26/10/2021
مصر كلها كوم و"دهب" دي كوووووووووووووووم تاني 😀
مش عارفه ابدأ منين بصراحه, "دهب" من ابسط الاماكن الي ممكن تروحها و احلي مكان علي كوكب الارض ❤
مع ان دهب علي بعد ساعه واحده من شرم الشيخ ولكنها العكس تماما ودي "دهب" في 25 نقطه 😀 :
1) دهب مش صاخبه زي شرم الشيخ ولو لسه مروحتش اعرف ان فايتك نص عمرك.
2) دهب فيها هدوء اعصاب وراحه نفسيه لمهاش مثيل.
3) دهب مناسبه لكل الناااااااااااااااس, فيها غطس وسنوركلينج وانتخه وجبال وقريبه من سانت كاترين و من الWhite Canyon والColored Canyon.
4) الي هتدفعه في شرم الشيخ, هتدفع نصه في دهب وهتنبسط اكتر في دهب.
5) اعمل حسابك ان دهب بسيطه جدا في كل حاجه من فنادق لمحلات بس ده احلي حاجه فيها: اختلافها.
6) وانت/انتي رايحين اعملوا حسابكوا ان دي مش اخر مره هتروحوا, دي بس بدايه علاقه طويلة المدي بدهب, عشان دهب بتتدخل وتربع فالقلب.
7) دهب مش البلو هول بس !!! دهب هي وادي جناي, اللايت هاوس, الممشي, العسله, المشربه, الكانيون والمسبط.
😎 مش هتفكر كتير هتقعد فين لانك مش هتقعد فالفندق غير عشان النوم وبس.
9) فيه مطاعم اشكال والالوان في دهب من اول Yum Yum بتاع الفول والطمعيه ل"ما شاء الله" بتاع الكبده والسجق, لKing Chicken حاجه كده لازم تتراح وانت في دهب و دايما زحمه, والله علي جمبري وسبيط عم جمعه فالعسله (احلي اكلة سي فود علي كوكب الارض) وفي وسط الممشي هتلاقي مطعم ماليزي, ده عادي متتخضيش اصحابه جم مصر وفتحوا المطعم وفعلا اكل ماليزي و حلو ... احلي Pasta فالعالم كله هتلاقيها في Ramez & Paula علي الممشي برضه فالمشربه ... واحلي Cafes في دهب و قاعدة استجمام ملهاش حل هم Fresh Fish عند اللايت هاوس وPenguin Cafe فالمشربه و طبعا مننساش Everyday cafe والوانه واستايله التحفه وكوباية القهوه علي البحر ومعاها تشيز كيك مثلا 😀
10) متفكرش تنزل في Hilton ولا Ibis وانت هناك, عشان كده انت فقدت Dahab Experience.
11) دهب الحقيقيه عباره عن ممشي طووووووووووووووووووووووووويل علي البحر, موازي ليه فنادق و مراكز غطس و بعدين موازي ليه محلات كتير اشكال والوان و بيبيعوا كل حاجه و بعدين هتلاقي فنادق و مراكز غطس ... الممشي بيمتد من الLagouna للعسله والEel Garden.
12) متفكريش تشتري حاجه من القاهره وانت رايحه عشان فيه سوبر ماركتس بعدد شعر الراس, وعندهم كل حاجة.
13) انسي الجينز اصلا, ده اختراع فاشل جدا هناك, اشتري بنطلون الي عليه افيال وهتلاقي كل الناس و بدون مبالغه لبساه.
14) انسي الميك اب, ده اختراع تاني فاشل لا يتماشي مع جو دهب البسيط الجميل.
15) اشتروا جزمه البحر من هناك ب 25 جنيه عشان البحر مش رمله علي قد ما هو صخور.
16) الغطس هناك اسلوب حياه, الناس هناك بتاكل و تنام وتغطس عشان هناك فيه احلي مواقع غطس فالعالم ولو منفعش تغطسوا, اعملوا سنوركلينج و فيه طبعا Surfing ومدارس بتعلم هناك كتير.
17) المواصله الرسميه في دهب هي العربيه النص نقل 😀 وده العادي و مش هتلاقي تاكسي و بتدفعله من 5 ل 10 جنيه علي حسب المشوار.
18) متقعدش لا فالجنوب ولا فالشمال ... ليه ؟؟!! ارجع لنقطه رقم 10 و11.
19) شرق الدلتا هي الوحيده الي بتروح دهب وممكن تروح طياران لمطار شرم الشيخ وتاخد عربيه لدهب بتأجرها بالتليفون من وانت هنا.
20) العشا علي الجبل مع الصحبه الحلوه, حاجه متتفوتش.
21) اعمل حسابك ان نظرتك اشرم الشيخ هتتدمر تماما و احتمال تكرها.
22) لو قعدت طوووووووووووول اليوم في دهب مبتعملش حاجه, هتبنسط جدااااااااااااااااااااااا.
23) الناس الي عايشه في دهب بشوشه جدا و مبتسمين دايما مع ان السياحه مأثره عليهم بس الجو هناك يغلب اي حاله نفسيه.
24) هتلاقي اجانب كتيررررررررررررررررر عايشه هناك وشايفين ان دهب احلي من امريكا و اوروبا.
25) اهم حاجه في كل ده, انك تعمل حسابك انك هترجع من دهب مبسوط جدااااااااااااااااا وشخص تاني خالص ممكن متحسش بالفرق غير اول ما تبدأ نحنلها ... اول متنح ل"دهب" ❤
** تنويه الصور دي مش انا الي مصوراها بس هي دي "دهب" ❤
#دهب #سحر
