𓋀Arch Travels By Mamdouh𓋁𓉑

02/05/2023

الاحد القادم بإذن الله 💙
زيارة محافظة الشرقية.
معبد تل بسطة
معبد تانيس ❤️

21/08/2022

مجموعة من الوثائق الهامة التي توضح الرسم المعماري للمتحف المصري بالتحرير علي يد المعماري الفرنسي مارسيل دورنون عام ١٨٩٧م بعد ما تقدم إليه مجموعة من الدول الأجنبية وفازت به دولة فرنسا في تصميمه، وذلك في عهد الخديوي عباس حلمي الثاني.
الصور منقولة.

16/08/2022

دندرة من قلب الحدث ❤️❤️❤️❤️

15/08/2022

في طريقنا لمحافظة قنا (معبد دندرة) ادعولنا نوصل بسلامة ❤️

20/07/2022

باقي عدد محدود في رحلة قنا و سوهاج 💙
معبد دندرة + معبد أبيدوس 💙💙
مغامرة جديدة
للحجز والاستفسار: 01151663979

06/07/2022

جزء من صور رحلة السخنة لحد ما تجيلي باقي الصور ❤️❤️❤️
اليوم كان جميل بيكم يا شباب 💙

02/07/2022

وهم بحق وحقيقي لو نفسك تشوف العظمة دي فأهلا بيك في مغامرتنا الجاية يوم ٢٦/٧/٢٠٢٢ بإذن الله سيتم زياره معبد دندرة 💙
للحجز والاستفسار
01151663979

30/06/2022

قريب جداً بإذن الله 💙
٢٦/٧/٢٠٢٢

29/06/2022

جاهزين للمغامرة الجديدة فاكرين يوم المنيا حاجة أجمل بكتير 💙
بإذن الله هيكون في زيارة فريدة من نوع خاص الله أعلم ممكن تتعاد تاني ولا هتكون مرة في العمر بالنسبالك 🔥 بعلن عن زيارة معبد دندرة في محافظة قنا بعد العيد بإذن الله تخيل معايا تزور معبد من أجمل المعابد الباقية حتي الآن تخيل شكل المناظر الفلكية في صالة الأعمدة الكبري وجمال الالوان اللي بترجعنا لوقت المصريين القدماء الحقيقي تخيل معايا تزور معبد دندرة وتقف في رحاب المعبودة حتحور💙💙💙 ومش بس كده 🔥 زيارتنا مش هتكون معبد دندرة فقط لا احنا بنضحي 😌🤡🔥 هنروح أكمل معبد من حيث الشعائر اليومية معبد فريد مشوفتش في جمال النحت البارز في اي معبد زي المعبد ده معبد الملك سيتي الأول من الدولة الحديثة، زيارتنا هتضم معبد أبيدوس كمان بإذن الله 💙
الزيارة هتكون ازاي بإذن الله لو كملنا ٥٠ هيكون التحرك بباص خاص بينا ذهاب وإياب من العباسية التجمع هيكون الساعة ١٠/١١ مساءًا وهيتم التأكيد قبلها بإذن الله التحرك للوصول صباحًا لمعبد دندرة وبعده هنتحرك علي معبد ابيدوس لزيارته ثم العودة القاهرة مساءًا الساعة ١٠/١١ مساءًا بإذن الله.
يوم مش سهل محتاج ناس مغامرين عاشقين للسفر والبهدلة والأهم عاشقين لعلم الآثار 🔥💙
طيب علي كده هتكون التكلفة كام ؟! ١٠٠٠ ج ؟!
مستحيل التكلفة بإذن الله ٣٥٠ ج فقط لغير انت متخيل 💙💙💙💙 ده سعر طلاب الآثار أما إذا كان في طلاب غير آثار مرحب بيكم ولكن هيكون في تيكت للمعبد حوالي ٢٠ ج لو حضرتك طالب، العدد محدود فقط ٥٠
بإذن الله هتكون يوم ٢٦/٧/٢٠٢٢ الموافق يوم الثلاثاء وهنبه مع حضرتكم إذا كان التحرك هيتم مساء الاثنين أو مساء الثلاثاء.
للاستفسار والحجز واتساب: 01151663979
دُمتم مسافرين 💙😌

