https://www.facebook.com/1318109438216652/

ტურიზმი ყვარელში/Tourism in Kvareli, Kvareli (2025)

16/04/2024

კვირას, 14 აპრილს ყვარელს სტუმრობდნენ გიდები, სტუდენტები, პროფესორები, ლექტორები და მეცნიერ-თანამშრომლები.
მათ დაათვალიერეს ნეკრესის ნაქალაქარის სამი ობიექტი: ჭაბუკაურის ბაზილიკა (IV ს), ნაგებების კომპლექსი (VI ს) და დოლოჭობის ბაზილიკა (V ს). ნეკრესის ნაქალაქარის შემდეგ კი ეწვივნენ ფულის მუზეუმს, სადაც დახვდა ბ-ნი როლანდი და უმასპინძლა ჯგუფს. მადლობა მას ამისთვის!
აღსანიშვანია, რომ ნეკრესის ნაქალაქარის, კერძოდ კი დოლოჭობის ბაზილიკის მიმართ ინტერესი საზოგადოებაში წლიდან წლამდე იზრდება. უფრო ცნობადი ხდება ფართო მასებისთვის როგორც დოლოჭობის ბაზილიკა, ასევე ჭაბუკაური და ნაგებების კომპლექსი, სადაც სულ რამდენიმე წლის წინ აღმოაჩინეს უძველესი ქართული წარწერა, რომელზეც მეცნიერები დღემდე ვერ თანხმდებიან, ქრისტიანობამდე წარწერაა თუ ქრისტიანობის პერიოდის.
სტუმრების ვიზიტის მიზანი იყო ძეგლების ახლოს გაცნობა, მათი ცნობადობის გაზრდა, ნაშრომების, ვიდეო და აუდიო მასალის მომზადება და ფართო მასებისთვის გაცნობა.
სტუმრებს გაცნობითი ხასიათის დახვედრა და ძეგლების აღწერა ჩაუტარა არქეოლოგმა და ნეკრესის ნაქალაქარის მკვლევარმა ბ-ნმა ნოდარ ბახტაძემ. მადლობა მას ამისთვის.
ვიმედოვნებთ მომდევნო წლებში კიდევ უფრო მეტი მნახველი ეწვევა ნეკრესის ნაქალაქარს და გააცნობს მას საზოგადოებას.

05/12/2023

ყვარლის მუნიციპალიტეტის დროშა და გერბი მიღებულია ყვარლის მუნიციპალიტეტის საკრებულოს მიერ №21 დადგენილებით, 2012 წლის 9 აგვისტოს.
დროშის და გერბის აღწერას გაეცნობით ფოტოების გახსნისას.

01/11/2023

ლევან დიდი თავისი ღვაწლის გამო მადლიერი შთამომავლობისგან ლევან აღმშენებლის ზედწოდების მატარებელი, ბაგრატიონთა კახეთის სამეფო შტოს ყველაზე ცნობილი და პოპულარული წარმომადგენელი იყო. მან 56 წელი იმეფა (1518-1574 წწ) და მისი გონივრული საგარეო თუ საშინაო პოლიტიკის წყალობით ქვეყანამ არნახულ სტაბილურობას და ეკონომიკურ აღმავლობას მიაღწია.
მისი ძალისხმევით კიდევ უფრო მძლავრად გაშენდა და გამშვენდა სატახტო ქალაქი გრემი, რომელიც კავკასიის ერთ-ერთ ყველაზე ძლიერ, კეთილმოწყობილ და ხალხმრავალ ქალაქად იქცა.
ცნობილი ქართველი ისტორიკოსისა და გეოგრაფოსის, ვახუშტი ბაგრატიონის ცნობით, აგრეთვე რამდენიმე სხვა წერილობითი წყაროსა და ზეპირი ისტორიული ტრადიციის მიხედვით, ლევან მეფე ქალაქ გრემშივე, მისივე ძალისხმევით აგებულ მთავარანგელოზთა ტაძარში განისვენებს. თუმცა აღნიშნულ ისტორიულ წყაროებში ამ ტაძრის ინტერიერის ფარგლებში ლევან მეფის სამარხის მდებარეობაზე მინიშნება შემონახული არ იყო. საფლავის მდებარეობის დაზუსტებას ისიც აძნელებდა, რომ იქ არც საფლავის ქვა იყო შემორჩენილი.
2021 წელს საქართველოს ეროვნული მუზეუმის კვლევითი ჯგუფის მიერ ჩატარებული არქეოლოგიური კვლევა-ძიების შედეგად, გამოვლინდა და დადასტურდა კახთა მეფე ლევანის სამარხი. აღნიშნული სამეცნიერო-კვლევითი სამუშაოები ჩატარდა საქველმოქმედო ფონდის "წინაპარი" ფინანსური შემწეობით. ხოლო მიმდინარე წელს ამავე ფონდის ფინანსური დახმარებით გამოიცა კვლევა-ძიების ანგარიში თავისი ილუსტრაციებითა და ლაბორატორიული კვლევებით, მეცნიერთა ჯგუფის ხელმძღვანელის ისტორიის მეცნიერებათა დოქტორის, პროფ. ნოდარ ბახტაძის თაოსნობით.
პოსტში გთავაზობთ ილუსტრირებულ მასალას და ტექსტებს, აღნიშნული არქეოლოგიური სამუშაოებიდან.
აღსანიშვანია, რომ ლევან მეფის საფლავი იყო განძარცვული (არეულ-დარეული ძვლები, ნივთიერი მასალა, აკლდამაში ჩაყრილი მიწა და ა.შ.). სავარაუდოდ XVII საუკუნის დასაწყისში შაჰ-აბასის შემოსევების დროს უნდა იყოს დარბეული და გაძარცვული. სწორედ ამიტომ, ლევან მეფის ნეშტი არასრული სახით არის მოღწეული ჩვენამდე. სამარხის გაძარცვის შემდეგ პერიოდში XVIII-XIX საუკუნეების მიჯნაზე მონასტრის მესვეურებს აკლდამა ამოუშენებიათ და ზემოდან იატაკი საგულდაგულოდ გადაულესავთ და მოუკირწყლავთ, სავარაუდოდ შემდგომში ხელმეორედ დარბევის თავიდან ასაცილებლად.

