السلسبيل لالحاق العماله المصريه بالخارج

10/03/2025

بالنسبة للامارات
كل واحد قاعد عاطل في مصر دلوقتي بيقعد يسوق لشغل في الامارات
لان اللعب بتاعهم ان هو يخليك تدفع حق التاشيره وتدفع حق الاقامه ودي اللي بيطلعله المصلحه بتاعته فيها وبعد كده يسلمك لاي شركه هناك يقولهم خدو اهو جبتلكو واحد ببلاش ولا هيكلفكو تاشيره ولا اقامه ياخدوك بقي يقولك هتشتغل في المعمار باليوميه اللي هو عنده مرمه بيخلصها ويرميك بعدها او يرميك في شغل دليفري ومصايبه او ياخدك يشغلك وياكل عليك حقك لغايه ما تزهق وتمشي وهو كشركه مش خسران حاجه لان انت جاي علي حسابك علشان الاخ المصري خد مصلحته منك في الاقامه اللي بعهالك
والالعن منها الزيارات وفي الاخر الشباب قاعده في الشوارع هناك مش لاقيه شغل اصلا وتلاقيهم هنا قاعدين ينزلو في اعلانات يقولك اصل لازم تكون هناك ومعاك اقامه فتعالي اشتري مني اقامه وهنزلك علي شغل طيب ما تاخد يا حبيبي من الناس اللي مرميه في الشوارع هناك

09/03/2025

بقالي كذا سنه بحذر من شغل الدليفري وبرفض اي شغل بييجي عليه بسبب اللي بيحصل في الشباب هناك وفي خلال السنه اللي فاتت جالي اكتر من صاحب شغل وكلهم عايزين شباب دليفري ورفضتهم كلهم اكتر من ٦٠٠ تاشيرة لشركات مختلفة
بعدها لقيت كام شركه وكام واحد بيسوقو لنفسهم انهم بيسفرو من غير ما يكون عنده شركة واخدين كلامي في التحذير عن شغل الدليفري ومنزلينه كأن هما اتعرض عليهم الشغل ده ورفضو ساعتها قولت ماشي يمكن خير وبيقلدو الواحد في حاجة كويسه المهم ان الشباب ما يتضحكش عليهم
الاقي الايام دي نفس الناس منزلين شغل الدليفري وبيسوقو ليه طبعا هما مكنش اتعرض عليهم الشغل ده ولا رفضوه ولا حاجه لانهم اول ما اتعرض عليهم طلعو يجرو يقنعو الشباب ان الشغل ده كويس وان الدنيا تمام
هو يا شباب الشغل بتاع الدليفري نصيحة ابعدو عنه خالص وزمايلكو هناك يقدرو يعرفوكو المصايب اللي بتحصلهم واللي بيعرض الشغل ده بيعرضو علشان مصلحته وبس ومش هيفرق معاه انت هيحصل فيك ايه
نفس النظام الناس اللي بتقعد تسوق للتاشيرات الحره وتفهمك انك المفروض تروح حره وانك كده بتسعي ده برضو حد ضلالي عايز يبيع اكبر عدد من التاشيرات الحره ومش مهم عنده اللي هيصدقه ويبيع اللي وراه واللي قدامه ويروح هناك يتفأجي انه مفيش شغل والدنيا مش سهله زي ما صورلو

09/03/2025

09/03/2025

للسعودية
مشرف (فورمان) متخصص في أعمال تركيب أنظمة إطفاء (أنظمة المياه والغازات وغرف المضخات) خبرة لا تقل عن ٥ سنوات ويجيد القيادة.
ترسل السيرة الذاتية علي الواتس ٠١١١٠١٢١١٤٥

09/03/2025

محمد عبد الرؤف

07/03/2025

حبايبنا اللي بيوزعو شنط او وجبات او فلوس في رمضان خليك دايما عارف إن ستر الحالة أهم من مساعدتها يعني ما ينفعش تكونو مجموعة او جمعيه خيريه وبتوزعو مساعدات وعلشان توثقو الحاجة اللي انتو بتعملوها تقومو مصورين الناس وتخلو وشهم باين واي حد من اهلهم يشوفهم يعرفهم انتو كده بتفضحوهم مش بتساعدوهم
فخلي الاولوية دايما وانت بتساعد ستر الحالة ولو عايز توثق الحاجات اللي بتعملها علشان مثلا الناس اللي بتساعد معاك تطمن تقدر تصور الحاجات اللي هتتوزع من غير ما تصور الناس نفسها
محمد عبد الرؤف

04/03/2025

للسعودية
أخصائيات تمريض
شرط الحصول علي برومترك
الراتب من ٤٥٠٠ ريال ل٥٠٠٠ ريال مع توافر السكن والانتقالات
ترسل السيرة الذاتيه علي الواتس
01110121145
الواتس لارسال السيرة الذاتية فقط

04/03/2025

الشباب اللي قاعده تبعت عروض من غير رواتب او حدود للرواتب لن يتم استقبالها سواء من اصحاب الشركات نفسها أو من ال HR اللي بيبعتو
حقك تحط الشروط اللي انت محتاجها وحق الشركة عندي انك تبعت العرض بتاعك كامل وأنا أوافق او ارفض اعلن عنه دي ولا حاجة تقلل منكو ولا حاجة غريبة علشان تستغربوها

