25/12/2022
კითხვები გაქვთ? აქ პასუხებია!
💭 დაგიბრუნდით ხშირად დასმული კითხვებით:
- გვჭირდება თუ არა ჩილეში ჩამოსასვლელად ვიზა?
- არა. საქართველოს ჩილესთან უვიზო მიმოსვლა აქვს. შეგიძლიათ 90 დღის მანძილზე ჩილეში იყოთ ვიზის გარეშე.
- არის თუ არა ჩილეში სამუშაოები?
- სამუშაო არის, მაგრამ ხელფასები არის დაბალი, 300-400$. ჩილეში სამუშაოდ ჩამოსვლა არ ღირს! ჩილეში ჩამოსვლა ღირს მხოლოდ იმ შემთხვევაში, თუკი ბავშვს ელოდებით და ფიქრობთ, რომელ ქვეყანაში გააჩინოთ, რომ მისი პასპორტით ჰქონდეს პერსპექტივა, როგორც ბავშვს, ისე მშობელს. ჩილეს პასპორტით კი გზა ხსნილია და უვიზო გაქვთ მსოფლიოს 174 ქვეყანაში, მათ შორის დიდი რვიანია ქვეყნებში: კანადა, აშშ, დიდი ბრიტანეთი, რუსეთი, იაპონია, ევროკავშირის ქვეყნები...
- აქვს თუ არა ჩილეს მოქალაქეს დახმარება?
- ჩილეში ბავშვებისთვის უამრავი უფასო პროგრამაა, მაგრამ ფულადი დახმარება ბავშვებს არ აქვთ. არც სოც. პაკეტებით გამოირჩევა.
- რატო უნდა გინდოდეს ჩილეში ჩამოსვლა ბავშვის გასაჩენად?
- თუ გეგმავთ ამერიკაში, კანადაში ან სხვა ნებისმიერ ქვეყანაში წასვლას, მაგრამ არ გინდათ არალეგალურად წასვლა და ოჯახის დიდი ხნით დატოვება, ჩილე იდეალური ვარიანტია, რომ თქვენმა შვილმა დაბადებისთანავე, ხოლო თქვენ და ოჯახის სხვა წევრებმა ორ წელიწადში მიიღოთ ჩილეს პასპორტი, რომლითაც თავისუფლად და ლეგალურად ივლით ყველგან, ისე რომ არ მოგიწევთ მრავალი წლით იძულებით განშორება ოჯახის წევრებთან. ყველა ქვეყანაში სამოგზაუროდ, სამუშაოდ თუ საცხოვრებლად მათთან ერთად შეძლებთ მოგზაურობას.
- რამდენ ხანს შემიძლია ჩილეს პასპორტით უვიზოდ წასვლა სხვა ქვეყანაში?
- სტანდარტულად უვიზო მიმოსვლის პერიოდი 90-180 დღეა. მაგალითად კანადაში 6 თვით ჩასვლა უვიზოდ შეგიძლიათ, თუმცა უფრო მეტ ხანს ლეგალურად გასაჩერებლად მარტივად კეთდება 5 წლიანი სამუშაო ვიზა. იგივე ეხება აშშ-ს და სხვა ქვეყნებს.
- რამდენი ხანი სჭირდება ბავშვის და მშობლის მოქალაქეობის მიღებას?
- ბავშვი დაბადებისთანავე იღებს მოქალაქეობას და რამდენიმე დღეში იღებს საერთაშორისო პასპორტს და ID ბარათს. მშობლებს მოქალაქეობის მისაღებად 2 წელი სჭირდებათ.
- მხოლოდ მშობლებს შეუძლიათ მოქალაქეობის მიღება?
- 2 წელიწადში მოქალაქეობის მიღება შეუძლია ჩილეს მოქალაქის მშობლებს, დედ-მამიშვილებს, ბებია-ბაბუებს, შვილებს და ოჯახის სხვა წევრებს.
