TripiGuide, Cairo (2025)

24/12/2016

من داخل مسجد محمد علي بقلعة صلاح الدين ...
#القاهرة

22/12/2016

مسجد وسبيل وكتاب سليمان اغا السلحدار:

المكان راجع للعصر العثمانى وهو اتبنى فى عصر محمد على، ممكن الاول نتكلم عن اسمه ومنها هنعرف وظيفة الراجل ده
الاول كلمة اغا هى كلمة تركية تعنى السيد او الرئيس، وكلمة السلحدار هى كلمة فارسية مقسومه لاتنين سلاح وهى كلمة معروفة فى العربية، وكلمة دار معناها صاحب ، يعنى كلها على بعض صاحب السلاح وهى رتبة عسكرية عند العثمانيين.
اما المسجد بقي هو مختلف شوية عن باقى المساجد فهو مقفول من جوه وزخارفة متأثرة شوية بالاستايل الاوروبى، وجمب المسجد الكتاب والسبيل وكان اول مرة يظهر الكتاب جنب السبيل لأن دايما كانوا بيبنوهم الكتاب فوق السبيل.
والسبيل صدقة بيشرب منه الناس زي الكولدير دلوقتي

21/12/2016

بائع الكازوزة .. ايوة هو دا
دايما كلمة ازوزة او كازوزة بنقولها علي الشراب البارد بس .. هي في الاصل كلمة موجودة من ايام الاحتلال الانجليزي لمصر واللي مطلعها خواجة انجليزي

طيب ايه علاقتها بالعرقسوس؟
كان بائع العرقسوس بهيئته المعروفه دي وهو ينادي على العرقسوس يلفت انتباه الانجليز، فأراد احد الانجليز ان يعرف ما هذا؟

فنادى عليه واخذ منه كوب من العرقسوس ولكن الرجل الانجليزي لم يعرف ان ينطق كلمة عرقسوس، فكان يقول ((ارك سوس)) واختصرت الكلمة الى كاسوس.

واتينا نحن بعد جيل او جيلين سمعنا الأجنبي ينطقها قاصدا شراب العرق سوس فصرنا نُطلقها على أي شراب بارد ونقول كازوزة أو آزوزة باللهجة المصرية الدارجه

20/12/2016

هل نابليون برئ من أنف ابو الهول؟

كان لدى التمثال أنف طويل وعرضه 1 متر وظهر علي اختفائها حكايات كتير
1- اولها تقول بأن الأنف قد دمرت بواسطة مدفعية جنود نابليون.
وشائعات أخرى تتهم البريطانيون أوالمماليك

2- او هشمها المتصوف صائم الدهر الذي كان يعيش بجوار هذا الصنم الذي كان ينظر إليه الناس نظرة تقديس في ذلك الوقت

3- وهناك أراء أخرى لتفسير ذلك: أن أبناء الملوك الفراعنة كانو يتبارون عليها في الرماية.

4- ايضا عوامل التعرية قد تكون السبب.

5- يقال انه اساسا بدون انف. :D

إلا ان كل النظريات إتفقت على أن السبب الرئيسي هو ان الأنف كانت أضعف نقطة في أبو الهول

تفتكروا انتم ليه ؟

20/12/2016

صباح الخير انهاردة جبنالكم صورة للسلطان قايتباي اللي اتكلمنا امبارح عن قصة بكائه الكثير عند توليه الحكم

القصة كاملة هنا
http://bit.ly/2h4LmJ5

19/12/2016

قصة السلطان قايتباى الذي تولي السلطة غصب عنه !

قبل توليه الحكم رأى أحد الصالحين رؤيا أخبره عنها، إذ شاهد شجرة رمان عليها ثمرة واحدة فقط وقايتباى يمد يده ليقطفها، بعدها امره قايتباى بكتمان ما رأى.
وفى سنة 872 هـ، قرر الامراء خلع السلطان الحالي ومبايعة قايتباى وتلقب بالملك الاشرف، وعندما تقدموا إليه شعار الملك اللي هو العمامة السوداء، والجبة السوداء المطرزة بالذهب والسيف، تمنع وبكى، وألبسوه الشعار غصباً وهو يتمنع غاية التمنع، خوفا من غدر الامراء وقتله كما هو المعتاد.

