Mizan Teferi Official

29/04/2024

ለምለሚቷ ሚዛን-አማን ከተማ 🏙️ በከፍተኛ የእድገትና ልማት📈 ጎዳና ላይ።

17/04/2024

የሚዛን አማን ከተማ አስተዳደር ማዘጋጃቤታዊ አገልግሎት ማዘመኛ ዲጂታላይዝ ሶፍትውየር ሲስተም ማስጀመሪያ መርሃግብር ተካሄደ።

ሚዛን አማን ሚያዚያ 9/2016 ዓ/ም የሚዛን አማን ከተማ አስተዳደር ማዘጋጃቤታዊ አገልግሎት ማዘመኛ ዲጂታላይዝ ሶፍትዌር ሲስተም ማስጀመሪያ መርሃግብር ተካሄደ።

ማዘጋጃ ቤቱ በ2015 ዓ/ም ከመሃመድ አሚን አባቡና ጓደኞቹ የሶፍትዌር ዲዛይንና ልማት ስራ ኢንተርፕራይዝ ጋር የመግባቢያ ስምምነት በመፈራረም የተቋሙን መረጃዎች ለማዘመን ወደ ሲስተም የማስገባት ስራዎች ሲሰሩ መቆየታቸው ተገልጿል።

በተቋሙ አገልግሎቱን ያስጀመሩት የደቡብ ምእራብ ኢትዮጵያ ህዝቦች ክልላዊ መንግስት ከተማልማትና ኮንስትራክሽን ቢሮ ሃላፊ ተወካይና የመሬት ልማት ማናጅመንት ዘርፍ ሃላፊ አቶ ጫናቸው ወንድሙ፣ የሚዛን አማን ከተማ ከንቲባ አቶ ግሩም ተማም፣ በከተማና መሰረተ ልማት ሚኒስቴር የከተማ አመራር አቅም ግንባታ ዴስክ ሃላፊ አቶ ተካ በቀለን ጨምሮ የክልሉ ከተማ ልማትና ኮንስትራክሽን ቢሮ የዘርፍ ሃላፊዎች፣ የማዘጋጃ ቤት ስራ አስኪያጆችና ከፍተኛ የመንግስት የስራ ሃላፊዎች ተገኝተዋል።

ፕሮግራሙን አስመልክቶ ገለጻ ያደረጉት የሚዛን አማን ከተማ ማዘጋጃ ቤት ስራ አስኪያጅ አቶ አሰፋ ቤሪ ተቋሙ ከወረቀት አሰራር በመውጣት የአገልግሎት አሰጣጥ ማዘመኛ ሶፍትዌር በመጠቀም ዘመናዊ አሰራር ለመከተል የቅድመ ዝግጅት ስራዎች ሲሰሩ መቆየታቸውን አብራርተዋል።

በዋና ማዘጋጃ ቤትና በቀበሌ ማዘጋጃ ቤቶች መረጃዎችን ወደ ሲስተም የማስገባት ስራዎች ሲሰሩ መቆየታቸውን የገለጹት ዋና ስራ አስኪያጁ በዚህም ከ20 ሺህ በላይ ህጋዊ ሰነድ ያላቸውን መረጃዎች ወደ ሲስተም በማስገባት በዛሬው እለት አገልግሎቱን ማስጀመር ተችሏል ብለዋል።

ሲስተሙ በማዘጋጃ ቤት ዘመናዊ አሰራር ለመዘርጋት የሚያስችል ከመሆኑም በላይ የፋይል መጥፋት፣ መበላሸትና የባለጉዳይ መጉላላትን ጨምሮ ብልሹ አሰራሮችን የሚያስቀር መሆኑ ተገልጿል።

የተቋሙ የአገልግሎት አሰጣጥ ስታንድራድ ምልከታ የተካሄደ ሲሆን ከመረጃ ክፍል ጀምሮ የቡድን መሪዎችና ስራ አስኪያጅ ድረስ የተሳሰረ ሲስተም መዘርጋቱ ተጠቁሟል።

ማዘጋጃ ቤቱ በተወሰኑ የስራ ክፍሎች ደንበኞችን ለማገልገል በሚያስችል መልኩ ለተመሳሳይ አገልግሎት የሚሰጡ ባለሙያዎች ተመሳሳይ አለባበስ እንዲከተሉ የጀመራጀው ስራዎች መኖራቸው ተጠቅሷል።

10/04/2024

"ህዝበ ሙስሊሙ በጾም ወር የፈፀሙትን የአንድነት፥ የእዝነት፥ የመረዳዳት እና ሌሎች በርካታ መልካም እሴቶች አጠናክሮ ማስቀጠል ይገባለ" አቶ ሀብታሙ ካፍትን

1ሺህ 445ኛው የኢድ አል ፈጥር በዓል በቤንች ሸኮ ሚዛን አማን ከተማ አደባባይ ላይ በድምቀት ተከብሯል።

የቤንች ሸኮ ዞን ዋና አስተዳዳሪ አቶ ሀብታሙ ካፍትን በሰላት ስግደት መርሃ ግብር ተገኝተው ባስተላለፉት መልዕክት የረመዳን ወር በሕዝበ ሙስሊሙ ዘንድ ከሌሎች ወራት የሚለይበት ምክንያት የሰዎች ጥሩ ስብዕና የሚታይበት፣ ለወገን መድረስ፣ ሰውአዊ ስብዕና የሚጎላበትና ከፈጣሪያቸው ጋር የሚኖረው ግንኙነት የሚጠናከርበት በመሆኑ ነው።

የኢድ ዕለትም በረመዳን የጾም ወር የፈፀማችሁትን የአንድነት፥ የእዝነት፥ የመረዳዳት እና ሌሎች በርካታ መልካም እሴቶች አጠንክራችሁ፥ በቀጣይ የዕለት ተዕለት ኑሯችሁ ውስጥ ለማስቀጠል ለራሳችሁ ቃል የምትገቡባት ልዩ ቀን ናት ሲሉ አቶ ሀብታሙ ጠቁመዋል።

ሕዝበ ሙስሊሙ ከሌሎች ኢትዮጵያውያን ወገኖቹ ጋር በመሆን የኢትዮጵያን ሠላምና አንድነት ለማፅናት የዜጎችን ሁለንተናዊ ብልፅግና ለመረጋገጥ እያበረከተ ያለውን ዘርፈ ብዙ አስተዋጽዖ አጠናክሮ እንዲቀጥልም ሲሉ አቶ ሀብታሙ ተናግረዋል።

ኢትዮጵያ የተለያዩ እምነት ተከታዮች ያሉባት እንደመሆኗ ሁሉም ኢትዮጵያዊያን የመለያየት መንፈስን በማስወገድ በመረዳዳት፣ በመዋደድና በመቻቻል መኖር እና የተጀመረው የሀገር ብልፅግና እውን ማድረግ ይኖርባቸዋል ሲሉ ዋና አስተዳዳሪው አሳስበዋል።

አቶ ሀብታሙ አክለውም እርስ በእርሳችን በመደማጥና በመከባበር እንዲሁም የሀይማኖት መሪዎች የሚሉትን በመፈፀም ብሎም የሃይማኖት አባቶች፣ ዱዓቶች፣ ኡላማዎች፣ በማህበረሰቡ ዘንድ ተደማጭነት ያላቸው ሰዎች በመተባበር ሕዝቡን በመልካም መንገድ የመምራት ኃላፊነታቸውን መወጣት ይጠበቅባቸዋል ብለዋል።

የቤንች ሸኮ ዞን እስልምና ጉዳዮች ምክር ቤት ፕረዚዳንት አቶ መሀመድ አህመድ በበዓሉ ላይ ባስተላለፉት መልዕክት የረመዳን ወር ለህዝበ ሙስሊሙ ከሃይማኖታዊ ዝለት መታደሻ ልዩ ወር መሆኑን ተናግረዋል።

ወሩ የጀነት በሮች የሚከፈቱበት ፣የጀሀነም በሮች የሚዘጉበት፣ ሸይጧን የሚታሰሩት ፣ቁርዓን የወረደበት በናፍቆቶ የሚጠበቅ ወር ነው ሲሉ ተናግረዋል ።

በፆሙ ወቅት ሲተገበር የቆየውን መልካም ሥራ በሌሎች ጊዜያትም አጠናክሮ የመቀጠል ሃይማኖታዊ ግዴታ እንዳለበት አመላክተዋል።

የዛሬውን የኢድ አል ፈጥር በዓልን ከአቅመ ደካሞችና ችግረኞች ጋር በማክበር ከፈጣሪ ሰማያዊ ዋጋ እንዲያገኙ ጭምር አሳስበዋል።

የሚዛን አማን ከተማ አስተዳደር ከንቲባ አቶ ግሩም ተማም በበኩላቸው ረመዳን በዓለም ዙሪያ ላሉ ሙስሊሞች ልዩ ወር መሆኑን ጠቁመው በፆሙ ከምግብና ከውሃመራቅ ብቻ ሳይሆን ደግነት ፣መረዳዳት፣ ለተቸገረ መርዳት በመሆኑ በሌሎች ወራትም ይህ መቀጠል ይገባዋል ብለዋል።

አንዳንድ የግል ፍላጎታቸውን መሠረት በማድረግ የሀይማኖቱ አስተምሮ በማይገልፅ መልኩ መከፋፈልን የሚያመላክቱ ነገሮችን ይዘው የሚመጡትን ትክክል አይደለም በማለት አንድነታችሁን ማጎልበት ይገባችኋል ሲሉ አቶ ግሩም ተናግረዋል ።

አቶ ግሩም አክለውም የከተማው የእምነቱ ተከታዮች በረመዳን ወር የተጀመረውን መልካም ሥራዎችን በቀሪ ወራትም እንድታስቀጥሉ ይሁን ብለዋል።

በመርሃ ግብሩ ላይ የቤንች ሸኮ ዞን የመንግስት ዋና ተጠሪ አቶ ደግፌ ኩድንን ጨምሮ ሌሎች የከተማና የዞን አመራሮች ታድመዋል።

07/04/2024

በሚዛን አማን ከተማ አስተዳደር ጤና ጽህፈት ቤት በኤች አይ ቪ ተጋላጭ ወገኖች ምርመራና ህክምና ዙሪያ ትኩረት ያደረገ ስልጠና በዘርፉ ለሚሰሩ ባለሙያዎች መሰጠቱ ተገለጸ።

ሚዛን አማን መጋቢት 29/2016 ዓ/ም የሚዛን አማን ከተማ አስተዳደር ጤና ጽህፈት ቤት ከሚዛን ቴፒ ዩኒቨርሲቲ ማስተማሪያ ሆስፒታል፣ ከሚዛንና ጋቸብ ጤና ጣቢያና በከተማው በሚገኙ አጋር ድርጅቶች ለተወጣጡና በዘርፉ ለሚሰሩ የጤና ባለሙያዎች የግንዛቤ ማስጨበጫ ስልጠና መስጠቱ ተገለጸ።