წყარო
"მეფე ლევან ბაგრატიონის განსასვენებელი გრემის მთავარანგელოზთა ეკლესიაში"
თბილისი, 2023 წ.
ავტ: ნოდარ ბახტაძე, ვაჟა მამიაშვილი, იოსებ ბიჭიკაშვილი, ელისო ყვავაძე, მარინე ჭკადუა, ბაჩანა გაბეხაძე

09/10/2023

ეს არის სამების ეკლესიის მთა, რომელიც მდებარეობს ყვარელი-თელავის გზაზე. ილიას ტბის ასახვევთან ახლოს. თუ ყვარელს გაცდენილხართ ამ მიმართულებით, აუცილებლად შემჩნეული გექნებათ. ეს მთა მთავარი გზიდანაც აშკარად ჩანს.
როგორც ამბობენ, პარლამენტარი ნინო წილოსანი აშენებს მანდ რაღაც კომპლექსს. სასტუმროს, რესტორანს, კაზინოს ან რაიმე მსგავსს.
საჯარო რეესტრის საიტზე კი ეს ტერიტორია ეკუთვნის შპს ბიზნეს იმპერიას ს/კ 402140465, დირექტორი ბექა ლომიძე პ/ნ 01024062720.

ეს პროექტი რამდენიმე წელია გრძელდება. ნაწილ-ნაწილ ჭრიან მთას და გაჰყავთ გზაც. იყო პერიოდი, საზოგადოებაში ატეხილმა აჟიოტაჟი მშენებლობა შეაჩერა. მაგრამ შემდეგ ჩაცხრა და ისევ გააგრძელეს მუშაობა. სხვაგან ვერ ააშენებენ? მაგრამ არა, მანდ უნდათ. ათასი ადგილია ყვარლის რაიონში სადაც შეიძლება საინტერესო და მომგებიანი ბიზნეს ინფრასტრუქტურის მოწყობა-აღდგენა.
იგივე ვარიანტია გრემის ისტორიული ნაქალაქარის ტერიტორიაზეც. სავაჭრო კომპლექსს და მაღაზიებს აშენებენ, იქაც შეაჩერეს ერთი პერიოდი, როცა მეცნიერებმა აჟიოტაჟი ატეხეს - გრემის ნაქალაქარი ხომ არქეოლოგიური ძეგლია და არაფრით არ შეიძლება მის მიდამოებში და მის ტერიტორიაზე მძიმე ტექნიკის მუშაობა ან რაიმე მშენებლობის წარმოება. მიქის ქვეშ უმნიშვნელოვანესი შენობებია დამალული. რასაც მძიმე ტექნიკა ანადგურებს.