وعلى الرغم من تمنع سلاطين المماليك إلا أنهم قضوا اطول الفترات فى الحكم، أمضى قايتباى حوالى 29 سنة فى الحكم، ومات على فراشه، وهذا أمر نادر فى العصر المملوكى، ولم تقطع رأسه ولم يخزوق ولم يدس له أحدهم السم.

وكان عصره أزهى الازمنة المملوكية، كان قايتباى سلطانا عظيما وشبهوه بملوك مصر الاقدمين مثل رمسيس الثانى وتحتمس واحمس، وانتشرت منشآته فى مصر والشام منها
- مسجده فى صحراء المماليك
- وكالته فى الازهر
- وكالة خلف باب النصر بالقرب من شارع المعز
- ومن أشهر منشأته قلعته بالاسكندرية.

مصدر الصورة: Ahmedherz

11/12/2016

الشروق علي المسجد النبوي الشريف
كل عام وانتم بخير

09/12/2016

مسجد تينمل، المغرب

09/12/2016

عروسة المولد والحصان هما في الاصل الخليفة الحاكم بامر الله زوجته :D

كل سنة وانتم طيبين .. انهاردة هنعرف سوا قصة عروسة المولد :)
كلنا هنحتفل بالمولد كمان يومين، والاحتفال بالمولد عند المصريين يعني أكل الحلوى وشراء العروسة والحصان، بدأت القصة فى العصر الفاطمى، ظهرت صناعه العروسه والحصان الحلوه فى عهد الخليفة الحأكم بأمر الله الفاطمى، ليه بقي؟

عندما خرج الحاكم بأمر الله مع احدى زوجاته يوم المولد وكانت ترتدى فستان ابيض وتاج من الياسمين، فقام بعض صناع حلوى المولد برسم شكل زوجه الحاكم بامر الله على شكل عروسه حلاوة ووضعوها فى قوالب الحلوى، وقام اخرون بتجسيد الحاكم بأمر الله وهو يمطتى حصانه وصنعوه من الحلوى بردوا ومن هنا بدأت صناعة الحصان الحلاوة.

وارتبط موسم الزواج وقتها بالمولد النبوى عشان كدة ابدع صناع الحلوى فى تشكيل العرائس وتغطيتها بأزياء جميله. لم تكن العروسه الحلاوه بمناسبه المولد النبوى فقط وانما ايضا احتفالا بقرب موسم الزواج في زمن الفاطميين، وكانت هى الهديه الاولى من العريس لعروسته :)

كمان كان الحصان يصنع على شكل حصان يمتطيه فارس شاهرا سيف وخلفه علما وكان العلم يتغير بتغير الدول الاسلاميه. لحد دلوقتي صناعة العروسه موجودة وتغيرت اشكالها وتطورت خامتها انما اندثرت صناعه الحصان واختفت.

الصورة مقتبسة من مجلة سمير
Tripified

08/12/2016

اه فى المشمش ... اتعرفت بسبب العنب :D

وقصة المثل أن واحد من الأغنياء فقد ثروته كلها ومبقاش لاقي مكان يروحه وفي واحد فقير اخده عنده في البيت
الفقير إشترى في أول يوم مشمش لاولاده وزوجته و الراجل اللي كان غني أكل منهم 3 مشمشات بس ففضل مشمش كتير للزوجة والاولاد.
فتاني يوم الراجل الفقير اشترى عنب وعزم على الراجل اللي كان غني، فالراجل قعد ياكل عنقود ورا التاني لدرجة إن الفقير خاف ما يتفضلش حاجة لولاده و مراته
فقاله: كل حباية حباية
فرد عليه الغني وقاله : لاااااا ده في المشمش
ودا لان حبة المشمش كبيرة و فيها بذرة و صعب تاكل اكتر من واحدة لكن العنب ممكن تأكل عنقود مرة واحدة. :D

المصدر: احمد امين في كتاب ((قاموس العادات والتقاليد والتعابير المصرية ))

تابعونا على الصفحة عشان هننزل قصة كلمة كازوزة و قصص تانية كتير Tripified

08/12/2016

الحقيقة وراء طز..