ስልጠናውን አስመልክቶ ገለጻ ያደረጉት የከተማ አስተዳደሩ ጤና ጽህፈት ቤት ሃላፊ አቶ ወንድሙ አይሳ እንደገለጹት ስልጠናው በኤች አይ ቪ ምርመራና ህክምና፣ በኤች አይ ቪ ቅድመ መከላከያ መድሃኒት አሰጣጥ፣ ራስን በራስ መመርመርና በበሽታው የተያዙ ሰዎች ያላቸውን የግንኙነት ሰንሰለት በመጠቀም አንዱ ሌላውን ወደ ጤና ተቋም የሚያመጣበትን አሰራር መዘርጋት ላይ ያተኮረ ነው ብለዋል።

ለሁለት ተከታታይ ቀናት የተሰጠው ስልጠና ለኤች አይ ቪ ይበልጥ ተጋላጭ የሆኑ ሴተኛ አዳሪዎች፣ የረጅም ርቀት አሽከርካሪዎች፣ የቀን ሰራተኞች፣ ኤች አይ ቪ በደማቸው የሚገኙ የህብረተሰብ ክፍሎችን ለይቶ በመመርመርና ለማከም በሚያስችል መልኩ የተሰጠ መሆኑን በሚዛን ጤና ጣቢያ የኤች አይ ቪ ክሊኒካል ዘርፍ የህክምናና አገልግሎት አስተባባሪ አቶ የማታው አራጌ ገልጸዋል።

የሚዛን አማን ከተማ አስተዳደር ጤና ጽህፈት ቤት ዘርፈ ብዙ የኤች አይ ቪ መከላከልና መቆጣጠር አስተባባሪ አቶ ዘካርያስ ዘውዴ በበኩላቸው ስልጠናው ባለሙያዎች ቀደም ሲል የነበራቸውን እውቀት የሚያዳብሩበትና ከጤና ጥበቃ ሚኒስቴር ጀምሮ የወረዱ አዳዲስ የመከላከልና ህክምና አዳዲስ አገልግሎቶችንና እውቀቶችን ለማግኘት የሚያስችል መሆኑን ጠቁመዋል።

ቫይረሱ ካለው ከፍተኛ ስርጭት አኳያ የጤና ባለሙያዎች በትኩረት፣ ተነሳሽነትና ሃላፊነት ስሜት በጤና ተቋማትና በማህበረሰብ ደረጃ ስርጭቱን መቀነስ በሚቻልበት ዙሪያ ሰፊ ግንዛቤ መፍጠር መቻሉንም አቶ ዘካርያስ አክለው ገልጸዋል።

በሚዛን ቴፒ ዩኒቨርሲቲ ማስተማሪያ ሆስፒታል የዘርፉ አስተባባሪ የሆኑት ወ/ሮ ራሄል ቸርነት በበኩላቸው የተሰጠው ስልጠና አዳዲስ አሰራሮችን በመጨመር በዘርፉ ውጤታማ ስራ ለመስራት ከፍተኛ እገዛ የሚያደርግ መሆኑን ጠቅሰዋል።

በሆስፒታሉ በየወሩ ከ 20 በላይ በቫይረሱ የሚያዙ ሰዎች የሚገኙ መሆናቸውን የገለጹት ባለሙያዋ ይህም በቀጣይ ሰፊ ስራ የሚጠበቅ መሆኑን ያሳያል ብለዋል።

ከስልጠና ተሳታፊዎች መካከል በሚዛን ጤና ጣቢያ የጸረ አረች አይ ቪ ክትትል ባለሙያ ሲ/ር ጀሚላ አህመድ በሰጡት አስተያዬት በሽታው እየተስፋፋ ቢሆንም በማህበረሰቡ ዘንድ የተሰጠው ትኩረት ዝቅተኛ ከመሆኑም በላይ በምርመራ ራሳቸውን ለማወቅ ወደ ጤና ተቋማት የሚመጡ ሰዎች ቁጥር ዝቅተኛ መሆኑን ጠቁመዋል።

በስልጠናው በቫይረሱ የተያዙ የማህበረሰብ ክፍሎች ጤናማ የኑሮ ዘይቤ የሚያገኙበትን ሂደት ለመፍጠር ወደ ጤና ተቋም በመሄድ የህክምና አገልግሎት የሚያገኙቀትን ሂደት ለመፍጠር ከፍተኛ ግብአት የተገኘበት መሆኑ ተጠቅሷል።

ስልጠናው ውጤታማና በቀጣይ ስራቸው ላይ ተነሳሽነትን የፈጠረ መሆኑን የስልጠናው ተሳታፊዎች ገልጸዋል።

ስልጠናው የከተማ አስተዳደሩ ጤና ጽህፈት ቤት ዘርፈብዙ የኤች አይ ቪ መከላከልና መቆጣጠር ስራ ሂደት ከሲዲሲ አስተባባሪዎች ጋር በመተባበር ከግሎባል ፈንድ በተገኘ የበጀት ድጋፍ መሰጠቱ የተገለጸ ሲሆን በቀጣይም ተጠናክሮ የሚቀጥል መሆኑ ተመላክቷል።

23/02/2024

የሚዛን አማን ከተማ ከንቲባ አቶ ግሩም ተማምን ጨምሮ የከተማ አስተዳደሩ አስተባባሪዎች ከፌደራል ከክልልና ከተማ አስተዳደር ከተወጣጡ የምክር ቤት አባላት ጋር ተወያዩ።

ሚዛን አማን የካቲት 15/2016 ዓ/ም የሚዛን አማን ከተማ ከንቲባ አቶ ግሩም ተማምን ጨምሮ የከተማ አስተዳደሩ አስተባባሪዎች ከፌደራል ከክልልና ከተማ አስተዳደር ከተወጣጡ የምክር ቤት አባላት ጋር ከዚህ በፊት በህዝብ የተነሱ የልማትና የመልካም አስተዳደር ጥያቄዎች ዙሪያ ተወያዩ።

በውይይቱ የኢፌድሪ የህዝብ ተወካዮች ምክር ቤት አባል የተከበሩ ወ/ሮ እየሩሳሌም ሌዊና የክሉ ምክር ቤት አባልና የከተማና መሰረተልማት ቋሚ ኮሚቴ ሰብሳቢ የሆኑት ወ/ሮ አሰገደች ወልደዬስ፣ የሚዛን አማን ከተማ አስተዳደር አፈጉባኤ የተከበሩ አቶ መብራቱ ቂቃና ምክትል አፈጉባኤ ክብርት ወ/ሮ ኤርትራ ሰይፉ ተገኝተዋል።

በውይይቱ ከዚህ በፊት በከተማ አስተዳደሩ በህዝብ የተነሱ ዋና ዋና የመልካም አስተዳደር ጥያቄዎች የተፈቱበትን አግባብ እና በሂደት ላይ ያሉ ጉዳዮችን እንደ ፓርላማ ምላሽ ያገኙትን በዝርዝር ለይተዋል።

የምክር ቤት አባላቱ አሁንም ከተማው የመልካም አስተዳደር ችግሮችን ለይተው የተወያዩ ሲሆን በቀጣይ ከሚመለከታቸው አካላት ጋር መክረው መልስ ይዘው እንደሚመጡ አስቀምጠዋል።

በውይይቱ በዋናነት የመብራት መቆራረጥ፣ የኔትወርክ ችግር፣ የሚዛን አማን ከፍተኛ የውሃ መስመር ስራ በክልልና በፌዴራል የሚገነቡ ጤና ጣቢያዎች የአስፓልት መንገድ ብልሽቶች፣ የወባ ወረርሽኝ፣ የመድኃኒት እጥረት የመሳሰሉት ጉዳዮች በፍጥነት መፈታት እንዳለባቸው አስተባባሪ ኮሚቴ ጋር ውይይት ተደርጎ ለሚመለከታቸው አካላት እንዲያደርሱና የመፍትሔ የመፍትሄ አካል በመሆን በጋራ እንደሚሰሩ መግባባት ተደርሷል።

የከተማ አስተዳደሩ አስተባባሪዎችም ከህዝብ የሚነሱ ጥያቄዎችን ለመፍታት በቁርጠኝነት እንደሚሰሩና በየደረጃው የሚገኙ የምክር ቤት አባላት ክትትልና ድጋፍ ተጠናክሮ መቀጠል እንዳለበት ጠቁመዋል።

12/02/2024

ለምለሚቷ #ሚዛን-አማን በፈጣን ዕድገት ላይ** እስኪ በቃላት ግለጿት...

31/01/2024

የወባ ወረርኝኝን ለመከላከል፣ ለመቆጣጠርና ከተማዋን ውብና ማራኪ ለማድረግ የጽዳት ዘመቻ ተካሄደ።

ሚዛን አማን ጥር 22/2016 ዓ/ም የወባ ወረርኝኝን ለመከላከል፣ ለመቆጣጠርና ከተማዋን ውብና ማራኪ ለማድረግ የጽዳት ዘመቻ ተካሄደ።

የጽዳት ዘመቻው በከተማ የተከሰተው የወባ ውረርሽኝ ለመከላከልና ለመቆጣጠር በተወሰነው መሰረት ማህበረሰቡ በሳምንት አንድ ቀን የአካባቢ በመፅዳት የተሻለ ወብና ማረኪ ከተማ ለማድረግ መሆኑ ተገልጿል።

በዘመቻው የክልልና የከተማ አስተዳደር ከፍተኛ አመራሮች፣ የቀበሌ አመራሮችና ባለሙያዎች፣ የከተማ ልማታዊ ሴፍትኔት ሰራተኞችና ህብረተሰቡ ተሳታፊ መሆኑ ተነግሯል።

የወባ ወረርሽኝን ለመከላከልና ለመቆጣጠር አካባቢን ማጽዳት፣ ውሃ የሚያቁሩ ቦታዎችን በማፋሰስ፣ ኬሚካል በመርጨትና የአጎበር አጠቃቀምን በማጠናከር፣ ምርመራና ህክምና ማጠናከር ማህበረሰቡን ባሳተፈ መልኩ በአራቱም በቀሌ በአስራ ሁሉቱ ቀጠና የከተማ ከፈተኛ አመራር የቀበሌ አመራርና የጤና ሴክተሩ ሁሉም የተቀናጀ የጽዳት ዘመቻ ስራ ተጠናክሮ ይቀጥላል ተብሏል።

26/01/2024

የከተማና መሰረተልማት ሚኒስቴር ግምቱ ከ4.8 ሚሊዮን ብር በላይ የሆነ ዘመናዊና ለአረንጓዴ ልማት ስራ የሚውል መኪና ለሚዛን አማን ከተማ አስተዳደር በስጦታ አበረከተ።

