23/08/2023
لو اول مرة تسافر ❤️❤️
- اولا شوف البلد الي مسافرها ب فيزا ولا لا وهل انت ورقك مؤهل انك تطلع الفيزا يعني مثلا في حساب بنكي كويس وتقدر تطلع Hr او معاك سجل تجاري علي حسب متطلبات كل بلد ولا تشوف بلد ب فيزا سهلة او من غير فيزا
- اهم ٣ حاجات في اي سفرية ( طيران - فندق -برنامج وانتقالات داخل البلد )
تقدر تشوف الطيران من موقع skyscanner تعرف تكلفة الطيران وزود ١٠٪ علي السعر احتياطي
تقدر تشوف اسعار الفنادق من اكتر من موقع واهمهم ( booking - agoda ) بكدة هتعرف تكلفة الاقامة بتاعتك في فئات فنادق كتير الرخيص والغالي زي ما تحب
تقدر تشوف متوسط الرحلات والانشطة من خلال موقع ( klook - TripAdvisor )
كدة انت علي الاقل عرفت تكلفة السفرية بنسبة ٨٠٪ او متوسط واضح قدامك باقي التكلفة مصاريفك الشخصية اكل وشرب وشوبينج لو هتعمل ودي حاجة صعبة حد يحددهالك كل شخص وبيختلف عن التاني في الصرف
ملحوظة مهمة :-
كل سفرية بتختلف علي حسب تاريخ سفرك سعر الطيران غير ثابت والفنادق علشان كدة لازم انت تدخل بنفسك وتشوف الاسعار بتواريخ سفرك الي عايزها والتكلفة بتختلف علي حسب مدة الرحلة ولو معاك شخص تاني السعر بيختلف علشان طبيعي في حاجات زي الفنادق هتبقي مشتركة ف هتتقسم عليكو