Informasi jalan dan objek wisata di kab 50 kota

28/03/2022

Sering -seringlah melakukan live.. / siaran langsung . Terutama di SPBU . biar semua tau , bagaimana BBM jenis BIO SOLAR Bersubsidi di permainkan..!

02/02/2022

https://www.facebook.com/100068788391429/posts/238799071756371/

08/01/2022

Pesona kab 50 kota

10/11/2021

13/05/2021

Batas Jambi Riau

07/11/2020

Ka buah ranuangan....!!!
"RATOK RUMAH GADANG"
R - amuak rasonyo dalam hati
mangganang ayie dipalupuak mato
dicaliak gambar di pandangi
cando iko nasibnyo pusako tuo
A - tok tirih lantai lah lapuak
Tunggak lah condoang kasadonyo
Pintu tangga bandua lah mumuak
Janjang lah rabah jo tanggonyo
T - aisak bandua ditangah ruang
Ndak mungkin lai lantai rang duduak-i
Tunggak di arok kamanupang
Tanago nan indak ado lai
O - ndeee...nasib co iko bana
Lah tuo ndak ado nan piduli
Lupo asa lupo jo awa
Musim batuka mode baganti

K - ok gagah bana rumah batu
Baragam mode takah bak kini
Kanalah jaso nan dahulu
Sakian lamo kami baunyi

R - umah gadang sambilan ruang
Salanja kudo balari
Kani ndak lai dipakai urang
Antah ka jadi kandang jawi
U - sang - usang dipabarui
Lapuak- lapuak dikajangi
Itu kini lah tingga di nyanyi
Kabuah ota di lapau kopi
M - alantai sabalun lapuak
Maminteh sabalun hanyuik
Itu pameo maso sa isuak
Kini sakadar buah muluik
A - dat lah bakundang pai
Sara' lah lakek dalam tubuah
Tak guno kampuang dikana lai
Rumah gadang bialah runtuah
H - arato pusako nan ka dijago
Cukuik sabateh sawah jo ladang
Kok paralu sampai pakaro
Jan sampai lapeh katangan urang
G - adang ayie dari hulu
Tandeh tapian dilendonyo
Raso pareso sarato malu
Sato hilang pulo dibaonyo
A - wak lah barumah surang-surang
Mode sasuai kandak hati
Sijarah bialah nak nyo hilang
Hiduik kamuko nan dipikiri
D - isiko lah badan tarumuaknyo
Jaso nan lamo hilang laleh
Mati nan indak bapusaro
Namo lah hilang ndak babakeh
A - do nan piduli ciek jo duo
Nyo buekkan rumah nan baru
Tapi lah hilang fungsi jo guno
Dipakai sakadar manyambuik tamu
N - amonyo bamacam-macam
Hotel ini hotel itu
Di caliak urang didalam
Kadang banyak nan indak babaju
G - anja batu katambiahan
Guno tak labiah samantaro
Sayang malakik oto jalan
Roda baputa jo awak lah lupo...