https://www.facebook.com/377966692929758/

Abune Tshima Tour And Travel, Axum Denver Street, Aksum (2024)

Name: Abune Tshima Tour And Travel
Address: Axum Denver Street, Aksum, ET
Telephone: +251914177686

22/05/2024

መዕርፎ ነፈርቲ ሃፀይ ዮሃንስ ራብዓይ ኣክሱም ኣብ ዝተተሓዘሉ እዋን ግልጋሎት ንምጅማር ዘኽእል ስራሕቲ ይስራሕ ከምዘሎ ተገሊፁ።

መዕርፎ ነፈርቲ ሃፀይ ዮውሃንስ 4ይ ኣክሱም ፅሬቱን ሰለጤኑን ኢሉ እውን ዝበፅሖ ብርኪ ንምዕዛብ ብከንቲባ ከተማ ኣኽሱም ኣይተ ኣበበ ብርሃነ ዝተመርሐ ጉጅለ ዑደት ኣሳሊጡ።

ከንቲባ ከተማ ኣኽሱም ኣይተ ኣበበ ብርሃነ ከምዝገለፅዎ ነበርቲ ከተማ ኣኽሱም ንሰራሕተኛታት እቲ ፕሮጀክት ንምትብባዕ ኣብቲ መዕርፎ ነፈርቲ ዑደት ከምዝገበሩ ድሕሪ ምግላፅ እቲ መዕርፎ ነፈርቲ ኣብ እዋኑ ንግልጋሎት ክበቅዕ ሰራሕተኛታተት እቲ ፕሮጀክት ዝገብርዎ ንዘለዉ ርብርብ ኣመስጊኖም።

ናይ መወዳእታ ምጅማር ምንፃፍ ኣስፋልትን ስራሕቲ መሰረተ ልምዓትን መዕርፎ ነፈርቲ ሃፀይ ዮውሃንስ 4ይ ኣክሱም ተዘዋዊሮም ዑደት ዝገበሩ ሓላፊት ቢሮ ልምዓትን ኮንስትራክሽንን ወ/ሮ ኣልማዝ ገብረፃድቃን፣ ኣማሓዳሪ ርእሰ ኣድባራት ወገዳማት ኣኽሱም ፅዮን ክቡር ነብርእድ ጎደፋ መርሃ ሓዊሱ ብርክት ዝበሉ ሓለፍቲ ስራሕን ተወከልቲ ሲቪል ማሕበረሰብ፣ ኣብቲ ዑደት ተረኺቦም።

ተወካሊ እቲ ፕሮጀክት ኢንጅነር ጉዑሽ እርገቱ ብፅሬትን ሰለጤንን ከምኡ እዉን እቲ ዝተትሓዘሉ ግዜ ገደብ ተዛዚሙ ንግልጋሎት ክፍቲ ክኸዉን ለይትን ቀትርን ንሰርሕ ኣለና ኢሎም ክብል ናብ ቤት ፅሕፈትና ዝፀብፀበ ሓበሬታን ርክብን ከተማ ኣኽሱም እዩ።

መዕርፎ ነፈርቲ ሃፀይ ዮውሃንስ 4ይ ኣኽሱም፣ 01 ሰነ 2016 ዓ/ም ኣገልግሎት በረራ ከምዝጅምር ምግላፅና ይዝከር ከም ሓበሬታን ርክብን ከተማ ኣኽሱም።

13 ጉንበት 2016 ዓ/ም

26/04/2024

በዓለ ሆሣዕና

ኣብ መላእ ዓለም ዘለኹም ኦርቶዶክሳውያን ኣቅዲመ እንኳዕ ንበዓለ ሆሣዕና ብሰላም ኣብጽሐኩም ኣብጽሐና!