საინტერესოა, ყვარლელი ხალხი ამას რატომ ითმენს.! რატომ აძლევთ საშუალებას ბობოლა ბიზნესმენებს გაჩეხონ ტყე, დამახინჯონ გარემო, გაგინადგურონ ისტორიული და არქეოლოგიური ძეგლების?!
რატომ სდუმხართ?!
გეშინიათ? სამსახურს დაკარგავთ? სოციალურ დახმარებას მოგიშლიან? საყვედურს გეტყვიან? თუ უბრალოდ ნაცნობობის გამო ხათრს ვერ უტეხავთ?!
გახსოვდეთ, ეგენი როცა თქვენს ეზოსაც მოადგებიან და გაგინადგურებენ კარმიდამოს, მერე ხმის ამოღება უკვე გვიანი იქნება.
გამოფხიზლდით ყვარლელებო და ასე ყველა ერთბაშად ნუ გახდებით მონები!
ამოიღეთ ხმა და დაიცავით რაიონი. ეს თქვენი ვალია!

06/10/2023

ჯვარი – პატიოსნის ეკლესია

ყვარელში, ძველი საავადმყოფოს ზემოთ, დავით აღმაშენებლის ქუჩიდან 50 მეტრში, ილო ბეროშვილის სახელობის ქუჩაზე, ყოფილ თავადთა სასაფლაოსთან, მდებარეობდა ქვიტკირის ეკლესია ჯვრის ამაღლების სახელობისა, ,,ჯვარი-პატიოსანი.” ამ ტაძრის ეზოში დაკრძალულნი იყვნენ თავადი ჭავჭავაძეები, მათ შორის წმიდა ილია მართლის მშობლები – გრიგოლ და მარიამ ჭავჭავაძეები და ღირსი დედის, თამარა ღმსარებლისა და მისი ძმის, კოტე მარჯანიშვილის მშობლები – ალექსანდრე მარჯანიშვილი და ელისაბედ (ლიზა) ჭავჭავაძე.

ტაძარი თავის დროზე წარმოადგენდა მცირე ზომის ბაზილიკას. მისი აშენების წელი უცნობია. ადრე აქ მსახურობდა მღვდელი დავით გიუნაშვილი, რომელიც 1809 წელს აკურთხა დიაკვნად და, 1810 წელს კი მღვდლად, მთავარეპისკოპოსმა ამბროსი ნეკრესელმა.

ეს ტაძარი და მისი შემოგარენი XIXს-ის 20-იან წლებში სასტიკად დაარბიეს და გააპარტახეს. ეკლესიის მხოლოდ მცირე ნაწილიღა დარჩა, მისი ჩრდილო-აღმოსავლეთი კუთხე. საფლავის ქვეები გაიტანეს და არხებში ჩააწყეს, ხოლო ეზო სამოსახლოებად დაარიგეს.

1926 წელს ყვარელში, ილიას ეზოში სახალხო თეატრის გახსნაზე მოწვეული ყოფილა კოტე მარჯანიშვილი. კოტეს უთხოვია მშობლების საფლავების ნახვა. მაგრამ დიდმა რეჟისორმა ვეღარ მიაგნო მათ საფლავებს, ქვები აღებული დახვდა, რის გამოც ძალიან განაწყენებულა და თეატრის გახსნისადმი მიძღვნილ წვეულებაზეც აღარ მისულა.

,,ჯვარ-პატიოსნის” ტაძარი აღადგინეს წმიდა ილია მართლის საიუბილეოდ 1997 წელს. მის აღდგენაში დიდი წვლილი მიუძღვის რაიონის გამგეობის მაშინდელ თავჯდომარეს – ბატონ დავით ლაფაჩიშვილს. ტაძარს ამჟამად ერთი რამ კიდევ აკლია, რომ მის შემოგარენთან გაკეთდეს მემორიალური დაფები წარწერით, რომ აქ განისვენებენ ყვარლის ორი საამაყო წმინდანის – წმიდა ილია მართლისა და ღირსი დედის – თამარ აღმსარებლის, მშობლები.

