Sinai Experience

22/07/2022

20/03/2021

Bonjour
Good morning
Bakr tov
Sinai travel
Sun ☀️ monthen . Red sea 👈
Happenc is plean tekit too some wear in Sinai

11/03/2021

30/01/2021

Over the roof of everyday olld
Dahab

25/01/2021

This how you pribar your self
For another activity in the 3 bools
Safary

23/01/2021

21/01/2021

1 of the activities in dahab
3 pools ⛱️🐪🚣🏊🐟🐠🐡🦐🦀🦞
Preipar your musk and tuop
And enjoy your snorkling and diav
Into anthor world deckaver sinai

23/12/2020

‎ التعودِ علي الترحال .. أن تعتادَ حب السفر وان تفهم لغه الطبيعه والجبال ..ان تجعل من الصحراء صديق.. ومن الجبال بيوت..حينها فقط سوف تعتادَ الحياةً."

16/12/2020

شرم الشيخ ب 550 جنيه "" 4ايام 3 ليالي ""
مواعيد شهر 12 👈يوم 20 ويوم 23
------
🔘 فندق سيفين هيفين - 3 نجوم - الهضبة
✅ { فطار ، عشاء }
https://www.youtube.com/watch?v=3bwEmWVzbkc

شامل الإنتقالات ذهاب و عودة لحد باب الفندق و الإقامة""فطار ،عشاء" لمدة 4 ايام 3 ليالى
----
للحجز
فون /واتس
01551810223

---------------------------------------
📆 مواعيد الرحله
الفوج الاول 👈 الاحد الموافق 20/12/2020 التحرك 2 صباحا
الفوج الثاني 👈الاربعاء 23/12/2020 التحرك 2صباحا
😉😉😉😉😉😉😉😉😉😉😉😉😉😉😉
التجمع
- بالقـاهـرة ..عبد المنعمـ رياضـ .. أمام موقف Go Bus ..

يقع Arabesque Seven Heaven Sharm في شرم الشيخ على بعد 750 م من شاطئ خليج شرم المايا وعلى بعد 1.4 كم من شاطئ رأس أم السيد ويتميز ببار وحديقة ومنطقة شاطئ خاصة ...

30/11/2020

مساء الخير 😍😍
النهارده هنتكلم عن الاثار الفرعونية في سيناء 🏛️
المعالم الأثرية في سيناء وخصوصا الآثار الفرعونية من أهم المزارات السياحية في أرض الفيروز، واللي مينفعش تفوت زيارتها لما تروح سيناء و مينفعش تكون مش عارفها 💙

الآثار الفرعونية في سيناء متنوعة بين المعابد، والحصون، والقلاع، والمناجم اللي كان الفراعنة بيستخرجوا منها حجر الفيروز، اللي سيناء اتسمت ارض الفيروز علي اسمه 🏛️🏰.

الآثار الفرعونية في جنوب سيناء:

1- وادي مغارة

هتعرف انك وصلت وادي مغارة لما تلاقي البراح حواليك من كل اتجاه , هتلاقيهم ف الجبال و السما و الرمل و الصحرا اللي بتحاوطك علي مد بصرك من كل اتجاه ⛰️🏜️☁️
الوادي ده من اقدم الوديان اللي عمرها الفراعنه في عصر الدولة القديمة .
فوادي مغارة مليان بالمحاجر القديمة التي كان المصريون القدماء يبيستخرجوا منها الأحجار الكريمة والمعادن النفسية، وعلى رأسها حجر الفيروز، اللي استخدموه بكثرة في حليهم 👑📿

النقوش الفرعونية موجودة بكثرة ف الوادي ده ، ففي هذا المكان الذي دايما كان مليان بالعمال البسطاء، موجود نقوش خاصة بالحياة اليومية، مثل نقش يصور عائلة مكونة من أب وأم وأطفال، ونقوش أخرى للملوك، أبرزها نقش الملك نارمر وهو يضرب أعداءه، بالإضافة لنقوش اللغة الهيروغليفية.
احسن وقت تكون موجود ف الوادي ده ف وقت شروق الشمس , هتلاقي اشعه الشمس بلونها الذهبي و الاحمر منعكسه و متسلله من كل مكان لجوا المغارة بالكمل , و هتشوف منظر مش من السهل تنساه .🌤️🏛️⛰️