✍️ሆሣዕና “הושענא ሆሻአና” ቃሉ ናይ ዕብራይስጥ እንትኸውን ትርጉሙ ድማ መድሓኒት ወይድማ በይዛኻ ሐዚ አድሕን ማለት እዩ።

እዚ በዓለ ሆሣዕና ካፍቶም ትሽዓተ ዓበይቲ በዓላት ሓደ እንትኸውን ኪሩቤልን ሱራፌልን ብፍርሃት ብረዐድ ኮይኖም መንበሩ ዝሽከሙሉ ጎይታ ብትህትና አብ ዝባን አድጊ ተቀሚጡ እናተመስገነ ናብ ቤተመቅደስ ዝአተወሉ፣ ናይ ዘካርያስ ትንቢት ዝተፈፀመሉ፣ እቶም ሕዝቢ ሆሣዕና(አሽዕና) ሒዞም ዝዘመርሉ፣ ሕፃናት ብንጽሕ አንደበቶም "ሆሣዕና በአርያም ለወልደ ደዊት" እናበሉ ዝመስገንሉ ዓብዪ በዓል እዩ።
✍️ጎይታናን መድሓኒትና ኢየሱስ ክርስቶስ አብ ምድረ እስራኤል አቲው ትምህርትን ተአምራትን ጀመረ፤ ብዙሓት ናይ ቃሉ ትምህርቲ ሰሚዖም ናይ ኢዱ ተአምራት ርእዮም ተከተልዎ፤ ካብዚ ዝተልዓለ ሕሙማነ ሥጋ ብተአምራት ሕሙማነ ነፍሲ ብትምህርቲ ንክፍውሶም ካብ ቦታ ናብ ቦታ ይዘዋወር ነበረ እሞ ካብ ዕለታት ሓደ መዓልቲ ጎይታና አብ ዘምህረሉ ናይ መወዳእታ ዓመት ናይ ፋሲካ በዓል ንከኽብርን ነቲ ሕዝቢ እውን ንከምህርን ቅድሚ ሓደ ሰሙን ምስ ደቀመዛሙርቱ ናብ ኢየሩሳሌም ወፀ። ንደብረ ዘይት ቀረባ ናብ ዝነበረት ቤተ ፋጌ ናብ እትበሃል መንደር አተወ፤ እዛ ቤተ ፋጌ እዚኣ ናይ ድኻታት መንበሪት እያ። እዚ ድማ "ባዕሉ ድኻ ገበረ" ዝተበሃለ አምላክ ድኻታት ከም ዝፈትውን ከምዝክብርን እንትገልፅ እንተሎ እዩ፤ ኣብዛ ቤተ ፋጌ አብ ዝተመሳቀለ(መስቀለኛ) መንገዲ ጠጠው ኢሉ ንሐዋርያት ሓደ ትእዛዝ ኣዘዞም፤ አብ ዝተመሳቀለ ቦታ ኮይኑ ምእዛዙ ስለምንታይ እዩ እንድሕር ኢልና አብ ዝቅፅል(at the future) አብ መስቀል ተሰቂሉ ዓለም ለኻዊት ትእዛዝ ዝኮነት ሕገ ወንጌል ከም ዝህብ እንተምልኽተና እንተሎ እዩ።

✍️ ጎይታና ካብ ደቀመዛሙርቱ ክልተ መሪፁ"ናብ ቅድሚኹም ናብ ዘላ መንደር ኸዱ ዝተአሰረት አድግን ዒሉን ክትረኽቡ ኢኹም ፈትሕኹም ከኣ አምፅኡለይ" ኢሉ ለኣኾም።መተርጉማን እታ አድጊ ናይ አልዓዛር እንትኸውን ተአሲራ ዝተረኸበትሉ ገዛ ድማ አብ ቤተ አንያ ምኳኑ ይናገሩ።አብ መንድር ውሽጢ ዝተአሰረት አድጊ ምህላዋ ምንጋሩ ማእምረ ኅቡዓት ምኳኑ ንምግላፅ እዩ።
ኹሉ ዝፈልጥ ጎይታ አብ መንደር ውሽጢ ዒሉን አድግን ምእሳረን ነገሮም፤ ሓደኳ ገለ እንተ በለኩም "በሉ እግዚኦሙ ይፈቅዶሙ ወበጊዜሃ ይፌንዉክሙ"። ጐይታ ይደልዮም ኣሎ፡ በልዎ። ብኡብኡ ድማ ኪሰዶም እዩ። እዚ ማለት ናይ ሐዋርያት ሥልጣኖም ማንም ከልካሊ ዘይብሉ ሰማያዊ ምኳኑ ንከርድአና እዩ።

