22/01/2024
خلصت امتحانات أو زهقت من شغلك وعايز تفصل وتروق على حالك تعالى أقولك على أجمد طالعه للقاهره هنزور فيها أماكن كتير ونتصور ونلعب ونهزر سوا 🤩✨
مبدأيا كده وقبل أى حاجه الرحلات معانا غير وتعالى شوف بنفسك 🫣
ميعادنا يوم الجمعه 2/2 يوم مميز للناس الرايقه بس 😉♥️
📌 *برنامج الرحلة*
التجمع الساعه 6:30 إن شاء الله من أمام مسجد القائد إبراهيم.
هنبدأ رحلتنا بالوقت الى هنقضيه سوا فى الباص والى هيبقى فيه مفاجآت كتير ف انتظاركم 🚌💥
أول مكان معانا هو *قصر الأمير محمد على بالمنيل* حفيد محمد على باشا 👑 هناك هتشوف الملوك كانو بيعيشو ازاى وتتفرج وتتصور ف المكان 📸 وتزور متحف الصيد وتشوف كمية الحيوانات الى كان الأمير بيصطادها 🦁🐊🦇
بعد كده هنتحرك على *سفارى بارك*🎡 أجمد سفارى فى القاهره
هناك هتلاقى مطاعم عشان نتغدا سوا وملاهى للاطفال والكبار كمان وبيت الرعب 🎢🎠 ولو نفسك تعيش اجواء السفارى بجد بقا يبقا هتركب الجمل وتلف بيه ف المكان 🐪 وتتصور احلى صور معاه وكمان نركب الطفطف ونلف بيه البارك كلها 🚂 ومش هقولك على الى احنا هنعملو سوا هناك خليها مفاجأة دى 😍🤌🏻
بعد كده هنخلص ونتحرك على *شارع المعز* 🤗🫶🏻 وهنا هتبقى جولتنا الحره تلف ف الشارع برحتك ونروح نصلى المغرب فى الحسين 🕌 ونشوف الآثار النبوية الأدوات الى استخدمها نبينا محمد صلى الله عليه وسلم فى حياته وإلى محفوظه فى أوضه جوا الجامع وبعد كده تروح تشترى لحبايبك احلى هدايا تذكارية من خان الخليلى 🎁
تعبنا لاء استنى لسه احلى فقرة ف اليوم جايه 🥰
هنروح نركب *مركب فى النيل* لوحدنا ⛵ ونشغل الاغانى الى بنحبها ونهيص بقا ونطلع كل الطاقه الى جوانا 🥳💃🏻
وبعد كده نتحرك على اسكندريه إن شاء الله
______________________
السعر مفاجأة: 🔥🔥🔥
السعر شامل دخول جميع
الأماكن
متنساش تسأل على عرض الشله