20/06/2022

وبسبب الإقبال بفضل ربنا ❤️ تم فتح باب الحجز لرحلة السخنة للزيادة العدد معني كده لسه متاح أماكن فبادر بالحجز سريعًا ❤️
شكر روتانا سينما 😂😂

18/06/2022

انا لما أقول للناس اللي معايا في رحلة السخنة الجاية سيب جسمك مفرود والماية هترفعك أيوه اي اي .... ! إيه ده؟!🤡

15/06/2022

الحمد لله إكتمل عدد رحلة السخنة وإنتظروا تفاصيل اليوم قريبًا بإذن الله 💙
On fire 🔥 متحمس ؟ يبقي اكيد انت

11/06/2022

إحنا ميفرقش معانا الكلام ده 😂😂
ربنا يخليلينا كارنيه آثار والله ❤️😂😌

21/05/2022

بمشيئة الله سيتم فتح باب الحجز لرحلة السخنة بداية من الآن بإذن الله بتسجيل الأسماء لمعرفة العدد وقرييًا سيتم الحجز عن طريق دفع قيمة الرحلة ❤️🔥
برنامج الرحلة:-
التجمع بيكون من العباسية الساعة ٦ صباحاً التحرك في تمام ال ٦ ونصف التحرك بباصات حديثة ومكيفة للوصول إلي ميناء بورتو السخنة لركوب اليخت وبدأ الرحلة البحرية والعودة الساعة ٥ مساءاً.
بالنسبة لو في وقت والمكان يسمح هيكون فيه ساعة جولة حرة قبل التحرك، التحرك الساعة ٦ مساءاً للوصول إلي القاهرة ٨/٩ مساءاً بإذن الله 💙

بيكون متاح لايف جاكت مجاناً
وأدوات صيد وطعم اختياري (بتكلفة اضافية)
ادوات سنوركينج (تكلفة إضافية)
وجبة ودي بإذن الله هتيم الاتفاق عليها بالأغلبية وهتكون من ضمن سعر الرحلة ❤️
هبعتلكم لينك الفورم والناس اللي بإذن الله أكيد حابة تطلع تسجل فيه.
العدد محدود جداً.
https://surveyheart.com/form/6289123ed1a48248fc06dd93

12/05/2022

جزء من زيارة الفيوم واللي كان
هرم اللاهون + وادي الريان ❤️
أستمعوا ❤️

11/05/2022

من أجمل الرحلات اللي طلعتها الرحلة دي ❤️
الفيوم. - ٢٠٢٢/٥/١٠
اليوم حقيقي الواحد كان نفسه ميخلصش من بداية هرم اللاهون وعظمته مرورًا بمحمية وادي الريان ومنظر الشلالات الجميل وأخيراً زيارتنا للكامب اللي حقيقي قضينا فيه اجمل وقت زي الساند بورد و المراكب في البحيرة المسحورة و الكورة ولا جمال بقا حفلة الكلر والاجمل والاجمل هو الكامب فير اللي شربنا فيه الشاي البدوي والمارشميلو.
حقيقي يوم جميل وبإذن الله الأجمل قادم.
إنتظرونا في رحلة جديدة بعد الامتحانات إن شاء الله ❤️