✍️ ንምንታይ እዩ ጎይታናን መድሓኒትናን ኢየሱስ ክርስቶስ ዘይተአሰሩ ብዙሓት አድግታት እናሃለው ብሌባ ተሰሪቃ ዝተአሰረት አድጊ ንክምፅእሉ ዝአዘዘ❓
ምክንያቱ ድማ ሊቃውንት እዚ ምሥጢር እዚ እንትትርጉሙ እንተለው ናይ ሓዋርያት አገልግሎትን ቋሚ ሓላፊነትን ዝተአሰሩ ምፍታሕ ከም ዝኾነ እንተርድኦም እንተሎ እዩ፤ ሌቦታት አጋንንቲ ልቦም እናሰረቀ መንፈሳዊነቶም እናጠፈአ ብኃጢአትን ብክህደትን ናብ ዝኣሰሮም ሰባት ከም ዝልእኾም ከምህሮም እንተሎ እዩ።

✍️ሓዋርያት ንምንታይ እዮም አብ ዝባን እታ አድጊ ክዳኖም ጌሮሞ(ጎዝጊዞም)❓

፩)ክዳን ናይ ቃለ እግዚአብሔር ምሳሌ እዩ
ሓዋርያት አብ ዝባን እታ አድጊ ክዳኖም ዝገበርዎ ካብ ክህደትን ካብ ኀጢአትን እስራት ዝተፈትሑ ምእመናን ንስሐ ሂቦም ሱቅ ምባል ዘይኮነስ ሱር ሰዲዶም ብመንፈሳዊነት ንክዓብዩ፤ካብ አምልኮተ እግዚአብሔር ንድሕሪት ንከይምለሱ፤ብሃይማኖት ንክፀንዑ፤በዘባነ ልቦም ናይ ትምህርተ ሃይማኖት ክዳን ምጉዝጋዝ አድላይ ምኳኑ፤ እዚ ማለት መንፈሳዊ ሕይወቱም ንከይደክም ምእመናን ካህናት ድማ ክትትል ክገብሩ ከምዝግባእ ንምግላፅ እዩ።

፪)ክዳን ናይ ምእመናን ምሳሌ እዩ
ምእመናን ናይ ክርስቶስ ክዳን ይበሃሉ፤ ክርስቶስ አፍቲ ዝባን አድጊ ዝተጎዝጎዘ ክዳን ከምዝተቀመጠ ሐዚ እውን ጎይታናን መድሓኒትናን ኢየሱስ ክርስቶስ አብ ምዕመናን ሰውነት ብፀጋን ብረዲኤትን ነጊሱ ከምዝነብር ንምግላፅ እዩ።
ሊቁ ባሕረ ጥበባት ቅዱስ ያሬድ "ንጉሥኪ ጽዮን ጻድቅ ወየዋህ....አልባሲሁስ ለክርስቶስ መሐይምናን"ጾመ ድጓ ዘሆሣዕና

፫)ክዳን ናይ ሰውነት ነውሪ ይሽፍን እዩ
ክዳን ናይ ሰውነትና ዕርቃን ከምዝሽፍን ኩሉ ኦ ጎይታና"ናይ ነፍስና ዕርቃን ናይ ነፍስና ሐፍረት ክትሽፍነልና ናብዚ ዓለም መጺኢኻልና" እንትብሉ እዩ። ዲያብሎስ ናይ ውልድነት ጸጋና ገፊፎ ነፍስና ዕርቃና ጌርዋ ነይሩ እዩ። እግዚአብሔር ብጥንተ ተፈጥሮ ኮነ ብሐዲስ ተፈጥሮ፤ አካለ ሥጋናን አካለ ነፍስናን ብፀጋ ዘልበሰና ክዳንና ንሱ እዩ።

