26/05/2024
🍁ყოველი კვირის სამი დღე, ოთხი სხვადასხვა მიმართულება ჩვენს დედაქალაქში, ფეხით მოვივლით მის ლამაზ ქუჩებს და ხელახლა აღმოვაჩენთ თბილისს, გადავიღებთ სამახსოვრო ფოტოებს.
🍁პარასკევი. რუსთაველი-ორბელიანთუბანი.
რუსთაველის გამზირი-ულამაზესი არქიტექტურული ანსამბლი, თითოეული შენობა კი, მნიშვნელოვანი ისტორიული მისიის მატარებელი. გამზირის ,,მთავარი შენობების'' გარდა ტურის მსვლელობისას მოვინახულებთ მის ,,მიმალულ მარგალიტებსაც''- თავად ვასილ გაბაშვილის ,,მაქმანებიან სახლს'', ,,არშაკუნის სასახლეს'' თავისი საოცარი ,,ბროლისა'' და ,,სარკეებიანი'' დარბაზებით. რუსთ. გამზირი ჩვენი ხელოვნების, კულტურის თუ სარწმუნოების დიდებული არქიტექტურული და ისტორიული ზეიმია...
,,ორბელიანთუბანში'' არ გამქრალა XIX საუკუნის ატმოსფერო და ეპოქის უტყვი მოწმეები-სატუმროები ,,ლონდონი'' და ,,გრანდ ოტელი'', თითქოს არც კი იმჩნევენ რამდენი დიდებული ადამიანისთვის უმასპინძლიათ... აქვეა ჯამბაკურ-ორბელიანების სასახლეც, ,,სალდატსკი ბაზარი'' კი დღესაც ისეთივე ხალხმრავალია როგორც ოდესღაც, ორი საუკუნის წინ.
🍁 შეხვედრის ადგილი და დრო: 11 სთ. M.სადგური რუსთაველი, შ. რუსთაველის ძეგლის წინ.
🍁შაბათი. სოლოლაკი-,,თბილისური პარიზი''
🍁სოლოლაკი-ბურჟუაზიული თბილისის ,,წარმავალი სილამაზე'', ისტორიის გაფერმკრთალებული მაგრამ კვლავ დიდებული ფურცელი, ადგილი, სადაც ცოცხლდება მე-19 საუკუნის რომანტიკა და ადამიანის სულის სწრაფვა სრულყოფილებისაკენ. ტურის მსვლელობისას დავათვალიერებთ ამ ხანმოკლე მაგრამ საოცრად ლამაზი ეპოქის არქიტექტურულ მრავალფეროვნებას, ფართე სადარბაზოებს ძვირფასი მარმარილოს კიბეებითა და კედლებისა და ჭერის ულამაზესი მხატვრობებით. მოვინახულებთ ძმები სიმენსების, ძმები სეილანოვების, ძმები ფრიდონოვების, მირზა რეზა ხანის, ანა მადათოვასა და სხვათა სახლებს, ვეწვევით დ. სარაჯიშვილის სახლ-მუზეუმს, მოგიყვებით ამბებს ,,იტალიური ვილის'' შესახებ და კიდევ ბევრი რამ...
🍁შეხვედრის ადგილი და დრო: 11სთ. თ. მოედანზე საკრებულოს შენობის წინ.
🍁კვირა-ძველი თბილისი.
🍁ეს ტური მოიცავს უამრავ საინტერესო ფაქტს თბილისის ისტორიის ფურცლებიდან-მისი დაარსებიდან დღემდე. აქ ჩვენს თვალწინ გაცოცხლდებიან სუკუნეები...ძველი ქალაქის გალავნის ნანგრევები თუ უძველესი ქრისტიანული ტაძრები, შუა საუკუნეების ქარვასლები თუ გოგირდის აბანოები. ისევ აქ არიან ბერიკები და მეფარნეები, ნიკალას მეეზოვე და თამადა, შორიახლოს კონკაც ჩაგვივლის, ხის აივნიანი სახლებიდან კი ძველი თბილისელების ხმაც შეიძლება გავიგონოთ... ვნახავთ სად იყო პირველი სტამბა სადაც 1712 წ. ,,ვეფხისტყაოსნის'' პირველი ეგზემპლარი დაიბეჭდა.
სწორედ აქ გადიოდა აბრეშუმის გზის ერთერთი მთავარი მაგისტრალი. თბილისი იყო, ქალაქი, რომელიც აკავშირებდა აზიას ევროპასთან, დასავლეთს აღმოსავლეთთან, ქალაქი, სადაც ერთმანეთს კვეთდა მრავალი რელიგია თუ კულტურა და ეს ზეგავლენა არსად არ გამქალა. სწორედ ამიტომაა იგი ასეთი მიმზიდველი და განუმეორებელი.
🇬🇪 P.S მორიგი კვლევის თანახმად 2024 წელს საქართველოს დედაქალაქი ერთერთ ყველაზე პოპულარულ ტურისტულ მიმართულებად იქნა დასახელებული.
🍁შეხვედრის ადგილი და დრო: 11სთ. თ. მოედანზე, პუშკინის სკვერთან.
🍁ტურებზე ჩასაწერად დაგვიკავშირდით:
595 50 59 57 ან
593 07 55 22 ან გვერდის მესენჯერიდან.
ტურის ღირებულება 25ლ. მოსწავლეები 10ლ.
🍁მეგობრებო ვინაიდან ჩვენი ტურები იმართება ყოველკვირეულად და კვირაში სამი დღე სასურველია შეგვეხმიანოთ თუ შეგროვდებით 3 მსურველი ერთად, ვინაიდან ხშირად ვერ გროვდება საკმარისი რაოდენობა ტურის ჩასატარებლად, რაც უფრო შესამჩნევი გახდა ბოლო მოვლენების პარალელურად.
🍁ტურებს გაუძღვება სერთიფიცირებული გიდი, საქ. გიდების ასოციაციის წევრი Luiza Topeshashvili.