30/04/2022

عيد فطر مبارك ❤️

25/04/2022

أزيكم عاملين ايه؟! جاهزين للرحلة الجاية باذن الله 🌚🧏‍♂️✋ تعالوا اقولكم التفاصيل بقا🔥🔥🔥🔥
أولا زيارتنا هتكون للفيوم 🐥 هنروح فيها هرم اللاهون الخاص بالملك سنوسرت التاني أيوه مصر فيها حوالي ١٠٠ وشوية هرم مش بس ال ٣ بتوع الجيزة🤡 هننزل الهرم ونتكلم عنه شوية وبعدين نتكلم عن مدينة اللاهون نفسها وقد اي كانت نموذج مهم في عهد الدولة الوسطي.✨
بعد كده هنروح ع وادي الريان عشان الرحلة تبدأ بجد بقا ✋💙😂 هنروح وادي الريان تعالوا نشوف هنعمل اي هناك 🔥
١- هنروح نزور منطقة الشلال وناخد شوية صور تحفة💙✨
٢- هنصعد جبل المدورة عشان نشوف جمال المناظر الطبيعيه ❤‍🔥
٣- هنروح ع كامب الماجيك هنروح هناك نركب الفلوكة في البحيرة المسحورة😎😈 ونقعد نغني ونخرب الدنيا ❤‍🔥❤‍🔥
٤- طبعاً مع البيئة الصحراوية دي يبقا لازم نلعب بالساند بورد ونتمرمغ في الرمل😂😂🔥
٥- هنقسم فريقين ونلعب ماتش كورة كده ع الضيق 😈 والفائز ليه جايزة❤‍🔥 وهيكون فيه كورة طائرة للي حابب.
٦- استني لسه مخلصناش كمان هنلعب لعبة شد الحبل ع الصابون 🌚😂
٧- طب اللي ملهوش في كل ده تعال بقا عشان لازم نخرج الطاقة السلبية دي حفلة كلر ع الضيق كده فيها الخراب كله🔥❤‍🔥🔥🔥❤‍🔥😂
٨- منسناش حفلة الشاي البدوي والمارشميلو الجميل💙
للأسف كده رحلتنا بتنتهي وبنرجع القاهرة مساءًا❤‍🔥
- متاح وجبة فطار ووجبة غداء
الفطار: فطير مشلتت وعسل وطحينة وجبنة قديمة ب ٣٠ ج (اختياري)
الغداء: ٤/١ فرخة مشوية + خضار + أرز بكاري بالسمنة الفلاحي+ مخلل + عيش ب ٤٠ ج (اختياري)
🔥🔥🔥🔥🔥🔥🔥🔥
⚠️ الكلام اللي جاي ده مهم جدا رحلتنا هتكون بإذن الله يوم ٥/١٠ الموافق يوم الثلاثاء.
⚠️ هنتحرك الساعة ٧ صباحاً من ميدان العباسية مهم اوي الكلام ده التحرك هيكون ٧ بالظبط لان المشوار بعيد واي تأخير هيخسرنا الحاجات اللي عايزين نعملها في وادي الريان فرجاءا الالتزام بالمواعيد💙
⚠️ الرحلة للجميع ولكن دخول الهرم بالكانريهات للناس بتوع آثار أو ارشاد سياحي طب غير كده بنحاول ندخل الناس التانية معانا ولو منفعش بيدفعوا حق التيكيت بتاعت الهرم حوالي ١٠ ج باين.
🔥🔥🔥🔥🔥🔥🔥🔥🔥🔥🔥🔥
⚠️كل ده بكام بقا ٢٠٠ ج فقط لاغير ❤‍🔥
⚠️الحجز بيكون من خلال الدفع في الكلية أو رقم فودافون كاش.
سيتم تتحويل فلوس الرحله علي محفظة الرقم دا 01061328325
📢📢مع التنبيه على الآتى :
🛑 - كل الى هيحول الفلوس هيدخل يكلمنى واتس ياكد معايا على الواتس بمسدج تحويل الفلوس.
🛑- الى مش هياكد معايا على الواتس يعتبر التحويل لاغى
🛑- الى مش هيكتب الرقم الى حول منه او هيكتبه غلط هيعتبر التحويل لاغى
🛑- التحول (فودافون كاش فقط) الي هيحول رصيد هيعتبر التحويل لاغي.
وبس كده ❤‍🔥

23/04/2022

Are you ready?! 💥🖤
Soon 🖤
تفتكر الرحلة الجاية هتكون فين ...؟
قولنا في الكومنتس💕
تفاصيل الرحلة الجاية:-
https://www.facebook.com/113745531217801/posts/144381328154221/?sfnsn=scwspmo

08/04/2022

من مشاركاتي في التنظيم رحلة الأقصر وأسوان التابعة لكلية الآداب قسم الآثار المصرية القديمة جامعة عين شمس 💖
أجمل أسبوع في الحقيقة 💖
تصوير: @عبدالله احمد 💖