✍️አብ አድጊ ናይ ምቅማጡ ምሥጢር እንታይ እዩ❓

ሰማይ ዙፋኑ ምድሪ ናይ እግሩ መርገጺት ዝኮነ፤ዳዊት "ፀልማት ትሕቲ እግሩ ነበረ፤ኣብ ኪሩቤል ተቐሚጡ በረረ ቀልጢፉ ብኣኽናፍ ንፋስ ሸበበ ንሱ ንጸልማት መሰወሪኡ ገበሮ"መዝ18፥10 ኢሉ ዝዘመረሉ አምላክ ሊቁም'ላዕለ ኪሩቤል ነቢረከ ዘትሬኢ ቀላያተ ሰቡሕኒ ወልዑል አንተ' ኢሉ ዝተቀነየሉ አምላክ ንምንታይ አብ አድጊ ተቀሚጡ እንትንብል እንተለና ትንቢቱን ምሳሌኡን ንክፍፅም እዩ።

ትንቢቱ፦ ነቢዩ ዘካርያስ "ወበልዋ ለወለተ ጽዮን ነዋ ንጉሥኪ ይመጽእ ጻዲቅ ወየዋህ እንዘ ይጼአን ዲበ እድግት ወዲበ ዕዋላ።

ትርጉሙ፦ ኣቲ ጓል ጽዮን፣ ኣዚኺ ተሐጐሲ፣ ኣቲ ጓል የሩሳሌም፣ እልል በሊ፣ እንሆ ንጉስኪ፣ ንሱ ጻድቕ መድሓንን ትሑትን እዩ፣ ኣብ ኣድጊ፣ ኣብ ጻብዕ ኣድጊ ተወጢሑ ናባኺ ይመጽእ ኣሎ።ዘካ9፥9
ተባሂሉ ትንቢት ተነጊሩ ነይሩ ስለዝኮነ ትንቢቱ ከምዝተፈጸመ ንምንጋር እዩ።

ምሳሌኡ፦ መሳ5፥10 እዚ ታሪክ ንዘመነ ሐዲስ ምስሌ እዩ ነይሩ፤ ባርቅ፦ ናይ ጎይታ
ሲሣራ፦ ናይ ዲያብሎስ ምሳሌ እዩ።
ባርቅ ሲሳራን ከምዝሸነፎ ኩሉ ጎይታና እውን ንዲያብሎስ አሽኒፍዎ እዩ። ባርቅ አብ ፃዕዳ አድጊ ተቀሚጡ እቲ ዓወት ከም ዝብሰረ ኩሉ ጎይታና እውን አብ አድጊ ተቀሚጡ ሆሣዕና በአርያም እናተበሃለ ዲያብሎስ እናሽንፈሉ ናይ ወዲሰብ ነጻነቱ ዝጎናፀፈሉ ዘመን ምብጽሑ አብሢርና እዩ።

ዋና ምሥጢሩ ፦
፩)አብ አድጊ ዝተቀመጠ ጎዩ ከምልጥ ርሒቁ ክኸይድ አይክእልን ጎይታና እውን አብ አድጊ ዝተቀመጠሉ ምክንያት ካብ ቤተ አይሁድ ኢድ ከምልጥ አይክእልን ክሕዙኒ እዮም፤ክሰቅሉኒ እዮም እንትብል እንተሎ እዩ።ብተወሳኺ ብፍፁም ልቦምን ብቅኑዕ መንፈሶምን ንዝደልዩኒ 'ናይ ቀረባ አምላክ እምበር ናይ ርሑቅ አምላክ ኣይኮንኩን'እንትብል እንተሎ እዩ።