2- سرابيط الخادم

هو منطقة لاستخراج المعادن و الفيروز و الاحجار الكريمة ف سيناء من عصر الدولة الوسطي
هناك هتشوف النقوش الهيروغليفية القديمة، إلى جانب نقوش غريبة تسمى بالنقوس السينائية، وهي اللغة الخاصة بسيناء وحدها. الصخور والجبال التي تنمو من بينها الشجيرات الهزيلة، ومنظر السماء الممتدة إلى ما لا نهاية من المرتفع ده ؛ تجربة متميزة هتساعدك على تصفية ذهنك .⛰️🏜️🏛️
الآثار الموجودة ف المكان ده و المناجم موجوده فوق السطح المنبسط لتلك الهضبة العالية. وقد عثر في هذه المنطقة على تماثيل عديدة تحمل أسماء الملك سنفرو من الأسرة الرابعة. والملك منتوحتب الثالث والملك منتوحتب الرابع من ملوك الأسرة الحادية عشر ونقش لكل من سنوسرت الأول واسم أبيه أمنمحات الأول. أما أشهر الآثار في تلك المنطقة فهو معبد حتحور.🏛️🏛️
قبل أن تنتهي من منطقة التعدين، ستلاحظ أن سرابيط الخادم تمتلئ بالأعمدة الفرعونية والتماثيل، والكثير منها مهدم، والقليل منها مكتمل.🏛️سرابيط الخادم موجوده في جنوب غرب شبه جزيرة سيناء بجوار مدينة أبو زنيمة ،وتبعد منطقة أبو زنيمة بنحو 80 كيلو متراً عن رأس سدر🏜️

3- معبد حتحور

الاعمده و التماثيل اللي بتمتلئ بها اخر جزء منطقة سرابيط الخادم هو اضخم و اقدم معبد في سيناء و هو معبد الالهة حتحور🏚️
هتعرف من أشكال التماثيل وحكايات أهالي سيناء أن المعبد اتبني في المنطقة دي تحديدا، لأن الإلهة حتحور كانت تعرف عند الفراعنة بـ«ربة الفيروز» وربة القمر، فكان الفراعنة يستغلون هذا المكان المرتفع في رصد القمر والظواهر الفلكية.🌃
المعبد ليه ثلاثة مداخل يصل إليها الزائر من ثلاثة وديان، فالمدخل الرئيسي من روض العير، والمدخل الثاني من وادي الخصيف، والمدخل الثالث من وادي الطليحة. كان المدخل الرئيسى فيه لوحتين إحداهما من عهد الملك رمسيس الثاني، والأخرى من عهد الملك ست نخت (أول ملوك الأسرة العشرين).💙💙

و بعد المدخل في صرح اتبني في عهد الملك تحتمس الثالث يؤدي إلى مجموعة من الأفنية التي تتضمن مجموعة من الحجرات، اتبني البعض منها دون التزام بتخطيط المعبد، وكانت تتضمن أسماء الملوك الذين أوفدت البعثات في عهدهم، وكذلك رؤساء البعثات وآلهة المعبد.وقد دمر المعبد إلى حد كبير
المعبد موجود على سطح هضبة من الحجر الرملي ترتفع حوالي 1200م عن مستوى سطح البحر. يبلغ طول المعبد حوالي 80 مترًا، وعرضة حوالي 35 مترًا. وفوق نفس الجبل وبالقرب من المعبد موجودة مغارات الفيروز اللي صخورها مليانة بالعديد من النقوش الهامة. وإلى الغرب من المعبد موجودة منازل العمال، وهي دائرية الشكل اتبنت بشكل خشن من أحجار المنطقة.⛰️🏰🌁🏛️

29/11/2020

Moon is full again 🌕
Come to our paradise and enjoy the perfect combination ever :
Full moon , sea, fresh air & cozy atmosphere 💙🌊☮️

29/11/2020

نكمل كلامنا عن شمال سيناء و مزارتها😍😍

كنا اتكلمنا امبارح عن التلال الأثرية الموجودة في شمال سيناء بس متكلمناش عنها بالتفصيل , في البوست ده هنتكلم عنها بالتفصيل و نعرف عنها اكتر ☮️💙