აღდგენილი ტაძრის ზომებია 10X7.3 მ. ააგეს რიყის ქვით და აგურით. შესასვლელი დარბაზს დასავლეთის კედლიდან აქვს,კედლის კეხზე მოთავსებულია სამრეკლო. აღმოსავლეთით ღრმა ნახევრადწრიული აფსიდია. აფსიდის ღეძზე ფართო თაღოვანი სარკმელია გაჭრილი, მსგავსი სარკმელებია დანარჩენ კედლებშიც. იატაკი ქართული აგურითა მოგებული. აფსიდის იატაკი დარბაზის იატაკის მიმართ ერთი საფეხურითა სემაღლებული და შუაში ნახევარწრიული ფორმის ერთსაფეხურიანი აბიონი აქვს მოწყობილი. ტაძარი გადახურულია ძველი ქართული კრამიტით.
________________________________________
დეკანოზი ბენიამინი (ჩიხორლიშვილი)
ნეკრესელები წარსულიდან
თბილისი 2022 წ

18/10/2021

წმ. გიორგის ტაძარი, ცნობილი როგორც უსანეთის ეკლესია და ასევე ცნობილი როგორც "ყვავიჭამია" მდებარეობს ქალაქ ყვარლის სამხრეთ-აღმოსავლეთით, 3-4 კილომეტრზე, სოფელი ახალსოფლისაკენ მიმავალი გზის მარცხენა მხარეს, მთის ერთ-ერთი განშტოების კეხზე, სოფ. წიწკანაანთერის მიდამოებში. თარიღდება XV-XVI საუკუნეებით.
ლეგენდის მიხედვით, მუშები ყანას მკიდნენ, იქვე ხის ძირში ცეცხლი ენთო და ქვაბით ლობიო იხარშებოდა. უცებ ბუჩქებიდან გველი გამოძვრა, მიცოცდა ცეცხლთან, ჩაიხედა ქვაბში, შიგ ჩავარდა და ჩაიხარშა. ამ ამბავს ხიდან ყვავი უყურებდა, მორთო სასოწარკვეთილი ჩხავილი, მუშებმა ხან ქვა ესროლეს, ხან ხის ტოტი, მაგრამ ყვავი თავიდან ვერ მოიცილეს. ის მაინც განუწყვეტლივ დასჩხაოდათ თავზე. სადილობის დროს მუშები გამოვიდნენ და სასადილოდ მოემზადნენ. ერთი ყმაწვილი ძალიან შეწუხდა ყვავის ჩხავილით და მისი მოკვლა განიზრახა, მაგრამ ყვავი გაფრინდა და შიგ ადუღებულ ლობიოში ჩავარდა. მუშებმა საჭმელი წამოაქციეს და ნახეს უზარმაზარი გველის ჩონჩხი ჩახარშულ ყვავთან ერთად. ხალხმა გადაწყვიტა გონიერი ყვავისათვის ამ ადგილას სამახსოვრო ძეგლი აეგოთ და აეშენებინათ ეკლესია, რომელსაც „ყვავიჭამიას საყდარი“ უწოდეს.

თუ გსურთ უფრო მეტი საინტერესო პოსტები ყვარლის შესახებ, მოიწონეთ და გააზიარეთ გვერდი.

13/07/2021

კვირას, 11 ივლისს ყვარელში ინფოტურზე იმყოფებოდნენ საქართველოს ტურიზმის სფეროს წარმომადგენლები - გიდები და ტუროპერატორები. მათი მიზანი იყო ყვარლის ღირსშესანიშნაობების და ტურისტული ობიექტების გაცნობა, შემდგომში ვიზიტის მიზნით.
სტუმრებმა მოინახულეს ნეკრესის ნაქალაქარის შემადგენლობაში შემავალი ორი უნიკალური არქეოლოგიური ძეგლი - IV საუკუნის ჭაბუკაურის ბაზილიკა და V საუკუნის პირველი ნახევრის დოლოჭოპის ბაზილიკა, სტუმრები ასევე იმყოფებოდნენ სოფ. კუჭატანში ნიკა კანდელაკის სამჭედლოში, სადაც გაეცნენ მჭედლობის ხელოვნებას და ჩაუტარდათ მჭედლობის მასტერკლასი. ასევე მოინახულეს ადგილობრივი სასტუმრო ყვარელში Hotel Paradise და საოჯახო მარანი "ლუნისი"/Family Cellar Lunisi.
სტუმრები კმაყოფილები წავიდნენ ყვარლიდან და აღგვიქვეს სამომავლოდ თანამშრომლობა.
მადლობა მათ ყვარლის რაიონის ტურისტული ობიექტებით დაინტერესებისა და სტუმრობისთბის!

