12/09/2021
بمناسبة انتهاء الثانوية وإن طلاب كتير شايفين إنهم ضيعوا حلمهم في دراسة طب أو هندسة.
ليه دولة روسيا هي الوجهة الأفضل لكل ال ظلمهم التصحيح أو التنسيق أو ملحقوش الكلية ال بيحبوها؟
أولا: نظام الكليات هنا يعتمد على الرغبة فقط، يعني تدرس ال بتحبه بدون تعقيدات التنسيق وضغط الثانوية، حتى لو جايب في ثانوية مصر ٥٠%.
ثانيا: مصاريف الكلية هنا قليلة جدا بالمقارنة بمصر، يعني ممكن تدرس طب أو هندسة أو صيدله من ٤٠ ألف جنيه في السنة وانت طالع.
في حين إن في جامعات في مصر وصلت ل ١٢٠ ألف جنيه.
(يعني سعر الجامعة و السكن هنا والمصاريف الشخصية وتجديد الفيزا والمواصلات وتذكرة الطيران وسلطاتك وبابا غنوجك دا كله أقل من مصاريف الجامعة بس في مصر)
ثالثا: نظام التعليم هنا بيعتمد بشكل أساسي على selfstudy ,ودا أصلا هو الصح في التعليم، لأنه بينمي فيك الإبداع والحرية، يعني مفيش كتاب للدكتور لازم تشتريه ولا داتا لازم تحفظها، وبالتالي مفيش دكتور هيسقطك مثلا عشان مشتريتش كتابه.
رابعا: مفيش هنا جو ٥٠٠ في مدرج والكلام دا، أكتر حاجة هنا ١٥ بس في كل المواد، الأعداد الكتيرة هنا بتكون بس أول ١٥ يوم فقط، ودا يديلك فرصة أكبر للمشاركة والاستفادة من الدكتور.
خامسا: معظم الدكاترة هنا وعن تجربة شخصية متعاونين جدا، شرط إنه يحس إنك مجتهد وعايز توصل، بيناديلك ب حضرتك، يعني مفيش دكتور هنا يبصلك بقرف ولا ميردش عليك.
سادسا: نظام الامتحانات هنا أجمل من مصر وعاقل عن مصر بكتير.
عاقل ازاي؟
في مصر تقديرك (كدكتور) ممكن يقل عشان نقصت في الفلسفة أو التاريخ، مع إنها مواد ثانوية مش أساسية، هنا المواد دي فيها نجاح وسقوط بس معليهاش درجات، الدرجات بتكون على مواد الطب فقط.
سابعا: تعلم لغة جديدة والمعيشة في ثقافة مختلفة كله بينشطك وبيخلق جواك إبداع.
ثامنا: والسؤال ال نفسك تسأله: هل الكليات معتمدة في مصر؟
بالتأكيد معتمدة في مصر وكل دول العالم وجامعاتنا من ضمن ١٥ جامعه المعتمدين في مصر حسب قرار المجلس الاعلي للجامعات "قرار ٢٠٢١،٢٠٢٢"
اتأكد ازاي؟
ممكن تروح المجلس الأعلى للجامعات تتأكد بنفسك، روسيا فيها أكتر من ١٠٠ ألف طالب أجنبي، أكيد كل دول مش جايين يهزروا.
تاسعا: الجو برد؟
أنا كنت خايف زيك كده برضو، بس الشتا هنا أمتع من مصر بكتير.
لأن أي مكان مغلق هنا موجود فيه تدفئة مركزية، البيوت والسكن الجامعي والمواصلات والجامعة والكافيهات، يعني ممكن تكون درجة الحرارة ٢٠ تحت الصفر وانت لابس نص كم عادي جدا في البيت.
طب الخروج؟
بتشتري جاكيت من هنا مخصص للتلج ومبتحسش بحاجة.
عاشرا: أنا بنت ينفع أسافر ولالا؟ حرام ولالا؟ أقنع أهلي ازاي؟
روسيا موجود فيها بنات كتير عرب ومتفوقات وأثبتوا إنهم قد المسؤولية، والمجتهد في أي مكان بيلاقي نتيجة تعبه (إن الله لا يضيع أجر من أحسن عملا)
حرام؟ ف مشايخ كتير أفتوا بحل المسألة دي لو ف رفقة بنات ومأمونين من الفتنة، فالموضوع مش حرام قطعا ولكن الخلاف يسع الجميع.
أقنع أهلي ازاي؟
لو ف بنت في جامعة القاهرة وبتدرس طب مش هتنزل طول السنة أصلا غير مرة أو مرتين من ضغط الدراسة، ف مش هتفرق.
الأمان؟
يؤسفني أقولك إنك هنا أأمن من مصر بمراحل، محدش يقدر يبصلك ولا يعاكسك ولا يتحرش بيكي بكلمة حتى.
لأي استفسار عن أي حاجة تخص التعليم أو الجامعة أو المساعدة في تقديم الأوراق واستخراج الفيزا،تواصل معنا عبر رسائل البيدج
