Alazer yohones

13/11/2022

ሕይወት አጭር ናት--ሳትቀድማችሁ ቅደሟት
በ40 አመቷ ይህቺን የማትሞላ ዓለምና የመከራ ምድርን የለቀቀችው ታዋቂዋ የዓለማችን ቱጃር ሴት የነበረችው ዲዛይነርና ፀሀፊ 《ክሪስዳ-ሮዲሪጌዝ》 በካንሰር በሽታ ከመሞቷ በፊት ማስታወሻዋ ላይ እንዲህ ብላ ፅፋ ነበር።

🔴✍✍✍…-በአለም ላይ አሉ ከሚባሉ ውድ መኪናዎች ውስጥ አንዱ በእኔ ጋራጅ የተቀመጠው ነው፤ አሁን ግን በዊልቼር ነው የምንቀሳቀሰው።

🔴✍✍✍…-ቤቴ ውስጥ በምርጥ ዲዛይነሮች የተሰሩ ውድ የሆኑ የሚያማምሩ ልብሶችና ጫማዎች አሉኝ፤ ግን አሁን በሆስፒታል በተሰጠኝ ስስ ጨርቅ ነው ገላዬን የሸፈንኩት።

አንብቡት!!!! 🔴✍✍✍…-ባንክ አካውንቴ ላይ እጅግ ከበቂ በላይ ገንዘብ አለኝ፤ ግን እሱን አሁን ልጠቀምበት አልችልም።

🔴✍✍✍…-ቤቴ ፓላስ የሚባል ዓይነት ነው፤ ግን እኔ አሁን ሆስፒታል ውስጥ በምትገኝ ትንሽዬ አልጋ ላይ ነው የተኛሁት።

🔴✍✍✍…-ከአንዱ ባለ-አምስት ኮከብ ሆቴል እንዳሻኝ ወደ አንዱ ባለ-አምስት ኮከብ ሆቴል ስንሸራሸር የነበርኩ ሴትዮ፤ አሁን እዚያው ሆስፒታል ውስጥ ካንዱ የላቦራቶሪ ክፍል ወደ ሌላኛው ላቦራቶሪ ክፍል መመላለስ ግዴታዬ ሆኗል።

🔴✍✍✍…-በየቀኑ በመቶዎች የሚቆጠሩ ሰዎች ፈሪምልን ብለው እንዳላስጨነቁኝ፤ አሁን ግን የሚያክመኝ ዶክተር እንኳ አንድም ቀን ፊርማዬን ጠይቆኝ አያውቅም።

🔴✍✍✍…-ፀጉሬን የማስውብበት ውድ የተባሉ ሰባት አይነት አልማዞች እና ወርቆች ነበሩኝ፤ አሁን ግን ይኽን ማድረግ አልችልም ምክንያቱም ፀጉር የለኝም።

🔴✍✍✍…-በግል አውሮፕላኔ ዓለም ላይ የፈለኩበት ቦታ ብቻዬን መሄድ እችል ነበር፤ አሁን ግን ለመናፈስ ስፈልግ እንኳ የግድ የሁለት የሰዎች እርዳታ ያስፈልገኛል።

🔴✍✍✍…-በቀን በቀን ብፌ በሚባል ዓይነት የተመረጡ ምግቦችን እመገብ ነበር፤ አሁን ግን በቀን ሁለት ፍሬ ታብሌትና ትንሽ ጠብታ ጨው ማታ ላይ የምወስደው ነው ምግቤ።

🔴✍✍✍…………ይኼ ሁሉ ሀብት እና ድሎት ግን እኔን ከበሽታዬ ሊያድነኝ አልቻለም፤………እውነተኛ ሕይወት ማለት ከእግዚአብሔር ጋር መኖር ፣ ለትዕዛዛቱም መገዛት ነው።
ህይወት አጭር ናት፤ ሳትቀድማችሁ ቅደሟት።
═════════❁✿❁ ═════════

13/11/2022

11/11/2022

ስሟ ጆይስ ካርሎ ቪንሰንት ይባላል የ 38 ዓመት ወጣት ስትሆን ነዋሪነቷ የነበረው ኢንግሊዝ ውስጥ ለንደን ነው፡፡

ትኖር የነበረው አፓርትመንት ተከራይታ ሲሆን የቤቷ የኪራይ ውል በማለቁና ያለባትን የኪራይ ውዝፍ ልትከፍል ባለመቻሏ አከራዮቿ በ 2006 ለፓሊስ ያሳውቃሉ ፓሊሶቹም ወደ ቤቷ በመሄድ ሲያንኳኩ በር አይከፈትም ሰብረው ይገባሉ ሰብረው ሲገቡ ግን በህይወት ሳይሆን ሶፋ ላይ ቁጭ እንዳለች ሞታ ነበር ያገኟት እሷ የሞተችው ግን በ2003 ነበር ፡፡
ሞታ ለ ሶስት ዓመት ምናምን ያለ ጠያቂ በቤቷ ሶፋ ላይ ቁጭ እንዳለች ቆይታለች ፡፡

ከሞተች ከ 3 ዓመት በኀላም ቀናቸው ያለፈባቸው ምግብና መጠጦች ከፍሪጇ ውስጥ ፓሊሶች አግኝተዋል

ሌላው ብዙዎችን ያሳዘነው ነገር ይሄን ሁሉ ዓመት ሞታ ቤቷ ስትቆይ ማንም የት ነሽ ወዴት ነሽ ያላት አለመኖሩ ነበር ፡፡

በ2011 GC በእውቋ ኢንግሊዛዊት ዳሬክተር ካርሎ ሞርሌ DREAMS OF A LIFE የተሰኘ አሳዛኝ ዶክመንተሪ ተሰርቶላታል፡፡

ሰለጠንኩ በሚለው ዓለም ግላዊነት ከመንገሱ የተነሳ ሁሉም በየራሱ ይኳትናል እንጂ አጠገቡ ስላለው ጎረቤት አይጨነቅም ፡፡ አብረከው ስለኖርክ ብቻ መጠጋጋትንና ቅርርብን አይፈቅድም ፡፡

አገራችን ውስጥ ምንም ቢሆን ከፋም ለማም ተጣላክም አልተጣላክም እንዴት ነው ወዴት ነው የሚል.. ደሞ ዛሬ ምነው ድምፁ ጠፋ ድምፇ ጠፋ የሚል ጎረቤት ሁሌም ቢሆን ይኖርሃል ....
Dreams of a life ብቸኝነት + መረሳት
#ካነበብኩት

10/11/2022

10/11/2022

ጥይቱ ወጥቷል ከእግሬ ውስጥ

በወቅታዊ ጉዳይ ላይ እስራኤል ዳንሳ
ያስተላለፉት መልዕክት :-

"ከትላንት ወዲያ ከዝዋይ በሐይዌይ ወደ አዲስ አበባ እየመጣሁ እያለ ባልታወቁ ሰዎች እግሬ በጥይት ተመቷል።

ያን ያክል ብዙ የሚጎዳ አይደለም።

የታሰበው ሌላ ቢሆንም ጌታ ጣልቃ ገብቶ ሁሉ ሰላም ሆኗል።

እግዚአብሔር ከረዳን በቅርቡ ወደምወደው የአገልግሎት ስራ እመለሳለሁ"

