Janswarajya india

05/12/2023

आज राजर्षी शाहू सार्वजनिक वाचनालयास ३२६७/- रुपयांची पुस्तके मिळाली....
नाव किंवा फोटो टाकायचा नाही अशी अट असल्यामुळे सगळं गुपीत....
मनापासून धन्यवाद त्यांचे

25/11/2023

मा.श्री अनिल काका जोशी यांच्या कडून राजर्षी शाहू सार्वजनिक वाचनालयास २२ पुस्तके भेट...
मनापासून धन्यवाद काका...

24/11/2023

पत्रकार मा.श्री. केशवजी पवार साहेब, सावखेडा यांच्या कडून राजर्षी शाहू सार्वजनिक वाचनालयास ३८० रुपयांची पुस्तके भेट....
मनापासून धन्यवाद साहेब ....

23/11/2023

मा.श्री.योगेशजी वाघ साहेब यांच्या कडून राजर्षी शाहू सार्वजनिक वाचनालयास ५५०/- रुपयांची पुस्तके भेट.... मनापासून धन्यवाद साहेब

20/11/2023

लेखक, समीक्षक मा.श्री. डॉ.सुधीरजी रसाळ साहेब, यांच्या कडून राजर्षी शाहू सार्वजनिक वाचनालयास पुस्तके भेट....
त्याबद्दल आपले मनापासून धन्यवाद....

20/11/2023

राजर्षी शाहू सार्वजनिक वाचनालयाच्या प्रत्येक कार्यक्रमात गुरुजी आवर्जून उपस्थित असायचे...
यापुढे गुरुजींच्या आठवणी सोबत राहतील....
गुरुजींना भावपूर्ण श्रद्धांजली...

30/09/2023

डॉ.सुनंदाताई पालवे पाटील, नंदुरबार यांच्या कडून राजर्षी शाहू सार्वजनिक वाचनालयास ११९९/- रुपयांचे पुस्तके भेट दिली....
मनापासून धन्यवाद. आम्ही आपले आभारी आहोत...

09/09/2023

मा.श्री.विवेकजी भोसले साहेब तसेच मा.श्री.विवेकजी जैस्वाल साहेब यांच्या कडून राजर्षी शाहू सार्वजनिक वाचनालयास क्रांतिवीर दत्तोबा भोसले व एक व्रतस्थ योद्धा हे दोन पुस्तके भेट...
मनापासून धन्यवाद सर....

18/08/2023

15/08/2023

माजी प्राचार्य तथा लेखक मा. श्री.जीवन मुळे साहेब व कवयित्री सौ. प्रभा मुळे यांच्या कडून राजर्षी शाहू सार्वजनिक वाचनालयास ४६ पुस्तकांचा संच भेट... ही पुस्तकांची दुसऱ्यांदा भेट आहे. हे या ठिकाणी आवर्जून नमूद करत आहोत.
विशेष म्हणजे कवयित्री सौ प्रभा मुळे यांची इयत्ता ४थीच्या बालभारती पुस्तकात "प्रश्न" ही कविता प्रसिद्ध आहे....
काही काळ सौ प्रभा यांनी पुणे व चिंचवड या ठिकाणी अध्यापनाचे कार्य केले आहे. याशिवाय दिवाळी अंकात तसेच लोकमत, तरुण भारत, किशोर मासिक, गावकरी व संध्यानंद मध्ये लिखाण केलं. सौ. प्रभा मुळे यांनी आतापर्यंत बारा पुस्तकं लिहिली आहे. आजही त्या लहान मुलांची शिबिरे आयोजित करत असतात....यात श्रीमान साहेबांचा मोलाचा वाटा आहे बरं का. हे विशेष

मुळे कुटुंबाचे मनापासून धन्यवाद...

11/08/2023

मा.श्री. विशालजी राजपूत, शिक्षक पारोळा जि.जळगाव यांच्या वाढदिवसानिमित्त राजर्षी शाहू सार्वजनिक वाचनालयास पुस्तके भेट....
आपणास उदंड आयुष्य लाभो....
भरभरून शुभेच्छा....
पुस्तके दिल्याबद्दल मनापासून धन्यवाद...

09/08/2023

संचालक मा. श्री. संजयजी एकनाथजी डोईफोडे, शिक्षक यांच्या कडून राजर्षी शाहू सार्वजनिक वाचनालयास ७२०/- रुपयांची पुस्तके भेट...
मनापासून धन्यवाद...