تل المخزن -1
هو جزء من الضاحية الشرقية لمدينة الفرما (بيلوزيوم ) وتسمى تل المخزن وتم اكتشاف واحدة من أكبر الكنائس الأثرية القديمة الموجودة بشمال سيناء و فى مصر . واللي بيبلغ طول محورها من الشرق الى الغرب حوالى 100 متر وعرضها من الشمال الى الجنوب حوالى 45 متر واتبنت على الطراز البازيليكى المكون من صفين من الأعمدة وملحق بها كنيسة تذكارية فى الركن الجنوبى الشرقى وكانت مدينة بيلوزيوم من المراكز الدينية الهامة والمؤثرة فى صناعة القرار فى العصر البيزنطي فى مصر وتم العثورعلى مجموعة من الكنائس تم تأريخها بنهاية القرن الرابع والخامس الميلادى واستمرت حتى بعد الفتح الاسلامي لمصر⛰⛰

تل الشهداء
الشواهد الأثرية المتناثرة على سطح بتدل علي أنه يرجع للعصر الرومانى ويحتمل وجود جبانة ترجع لنفس العصر بالتل . و أحد الأهالي من البدو كان لقي على شاهد قبر عليه كتابات يونانية كتير قبل كده🏔🏔
.
تل الخروبة
يرجع الى عصر الدولة الحديثة من العصور الفرعونية وقد اجريت به حفائر من قبل كشفت عن بقايا قلعة ترجع لعصر الدولة الحديثة وعثر على اوانى فخارية واختام للملك سيتى الاول . ويوجد خارج هذا الحصن بعض المواقع الأثرية التابعة له ⛰⛰

تل المحمديات
موجود على ساحل البحر المتوسط مباشرة فى قرية رمانة و في بعض العناصر المعمارية الغارقة أمام الساحل
وتم الكشف عن بقايا قلعة رومانية من الحجر الجيرى و جواها حجرات ليها نوافذ ( فتحات ) يصل ارتفاع بعض هذه الحجرات لثلاثة أمتار مبنية من الطوب اللبن وأيضا تم الكشف عن بقايا مبنى يحتمل ان يكون معبداً به أعمدة من الحجر الجيرى وفى الناحية الغربية من القلعة في بقايا مقابر من الاحجار الكلسية ترجع للعصر اليونانى الرومانى 🏔⛰

تل الكرامة
يقع جنوب قرية الكرامة ولم يسبق إجراء حفائر به من قبل وتشير شواهد السطح الأثرية الى أن هذا التل يرجع الى العصر الرومانى والإسلامي ⛰💙

تل الدراويش
من المواقع الأثرية اللي بترجع للعصر الفرعونى ( الدولة الحديثة ) وتم الكشف فيه عن أربعة صوامع كبيرة بنيت بالطوب اللبن وكان بيمثل احد محطات الطريق الحربى القديم لامداد الجيوش المصرية المتجهة نحو آسيا بالمؤن .
وكذلك عُثر على اختام تحمل اسم الملك سيتى الاول و ممكن تكون الصوامع دي كانت داخل او خارج احد الحصون والذى لم يتم الكشف عنه حتى الان ⛰⛰

تل الخوينات
يقع بالقرب من الساحل شمال قرية مزار وتقوم الآثار الاسلامية بعمل حفائر به وكشفت عن مبانى من الأحجار ترجع الى العصر الاسلامى وهو أحد المحطات التى كانت تقع على أحد الطرق فى العصور الاسلامية .
ويوجد به أيضاً جبانة ترجع الى العصر اليونانى الرومانى وقد تم استرداد شواهد قبور ضمن آثار سيناء التى تم أستعادتها من اسرائيل استخرجتها من جبانة تل الخوينات ⛰🏔

مفيش ناس كتير تعرف كل ده عن تلال شمال سيناء الاثرية , بس دلوقتي انت تعرف معلومات اكتر 💙 💜💛❤️