الطز دي حاجة بنستخدمها كل يوم مش فى كلامنا بس، لأ فى أكلنا كمان.
طز هي كلمة تعني في اللهجات العامية العربية اللامبالاة والسخرية، لكن كلمة طز هي كلمة قديمة عثمانية الأصل تعني ملح.

إيه بقي علاقة الملح بكلمة طز في مصر؟

يروى أن الحكومة العثمانية كانت تفرض ضرائب على التجار. في جميع البضائع باستثناء الملح .فكان التجار العرب إذا مروا من عند المفتشين الأتراك يقولون لهم طز! أي لا يوجد معنا إلا ملح، وشيئا فشيئا صار التجار يقولونها بهدف السخرية من المفتشين الأتراك. وهكذا أصبحت هذه الكلمة تعطي معنى له دلالة على السخرية. بينما هي في الأصل معناها ملح!

تابعونا عشان تعرفوا اصل كلمة كوسة و كازوزة.

08/12/2016

اعادة الاميرة ميريت امون ابنه نفرتاري للحياه!

وهي كمان ابنة وزوجة للملك رمسيس الثاني بعد وفاة والدتها نفرتاري
ميريت امون تعني حبيبة امون اي حبيبة الالة امون لقبت بالزوجة الملكية قديما ولكن اهالي اخميم في سوهاج يلقبونها بالعروسة عندما وجودها.

قرر مجموعة من الباحثون الروسيون تجيسد جمجمة الاميرة التي يزيد عمرها عن 2000 سنة، وهي في سن يتراوح من 18 ل 25 سنة باستخدام تقنية ال 3D.

تعتبر ميريت امون من اجمل التماثيل التي جسدها المصري القديم.

المصادر:
Kitchen, K.A., Rammeside Inscriptions, Translated & Annotated, Translations, Volume II, Blackwell Publishers, 1996
فيديو يوضح تجسيد الاميرة
https://www.youtube.com/watch?v=cyMYoPm4we0

07/12/2016

الحياة بداخل مسجد الازهر سنة 1928م ;)
اللوحة لفنان روسي اسمه Ivan Yakovlevich Bilibin

07/12/2016

" احنا دافنينه سوا " ... اللي دفنوه طلع حمار :D

الكل تقريبا سمع المثل الشعبي المصري "احنا دافنينه سوا"، قصة هذا المثل وهي إن شخصين كان لديهما حمار يعتمدان عليه في تمشية أمورهما المعيشية ونقل البضائع من قرية إلى أخرى، وأحباه حتى صار كأخ لهما، يأكلان معه، وينام بجوارهما، وأعطياه اسما للتحبب هو أبو الصبر، وفي أحد ألايام وأثناء سفرهما في الصحراء سقط الحمار ومات.

حزن الأخوين على الحمار حزنا شديدا ودفناه بشكل لائق وجلسا يبكيان على قبره بكاءا مرا، وكان كل من يمر يلاحظ هذا المشهد فيحزن على المسكينين ويسألهما عن المرحوم فيجيبناه بأنه المرحوم أبو الصبر وكان الخير والبركة، ويقضي الحوائج، ويرفع الأثقال، ويوصل البعيد، فكان الناس يحسبون أنهما يتكلمان عن شيخ جليل أو عبد صالح فيشاركونهم البكاء، وشيئا فشيئا صار البعض يتبرع ببعض المال لهما.

