ჩემი სპეთი/,,MoiSpet”

30/08/2024

შენ გენაცვალე მტევანო
გლეხის ნაყოფო შრომისა,
მარცვლიდან მირონს ადინებ
მშვენებავ შემოდგომისა.

****
არვინ მეგულვის ამ ქვეყნად
შენ არ გეტრფოდეს გულითა,
როს შენკენ არ ისწრაფვოდეს
ის მთელი სიყვარულითა.
****
გამოგწურავდეს გივლიდეს
არ გაკარებდეს ნიავსა,
შენც შენებურად ლოცავდე
ყოველსა ადამიანსა.

(იმედა ხადური)✍🏼 04.14.2024

27/08/2024

21/08/2024

რა ვუთხრა ბაბუს?

დაჟანგებულხარ, ძველო სახნისო,
ახლა რაც გტკივა, მე კარგად ვიცი,
გიერთგულებო! - შეგპირდა ბაბუ,
მაგრამ, საბრალომ, გატეხა ფიცი.

რა უნებლიედ დაგტოვა გზაში?!
ნუ იტყვი დაგთმო... ბედის ბრალია,
სწორედ მიტომ, რომ აღარ ხართ ერთად,
ყველა ბილიკი გაუვალია!

მე კი თან დამდევს მისი აჩრდილი,
მუდამ სოფლისკენ გვიხმობს თავისებს,
დღეს უფრო მტკივა, წყვილად ხარები,
უღელს შებმულნი, რომ გაასხვისეს...

მას მერე ბევრმა წყალმა იარა...
იმედით მიმზერ, მე მოვალ როდის?
ვერ შეგპირდები... ვერ გაგიმეტებ,
ფიქრით შეაკვდე უაზრო ლოდინს.

გული კი - გბრალობს და ენანები,
ვაი, თუ მართლა ჟანგმა შეგჭამოს?!
რა ვუთხრა ბაბუს, რით გავახარო,
შრომით მოღლილს რომ გულზე ეამოს?

ვერაფერს ვეტყვი, ტყუილს ვერ ვკადრებ,
დღეს სინამდვილე ცხადზე ცხადია!
დაცარიელდა ყველგან სოფლები,
ისე ვპატრონობთ, მტერს რომ სწადია...

30/07/2024

ლიზა დავაძემ და 63 კგ წონით კატეგორიაში ვერცხლის მედალი მოიპოვა

29/06/2024