أحلي فسح في مصر

أحلي فسح في مصر احلي فسح في مصر هتساعدك تعرف اماكن جديدة متعرفهاش بشكل جديد من وجة نظرنا احنا
(1)

لو بصيت في البير هتشوف حبيبتك ⚱️🪞خروجه ب١٠ج في السيدة زينب بيت الكريتليهT.b:Khadija A Jabbar 📷
30/12/2024

لو بصيت في البير هتشوف حبيبتك ⚱️🪞
خروجه ب١٠ج في السيدة زينب
بيت الكريتليه
T.b:Khadija A Jabbar 📷

🌳حديقه الازهر 🌳الحديقه الأجمل في القاهره الكبري واللي ميتشبعش منها أبداً مفيش أحلي من انك تقضي يوم الأجازه مع اسرتك في م...
23/12/2024

🌳حديقه الازهر 🌳

الحديقه الأجمل في القاهره الكبري واللي ميتشبعش منها أبداً مفيش أحلي من انك تقضي يوم الأجازه مع اسرتك في مكان كله مساحات خضره الڤيو لوحده يرد الروح واللون الأخضر للطبيعه يخليك تفصل خالص 🍀💚😍

ومتنساش معاك بقي تورمس عشان الشاي هيعدل مزاجك وانت قاعد في الروقان ده ♥️ ☕️

هتلاقي هناك كيدز ايديا ومجاناًاا 😍😍 يعني ملكش حجه خالص 😂
وفي هناك كمان طفطف صغير وهيلف بيك الحديقه كلها 🥰

متاح دخول المأكولات بس من غير حلل🤭
و مطاعم شيك قوي علي البحيره 💙

سعر الدخول من الاحد للخميس ٤٠ج يوم الجمعه ٥٠ يوم السبت ٤٥ج
الأطفال ٣٠ج

T.b: Khadija A jabbar 📸

سوق الأنتيكات ♥️♥️كنز من كنوز وسط البلد 😍هتلاقى هناك عملات قديمه 💵 راديو 📻 تليفونات ☎️ تحف وجرامافون كل حاجه ممكن تتخيلو...
20/12/2024

سوق الأنتيكات ♥️♥️
كنز من كنوز وسط البلد 😍
هتلاقى هناك عملات قديمه 💵
راديو 📻 تليفونات ☎️ تحف وجرامافون كل حاجه ممكن تتخيلوها ♥️
ميعاده يوم السبت من كل أسبوع 🎞💙

T.b: Khadija A jabbar 📸

إكتشاف رووف جديد في وسط البلد 🫶🏻💙🤩تخيل تاكل او تشرب وانت قاعد في ڤيو وهمي شايف عمارات وسط البلد بمبانيها بالطراز المعمار...
20/12/2024

إكتشاف رووف جديد في وسط البلد 🫶🏻💙🤩

تخيل تاكل او تشرب وانت قاعد في ڤيو وهمي شايف عمارات وسط البلد بمبانيها بالطراز المعماري المميز وشوارعها الجميله ☺️☺️

Varanda

بعد نجاحه في مدينه نصر ومصر الجديده قرر يفتح في وسط البلد قولنا نروح نشوف الكلام ده
الروف ديكوراته جميله وشيك ✨

الروف واسع وهتلاقي هناك القعدات فيها مرجيحه مش هتبقي عايز تقوم من راحه القعده والصور اللي هتحب تاخدها هناك 🫶🏻💙✨🤩📸

جرّبنا الغدا هناك
المكرونه بالجمبري وكانت غرقانه وايت صوص وكانت تحفه
وانصحكم بالبيكاتا هناك اكتر من رائعه
والبيتزا هتحس انك بتاكل في إيطاليا مثلاً العجينه نفسها مخدومه كويس جداً

الحقيقه اننا اتبسطنا بالقاعده ف الروف جداً ومكناش عايزين نمشي وخدنا صور تحفه من فوق📷😍

والمفاجأه بقي عشان تقعدو براحتكم عاملين Kid's Corner كيدز اريا صغيرة "مجانا" 👭

العنوان
٤ عماد الدين فوق كشرى المؤمن وجحا

T.b: Khadija A jabbar 📷

-اركب من رمسيس لميامي انزل الاخر ‘ميامي45’-اكله سمك محترمه من مطعم الكتعه ولاازم تجرب شوربه كريمه السي فوود من هنااك حوا...
20/12/2024

-اركب من رمسيس لميامي انزل الاخر ‘ميامي45’
-اكله سمك محترمه من مطعم الكتعه ولاازم تجرب شوربه كريمه السي فوود من هنااك حوااار ( بس غالي و ممكن تجيب من اي حد بتاع مشويات للاسماك افضل و في ناس كتير نضيفه في مناطق شعبيه ) 👌