ومرت الأيام فوضعا خيمة على القبر وزادت التبرعات، فبنيا حجرة مكان الخيمة والناس تزور الموقع وتقرأ الفاتحة على العبد الصالح الشيخ الجليل أبو الصبر، وصار الموقع مزارا يقصده الناس من مختلف الأماكن، وصار لمزار أبو الصبر كرامات ومعجزات يتحدث عنها الجميع، فهو يفك السحر ويزوج العانس ويغني الفقير ويشفي المريض وكل المشاكل التي لاحل لها، فيأتي الزوار ويقدمون النذور والتبرعات طمعا في أن يفك الولي الصالح عقدتهم،وجمع الأخوين مال وفير وصارا يجمعان الأموال التي تبرع بها الناس السذج ويتقاسمانها بينهما.

وفي يوم اختلف الاخوين على تقسيم المال، فغضب أحدهما وارتجف وقال: والله سأطلب من الشيخ أبو الصبر مشيرا إلى القبر، أن ينتقم منك ويريك غضبه ويسترجع حقي. ضحك أخوه وقال:أي شيخ صالح يا أخي؟ أنسيت الحمار؟ دا احنا دافنينه سوا.

المصدر: كتاب تحت القبة شيخ
د .ابراهيم عبد العليم حنفى

06/12/2016

دار الاوبرا بدمنهور !
وهي ضمن ثلاث مسارح للاوبرا في مصر هنتكلم عنهم بعدين
بناها الملك فؤاد سنة 1930 وتم ترميمها في 2009 لتكون جاهزة للعرض

05/12/2016

معبد حتشبسوت ;)

05/12/2016

رسومات توضح رؤية الفراعنة لنفسهم ومدي تنظيمهم في حروبهم ضد الاعداء بالرغم من كثرة عددهم
الرسومات موجودة علي احدي صناديق توت عنخ امون في المتحف المصري حاليا

04/12/2016

"الذوق مخرجش من مصر" ... الذوق هنا مش صفة الذوق دا عارف بالله !

وانت داخل من باب الفتوح عند مدخل شارع المعز على شمالك هتلاقى قبة خضراء صغيرة فوقها هلال ذهبى ومكتوب عليها سيدى العارف بالله الذوق

وممكن تكون سمعت الجملة دى قبل كده '' الذوق مخرجش من مصر '' وكلنا فاهمين أنه مقصود بيها الذوق والاخلاق مثلا. ولكن الذوق رجل لم يطاوعه قلبه للخروج من مصر و فارق الحياة قبل أن يخرج من ''بوابة الفتوح غاضبا و آسفا على حال مصر."

في وقت قديم ربما فى عهد الدولة المملوكية كان يعيش رجل عُرف بصلاحه و رجاحة عقله ارتضاه رجال ''المحروسة'' حاكماً يفض ما نزع بينهم من مشاحنات و كان اسمه ''حسن الذوق'' عاش ''حسن'' سنوات في الحي القديم بجوار الأزهر الشريف و مسجد ''الحسين'' يمارس مهنته في التجارة و يقضي بين الناس بالعدل و الإنصاف. و ذات مرة نشبت منازعة بين ''فتوات المحروسة'' و فشل ''حسن'' في الصلح بين المتخاصمين. فأحس ''حسن'' بأن حكمته بدأت تتهاوى و حَزن على ما وصل إليه حال ''المحروسة'' و قرر أن يخرج منها لا يعلم حتى إلى أين وجهته.

قلب ''سيدي حسن الذوق'' لم يتحمل فراق ''المحروسة'' و على بعد بضع خطوات من ''بوابة الفتوح سقط ميتا و حزن الناس عليه و قرروا أن يدفنوه حيث وقع و بالفعل دفنوه خلف الباب الخشبي لـ ''بوابة الفتوح