28/11/2020

مساء الخير 😍😍
معظمنا بيتعامل مع المناطق السياحية ف سيناء او المزارات او الجمال اللي موجود ف سيناء انه ف جنوب سيناء بس ..
سيناء عبارة عن شمال سيناء و جنوب سيناء , محافظتين منفصلتين عن بعض خلونا النهاردة نتكلم عن شمال سيناء و كل اللي موجود فيها و ناس كتير اوي متعرفش عنه حاجة تقريباً.☮️🖤

منطقة أثار بيلوزيوم ( الفرما ) :

يعتبر أهم المواقع الأثرية الباقية في شمال سيناء واللي لسه محتفظ ببقايا معمارية أثرية على سطح الارض وهو الموقع الوحيد اللي ممكن يتطور لو يبقي مزار سياحي مهم فى المستقبل ويقع على بعد حوالى اربعة كيلو متر شمال قرية بالوظة و ممتد ليشمل عدداً من التلال الأثرية المهمة جنب المنطقة الرئيسية واللي موجود فيها المدينة الأثرية واللي كشفت الحفائر الحديثة بها عن مجموعة من الحمامات ومسرح كبير يرجع للعصر الرومانى وقلعة رومانية استمر استخدامها حتى العصر الاسلامى🌁🕌🏰


- قلعة العريش :

هي الاثر الوحيد اللي لسه باقي ف العريش جنب سوق الخميس الاسبوعي بالفواخرية و كان جواها بئر وحديقة ومساكن الجنود وشهدت احداث تاريخية مهمة زي معاهدة العريش 1800 م بين الاتراك والحملة الفرنسية .🏰💙



- قلعة نخل :

في مدينة نخل و موجودة من عصر السلطان قنصوة الغوري وهي مربعة الشكل ذات مدخل منكسر لها خمسة ابراج وكانت مقر المحافظة وعاصمة ليها وتقع علي طريق الحاج المصري القديم وكان فيها حديقة ترجع لعام 1906 م وكان جواها بئر جنبها من الخارج ثلاث برك ضخمة لاستخدام الحجاج.🏰⛰️

- مجموعة كبيرة من التلال الاثرية منها:

(تل المخيزن ، تل الكنائس): في شرق لمدينة الفرما - تل الشهداء: ويرجع للعصر الروماني - تل المحمديات: ( رمانة ) ويرجع للعصر الروماني - تل الكرامة : و يرجع الى العصر الروماني والإسلامي - تل قصراويت : يمثل التل ده بقايا مدينة ترجع الى العصر النبطي - تل الدراويش : هو أحد المواقع الأثرية التي ترجع للعصر الفرعوني ( الدولة الحديثة ) - تل الفلوسيات : يقع بالقرب من بحيرة البردويل وتوجد به بعض العناصر المعمارية التى تمثل كنائس وحصون حربية - تل السويدات : ويرجع للعصر الرومانى والعصر الاسلامى - تل الخروبة : يرجع الى عصر الدولة الحديث من العصور الفرعونية - تل الكوثر: كان يستخدم كأحد الملاجئ العسكرية للقوات الاسرائيلية خلال الفترة عام 67 - 1973 وتم تخريبه تماما و موجود وسط كتلة سكنية وعليه اشجار بسيطة واشغالات للبدو - ( تل الست ، تل لحيمر ، تل ابو شنار ، تل العصاليج) (بين رفح والشيخ زويد) - تل مزار ، تل القلس : يقع داخل بحيرة البردويل ، (تل المضبعة : بقرية الروضة ، تل زعيزع ( قبر عمير ) ، تل لحفن): وترجع جميعا الى العصر اليوناني الروماني ، - تل الخوينات : شمال قرية مزار ويرجع الى العصر الإسلامي - تل رفح : يقسمه الحد الفاصل بين مصر وفلسطين الى قسمين ولم يتم اجراء حفائر به.⛰️🏞️🏰🏕️
مش ناس كتير عارفة معلومات عن آثار شمال سيناء و مزاراتها بس دلوقتي انت تعرف أكتر 💙🖤

27/11/2020

Relaxing time 🌊⛱️☁️

26/11/2020

النهاردة هنتكلم عن مدينة الطور 💜
المدينة اللي اتذكرت ف كتاب ربنا العزيز بأشهر جبل فيها 💜