ሚዛን አማን ጥር 17/2016 ዓ/ም የሚዛን አማን አተማ አስተዳደር ከከተማና መሰረተ ልማት ሚኒስቴር በተገባው ቃል መሰረት ግምቱ 4.8 ሚሊየን ብር በሆነ ወጪ የገዛውን ለአረንጓዴ ልመት ስራ የሚውል የውሃ ማጠጫ ባለ 10 ጎማ ዘመናዊ መኪና በዛሬው እለት መረከቡ ተገለጸ።

መኪናውን የሚዛን አማን ከተማ ከንቲባ አቶ ግሩም ተማም በሚኒስቴር መስሪያ ቤቱ ተገኝተው ተረክበዋል።

የከተማና መሰረተልማት ሚኒስቴር ሚኒስትር ወ/ሮ ጫልቱ ሳኒ በገቡት ቃል መሰረት ግዥ ተፈጽሞ ለሚፈለገው አላማ እንዲውል በማድረጋቸው የሚዛን አማን ከተማ ከንቲባ አመስግነዋል።

ይህ መኪና አማን የቀድሞ አየር ማረፊያ ላይ የሚሰራው የሲቲ ፓርክ ፕሮጀክት አካል መሆኑ የተገለጸ ሲሆን ለአረንጓዴ ልማትና በከተማችን የእሳት አደጋ መኪና እስኪዘጋጅ ለድንገተኛ የእሳት አደጋ አገልግሎት መስጠት የሚቺል አቅም እንዳለው ተጠቁሟል።

13/01/2024

#ሚዛን #አማን ጥር 04/2016 ዓ/ም
የሚዛን አማን ከተማ አስተዳደር ከፍተኛ አመራሮች በሚዛን የትራክተር መገጣጠሚያ ፋብሪካ እየተሰሩ ያሉ ስራዎችን ተዘዋውረው ጎበኙ።
የሚዛን አማን ከተማ ከንቲባ አቶ ግሩም ተማም፣ የከተማ አስተዳደሩ ብልጽግና ፓርቲ ጽህፈት ቤት ሃላፊ አቶ በላቸው ጎንደርና በፓርቲው የርእዮተ ዓለም ዘርፍ ሃላፊ አቶ ምትኩ ጢሞቲዮስ ናቸው የሚዛን ትራክተር ፋብሪካን የስራ እንቅስቃሴ ምልከታ ያደረጉት።

ከፍተኛ አመራሮቹ ሚዛን ትራክተር ፋብሪካ በፍጥነት ወደ ስራ በመግባት ፋብሪካው የሚገነባበትን ቦታ ለማስተካከልና ሼድ ለመገንባት እያደረገ ያለውን ጥረት አድንቀዋል።

06/01/2024

የሚዛን አማን ከተማ ከንቲባ አቶ ግሩም ተማምና የብልጽግና ፓርቲ ጽህፈት ቤት ሃላፊ አቶ በላቸው ጎንደር የገና በአልን ምክንያት በማድረግ ለመከላከያ ቤተሰቦችና አረጋውያን መአድ አጋሩ።

ሚዛን አማን ታህሳስ 27/2016 ዓ/ም የሚዛን አማን ከተማ ከንቲባ አቶ ግሩም ተማም፣ የብልጽግና ፓርቲ ጽህፈት ቤት ሃላፊ አቶ በላቸው ጎንደርና ከከማ አስተዳደሩ ሴቶች ህፃናት ወጣቶችና ማህበራዊ ጉዳይ ጽህፈት ቤት ሃላፊ ወ/ሮ ትዕግስት ለማ የገና በአልን ምክንያት በማድረግ ለመከላከያ ቤተሰቦችና አረጋውያን መአድ አጋሩ።

መአድ የማጋራት ፕሮግራሙ ከ4 ቀበሌዎች ለተወጣጡና በመከላከያ ሰራዊት ህይወታቸውን ላጡ ቤተሰቦች መሆኑ ተገልጿል።

በእለቱ ከ100 በላይ ለሚሆኑ የመከላከያ ቤተሰቦችና አረጋውያን ለእያንዳንዳቸው 3 ሊትር ዘይትና 5 ኪሎግራም ዱቄት ድጋፍ ተደርጓል ተብሏል።

እለቱን አስመልክቶ መልእክት ያስተላለፉት የሚዛን አማን ከተማ ከንቲባ አቶ ግሩም ተማም እንደገለጹት የተደረገው ድጋፍ በቂ ባይሆንም መንግስት ከጎናችሁ እንደሆነና አብሮነታችንን ለማሳየት ታስቦ የተዘጋጀ ነው ብለዋል።

የከተማ አስተዳደሩ ሴቶች ህፃናት፣ ወጣቶችና ማህበራዊ ጉዳይ ጽህፈት ቤት ሃላፊ ወ/ሮ ትዕግስት ለማ በበኩላቸው በርካታ ድጋፍ የሚፈልጉ አረጋውያን፣ አቅመ ደካሞችና ወላጅ አልባ ህጻናት በመኖራቸው የሚደረገው ድጋፍ ተጠናክሮ ሊቀጥል ይገባል ብለዋል።

በእለቱ የተደረገው ድጋፍ በጽህፈት ቤቱና በቀበሌዎች አማካኝነት ከባለሃብቶችና ከህብረተሰቡ የተገኘ መሆኑም ተገልጿል።

በእለቱ ለእህትማማቾች የህፃናትና አረጋውያን ማህበር 1 ካርቶን ዘይት፣ 1 ኩንታል ዱቄት፣ የገንዘብና የምግብ ቁሳቁሶች ድጋፍ መደረጉ የተገለጸ ሲሆን በማእከሉ 8 ህጻናትና 5 ትላልቅ ሰዎች ድጋፍ እየተደረገላቸው የሚገኙ መሆኑ ተጠቅሷል።

ማእከሉ ተጥለው የተገኙ ህጻናት የሚረዱበትና አረጋውያንም የሚጦሩበት ማእከል መሆኑ የተጠቀሰ ሲሆን ከቅርብ ጊዜ ወዲህ ለማእከሉ የሚደረገው ድጋፍ እየቀነሰ በመሆኑ መንግስታዊ፣ መንግስታዊ ያልሆኑ ድርጅቶች፣ ባለሃብቶች፣ አመራሩና ፐብሊክ ሰርቫንቱ ድጋፍ ማድረግ እንዳለበት ጥሪ ቀርቧል።

28/12/2023

የሚዛን አማን ከተማ አስተዳደር የመሰረተ ልማት ኮሚቴ በኮሚቴው ታቅደው የሚተገበሩ የልማት ስራዎችና የመልሶማ ልማት ስራዎችን ተዘዋውረው ጎበኙ።

ሚዛን አማን ታህሳስ 18/2016 ዓ/ም የሚዛን አማን ከተማ አስተዳደር ከንቲባ አቶ ግሩም ተማም የተመራ የከተማ አስተዳደሩ የመሰረተ ልማት ኮሚቴ በኮሚቴው ታቅደው የሚተገበሩ የልማት ስራዎችና የመልሶ ማልማት ስራዎችን ተዘዋውረው ምልከታ አደረጉ።

ኮሚቴው በመጀመሪያው ዙር ታሪካዊ ይዘቱን በጠበቀ መልኩ የአረንጓዴ ልማትና የእግረኛ ማቋረጫ ለማስገንባት የጫረታ ሂደቱ የተጠናቀቀውን የአማን የቀድሞ አውሮፕላን ማረፊያ ምልከታ ያካሄደ ሲሆን በመጀመሪያው ዙር በሚተገበሩ ስራዎች ዙሪያ አስተያዬት ሰጥቷል።

በሚዛን ሁለቱ አደባባዮች የአካባቢውን ባህል በሚገልጽና የሚዛን አማን ከተማን የወደፊት ምልክት ሊሆን የሚችል አደባባይ በሚገነባበት ዙሪያ ኮሚቴው ሙያዊ አስተያዬት ሰጥቷል።

በከተማ አስተዳደሩ በመልሶ ማልማት በባለሃብቱ እየተገነቡ የሚገኙ የመሰረተልማት ስራዎች ምልከታ የተካሄደ ሲሆን ከተማዋን ለማሳደግ የደቀቁ ቤቶችን በመልሶ ማልማት በመቀየር እየተሰሩ ያሉ ስራዎች ተጠናክረው መቀጠል እንዳለባቸውና ኮሚቴው የራሱን እገዛ እንደሚያደርግ ተጠቁሟል።

23/12/2023

ለመጀመሪያ ጊዜ በሀገራችን ስያሚ የተሰጠው ትራክተር በሚዛን አማን ተገጣጥም በተለያዩ የሀገሪቱ ክፍሎች ለማሰራጨት ስራ መጀመሩ ተገለፀ።
ስያሜውን በከተማችን ስም ያደረገው "ሚዛን ትራክተር" በከተማችን ተገጣጥም በተለያዩ የሀገሪቱ ክፍሎች ለማሰራጨት ቅድመ ዝግጅት ተጠናቅቆ ወደ ስራ መገባቱ ተገልጿል።

ዳግም ኬኔዲ ጠቅላላ ንግድ ስራ ድርጅት ከግሎባል ባንክ ኢትዮጵያ ጋር በጋራ ለመስራት ያለመውን ኘሮጀክት ከሚዛን አማን ከተማ አስተዳደር የተረከበው 4 ሄክታር መሬት ላይ ስራውን ለመጀመር ታህሳስ 12/2016 ዓ.ም በካፒታል ሆቴል ይፋ አድርጓል።

በመርሐ ግብሩ ላይ የተገኙት የደቡብ ምዕራብ ኢትዮጵያ ህዝቦች ክልል ብልፅግና ፓርቲ ቅርንጫፍ ጽ/ቤት ሀላፊ አቶ ፀጋዬ ማሞ እንደገለፁት አሁን ላይ ሀገራችን በግብርና ዘርፉ የጀመረችውን መነቃቃት በከፍተኛ ደረጃ የሚያግዝ ነው ብለዋል።

በተለይም "ሚዛን ትራክተር" የደቡብ ምዕራብ ኢትዮጵያ ህዝቦች ክልል መገጣጠሙ በክልሉ ብሎም በሀገሪቱ የትራክተር እጥረትን የሚያስቀር በመሆኑ ልዩ እድልም ነው ብለዋል።

የሚዛን አማን ከተማ አስተዳደር ዋና ከንቲባ አቶ ግሩም ተማም በበኩላቸው ትራክተሩ ህብረብሔራዊት ከተማ በሆንችሁ ሚዛን አማን ላይ መገጣጠሙ ደስ ብሎናል ብለዋል።

በከተማው ለሚመጡ የትኛውም አልሚ ባለሀብቶች በሩ ክፍት መሆኑን የገለፁት ከንቲባው ለእንደነደዚህ አይነት ትልልቅ ፕሮገክቶች የሚደረጉ ድጋፎች ተጠናክረው የሚቀጥሉ መሆናቸውን ገልጸዋል።

