Hipatya Trips

  • Home
  • Hipatya Trips

Hipatya Trips "هيباتيا" جروب سفر ودي المنصة بتاعتنا هدفها الإعلان عن ?

فكرنا كثيراً كيف يمكننا وصف أنفسنا في بضع سطور؛ من سيقرأها يصل إليه ما مررنا به لنستطيع أن نبني هذا الكيان (بيست بوست Best Post) .. إنه أمر مؤرّق أليس كذلك؟!

تُرى هل يمكننا البدء دون تحديد المسار الذي سنُكمل خلاله رحلتنا؟ بالطبع لا.

يُخيل لي أنك تتسائل "المسار الذي تُكمل فيه رحلتكم؟! ..
هل أصلاً تلك لم تكن البداية؟! ..
هل كان هنالك احداث سابقة؟!"

بالطبع عزيزي، نحن في مجال الدعاية والتسويق ف

يما يقرب لـ 12 عام ..
تلك الأعوام مرت ومعها تركت مواقف وتجارب صقلتنا وأعدتنا لهذه الخطوة..
تلك الأعوام مرت وتركتنا بعد أن غرست فينا أن نكون على قدرٍ من المسؤولية كبير.

أراك تتساءل وأيُ مسؤولية؟! ..
دعني أجيبك؛ لطالما كنا نحلم بأن نصبح رواد مجالي الدعاية والتسويق.
حلم كبير، يسبق تنفيذه خطط مدروسة بعناية، وبخطىً واثقة نسير تجاه تحقيق هذا الحلم الكبير.

بيست بوست Best post 2021 من هنا بدأنا، لنقدم لكم خبرة 12 عام في مجال الدعاية والتسويق والميديا، وحماس كوادرنا من الشباب في تنفيذ رؤيتنا في أن نكون الشركة المبدعة الاولى محلياً ودولياً فى مجال الدعاية والتسويق والميديا.
ففريق عملنا يطمح دائماً للأفضل، ويسعى للأفضلية بإبداع منقطع النظير ..

على أن يكون هدفنا هو تلبية كافة احتياجات الافراد وأصحاب المشاريع فى مصر بمجال الدعاية والتسويق والميديا بالطرق الحديثة والمنافسة محلياً ودولياً.

ونحن كلنا ثقة أن مبادئنا القائمة على: النزاهة، المصداقية، روح فريق العمل، التواضع، الأمان، الجودة، الفعل لا القول، الايمان بالقيادة والقائد هم السبب في توطيد العلاقات بيننا وبينكم.

بيست Best Post؛ شريك نجاح تستطيع أن تثق به.

31/01/2022
عادات بعض الدول في الإحتفال بالمولد النبوي الشريف. ❤كل عام وانتم بخير. ❤نقلاً عن: العرّاب Al arrab
19/10/2021

عادات بعض الدول في الإحتفال بالمولد النبوي الشريف. ❤
كل عام وانتم بخير. ❤

نقلاً عن: العرّاب Al arrab

صورة أمام المسرح الروماني من جولة الجمعة ١٨ سبتمبر/أيلول ٢٠٢٠ في الأسكندرية. 😍
21/09/2021

صورة أمام المسرح الروماني من جولة الجمعة ١٨ سبتمبر/أيلول ٢٠٢٠ في الأسكندرية. 😍

صورة بجانب ترمواي البارون إمبان من جولة سابقة داخل قصر البارون. ❤
09/09/2021

صورة بجانب ترمواي البارون إمبان من جولة سابقة داخل قصر البارون. ❤

واجهة جامع الأقمَر اللي بناه الوزير الفاطمي المأمون البطائحي "أحد الوزراء العظام بالدولة الفاطمية" في عهد الحاكم الفاطمي...
30/08/2021

واجهة جامع الأقمَر اللي بناه الوزير الفاطمي المأمون البطائحي "أحد الوزراء العظام بالدولة الفاطمية" في عهد الحاكم الفاطمي الآمر بأحكام الله سنة ٥١٩هـ .. وسُمي الجامع بالأقمر علشان لونه شبيه بلون القمر. ❤

الصورة مأخوذة في أحد الجولات بشارع المعز لدين الله. ❤

٢٦ أغسطس/آب ٢٠٢٠م
شارع المعز لدين الله الفاطمي.