ጥይቱ ወጥቷል ከእግሬ ውስጥ ወጥቷል
እቤት ገብቻለው

10/11/2022

አርቲስት አበበ ወርቁ ምላሽ ሰጠ! አንቺ ባለጊዜ እባክሽ ተይኝ የሚል አንጀት የሚበላ ግጥም 😭😭

እኔም ቂሜን ልርሳ!
አርቲስት አበበ ወርቁ

እባክሽ እባክሽ
ብዙ አታበሳጭኝ ግዜ አገኘሁ ብለሽ ፣

ጊዜ የጣለውን ጊዜ ያነሳዋል
ጊዜ ያነሳውንም ጊዜ ይጥለዋል ፣

ይህንን ካወቅሽ ከተረዳሽ ፍቅሬ
ያልነበረ ፀባይ ከየት መጣ ዛሬ ፣

በፍቅራችን ዘመን አብረን የሰራነው
እንደጥፋት አርገሽ ሁሉን ካየሽው ፣

ዛሬም የሰራሽው በጊዜው ያልፍና
ያስተዛዝበናል ፀፀት ታተርፊና ፣

በጊዜ የወደቁ በጊዜ ይነሳሉ
በጊዜ የተነሱም በጊዜ ይወድቃሉ ፣

ጊዜ የጣለው ወድቆ የሚቀር ቢሆን
መች ያልፍልሽ ነበር አስቢ ያለፈውን ፣

አንቺ ባለ ጊዜ እኔ ቀን ጠባቂ
በውድቀትሽ ሰአት ተራዬን ጦር ሰባቂ ፣
እንዲህ አይነት ክፋት
እንዲህ አይነት ጥፋት ፣

ትውልድ እንዳያነሳ
አንቺም በቀል ተይ እኔም ቂሜን ልርሳ!

ሰላሙን ያውርድላችሁ አቦ እንዴት ያሳዝናል እነኚህ ዳያስፓራ ሴቶች ግን ለትዳር ያላቸው ክብር መጣራት አለበት ፣

08/11/2022

Rip😭😭😭😭😭😭😭😭😭😭😭

02/11/2022

በስምምነቱ ምን አገኘን?

ሰበር መረጃ ከፕሪቶሪያ

በደቡብ አፍሪካ በተካሄደው የሰላም ውይይት የህወሓት መዋቅር ፈርሶ የፌደራል መንግሥት የሚመራው ጊዜያዊ አስተዳደር እንዲቋቋም እና ቡድኑ ሙሉ በሙሉ ትጥቅ እንዲፈታ ስምምነት ላይ ተደረሰ።

በደቡብ አፍሪካ ለስምንት ተከታታይ ቀናት ሲካሄድ የነበረው የሰላም ድርድር የኢትዮጵያን ሉዓላዊነት፣ የግዛት አንድነት እና ዘላቂ ሰላም በሚያረጋግጥ መልኩ በስምምነት መቋጨቱን ከውስጥ ምንጮች የተገኙ መረጃዎች ይጠቁማሉ።

ለሁለት አመታት የዘለቀው የሰሜኑ ጦርነት መቋጫ እንደሚሆን የተገመተ የሰላም ስምንነት ፊርማ በዛሬው እለት በደቡብ አፍሪካ ፕሪቶሪያ በኢትዮጵያና በህወሓት ተደራዳሪዎች መፈረሙን ያስታወቁት ምንጮች ፤ ውይይቱ የሀገራችንን ብሔራዊ ጥቅም ባስጠበቀ፣ የሕግ የበላይነትን ባረጋገጠ እና ለውጭ ጣልቃ ገብነት እድል በማይሰጥ መልኩ በስኬት መጠናቀቁን ገልጸዋል።

ቁልፍ የስምምነት አጀንዳዎች፦

ህወሓት ሙሉ በሙሉ ትጥቅ ለመፍታት መስማማቱን፦ በስምምነቱ መሰረት ከዛሬ ጀምሮ በሰላሳ ቀናት ውስጥ ቡድኑ ሙሉ በሙሉ ትጥቅ እንደሚፈታ፤ ይህንን ውሳኔ ተግባራዊ ለማድረግ የሁለቱ ወገን ከፍተኛ ወታደራዊ አመራሮች በ24 ሰዓት ውስጥ አመቺ ቦታ መርጠው ንግግር ያደርጋሉ፤

ስምምነቱ በተፈረመ አምስት ቀናት ውስጥ የሁለቱ ወገን ወታደራዊ አመራሮች የትጥቅ ማስፈታት ሂደቱ የሚመራበትን ዝርዝር አፈጻጻም በጋራ በማውጣት ተግባራዊ ሥራዎችን መሥራት ይጀምራሉ፤

የሁለቱ ወገን ከፍተኛ ወታደራዊ መኮንኖች በተገናኙ አስር ቀናት ውስጥ ህወሓት ያሉትን ሁሉንም የቡድን እና ከባድ መሣሪያዎች ለመከላከያ ሠራዊት ያስረክባል፤

ስምምነቱ በተፈረመ ሰባት ቀናት ውስጥ የፌደራል መንግሥት መቀሌን ተረክቦ በከተማው ውስጥ እና ዙሪያ ሁሉንም አይነት የጦር መሣሪያ ያስፈታል፤
በአጭር ቀናት ውስጥ አሁን ያለው የህወሓት መዋቅር ፈርሶ የፌደራል መንግሥት የሚመራው የጊዜያዊ አስተዳደር ይቋቋማል። በሚዋቀረው ጊዜያዊ አስተዳደር ውስጥም የትግራይን ሕዝብ የሚወክል አካል ይሳተፋል፤

የሀገር መከላከያ ሠራዊት ከጎረቤት ሀገራት የሚያዋስኑ የድንበር አካባቢዎችን ደኅንነትና ሰላም የሚያረጋግጥ ስምሪት የሚያደርግ ይሆናል። መከላከያ ሠራዊቱ በማንኛውም የትግራይ አካባቢዎች ተንቀሳቅሶ ሕግ የማስከበር ስልጣኑን ከህወሓት ሙሉ በሙሉ ይቀበላል። ህወሓት ለተግበራዊነቱ ምንም አይነት እንቅፋት እንደማይፈጥር ተስማምቷል።

የሚመሰረተው ጊዜያዊ አስተዳደር በሁሉም የትግራይ አካባቢዎች የማኅበራዊ አገልግሎቶች በፍጥነት እንዲጀመሩ ሁኔታዎች ያመቻቻል፤ ተግባራዊነታቸውን ያረጋግጣል፤
ህወሓት ያለ ፌደራል መንግሥት እውቅና ከማንኛውም የውጭ አካል ጋር ግንኙነት ማድረግ ያቆማል። እንዲህ አይነት ተግባር የሚፈጹ ግለሰቦች ካሉ በሀገሪቱ ሕግ የሚጠየቁ ይሆናል።

31/10/2022

‼️
👉 ውዱ የጥርኝ ቡና አዘገጃጀት በዚህ መልኩ ነው በመጀመሪያ ጥርኟ ብናውውን ትመገበዋለች ከዚያ ትፈሳዋለች😁 ። ወይም በፎቶው ላይ በምትመለከቱት መልኩ ታስወጣዋለች። ከውስጧ የሚገርም ጣዕም😁 ይዞ ይወጣል። በዓለም ላይ ውድ ቡና ሆነ ማለት ነው።
👉 አንድ ስኒ የጥርኝ ቡና እስከ 100 ዶላር ዋጋ አለው። ከመደበኛው ቡና እስከ 60 እጥፍ ማለት ነው። አንድ ኪሎ የጥሪኝ ቡና ቢኖራችሁ 100 ስኒ ቡና ቢወጣው 10ሺ ዶላር ማለት ነው።