28/02/2025

عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
أَتَاكُمْ رَمَضَانُ شَهْرٌ مُبَارَكٌ، فَرَضَ اللَّهُ عَزَّ وَجَلَّ عَلَيْكُمْ صِيَامَهُ، تُفْتَحُ فِيهِ أَبْوَابُ السَّمَاءِ، وَتُغْلَقُ فِيهِ أَبْوَابُ الْجَحِيمِ، وَتُغَلُّ فِيهِ مَرَدَةُ الشَّيَاطِينِ، لِلَّهِ فِيهِ لَيْلَةٌ خَيْرٌ مِنْ أَلْفِ شَهْرٍ مَنْ حُرِمَ خَيْرَهَا فَقَدْ حُرِمَ

27/02/2025

أحببنا أمر وأحب الله أمراً وما أحبه الله أحب إلينا مما أحببنا
أحببنا وجود أمي بجوارنا وأحب الله وجودها في جواره حيث لا نصب ولا وصب فأحببنا وجودها في جوار الكريم الرحمن الرحيم فجواره خير من جوارنا ورحمته وسعت كلّ شيء
نشهد الله أنها كانت نعم الأم لنا ونعم الزوجة لأبينا ونعم الأخت لأخواتها ونعم الجارة لجيرانها نشهد أنها أدت رسالتها وأفنت عمرها طيبة هينه لا تؤذي ولا تشتكي ولا تطلب الا من الله اللهم أكرمها كما أكرمتنا فإننا لم نستطع مكافأتها وتركناها لله يكافئها عنا
(ثَلاثَةٌ لا تُرَدُّ دَعْوَتُهُمْ.. -ومنهم- الصَّائِمُ حِينَ يُفْطِرُ)
فلا تنسو أمي من دعائكم في القيام وعند الافطار

27/02/2025

كل عام وأنتم بخير بمناسبة شهر رمضان المبارك
إن شاء الله أول يوم رمضان أجازة في الشركة
ومواعيد الشركة في رمضان هتكون من الساعة ٩ صباحا للساعة ١ ونص ظهرا فقط

26/02/2025

﴿ وَإِنَّ رَبَّكَ لَذُو فَضْلٍ عَلَى النَّاسِ وَلَٰكِنَّ أَكْثَرَهُمْ لَا يَشْكُرُونَ﴾

24/02/2025

سفر البنات
مفيش حاجة إسمها إن حد يقولك هسفرك لأي بلد وإنتي معندكيش خبرة أو مهارات محددة في المجال اللي هتسافري عليها سفر البنات لاماكن محترمه مضمونة قليل جدا وفي مجالات محددة ولازم خبرتهم تبقي كويسة جدا في المجال المطلوب
زي مثلا تمريض لازم تكون بكالريوس تمريض ومعاها برومترك
الدكاترة بتطلب بجميع تخصصتها
شغل المطاعم ما تسافريش عليه الا لو برندات معروفه ومحترمه والبرندات دي مش بياخدو غير البنات اللي ليهم خبرات كبيرة في برندات معروفه هنا مش بيشغلو اي حد وابعدي عن شغل الكافيهات والمطاعم خالص في البحرين بالذات والامارات كمان دلوقتي واللي هناك عارفين ليه
عامة السفر للبنات برا الافضل يكون جوزك او اخوكي او ابوكي موجود هناك لكن لو لوحدك يبقي لازم تتاكدي من المكان اللي هتروحيه مليون في الميه قبل ما تاخدي خطوه

24/02/2025

تم إضافة بدل وقمصان وجواكت جديدة مجانا بمقر الشركة للشباب اللي بتحضر مقابلات وبتحتاج لبس فورمال بس هنعمل نظام جديد بالنسبة للبدل اللي عنده مقابله ومحتاج بدلة ياخدها بصورة البطاقة ويخلص مشاوريه يوم يومين اسبوع ويجيبها تاني علشان غيره يستفاد بيها ولو قدر يوديها مغسلة تتغسل وتتكوي تمام ما قدرش يجيبها وانا هوديها
بالنسبه للقمصان عادي ياخد قميص ما يرجعوش لانه هيستخدمه علي طول والجاكت برضو ياخده ما يرجعوش
البدل مقاس ٥٦ و٥٤ والقمصان والجواكت مقاس xl وxxl
واللي محتاج حاجه منهم يبقي يبعتلهم هنا علي صفحة الشركه علشان يعرفوه ييجي امتي
ربنا يجعله في ميزان حسنات أمي ويرحمها ويغفرلها

20/02/2025

صدقة عن أمي الله يرحمها ويغفرلها ويكرمها زي ما أكرمتنا
الشباب اللي بتحضر مقابلات وبتحتاج هدوم فورمال ومش بتقدر تشتري موجود بمقر الشركة بدل مقاس ٥٤ وقمصان مقاس xl مجانا للي يحتاج حاجه منهم يبعت رسالة علي صفحة الشركة ويعرفوه ييجي امتي

20/02/2025

للسعودية لشركة عطور
مسئول قسم الأساليب البيعية والبحوث
شهادة جامعية في إدارة الأعمال
خبرة لا تقل عن ٣ سنوات في مجال بحوث السوق وتحسين أساليب البيع داخل المعارض
خبرة في تدريب فرق المبيعات علي أساليب البيع الفعالة
معرفة قوية بأساليب البيع في المعارض ومتابعة أداء فريق المبيعات
ترسل السيرة الذاتيه علي الواتس
01110121145