25/04/2023
გადავწყვიტე ოქტომბრის ტურები შემდეგნაირად დავალაგო. მესმის, რომ ასე ადრე დაგეგმვა ზოგისთვის რთულია, თუმცა, ტოსკანა მიწურულში არაფრით გამოვა. ვილა, მძღოლი, მეღვინეობები, სხვა აქტივობები აქ თვეებით და ზოგჯერ ერთი წლით ადრეც იჯავშნება. თან ავიაბილეთის ფასი იცვლება კატასტროფულად. დღეს რომ გაზაფხულის ტურებზე მსურველები მწერენ, გასული წლის აგვისტოშია უკვე შევსებული. თუ წინა ოქტომბერს მეტი კონცენტრაცია მეღვინეობებზე მქონდა, ამჯერად, ფლორენციასა და სიენას დავტოვებ და მეტად დავაბალანსებ ამ მოგზაურობას. გზადაგზა უკეთ ვსწავლობ და მსურს, უფრო დახვეწილი, სწორად გათვლილი და შთამბეჭდავი გამოვიდეს. მოკლედ, ასე გამოიყურება ჩვენი ხუთი დღე:
10-15 ოქტომბერი
დღე 1: ჩაფრენა ბოლონიის აეროპორტში თურქეთის ავიახაზებით. გამგზავრება კასტელინა ინ კიანტიში, დაბინავება ვილაში. 17:00-ზე ღვინისა და ზეითუნის ზეთის დეგუსტაცია საოჯახო ფერმაში.
დღე 2: ფლორენცია, თავისუფალი დღე.
დღე 3: გასეირნება სიენაში, შემდეგ ღვინის დეგუსტაცია ვილა ანტინორიში, 20:00-ზე ვახშამი დარიო ჩეკინის რესტორანში.
დღე 4: სან ჯიმინიანო, კულინარიული მასტერკლასი ალესანდროს ბრუსკეტერიაში, ქალაქში გასეირნება, 15:30-ზე დეგუსტაცია მეღვინეობაში.
დღე 5: კრეტე სენესისა და ვალ დ'ორჩას კოსმოსური ხედები, გასეირნება ქალაქ პიენცაში, 15:30-ზე პიკნიკი მეყველეობაში მონტეპულჩანოსთან.
სურვილისამებრ (ეს სურვილი ჩემი სტატისტიკის მიხედვით სულ არის), საღამოს 20:00-ზე ფრანჩესკოს რესტორანში ვვახშმობთ.
P.S. შეიძლება მოგეჩვენოთ, რომ 5 დღე-ღამე მოგზაურობისთვის საკმარისი არ არის, თუმცა, მრავალწლიანი გამოცდილებითა და ყოველი დეტალის სწორად გათვლით, თამამად შემიძლია გითხრათ, რომ იმდენად იტვირთები ამ დღეებში ემოციურად (იტვირთები და არა იღლები), იმ ტოსკანისთვის, რაც მე შევარჩიე ამ დიდი რეგიონიდან, არის იდეალური. ვინც ჩემთან უკვე ნამყოფია, დამემოწმება.
დეტალებისთვის მომმართეთ პირადში ან დამიკავშირდით: 598233832