مصدر الصورة: http://www.elhorianews.com/194931

03/12/2016

حكم قراقوش (الجزء الثانى)
هو مثل بنقوله لم حد يحكم على حد بطريقة ظالمه (ايه يا اخى هو حكم قراقوش)، طب هو مين قراقوش؟
هو بهاء الدين قراقوش وزير القائد صلاح الدين، ولما كان يخرج صلاح الدين لشئون خارجية بيترك قراقوش لتولى مسائل الدولة، وبيقولوا فى سنة شط قراقوش فى احكامه على الناس، تعالوا نشوف بعض القصص اللى اتحكت عنه.
القصة التالتة:
شكا رجل إلى قراقوش أن بعض اللصوص قد سرقوا داره، فسأله : هل هناك باب خاص يقفل الحارة التي تقطنها؟
فأجاب الرجل : بنعم .فأمر قراقوش أن يخلعوا هذا الباب و يأتوا به اليه ، و لما احضروا الباب ، أمر أيضاً أن يأتوا إليه بجميع سكان الحارة، و في حضرة هؤلاء اقترب قراقوش من الباب وكلمه همساً ثم التفت إلى الجميع و قال: لقد سألت هذا الباب فأجابني أن للسارق ريشة فوق رأسه .
وكان أن رفع أحدهم يده فوق رأسه ليتلمس موضع الريشة، و قبض عليه قراقوش وأمر بضربه حتى اعترف بالسرقة .
القصة الرابعة:
أراد ولد أن يتخلص من أبيه البخيل بأن يدفنه حياً فجاء إليه و بعض الرجال ، فانتهزوا فرصة نوم الرجل العجوز ووضعوه في النعش و حملوه إلى مدفنه .في الطريق مرَّ بهم قراقوش فصرخ الرجل من داخل نعشه العدالة و الرحمة ، فاستوقفهم قراقوش و سألهم عن الخبر، فتكلم الميت و شرح القصة و لكن الابن احتج قائلاً :
أيها السلطان العظيم إني أؤكد موته و لكنه لم يفعل هذا إلا ليسبب لي المتاعب بعد وفاته كما سببها لي في حياته و اسألوه شهودي يؤمنوا على قولى. وأمن الشهود للسلطان على أن الرجل ميت حقاً .
فقال السلطان: إذن فقد انتهى الأمر ، إن شهادة شخص واحد لنفسه لا تكفي فاحملوا هذا الرجل سريعاً إلى المقبرة إذا لو استمعنا إلى كلامه لما رغب أحد أو رضي أن يدفن كما أراد له الله .

القصص دى وزيها كتير فى كتاب ( الفاشوش فى حكم قراقوش) لابن المماتى، لكن بعض الباحثين اكد ان ابن المماتى كان على خلاف مع قراقوش و ده اللى خلاه يسيء لسمعة الرجل وتأليف قصص فيها نوع من المبالغة عن جنونه، قراقوش كان راجل عادل وصارم وأكيد قائد زي صلاح الدين مش هيعين وزير له بهذه العقلية ، يعتبر قراقوش من الناس اللى اتظلموا من التاريخ ولسه لحد النهاردة بنقول ( ايه هو حكم قراقوش).

02/12/2016

حكم قراقوش " الجزء الأول"

هو مثل بنقوله لم حد يحكم على حد بطريقة ظالمه (((ايه يا اخى هو حكم قراقوش)))، طب هو مين قراقوش؟

هو بهاء الدين قراقوش وزير القائد صلاح الدين، ولما كان يخرج صلاح الدين لشئون خارجية بيترك قراقوش لتولى مسائل الدولة، وبيقولوا فى سنة شط قراقوش فى احكامه على الناس، تعالوا نشوف بعض القصص اللى اتحكت عنه.

القصة الاولى:
كان من عادة قراقوش كل عام و في وقت خاص أن يتصدّق بمبلغ كبير من المال على الفقراء والمحتاجين.
و جاء يوم و قد وزع قراقوش المبلغ كله، إذ جاءت امرأة تشكو له وفاة زوجها وهي لا تجد ثمن كفنه.
فقال لها قراقوش : إن مال الإحسان قد صرف كله هذا العام فارجعي الينا في العام المقبل لنعطيك بمعونة الله ثمن الكفن!!