ዳግም ኬኔዲ ጠቅላላ ንግድ ስራ ድርጅት እንደ ኢትዮጵያ አቆጣጠር ከተመሠረተበት 2004 ጀምሮ ኢትዮጵያ ውስጥ በከፍተኛ ኢንቨስትመንት ባቋቋመው ዘመናዊ የማሽን ቴክኖሎጂ ዘርፍ ላይ እየሰራ የሚገኝ ሀገር በቀል ተቋም ሲሆን ለበርካታ ዜጎች የስራ እድል ከመፍጠሩም በላይ፣ የሀይል አቅርቦትን በማሳደግ ፣ ግብርናውን በማዘመን እንዲሁም የግንባታ ግብዓትን በሀገር ውስጥ በሟሟላት በኩል ከፍተኛ አስተዋፅአ እያበረከተ ይገኛል።

ድርጅቱ በከተማችን በከፍተኛ ካፒታል ግዙፍ የትራክተር መገጣጠሚያ ፋብሪካ ግንባታ ማስጀመር ላይ ይገኛል።

ይህ የትራክተር መገጣጠሚያ ፋብሪካ ላለፉት አምስት አመታት በዘርፉ ጥናት በማድረግ የተቋቋመ ሲሆን የኢትዮጵያ መልካምድርን ታሳቢ ተደርገው የሚገጠሙት ትራክተሮች ኢትዮጵያዊ ስያሜ ያላቸው እና የመለዋወጫ እቃዎች ግብአት ከነባለሙያው በተመጣጣኝ ዋጋ ለአርሶ አደሩ በአካባቢው እንዲያገኝ የሚያደርግ መሆኑ ተጠቁሟል።

ዳግም ኬኔዲ ጠቅላላ ንግድ ስራ ድርጅት "ሚዛን "በሚል ስያሜ የሚገጣጥማቸው ትራክተሮች ለአርሶአደሩ በተመጣጣኝ ዋጋ እና የብድር አማራጭ ለማቅረብ ከግሎባል ኢትዮጵያ ባንክ ጋር በጥምረት በመስራት ላይ የሚገኝ መሆኑ ታውቋል።

በተጨማሪም « ሚዛን » በሚል የከተማው ስያሜ የተሰጠው ትራክተር እንዲሁም ጄኔሬተር እና ፓምኘ ገቢያ ላይ ለማስተዋወቅ በፊልም ስራዎቹ እና በቴሌቪዥን ኘሮግራም አቅራቢነት እንዲሁም የማስታወቂያ ባለሙያ የሆነው ሁሉገብ አርቲስት ነጻነት ወርቅነህ ለቀጣዮቹ 12 ወራቶች ለመስራት ባሳለፍነው ማክሰኞ ታህሳስ 9 ቀን 2016 ዓ.ም ስምምነት ላይ በመድረስ የድርጅቱ ብራንድ አምባሳደር ሆኖ ተሾሟል።

22/12/2023

#በደቡብ #ምዕራብ ክልል #በሚዛን አማን ከተማ በከፍተኛ ካፒታል ግዙፍ መገጣጠሚያ ፋብሪካ ሊገነባ ነው🚜 🚜

በብድር ላይ የተመሠረተ የትራክተር እና የእርሻ 🚜 መሣሪያዎችን አቅርቦት ኘሮጀክት ላይ ለመስራት #ዳግም #ኬኔዲ ጠቅላላ ንግድ ስራ ድርጅት ከግሎባል ባንክ ኢትዮጵያ ጋር በጋራ ለመስራት ያለመውን ኘሮጀክት ዛሬ ታህሳስ 12 ቀን 2016ዓ.ም በካፒታል ሆቴል ይፋ አደረጉ።

ዳግም ኬኔዲ ጠቅላላ ንግድ ስራ ድርጅት እንደ ኢትዮጵያ አቆጣጠር ከተመሠረተበት 2004 ጀምሮ ኢትዮጵያ ውስጥ በከፍተኛ ኢንቨስትመንት ባቋቋመው ዘመናዊ የማሽን ቴክኖሎጂ ዘርፍ ላይ እየሰራ የሚገኝ ሀገር በቀል ተቋም ሲሆን ለበርካታ ዜጎች የስራ እድል ከመፍጠሩም በላይ፣ የሀይል አቅርቦትን በማሳደግ ፣ ግብርናውን በማዘመን እንዲሁም የግንባታ ግብዓትን በሀገር ውስጥ በሟሟላት በኩል ከፍተኛ አስተዋፅአ እያበረከተ ይገኛል።

በአማራ ክልል ሰሜን ሸዋ ዞን ደብረ ብርሃን ከተማ ላይ ዳግም ኬኔዲ በሚል ስያሜ የሊፍት መገጣጠሚያ ፋብሪካ በመገንባት ለስራ ዝግጁ ሲሆን በቅርቡ በሙሉ አቅሙ ማምረት ይጀምራል።

በተመሳሳይ በአማራ ክልል ሰሜን ሸዋ ዞን አንጎላላና ጠራ ወረዳ ጫጫ ከተማ በቀን 8 ትራንስፎርመር የሚያመርተው እና በቀን 6 ትራንስፎርመር የሚጠግነው ዳግም ኬኔዲ የትራንስፎርመሮና ኮምፓክት ሰብ ስቴሽን ፋብሪካ ከሐምሌ 10 ቀን 2014 ዓ.ም ጀምሮ በስራ ላይ ይገኛል።

ይህ ፋብሪካ በከፍተኛ ወጭ ወደ ሃገር ውስጥ የሚገባውን ትራንስፎርመር በማስቀረት በዓመት ከ3 ሚሊዮን ዶላር በላይ የውጭ ምንዛሬ ለማስቀርት የሚያግዝ ሲሆን ፋብሪካው በውስጡ አራት የማምረቻ፣ የመገጣጠሚያና የመጠገኛ ወርክ ሾፖች አሉት።

ሶስተኛው የዳግም ኬኔዲ ጠቅላላ ንግድ ስራ ድርጅት ግብርናውን ለማዘመን በማሰብ በደቡብ ምዕራፍ ኢትዮጵያ ክልል በሚዛን አማን ከተማ በከፍተኛ ካፒታል ግዙፍ የትራክተር መገጣጠሚያ ፋብሪካ ግንባታ በማገባደድ ላይ ይገኛል።

ይህ የትራክተር መገጣጠሚያ ፋብሪካ ላለፉት አምስት አመታት በዘርፉ ጥናት በማድረግ የተቋቋመ ሲሆን
የኢትዮጵያ መልካምድርን ታሳቢ ተደርገው የሚገጠሙት ትራክተሮች ኢትዮጵያዊ ስያሜ ያላቸው እና የመለዋወጫ እቃዎች ግብአት ከነባለሙያው በተመጣጣኝ ዋጋ ለአርሶ አደሩ በአካባቢው እንዲያገኝ እየተሰራ ይገኛል።

ዳግም ኬኔዲ ጠቅላላ ንግድ ስራ ድርጅት "ሚዛን "በሚል ስያሜ የሚገጣጥማቸው ትራክተሮች ለአርሶአደሩ በተመጣጣኝ ዋጋ እና የብድር አማራጭ ለማቅረብ ከግሎባል ኢትዮጵያ ባንክ ጋር በጥምረት በመስራት ላይ ሲገኝ « ሚዛን » በሚል ሀገረኛ ስያሜ የተሰጠው ትራክተር እንዲሁም ጄኔሬተር እና ፓምኘ ገቢያ ላይ ለማስተዋወቅ በፊልም ስራዎቹ እና በቴሌቪዥን ኘሮግራም አቅራቢነት እንዲሁም የማስታወቂያ ባለሙያ የሆነው ሁሉገብ አርቲስት ነጻነት ወርቅነህ ለቀጣዮቹ 12 ወራቶች ለመስራት ባሳለፍነው ማክሰኞ ታህሳስ 9 ቀን 2016 ዓ.ም ስምምነት ላይ በመድረስ የድርጅቱ ብራንድ አምባሳደር ሆኖ ተሾሟል።

ዳግም ኬኔዲ ጠቅላላ ንግድ ስራ ድርጅት እህት ኩባንያ የሆነው ንጋት ኢንጂነሪንግ ትሬዲንግ ደግሞ በኮንስትራክሽን ዘርፍ የተለያዩ የግንባታ ስራዎችን በመስራት ላይ የሚገኝ ሲሆን ከዚህም በተጨማሪም የኘላስቲክ ፋብሪካ በመገንባት የተለያዩ የኘላስቲክ ምርቶችን በማምረት ለግል እና ለመንግስት ተቋማት እንዲሁም ለግለሰቦች በማቅረብ ላይ ይገኛል።

በሌላ በኩል በምግብ አቅርቦት ዘርፍ ላይ በመሠማራት "ጭኮ ሬስቶራንትና ኬኮች" በሚል ስያሜ በአዲስ አበባ ከተማ ከመገናኛ ወደ እግዚአብሔር አብ በሚወስደው መንገድ ላይ እጅግ ማራኪ የሆነ ሬስቱራንት ከፍቶ አገልግሎት በመስጠት ላይ ይገኛል።

#ዳግም ኬኔዲ ጠቅላላ ንግድ ሥራዎች P.L.C

15/12/2023

የሚዛን አማን ከተማ አስተዳደር መንገድ ትራንስፖርት ጽህፈት ቤት ከቦይንግ ባጃጅ አሽከርካሪዎችና ባለንብረቶች ጋር መወያዬቱ ተገለጸ።

ሚዛን አማን ታህሳስ 05/2016 ዓ/ም የሚዛን አማን ከተማ አስተዳደር መንገድ ትራንስፖርት ጽህፈት ቤት ከአማን ቦይንግ ባጃጅ አሽከርካሪዎችና ባለንብረቶች ጋር በታሪፍና የአሽከርከርካሪ ስነምግባር ዙሪያ መወያዬቱ ተገለጸ።

የውይይቱ አላማ በአማን ቀበሌ የባጃጅ ባለንብረቶችና አሽከርካሪዎች የሚሰጡትን የህዝብ አገልግሎት በቅንነትና ስነምግባርን በተላበሰ መልኩ እንዲሁም ታሪፍን መሰረት ያደረገ እንዲሆንና የሚነሳውን የህዝብ ቅሬታ ለመፍታት መሆኑን የጽህፈት ቤቱ ሃላፊ አቶ መንግስቱ ተክለማርያም ገልጸዋል።

በውይይቱ ላይ የተገኙት የሚዛን አማን ከተማ አስተዳደር ፖሊስ አዛዥ ረዳት ኢንስፔክተር አዳነ አለማየሁ በበኩላቸው ጥሩና ሙያዊ ስነምግባርን ተከትለው የሚያሽከረክሩ የባጃጅ አሽከርካሪዎች እንዳሉ ሁሉ ህግን የሚጥሱና ለወንጀለኛ ተባባሪ አሽከርካሪዎች ቁጥራቸው ከፍተኛ በመሆኑ ውይይቱ አስፈላጊ መሆኑን ገልጸዋል።