11/03/2022

السفرية اللي فاتت كانت المنيا حابب بس أوضح أن ناس كتير مكنتش مصدقة إني ممكن أروح المنيا صد رد وكانت بالنسبالي تحدي كبير والحمدلله تم حابب أشكر كل الناس اللي ساعدتني في أن اليوم يطلع بالشكل ده ❤️❤️
إنتظروا تفاصيل الرحلة ❤️❤️❤️❤️
شكر خاص لصديقي عبدالله ع تصويره ومجهوده معايا امبارح ❤️❤️❤️❤️❤️

01/03/2022

بدأ الحجز لرحلة المنيا🔥👏
التحرك الساعة ال٦ صباحًا من ميدان العباسية أمام مسجد النور التحرك عن طريق الطريق الغربي الوصول لأول المزارات وهي منطقة تونا الجبل 💙 هنشوف فيها مقبرة بيتوزيرس وهنتكلم عنها ومقبرة إيزدورا واهم حاجة هناك وهي سراديب تونا الجبل وكمان لوحة الحدود الخاصة بإخناتون، وبعد كده هنتحرك علي مدينة العمارنة المدينة اللي لجأ إليها إختاتون بعد طيبة ومن بعدها هنزور مجموعة من أجمل المقابر مقابر بني حسن اللي هنشوف فيها مناظر فريدة 💙💙
في الاخير الرجوع القاهرة مساءًا
للحجز والتفاصيل 01151663979

27/02/2022

ونظرًا لأن الڤوت انتهي فانتظروا تفاصيل الرحلة الجاية واللي هتكون ال...
الناس اللي كانت مختارها في الڨوت تتواصل معايا ع الواتساب عشان تدخل الجروب ❤️
01151663979

26/02/2022

طيب نظرًا لأن الڤوت اللي كان علي الإنستا أنتهي بالتعادل فهنعمل ڤوت جديد علي نفس الأماكن ولكن المرة دي هيكون علي استوري الفيس بوك وهينتهي بكره زي دلوقتي بإذن الله يالا قولوا عايزين تروحوا فين ؟💙💙💙
المنيا
الاسكندرية
بور سعيد
الفيوم
الڤوت في الاستوري علي الفيس يالا بسرعة 🔥🔥🔥🖤

25/02/2022

*نظراً لأن البيدچ علي الفيس مش بيكون فيها ڤوت ولازم جروب فهنعمل علي بيدچ الإنستا هيبقي علي ٢ بوست الأول اسكندرية ولا المنيا والتاني بور سعيد ولا الفيوم، ياريت الناس تختار اختيار واحد بس، لان ده اللي علي أساسه هنختار الرحلة الجاية بإذن الله 💙 هبعتلكم لينك البيدچ والڤوت هيكون في الاستوري وده لمدة ٢٤ ساعة جاهزين*
✋🏻❤‍🔥
لينك البيدچ علي الإنستا: https://www.instagram.com/p/CaUhqmyM5mD/?utm_medium=copy_link
الڤوت هيكون في الاستوري يالا بينا🔥🔥

24/02/2022

أفراح أسوان ❤️

23/02/2022

أزيكم عاملين ايه؟ جاهزين للرحلة الجاية إن شاء الله 🔥🔥👋
يالا قولوا عايزين تروحوا فين وأكتر مكان هو اللي هنروحه.

١- أسكندرية
٢- بور سعيد
٣- الفيوم
٤- المنيا
علق بأسم المكان اللي حابب تروح فيه واكتر مكان هنزلكم البرنامج بتاعه❤️❤️❤️
أنطلقوا 🔥🔥🔥🔥🔥

22/02/2022

22/02/2022

المعبد الصغير المكرس للمكلة نفرتاري❤️

22/02/2022

نظرًا لأن مكنش فيه نت داخل المعبد ❤️

21/02/2022

من حفل البيت النوبي❤️

21/02/2022

من حفلة الفن الشعبي بأبو سمبل.
فرق من حول العالم💙