30/10/2022

"ባሌ፤ አርሲ፤ ሸዋና ጎጃም በእነዚህ አራት ክፍለ ሃገሮች እጅግ የትረፈረፈ የእህል ምርት አየሁ። ሲኒማ ተገብቶ እንደሚታይ ፊልም በዘመናዊ የእርሻ መሳሪያ የተመረተ ምርት ወደ ቀሪ አለም ሲጫን ቁልጭ ብሎ ተመለከትኩ......የሚመረተው ምርት በታላልቅ ዘመናዊ መሳሪያዎች መሆኑን ተመለከትኩ። የአሁን ገበሬ በበሬ እና በፈረስ እንደሚያርስ አይደለም ትልልቅ ትራክተሮች እዚህም እዚያም በስራ ተጠምደው ትራክተር ሲያርስ በግልጽ ተመለከትኩ።"

የከፍታ ዘመን ለኢትዮጵያ፤ 1993/ በቄስ በሊና ሳርካ ገጽ 54

30/10/2022

እናቱ የተገደለበት ልጅ የገዳዩን እንባ አበሰው
……………………………………………………………

በዕለተ ቅዳሜ ጥቅምት20 የሰፈሩ አድባር በሁሉ የሚወደዱ እናታችን የሺ ውድነህ ኮልፌ07 ከሚገኘው ቤታቸው ሁሌም እንደሚያደርጉት አማኑኤል ቤተክርስቲያን ለመሳለምና ለቅሶ ቀብር ለመሄድ በጠዋት ይወጣሉ!

እማማ ኖክ ኮልፌ18 ጋር ደርሰው የእግረኛ መንገዱን እየተሻገሩ አንድ ከባድ መኪና ድንገት ይገጫቸዋል

ያለአባት 8 ልጆቻቸወን ታግለው ያሳደጉት እናት የሺ ወንዱ ልጃቸው ቴዲ ሆስፒታል እየሮጠ ቢደርስም ህይወታቸው አልተረፈላቸውም ሞቱባቸው።

ለቅሶ ደርሼ በዛው ፀሎት አድርሼ እመለሳለው ያሉት ደጓ እናት እግዚአብሔር ቀናቸው ነው ብሎ ጠርቶ ወሰዳቸው!እሁድ ጥቅምት 21 ልጆቻቸው አምርረው እያለቀሱ ከወዳጅ ዘመድ ጋር ቀበሯቸው

ይህ ደግ ቤተሰብ የሚወዷት እናታቸው ሀዘን ገና ከልባቸው ሳይወጣ ገጭቶ ከገደላቸው ሹፌር ጋር ለእርቅ ተቀምጠው ይቅር ተባብለው ሁሉም ነገር በሽምግልና አልቋል🙏 ቤታቸው የነበረው ድባብ ሁሉንም አስለቅሷል::

ምንም ወገንና ዘመድ የሌለው የገጫቸው ሹፌር ሽማግሌ አጥቶ ሲንከራተት እናት የሞተባቸው ልበወርቆች አይዞህ ብለው ደግፈውት በጎደለው ሽማግሌእንዲሆኑ አባት አመቻችተውለት በእርቁ ሰዓት እንባውን መቆጣጠር አቅቶት ሙሉ ሰአቱን ስቅስቅ ብሎ ሲያለቅስ ውሏል😭::

ካሳ ተብሎ የተሰጠውንም ሙሉ 80, 000ብር ላዘኑት እንባ ማበሻ ይሁንልን ለአረጋውያኑ አስቤዛ ተገዝቶ ይሰጥልንብለው ልጆቻቸው ለባይሽኮልፌ በጎአድራጎት አስረክበዋል🙏💖 እንዲህ አይነት ደግነት እንዴትስ
ይገኛል???

ከሁሉ የሚገርመው መጨረሻ ላይ ሊለያዩ ሲሉ ገጭቶ የገደላቸው ሹፌር ራሱን መቋቋም አልቻለም! ይቅር ያሉት የእናት የሺ ልጆች ደግነት የበለጠ እንድፀፀት አደረገኝ ብሎ ስቅስቅ ብሎ እንደገና አለቀሰ😭 "በቃ እግዚአብሔር የጠራት በዚህ ነው አታልቅስ" እያሉ አባባዮቹ ደግሞ ከ3ወራት በፊት እናታቸውን ያጡት ልጆቿ እነቴዲ ነበሩ::

እናታችን ፅጌማርያም ነፍስ ይማር
ልበወርቆች ቀሪ ዘመናቹ በደስታ ይለቅ
"ለመልካም ስራ ረፍዶ አያውቅም::"

መረጃ ምንጭ:

30/10/2022

አንዱ ጥጋብ የወጠረው አረመኔ በጩቤ ሰው ወግቶ ገደለ። የማታ ማታ ፖሊሶች እጅ ላይ ወደቀ። ፖሊሶቹም «ለምንድን ነው ሰውዬውን በጩቤ ወግተህ የገደልከው ?» የሚል ጥያቄ ሲያነሱለት ምን ብሎ ቢመልስ ጥሩ ነው ? ... «ያለሁበት የኑሮ ሁኔታ ከእጅ ወደ አፍ ሆኖብኝ ሽጉጥ መግዣ አጥቼ እንጂ እቅዴ በሽጉጥ አናቱን በርቅሼው መግደል ነበር» አላቸው ይባላል።

ምን ለማለት ነው

ለመስማት የሚዘገንኑ የግድያ ወንጀሎች የሚፈጽሙ አረመኔዎች ከፈጸሙት ወንጀል በላይ የከፋ ወንጀል ባለመፈጸማቸው «የሚቆጩ» አይነት በመሆናቸው ከአጭር የእስር ቆይታ በኋላ ወደ ህብረተሰቡ መልሳችሁ ከምትቀላቅሉብን እባካችሁ እዚያው ወህኒ ቤት አበስብሷቸው ወይም ኑዛዜያቸውን ተቀብላችሁ ወደ ማይመለሱበት ሸኟቸው። በኛ የልጅነት ዘመን በሰፈር ተቧድነው የሚፈነካከቱ ጎረምሶች ነበሩ። ድርጊቱ ትልቅ ስጋት ደቅኖብን እንደማንም ጊዜውን ተሻግረን ለዛሬ በቃን። አሁን ደግሞ በልጆቻችን ዘመን የህጻናት ሰውነት እየቆራረጡ በኩርቱ ፌስታል መንገድ ላይ የሚጥሉ የሰው ጭራቆች መኖራቸውን እየሰማን ቀሪ ዘመናችንን በስጋት እንግፋ ማለት ነው ???

