حجر رشيد Rosetta Stone

27/12/2022

27/12/2022

مدينه رشيد

27/12/2022

اللهم امين يارب العالمين 🌿

23/12/2022

اشتهر اسم بطليموس الخامس بحجر رشيد اللى فك الهيروغليفى المصرى.

23/12/2022

بطليموس الخامس
بطليموس الخامس هوه حاكم مصر رقم 154

بوابة مصر البطلميه
بطليموس الخامس ابيفانس ( الظاهر ) - باليوناني : Πτολεμαῖος Ἐπιφανής - ،( إتوفى سنة 180 قبل الميلاد )، خامس ملوك الدوله البطلميه المصريه ، ابن بطليموس الرابع فيلوباتور و ارسينوى التالته.


بطليموس الخامس



معلومات شخصيه
تاريخ الميلاد
9 اكتوبر 210 ق م 
تاريخ الوفاة
سنة 180 ق م[1] 
مواطنه
مصر الفرعونيه 
الزوجة
كليوباترا الاولانيه 
ابناء
كليوباترا التانيه، وبطليموس الساتت، وبطليموس التامن 
الاب
بطليموس الرابع 
الام
ارسينوى التالته 
عيله
البطالمه 
معلومات أخرى
اعمال بارزه
حجر رشيد 
تعديل مصدري - تعديل 
قعد على عرش مصر بعد موت ابوه و هو عنده خمس سنين ، و حكم من سنة 203 لغاية سنة 180 قبل الميلاد. إكمنه كان لسه صغير انتهز انتيوخوس التالت ملك سوريا و فيليب الخامس ملك مقدونيا الفرصه و حاولوا يستولوا على أراضى مصر بره حدودها، لكن إتدخلوا و أجبروهم على التراجع.

اشتهر اسم بطليموس الخامس بحجر رشيد اللى فك الهيروغليفى المصرى.

23/12/2022

شامبوليون " المصري "
في يوليه 1828 شامپوليون اللي اتلقب بـ "المصرى" وصل مصر، اللي فتنته واسمه ارتبط بيها وكان بيوصفها بانها كل شىء بالنسبه له، ودي كات اول مره في حياته يزور مصر ويشوفها ع الطبيعه. دخل شامبوليون مصر دخول المنتصرين، وطلع المصريين يستقبلوه عشان يحيوه ويشكروه و يشوفوا الراجل اللي قدر يقرا المكتوب على الحجاره القديمه ويكشف سر بلادهم اللي سادت الدنيا قرون بعد قرون بتقدمها وحضارتها . واختلط المصريين بالفرنسيين اللي وقفوا يغنوا أناشيد " المارسيليزا " و "أغنية الحريه ". يوميها كان يوم من أيام التضامن الحضاري بين مصر والغرب وعيد من أعياد العلم والمعرفه.

في مصر شاف شامپوليون الحاجات اللى درسها على الورق على الطبيعه وقدر يتأكد من اللي اتوصل ليه وهو فى فرنسا. وبنظره واحده قدر العلامه انه يصنف العصور والأزمنه اللي اتبنت فيها المباني و العواميد في ممفيس و عمل شوية اكتشافات أثريه من ضمنها معبدين و مدفنه في بيت رهينه، وفي سقاره قدر يتعرف على الاسم الملكي " اونوس " ويحدد عصره في التاريخ المصري. وفي ليله من الليالي في ضوء القمر زار معبد دندره البديع اللي كان عارف كل تفاصيله من الصور والرسومات. وقدر يبرهن على ان المعبد ده ما اتبناش عشان ايزيس، زي ماكان العلما فاكرين أياميها، لكن عشان حتحور الاهة الحب.

في الليله دي كان شامپوليون وزمايله في البعثه لابسين هدوم مصرى، ومع ان كلهم كانوا بيضحكوا وبيهزروا شامبوليون " المصرى " مشى باللبس المصري بكل احترام و وقار و كأنه فعلاً اتولد وعاش في مصر و اتعود على الهدوم دى. ودى حاجه لاحظها كل زمايله في البعثه وشهدوا عليها.

شامپوليون رجع فرنسا وقعد يكمل دراساته وابحاثه واتعمله سنة 1831 كرسي جامعي مخصوص في كوليج دو فرانس - Collège de France -. و بعدها بسنه، في 4 مارس 1832 اتوفى بنزيف داخلي مفاجىء وهو عنده 41 سنه، واتدفن تحت نصب تخليدي على هيئة مسله مصريه، واتسمت شوارع وميادين في فرنسا ومصر باسمه، بعد ما قدم لمصر والبشريه خدمه كبيره لأقصى الحدود، فتحت المجال لتقدم علم المصرولوجيا والتعرف على تاريخ مصر الحقيقي مش الخرافي، وكأنه كان هبه لمصر.