ረዳት ኢንስፔክተሩ አክለውም የተጋነነ ታሪፍ፣ ከተፈቀደው በላይ ትርፍ መጫን፣ ጠጥቶ ማሽከርከር፣ ከተሰጠው ቀጠናዊ ስምሪት ውስጪ በዘፈቀደ ማሽከርከር፣ ታርጋ መደበቅ፣ ለኮንትሮባንዲስቶችና ህገወጦች ተባባሪ መሆን፣ ሰአት እላፊ ጠጥቶ ማሽከርከርና ለአደጋ መጋለጥ፣ የትራፊክ ህጎችን መጣስ፣ ህዝብና ተሽከርካሪ በሚበዛባቸው ቦታዎች መንገድ ዘግቶ መቆም በአብዛኛው ዘንድ የሚስተዋሉ የአሽከርካሪ ስነምግባር ጥሰቶች መሆናቸውን ገልጸዋል።

በባጃጅና ባለሁለት እግር ሞተር አሽከርካሪዎች ዘንድ የሚቀርበው የህዝብ ሮሮ እየጨመረ በመምጣቱ በተለይ አማን ቀበሌ ላይ በቀጣይ የማያዳግም እርምጃ እንደሚወሰድም ረዳት ኢንስፔክተር አዳነ አሳስበዋል።

በጽህፈት ቤቱ የመንገድ ደህንነት ስራ ሂደት አስተባባሪ የሆኑት ወ/ሮ ጨነቁ በፍቃዱ በበኩላቸው ሞተር በተንቀሳቀሰ ቁጥር ከታሪፍ በላይ የሚያስከፍሉና ተሳፋሪን የሚዘልፉ የባጃጅ አሽከርካሪዎች ላይ የተጠናከረ እርምጃ ይወሰዳል ብለዋል።

የከተማ አስተዳደሩ ሰላምና ጸጥታ ጽህፈት ቤት ሃላፊ አቶ ጌታሁን ዲባ በበኩላቸው በህዝብ ዘንድ የቅሬታ ምንጭ ሊሆን የማይችል ሰላማዊ የትራንስፖርት አገልግሎት መስጠት አስፈላጊ መሆኑን ጠቅሰዋል።

የውይይቱ ተሳታፊዎች በበኩላቸው በማደያዎች የሚፈጠረው የቤንዝል አቅርቦትና የአገልግሎት አሰጣጥ ከፍተት ያለበት መሆኑን አውስተው ከተቆጣጣሪ መስሪያቤቶችና ከማደያ ባለቤቶች ጋር ውይይት ሊደረግ ይገባል ብለዋል።

የላይኛው ጫና ሲያሳድርብን በተሳፋሪው ላይ ጫና እንፈጥራለን ያሉት አሽከርካሪዎች ቤንዝል በአብዛኛው በጥቁር ገበያ በመግዛት ሰርተን መኖር ስላለብን እየሰራን በመሆኑ ቤንዝል ከማደያ ልናገኝ ይገባል ብለዋል።

ከስምሪት ጋር በተያያዘም በተለይ አማን ላይ ከዋናው መስመር ውጪ የሚገኙ መንገዶች ሰዎች በብዛት የማይገኝበት በመሆኑ ስምሪት ላይ ተገቢው የፈረቃ አገልግሎት ሊሰጠን ይገባል ብለዋል።

ለበርካታ ወጣቶች የስራ እድል በመሆን ራሳቸውንና ቤተሰቦቻቸውን የሚያስተዳድሩበት ዘርፍ ቢሆንም ከስነምግባር ውጪ በመሆን ለበርካታ ወጣቶች ህይወት መጥፋትና አካል መጉደል ምክንያት በመሆኑ በጥንቃቄ ማሽከርከር ቅድሚያ ሊሰጠው የሚገባ መሆኑ ተጠቁሟል።

በውይይቱ በሰርግ ወቅት ትርፍ መጫን፣ ከተፈቀደው የፍጥነት ወሰን በላይ ማሽከርከርና አልኮል ጠጥተው የሚያሽከረክሩት ላይ የተጠናከረ እርምጃ ይወሰዳል ተብሏል።

ከታሪፍ ጋር በተያያዘ በጥናት የሚመለስ በመሆኑ ሁሉም የባጃጅ አሽከርካሪዎች የተቀመጠውን ታሪፍ ተግባራዊ ማድረግ አለባቸው ተብሏል።

02/12/2023

የኢትዮጵያ ንግድ ባንክ ከሲስተም ማሻሻያ ሥራ ጋር በተገናኘ ከቅዳሜ ህዳር 22 ሌሊት 8፡00 ሰዓት እስከ እሁድ ህዳር 23 ቀን 2016 ከረፋዱ 5፡00 ሰዓት ድረስ ኢንተርኔት ባንኪንግ እና ሞባይል ባንኪንግን ጨምሮ ሁሉም በኮር ባንኪንግ ሲስተም የሚሰጡ አገልግሎቶች እንደሚቋረጡ አውቃችሁ ከወዲሁ አስፈላጊውን ዝግጅት እንድታደርጉ በአክብሮት እናሳውቃለን፡፡

የኢትዮጵያ ንግድ ባንክ
ሁሌም የሚተማመኑበት ባንክ!

30/11/2023

ይህ የምትመለከቱት መቄዶኒያ" ሳይሆን እዚሁ በሀገራችን በሚዛን-አማን ከተማ የተመሰረተው "ፋኖስ🕯️" የበጎ አድራጎት ማህበር ነው። ማሟላት ያለበትን ሁሉንም መስፈርቶች አሟልቶ ከተቋቋመ በጣም ትንሽ ቀናቶች አስቆጥሯል። በመልካም ስራ ላይ መሳተፍ ለምትፈልጉ በሙሉ አብራችሁን በመሆን በቁሳቁስም ሆነ በገንዘብ መርዳት ትችላላችሁ 🙏🙏 ። ለማገዝ ምትፈልጉ
የኢትዮጵያ ንግድ ባንክ አካውንት 👉ፋኖስ የበጎ አድራጎት ማህበር 👉1000588705289

30/11/2023

🌿🌿"ዴንቢ" በውቢቷ እና ለምለሚቷ ሚዛን-አማን ከተማ ልዩ ተፈጥሮ ይምጡና ይጎብኙ:: 🌿🌿

30/11/2023

#የሚዛን-አማን #ህዝብ በአንድነት፣ በመደጋገፍ፣ በመተሳሰብ ፣ በመፋቀር፣ ከመልካም ከንቲባችን አቶ ግሩም ተማም እና ከአመራሮቻችን ጋር ገና ብዙ #ልማቶችን በጋራ #እናሳካለን።🙏🙏

28/11/2023

የቤንች ሸኮ ዞን ዋና አስተዳደር አቶ ቀበሌ መንገሻ የሚዛን አማን ከተማ አስተዳደር አጠቃላይ የመንግስት እና የፓርቲ ስራዎች ያሉበትን ሁኔታ በከተማ አስተዳደር ፓርቲ ጽ/ቤት በመገኘት ገምግመዋል።

ህዳር 18/2016ዓ/ም

የቤንች ሸኮ ዞን ዋና አስተዳደር አቶ ቀበሌ መንገሻ የሚዛን አማን ከተማ አስተዳደር አጠቃላይ የመንግስት እና የፓርቲ ስራዎች ያሉበትን ሁኔታ በከተማ አስተዳደር ፓርቲ ጽ/ቤት በመገኘት ገምግመዋል።

አጠቃላይ በከተማው እየተከናወነ ያለው የመንግስት እና የፓርቲ ስራዎችን የገመገሙ ሲሆን ዋና ዋና ተግባራት አንጻር የልማት ሥራዎች፤ የከተማ መልሶ ማልማት፤ የከተማ መሬት ወረራ መከላከል፤የገቢ ሥራዎች እና ህገ ወጥ የንግድ እንቅስቃሴዎች ተገምግመዋል።
አጠቃላይ በከተማው በመንግስት እና በፓርቲ እየተከናወኑ ያሉ ተግባራት ሪፖርት በከተማ አስተዳደር ብልጽግና ፓርቲ ጽህፈቤት ሃላፊ አቶ በላቸው ጎንደር እና በሚዛን አማን ከተማ ከንቲባ አቶ ግሩም ተማም ቀርቦ ውይይት ተደርጎበታል።

በግምገማው የዞኑ ዋና አስተዳዳሪ አቶ ቀበሌ መንገሻ በከተማው የተጀመሩው ሥራዎ ተጠናክረው መቀጠል ይኖርባቸዋል ያሉ ሲሆን በተለይ ምቹ የስራ አከባቢ ከመፍጠር አንጻር የተጀመረው ሥራ ውጤታማ እና ለሌሎችም ተሞክሮ የሚሆን ነው ብለዋል።

ዋና አስተዳዳሪው አክለውም ከልማት ሥራዎች አንጻር በተጀመረው መንገድ ተጠናክሮ መቀጠል እንዳለበት ገልጸዋል። በገቢ አሰባሰብም ከዕቅድ አንጻር ውጤታማ ቢሆንም ከከተማው አቅም አንጻር ከዚህ በላይ መሰራት አለበት ብለዋል።

ሌላው ህገ ወጥ የንግድ እንቅስቃሴዎችን ከመቆጣጠር አንጻር እየተወሰደ ያለው እርምጃ ተጠናክሮ መቀጠል እንዳለበት ገልጸዋል።

በመጨረሻም የቀጣይ ትኩረት አቅጣጫዎችን በማስቀመጥ እና በከተማው እየተሰሩ ካሉ የልማት ሥራዎች የከተማ አስተዳደር ምክር ቤት ህንጻ ግንባታ ሥራ የደርሰበትን ተዘዋውሮ የተመለከቱ ሲሆን ሁላችንም ለከተማችን ሁለንተናዊ ብልጽግና እና ዕድገት በቁርጠኝነት መስራት ይገባናል ብለዋል ።

15/11/2023

የቤንች ሸኮ ዞን ንግድና ኢንቨስትመንት መምሪያና የሚዛን አማን ከተማ አስተዳደር የንግድ ዘርፍ ማናጅመንት አካላት በጋራ በሚሰሩ ቅንጅታዊ ስራዎች ዙሪያ ተወያዩ።

ሚዛን አማን ህዳር 05/2016 ዓ/ም የቤንች ሸኮ ዞን ንግድና ኢንቨስትመንት መምሪያና የሚዛን አማን ከተማ አስተዳደር ስራ፣ ክህሎት፣ ንግድ፣ ኢንተርፕራይዝና ኢንዱስትሪ ልማት ጽህፈት ቤት አመራሮችና የንግድ ዘርፍ ማናጅመንት አካላት በጋራ በሚሰሩ ቅንጅታዊ ስራዎች ዙሪያ ተወያዩ።

