15/12/2014
كل الناس متعودين يروحو شرم الشيخ او الغردقة بس المرة دى احنا هنختلف عن كل الناس وهنروح مكان من اجمل بقاع مصر .. طابا المصرية ودهب وهيكون برنامجنا كالتالى :
هنتجمع يوم الثلاثاء 30 ديسمبر الساعه 2 صباحا ان شاء الله (يعنى فجر الاربعاء ليله راس السنه) دمياط الجديده اخر شارع الصعيدى .. وهنتحرك على طابا بمشيئة الله . وهنقوم بتحديد الموعد بالضبط مع السادة المشتركين قبل الرحلة بمشيئة الله .
هنوصل طابا الصبح ان شاء الله والتسكين هيكون فى غرف ثنائية بفندق هلنان طابا (قرية صلاح الدين سابقا) مقابل لقلعة صلاح الدين مباشرة .على البحر
هنستلم الغرف وبعدها هنغير ونبتدى ننزل البسين او شاطىء الفندق فى طابا امام جزيرة فرعون وبعدها هنتحرك عشان نروح نشوف (المضيق البحرى) خليج الفيورد فى طابا . وبعد كدا هنرجع على الفندق نتعشى. ونقضى سهرة راس السنه مع بعض .
تانى يوم ان شاء الله هنصحى من النوم الصبح نتناول وجبة الافطار وبعدها هنتحرك بالمركب من الفندق عشان نروح قلعة صلاح الدين بطابا المصرية هنرح جزيرة فرعون وننزل من المركب وندخل جوا القلعه ونطلع اعلى الجزيرة ونشوف القلعة الوحيدة التى تشرف على حدود اربع دول (مصر / فلسطين المحتلة / الاردن / السعودية) وهتشوف بنفسك الحدود معانا .
وبعد كدا هنرجع الفندق ونخد الشنط بتاعتنا ونتحرك على دهب .
هنوصل دهب ان شاء الله وهيتم التسكين فى فندق دانيلا (3 نجوم) على البحر مباشرة وهتبقى فترة مفتوحة ال عاوز يعمل سنوركلينج او ينزل البسين او بلاج الفندق او ينزل يتمشى فى دهب فى وسط البلد .
اليوم التالت ان شاء الله بعد الافطار هيبقى التحرك بالسيارات ال منطقة الحفرة الزرقاء (البلو هول) اهم منطقة غطس فى العالم .. وهنقعد هناك فى كافية قعدة بدوى فى الجبل على البحر وال عاوز ينزل يعمل سنوركلينج دا هيبقى متاح وكمان ال عاوز يغطس متاح ولكن هيكون بتكت منفصل
بعدها هنرجع على الفندق ونتناول العشاء وهتبقى جوله حرة
اليوم الرابع ان شاء الله هنتناول الافطار بالفندق وهنبتدى نتحرك للمغادرة من الفندق الساعه 12 ظهرا والرجوع الى دمياط بسلامة الله.
سعر الفرد شامل جميع ما سبق من انتقالات من والى دمياط وانتقالات داخلية وبرنامج ترفيهى ومزارات وقضاء ليلة فى طابا وليلتين فى دهب 750 جنيه والاطفال اقل من 6 سنوات مجانا .
ملحوظات هامة :
الرحلة تشمل الاقامة 4 ايام بفنادق متوسطة على البحر مباشرة بالافطار والعشاء .
ليله بفندق هلنان طابا (قرية صلاح الدين سابقا ) على البحر مباشرة
وليلتين بدهب بفندق دانيلا صف اول على البحر مباشرة
التحرك من دمياط فجر يوم الثلاثاء (30 ديسمبر ان شاء الله ) والعودة مساء يوم 3 يناير بمشيئة الله
كل الغرف زوجيه مكيفة وبها حمام داخلى .
يمكن تنظيم رحلة خاصة بالجمال لمحمية من اروع المحميات الطبيعيه (ابو جالوم) ودى بتكون رائعة جدا جدا وممتعه وبتكون بتكت خاص هيتم الاعلان عنه فى الباص ان شاء الله .
الرحلة دى احنا طلعناها فى عيد الاضحى ال فات بنفس البرنامج ونفس الفنادق وكانت الحمد لله رحلة رائعة ومميزة مع العلم ان توقيت شهر يناير فى طابا وهب طقس مناسب لا حر ولا برد .
الجولة الحرة داخل دهب تكون حسب الرغبة وهنوفر لحضراتكم انتقالات من والى الفندق .
All season travel اوول سيزون ترافيل
للحجز والاستعلام
01007949126
