Yaatra Tourism

12/12/2021

يوجد لدينا تأشيرات زيارة أعمال متعددة الزيارة السعوديه سعر ليس خاص التنفيذ ١٥ يوم لتواصل 01020488871

30/11/2021

يوجد لدينا زيارة أعمال _ زيارة عمل مؤقت _ استمارة انجاز _ حجز تساهيل

30/11/2021

يوجد لدينا تأشيرات زيارة أعمال _ زيارة عمل مؤقت _ استمارة انجاز _ حجز تساهيل

10/10/2021

10/10/2020

مقابر النبلاء غرب نيل مدينة أسوان، لها طبيعة خاصة تنفرد بها عن باقى مقابر المصريين القدماء ويبلغ عددها 50 مقبرة تضم رفات حكام وأمراء أسوان خلال عصورالدولة القديمة والوسطى.

06/10/2020

ايه هي البحيرات المالحة الموجودة؟

في سيوة موجود 4 بحيرات رئيسية بيستخرج منها
الملح وهم بحيرة الزيتون وموجودة في شرق سيوة، وبحيرة أغورمي في شمال شرق الواحة، وبحيرة سيوة غرب شالي وأخيرًا بحيرة المراقي في غرب الواحة.. ومن المعروف إن البحيرات دي لا ينمو عليها أي طحالب ومفيش أي كائنات حية عايشة فيها.. وعن حجم الملح الموجود في البحيرات دي فبيوصل لأكتر من 60 مليون طن!

البحيرات المالحة: المكان المثالي للسباحة والعلاج
البحيرات المالحة هي المكان المثالي للسباحة لأي حد مبيعرفش يعوم أو بيخاف من المياه، وده لإن درجة ملوحتها عالية جدًا واللي بتوصل ل 98%.. فالمياه حرفيًا بترفعك برغم من عمق البحيرات واللي بيوصل ل15م أحيانًا.. ده غير إستخدامها في العلاج لكتير من الأمراض الجلدية زي الصدفية وغيرها حسب كلام أهل الواحة واللي بينصحوا بإرتداء ملابس قطنية أثناء النزول للبحيرات وعدم الإستحمام مباشرة بعد الخروج وترك الملح على الجسم لفترة..
احسن وقت لزيارة البحيرات المالحة في سيوة
الصيف في سيوة بيبدأ في من أول مايو، درجة الحرارة بتكون عالية جدًا وده بيكون مناسب لو كان الغرض من السفرية علاجي لإن الموسم بيكون من نص يونيو لنص سبتمبر ودرجة الحرارة بتكون بين 27 - 38 °C. أما لو رايح سياحة فأفضل وقت هو بداية اكتوبر وحتى أبريل.. الجو هتلاقيه دافي بالنهار وبرد بالليل ودرجة الحرارة بين 10 و25 °C... لكن بننصح بزيارة سيوة خلال الشتاء والخريف لو عاوز تشوف أفضل شكل للبحيرات المالحة لإنها بتكون أقرب للوحة فنية منها لأي شيء تاني!
فيه ناس كتير بتروح سيوة مخصوص عشان البحيرات المالحة.. فسواء بتعرف تعوم أو لأ، بتخاف من المياه أو مبتخافش.. فجهّز مايوهك لإن البحيرات دي نادرة جدًا حوالين العالم ومينفعش نفوّت حاجة بالجمال والعظمة دي، ومتنساش تبعتلنا صورك الجميلة هناك

03/10/2020

تعرف ايه عن السياحه العلاجيه ؟

طيب تعالي نعرف عنها اكتر
مصر فيها أكتر من عشر أنواع سياحه مختلفه من أهمهم السياحه العلاجيه
السياحه العلاجيه في مصر اللي بيجيلها سياح أجانب من جميع أنحاء العالم عشان يجربوا الدفن في الرمل زي رمال سيوه للتعافي من آلام العظام

لو روحت سيوه قبل كده وخدت جوله وسمعت قصصها وحكاياتها
من بين القصص والحكايات دي هتسمع عن العلاج بالرمال واللي زمان كل أهل الواحه بيعملها لفوايده الكتيرررره اوي واللي من ضمنها حرفيا بيرجعك شباب جسديا

الدفن في الرمال معروف من زمااان اوي وكتير أوي استخدموه واتعالجوا من آلامهم الحمدلله
طب مين ممكن يجرب تجربة الدفن بالرمال؟
أي حد بيعاني من أي آلام في العظام

س .. ممكن حد معندوش آلام عظام يجرب الموضوع؟
ج .. أيوه طبعًا لإن حمامات الرمل بتحسن وظائف الجسم بشكل عام وبتقوي المناعه

س .. في خطوره على الشخص اللي هيخوض التجربه ؟
ج .. مفيش أي خطوره على الشخص اللي هيخوض التجربه إلا لو كان عنده أي أمراض متعلقه بالقلب فمينفعش يخوض التجربه دي نهائيا
أما لو عنده أمراض متعلقه بالضغط أو السكر فمفهاش خطوره بس مهم إنه يبلغ قبلها لإن ليها احتياطات خاصه ومدد مختلفه

س .. في متطلبات معينه في الشخص؟
ج .. المتطلب الوحيد إن تكون الآلام مجرد آلام فقط ومفيش أي كسر حديث في العظام لم يمر عليه عام

س .. حمامات الرمال أو الدفن في الرمال إيه فوائدها ؟
ج .. فوائدها كتير جدا منها علاج (الرطوبه – آلام المفاصل – الروماتيزم – الغضروف – الخشونه – مقوي عام للمناعه – تحسين وظائف الجلد)

س .. الموضوع صعب ولا سهل ؟
ج .. الموضوع مش صعب إطلاقا وفي نفس الوقت مش سهل سهوله مطلقه بس هو علاج فعّال هتضطر تتعرض لحراره عاليه وقت حمام الرمل وهتضطر طول إقامتك متشغلش لا مروحه ولا تكييف نهائيا
وكده كده حتى لو الحراره عاليه مش هتحتاجلهم بعد أول حمام رمله في تاني يوم بعد الوصول لإنك مش هتحس إن الحراره عاليه أصلا

س .. الموضوع للرجال فقط ؟
ج .. الموضوع متاح للرجال وللنساء والأماكن طبعا منفصله تماما والرجال بيشرف عليهم رجال والنساء بيشرف عليهم نساء .
مصر متميزة بالسياحة العلاجية لو بتعاني اي حاجة من الأعراض دي جرب السياحة العلاجية في سيوة او اسوان او غيرها كتير من الأماكن اللي هنتكلم عليها 🌿
الموضوع مش مكلف خالص و يستاهل التجربة ♥️ 🍀🧘‍♀️🧘‍♂️🧖‍♀️🧖‍♂️

03/10/2020

ارخص سعر تذكرة طيران

01/10/2020

مصر حلوة اوي بس احنا اللي مابنسافرش 🇪🇬🏛️🕌⛪

01/10/2020

EGYPT 🇪🇬 ✨
تحت كل صورة الاسم و المكان 😌💖