የከተማ አስተዳደሩ ምክትል ከንቲባ አቶ ስንታየሁ ጋይድ እንደገለጹት ውይይቱ በንግድ ዘርፍና በህገወጥ ንግድ ዙሪያ የሚስተዋሉ ችግሮችን በመለዬት በቀጣይ የሚሰሩ ቅንጅታዊ ስራዎችን ለመትከል የተዘጋጀ መሆኑን አብራርተዋል።

አቶ ስንታየሁ አክለውም በውይይቱ የድጎማ ምርት በተለይ የነዳጅ ምርቶች ስርጭት ላይ የሚስተዋሉ ችግሮችን፣ የመጠቀሚያ ጊዜያቸው ያለፈባቸው ምርቶችን ክትትልና ማስወገድና የዋጋ ንረትን በተመለከተ በተለይ ከስጋ ዋጋ ጋር ተያይዞ ከተማ አስተዳደሩ በግብረሃይል ጥናት ተደርጎ ወደ ስራ የተገባ ቢሆንም አሁንም ችግሮች በመኖራቸው በቀጣይ ስራዎችን በጋራ ለመስራት መግባባት ላይ ተደርሷል ብለዋል።

የቤንች ሸኮ ዞን ንግድና ኢንቨስትመንት መምሪያ ሃላፊ ወ/ሪት ወርቅነሽ ባድንስ በበኩላቸው ማደያዎች ከሲስተም ውጪ በማኑዋል መስራት እንደሌለባቸው የተቀመጠ ቢሆንም ተግባራዊ የማያደርጉ ማደያዎች መኖራቸውን ጠቅሰዋል።

ወደ ዞናችን የሚገባውን ምርት በትክክለኛው አሰራር መጠቀም ከተቻለ የነዳጅ ምርት እጥረት እንደማይኖር የገለጹት መምሪያ ሃላፊዋ በተለይ በቤንዝል ምርት ላይ የሚታየውን ህገወጥ አሰራር በቅንጅት በመስራት ልንቀርፈው ይገባል ብለዋል።

የከተማ አስተዳደሩ ብልጽግና ፓርቲ ጽህፈት ቤት ሃላፊ አቶ በላቸው ጎንደር በበኩላቸው ተቋማዊ አሰራርን መትከልና የጋራ መረጃ ልውውጥ የሚደረግበትን ስርአት መዘርጋትና የቁጥጥርና ክትትል ስርአቱ የተቋሙ ሃላፊዎች በሚያውቁት መልኩ ማከናወን ከተቻለ በንግዱ ዘርፍ የሚታዩ ህገወጥ አሰራሮችን መቅረፍ ያስችላል ብለዋል።

በከፍተኛ ደረጃ በጀሪካንና ሃይላንድ እየተሰራጨ ያለው የቤንዝል ምርት ያልተፈለገ ቦታ ላይ እየተከማቸ ከተማዋን ለስጋት እየዳረገ በመሆኑ በዘርፉ የተጠናከረ የቁጥጥር ስርአት ሊዘረጋ ይገባል ተብሏል።

ከማደያ ባለቤቶች ጋር ተያይዞ የሚታዩ የአሰራር ግድፈቶችን ለመፍታት በቅርቡ ውይይት ይደረጋል የተባለ ሲሆን ከአሽከርካሪዎች ጋር ተያይዞ ነጃጅ ቀድተው መልሰው የሚሸጡ ባለሁለትና ባለሶስት እግር ተሽከርካሪዎችን ለመቆጣጠር የኩፖን አሰራር ስርአት ይዘረጋል ተብሏል።

በከተማ ውስጥ እየታዬ ያለውን የዋጋ ንረት ለመቆጣጠር በተለይ ለዋጋ ንረቱ ምክንያት የሆኑ ከአሰራር ውጪ የሚሰሩ ጫኝ አውራጅ ማህበራትን ስርአት ማስያዝ ላይ በትኩረት ይሰራል ተብሏል።

በውይይቱ በየጊዜው እየጨመረ የመጣው የቤት ኪራይ ዋጋ ዝቅተኛ ገቢ ያላቸውን የህብረተሰብ ክፍሎች የሚጎዳ በመሆኑ በቀጣይ በዚህ ዙሪያ የሚሰራ ግብረሃይል ተቋቁሞ የማረጋጋት ስራ ይሰራል ተብሏል።

15/11/2023

በሚዛን አማን ከተማ አስተዳደር ገቢዎች ጽ/ቤት ባለፋት አራት ወራት ከ2መቶ17 ሚሊዮን ብር በላይ ገቢ ተሰብስቧል- መንግስቱ ኃይሌ

ባለፋት 4ወራት የተገኘው ገቢ ከባለፈው ዓመት ተመሳሳይ ወቅት ከተሰበሰበው ገቢ በ1መቶ18 ሚሊዮን 8መቶ04ሺህ 4መቶ48 ብር ብልጫ እንዳለውም ታውቋል።

በበጀት ዓመቱ የታቀደውን 4መቶ53 ሚሊዮን 5መቶ14ሺህ 6መቶ5 ብር እስከ የካቲት ሰላሳ ድረስ ሰብስቦ ለመጨረስ እየተሰራ እንደሆነም ተገልጿል።

አቶ መንግስቱ ኃይሌ የሚዛን አማን ከተማ አስተዳደር ገቢዎች ጽ/ቤት ኃላፊ በበጀት ዓመቱ ባለፋት አራት ወራት ሊሰበስብ ከታቀደው 1መቶ51 ሚሊዮን 1መቶ71ሺህ 5መቶ34 ብር 2መቶ17 ሚሊዮን 4መቶ94ሺህ 2መቶ67 በላይ ብር በመሰብሰብ የዕቅድን 144 በመቶ ማሳካት መቻሉን ገልፀዋል።

ባለፈው 4ወር ከመደበኛ ገቢ 1መቶ27 ሚሊዮን 21ሺህ 2መቶ59 ብር ለመሰብሰብ ታቅዶ 1መቶ97 ሚሊዮን 6መቶ95ሺህ 7መቶ35 በመሰብሰብ የዕቅዱን 155 በመቶ ማሳካት ሲቻል ከማዘጋጃ ገቢ 24ሚሊዮን 1መቶ50ሺህ 2መቶ75 ለመሰብሰብ ግብ ተጥሎ 19ሚሊዮን 7መቶ98ሺህ 5መቶ31ብር በመሰብሰብ የዕቅድን 81.9 በመቶ ማሳካት ተችሏል ብለዋል ኃላፊው።

በከተማ አስተዳደሩ የቴክኖሎጂ አጠቃቀምን በማላቅ ቀጥተኛ ያልሆነ ታክስን ለመሰብሰብ በልዩ ትኩረት እየተሰራ እንደሚገኝ የገለፁት አቶ መንግስቱ በበጀት ዓመቱ በቁጥር 65 የሂሳብ መመዝገቢያ ማሽን ለመሸጥ ታቅዶ በቁጥር 74 የሂሳብ መመዝገቢያ ማሽን ተሸጧል ብለዋል።

የከተማ አስተዳደሩን ሁሉን አቀፍ ልማት ለማሳለጥ የሚሆን የፋይናንስ ወረት በተገቢው መንገድ ለመሰብሰብ ይቻል ዘንድ ከክልልና ለዞን ባለሙያዎች ጋር በመቀናጀት በግብይት ወቅት የደረሰኝ መስጠትና መቀበልና ቤት ለቤት ክትትልና ድጋፍ ላይ ስራ መሠራቱን ያወሱት ኃላፊው በተሰጠው የአስተምህሮት ስራ ያልተመለሱ 9 ግብር ከፋዮች ማስጠንቀቂያ በመስጠት እንዲሁም 11 የሚሆኑት ላይ ደግሞ በብር 50ሺህ እንዲቀጡ በማድረግ የግብር ህግ ተገዥነት ተግባራዊ ተደርጓል ብለዋል።

ከማዘጋጃ ገቢ አንፃር የታየውን አፈፃፀም ለማጎልበት የገቢ ጽ/ቤቱ ከከንቲባ ጽ/ቤትና ባለድርሻ አካላት ጋር በመቀናጀት የተለያዩ የገቢ አማራጭዎችን በማስፋት ዕቅዱን ለማሳካት እንደሚሰራ አቶ መንግስቱ ገልፀዋል።

የከተማ አስተዳደሩ የገቢ ተቋም ሰራተኞች ቢበዛ እስከ የካቲት 30 በ2016 በጀት ዓመት የተያዘውን እቅድ በማሳካት ከታቀደው በላይ ለመፈጸም ተቀናጅተው እየሰሩ እንዳሉ ያብራሩት ኃላፊው ከዕቅድ በላይ በመሰብሰብ የከተማውን ፈጣን ዕድገት ለማስቀጠል የሚያስችል የፋይናንስ ወረት ለመሰብሰብ ሌት ከቀን እየተሰራ እንደሚገኝ ገልፀዋል። ዘገባው የክልሉ ገቢዎች ቢሮ የህዝብ ግንኙነት ነው። መረጃው የቤንች ሸኮ ዞን መንግስት ኮምኒኬሽን ነው።

11/11/2023

በሚዛን አማን ከተማ አስተዳደር ዛጎል የነዳጅ ማደያ፣ ባቢ ሬስቶራንት፣ የእንግዳ ማረፊያና ካፌ ተመርቆ አገልግሎት መስጠት መጀመሩ ተገለጸ።

ሚዛን አማን ጥቅምት 01/2016 ዓ/ም በቤንች ሸኮ ዞን 9ኛው ዛጎል ማደያና ባቢ የእንግዳ ማረፊያና ካፌ የቤንች ሸኮ ዞን ዋና አስተዳዳሪ ክቡር አቶ ቀበሌ መንገሻ፣ የዞኑ ብልጽግና ፓርቲ ዋና የመንግስት ተጠሪ አቶ ዮናስ ኬና፣ የሚዛን አማን ከተማ ምክትል ከንቲባ አቶ ስንታየሁ ጋይድን ጨምሮ ሌሎች የዞን፣ የከተማ አስተዳደርና የወረዳ ከፍተኛ አመራሮች በተገኙበት ተመርቆ ስራ ጀመረ።

ዛጎል የነዳጅ ማደያ፣ ባቢ የዳቦ መጋገሪያና ካፌ እና የእንግዳ ማረፊያ ሞቴል 86 ሚሊየን ያህል በጀት ወጪ የተደረገበት ሲሆን ሬስቶራንትና ኬክ ቤት እንዳለውም ታውቋል።