29/05/2023

बीड ते मुंबई एक वास्तववादी संघर्ष ...

बीड म्हटलं की, 'ऊसतोड कामगारां'चा जिल्हा अशी ओळख आहे. पण, त्यापलीकडे जाऊन विचार केला तर, तोच बीड जिल्हा जेथे तो 'प्रत्येक क्षेत्रात अग्रेसर' आहे. मग ते राजकारण, समाजकारण, कला, शिक्षण, नोकरी, उद्योग, वाड़मय काहीही असो. कुठचं कमी नाही... 'बस का भावा' इथपर्यंत...

आयुष्यात कितीही वळणे आली. तरी त्या वळणावर कधीचं थांबायचं नाही, हे बाळकडू घरातूनच मिळाले. त्यामुळे पडेल ती कामे केली... पण, कधीच माघार घेतली नाही. अन् यश मिळवलं...असं अण्णा सांगत होते.

माननीय श्री. 'हरीदास (अण्णा) आसाराम शेंद्रे'. सध्या ते मंत्रालयात 'स्वीय सहायक' हुद्यावर आहेत.
प्रथम त्यांचं अभिनंदन... आणि विशेष म्हणजे त्यांचा आज वाढदिवस... त्याबद्दल त्यांना उदंड आयुष्य लाभो....

आणि हो, इथे एक गोष्ट आवर्जून नमूद करावीशी वाटते, ती म्हणजे नुकताच अण्णांच्या लहान (मा.श्री.संदीप शेंद्रे) भावाची सुध्दा गेल्या महिन्यात "भारतीय रेल्वे खात्यात निवड" झाली. त्यांचं सुध्दा अभिनंदन...

अभिमानाची गोष्ट अशी की, अण्णा 'मंत्रालयात अधिकारी' म्हणून काम पाहतात. यावेळी त्यांना हिवाळी अधिवेशनातही काम करायची संधी मिळाली. खरोखर त्यांचा जीवन प्रवास थक्क करणारा आहे. त्यांचा आतापर्यंतचा झालेला प्रवास बऱ्याच कडू गोड आठवणीने ओतपोत भरलेला आहे. त्यांच्या वाट्याला आलेलं आणि प्रत्यक्ष भोगलेलं दुःख सांगताना मात्र, ते भावूक होतात.
अण्णा, व्यक्ती म्हणून खरोखर 'आदर्श' आहेत...

संघर्ष कोणाला चुकला हो. तो कमी अधिक प्रमाणात प्रत्येकाच्या वाट्याला येतोच. फक्त व्यक्तिनुसार त्यात बदल होत असतो.
पण, त्याला कुरवाळत बसायचं, की त्यावर स्वार व्हायचं. हे ठरवण्याचं पुर्ण स्वातंत्र्य प्रत्येकाला असतं...
त्यामुळे बिनधास्त ठरवा, आयुष्य कसं घडवायचं..‌.

मात्र, एक गोष्ट लक्षात असायला हवी, की त्याचे नायक अन् खलनायक तुम्हीच आहात. असो.

संघर्ष करत असताना, त्या कालावधीत तुमच्या जीवनाच्या "पास बुकात हमखास संकटांचा बॅलन्स" जमा होणार. आणि त्यावर "दुःख स्वरुपात व्याज" मिळणार.
पण ते उगाळत न बसता, जो त्यावर स्वार होत, मांड ठोकून 'परिस्थितीचा लगाम' हातात घेत, घोडदौड करतो. तोच खरा यशाचा वाटेकरी होतो...

२०१८ साली महाराष्ट्र लोकसेवा आयोगा मार्फत (MPSC) घेण्यात आलेल्या परीक्षेतून अण्णांची थेट मंत्रालयात निवड झाली...

इथपर्यंतचा खडतर प्रवास आणि आयुष्याने घेतलेली जबरदस्त वळणे अक्षरशः अंगावर काटा उभा करतात... पण, त्यांनी कधीच मागे वळून बघितलं नाही.
माघार घेणे हे त्यांच्या आयुष्याच्या शब्द संग्राहातच नव्हतं... आणि आजही नाही.
'प्रचंड आशावादी' आणि स्वतः वर असलेला 'विश्वास' हे त्यांच्या यशाचं खरं गुपीत...

क्रमशः

07/05/2023

शिक्षकांच्या सहकार्याला सलाम...