28/06/2021

ილიას ტბა

18/02/2021

14 მარტს იგეგმება გიდების და ტუროპერატორების ჩამოსვლა ყვარელში.
სულ 20 პერსონა. მათი ძირითადი ნაწილი მუშაობს რუსულ და ბალტიისპირეთის ბაზარზე.
ვიზიტის მიზანია ადგილობრივი კულტურულ-ისტორიული ძეგლების, მუზეუმების, მარნების, კვებისა და განთავსების ობიექტების გაცნობა შემდგომში თანამშრომლობის მიზნით.
ტურის პროგრამა თითქმის ბოლომდე გაწერილია, მაგრამ შესაძლებელია ერთი ობიექტი (მარანი, სასტუმრო ან რესტორანი) დაემატოს.
მსურველი შეგვეხმიანოს აქვე ან პირადში და გავაცნობთ პირობებსა თუ სხვა დეტალებს.

18/01/2021

შაბათს, 16 იანვარს ყვარელს ეწვივნენ ტურისტული კომპანიის წარმომადგენლები, გიდები და ტურ-ოპერატორები.
მათ დაათვალიერეს დოლოჭოპის ბაზილიკა და ადგილზე დეტალურად გაეცვნენ მის ისტორიას, არქეოლოგიური გათხრების ქრონოლოგიას და ძეგლის დღევანდელ მდგომარეობას. აღსანიშავია, რომ ძეგლმა მათზე წარუშლელი შთაბეჭდილება დატოვა - "ასეთ განძს მოფრთხილება სჭირდება", "ასეთი სიმდიდრე უნდა დავაფასოთ", "ჩვენ აქ კიდევ დავბრუნდებით სტუმრებთან ერთად"......
ტურის მეორე ნაწილში კი სტუმრებს საკუთარ მარანში უმასპინძლა "ძველმა ვაზმა" ძველი ვაზი/Old Vine/Старая лоза
მინდა ტურის თითოეულ მონაწილეს, როგორც სტუმრებს, ასევე მასპინძლებს დიდი მადლობა გადაგიხადოთ სტუმრობისა და მასპინძლობისთვის და ვიმედოვნებ მომავალში კიდევ ბევრჯერ შევხვდებით ყვარელში

16/12/2020

ილია ჭავჭავაძის ძეგლი
ყვარელი, ილიას გორა
სიმაღლე პოსტამენტიდან 11 მ.
გამოყენებულია თუჯი.
გაიხსნა 1968 წლის 2 მაისს.
ავტორი და მოქანდაკე თენგიზ ღვინიაშვილი
არქიტექტორი კიაზო ნახუცრიშვილი
ჩამომსხმელი სანდრო ხადური

13/12/2020

ილია ჭავჭავაძის ყვარლის სახელმწიფო მუზეუმი
13 დეკემბერი, 2020 წ.

10/12/2020

სეტყვის საწინააღმდეგო სისტემა მდ. დურუჯის ხეობაში.
2015 წელს სახელმწიფო სამხედრო სამეცნიერო-ტექნიკურ ცენტრ “დელტას“ მიერ საქართველოში, კახეთის რეგიონში სეტყვის საწინააღმდეგო სისტემა დამონტაჟდა.
სეტყვისაგან დასაცავად კახეთის რეგიონში განთავსებულია 85 ერთეული სარაკეტო გამშვები დანადგარი ყოველ 10 კმ-ში.
სეტყვის საწინააღმდეგო სისტემის შემადგენლობაში შედის:
• მეტეოროლოგიური რადიოლოკაციური სადგური.
• ცენტრალური მართვის ცენტრი
• ავტომატიზირებული ციფრული ცეცხლის მართვის სისტემა
• რაკეტის გამშვები მოწყობილობა სდ-56 და სდ-26
• სეტყვის საწინააღმდეგო რაკეტები
მეტეოროლოგიური რადიოლოკაციური სადგური წარმოადგენს C დიაპაზონის, ორმაგად პოლარიზებულ დოპლერულ რადიოლოკატორს, რომელიც იღებს მონაცემებს სეტყვის წარმომშობი ღრუბლის შესახებ. სპეციფიკური ალგორითმის გამოყენებით, პროგრამა ყველა ამ მონაცემს ამუშავებს და უსწრაფესად აგზავნის მართვის ცენტრში.
ცენტრალური მართვის ცენტრი წარმოადგენს პერსონალისთვის განკუთვნილ ადგილს, სადაც ამინდის რადარებიდან და რაკეტების გამშვები ადგილებიდან მიღებული ინფორმაციის მოგროვება და გადამუშავება ხდება. ინფორმაციის გადამუშავების შემდეგ მართვის ცენტრიდან ხდება შესაბამისი საცეცხლე წერტილის შერჩევა და ღრუბლის სარაკეტო დამუშავება.
რაკეტების რაოდენობა - 26-56 ერთეული
პაკეტის ამაღლების კუთხე - 55-85°
ჰორიზონტალური ბრუნვის კუთხე - 360°
რაკეტის დიამეტრი - 55 მმ.
რაკეტის მასა - 3550 გრამი
რაკეტის მაქსიმალური სიჩქარე - 600 მ/წმ.
სროლის მაქსიმალური მანძილი - 7800 მეტრი
----------------------------------------------------
Anti-Hail System in Riv. Duruji gorge
LEPL State Military Scientific-Technical Center “DELTA” is working on renewal of the hail suppression works in Georgia in 2015.
To protect the whole region of Kakheti, it is required to place 85 launching points – one in every 10 km.
The Anti-Hail System consists of:
• Weather Radar with a special software
• Central Control Station
• Automatized Fire Control System
• Rocket Launching Device SD-56 and SD-26
• Anti-Hail Rocket
The weather radar is a C-band, dual polarized Doppler radar, which generates all the data to forecast hail-producing thunderstorms. All that information, plus the databases of hail-consisting clouds, are used by the software with the specific algorithms to generate the areas, where the silver iodide reagent is to be dispersed.
The Central Control Station is a dislocation place for the personnel, where all the information from weather radar and rocket launching sites are gathered, processed and where the automatized fire control system is. The Automatized Fire Control System receives the data and the areas of seeding from the special software of weather radar, defines optimal launching site, the number of rockets needed and sends the orders to the proper launching devices.
Rocket quantity - 26-56 rocket
Elevation - 55-85°
Traverse - 360°
Rocket diameter - 55 mm.
Rocket weight - 3550 Gram
Rocket maximum velocity - 600 m/sc.
Shoot maximum distance - 7800 meter