የቤንች ሸኮ ዞን ዋና አስተዳዳሪ ክቡር አቶ ቀበሌ መንገሻ ማደያውን መርቀው ሲከፍቱ እንደተናገሩት መንግሥት ለአልሚ ባለሀብቱ በሰጠው ልዩ ትኩረት በዞኑ በግብርና ፣ በአገልግሎት እና በኢንዱስትሪ ዘርፎች ከ6.3 ቢሊየን ብር በላይ ካፒታል ያስዘመገቡ አልሚ ባለሀብቶች በስራ ላይ እንደሚገኙ ገልጸዋል።

በርካታ አልሚ ባለሀብቶች ፕሮጀክቶቻቸውን አስገብተው በመጠባበቅ ላይ ይገኛሉ ያሉት ዋና አስተዳዳሪው ይህ መንግስት ለኢንቨስትመንት እና ለአልሚ ባለሀብቱ የሰጠውን ልዩ ትኩረት ያሳያል ብለዋል። ዛሬ ማደያና ሬስቶራንቱን ያስመረቀው ወጣት ባለሀብት ስራን ሳይንቅና ተስፋ ሳይቆርጥ ከትንሽ ነገር ተነስቶ እዚህ የደረሰ የጥንካሬና የጽናት ተምሳሌት መሆኑን ገልጸዋል።

ሚዛን አማን የንግድ ፣ የቱሪዝምና የኮንፍረንስ ቱሪዝም ማዕከል እየሆነች መምጣቷን ገልጸዋል። ለዚህም የህዝቡ እንግዳ ተቀባይነት ፣ የከተማዋ ሰላምና ቀልጣፋ መስተንግዶ ከተማዋ የአልሚ ባለሀብቱ መዳረሻ እንድትሆን አድርጓታል ብለዋል ዋና አስተዳዳሪው በመክፈቻ ንግግራቸው።

የሚዛን አማን ከተማ አስተዳደር ምክትል ከንቲባና የስራ፣ ክህሎት፣ ንግድ፣ ኢንዱስትሪና ኢንተርፕራይዝ ጽህፈት ቤት ሃላፊ አቶ ስንታየሁ ጋይድ ምረቃውን አስመልክቶ በሰጡት አስተያዬት ኢንቨስትመንት በከተማችን በተለየሰም በአማን የተቀዛቀዘውን የከተማ መልሶ ልማት ስራ እንዲነቃቃ ከፍተኛና አይነተኛ ሚና ያለው ፕሮጀክት ሲሆን ይህንን ግንባታ ከተማ አስተዳደሩ ባደረገው እንቅስቃሴ በርካታ ባለሃብቶች አቅማቸውን ገንብተው ወደ ግንባታ ስራ ለመግባት በዝግጅት ላይ መሆናቸውን አብራርተዋል።

የዛጎል ማደያና የባቢ ሬስቶራንት ባለቤት አቶ ደረጀ ደገፉ እንደተናገሩት በህይወት ዘመኔ ያልሰራሁት ስራ የለም ሲሉ ተናግረዋል። ለዛሬ ጥንካሬዬና ስኬቴ ጉልበቴን ሳልቆጥብና ስራን ሳልንቅ መስራቴ ነው ብለዋል። ዛሬ ላይ ድርጅቱ ከ50 በላይ ቋሚ ሰራተኞች የስራ ዕድል የፈጠረ ሲሆን በአጠቃላይ ከ86 ሚሊየን ብር በላይ ወጪ እንደተደረገበት ገልጸዋል።

ግንባታው ተጀምሮ እስኪጠናቀቅ ከጎኔ ለነበሩ የመንግስት ተቋማት ፣ ጓደኞቼ ፣ ቤተሰሰቦቼና ለሚንች ቀበሌ ነዋሪዎች ትልቅ ምስጋና አለኝ ብለዋል።

ማደያው የአቶ ደረጀ ደገፋ ቤተሰቦች፣ ወዳጅ ዘመዶች፣ የሃይማኖት አባቶች፣ የሃገር ሽማግሌዎች፣ ባለሃብቶችና ጥሪ የተደረገላቸው እንግዶች በተገኙበት በድምቀት ተመርቆ ተከፍቷል።

10/11/2023

#ወጣት #ሥራ ፈጣሪ ሲያገኙ ሳያበረታቱ ማለፍ ንፉግነት ነው !! #ቤቲ ስፔሻል #ዶሮወጥን በአገልግል ባሉበት ቦታ ሁነው ይዘዙኝ online አደርሳለሁ 👉 ለሰርግ 👉ለልደት 👉ለምርቃት፣ እንዲሁም ለተለያዩ ዝግጅቶች በትዕዛዝ የሚፈልጉትን አስቀድመው ያድርጉ ጥራቱን ጠብቆ እንደተሠራ በልዩ ጣዕም እናደርሳለን።
☎️ +25193453043 ቤተልሄም ተካልኝ

10/11/2023

ከዕዳ ወደ ምንዳ'' በሚል መሪ ቃል የመንግስት አመራሮች የአቅም ግንባታ ስልጠና መድረክ በቦንጋ ማዕከል ከዛሬ ጀምሮ ይካሄዳል።

በመላ ሀገሪቷ በ 17 ማዕከላት በሚሠጠው 3ኛ ዙር የመንግስት አመራሮች የአቅም ግምባታ ስልጠና የቦንጋ የስልጠና ማዕከል 1000 ሺህ ሰልጣኞችን ተቀብሎ ያስተናግዳል ።

በዚህም ዛሬ በሚጀመረው የመንግስት አመራሮች የአቅም ግንባታ ስልጠና ከመላ ሀገሪቷ ከተለያዩ አካባቢዎች የመጡ ሠልጣኝ አመራሮችን አቀባበል እየተደረገላቸው ይገኛል።

በአቀባበል ስነ ስርዓቱ ላይ የተገኙት የደቡብ ምዕራብ ኢትዮጵያ ህዝቦች ክልል የመንግስት ዋና ተጠሪ አቶ ፀጋዬ ማሞ ሰልጣኝ እንግዶችን እንኳን በደህና መጣችሁ ብለዋል።

በአቀባበል ስነ ስርዓቱ የክልሉ የመንግስት ዋና ተጠሪ አቶ ፀጋዬ ማሞ ፣የፌደራል ስልጠና አስተባባሪ አመራር አቶ ጫላ ኦሊቃ ፣ የክልሉ መንግስት ረዳት ተጠሪ አቶ በላይ ተሰማ፣ የካፋ ዞን ዋና አስተዳዳሪ አቶ እንዳሻው ከበደ ሌሎች የክልል፣የዞን እናየወረዳ አመራሮች እና የሀገር ሽማግሌዎች አቀባበል አድርገውላቸዋል። መረጃው የክልሉ የመንግስት ኮምኒኬሽን ነው

03/11/2023

በሚዛን አማን ከተማ አስተዳደር የሜቄዶኒያ መቄዶኒያ የአረጋዊያንና የአእምሮ ህሙማን መርጃ ማእከል ህንፃ ግንባታ የመሰረት ዲንጋይ ተጣለ።

ጥቅምት 23/2016 ዓ/ም በሚዛን አማን ከተማ አስተዳደር የሜቄዶኒያ መቄዶኒያ የአረጋዊያንና የአእምሮ ህሙማን መርጃ ማእከል ህንፃ ግንባታ የመሰረት ዲንጋይ በኢፌድሪ የሰራተኛና ማህበራዊ ጉዳይ ሚኒስቴር ዶ/ር ኤርጎጌ ተስፋዬ፣ የቤኝች ሸኮ ዞን ዋና አስተዳዳሪ አቶ ቀበሌ መንገሻ፣ የሚዛን አማን ከተማ አስተዳደር ከንቲባ አቶ ግሩም ተማምና ሌሎች የክልል፣ የዞንና የከተማ አስተዳደር የመንግስት የስራ ሃላፊዎች በተገኙበት ተጣለ።

በፕሮግራሙ ላይ መልእክት ያስተላለፉት በማእከሉ የክልል ጉዳዮች ዳይሬክተር አቶ ማህተመበቃሉ ገደፋው እንደገለጹት በ7 ሺህ 500 ካሬ ሜትር ላይ የሚያርፈው የመቄዶኒያ የአረጋዊያንና የአእምሮ ህሙማን መርጃ ማእከል ዘመናዊ የአረጋውያን መኖሪያ፣ ሆስፒታል፣ ልዩ ልዩ የገቢ ማስገኛ ማእከላት የሚኖሩትና ከ300 በላይ አረጋውያንና አቅመ ደካሞችን ማስተናገድ የሚችል መሆኑን አብራርተዋል።

አስተባባሪው አክለውመሰ ሜቄዶኒያ ካሉት 27 ማእከላት ዶክተር ቢኒያም በለጠ በሚዛን አማን ከተማ የሚገነባውን ማእከል ልዩ ትኪረተሰ በመስጠት በአጭር ጊዜ ተገንብቶ አገልግሎት እንዲሰጥ ይሰራሉ ያሉት አስተባባሪው ማእከሉ እንዲገነባ አዲስ አበባ ድረስ ካርታውን አዲስ አበባ ድረስ በመውሰድ ላስረከቡት ለሚዛን አማን ከተማ ከንቲባ አቶ ግሩም ተማምና ልዑካኑ ምስጋና አቅርበዋል።

03/11/2023

02/11/2023

''የተማርንበትን ትምህርት ቤት የማስተካከል ሃላፊነት በእኛ ላይ በመጣሉ እንደ እድል ቆጥረነዋል'' ሲሉ የሚዛን አማን ከተማ ከንቲባ አቶ ግሩም ተማም ገለጹ

ሚዛን አማን ጥቅምት 21/2016 ዓ/ም የሚዛን አማን ከተማ ከንቲባ አቶ ግሩም ተማምና የብልጽግ፣ ፓርቲ ጽህፈት ቤት ሃላፊ አቶ በላቸው ጎንደርና የትምህርት ጽህፈት ቤት ሃላፊ አቶ ጌታቸው መለሰ በተገኙበት የሚዛን ቁጥር አንድ ትምህርት ቤት ከተማሪ ወላጆች ጋር የትምህርት ቤቱን ደረጃ ለማሻሻል በተሰሩና ቀጣይ በሚሰሩ ተግባራት ዙሪያ የውይይት መድረክ ተካሂዷል።

መድረኩን በንግግር የከፈቱት የሚዛን አማን ከተማ ከንቲባ አቶ ግሩም ተማም እንደገለጹት የተማርንበትን ትምህርት ቤት የማስተካከልና ደረጃውን ከፍ የማድረግ ሃላፊነት በእኛ ላይ በመጣሉ እንደ እድል ቆጥረነዋል በማለት በትምህርት ለትውልድ ንቅናቄ የተሳተፉ አካላትን አመስግነዋል።

በትምህርት ስርአቱ ውስጥ እየተፈጠረ ባያለው መሰረታዊ ችግር ተማሪዎች ሃገር አቀፍ ፈተና ተፈትነው ዩኒቨርሲቲ መግባት ብርቅ ሆኗል ያሉት ከንቲባው ይህን ችግር ለማስተካከል ከላይ መጠበቅ ሳይሆን ከኛ የሚጠበቀውን በመስራት የበኩላችንን ልንወጣ ይገባል ብለዋል።