मागच्या महिन्यात जामवाडीजवळ एसटी बस व खासगी वाहनांचा भीषण अपघात झाला होता. या अपघातात वैभवच्या ( रा. शिराळा जि.जालना) डोक्याला गंभीर दुखापत झाली. त्यामुळे त्याला उपचारासाठी औरंगाबाद येथे खासगी रुग्णालयात दाखल केले. तेव्हा पासून त्याच्यावर उपचार सुरू होते.
मात्र... काही गोष्टी नियतीला मान्य नसतात‌‌. वैभव कायमच्या प्रवासाला निघून गेला, तेथून तो कधीच परतणार नाही...

वैभव जि.प.शाळेत इयत्ता सातवी मध्ये शिकत होता. अतिशय प्रेमळ, हुशार. घरची परिस्थिती अगदी बेताचीच. अपघात झाल्याचे माहीत होताच जि.प शाळा, शिराळा येथील शिक्षकांनी एकत्र येत आर्थिक मदतचे एकमेकांना आवाहन केले.
त्यानुसार जाफ्राबाद तालुक्यातील शिक्षकांनी आर्थिक मदत केली.
तर "एक हात मदतीचा" (सिनगाव जहांगीर) या ग्रुपच्या माध्यमातून वैभवच्या कुटुंबाला आर्थिक मदत केली. दवाखान्यात जाऊन वैभवच्या आईची भेट घेतली. आम्ही वैभवला आमच्या कुटुंबाचा एक सदस्य समजून तुम्हाला थोडीसी मदत करत आहोत.
मला काहीच नको, फक्त माझ्या काळजाच्या तुकड्यासाठी देवाकडे प्रार्थना करा... असं म्हणून वैभवची आई रडायला लागल्या. जशा प्रकारे मदत होईल तशी मदत सुरूच होती.

त्याचप्रमाणे शिक्षक वर्ग शक्य होईल तेवढी आर्थिक मदत जमा करत होते. तर तिकडे वैभव दररोज मृत्यूशी झुंज देत होता. त्यात तुसभरही सुधारणा होत नसल्याने 'माझा जिवाचा तुकडा लवकर बरा होईल' ना दादा... असं वैभवची आई विचारत होती... शब्दांचा आधार देण्यापलीकडे आमच्याकडे काहीच उत्तर नव्हते...
अचानक एक दिवस वैभव सगळ्यांना सोडून गेला. हा त्याच्या कुटुंबाला खूप मोठा धक्का होता...

वैभवचं असं काही झालं असेल मला माहित नव्हतं. वैभवची भेट घ्यावी, म्हणून त्याच्या आईला फोन केला. तर पलिकडून शब्दांना कंप सुटलेला आवाज आला. काय झालं काहीचं कळत नव्हतं. पलिकडून पुन्हा आवाज आला. वैभव आम्हाला सोडून गेला. आणि ती माऊली ढसाढसा रडू लागली. त्या माऊलीच सांत्वन करावं तरी कसं काहीच कळत नव्हतं. जे घडलं ते स्वीकारायला हवं असं म्हणून फोन ठेवला.

शिक्षकांनी केलेली मदत आणि प्रार्थना कुठेच कमी पडली नाही... कदाचित असं समजावं लागेल की, वैभवचं आयुष्य इथपर्यंतच होतं.
शिक्षकांच्या सहकार्याला सलाम... आणि हे दुःख पचविण्याची ताकद वैभवच्या कुटुंबाला मिळाली एवढीच देवाकडे प्रार्थना...

28/02/2023

डॉ. दौलतरावजी कदम, साहेब यांच्या कुटुंबाकडून 'मराठी भाषा दिना'च्या निमित्ताने राजर्षी शाहू सार्वजनिक वाचनालयास पुस्तके भेट देण्यात आली...

डॉ कदम साहेब यांच्याशी झालेल्या पहिल्याच भेटीत त्यांनी पुस्तके भेट देण्याची इच्छा व्यक्त केली होती. मात्र,काही गोष्टी नियतीला मान्य नसतात. असंच म्हणावं लागेल.

डॉ साहेब, अचानक आपल्यातून निघून गेले. त्यांना वाचनालयास पुस्तके भेट देण्याची इच्छा होती. ती अपुर्ण राहिली. मात्र, ही गोष्ट मधुकरजी अर्धापुरे साहेब यांना माहिती होती. साहेबांची इच्छा पूर्ण करायची म्हणून अर्धापुरे काकांनी पुस्तके भेट देण्याचा विषय डॉ साहेबांच्या कुटुंबाला सांगितला. लगेच साहेबांच्या पत्नी व कुटुंबातील सदस्यांनी सहमती दर्शवली... साहेब आज आपल्यात नाहीत, पण त्यांची इच्छा कुटुंबाने पुर्ण केली...
सलाम...