القصة التانية:
وحدث أن نزل جندي في مركب فيها فلاح و امرأته، فضرب الجندي امرأة الفلاح و كانت حاملاً في سبعة أشهر فأجهضها. فمضى الفلاح إلى قراقوش يشكو له الجندي .فحكم قراقوش على الجندي أن يأخذ امرأة الفلاح في داره حتى تحمل مرة أخرى في سبعة أشهر ثم يردها إلى زوجها كما كانت.
وعندما سمع الفلاح هذا الحكم قال : أيها السيد العظيم، إني ارجع عن شكوى و اترك أمري إلى الله وعدالته .

ولسة في قصتين في البوست الجاي

01/12/2016

عمرك فكرت ان في علاقة بين كلمة الحنفية ومذهب الحنفية ؟!!

كلنا عارفين الحنفية بس هى مش اصلا فى اللغة العربية اسمها صنبور، ليه بنقول عليها حنفية او جت منين الكلمة دى؟

عند بداية دخول الماء الجاري، في القاهرة المملوكية تحديدا، ومع ظهور الصنبور، كان الاختراع ده هيتضرر منه السقايين اللى كانوا بيمروا على البيوت لسقاية الناس وياخدوا اجر مقابل هذه الخدمة،

فأردوا استصدار فتوى من مذاهب الائمة الاربعة بعدم جواز استخدام الصنبور فى الوضوء. وأقر المالكيون والحنابلة والشوافع بأن الوضوء من الصنبور غير محبب في الصلاة.

أما الائمة الحنفيين أفتوا بأن الوضوء من ماء الصنبور مقبول بل ومستحب. ولأن استخدام الصنبور اقتصر على استخدام الحنفيين فقط، فأطلق العامة على الصنبور مسمى «الحنفية»، نسبة للمذهب الذي أقرها.

المصادر:
1- Book: Story of cairo by Stanley Lane-Poole Litt.D. M.A professor of arabic at trinity college Dublin
https://scholarship.rice.edu/jsp/xml/1911/9187/750/PooStor.tei-timea.html

30/11/2016

الحاكم بأمر الله :

هو سادس حاكم فى الدولة الفاطمية وكان من اب مسلم وام نصرانية، وتولى الحكم وهو صغير جدا، وهو من اكتر الحكام شهرة ومن اسباب شهرته:

1- انه "منع أكل الملوخية" وهى فى الاصل (ملوكية) فمنعها لأنها أكله مخصصة للملوك، فلا يصح لعامة الشعب اكلها.
ومن الاكلات اللى منعها برضة الجرجير والقرع والمتوكلية (هى أكلة منسوبة للمتوكل).

2- مسجده العريق اللى من اهم المعالم الاثرية وموجود فى شارع المعز ما بين باب النصر وباب الفتوح.

3- اقام دار الحكمة وجلب لها الكتب، بالرغم من انه فى فترة امر بقتل العلماء.

4- منع صلاة التراويح وصلاة الضحى.

5- منع النصارى من العمل مع المسلمين.

6- منع ذبح الابقار فى اوقات غير عيد الاضحى.

7- منع لبس القباقيب علشان كانت بتسببه ازعاج

8- منع الستات من كشف وجههم فى الطريق، ولا يتبرجوا، ومنع خروجهم لمدة سبع سنوات حتى مات، ومنع صناعة الاجذية لهم حتى لا يخرجوا.

9- حرم زراعة العنب

10- وحكم على النصارى بحمل الصلبان اوزنها 5 ارطال، وده اللى خلى عظمهم يزرق من الوزن علشان كده بقي يطلق عليهم العظمة الزرقاء.

وبرغم كل التصرفات الغريبة لهذا الرجل استمر حكمه 25 عام.

photo credit: https://commons.wikimedia.org/wiki/File:%D9%81%D8%AC%D8%B1_%D8%A7%D9%84%D8%AD%D8%A7%D9%83%D9%85_%D8%A8%D8%A7%D9%85%D8%B1_%D8%A7%D9%84%D9%84%D9%87.jpg

29/11/2016

المورستان
معروف انه بيتقال علي المجانين انه خارج من المورستان ، جاء منين كلمه مورستان ، هي الكلمه اصلها من بيمارستان ، وبيمارستان كلمه فارسيه مقسومه جزءين الجزء الاول بيمار وتعني مرضي والجزء التاني ستان وتعني موطن او مكان . وكده بيمارستان تعني مكان المرضي ، وده اصل الكلمه لسه معرفناش مورستان جت منين.