30/10/2022

አብርሃም በየነ እንደወጣ ጠፍቶ ከቀረ ድፍን ሦስት አመት ሞላው ። እናት እሱን ፍላጋ እንደተንከራተተች ነው ።

አብርሀም_በየነ ይባላል ። ከ3 ዓመት በፊት ከሚኖርበት ሀዋሳ ወደ ወልቂጤ ሚቄ የሚባል ቦታ መጥቶ ወረዳ ውስጥ ስራውን እየሰራ ቆይቷል ። መስከረም 25 ቀን "እናቴ ናፍቃኛለች አይቻት ልምጣ" ብሎ ለጓደኞቹ ተነግሮ ከቢሮና ከተከራየበት ቤት ቢወጣም እናቱ ጋር ሳይደርስ ወደ ቤቱም ሳይመለስ የት እንደገባ ጠፍቶ 3ሳምንታት ተቆጠሩ ።

እናት "በእኔ ምክንያት ልጄ ምን ሆነብኝ?" ብለው በየቀኑ እንዳለቀሱ አሉ ። ከሀዋሳ ወደ ወልቂጤ መጥታ ብትንከራተትም "አብርሀምን አየነው" የሚል አንድም ሰው አላገኘችም።

#ሼር በማድረግ ልጇን እንፈልግላት
0985132283-እልፍነሽ(እናት)
091 094 6910-እልፍነሽ(እናት)
0996541851-ሀና

29/10/2022

😥😌😥

የዚህን ዘማሪ ችግር ውስጥ መሆኑን ትላንት ማታ ደውለው ሲነግሩኝ በሰማሁ ሰዓት እጅግ በጣም አዝኛለሁ ከምንም በላይ ደግሞ የልጅ አባት ሆኖ የልጁን ጥያቄ መመለስ አቅቶት እንደማየት ለአባት ከባድ ፈተና የለም...የሆነው ይሁንና አሁን ላይ ያለበትን ጭንቅ አብረን መካፈል አለብን ። ብዙ መድረኮችን ላይ በዝማሬው ተባርከናል በርካታ ቲቪዎች ላይም ሲያገለግል ያየን ብዙ ነንና እባካችሁ ይህንን ዘማሪ በቤት ኪራይ ጭንቅ እና መሰል ችግሮች ከሚሰቃይ አለን እንበለው ለማለት እወዳለሁ ። ሁላችንም የአቅማችንን ለዘማሪ በላቸው ሀታ እናድርግለት...ይህን ስፅፍላችሁ በጣም ልቤ እያዘነ ነው ። መርዳት ባትችሉ እንኳን ማገዝ የሚችሉ ይኖራሉና ሼር በማድረግ ድጋፎን ያሳዩ !!!

( 📌 አይዞህ ወንድሜ በላቸው እግዚአብሔር መልካም ነገር አድርጎ ለምስጋና የምትበቃበት ቀን ቅርብ ነው )

የዘማሪው ባንክ አካውንት
- 1000336570011 ንግድ ባንክ
ስልክ ቁጥር :- 0911130495
- ስለምትተባበሩት አስቀድሜ ላመሰግናችሁ እወዳለሁ

29/10/2022

“ውድ መኪናዎችን ወይም ስማርት መሳሪያዎችን በመግዛት ላይ ብዙ ትኩረት አልሰጥም። እኔ ቅድሚያ የምሰጠው በሴኔጋል የሚኖሩ ወገኖቼ ምግብ ፣ የተሻለ የሆስፒታል አገልግሎት እና ትምህርት ቤት መገንባት ነው ።

"በማህበረሰቤ ውስጥ የተሻለ ተፅዕኖ መፍጠር ካልቻልኩ በፍፁም እረፍት የለኝም ። ሌሎች እግር ኳስ ተጫዋቾች እራሳቸውን በቅንጦት መኪናዎች እና አፓርታማዎች ውስጥ ሲኖሩ በገንዘባቸው ነው ። በእነሱ እኔ ደስተኛ እና ኩራት ይሰማኛል ።

"ለአሁን የእኔን ገንዘብ እንዴት ማውጣት እንዳለብኝ የራሴ ሀሳብ አለኝ። ለወደፊቱ እኔም የቅንጦት ዕቃዎችን መግዛት እችል ይሆናል፣ አሁን ግን ሁሉም ሰው በተሻለ ሁኔታ ውስጥ እንዲኖር እፈልጋለሁ።"

ሳዲዮ ማኔ

29/10/2022

የታመመ ባሏን በጀርባዋ የተሸከመችው ድንቅ ሴት
የ32 አመቷ ሂባ የ3 ልጆች እናት ናት ከ6 አመታት በፊት ቧሏ በተደራረበበት በሽታ እግሮቹ መንቃሳቀስ ይሳናቸዋል በየቀኑ ሆስፒታል መሄድና ህክምናውን መከታተል ነበረበት።
ታዲያ ይህች ድንቅ ሴት ፍታኝ አላለችም ወይም ጥላው አልሄደችም
አብሽር እኔ አለውልህ ብላ በሴት አቅሟ ባሏን ጀርባዋ ላይ አዝላ በየቀኑ ወደ ሆስፒታል ታመላልሳለች።በኔ እንዳታፍር ልፍታሽ ብያት ነበር እሷ ግን አልተቀበለችኝም።ሚስቴ ለኔ ልዩ ሴት ናት እናቴ በሆዷ 9 ወር ሚስቴ ደሞ ለ6 አመት በጀርባዋ ተሽክማኛለች ይላል።
እሷም በበኩሏ እስክሞት ድረስ እሸከመዋለሁ ትላለች ።
ምን አይነት ድንቅ #ፍቅር ነው ♥♥♥

29/10/2022

#መዝናኛ

"ማሪያ ማኬባና ሜሪ አርምዴ"❤
---
ድምጸ መረዋዋ የደቡብ አፍሪካ የሙዚቃ ፈርጥ የካቲት 25 ቀን 1924 ዓ.ም ነበር የተወለደችው። ማሪያ ማኬባ በአንድ ወቅት ወደ ኢትዮጵያ መጥታ ነበር። ታዲያ ማሪያ አዲስ አበባ እንደደረሰች በመጀመሪያ የጠየቀችው ሜሪ አርምዴን እንዲያገናኟት ነበር። የዘመኗን አራዳ ባለ ክራር!

ማሪያ ሜሪ አርምዴ ቤት ስትደርስ ባየችው ነገር ግር ተሰኘች። ዝነኛዋ ሜሪ በእንደዚህ አይነት ቤት ውስጥ ትኖራለች ብላ ስላልገመተች ነበር ግር መሰኘቷ። ሁኔታው የገባት አራዳዋ ሜሪ "ይህ የኔ ቤት አይደለም የሰራተኛዬ ቤት ነው ልጠይቃት መጥቼ ነው" ብላ የማሪያን ትኩረት አስቀየረቻት። ማሪያም ለሰራተኛዋ በማዘን 50 የአሜሪካን ዶላር ሰጥታት ማሪያና ሜሪ ተያይዘው ወደ ሜሪ ቤት ጉዞ ጀመሩ።

ጉዞ ወደ በድሉ ህንጻ

በጊዜው በድሉ ህንጻ እንዲህ እንደዛሬው ሳይገረጣ ያማረና የብዙዎችን ቀልብ የሚስብ ነበር። ሁለቱ የሙዚቃ ንግስቶች በድሉ ህንጻ ጋር ሲደርሱ ሜሪ አላመነታችም ቤቴ ይህ ነው አለቻት ማሪያ ማኬባን። ማሪያም እጅግ ተገርማ ሜሪን አደነቀቻት።

በኋላ ላይ ሜሪ አርምዴ ለምን ይህን ማድረግ እንዳስፈለጋት ስትጠየቅ “በኔ ምክንያት የአገሬ ስም ለምን ይጥፋ” ነበር መልሷ።

ምንጭ፦አዲስ 1879 የሬዲዮ ፕሮግራም

28/10/2022

#ይነበብ!