دي جولة من داخل أكبر متحف اسلامي في العالم "متحف الفن الإسلامي بالقاهرة" .. 💙وفكرة انشاء هذا المتحف كانت في عهد الخديو ا...
29/08/2021

دي جولة من داخل أكبر متحف اسلامي في العالم "متحف الفن الإسلامي بالقاهرة" .. 💙

وفكرة انشاء هذا المتحف كانت في عهد الخديو اسماعيل لكن تم التنفيذ فعلاً في عهد ابنه الخديو توفيق سنة 1880 والبداية كانت مع فرانتز باشا لما عمل متحف صغير داخل مسجد الحاكم بأمر الله بإسم "المتحف العربي" ..

وفضل المتحف يكبر ويتطور لحد ما وصلنا لإنشاء المبني الحالي الموجود في شارع بور سعيد أمام مديرية أمن القاهرة في عهد الخديو عباس حلمي الثاني سنة 1903 وتم تسميته بالإسم الحالي "متحف الفن الإسلامي" ..

والمتحف بيضم مختلف أنواع الفن الإسلامي من الهند والصين وإيران أو الدول الإسلامية بداية من الدولة الأموية مروراً بالدولة العباسية والدولة الفاطمية والدولة الأيوبية والدولة المملوكية والدولة العثمانية انتهاءاً عند الأسرة العلوية محمد علي وأبناءه ..

استمتعوا بالصور. 🌸

جولة داخل قصر المهندس البلجيكي البارون امبان، القصر من تصميم المعماري الفرنسي ألكسندر مارسيل، والقصر مأخوذ من المعابد ال...
28/08/2021

جولة داخل قصر المهندس البلجيكي البارون امبان، القصر من تصميم المعماري الفرنسي ألكسندر مارسيل، والقصر مأخوذ من المعابد الكمبودية وهنلاحظ ده في التماثيل الهندوسية وتمثال بوذا الموجود على الأعمدة والقوائم الموجودة بالقصر من الداخل والخارج .. 💙

الصورة دي عظمة، الصورة دي ايه؟ عظمة .. 😂❤الصورة دي ما جاتش كده من اللاشيء، الصورة دي يا سادة زي ما انتوا شايفين احنا واق...
27/08/2021

الصورة دي عظمة، الصورة دي ايه؟ عظمة .. 😂❤

الصورة دي ما جاتش كده من اللاشيء، الصورة دي يا سادة زي ما انتوا شايفين احنا واقفين بين أثرين من دولتين مختلفتين (الأيوبية - المملوكية) ..

علي ايديكم اليمين هتلاقوا جزء من مبنى قبة الصالح نجم الدين أيوب -زوج شجر الدر- أو المدرسة الصالحية المبنية على الطراز الأيوبي.

وعلى ايديكم الشمال هاتشوفوا مجموعة السلطان المنصور قلاوون واللي مبنية على الطراز الإسلامي المملوكي، وهي عبارة عن مسجد ومدرسة وقبة ضريحية وبيمارستان لعلاج المرضى ..

وفي النُص مش بس ليديز قمرات دول مجموعة مكونة من أطباء ومدرسين وأزاهره ومؤرخين ومُرممي آثار ومهندسين مستقبليين -ان شاء الله- 😁💙

* الصورة من جولة سابقة لأهم معالم القاهرة بتاريخ ٢٦ أغسطس ٢٠٢٠. ❤

Happy birthday Hipatia ❤زي النهاردة كان ميلاد أحب قراراتي اللي شاركتها مع أحب أشخاصي على الإطلاق سميرة.. ❤النهاردة الذكر...
26/08/2021

Happy birthday Hipatia ❤
زي النهاردة كان ميلاد أحب قراراتي اللي شاركتها مع أحب أشخاصي على الإطلاق سميرة.. ❤

النهاردة الذكرى الأولى لميلاد حبيبتنا وحبيبتكم "هيباتيا" ❤

من ٢٦ أغسطس ٢٠٢٠ ولحد ٢٦ أغسطس ٢٠٢١ مرينا بكل الصعوبات اللي كسرت مقاديفنا مرة؛ وخليتنا أقوى ونقدر نتحدى كل صعب مرات تانية، روحنا القاهرة وزورنا أبرز معالمها وكمان روحنا اسكندرية وزورنا أعرق معالمها، وكل لحظة خُضنا فيها علمتنا كتير أوي وجمعتنا بناس اهتماماتهم زينا وشغفهم بالتاريخ المصري وآثاره كان أكبر دافع لينا إننا نكمل. ❤

