Dublin og nágrenni

Kristín Einars hefur verið búsett í Dublin um árabil. Hún hlaut menntun sína í Kynþátta og þjóðarbrotarannsóknum og Alþjóðlegum friðarrannsóknum frá Trinity Háskólanum í Dublin. Kristín býður upp á sérsniðnar ferðir að hverjum og einum hóp fyrir sig. Ferðir Kristínar meðfram Suðurströnd Dyflinnar upp í Wiclow fjöllin með viðkomu í Avoca þorpinu þar sem elsta vefnaðarmylla Írlands er staðsett og í

Glendalough þjóðgarðinn hafa notið mikilla vinsælda. Í þeim ferðum er komið við á sveitakrám, þar sem samræður fljóta hraðar en Guinness og heimamenn koma saman og spila hefðbundin írsk þjóðlög, syngja og dansa. Einnig hafa krárferðir i borginni verið vinsælar og er Kristín afar lunkin við að feta út fyrir hina hefðbundnu ferðamannastaði og taka gesti sína í fótspor aldargamalla bókmenntarisa og sögu sem skrifað hefur sig inn í umhverfið.