፪)ጎይታና ናብዚ ዓለም ዝመጽአ ንትሕትና እምበር ንልዕልና አይኮነን እሞ ትሕትናኡ ንከርእየና አብ ልዕሊ አድጊ ተቐመጠ።

✍️ ሆሣዕና(አሽዕና)ንምንታይ ሒዞም አመስጊኖምዎ እንተይልና❓
፩) ብኤልሳዕ ዝተልአኸ ነቢይ ንኢዩ ቀቢኡ ምሰንገሦ ናይ ኢዩ አዕርክቲ ሆሣዕና ሒዞም ንኢዩ ስለዘመስገንዎ ፣ (2 ነገ 9፥5-14)

፪) አብርሃም ንይስሐቅ ምስወለደ ሆሣዕና ሒዙ ስለዘመስገኖ።ኩፋሌ13፥6

፫)ይስሐቅ ንያዕቆብ ምስ ወለዶ ሆሣዕና ሒዙ ስለዘመስገኖ፣

፬) ዮዲት ንሆለሆርኒስ ምስቀተለቶ እስራኤላውያን ሓያል ኢኺ ኢሎም ስለዘመስገንዋ ብኡ ልማድ ከምዝኾነ ሊቃውንት ተናጊሮም።

✍️ ካብ ዕለተ ሆሣዕና እንማሃሩ እንታይ እዩ❓

፩.ትሕትና ንምሃር
ኢየሱስ ክርስቶስ ኩሉ ዝኽእል፣ልዑል እምልዑላን ፣ኃያል እምኃያላን፣ግሩም እምግሩማን ኮይኑ መለኮታዊ ሥልጣን እናሃለዎ ብአድጊ ተጻዒኑ ምምጽኡ ፍጹም ትሑት አምላኽ ምዃኑ፣ንሕና ድማ ካብ ኢየሱስ ክርስቶስ ትሕትና ተማሂርና ትሕትና ክንገብር ከምዘለና፣

፪. ንእግዚአብሔር ዝሰኣኖ ነገር ከምዘየለ ንምሃር
ናይ በለዓም አድጊ ዘናገረ አምላኽ ዘይናገሩ አእባን( አእማን) ከመስግንዎ ምግባሩ፣እግዚአብሔር ኩሉ ምግባር ከምዝኽእል እንርድአሉ ጊዜ እዩ ።

፫.ናይ አይሁድ ተለዋዋጢ ባሕርይ
ህዝቡ ኩሉ ንኢየሱስ ክርስቶስ ሆሣዕና በአርያም ፣ካብ ሰማይ ዝመፅአ መድሓኒት ብእግዚአብሔር ሽም ዝመጽአ ዝተባረኸ እዩ ኢሎም ብሆሣዕና ዕለት አመስጊኖሞ እንተነበሩ ድሕሪ ሽዱሽተ ማዕልቲ ብዕለተ ዓርቢ ሆሣዕና በአርያም ኢሎም ብዘመስገንዎ መልሐሶም ይሰቀል ይሰቀል ኢሎም አሕሊፎም ሂቦምዎ እዮም።

ስለዝኮነ ሰባት ንግዚኡ ዋላ እኳ ተመስገኑና ተመሊሶም ከምዝጸርፉናን ከምዝረግሙናን፣ንግዚኡ ተፈተዩና ተመሊሶም ከምዝጸልኡና ክንፈልጥ ይግባእ።

በእንተ ሆሣዕና፦
✍️ብማቴዎስ (21፥1-23)
✍️በማርቆስ (11፥1-23)
✍️ብሉቃስ (19፥28-40)
✍️ብዮሐንስ (12 ፥12) አንብብዎ።

ፅቡቅ በዓለ ሆሣዕና ይኹነልና!

Sorce : መምህር ኤርምያስ ሓጎስ(ኢ/ር)
ወስብሐት ለእግዚአብሔር ።

Address

Axum Denver Street
Aksum

Telephone

+251914177686

Website

facebook.com

Alerts

Be the first to know and let us send you an email when Abune Tshima Tour And Travel posts news and promotions. Your email address will not be used for any other purpose, and you can unsubscribe at any time.