من اشهر البيمارستانات اللي وصلت لنا من العصور السابقه بيمارستان قلاوون اللي في مدخل شارع المعز اللي بناه قلاوون بعد ما تم علاجه في بيمارستان نور الدين محمود في الشام ، ونذر اذا اتاه الله حكم مصر هيقيم بناء زيه ، اقام قلاوون بيمارستان ضخم ضمن مجموعه معماريه رائعه ، وخلي العلاج فيه مجانا لكل طبقات الشعب ، وخصص اقسام كتير للعلاج وقسم للرجال وقسم للنساء، وكان من يتم شفائه ينتقل الي جزء اخر مخصص للنقاهه، حتي يخرج المريض معافه تماما ، وفي وقت من الاوقات اصبح كل المرضي تتعافي وتخرج من بيمارستان، واقتصر المكان علي المرضي النفسيين فقط ، ومع الوقت تم تحريف الكلمه الى مورستان ، فاصبحت كلمه مورستان تدل علي المجانين فقط.

الصورة لبيمارستان ابن قلاوون

photo credit to: https://creativecommons.org/licenses/by-sa/2.0/

28/11/2016

اللي اختشوا ماتوا !!
هو مثل شعبي بيتقال لما نلاقي شخص يخجل ويتجاوز كل حدود الادب، كان في العصور القديمه وجود حمامات عامه ، وكان لها دور كبير في الحياه الاجتماعيه غير دور الاساسي القايم علي النظافه والاغتسال،

كانت الحمامات بمثابه مكان للالتقاء وقضاء وقت طيب، وكان له دور اساسي في حياه الستات لانه كان النزهه في وقتها، وكانوا يذهبوا له قبل الزواج لعمل اللازم من النظافه الشخصيه، وكان يستخدم فيه النار والخشب لتسخين الماء في المغطس ،

فحدث حريق في احد الحمامات عام ١٨٨٩م ، فاللي خرجوا من الستات عراه عاشوا، واللي خافوا يخرجوا علشان الفضيحه ماتوا، واختشوا دي كلمه من الفلكلور المصري تعني الكسوف والخجل، ( يعني اللي اختشوا ماتوا)

27/11/2016

أم على:

طبعا هى نوع من الحلوى المشهورة واللذيذة جدا وعبارة عن رقاق ولبن ومكسرات، مين بقى أم علي وعلي وليه عملت الاكلة دى؟

فى الدولة الأيوبية تزوجت شجر الدر من السلطان عز الدين ايبك وكانت شجر الدر هى المتحكم الرئيسي فى زمام الامور، وحصل خلاف بينها وبين زوجها، فدبرت مكيدة لقتله وبالفعل قتله رجالها في حمامه بالقلعة،

تولى السلطنه ابنه من زوجته الاولى المنصور علي ( هو ده على بقي) وكان في سن الصبا فثأر لمقتل ابيه بعد قتلة بثلاثة أيام فقط !!!

فأمر بالقبض عل شجر الدر وتسليمها إلى والدته (هى دى ام علي) فقتلتها هى وجواريها بالضرب بالقباقيب وقذفوا بجثتها في أحد خنادق القلعة حيث ظلت كذلك ثلاثة أيام ثم نقلوها ودفنوها في ضريحها الحالي بعد أن نالت جزائها.