بداية بقصر البارون مروراً بقايتباي ومتحف الأحياء البحرية والمسرح الروماني وعمود السواري وقصر المنيل ومتحف الأسكندرية القومي ومتحف المجوهرات الملكية وشارع المعز .. أماكن مختلفة زرناها لكن جمعها عبق التاريخ وأحداثه وغيرت فينا كتير. ❤

كل جولة كانت بتمثل ليا ولسميرة تحدي كبير، من إنه ازاي هانقدر نوصل للناس اللي بتحب التاريخ وعايزة تزور الأماكن التاريخية وتسمع حكاياتها، لإننا هانقدر نوصلّهم عظمة الأحداث اللي حصلت هنا وهل هايستمتعوا فعلاً؟

كل شخص طلع معانا جولة من الجولات سواء كررها مرات تانية أو أكتفى بجولة واحده؛ بشكركم أنا هدير ومعايا سميرة على كل دفعة أمل وحب أخدناها منكم علشان نقدر نكمل، شكراً عيلتنا .. عيلة هيباتيا. ❤

بنحبكم ❤

تعالوا أحكيلكم الحكاية اللي كنت بأحكيهالهم هنا! 😃القطعة الأثرية دي اسمها برج الساعة وبرج الساعة ده القطعة رقم ٢ بعد سراي...
18/08/2021

تعالوا أحكيلكم الحكاية اللي كنت بأحكيهالهم هنا! 😃

القطعة الأثرية دي اسمها برج الساعة وبرج الساعة ده القطعة رقم ٢ بعد سراي الإستقبال على ايدك اليمين وانت داخل من بوابة قصر الأمير محمد علي، والبرج ده متصمم على الطراز الأندلسي المغربي، وكان لية استخدامات كتيرة زي رؤية المناطق المحيطة بالقصر وإرسال الرسائل الهامة عن طريق الدخان نهاراً والنار ليلاً.

بنلاحظ ان الساعة المعلقة في البرج بالضبط أخت المتعلقة في محطة مصر بس المختلف إن عقارب برج الساعة على شكل أفاعى.

وبنلاحظ انه جمب البرج من اليمين فيه فناء صغنن مبني على الطراز الإيراني وجمبه من الشمال مسجد رائع مبني على الطراز العثماني.

الصورة دي من جولتنا داخل قصر الأمير محمد علي بالمنيل. ❤

عيدكم مبارك وعساكم من عوادة ❤عيد أضحى مبارك. 🐏❤
19/07/2021

عيدكم مبارك وعساكم من عوادة ❤
عيد أضحى مبارك. 🐏❤

بعض التفاصيل الرائعة داخل متحف المجوهرات الملكية. ❤
17/07/2021

بعض التفاصيل الرائعة داخل متحف المجوهرات الملكية. ❤

وراء كل لقطة عظيمة فوتوجرافر موهوب وموّثق لحظات ممتاز. ❤👌شكراً ل عبدالرحمن صاحب الصورة الأولى وعبدالله موّثق لحظة التقاط...
14/07/2021

وراء كل لقطة عظيمة فوتوجرافر موهوب وموّثق لحظات ممتاز. ❤👌

شكراً ل عبدالرحمن صاحب الصورة الأولى وعبدالله موّثق لحظة التقاط الصورة. ❤

صور لبعض الآثار الغارقة في قسم الآثار اليونانية - الرومانية في متحف الأسكندرية القومي. ❤👌
12/07/2021

صور لبعض الآثار الغارقة في قسم الآثار اليونانية - الرومانية في متحف الأسكندرية القومي. ❤👌

مساء الخير ❤امبارح بفضل ربنا قدرنا نطلع بجولتنا الرابعة لمدينة الأسكندرية اللي زرنا فيها قصر المجوهرات ومتحف الأسكندرية ...
10/07/2021

مساء الخير ❤

امبارح بفضل ربنا قدرنا نطلع بجولتنا الرابعة لمدينة الأسكندرية اللي زرنا فيها قصر المجوهرات ومتحف الأسكندرية القومي ومقابر اللاتين الكاثوليك. ❤

كانت رحلة ممتعة جداً اتعرفنا فيها على ناس جديدة وأماكن جديدة وحكايات جديدة. ❤

بنشكر كل اللي حضر وبنتمنى نكون قدرنا نوّصلهم الإحساس بجمال الأماكن وبعراقة تاريخنا المصري الجميل. ❤

بواقع ١١ ألف و ٥٠٠ قطعة مجوهرات وأنتيكات بنلاقي تحفة معمارية لا تقل جمال وأبهه عن القطع دي والتحفة المعمارية دي هي؛ قصر ...
03/07/2021

بواقع ١١ ألف و ٥٠٠ قطعة مجوهرات وأنتيكات بنلاقي تحفة معمارية لا تقل جمال وأبهه عن القطع دي والتحفة المعمارية دي هي؛ قصر المجوهرات في عروس البحر المتوسط الأسكندرية. ❤

سنة ١٩١٩ بتتاخد أول خطوة لبناء القصر اللي هيحوي -بعد كده- جواه ممتلكات الأسرة العلوية الغاية في الفخامة والأبهه اللي تم مصادرتها بعد ثورة ٥٢.