محدش يعرف عنها كتير مع ان فيها معالم سياحية كتير سواء كانت جبال او الاثار الموجودة في قرية الوادى واللي بيرجح انها ترجع للعصر الفرعونى وفي كمان الاثار الإسلامية الموجودة في منطقة الكيلانى بطور سيناء وهي عبارة عن ميناء إسلامي في مدينة الطور لأنها خلال العصر المملوكى كانت الميناء الرئيسى لمصر على البحر الأحمر , ومشهورة بالآثار التاريخية للعصر المملوكي و بعض العملات من عصر محمد علي. 🕌🕌

تعتبر مدينة الطور من أشهر المدن السياحية في سيناء وذلك لما تحتويه المنطقة من العديد من الآثار مسيحية كانت أو إسلامية وكذلك آثار من العصر الحديث.✝️☪️

فيوجد بها دير طور سيناء وهو مقام منذ القرن الرابع الميلادي ويوجد به كنيسة باسم القديس جاود جيوش.🕍🌁

وكذلك يوجد بها جامع القلعة، وقد وجد الباحثون في جولات بحثهم في المدينة العديد من أصناف النقود الفضية والنحاسية والتي ترجع لعهد الرومان والبيزنطيين 🕌

من المعالم السياحية المشهورة اللي ف مدينة الطور 💜💛

1- حمام موسي:

حمام موسي من المعالم السياحية في مدينة طور سيناء موجود ف شمال مدينة طور سيناء بنحو 3 كم، مياه الحمام من خمس عيون تصب في حمام على شكل حوض محاط بمبنى من الدبش، وتستخدم هذه المياه الكبريتية الساخنة (37 درجة مئوية) في شفاء العديد من أمراض الروماتيزم والأمراض الجلدية وامراض العظام، وقد تم تطوير الحمام و اتبني حوله حمامات السباحة مننفس الماء، وحوله بعض الخيام للراحة، وهذه القبة التي ترونها يوجد بداخلها حمام موسى وعند مشاهدته من الداخل ستجد أن الماء يندفع بقوة من الأرض، والماء غير صالح للشرب، لأنه يحتوي على نسبة منخفضه من عنصر الكبريت. أخذت الشركة المستثمرة لهذا المكان بعض القنوات خارج القبة كي تبني حمامات سباحة للأطفال، وزيارة مكان تربية النعام. وفى مدينة طور سيناء على شاطئ القمر توجد قرية موسى باى السياحة.🌅 🏊‍♀️🐟⛲

2-قلعة رأس رايا‫:‬

قلعة رأس راية والتي تبعد نحو 8 كيلو مترات جنوب مدينة طور سيناء، وسميت القلعة بهذا الاسم لوجود ضريح الشيخ راية وكشفت منطقة الآثار الإسلامية والقبطية هذا الموقع أثناء أعمال المسح الأثري لمساحة مستطيلة 🏰💜

3- جبل الطور (جبل موسي )
كنا اتكلمنا عن جبل الطور او جبل موسي في للبوست اللي اتكلمنا فيه عن الجبال في سيناء ,و سمي بجبل موسي عشان ده الجبل اللي موسي كلّمه ربه في هذا الجبل وتلقى الوصايا العشر وفقًا للديانات اليهودية والمسيحية والإسلام. ⛰️🏞️
جبل موسى من أشهر جبال سيناء، إذ يزوره آلاف السياح؛ فالناظر من أعلى الجبل يتمكّن من رؤية مشاهد جميلة لسلسلة الجبال المحيطة خصوصا في فترتي شروق الشمس وغروبها، ويقع قرب جبل كاترين (جبل طور سيناء)، والذي يوجد فيه دير سانت كاترين، ويحيط بالجبل مجموعة من قمم جبال جنوب سيناء ⛰️🏕️
يوجد في الجبل كنيسة يونانية صغيرة وجامع صغير. كما تسقط الثلوج فوق هذا الجبل شتاءً.🏔️🏔️🏔️.