13/11/2020

ყვარელი ამ წუთებში ❤️❤️

28/09/2020

ყვარლის ფერისცვალების სახელობის ეკლესია მდებარეობს ბოგირზე, პეტრე იბერის ქუჩაზე (მოლაანთ უბნის გადასახვევში).
აგებულია 1808 წელს. ეკლესია დარბაზული ტიპის ბაზილიკაა ზომებით 10.9×6.5 მ. ნაგებია რიყის ქვის სწორხაზობრივი წყობით. კუთხეებში, თაღების, ლავგარდნის და ფასადთა შემკულობისთვის გამოყენებულია აგური. კარი სამი აქვს: სამხრეთით, დასავლეთით და ჩრდილოეთით. სამხრეთის და დასავლეთის კარი გარედან თაღოვანია, შიგნიდან თარაზულადაა დასრულებული, ჩრდილოეთის ორივე მხრიდან არქიტრავულია. აღმოსავლეთის და დასავლეთის კედლებში თითო, ხოლო გრძივ კედლებში ორ-ორი სარკმელია, მათგან ჩრდილოეთის და სამხრეთის დასავლეთ ნაწილში გაჭრილი სარკმლები ვიწრო და შეისრულია, დანარჩენი ფართო და თაღოვანი. კედლები აგურის ოთხმაგი ლავგარდნითაა დასრულებული. გადახურულია კრამიტით. დასავლეთის მხარეს დადგმულია ცემენტით აღდგენილი სამრეკლო-ფანჩატური. აღმოსავლეთით ნალისებრი აბსიდია, რომლის კონქი ფართო მხრებსა და შეისრულ თაღს ეყრდნობა. აბსიდის ჩრდილოეთ და სამხრეთ კედელში ორ-ორი სხვადასხვა ზომის ნიშაა. საკურთხეველი ორი საფეხურითაა ამაღლებული. ეკლესია შეისრული კამარითაა გადახურული, რომელიც ორ საბჯენ თაღს ეყრდნობა. ერთი კრონშტეინებზე დაბჯენილი თაღი დარბაზის შუაშია, მეორე კი დასავლეთის კედლის კუთხეებში არსებულ პილასტრებზე გადადის. ეკლესიის ფასადები აგურითაა გაფორმებული: აღმოსავლეთის ფრონტონში ერთი, დასავლეთისაში კი სამი ჩაღრმავებული კვარცხლბეკზე აღმართული ჯვარია გამოსახული. ასეთივე ჯვრებია მოცემული სამხრეთის და ჩრდილოეთის კარის თავზე. სამივე კარის გვერდებზე აგურის წყობის ჩაღრმავებით სამ-სამი რომბია მოცემული. დასავლეთის კედელში, კარის თავზე თეთრ მარმარილოში ამოკვეთილი მხედრული წარწერაა: „1808 წელსა აგვისტოს 18 აღვაშენეთ ეკლესიას ფერისცველებისა ჩვენ იმერლიშვილმა დემეტრემ და ჭერაშვილმა ნადირამ საოხად სულისა ჩვენისა შვილთა და მომავალთა, სახლისა ჩვენისათა და დასაკვლელად ჩვენად და შთამომავალთა სახლისა ჩვენისათა რომელ ვყავთ სასაფლაოდ და მოსახსენებლად სულთა ჩვენთა აღმომკითხველნი ამის წერილისან შენდობას გვიბრძანებდეთ“. ეკლესიის ძეგლის მახასიათებლებია: სიძველე, არქიტექტურული ფორმა და დეტალები: ეპოქის მახასიათებელი შეისრული თაღები, სარკმლები და კარები, ფასადების აგურის რომბებითა და ჯვრებით მოპირკეთება.
2018 წლის 8 მაისს ტაძარს კულტურული მემკვიდრეობის უძრავი ძეგლის სტატუსი მიენიჭა.