ብሪታኒያ ውስጥ ነው ፤ አንዲት ሴት አውራ-ጎዳና ላይ እርቃኗን ስትንጎራደድ ትቆይና መንገድ ዳር ቆመው ተሳፋሪ ከሚጠብቁ ታክሲዎች ወደ አንዱ ዘው ብላ ትገባለች ። የገባችበት ታክሲ ቻይናዊ ሹፌርም ግራ በመጋባትና በመገረም ከራስ ፀጉሯ እስከ እግር ጥፍሯ በጥያቄ ስሜት መላልሶ ማየት ይጀምራል ። አጅሪት ግን ምንም ያልተፈጠረ በማሥመሰል መሄድ የምትፈልግበትን ተናግራ እንዲንቀሳቀስ በዓይኗ ምልክት ትሰጠዋለች ።

ቻይናዊው ታክሲ ሹፌር ግን ያልተመለሠለት ጥያቄ ነበርና አሁንም ከእግር እስከራሷ መላልሶ ማየቱን ይቀጥላል ። ይኼኔ ቆንጂት በሷ ብሶ በስጨት እንደማለት እያደራረጋት "ልብስ ያልለበሰች ሴት አይተህ አታውቅም ? ብላ ታፈጥበታለች ። ቻይናዊው ባለታክሲ ግን እንዲህ በማለት በትህትና መለሠ "የኔ እህት እኔ ግራ ተጋብቼ የማይሽ እርቃንሽን መሆንሽ ገርሞኝ ሳይሆን ለአገልግሎቴ ልትከፍይኝ የሚገባኝ ገንዘብ የቱጋ እንዳለሽ ጥያቄ ስለሆነብኝ ነው ።"

✍️ አየህ ወንድሜ በዚህች ዓለም ስትኖር ልክ እንደቻይናዊው ታክሲ-ሹፌር ማተኮር ያለብህ ስለሚመለከትህ ጉዳይ ብቻ ነው ። ስለማያገባህ ጉዳይ ስትፈተፍት በመዋልና በማደር በራስህ ህይወት ላይ የምትጨምረው ምንም ዓይነት ጠቃሚ ነገር የለም ። አቅምህ እስከቻለው ለሌሎች መልካምን አድርግ የሌሎችን ግላዊ ህይወት ግን ለባለቤቶቹ ተውላቸው ።
መልካም ቀን

27/10/2022

https://m.youtube.com/channel/UCxOpIKqk_aJmx2vk2vs9jiw

Share your videos with friends, family, and the world

27/10/2022

ስለራስህም ሆነ ሌሎች በአዕምሮህ መልካም ነገር አስብ
የስበት ህግ በሁሉም ቦታ ይሰራል አንተ ስለራስህ የምታስበውን ነው የምትሆነው በራስህ ደስተኛ መሆን አለብህ። እኔ መልካም አይደለሁም ከሚለው ሐሳብ ይልቅ እራስክን መልካም ለማድረግ መጣር ላይ አተኩር።ጥሩ አርአያ ይኑርህ የእነርሱን ለመከተል ወስነህ ተጓዝ ነገር ግን ለምን እርሱን አልሆንኩም ብለህ ራስክን አትውቀስ አታወዳድርም።

ሰናይ ቀን ተመኜሁላቹ

27/10/2022

!

ሁልጊዜም አእምሮህ ማግኔት መሆኑን አስታውስ፡፡ አንተን የተቆጣጠሩህን ሃሳቦች እና በውስጥ የሰረፁትን እምነቶች የሚያምኑ እና የሚያስቡ ሌሎች ሰዎች ወዳንተ እንደሚያቀርብም ልብ በል፡፡

በትክክለኛ መንገድ የስበት ህግ (law of attraction) ብለን የምንጠራው አንድ ህግ አለ፡፡ ውሃ ከፍታውን የሚፈልግበት፣ በህዋ ውስጥ ያሉ ነገሮች ሁሉ የየራሳቸውን አምሳያ የሚፈልጉበት ህግ፡፡ ፕላኔቶችን በትክክለኛ ቦታቸው ጠብቆ እንደሚያቆየው የስበት ህግ፡፡

ይህ ህግ የሚለዋወጥ ቢሆን ኖሮ የማንጎ ፍሬ ከአበባው ውስጥ በርራ በፓፓያ አበባ ውስጥ በመግባት በከፊል ማንጎ፣ በከፊል ደግሞ ፓፓያ የሆነ ዛፍ ይፈጥሩ ነበር፡፡ እንዲህ አይነት ነገር ግን ሰምተን አናውቅም፡፡ ይሄንን የስበት ህግ ትንሽ በመከተል በሴቶች እና በወንዶች መካከል እንዴት እንደሚሰራ ማየት እንችላለን፡፡

ውጤታማና ሃብታም ወንዶች የሚፈልጓት ሴት የእነሱኑ አይነት ሴት እንደሆነ እናውቃለን፡፡ ዝቅተኛ ደረጃ ላይ ያለ ወንድም እንደዚያው፡፡ ይህ የሚሆነው በተፈጥሮ ነው - ልክ ውሃ ወደ ታች እንደሚፈሰው፡፡

“ሁሉም አምሳያውን ይስባል” የሚለው አባባል የማይገሰስ ሀቅ ነው፡፡ አንድ ወንድ የሚፈልጋት ሴት በብዙ መልኩ እሱን የምትመስለውን ሴት መሆኑ እውነት ከሆነ፣ የምትፈልጋቸውን ሰዎች ለማሰብ የእነዚህን ሰዎች ሀሳቦች እና እምነቶች በመቆጣጠር እና በማዳበር ማግኔት የመስራትን ጥቅም ማየት አትችልም?

ከሚለው የናፖሊዮን ሂል መጽሐፍ የተወሰደ።

16/10/2022

አንድ ወዳጅ (2x) አለኝ
ለእኔ የሞተልኝ (4x)

ቅጣቴን የተቀጣህልኝ
አበሳዬን ከእኔ ወሰድክልኝ (2x)
ጌታ ተባረክልኝ
ኢየሱስ ተባረክልኝ
ጌታ ተባረክልኝ (2x)

ሙግቴን ተሟግቶ አሸንፎልኛል
ጠላቴ እንዳይከሰኝ ነጻ ነህ ብሎኛል
ይህን ወዳጄን ወዳጄ ነህ ያልኩት
ከማንም አብልጬ በልቤ የሾምኩት

አዝ፦ ለእኔ መልካም በማድረግ የታወቀው
መልካም በማድረግ የታወቀው
ለእኔ መልካም በማሰብ የታወቀው
መልካም በማሰብ የታወቀው
እርሱ እግዚአብሔር ነው እግዚአብሔር ነው (2x)
እርሱ ጌታዬ ነው ጌታዬ ነው (2x)

በምክሩ ግሩም ነው ነፍስን ይመልሳል
ከወዳጅ አብልጦ ወደ ልብ ይጠጋል
ደብቆ የያዘኝ እንዳልሆን የሌላ
የቅርቤ የምለው ማነው ከእርሱ ሌላ

አዝ፦ ለእኔ መልካም በማድረግ የታወቀው
መልካም በማድረግ የታወቀው
ለእኔ መልካም በማሰብ የታወቀው
መልካም በማሰብ የታወቀው
እርሱ እግዚአብሔር ነው እግዚአብሔር ነው (2x)
እርሱ ጌታዬ ነው ጌታዬ ነው (2x)