مش كل الناس تعرف عن مدينة الطور ، بس دلوقتي انت تعرف معلومات اكتر 💙💙🖤

25/11/2020

خصومات Sinai Life camp 😍😍
سعر الليلة للفرد بالفطار فقط 150 جنيه
سعر الليلة بالفطار و العشا للفرد 250 جنيه
ولو انتوا 5 افراد او اكتر هتاخدوا اول فطار فري

24/11/2020

Its all about who you will pick to share your good moments with 💙🌕🌌 ☮️🌃
Choose your perfect company and come 💜

24/11/2020

Come to Sinai Life and enjoy the fresh air and the relaxing vibes surrounding .🌊⛱️🔥⛅☮️

1 night accomodation with breakfast 150 EGP/person
1 night accomodatiom with breakfast&dinner 250 EGP/person.

Available from the camp all the safri & dayuses trips with reasonable prices 🔥🔥

Send a msg for photos & more details ❤️

23/11/2020

النهاردة هنتكلم علي دهب , مدينة السحر و الجمال والسلام النفسي زي ما الناس بتسميها 😍 ☮️
المدينة الذهبية و مدينة الفيروز اللي بقت معشوقة الملايين ..
دهب اللي خلاها المكان المفضل لناس كتير انها بتجمع كل اللي حد يحبه ف مكان واحد , فيهاالغوص و السنوركيلنج و فيها البحر و الرمل و الجبال و فيها الكافيهات و الرقص و فيها الهدوء و الروقان و الاستجمام .. عشان كده الكل متعلق بيها 🌊🌴🧗‍♀️⛰️

ليه دهب اتسمت بالاسم ده ؟
اتسمت دهب بالاسم ده لسبب من الاتنين اللي الناس اجمعت عليهم , الأول بيقال لانه عند غروب الشمس لون المياة دهبي من شدة نقاؤة وصفاؤة . و في ناس بتقول انها اتسمت كده عشان رمالها الصفراء التى شبه لون الدهب 💛❤️

من أشهر الأماكن اللي ف دهب اللي الناس تعرفها :
1- البلو هول :
اتسمت بالبلو هول او الثقب الازرق عشان هي عبارة عن حفرة عميقة أو بئر (سرداب) فى البحر الاحمر بعمق 130 متر مع وجود فتحة ضحلة بعرض 6 متر وتعرف باسم السرج وفتحة للخروج من الثقب أو البئر الازرق للبحر المفتوح تسمى بالقوس على هيئة نفق طويل بطول 26 متر. و المنطقة دي هى اللي بتجذب الغواصين اللي بيشدهم منظر القوس اللي يبربط البحر المفتوح بالثقب الارزق لاحتوائة على مناظر رائعة ساحرة و عجيبة فى حد ذاتها حيث مشاهد تكوينات الضوء والنباتات والحيوانات البحرية والتقاء الجبل مع البحر االلي مفيش حد مش بينبهر بيها.🌄🐠🐡🏊‍♀️
و المنطقة دي من امتع انشطة الغوص بالنسبة للغواصين ولكنها خطيرة عشان بتحتوى على عدد من الكهوف المميته واللي بتظهر بمظهر اقل عمقا مما هى عليه بالحقيقة. و المنطقة دي تحتوى على المرجان والشعاب المرجانية الساحرة ومختلف انواع الاسماك والكثير من السحر والاثارة🏊‍♂️🏊‍♂️

2- منطقة العسلة : هى القرية الشعبية بمدينة دهب واللي بيسكنها حوالى 75% من سكان دهب وتنقسم الى ثلاثة أحياء سكنية (العسلة ـ الزرنوق ـ مدينة مبارك)
و هي المنطقة اللي بدأ يقبل عليها الناس اللي بتحب الهدوء و الاستجمام ف دهب ف الفترة الأخيرة 🧘‍♀️❤️

3- منطقة اللاجونا :
هى الشاطئ الرملى الوحيد بالمدينة و يعتبر عامل جذب رهيب للغواصين لما تحتويه المياه فى المنطقة دي على الكنوز الثمينة والمناظر الرائعة الخلابة تحت الماء و كمان المنطقة فيها عدد محدود من الفنادق ومراكز الغوص. ⛱️⛱️
كمان الناس بدأت تحب تروح شاطئ اللاجونا بالليل عشان تستمتع بالسما المفتوحة و النجوم مع البحر و تسهر لحد شروق الشمس اللي بيكون من المكان ده من اجمل الاماكن اللي ممكن تشوف فيها شروق الشمس ف دهب.🌅🌅