-روح اقعد ع البحر شويه و خدلك صورتين حلوين
-لو عايز كافيه حلو تقعد فيه خد مشروع و انزل عند wave او Gleem Bay ☕
-و بعدها كمل ع القلعه القاعدة فوق حلوة جدا و سمعاتك و عيش 🤩
-خلص القلعه و امشي خطوتين هتلاقي نفسك عند الشيخ وفيق ‘احلي رز بلبن بالمكسرات و الجيلاتي 🍧🍦
-هتلاقي مكان قدامه مكتوب انه كافيه بس هو مش كافيه ولا حاجه هو مكان غريب كدة ادخل بس سيبك منه و كمل ادخل اقعد علي الشط نفسه علي البحر 💙
-افصل بقي حبه حلوين هناك مع الرز بلبن😋 و طبعاً سمعاتك لحد الغروب🎧
-خلصت فصلان؟

قوم خدلك مشروع لحد محطه الرمل او اتمشاها المسافة مش طويله اوي يعني🚶‍♂️
-لو كيييف قهوة اطلع علي بن البرازيلي خدلك فنجان قهوة حلو و اشتري بن و انت مروح ☕
-كمل علي ديليس خدلك دونتس قرقض فيه و انت مروح في الطريق عشان متزهقش🙃
-و طبعا لازم نحدق و احنا في السكه عشان الطريق لسه طويل كمل علي كبدة الفلاح “ايوة في ناس كتير مبتحبهاش بس انا لازم اختم يومي بيها” و متنساش تحط ليمون ع الكبدة
-حاجه ساقعه في ايدك عشان تبلع و كمل علي محطه مصر هتلاقي عربيات القاهرة هناك و تصحبكم السلامه😍🚌
T.b: Khadija A jabbar 📸

Instagram: https://www.facebook.com/share/17qHpEpD7r/?mibextid=wwXIfr

اهيه دي الخروجه المتكامله 😍جزيره في وسط النيل وب ٧٥ج 😍😍جزيرة المعادي Maadi Islandالمكان اللي لو قضيت اليوم كله فيه مش هت...
19/12/2024

اهيه دي الخروجه المتكامله 😍
جزيره في وسط النيل وب ٧٥ج 😍😍

جزيرة المعادي Maadi Island

المكان اللي لو قضيت اليوم كله فيه مش هتزهق لانك هتلاقي اكتر من حاجه تعملها في اليوم
نزلنا بدري وقولنا نقضي اليوم من أوله هناك 🤸🏻‍♀️

الجزيره كبيره جداً ومتحوطه بالنيل من كل اتجاه
ف أي مكان هتقعد فيه هتشوف الميه من حواليك🌊

الجزيره فيها أكتر من مطعم
هتلاقي هناك المطعم الريفي والأيطالي وفي مطاعم تانيه كتير 😍😍
مش بس كده في هناك ركوب العجل ب ٣٠وب ٤٠ج والكيدز ايريا ب ٣٠ج ماعادا الويك اند ب ٦٠ج وأتوبيس نهري كمان ب ٥٠ج💙💃

كمان فيها ملاهي للكبار و الأطفال عشان متشلش هم حاجه وسعر الألعاب الملاهى من ٢٠ جنيه ل ٤٠ جنيه🥳

وعملو كمان مكان مخصص للصيد ده بقي كان بالنسبالي أحلي مفاجأه الصيد ١٥٠ للفرد
طول اليوم🐟

وحمامات السباحه في واحد كبير أوليمبي وواحد أصغر للأطفال

١٥٠ للكبار🏊🏻‍♀️
١٠٠ للصغار🏊

اه نسيت اقولكم 😍 انهم بيعملو حفلات ف الويك اند وشو الأراجوز الاطفال هيتبسطوا بيه اوي 🤩🥳🥳🥳

العنوان 📍
كورنيش المعادي أمام مستشفي المعادي العسكري

Instagram: https://www.instagram.com/beautiful__places_in_egypt/profilecard/?igsh=MTN5NmZ3d3lvMmIxcQ==

T.b: Khadija A jabbar 📸

المكان ده اكتشاف في وسط البلد😍🥰👌🏻🤩🥳رسم الدخول ٥جنيه وفيها كيدز ايريا ومطاعم وكافيهات T.b:Khadija A jabbar 📸
18/12/2024

المكان ده اكتشاف في وسط البلد😍🥰👌🏻🤩🥳
رسم الدخول ٥جنيه
وفيها كيدز ايريا
ومطاعم
وكافيهات
T.b:Khadija A jabbar 📸