- მე და ჩემი მეუღლე რო ჩამოვიდეთ და ბავშვი გავაჩინოთ, 2 წელი ჩილეში უნდა ვიყოთ?
- არა. საჭიროა 2-3 თვით სამშობიაროდ ჩამოსვლა. გააჩინოთ ბავშვი, დაბადებისთანავე აუღოთ ჩილეს პასპორტი და დაბრუნდეთ საქართველოში. თუ გინდათ რომ თქვენც მიიღოთ მოქალაქეობა, საჭიროა: 2 წელი ჩილეს რეზიდენტის სტატუსი და ჯამში 12 თვე ჩილეში ცხოვრება. ანუ, ბავშვის დაბადებისას არ გიწევთ 2-3 თვეზე მეტ ხანს ჩილეში გაჩერება. 2 წლიანი რეზიდენტობისას შეგიძლიათ 1 წელი იყოთ საქართველოში და ბოლო 1 წელი ჩილეში (ასევე შეგიძლიათ 1 წლიანი პერიოდი დაჰყოთ 3-4 ნაწილად, მაგრამ ხარჯია).
- აუცილებელია რომ ეგრევე გავხდე რეზიდენტი?
- არა. მთავარია რომ ბავშვის გაჩენით ის უკვე მოქალაქეა, ანუ თქვენ ხართ ჩილეს მოქალაქის ოჯახის წევრი, რაც საკმარისი საფუძველია, რომ ნებისმიერ, თქვენთვის მოსახერხებელ დროს (თუნდაც წლების შემდეგ) გადაწყვეტოთ და დაგეგმოთ რეზიდენტობა და 2 წელიწადში მიიღოთ მოქალაქეობა. თუმცა უმეტესობა მალევე ხდება რეზიდენტი, რადგან როგორც გითხარით, რეზიდენტობისას ქვეყანაში ყოფნა არ არის სავალდებულო.
- რა ჯდება დაახლოვებით გზა, ბინა, მშობიარობა, საბუთები?
- ჩვენ, 2 ადამიანს დაახლოვებით 20 000$ დაგვიჯდა ორივე გზა, 3 თვით კეთილმოწყობილი ბინა, კერძო კლინიკა და საბუთები. ამაში არ შედის კვებისა და სხვა პირადი ხარჯები, ანუ ის ხარჯები რაც განურჩევლად ქვეყნისა, ჩვენს ქვეყანაშიც გვექნებოდა.
- რამდენი ხანი სჭირდება მოქალაქეობის მიღებას, იმ შემთხვევაში თუ ოჯახის წევრი არ მყავს ჩილელი?
- ამ შემთხვევაში საჭიროა 4 წლიანი რეზიდენტობა (ადრე 7 წელი იყო საჭირო).
აქვე გეტყვით, რომ:
⭐️ ჩილეს მოქალაქეს შეუძლია ესპანეთის მოქალაქეობის 2 წელიწადში მიღება (ნაცვლას 10 წლისა).
⭐️ ასევე, როცა ჩილეს მოქალაქე ხდებით, მომავალში თქვენი შვილებიც, მიუხედავად იმისა ჩილეში დაიბადებიან თუ არა, ავტომატურად ღებულობენ ჩილეს ორმაგ მოქალაქეობას.
- ჩილეს მოქალაქეობასთან ერთად საქართველოს მოქალაქეობაც მინარჩუნდება?
- დიახ, რადგან ორივე ქვეყნის, როგორც საქართველოს, ისე ჩილეს კანონმდებლობა ითვალისწინებს ორმაგ მოქალაქეობას.
- რომელ ქვეყნებში არ შეუძლია ჩილეს მოქალაქეს უვიზოდ მიმოსვლა.
- ისეთ ქვეყნებში, სადაც წესით ისედაც არ უნდა გინდოდეთ წასვლა 😁 მაგალითად ბურკინა ფასო, ჩრდილოეთ კორეა, ჰონდურასი და სხვა. ერთადერთი კარგი ქვეყანა სადაც ვიზაა საჭირო არის ავსტრალია (თუმცა ჩილე მუდმივად ზრდის უვიზო ქვეყნების სიას და შეიძლება მალე ავსტრალიაშიც გახდეს უვიზო).