4- جزيرة كورال :
موجودة بالقرب من الحدود الفلسطينية وكان فيها قلعة بناها الصلبيون أيام الحروب الصليبية مازالت بقايا القلعة موجودة حتى الان ممكن تزور المكان و تشوفها 🌊🌴🌄🔥🔥⛅

5- إيل جاردن :
موجودة في شمال مدينة دهب و بتمثل لوحة فنية رائعة ومتعة فائقة لمحبى الغوص و فيها اسراب لاحصر لها من الاسماك الملونة التى تغطى قاع البحر وسط كتل من الشعاب المرجانية الرائعة. 🏊‍♀️🏄‍♀️🌊⛱️🌤️

23/11/2020

Shades Of Sunrise ☀️
Come & enjoy ur stay in Sinai Life beach camp ❤️
Send me and ask for the offers 🔥🔥

22/11/2020

Today's Sunset 🌄💜

22/11/2020

جبال سيناء تاني ❤
في ناس كتير عجبها موضوع جبال سيناء و الحكايات اللي ورا أساميها , النهاردة هنتكلم عن جبال تانية مش ناس كتير تعرفها و تعرف حكايتها 🧗‍♀️⛰️

1- جبل سانت كاترين
كلنا عارفينة بس مش كلنا عارفين اتسمي ليه كده , هو أعلى جبل في مصر. و اتسمي بالاسم ده نسبة إلى القديسة المعروفة بأسم كاترين وهى من اهم القديسات في الغرب وهى ليها دور كبير في انتشار المسيحية وماتت فداء لذلك و اتسمي الجبل بأسمها حيث أن رهبان دير سانت كاترين وجدوا جسمها اعلى الجبل حيث تم اعدامها في الإسكندرية واختفي جسمها من الأسكندرية وأن الملايكة قاموا بوضع جسدها اعلى قمة الجبل.
أعلى الجبل في مصلى خاص بيها في المكان اللي لقوا فيه جسدها . وبالقرب من المصلى في حجرتين حيث الحجاج إلى الجبل يقدروا يباتوا و يتسلقوا الجبل من ممر قام أحد كهنة الدير ببنائه( دير سانت كاترين ).⛪⛰️

2- جبل سربال
يطلق على الجبل ده "جبل سربال" وموجود في وادي فيران بجنوب سيناء و ارتفاعه 2070م فوق سطح البحر و رغم انه مش اطول جبل في مصر لكنه منحدر جدا .
ويعتبر الجبل من الجبال المقدسة قبل رحلة خروج بني إسرائيل واللي بيتقال أن الناس كانت تحج ليه كل سنة.
كما يوجد فوق الجبل متاهه من الحجارة جميلة للغاية بخلاف الخضرة التي تنتشر في الطرقات، وفوق قمته يوجد مناظر خلابة. 🧗‍♀️
بالنسبه لاسمه ف اسم سربال مختذل من سرب بعل، أو نخيل الإله بعل، إشارة إلى نخيل فيران في سفح الجبل، وأنَّ الناس كانت تقدسه وتحج إليه قبل النصرانية، بل قبل الخروج بأجيال كمان ، و في الطريق إليه من وادي فيران موجود حجارة أثرية،منقوش عليها أسماء الزوار اللي منقطعوش عن زيارته حتى القرن التالت للمسيح، وفي سفح الجبل في خرائب دير قديم، وكنيسة مبنية بالحجر المنحوت.⛪✝️⛰️🧗‍♀️

3- جبل الناقوس

وهو جبل صغير شديد الانحدار، مكسو بالرمال، على شط الخليج على نحو ٨ أميال شمال جبل حمام موسى، جبنه ميناء أبو قفص وقبر الشيخ البتَّان، وفي الجبل ده مظهر عجيب من مظاهر الطبيعة؛ كل ما الرمل اتجمع في سفحه استمع صوته زي صوت الناقوس ( الجرس ) و اتاخد اسمه من كده،اتفسر ده بتفسيرات كتير أشهرها أنّ الرمل لما بيتجمع و يقع عن سفح الجبل بتمر على صخور مجوفة في باطن الجبل فيتسمع الصوت ده.⛰️
ولأهل البلاد حكاية خرافية فيه؛ قالوا: كان في الجبل ده دير يسكنه جماعة من الرهبان، فخرج عليهم البدو ف مرة عشان يقتلوهم وينهبوا الدير، فدعا الرهبان ربهم، فهبت عاصفة وغطت الدير بالرمل و مبقاش باين منه اي حاجه نهائي.⛪⛪
كمان مكان الجبل خلاه زي منطقة بيرتاح فيها القوافل و المسافرين علي مر الزمن ف في نقوش كتير اوي منها الكوفي العربي البسيط , و رسوم صلبان مسيحيه و ايات من الانجيل و القران و اسامي الناس اللي مرت علي المكان ده.✝️☪️