09/09/2020

ა.წ. 6 სექტემბერს ყვარელში გაიმართა ინფო ტური გიდებისა და ტუროპერატორებისთვის. მათ დაათვალიერეს ყვარლის კულტურულ-ისტორიული ღირსშესანიშნაობები და გაეცნენ ადგილობრივ ტურისტულ ობიექტებს.

ღონისძიების მხარდამჭერები იყვნენ
კახეთის დანიშნულების ადგილის მართვის ორგანიზაცია - ვიზით კახეთი’ DMO - " Visit Kakheti "
ყვარლის მუნიციპალიტეტი
ტურიზმის ეროვნული ადმინისტრაცია • Georgian National Tourism Administration
ილია ჭავჭავაძის მუზეუმი ყვარელში
გიგო პაპას მარანი/Gigo Papa's Wine Cellar/Винный погреб дедушки Гиго
სასტუმრო ბეტი HOTEL BETTI
სასტუმრო "ყვარლის მთებს"
Winery Khareba • მეღვინეობა ხარება

მადლობა მათ მხარდაჭერისა და თანადგომისთვის!

10/08/2020

მიმინოს წყარო

10/08/2020

სათავგადასავლო ტურიზმის მოყვარულებო, გაშალეთ კარავი ილიას ტბაზე.
ისარგებლეთ სპეციალურად გამოყოფილი საკემპინგე ადგილებით ტბის მიმდებარე ტერიტორიაზე.
აქ თქვენ დაგხვდებათ მოსწორებული ადგილი, ტყეში მოწყობილი საპიკნიკე. 100 მეტრში სასმელი წყალი. 20 ნაბიჯში ნაგვის ურნა.
დაჩექინდით ილიას ტბაზე. დაათვალიერეთ ყვარლის რაიონის ისტორიული და ბუნებრივი ძეგლები.
-------------------------------------------------------
Adventure tourism lovers, set up a tent on Lake Ilia.
Take advantage of specially designated camping sites around the lake.
Here you will find a flat place for camping, picnic tables in the woods. water in 100 meters. garbage in 20 steps.
Check In Ilia Lake.
Visit the natural and historical places of Kvareli district.