በዚህም እንደ መንግስት ህዝብ የማስተባበር፣ ሃብት የማፈላለግ፣ የመምህራንና የትምህርት ባለሙያዎችን ተነሳሽነት በስልጠና ማዳበር፣ መጽሃፍትና ግብአቶችን የማሟላት ስራና ወላጆችም ትምህርት ቤቱ የሚጎድሉ ነገሮችን በመለየት አቅም በፈቀደ ማገዝ ይኖርባቸዋል ብለዋል።

የከተማ አስተዳደሩ ብልጽግና ፓርቲ ጽህፈት ቤት ሃላፊ አቶ በላቸው ጎንደር በበኩላቸው ጥሩ መሪ ማግኘት እድለኝነት በመሆኑ በትምህርት ለትውልድ እንቅስቃሴ በውስጥና ከሃገር ውጪ የሚገኙ የትምህርት ቤቱ ተማሪዎችን፣ ባለሃብቶችን፣ የአካባቢው ነዋሪዎችን በማስተባበር ለሰሩት ስራ ከንቲባውን አመስግነዋል።

በትምህርት ቤት ጊዜውን በአግባቡ ተጠቅሞ ያልተማረ ተማሪ ነገ ለማህበረሰብም ለሃገርም ሸክም መሆኑን የገለጹት አቶ በላቸው ሃገር ተረካቢ ጥሩ ዜጋ ለማፍራት ተባብረን ልንሰራ ይገባል ብለዋል።

የትምህርት ቤቱ ርእሰ መምህር መ/ር ሚፍታ አዲሌ በበኩላቸው በ2016 የትምህርት ዘመን ከቅድመ መደበኛ እስከ 8ኛ ክፍል በመደበኛና በማታ ልዩ ፍላጎትን ጨምሮ 3 ሺህ 258 ተማሪዎችን ተቀብለን በማስተማር ላይ እንገኛለን ብለዋል።

ካለው የተማሪ ቁጥር አኳያ የክፍል ተማሪ ጥምርታ 1 ለ60 በመሆኑ ይህን ችግር ለመቅረፍ ባለ 3ወለል ዘመናዊ ህንፃ ለማስገንባት ኮሚቴ ተቋቁሞ የህንፃ ዲዛይን በማስወጣት የገንዘብ ድጋፍ እየተደረገ በመሆኑ ወላጆች የበኩላቸውን አስተዋጽኦ ማበርከት እንዳለባቸው ጥሪ ቀርቧል።

ወላጆችም የሚገነባውን ህንፃም ሆነ ትምህርት ቤቱን በግብአት ለመደገፍ በተማሪ ከ500 ብር ጀምሮ ለመደገፍ ፈቃደኛ መሆናቸውን ገልጸዋል።

በእለቱ በትምህርት ለትውልድ ንቅናቄ አስተዋጽኦ ላደረጉ ተቋማት፣ አመራሮች፣ ባለሃብቶች፣ የቀድሞ ተማሪዎች፣ የትምህርት ማህበረሰቦች የእውቅና የምስክር ወረቀትና ከ8ኛ ክፍል ጥሩ ውጤት ላስመዘገቡ ተማሪዎች የማበረታቻ ሽልማት ተሰጥቷል።

02/11/2023

በመልሶ ማልማት የሚገነቡ ግንባታዎች በጥራትና አስፈላጊውን የግንባታ መስፈርት አሟልተው እነዲገነቡ የተጠናከረ የክትትልና ድጋፍ ስራዎች እየተሰሩ መሆኑ ተገለጸ።

ሚዛን አማን ጥቅምት 22/2016 ዓ/ም በመልሶ ማልማት የሚገነቡ ግንባታዎች በጥራትና አስፈላጊውን የግንባታ መስፈርት አሟልተው እነዲገነቡ በመሃንዲሶች የታገዘ የተጠናከረ የክትትልና ድጋፍ ስራዎች እየተሰሩ መሆናቸውን የሚዛን አማን ከተማ አስተዳደር ዋና ማዘጋጃ ቤት አስታወቀ።

የማዘጋጃ ቤቱ ምክትል ስራ አስኪያጅና የመሬት ዘርፍ ሃላፊ አቶ ስንታዬሁ ድራር እንደገለጹት በመልሶ ማልማት የሚገነቡ ግንባታዎች አስፈላጊውን የግንባታ መስፈርትና ጥራት ጠብቀው መገንባት እንዲችሉ በየሳምንቱ የክትትል ስራዎችን የሚሰራ የባለሙያዎች ቡድን ተሰማርቶ የክትትልና ድጋፍ ስራዎችን በመስራት ለማዘጋጃ ቤቱ ሪፖርት እያደረገና ችግሮችን እያስተካከለ መሆኑን ጠቅሰዋል።

ቡድኑ በዛሬው እለትም የክትትል ማድረጉን የገለጹት አቶ ስንታዬሁ በክትትሉ ሁለት የግንባታ ቦታዎች ላይ መስተካከል ያለባቸውን ነገሮች በመለዬት እንዲስተካከል አቅጣጫ አስቀምጧል ያሉ ሲሆን ከነዚህም አንዱ የፍሳሽ ማስወገጃ ጉድጓድ ወደ መንገድ የተጠጋ መሆኑና ሁለተኛው የግንባታ ዲዛይን ሳያጸድቅ ወደ ግንባታ የገባ መሆኑን መለዬት መቻሉን አብራርተዋል።

ከመስፈርት አኳያ አንድ ግንባታ ሊይዝ የሚችለውን መስፈርት ከመኪና ማቆሚያ፣ ከፍሳሽ ማስወገጃና ከሌሎችም አኳያ በቀረበው ዲዛይን መሰረት ተግባራዊ እንዲደረግ ክትትል እየተደረገ መሆኑ ተጠቅሷል።

01/11/2023

የሚዛን አማን ከተማ አስተዳደር ገቢዎች ጽህፈት ቤት ስነምግባርና ጸረ-ሙስና ቡድን ለጽህፈት ቤቱ ባለሙያዎች በስራ ስነምግባር ዙሪያ የግንዛቤ ማስጨበጫ ስልጠና መስጠቱ ተገለጸ።

ሚዛን አማን ጥቅምት 21/2016 ዓ/ም የከተማ አስተዳደሩ ገቢዎች ጽህፈት ቤት ስነምግባርና ጸረ-ሙስና ቡድን ከቤንች ሸኮ ዞን ገቢዎች መምሪያ ስነምግባርና ጸረ-ሙስና ቡድን ጋር በመተባበር ለከተማ አስተዳደሩ ገቢዎች ጽህፈት ቤት በስራ ስነምግባር ዙሪያ የግንዛቤ ማስጨበጫ ስልጠና መስጠቱ ተገለጸ።

የጽህፈት ቤቱ ሃላፊ አቶ መንግስቱ ሃይሌ ስልጠናውን አስመልክቶ በሰጡት አስተያዬት ስልጠናው ባለሙያዎች በተሰጣቸው የስራ መደብ ላይ በሙያቸው የሚጠበቅባቸውን ሙያዊ ስነምግባር፣ አሰራሮችንና መርሆችን ተከትለው ተገቢውን የህዝብ አገልግሎት እንዲሰጡ የሚያስችል ነው ብለዋል።

ስልጠናውን የሰጡት የቤንች ሸኮ ዞን ገቢዎች መምሪያ የስነምግባርና ጸረ ሙስና ቡድን አስተባባሪ አቶ ሳምሶን ባድንስ በበኩላቸው የስራ ስነ ምግባር በአንድ ተቋም ውስጥ ሳቢና ምቹ የስራ አካባቢ ለመፍጠር፣ መልካም ገጽታን ለመገንባት፣ የጊዜ አጠቃቀምን ለማሳደግ፣ የቡድን ስራን ለማጠናከርና የተገልጋይ ርካታን ለማሳደግ ከፍተኛ ጠቀሜታ ይኖረዋል ብለዋል።

አቶ ሳምሶን አክለውም በተቋማት በተደጋጋሚ የሚስተዋሉ የስነምግባር ጉድለቶች ስራዎችን በእቅድ አለመምራት፣ የስራ ሪፖርት በወቅቱ አለማቅረብና የተቋሙን ደንብና መመሪያ ጠንቅቆ ባለማወቅ ከደንብና መመሪያ ውጪ መስራት የተለመደ በመሆኑ እነዚህን ክፍተቶች ለመሙላት ስልጠናዎችን በመስጠት አቅም መገንባት አስፈላጊ መሆኑን አብራርተዋል።

ከስነ ምግባር መርሆዎች ውስጥ የስራ ሰአትን ጠብቆ በስራ ቦታ ላይ መገኘትና የስራ ጊዜን በተገቢው ስራ ላይ ማዋል ተገቢ መሆኑን የገለጹት አቶ ሳምሶን የመንግስትን የስራ ሰአት አክብሮ ተገቢውን የህዝብ አገልግሎት አለመስጠት በራሱ የሙስና መገለጫ ነው ብለዋል።

በስልጠናው ባለሙያው ከአለባበስ ጀምሮ ራሱን በማስተካከል፣ ባለጉዳይን በአመለካከት በጥሩ በመቀበል፣ የቡድን ስራን በማጠናከር፣ ተገቢ ባህሪን በማሳዬት፣ ለተመደቡበት ቦታ ተገቢውን እውቀትና ክህሎት በመላበስ፣ በምንሰራቸው ስራዎች ውጤታማና ምርታማ በመሆን፣ ተግባቦትን በማጠናከር፣ በመተባበርና ተገልጋይን በማክበር ተገቢውን የህዝብ አገልግሎት መስጠት እንደሚገባ ተመላክቷል።

ስልጠናው ተጠናክሮ የሚቀጥል መሆኑ የተገለጸ ሲሆን መልካም የሆነ የስራ ግንኙነት በሁሉም ክፍሎች መካከል ለመፍጠር ለተሻለ ውጤት የሚያበቃ በመሆኑ ግንዛቤ ማስጨበጥና ቅንጅታዊ አሰራሮችን አጠናክሮ መቀጠል አስፈላጊ መሆኑ ተጠቁሟል።

30/10/2023

በኢትዮጵያ እግር ኳስ ⚽️ ፌዴሬሽን የሥራ አስፈፃሚ ኮሚቴ አባላት የማሟያ ምርጫ አሸናፊዎች ታውቀዋል። 🌹🌹🌹 🌹🌹🌹

1.➜ ኮ/ል አወል አብዱራሂም - 92 ድምፅ
3. ➜አቶ ኢብራሂም ሙክታር - 80 ድምፅ
4.➜ አቶ ማዕረጉ ሀብተማርያም - 76 ድምፅ