دي من جبال سيناء الجميلة اللي مش كلنا عارفينها ، بس طول ما بنحكي عنها كل الناس هتعرفها و تعرف حكاياتها ❤️💜

21/11/2020

مساء الخير 😍😍
هنتكلم النهاردة عن السنوركلينج و الغطس و ايه أحسن أماكن في سيناء ليهم الناس ممكن متعرفهومش و ايه أشهر أماكن ليهم الناس عارفاهم 💜

كلنا تابعنا البطل بتاعنا " صدام الكيلاني "و هو بيحقق رقم قياسي جديد ف اطول غطسه في العالم ف مدينة دهب ف منطقة اللايت هاوس 🏊‍♀️
ف خلونا نعرف أكتر ايه أهم و أحلي مناطق الغطس و السنوركلينج ف دهب و باقي سيناء 💙
1- دهب
دهب مليانة بالأماكن اللي هتستمتع فيها بالغطس و السنوركلينج , أي مكان من دول ميقلش شهرة و جمال من تحت المياة عن التاني غير ف إن في أماكن الناس تعرفها أكتر من أماكن تانية .🐟🦈🐡🐠🏊‍♀️
من الأماكن دي :
-اللايت هاوس
-البلو هول ( اشهرهم و أخطرهم و أجملهم )
- ابو جالوم
- ايل جاردن
-الثري بولز
- الكيفز

2- شرم الشيخ
شرم الشيخ مبقاش الاقبال عليها زي زمان بسبب أسباب كتير جدا بس هي هتفضل من أجمل المدن ف سيناء في الغوص و السنوركلينج بأماكنها الجميلة 🎣🌊🐠
من الأماكن دي :
- سفينة سيسل جورم الغارقة فى البحر الأحمر.
- محمية رأس محمد الحاجز البحري.
- خليج القرش.
- رأس أم سيد.

3- تيران وصنافير
تيران و صنافير جزر مصرية موجودة علي حدود السعودية بين الحدود و شرم الشيخ .🐡🦈🐳
فيها منطقتين من أجمل مناطق السنوركلينج و الغطس , الأماكن دي هي :
- جاكسون ريف بمضيق تيران.
- و توماس ريف بمضيق تيران

4- نويبع
طبعاً نويبع من أجمل أماكن سيناء كلها ف الغوص و السنوركلينج , اللي مجربش السنوركلينج او الغوص ف نويبع فايته جمال كتير أوي تحت المياه . 🐌🐙🐳🦈🐡🐠
من أشهر الأماكن في نويبع :
- راس شيطان مجموعة من الخيم المنصوبة على الطراز البدوي البسيط.
- أم أم رايشر للغطاسين الهواة ومتعة الغوص وسط الصخور والكهوف البحرية.
- شعاب أبو لولو أشهر مواقع الغوص ف نويبع.
- الجزيرة القريبة من منطقة المحاش.

5-طابا
طابا زي باقي مدن سيناء فيها من الجمال اللي تحت المياة كتير أوي , من أجمل الاماكن دي 🏊‍♀️🐟🌊🎣
- جزيرة فرعون :منها تقدر تمارس الغوص وتتمتع بالمناظر الجميلة ،وتشوف الشعاب المرجانية اللي ف قاع البحر.
- خليج فيورد (فيورد باي) : من أشهر أماكن الغطس حول العالم عشان كده من أجل ما يمكن انك تستمتع فيه بجمال الحياة البحرية و الأسماك و الشعاب المرجانية.
- منتجع طابا هايتس(ووتر ورلد طابا water world taba).