- უსაფრთხოა ჩილეში ცხოვრება?
- ჩილე სამხრეთ ამერიკაში ყველაზე უსაფრთხო და რეგიონში ყველაზე განვითარებული ქვეყანაა, თუმცა სიფრთხილის ზომების მიღება აქაც საჭიროა (როგორც ყველგან). არის რაიონები და უბნები, სადაც არ ღირს გვიან ღამით მარტო გადაადგილება (როგორც ყველა ქვეყანაში).
- ვთქვათ 2 წლიანი რეზიდენტობისას 1 წელი ვარ ჩილეში, შემიძლია ამ პერიოდში მუშაობა?
- რეზინენტობისას მუშაობის უფლებაც გაქვთ. როგორც აღვნიშნე ხელფასები დაბალია, თუმცა უხვადაა სამსახური მომსახურების სფეროში (კურიერი, მძღოლი, მიმტანი, მზარეული და აშ). გასათვალისწინებელია, რომ ხელფასები არ არის იმხელა რომ სამუშაოდ წამოსვლა ღირდეს. თავის შენახვას და აქ ცხოვრებას ეყოფა (გარკვეულწილად ყველაფერი დამოკიდებულია თქვენს მოხერხებულობაზეც ❤️)
- რა პროფესიაზეა დიდი მოთხოვნა?
- ჩილეში ყველაზე მაღალანაზღაურებადი პროფესიებია: იურისტი, ექიმი, ინჟინერი, IT.
- რა ენაზე საუბრობენ ჩილეში?
- ჩილეში სახელმწიფო ენა ესპანურია. ინგლისურიც იციან, მაგრამ ცოტამ.
- როგორია კლიმატი?
- იმის გამო რომ ჩილე მსოფლიოში ყველაზე გრძელი ქვეყანაა, კლიმატური პირობებიც სხვადასხვა ნაწილში, სხვადასხვაა. მაგრამ სეზონები საქართველოსთან შედარებით განსხვავებულია (შეტრიალებულია). აქ ზამთარია ივლისი-აგვისტო, ზაფხულია დეკემბერი - თებერვალი.
სხვა ხშირად დასმულ კითხვებზე პასუხს პერიოდულად დავამატებთ, ამიტომ არ დაგავიწყდეს გვერდის გამოწერა, რომ მუდმივად საქმის კურსში იყო.
თუ რაიმე კითხვა გექნება, მოგვწერე პირადში, არ მოგერიდოს 🙌❤️
წარმატებები
ℹ️ თუ გსურთ, რომ თქვენი სამშობიარო მოგზაურობა ზეიდეალურად იყოს დაგეგმილი, ზედმეტი რისკების, არასასიამოვნო თავგდასავლებისა და გაუთვალისწონებელი შემთხვევების გარეშე, მოგვწერეთ პირადში ❤️
ჩვენ ვგეგმავთ და ვაორგანიზებთ ჩილეში მოგზაურობას ისე, რომ თქვენგან მხოლოდ დანიშნულ დროს აეროპორტში მოსვლაა საჭირო.
ჩვენ მივხედავთ:
• ბოლო თაობის კლინიკას,
• მაღალკვალიფიციურ ექიმებს,
• ორმხრივ ბილეთებს,
• ტრანსფერს,
• კეთილმოწყობილ ბინას აუზითა და სატრენაჟორო დარბაზით,
• ბავშვის მოქალაქეობას და საბუთებს,
• მშობლების და ოჯახის წევრების რეზიდენტობას,
• 24/7 ქართულენოვან ასისტენტს,
• პირად მძღოლს,
• მშობიარობას და ყველა ინვენტარს, რაც ახალშობილს ან დედას შეიძლება დასჭირდეს,
• უკან დაბრუნებას...