28/07/2020

ცნობილი ყვარლელები

დიდებული ქართველი რეჟისორი, ხელოვნების დამსახურებული მოღვაწე დასაქართველოს სახალხო არტისტი ვახტანგ ტაბლიაშვილი 1914 წელს დაიბადა ქალაქ ყვარელში მღვდლის ოჯახში.
სკოლის დამთავრების შემდეგ, მან წერილობით მიმართა კოტე მარჯანიშვილს - რეჟისორობა მსურს და მინდა, ეს ხელობა თქვენ მასწავლოთო. მარჯანიშვილი დაინტერესდა წერილის ავტორის ვინაობით, თავისთან დაიბარა და ახალგაზრდა კაცი თანაშემწედ აიყვანა.
ხელოვნების ინსტიტუტი მოსკოვში დაამთავრა, რის შემდეგაც დაბრუნდა სამშობლოში და ხელი მოჰკიდა შემოქმედებით საქმიანობას. სხვადასხვა დროს იყო მარჯანიშვილისა და ოპერისა და ბალეთის თეატრის მთავარი რეჟისორი.
მისი თაოსნობით დაიდგა ისეთი ცნობილი სპექტაკლები როგორებიცაა: დავით აღმაშენებელი, რომეო და ჯულიეტა, დაისი, დარეჯან ცბიერი და მრავალი სხვა.
კარიერის მეორე ეტაპზე მოღვაწეობდა კინოსტუდია „ქართულ ფილმში“. მისი რეჟისორობით გადაიღეს ფილმები „ქეთო და კოტე“ (1948 წ.), „დიდოსტატის მარჯვენა“ ( 1970-71 წწ) და სხვა.
"რა მიზიდავდა ისტორიული შინაარსის პიესებში? ჩვენი ერის სასიცოცხლო ფესვებში წვდომა" - წერდა რეჟისორი.
ვახტანგ ტაბლიაშვილი მორწმუნე იყო და ეკლესიაშიც ხშირად დადიოდა. ერთხელ ქაშუეთის ტაძრიდან გამოსულს შეუმჩნევია, რომ უთვალთვალებდნენ. მაშინვე მიხვდა, - სხვა ვინ უნდა იყოს, თუ არა უშიშროების თანამშრომელიო? უცნობს მიახლოებია და პირდაპირ უკითხავს: რას დამყვები? მე თუ აქ დავდივარ, ღმერთი მწამს!.. თან, ჩემი საქმიანობა, პროფესია მოითხოვს ამას, ეს მჭირდება". უცნობი შეტრიალებულა და უსიტყვოდ გასცლია რეჟისორს.
ღვაწლმოსილი ქართველი რეჟისორი გარდაიცვალა 2002 წელს 88 წლის ასაკში.
დაკრძალულია დიდუბის მწერალთა და საზოგადო მოღვაწეთა პანთეონში.

ფოტოზე ხედავთ ვახტანგ ტაბლიაშვილის ბიუსტს ქალაქ ყვარლის ცენტრში.

18/05/2020

დოლოჭოპის ბაზილიკა V საუკუნის პირველი ნახევრით თარიღდება. ეს გახლავთ ყვარლის რაიონის ერთ-ერთი ყველაზე მნიშვნელოვანი კულტურულ-ისტორიული ძეგლი, რომელსაც დიდი ტურისტული პოტენციალი გააჩნია.
დღეს კი დოლოჭოპის ბაზილიკა საფრთხეშია და თუ დროულად არ მოხდა იქ არსებული არხის დემონტაჟი, ძეგლს სინესტე და წყალი გაანადგურებს.
იქ არსებული სამარხები დატბორილია.

15/02/2020

იცოდით რომ კავკასიაში ერთ-ერთი პირველი და უდიდესი ბაზილიკა ყვარელში მდებარეობს?
დოლოჭოპის ბაზილიკა - თარიღდება IV-V საუკუნით.
ეროვნული მნიშვნელობის ძეგლი მდებარეობს მდ. დურუჯის პირას, რის გამოც ის ხშირად იტბორება.
ძეგლს სჭირდება მეტი ყურადღება, რათა გაზაფხულის წყალდიდობებმა უფრო მეტად არ დატბოროს და არ დააზიანოს ის.

თქვენი აზრით რას ნიშნავს დოლოჭოპი.
- ჭაობისპირა ადგილს? ჭაობიანი ადგილი?
- ცხვრის დოლი+ჭაობი?
გაგვიზიარეთ აზრი კომენტარებში.

10/05/2019

ამ ადგილებში ძალიან ყოფილა ქინძი გავრცელებული. სადაც გაიხედავდი ყველგან ეს მწვანილი გხვდებოდა. მინდვრები, ბაღები, ვენახები......
ხალხი იძახდა, ეს ადგილი ქინძ მორეულიაო, მომეტებული, მორეული რაოდენობით არის ქინძიო.
მდიდარმა და ცოცხალმა ქართულმა ენამ ქინძმორეული ვერ შეითვისა და დღეს მაგ ადგილს ქინძმარაულს ეძახიან

ტურიზმი ყვარელში/Tourism in Kvareli

16/04/2024

05/12/2023

01/11/2023

09/10/2023

06/10/2023

18/10/2021

13/07/2021

28/06/2021

18/02/2021

18/01/2021

16/12/2020

13/12/2020

10/12/2020

13/11/2020

28/09/2020

09/09/2020

10/08/2020

10/08/2020

28/07/2020

18/05/2020

15/02/2020

10/05/2019

Address

Website

Alerts

Shortcuts

Share

Category

Other Kvareli travel agencies

You may also like