16/10/2022

አጭር ጊዜ አይደለም ለረጅም ዘመናት
በድካም በትግል ላያሌ ዓመታት
በመውደቅ መነሳት በውጊያ በጭንቀት
እንደማያልፍ የለም አለፈ ያ እሳት (3x)

አዝ፦ ዞር ብዬ ሳየው ያሳለፍኩትን
አባጣ ጐርባጣ ጉድጓድ ገደሉን
ማመን ይሳነኛል ኃይል ከየት አገኘው
ለካ ኤልሻዳዩ ጠብቆኝ ቆሜያለሁ
ሥሙን አከብራለሁ

መራራ አይታኘክ የመከራ እንጀራ
የብቸኝነት ቤት እኔው ከእኔ ጋራ
እንቅልፌን አጥቼ ብዙ ለሊት አልፏል
ዛሬ ግን ታሪክ ነው ተረት ነው ይወራል (3x)

አዝ፦ ዞር ብዬ ሳየው ያሳለፍኩትን
አባጣ ጐርባጣ ጉድጓድ ገደሉን
ማመን ይሳነኛል ኃይል ከየት አገኘው
ለካ ኤልሻዳዩ ጠብቆኝ ቆሜያለሁ
ሥሙን አከብራለሁ

የሕይወቴ ማብቂያ ዛሬ ነው ያልኩበት
ዓይኖቼን ጨፍኜ ሞትን ያሰብኩበት
ቀውጤው ሰዓት አልፎ ማየቴ ደንቆኛል
ለካ ጌታ ወዶኝ እጅ እግሬን ጠብቋል (3x)

አዝ፦ ዞር ብዬ ሳየው ያሳለፍኩትን
አባጣ ጐርባጣ ጉድጓድ ገደሉን
ማመን ይሳነኛል ኃይል ከየት አገኘው
ለካ ኤልሻዳዩ ጠብቆኝ ቆሜያለሁ
ሥሙን አከብራለሁ (2x)

የአብርሃም አምላክ በክንፉ ሸሸገኝ
ለካ መጐዳቴን ተጐሳቁዬ አየኝ
ያን ሁሉ ሻካራ ያን ሁሉ ጐርባጣ
ጌታ ብርታት ሆነኝ ችዬው እንድወጣ (3x)

አዝ፦ ዞር ብዬ ሳየው ያሳለፍኩትን
አባጣ ጐርባጣ ጉድጓድ ገደሉን
ማመን ይሳነኛል ኃይል ከየት አገኘው
ለካ ኤልሻዳዩ ጠብቆኝ ቆሜያለሁ
ሥሙን አከብራለሁ

16/10/2022

Betty Tezera ዝም ብዬ ሳስብ ሳሰላስለው
እግዚአብሔር እንዴት ድንቅ ነው (3x)
ዝም ብዬ ሳስብ ሳሰላስለው
እግዚአብሔር እንዴት ድንቅ ነው (3x)

አዝ፦ ምሕረቱን አስቤ አቤት ስል ፍቅሩ አለ ለካ
ፍቅሩን አስቤ አቤት ስል ባርኮቱ አለ ለካ አለ ለካ
ታዲያ እንዴት አመስግኜው ልርካ (4x)

አልጠፋብሽ ያለኝ ከልቤ ውስጥ የእግዚአብሔርስ ፍቅር
አሳዳጊነቱ አባትነቱ ከህይወቴ ጀምር
ትዝታ አይደለም እያነሳሁ ምተርክለት
በርሱ አይደለም ወይ እስከ አሁኗ ድረስ ያለሁት (2x)

የእግዚአብሔር ምህረት አቤት (3x)
ሰው ወዳድነትህ አቤት (3x)
የፍቅሩ ጥልቀት አቤት (3x)
እሩህሩህነትህ አቤት አቤት አቤት (2x)

አንድ ሁለት ብዬ ውለታውን አስቤ ልቆጥር
ጥፍት ይለኛል ከየት ተነስቼ እንደምጀምር
ይህ እንኳን ብረዳኝ ቢነግርልኝ ውስጤን ቢገልጸው
እንደእግዚአብሔር ያለ የለም ብዬ ልደምድመው (2x)

እንደእግዚአብሔር የለም አቤት (3x)
ቢፈለግ ዘላለም አቤት (3x)
እንደእሱ የለም አቤት (3x)
ቢፈለግ ዘላለም አቤት አቤት አቤት (2x)

አዝ፦ ምሕረቱን አስቤ አቤት ስል ፍቅሩ አለ ለካ
ፍቅሩን አስቤ አቤት ስል ባርኮቱ አለ ለካ አለ ለካ
ታዲያ እንዴት አመስግኜው ልርካ (4x)

16/10/2022

እግሮቿን እንደ እጅ የምትጠቀመው አጃኢባ
******************

“ለታክሲ እና ለባጃጅ ክፍያ በእግሬ ገንዘብ አውጥቼ ስሰጥ ብዙዎች ያንጓጥጡኛል” - አጃኢባ ያሲን

አጃኢባ ያሲን ትባላላች፤ ስልጤ ዞን ተወልዳ፣ ከ4 ዓመት በኋላ ዕድገቷን አዲስ አበባ አደረገች።

አስቸጋሪ ሁኔታዎች እና ማኅበረሰባዊ ትችቶች ሳይበግራት ሁሉን አልፋ አሁን ላይ የ12ኛ ክፍል ፈተና በአዲስ አበባ ሳይንስ እና ቴክኖሎጂ ዩኒቨርሲቲ እየወሰደች ነው።

የአጃኢባን ሕይወት ፈታኝ ከሚያደርጉት ሁኔታዎች መካከል ሁሉንም ተግባራት በሁለት እግሮቿ ማከናወን ሲሆን እሷ ግን ምንም አካል እንዳልጎደለው ሰው ነገሮችን በቀላሉ ታከናውናለች።

“ዋናው ነገር አስተሳሰብ እና አዕምሮ ጠንካራ መሆኑ ነው” የምትለው አጃኢባ፣ የሁለቱም እጆቿ መጻፍ አለመቻል ሳይበግራት በእግሯ እየጻፈች ፈተና በመውሰድ ላይ ትገኛለች።

አጃኢባ ራሷን፣ ቤተሰቧን እና ሀገሯን ለመጥቀም እና ሕልሟን ለማሳካት ዛሬም እየተጋች ነው።

ስትወለድም ያለሁለት እጅ መሆኑን የገለጸችው አጃኢባ፣ ለአቅመ ትምህርት ስትደርስ ነርሰሪ የመማር ዕድል እንዳላገኘች ከኢቢሲ ጋር ባደረገችው ቃለ-ምልልስ ተናግራለች።

ሦስት ዓመታትን ኬጂ ለመማር ብትፈልግም ትምህርት ቤቶች ላለመቀበል ሲያንገራግሩ ቆይተው በኋላ 1ኛ ክፍል የመማር አጋጣሚን ስታገኝ ዕድሉን ተጠቅማ ትምህርት መማር እንደጀመረች ተናግራለች።

