضرة والصحبة الحلوة 💚🌿

بنفكركم أن فاضل 5 أماكن في رحلة بورسعيد فقط
و8 أماكن في رحلة بورسعيد وراس البر مع بعض

🌊🛳️الرحلة يوم الجمعة والسبت 20-21 يناير 2023

تفاصيل اكثر عن الرحلة في اول تعليق 👇

30/12/2022

الرسايل وتعليقاتكم بعد كل رحلة هي اللى بتخلينا نكمل ونطور من نفسنا أكتر وأكتر 💓🪷

29/12/2022

تعالي أعرفِك على حدث يستحق إنك تزوري بورسعيد عشانه وحاولي تاخدي صحابِك أو أولادك معاكي، هتعيشوا تجربة فريدة ومثيرة وممكن متتكررش تاني في حياتكم 😎

أكبر مكتبة عائمة في العالم سفينة (لوجوس هوب) واللي بتضم مكتبتها أكثر من سبعة آلاف كتاب هتزور ميناء بورسعيد في نفس معاد رحلتنا 🙈🥰

السفينة بتبحر وتجوب العالم منذ 1970، زارت قرابة 160 دولة وصعد على متنها وزارها قرابة 40 مليون زائر حول العالم.

طيب ممكن تستفيدي ايه من رحلة زي دي ..؟!🤔

1. رحلة جميلة من أجل القراءة والتقاط الصور والتصفح مجانًا أو شرائها إذا حبيتي لتحسين المعرفة.

2. هتمارسي اللغة اللي تحبي تتكلمي بيها وخصوصًا الإنجليزية مع الطاقم، وعلى متنها أكثر من 400 متطوع من نحو 60 دولة. أي لغة نفسك تتكلمها.. روحي مارسيها واتكلميها معاهم واعرفي أي معلومات محتاجة تعرفيها عن دولهم وثقافتهم والدراسة هناك والحياة ايه أخبارها.

3. حضور الفاعليات والعروض والأنشطة الثقافية للزائرين لتعريفهم بحضارات العالم وثقافاته المختلفة، حيث أن السفينة تحتوي على الموروث الثقافي والحضاري والأدبي لكل حضارات العالم.

هنوصل بورسعيد :
نركب المعديه 🛳️
ونروح بورفؤاد
نزور جبال الملح وناخد صور كأننا في اوروبا تحت الثلج 😉
وبعدها نروح حديقة فريال 🗼
وننطلق للسفينة العائمة
ونعمل جولة بالسوق الحرة
ونروح متحف بورسعيد القومي 🏤

ومش بس كده رحلتنا مخلصتش لا كمان هنروح راس البر هنبات ونقضي اليوم الثاني هناك وناكل أحلي أكله سمك 🍤 ونخلي بفطير راس البر المشهور وكمان نشوف البرزخ
وبعد كده هنعدي الناحية التانية من النيل بمركب عظيمة نروح عزبة البرج عشان نسمع قصص نجاح لستات ملهمات نجحوا انهم يعملوا ال business الخاص بيهم رغم ظروف البيئة المحيطة بيهم

وكمان هنطلع علي بلد المشبك 😋دمياط الجميلة 😍
ونزور مسجد عمرو ابن العاص ونشوف ورش النجارة القديمة هناك ⚒️🪜

ممكن تحجزوا رحلة بورسعيد لوحدها ..أو بورسعيد وراس البر مع بعض ومتنسيش تسألي علي 💓

🛳️ موعد الرحلة بورسعيد :- الجمعة 20/01/2023
🛳️بورسعيد وراس البر ودمياط :-الجمعة والسبت20-21/01/2023

تقدروا تتعرفوا على رحلاتنا اللي طلعناها فى أماكن مختلفة فى مصر من خلال اللينك ده 👇
https://bit.ly/3WwOMEc
للاستفسار والحجز من خلال مسدج البيدج أو رقمنا الواتس اب
01097853746
و‏علشان تكون أول واحد يعرف رحلتنا و كل الأخبار والمعلومات الخاصة بالسفر والتخييم و السفاري تابع البيدج الخاصة بينا 😍
وانضم للمجتمع الخاص ب بنات بطوطة علشان تعرف رحلاتنا السابقة من خلال واتساب جروب من هنا
https://bit.ly/3eElaOk
رحلاتنا بتطلع من القاهرة واسكندرية ودمياط

اراء وتجارب البنات والستات في رحلات بنات بطوطة 💓👇
https://bit.ly/3vmt5ee
15سبب تطلعي علشانهم رحلة مع بنات بطوطة 💓👇
https://bit.ly/3vnSeFt

28/12/2022

رحلتنا لفاملي بارك ومعرض الكتاب 2📖🐒🦫🐦🦇🦜🦋🐞

28/12/2022

15 سبب تطلعي علشانهم رحلة مع بنات بطوطة 💓💃🦋

28/12/2022

يابيوت السويس ...يابيوت مدينتي 💙🪹🌿

28/12/2022

خلصنا امتحانات يلا بينا علي القاهرة 🙈☀️

28/12/2022