في الحقيقة القصر كان ملك لفاطمة الزهراء هانم أحد أميرات الأسرة العلوية واللي جدها الخامس بيكون محمد على باشا الكبير .. وبيتحول اسمه بعد كده إلى "متحف المجوهرات الملكية" سنة ١٩٨٦ بعد ما اتخلت عنه فاطمة الزهراء هانم للحكومة المصرية.

هاسيبلكم هنا شوية صور للمتحف من بره وجوه وهاسيبلكم في الكومنتات لينك فورم التسجيل في الجولة الجاية اللي من ضمنها زيارة المتحف ده. 😁❤

ان شاء الله في انتظاركم تنورونا يوم ٩ / ٧ / ٢٠٢١ في جولتنا لأهم معالم مدينة الأسكندرية. ❤

واللي هانزور فيها متحف المجوهرات الملكية، المتحف القومي، مقابر اللاتين، مع جولة حرة وتواجد على أجمل شواطئ الأسكندرية "ستانلي" .. ❤

بنأكد ان آخر ميعاد للحجز هو يوم ٤ / ٧ ..
شكراً. ❤

مساء الفل ❤دلوقتي ميعادنا مع إعلان الفائز بالمركز الأول والثاني من مسابقتنا .. المركز الأول كان من نصيب ميرنا .. ألف مبر...
30/06/2021

مساء الفل ❤

دلوقتي ميعادنا مع إعلان الفائز بالمركز الأول والثاني من مسابقتنا ..

المركز الأول كان من نصيب ميرنا .. ألف مبروك عليكِ الجايزة ❤

المركز الثاني كان من نصيب أميرة .. مبروك عليكِ الخصم يا جميل. ❤

هارد لاك يا فاتن ان شاء الله المرات الجاية تسعدينا بمشاركتك في مسابقاتنا وتحصلي على جايزتك .. المنافسة كانت شرسة فعلاً علشان كده هيباتيا مش ناسياكِ وبتقدملك خصم خاص على أي جولة تختاريها من جولاتنا. ❤

ان شاء الله في انتظاركم تنورونا يوم ٩ / ٧ / ٢٠٢١ في جولتنا لأهم معالم مدينة الأسكندرية. ❤

واللي هانزور فيها متحف المجوهرات الملكية، المتحف القومي، مقابر اللاتين، مع جولة حرة وتواجد على أجمل شواطئ الأسكندرية "ستانلي" .. ❤

بنأكد ان آخر ميعاد للحجز هو يوم ٤ / ٧ ..
شكراً. ❤

مسابقة 🗣️🗣️والجائزة فيها انك تاخد جولتنا الجاية مجانا ☺️ودا لو كنت صاحب المركز الاول 🙂اما صاحب المركز التاني فهياخد الجو...
26/06/2021

مسابقة 🗣️🗣️
والجائزة فيها انك تاخد جولتنا الجاية مجانا ☺️
ودا لو كنت صاحب المركز الاول 🙂
اما صاحب المركز التاني فهياخد الجولة بنص الثمن

ايه هى بقى جولتنا الجاية 😅

هنزور فيها اسكندرية 🏖️
متحف المجوهرات الملكية🏛️
متحف اسكندرية القومى
مقابر اللاتين
شاطئ ستانلي⛱️
ودا يوم 7/9

الشروط😃

اكتر كومنت عليه عدد لايكات هياخد الجوله مجانا +خصم 50%على جولتنا الجاية 😃
وتانى اكتر كومنت عليه عدد لايكات هياخد جولتنا بنص الثمن

آخر ميعاد للمسابقه 6/30 ☺️

Address


Telephone

+201094376031

Website

Alerts

Be the first to know and let us send you an email when Hipatya Trips posts news and promotions. Your email address will not be used for any other purpose, and you can unsubscribe at any time.

Shortcuts

  • Address
  • Telephone
  • Alerts
  • Claim ownership or report listing

  • Want your business to be the top-listed Travel Agency?

Share