ከብዙ ወጣ ወረድ በኋላ በእግሮቿ መጻፍ እንደምትችል አባቷ ትምህርት ቤቶችን አሳምነው ትምህርቷን እንድትቀጥል ማድረግ ቻሉ።

ከ1ኛ ክፍል እስከ 12ኛ ክፍል የክፍል ባልደረቦቿ በእጃቸው ሲጽፉ አጃኢባ ግን በእግሮቿ እየጻፈች ፈተናዎችን አልፋ ወደ ሌላ ምዕራፍ ለሚያሸጋግራት ለፈተና ደርሳለች።

አጃኢባ ፈታኝ በሆኑ ሁኔታዎች አልፋ ነው ዘንድሮ ለ12ኛ ክፍል ብሔራዊ ፈተና የበቃችው።

ከ1ኛ እስከ 4ኛ ክፍል ድረስ የክፍል ባልደረቦቿ በሚጽፉበት ዴስክ ላይ ተቀምጣ በምትጽፍበት ወቅት ለመገመት የሚያስቸግሩ ከባድ ሁኔታዎችን ማሳለፏን ትናገራለች።

የመማሪያ ክፍሏ ውስጥ መቀመጫው ዝቅ ያለ፣ መጻፊያው ዴስክ ደግሞ ከፍ ያለ ስለነበረ አስቸጋሪ ከነበረው ሁኔታ የተሻለ እግሯን ከዴስኩ ጋር ደብተር ለማገናኘት እየተቸገረችም ቢሆን ትጽፋለች።

አሁን ቁጭ ብላ ለመጻፍ እንዲመች ሆኖ መቀመጫ እና መጻፊያ ዴስክ ተሠርቶላት ደብተሯን እና እስክሪፕቶዋን ለማገናኘት ብዙ አልተቸገረችም።

አጃኢባ ወደ ሁለተኛ ደረጃ ትምህርት ስትሸጋገር ትምህርት ቤቱ ከመኖሪያ ሰፈሯ ሩቅ ስለነበረ ከአንዱ ትራንስፖርት ወደ ሌላኛው ስትሄድ ረዳት ያስፈልጋት ስለነበረ ብዙ ትቸግራ እንደነበረ ትናገራለች።

በታክሲ እና በባጃጅ በምትሳፈርበት ወቅት ገንዘብ ካስቀመጠችበት በእግሯ ስትሰጣቸው ብዙዎች ስያንጎጥጧት እንደነበረ ትናገራለች።

“ጎበዝም ሰነፍም አይደለሁም” የምትለው አጃኢባ፣ በትምህርቷ አማካይ ውጤት 80 ከመቶ እንደምታስመዘግብ ገልጻ፣ መካከለኛ ተማሪ እንደሆነች ተናግራለች።

ከእህቶቿ ጋር አዲስ አበባ እንደምትኖር የምትናገረው አጃኢባ፣ የኢኮኖሚ ችግር ቢኖርባትም ከምታልመው ለመድረስ እንደማያግዳት ተስፋ በተሞላበት አንደበት ትናግራለች።

በዩኒቨርሲቲ እየተሰጠ ያለውን የ12ኛ ክፍል ብሔራዊ ፈተና ስርቆትን በመቀነስ ረገድ የሚያስገኘው ፈይዳ ቀላል እንዳልሆነ ገልጻ፣ ተማሪዎች ከቤተሰብ ተለይተው ፈተናውን መውሰዳቸው ጥንከሬን ይሰጣል ብላለች።

ለእሷ ፈተናውን ከቤተሰብ እና ከመኖሪያዋ ርቃ ማከናወኑ ረዳት በምትፈልግበት ወቅት አመቺ ሁኔታ ላይኖር ይችላል፤ ነገር ግን ችግሩን ተቋቁማ ጥሩ ደረጃ ለመድረስ እንደምትሠራ በተስፋ

16/10/2022

🚨🚨🚨

እሳት አደጋው መኪና ከተማው ውስጥ ሲገባ
እልል ያለ አቀባበል እየተደረገለት ነው:

በዛሬው እለት በቀን6/02/2015 ዓ.ም በአርባ ምንጭ ከተማ የህብረተሰቡ የረጅም ጊዜ ጥያቄ

የሆነውን እና ከከተማዋ እድገት ጋር የሚመጥን እጀግ ዘመናዊና ደረጃውን የጠበቀ የእሳት አደጋ መኪና ወደ

ከተማዋ ሲገባ ደማቅ አቀባበል እየተደረገለት ይገኛል።

🚨🚨🚨

🌴🌴🌴

16/10/2022

እጅግ ደብዝዞ የነበረው የከምባታ ህዝብ እንቁ ታሪክ እና የማህበረሰቡ #ባሀላዊ ቆሜ ፍትግያ በአጭሩ እንደሚከተለው ማብራራት ይቻላል።

የከምባታ ብሄረሰብ ያለ ማጋነን ኢትዮጵያን እንደ ሀገር ካቆሙ እና ቀደምት ነባር እና በሀገር ውስጥና በውጭ ጻሃፍት የተደገፈ ታሪክ ያለው ህዝብ ነው።

ስለከምባታ ብሄረሰብ የዘመናዊ ኢትዮጵያ ታሪክ ማነጽ እና ጥሩ ምሳሌ መሆኑን ሀገሪቱን ያስተዳድሩ ቀደምት መሪዎች መስክረዋል።

ሌላ ይቅርና የፋሽት ወራሪው ሞሶሎኒ ጦር መሪዎች ጭምር የከምባታን ፈረሰኛ እና ወታደር የሚኒሊክ ጦር ጥንካሬ ማሳያ አድርጎ ገልጿል።

በ16ኛው መቶ ክፍለ ዘመን በክርስቲያን ኢትዮጵያ ጠቅላይ ግዛት በወማ ወይም በከምባታ ንጉስ የሚመራ የራሱ መስተዳድር ወይም ጠቅላይ ግዛት ነበረው። 13ኛው እና 14ኛው መቶ ክፍለ ዘመን ከ16ኛው በፊትም ይህ ህዝብ ይታወቃል።

ስለከምባታ ብሄረሰብ መብት እና ታሪክ አበክሮ መናገር ዘረኝነት አይደለም ይልቅ ኢትዮጵያ የተዋቀረችበትን ታሪካዊ ምሶሶ እና ማገር በማረጋገጥ ህብረብሔራዊት ታላቋን ሀገር ኢትዮጵያን የመገንባት አካል ነው።

#ስለከምባታ ቆሜ አጭሩ

በዚህ የዞኑ ህዝብ አንጡረ ሀብት እና ልዩ ምልክት ላይ የተለያዩ አመለካከቶች እና የይገባኛል ሰጣእገባዎች ይስተዋላሉ።ይህ አይገርመኝም ምክንያቱም ስለከምባታ ታሪክ፣ ነጻ የብሄረሰብ ግዛት፣ የተፈጥሮ ጸጋዎች እና የቀደመ የወማ ስርዓቱ እንኳን መጻፍ የሚያሸማቅቅበት ጊዜ ትናንት ስለነበር።

ይህ ሙሉ በሙሉ የከምባታ ህዝብ ጥበብ ያፈራው እና በደም፣ በቋንቋ እና በድንባርም ጭምር የምገናኙ የሃላባ ወገኖቻችን አዘውትረው የሚጠቀሙት ስራ ነው።

