بما اننا علي وشك دخول سيزون الصيف ..اليكم الوصايا العشر للي عايز يطلع مصيف..
1- انسب وقت لشرم و الغردقه شهر 4 و 5 و 9 و 10 و دائما ابعد عن الاعياد و ايام الاجازات الرسميه قدر الإمكان
2- متحجزش فندق من علي بوكينج أو من الفندق نفسه إلا ما تدور الاول علي شركات السياحة لانه بنسبة 95% هيكون أرخص
3- متحجزش فندق سعر الليلة فيه اقل من 100 دولار عشان هتزعل مهما قالولك فيه اشعار و ريفيوهات إيجابية
4- الريفيوهات عن الفنادق اللي بيكتبها ستات بتكون مبالغ فيها و غير واقعية علي الاغلب و بتعتمد علي العاطفة...الريفيوهات الحقيقة هتلاقيها في كومنتات الأجانب علي جوجل و بوكينج و تريب ادفايسور
5-الفندق اللي يتكرر اسمه في البوستات كتير متحجزوش حتي لو قالو عنه كويس
6- حاول تلقط فندق يكون أشغاله اجنبي و مفيهوش مصريين كتير و لو طالع و ممعكش اطفال شوف فنادق البالغين
7- لو مسافر شرم حاول تخلي رحلة الذهاب طيران ع الأقل و لو مسافر الغردقة متحجزش طيران اطلاقا مش مستاهلة
8-الاكل في الفنادق أهم حاجه فيه انك تقوم شبعان و ميوجعش بطنك و دائما قبل ما تنتقد اربط مستوي الاكل بالقاعدة رقم 3
9-المصيف حاجة ترفيهية متحملش نفسك فوق طاقتها لو الميزانية متسمحش... افتكر القاعدة رقم 3 قبل ما تقرر عشان مترميش فلوسك ع الارض
10- اي اعلان فيه فندق كذا في شرم بالطيران ده نصب .. متحجزش غير مع شركات موثوقة
Be the first to know and let us send you an email when Travel city posts news and promotions. Your email address will not be used for any other purpose, and you can unsubscribe at any time.