أجواء الكريسماس في الشيخ زايد 🥳💃💃😍❄️🎄🎄🎅🏻♥️♥️by :Khadija A jabbar 📸
12/12/2024

أجواء الكريسماس في الشيخ زايد 🥳💃💃😍❄️🎄🎄🎅🏻♥️♥️
by :Khadija A jabbar 📸

خروجه الكوربة هترفعلك هرمون السعاده🌱🤩‏"" الكوخ - alku5 ""من فينا مش مهووس بعمارات الكوريه وشوارعها الجميله ♥️نزلنا وقولن...
08/12/2024

خروجه الكوربة هترفعلك هرمون السعاده🌱🤩

‏"" الكوخ - alku5 ""

من فينا مش مهووس بعمارات الكوريه وشوارعها الجميله ♥️
نزلنا وقولنا نشوف الجمال ده ✨🤩


المكان هناك واسع جداً اكبر واحلي بلكونه ممكن تقعد فيها بڤيو لشوارع الكوربه وعماراتها بطرازها المعماري الفخم ✨♥️

مفيش أحلي من فطار مصري أصيل في أجواء الكوربه وڤيو الشوارع العريقه 🤩
إختيارنا ل طبليه الكوخ ودي من أكتر الحاجات المميزه في الفطار هناك
هتلاقي فول وفطير فلاحي مورق 😍وبيض مدحرج فرايز وشكشوكه مخللات وسلطه وبراد شاي فطار معُتبر من الاخر 🤗

بعد الفطار المتين ده كان لازمه شاي براد 🌱🫖 الاجواء جميله ومع القعده الحلوه طلبنا سبرتايه وعملنا احلي فنجان قهوه قمه الروقان وانا قاعد ف ڤراندا كبيره والزرع من حواليك 🤗😍

العنوان:
فرع مصر الجديدة، عمارة رقم 16 شارع بغداد الدور الاول فوق بنك القاهرة
وعندهم فرع ف الزمالك ووسط البلد 💁🏻‍♀️

T.b: Khadija A jabbar 📸

مول Rafale المعروف بمول الشماسي ☂️😍دلوقتي ((مول رافال Rafale Mall)) عمل زينة راس السنة 🎀🌲المكان فيه كافيهات ومطاعم والقع...
07/12/2024

مول Rafale المعروف بمول الشماسي ☂️😍
دلوقتي ((مول رافال Rafale Mall)) عمل زينة راس السنة 🎀🌲

المكان فيه كافيهات ومطاعم والقعده حلوه جداً وطول ما انت ماشي بتلاقي كادرات للتصوير هتعجبكم قوي 🎄☃️❄️☂️🥳😍😍

الدخول مجانا و بدون تذاكر و من غير حجز 🤗

لو هتروح بالعربية هتلاقي جراچ كبير تركن فيه براحتك
و المترو كمان قريب جدا "3 دقايق مشي" من محطة كلية البنات

العنوان
شارع احمد تيسيير، مصر الجديدة
اقرب محطة مترو كلية البنات

Instagram: https://www.instagram.com/beautiful__places_in_egypt/profilecard/?igsh=MTN5NmZ3d3lvMmIxcQ==

T.b: Khadija A jabbar 📸

المكان ده كنز من كنوز وسط البلد 💙انا لسه من قريب عرفت بس ان جروبي في وسط البلد ليه حديقه صغيره جميله غير القعدات اللي  ب...
29/11/2024

المكان ده كنز من كنوز وسط البلد 💙
انا لسه من قريب عرفت بس ان جروبي في وسط البلد ليه حديقه صغيره جميله غير القعدات اللي بره ♥️
المكان جميل وريحه المخبوزات هتجذبك وانت لسه مدخلتش أصلاً 😃
من اول دخولك المكان هتحس انك في فيلم عربي قديم 😍🎥
الحديقه دي عادتاً انا بعدي عليه كتير ولكني مكنتش اعرف ان فيه قعده جوه كمان اول ما دخلت
ولقيت المكان محتفظ بشكله القديم واللي طاغي عليه اللون البني انت في مكان بقاله اكتر من 120 سنه ♥️

هتحس وانت داخل كانك راجع للزمن الجميل زمن عبدالحليم وام كلثوم 😍😃🎼

الأكل بيتعمل بإتقان جداً ولا dessert هناك حكايه مع فنجان قهوه او نسكافيه وسماع اغنيه فيروز هتحس انك في عالم تاني 🎼🙈
واخيراً كانت تجربه لطيفه هتحبو تجربوها ♥️

T.b: Khadija A jabbar 📸

🌳 حديقه عابدين 🌳حديقه كبيره وفيها كيدز ايريا ومطاعم وكافيها وعربيات للاطفال رسم الدخول ٥ج بس ♥️😍💙🌸🌸T.b : Khadija A jabba...
28/11/2024

🌳 حديقه عابدين 🌳
حديقه كبيره وفيها كيدز ايريا ومطاعم وكافيها وعربيات للاطفال
رسم الدخول ٥ج بس ♥️😍💙🌸🌸
T.b : Khadija A jabbar 📸