ይህንን የከምባታ ቆሜ በባለቤትነት የሚያመርቱት የከምባታ ጠምባሮ ዞን የዳምባያ ወረዳ ዳቶ ዳራቦራ ቀበሌ አርሶ አደሮች ሲሆኑ አጀማመሩን በተመለከተ ከምባታ እንደህዝብ የሰፈረበት አካባቢ ደገኛ ቢሆንም በቀደመ ጊዛቱ እጅግ ሰፋፊ መሬቶች ቆላማ ቦታዎችም ጭምር ያስተዳድር ስለነበር ቀድሞ ከሰፈረበት የአምበርቾ ተራራ ዙሪያ እየተስፋፋ በመሄድ እና በሌሎች በግብርና:በንግድ እና በእደጥበባት የሚታወቀው ህዝባች ከጸሃዩ ሀሩር እራሱን ለመከላከል ቆሜ ያመርት እና ይጠቀም እንደነበር ታሪክ ያውሳል።

በዚህ የከምባታ ህዝብ የጥበብ ውጤቶች አንዱ የሆነው የከምባታ ቆሜ የመጠቀም፣ የማጌጥ እና የማስፋፋት መብት የሁሉም ተጠቃሚ ኢትዮጵያውያን ሆኖ አንድ መስተካከል ያለበት ነገር ግን ፈጠራው የኔ ነው ማለት ነው።

ከምባታ በቀደመ ታሪኩ ባህላዊ የቤት አሰራር ለአብዘኞቹ ህዝቦች አስተምሯል። ከምባታ ጎጆ ቤት የኔ ብቻ ነው አላለም።

ከምባታ ማህጸነ ለምለም ህዝብ እንደመሆኑ መጠን ከውስጡ የወጡ ምሁራን የአብዘኛው ኢትዮጵያዊ ወንድም እና እህት የትምህርት:የጤና:የእደጥበብ እና የእርሻ አስተራረስ ዘዴ አሰልጥኗል። ይህንን መካድ ንፉግ ያደርጋል።

ከምባታ በደሙ ኢትዮጵያን ሲያቃና፣ በጭንቅላቱ ድንቁርናን ስያስወግድ:በአንድነተት መንፈሱ ግን ከሁሉም ኢትዮጵያዊ ጋር ተዋልዶ ተጋብቶ ይኖራል።

ላለፉት 27 ዓመታት ኢትዮጵያ ውስጥ በጎለበተው ሰው ጠል ስርዓት በገዛ ሀገሩ ባይተዋር ጭምር ሆኖ ኖሮ ያውቃል።

ከምባታ ቆሜ የአይምሮ ውጤቴ ነው ስል የማንንም የመጠቀም መብት አይነፍግም። በቱርክ ሱሪ የሚኮራ እና ምቾት የሚሰማው ኢትዮጵያዊ በከምባታ ባህላዊ ቆሜ የሚያፍርበት እና ካልቀማሁ የሚልበት እብሪ ጭራሽ አይኖርም። ይህ ማመዛዛንን ብቻ ይጠይቃል።

''''የከምባታ ባህላዊ ቆሜ'''' በዚህ ሀገር እንደህዝብ ከታወቅንበት እና ቆላ ደጋው የቀደመ የከምባታ አስተዳደር አካል በነበረበት ወቅት እራሳችንን ከሀሩሩ ለመከላከል ስንል የፈጠርነው

16/10/2022

👉 አስተማሪ

ዶክተሩ በድንገት ተደውሎለት ለአስቸኳይ የቀዶ ህክምና በጥድፊያ ወደ ሆስፒታሉ እየገባ ነው።

በተቻለው አቅም የስልክ ጥሪውን በአግባቡ አስተናግዷል። የህክምና ልብሱን በአስቸኳይ ቀይሮ ወደ ቀዶ ጥገና ክፍል እያመራ ሳለ ኮሪደሩ ላይ የዶክተሩን መምጣት እየተንጎራደደ ይጠብቀው የነበረውን ሰው አገኘው።

"እንዴት ለመምጣት ይህን ያህል ግዜ ይፈጅብሀል? የልጄ ህይወት ልትጠፋ አደጋ ላይ እንዳለች አይታይህም? ህሊና የለህም?" ብሎ ዶክተሩ ላይ ጮኸበት።

ዶክተሩም በትንሹ ፈገግ አለና ,,,,
"አዝናለሁ ሆስፒታል ውስጥ አልነበርኩም። የስልኩን ጥሪ ከተቀበልኩ በሗላ በቻልኩት ፍጥነት እዚህ ለመድረስ ጥሬያለሁ አሁን አንተም ብትረጋጋ እኔም ስራዬን ብሰራ መልካም ነው" ብሎ ሊያረጋጋው ሞከረ።

ሰውየው ግን ,,,
"ተረጋጋ ነው ያልከው? ያንተ ልጅ ቢሆንስ አሁን እዚህ ክፍል ውስጥ ሆኖ ትረጋጋ ነበር? ልጅህ ቢሞት ምን ታደርግ ነበር?" አለ አባት በቁጣ።

ዶክተሩ አሁንም በትንሹ ፈገግ አለና እንዲህ መለሰለት
"የአምላክ ፈቃድ ይሁን። ዶክተር ህይወት ሊያራዝም ሊያጠፋም ሊተካም አይችልም ግን የቻልነውን ያህል እንጥራለን። እንደ አምላክ ፍቃድ ልጅህም ይድንልሀል አንተ ብቻ ተረጋጋ" አለው አሁንም ፈገግ እያለ።

ሰውየውም ,,,
" ባልገቡበት ጭንቀት አስተያየትና ምክር መስጠት ቀላል ነው" እያለ አጉረመረመ። ቀዶ ጥገናውም የተወሰነ ሰዓታትን ወስዶ በሰላም ተጠናቀቀ ዶክተሩ በደስታ እየተጣደፈ ከቀዶ ጥገናው ክፍል ውስጥ ወጣ።

ለአባትየውም ,,,,
"ፈጣሪ ይመስገን ልጅህ ተርፏል።" ብሎት የአባትየውን መልስ ሳይጠብቅ "ማንኛውም ጥያቄ ካለህ ሌሎች ረዳት ዶክተሮችን መጠየቅ ትችላህ።" ብሎት ዶክተሩ መንገዱን በሩጫ ቀጠለ።

የልጁም አባት "ለምንድነው ዶክተሩ እንደዚህ ስሜታዊና ችኩል የሆነው? ምናለ አሁን አንድ ደቂቃ ስለ ልጄ ሁኔታ ብጠይቀው?" ሲል ተናገረ።

ይህን የሰማችው ነርስ እንባ በጉንጮቿ እየጎረፈ ,,,,
"ትላንት ነበር የዶክተሩ ልጅ በመኪና አደጋ የሞተው። ለልጅህ ህክምና ስንደውልለት የልጁ ቀብር ላይ ነበር አሁን ያንተን ልጅ ህይወት ታደገ የራሱን ልጅ ደግሞ የቀብር ስርዓት ሊጨርስ በሩጫ ሄደ።" አለችው።

አባት ከሰዓታት በፊት ዶክተሩ ያሳየውን ፈገግታ እያሰበ ተንሰቀሰቀ። የፀፀት ለቅሶ

አንድ ሰው ምን ዓይነት ሁኔታ ላይ እንዳለ ሳታውቅ
ለመፍረድ አትቸኩል

"ቀድሞ መፍረድ ለህሊና ፀፀት ይዳርጋል"
⛲⛲ምንጭ አንድ ለመንገድ