وبهذه المناسبة أمرت أم علي بخلط كل الدقيق مع السكر والمكسرات، وتقديمها للناس، وبهذا الحفل الدموي الانتقامي، دخل هذا الطبق الشهير إلى المطبخ المصري.

photo credit: https://ar.wikipedia.org/wiki/%D9%85%D9%84%D9%81:Om_ali.jpg

27/11/2016

يعنى ايه وكالة ؟

هي زى المول التجارى دلوقتى، بس زمان كان اسمها وكالة، هى المكان اللى بينزل عليه التجار من البلاد المختلفة لبيع بضاعتهم وعقد الصفقات المختلفة، واول من انشاء الوكالات كانوا الفاطميين لكن للاسف مفيش اى وكالات من العصر ده لسه موجوده، لكن فى العصر المملوكى الوضع اختلف لان الحياة التجارية كانت منتعشة جدا بسبب مرور طريق التجار من الشرق الى الغرب عن طريق مصر، فاهتم جدا سلاطين المماليك ببناء الوكالات من اشهرها وكالة الغورى اللى لسه موجوده بكامل جمالها فى حى الغورية بالازهر. وطبعا الحى اتسمى بالغورية نسبة للسلطان قانصوه الغورى ويقال ان الحى ده كان اسمه شارع الشرابشيين وكان فى محلات لعمل الملابس بتاعت السلاطين.

وكالة الغورى كانت دايما مليانه حركة كنت هتلاقى الصراف اللى بيغير العملات للتجار، وبعديه بشوية تلاقى شاهبندر التجار اللى بيستعد علشان يبدأ المزاد على البضاعة الموجودة، والمسئول على وزن البضاعة، والسمسار بقى مش ساكت ما بيت البياع ده والمشترى ده علشان يخلص الصفقات ويطلع بعمولته، وكان فى واحد مهم جدا الترجمان اللى بيترجم لغات التجار الاجانب. وكان فى الدلالين اللى بينادوا على البضاعة ويرتجلوا كلام علشان يشدوا ناس ليهم زى
( بن اليمن تطيب نكهته للنفوس العزيزة- يا عسل بنها يا شهد مكرر- يا دهن قشر الجوز يا مزين شعر الصبايا).

ومفيش مكان فى الوكالة بيبقى فاضى التجار قاعدين فى الدور الاول يعقدوا الصفقات، والحواصل فى الدور الارضى مليانه بضاعة، وزوجات التجار قاعدين فوق يتبعوا كل اللى بيحصل فى استحياء من ورا المشربيات. ولسه وكالة الغورى لحد النهاردة فيها حركة ونشاط بس مختلف الصبح هتلاقى فيها المعارض الفنية ومعارض الكتب، وبالليل عروض التنورة والانشاد جميل.

photo credits: https://ar.wikipedia.org/wiki/%D9%85%D9%84%D9%81:Cairo,_wikala_di_al-ghouri_04.JPG

26/11/2016

طاسة الخضة:
عندنا موروث غريب كل اما حد يتخض يقولوا الحقوه بطاسة الخضة،

هو طبعا موروث شعبى فى تراثنا فى ناس بتقول انه موجود من ايام الفراعنة لكن الاشكال اللى وصلت لنا لطاسة الخضة من العصر المملوكى.

ليه بقي سموها كده؟ اعتقادنا من الناس ان الانسان لما يتخض نتيجة الخضة دي انه يمرض بأمراض عصبية خطيرة. فكانوا يحضروا فى الطاسة مقدار معين من الماء او اللبن او منقوع التمر وتترك فى الهواء خارج البيت طول الليل لتتعرض للندى، ثم يشربها المخضوض فى الصباح هذا المنقوع، اعتقادنا منه انها هتبعد عنه المرض و الخضة.

وهى عبارة عن طاسة من النحاس الاصفر مرسوم عليها صور طيور و مكتوب عليها بعض الادعية وآيات قرآنية.
واللى فى الصورة دى طاسة من العصر المملوكى موجودة فى المتحف الاسلامى.

26/11/2016

دي صور رحلتنا لمسجد احمد ابن طولون اللي فيه اقدم مئذنة موجودة في مصر، واحنا بنشوفه من اجمل المساجد في مصر
قصص ورحلات مسجد ابن طولون من الرحلات اللي هتلاقوها علي Tripified قريب.