Smiley Travel

20/01/2025

20/01/2025

新年快樂 😄😄
新一年要努力努力, 搞D新嘢, 復活節假前出發, 去台中睇生態, 影生態, 當中會去東勢林場, 拍攝螢火蟲, 亦會去濕地影螃蟹, 去生態區影蝴蝶蜻蜓, 有興趣的朋友, 可以PM我地 🤞🤞

17/01/2025

在濕地睇蟹仔, 仲有一隻好趣致的, 就係經常企高, 舉高雙鉗的萬歲大眼蟹, 細心觀察, 有時會拜一拜, 又高舉雙鉗企番起身, 好似D官叫萬歲萬歲萬萬歲咁, 所以就叫萬歲大眼蟹. 因為眼柄長長地, 在淺水時, 只有兩隻眼仔突出水面, 眼仔碌碌, 似潛望鏡咁, 所以又叫哨兵蟹.

15/01/2025

去台灣睇生態, 影生態, 會睇到D咩? 🤷🤷 都唔知架, 不過, 好希望再見到和尚蟹大軍, 台灣又叫兵蟹, 因為會有成千隻蟹好似隊兵咁在泥灘活動, 蟹一定橫行? 未必, 和尚蟹就係向前行的蟹, 個甲殼好似個藍色波波, 圓碌碌, 好得意, 所以叫和尚蟹.

05/01/2025

呢排假期多, 有時間去後山行下, 可以見到報喜斑粉蝶的幼蟲開始結蛹過冬, 冬天都見唔到好多蝴蝶, 但今天竟然見到兩雙罕有的蝴蝶, 細灰蝶及緯帶趾弄蝶, 真係喜出望外 😍😍

12/10/2024

間房重口味, 當然唔只咁簡單啦, 仲有呢件嘢在你床邊陪伴你🫣🫣

12/10/2024

今年瑞典的冰酒店, 有D設計都幾重口味, 呢間夜晚會否發惡夢呢 🤔

11/10/2024

天氣好, 即使極光未現, 拍星空都係一個好節目.

09/10/2024

當爆發時, 全天都係極光, 最困擾的問題就是向邊面影好呢, 拍到的只是一小角, 現場所看到的是截然不同, 慶幸是可以帶給團友親歷其境的震撼.

08/10/2024

今年的極光團順利完成, 縱使天氣預測不似如期, 但在現場又係另一回事, 七晚有六晚睇到極光, 有三晚係大爆發, 當中一晚更爆了三次, 算係我們的紀錄. 少少遺憾的係, 第一晚到步時候已大爆發, 漫天極光飛舞, 因為航班延誤, 錯過了晚餐之餘, 最燦爛的一刻我們只能目睹, 未及攞相機拍攝, 好彩團友們的手機都拍下不少佳作. 我的手機不濟, 相機就只能拍下爆發後的少少極光.

25/09/2024

今年的極光團準備出發啦, 九月底出發, 都預期有機會飄雪, 天氣預報都係密雲有雨有雪, 又要賭賭今團的運氣啦 💪

06/07/2024

一連三個星期跟導師去睇蜻蜓，身水身汗之餘，又曬又下雨，仲要去多蚊的地方，愈多蚊就愈大機會搵到蜻蜓，住得山旮旯的我，六點船就要出去，真係少D動力都唔掂，最緊要學到嘢😁😁

03/07/2024

感謝支持，九月極光團已成團啦，希望在強勁的太陽活動下，今次極光繼續燦爛。瑞典，轉眼5年了，我們又黎啦。😍😍

19/06/2024

星期日去上蜻蜓課，時晴時大雨，成身濕晒，不過都算有收獲。終於拍到一張靚靚的豆娘交配 😄😄😄

14/06/2024

2015年, 我們出版了克羅地亞的旅遊書，到2024年，終於第一次推出克羅地亞的團，當然要跟相識轉眼十多年的克羅地亞達人Justin合作啦，克羅地亞有咩咁吸引 ?除了招牌景點有歐洲九寨溝美譽的十六湖國家公園、權力遊戲取景地杜布羅夫尼克外，仲會跟松露犬去搵黑松露、出海即撈即開即吃新鮮生蠔，有興趣的朋友，可以私訊我。