قعده علي الرووف في قلب ميدان التحرير  تخيل تبقي قاعد وحواليك الڤيو التحفه ده 😍البرج والمتحف المصريقعده ولا أجمل ولا أروق...
23/11/2024

قعده علي الرووف في قلب ميدان التحرير
تخيل تبقي قاعد وحواليك الڤيو التحفه ده 😍
البرج والمتحف المصري

قعده ولا أجمل ولا أروق روف فندق سيتي بالاس ♥️
المكان لطيف جداً والڤيو جميل في كل قعده هناك وتقدر تتفرجوا علي الماتشات هناك في شاشه كبيره عشان تتفرج براحتك
وفي كل أنواع المشروبات والأسعار معقوله وهتاخد احلي صور انت واصحابك📸🤗☕️

Instagram: https://www.instagram.com/khadija_omar_jabbar/profilecard/?igsh=d2Z0ZjR4ajIxMXBl

by :Khadija A Jabbar 📸

الوقت ده وقت طلعه ل إسكندرية صد رد 🙈طب ماتيجي نروح في القطر اللي شبه الطياره ده😂♥️الحقيقه من أحلي وأجمل التجارب اللي جرب...
20/11/2024

الوقت ده وقت طلعه ل إسكندرية صد رد 🙈
طب ماتيجي نروح في القطر اللي شبه الطياره ده😂♥️
الحقيقه من أحلي وأجمل التجارب اللي جربتها
هتصدقوني لو قولتلك اني وصلت مسافه ما شربت النسكافيه ☕️😃

هتوصل اسكندريه في ساعتين الا ربع♥️🤸‍♀️
قطار تالجو الحديث من القاهرة للاسكندرية
صراحة قمة في الرقي والنظاقة والراحة
وخلال ساعتين او اقل بيكون واصل والاكل حلو وفي حمام صغير شويه بس نظيف
جربوه مش هتندموا😍🚆

Instagram: https://www.instagram.com/beautiful__places_in_egypt/profilecard/?igsh=MTN5NmZ3d3lvMmIxcQ==

T.b: Khadija A jabbar 📸

تذكرة الدخول ب10 ج اسعار  الزرع بتبدا ب7ج جوله ف المهرجان قادره تغير مودك حرفيا محتاج جوله سعاده تشتري  ورد و تتصورو برا...
18/11/2024

تذكرة الدخول ب10 ج
اسعار الزرع بتبدا ب7ج

جوله ف المهرجان قادره تغير مودك حرفيا

محتاج جوله سعاده تشتري ورد و تتصورو براحتكم ببلاش 😍

العنوان : المتحف الزراعى بالدقى
معرض الزهور🌷🌸😍

تذكرة الدخول ب10 ج ❤️

الخروجه دي قادره تغير مودك حرفيا 😍
المعرض هيبدا فى فبراير

Instagram: https://www.instagram.com/beautiful__places_in_egypt/profilecard/?igsh=MTN5NmZ3d3lvMmIxcQ==

T.b: Khadija A jabbar 📸

الحديقه دي جوا النيل ب٢٠ج  💦🍀⛵                 🌳 حديقه العبور في الزمالك 🌳 مفيش أحلي من قعدتك علي ڤيو النيل بجماله وهواه...
13/11/2024

الحديقه دي جوا النيل ب٢٠ج 💦🍀⛵

🌳 حديقه العبور في الزمالك 🌳

مفيش أحلي من قعدتك علي ڤيو النيل بجماله وهواه اللي بيغير الموود🤩

الحديقه مش كبيرة هي صغننه في نفسها كدة بس هتاخد نفس القعدة ونفس الڤيو لأماكن تانيه بأسعار اغلي 😉😉

هناك بيعملوا ساندوتشات ( جبنه ، برجر ، فراخ ، بطاطس ، كفته وغيرها) الأسعار كويسه 🥪🥖🧀

أسعار المشروبات هناك بتبدأ من ٢٠ج وأغلي حاجه ب ٤٠ج

وعايزين نقولكم إن الحديقه واحدة من ضمن مشروع الحدائق المتخصصة 🍀

سعر دخول الحديقه ٢٠ج 😍😍

المواعيد من ٨ ونص صباحا ل١٢ بعد منتصف الليل 🌠

العنوان 📍
الزمالك الجبلاية امام بوابه حديقه الأسماك مباشرة

Instagram: https://www.instagram.com/beautiful__places_in_egypt/profilecard/?igsh=MTN5NmZ3d3lvMmIxcQ==

T.b: Khadija A jabbar 📸

Address

فى اى مكان هتلاقينا
Cairo

Website

Alerts

Be the first to know and let us send you an email when أحلي فسح في مصر posts news and promotions. Your email address will not be used for any other purpose, and you can unsubscribe at any time.

Videos

Share