23/12/2022

چان فرانسوا شامپوليون - بالـ فرنساوى: Jean-François Champollion ، اتلقب بـ المصري - Le Egyptian - ( فيچيك، 23 ديسمبر 1790 - باريس، 4 مارس 1832). علامه و باحث تاريخي وعالم لغويات فرنساوى أسس المصرولوجيا العلميه - Scientific Egyptology - ولعب دور كبير في فك رموز الهيروغليفى المصرى عن طريق مقارنتها بالحروف اليونانيه المكتوبه معاها على حجر رشيد، و اللي حل لغزها ساعد بدوره على معرفة تاريخ مصر وثقافتها الفرعونيه. اتعين مدير لـ متحف اللوفر في باريس وعمل حفريات في مصر، و اتعمله كرسي جامعي مخصوص لعلم الأثار المصريه في كلية كولي چ دو فرانس - Collège de France - ، و كتب قاموس للغه المصريه القديمه وألف كتب في قواعد لغتها وعن الحضاره و الميثولوجيا المصريه.

23/12/2022

فى المرسوم اللى اتنقش على حجر رشيد اتوصف بطليموس الخامس بإنه : " ملك مصر العليا و مصر السفلى ، ابن الاله فيلابتور ، بموافقة بتاح ، اللى رع وهبه الانتصار ، تجسيد حى لأمون ، ابن رع ، بطليموس الخالد ، المحبوب من بتاح ، الاله الجواد ابيفانيس ". و من ضمن اللى اتكتب ان تمثال بطليموس الخامس ابيفانيس حا يتعبد فى كل معابد مصر و حا ينضم لكل تماثيل الهة مصر التانيه فى الاحتفالات الدينيه ، و إن المرسوم حا يتنقش على قواعد كل تماثيله فى نواحى مصر ، بالحروف المصريه المقدسه (الهيروغليفى) ، و الحروف المصريه الدارجه (الديموطيقى) ، و الحروف اليونانيه.

بعد شوية دراسات، العلما اللى عرفوا يقروا ويفهموا اليوناني قدروا يخمنوا إن التلت نصوص لها معنى واحد، وإتصوروا ان مفتاح الهيروغليفي ومعاه تاريخ مصر محطوط على الحجر ده. العلما فى انجلترا و المانيا و ايطاليا وفرنسا كانوا عملوا محاولات كتيره لفك الهيروغليفي المكتوب على حجر رشيد لكن كل المحاولات مانفعتش.

شامبوليون Jean-François Champollion اللى اتلقب بـ " المصرى " ، وهو عالم لغوي كبير نابغه فى عدد كبير من اللغات القديمه من ضمنها القبطى - و دي مع نباهته كات نقطة مهمه جداً - فهم على عكس الكل إن الهيروغليفي المصري ده حروف صوتيه، وقدر من الإقتناع ده انه يبني عليه و يمشي بصبر وطولة بال وشجاعه فى الإتجاه الصح. العلما التانيين كانوا وصلوا لنتيجه بتقول إن الديموطيقي المكتوب على حجر رشيد عباره عن حروف كتابه بس ما قدروش يتقدموا خطوه اكتر من كده فرفعوا الرايه واستسلموا. شامبوليون بشطارته اللغويه وعلمه فك حروف الهيرغليفى المصرى وادرك النظام اللغوى اللى فى نص حجر رشيد، وقدر يخلى النص يتقرى و يتفهم وكمان يتكتب ويتدرس. وبكده أسقط شامبوليون الفكرة الغلط اللى كات سايده عن الهيروغليفى المصري اللى اسسها هورابولون [4] ، وفتح بوابة تاريخ مصر الحقيقي و انهى عصر تاريخ مصر الخرافى.

23/12/2022

عيد ميلاد سعيد
happy New Year

23/12/2022

23/12/2022

حجر رشيد - بالفرنساوى: Pierre de Rosette ، بالانجليزى : Rosetta Stone - حجر لقاه عساكر نابوليون بونابارت فى رشيد فى مصر وقت الحمله الفرنسيه على مصر ، و أخده الإنجليز على لندن بعد ما إحتلوا اسكندريه سنة 1801، لكن لحسن الحظ الفرنساويين بعد ما لقوه عملوا منه نسخه بعتوها على باريس .[3] حجر رشيد كان منحوت عليه مرسوم تنصيب ملك مصر البطلمى بطليموس الخامس ابيفانس ( الظاهر ) ، بالهيروغليفي والديموطيقي و اليوناني.

23/12/2022

حجر رشيد هو نصب من حجر الديوريت مع مرسوم صدر في ممفيس، مصر، في 196 قبل الميلاد نيابة عن الملك بطليموس الخامس. يظهر المرسوم في ثلاثة نصوص: النص العلوي هو اللغة المصرية القديمة الهيروغليفية المصرية، والجزء الأوسط نص الهيراطيقية، والجزء الأدنى اليونانية القديمة. ويكيبيديا
الأبعاد: 1.14 م x 72 سم x 27 سم
الموقع: المتحف البريطاني (منذ 1802)
تاريخ الإنشاء: 196 ق.م
الفترة/الحضارة: بطالمة — حقبة هيلينية
تاريخ الاكتشاف: 15 يوليو 1799
خط الكتابة: هيروغليفية مصرية — ديموطيقية — ألفبائية يونانية
مادة الإنشاء: جرانوديوريت