डॉ.कदम साहेब यांच्या कुटुंबातील सर्व सदस्यांचे मनापासून धन्यवाद...
तसेच माननीय अर्धापुरे काका यांचे खास करून मोलाचे सहकार्य लाभले, त्याबद्दल त्यांचे सुद्धा आभार...

03/01/2023

मा.श्री विशालजी डोईफोडे यांच्या कडून राजर्षी शाहू सार्वजनिक वाचनालयास पुस्तक भेट...

03/01/2023

राजर्षी शाहू सार्वजनिक वाचनालयाच्या वतीने औरंगाबाद येथे क्रांतिज्योती सावित्रीबाई फुले यांची जयंती साजरी....

25/12/2022

*मा.श्री.अनंताजी नागरे साहेब भारतीय जवान* यांच्या कडून त्यांच्या वाढदिवसाच्या निमित्ताने राजर्षी शाहू सार्वजनिक वाचनालयास *१५७८ रुपयांची पुस्तके* भेट दिली....
मनापासून धन्यवाद....

18/12/2022

आयुष्यावर बोलू काही...

सकाळी मतदानाला जायचं म्हणून लवकर झोपायचा विचार केला होता. मात्र डोक्यात एक भुंगा शिरला.नाव बाहेर निघेना. त्याने एकच सुरु धरला होता. कोणाला मतदान करणार.

तसं बघायला गेलं तर या आठवड्यात सगळ्यांनी माझी आस्थेने विचारपूस केली. खरंच ना "एका मुखवट्यावर किती मुखवटे" असतात ना?
इतकी चौकशी केल्यामुळे शरीरावर एक रंग पसरला होता. त्यामुळे मला सगळेच माझे आहे, असा राहून राहून भास व्हायचा.
पण हे सगळं '१८ डिसेंबरच्या संध्याकाळी ५.३० वाजेपर्यंतच'... असो

सारखा विचार करत असल्यामुळे झोपच लागेना, त्यात प्रा.भोसले यांनी मतदार कसा असावा याबद्दल सांगितलं.
मग काय "झोपायच रसायन तयार होण्याऐवजी विचारांचं काहूर" माजलं. आता ही वेळ आहे का विचार करायची झोप, असं स्वतःलाच पुटपुटलो...
सकाळी जायचं म्हणून सगळी आवरा-आवर करुन ठेवली होती... मतदान कार्ड, आधार कार्ड, तसेच वाचायला भेट देण्यासाठी दोन पुस्तके असा सगळा लवाजमा पिशवीत भरून ठेवला होता...

पाणी पिण्यासाठी खुर्चीत बसलो. तोच पुन्हा विचारात पडलो. मतदान कोणाला देऊ, असा विचार करता-करता खुर्चीवरच हळूहळू पेंगाळत मानेला झटके देऊ लागलो...

सकाळी उठल्या उठल्या हलका झालो.अंघोळ करायला गेलो. गार पाण्याचा एक मग्गा अंगावर रिचवला, तोच वर पासून खालपर्यंत सगळा टाईट झालो. त्यात चटकन एक विचार आला.आज गरबड आहे.
"लोकशाही बळकट" करायला जायचं.पटकन आवरायला हवं. असा विचार आला.

सकाळीच मतदानाला मतदान केंद्रावर गेलो,
तर "एक उमेदवार पती आणि दुसरा खुद्द उमेदवार. दोघं टाईट" दिसले. माझी तर झाकच उडाली.
आता तर 'खरंच दारुबंदी' होणार असा ठाम विश्वास आला...असो

मतदान करुन लगोलग वापस निघायचं होतं. मतदानाला जाताना ज्यांनी-ज्यांनी विचारलं कसा आहेस,कधी आला, काळजी घे,मस्त आहे तुझं म्हणतं-म्हणतं हळूहळू विषयाला हात घालायचे... "तो, ती उभा आहे बरं,एवढ्या वेळेस..."
"अठरा वर्षांचा होतो तेव्हा पासून हेच करतोय"...
आणि तसा आतल्या आतच हसलो.

जसा मतदान करुन बाहेर पडलो, तसं "ज्यांनी जाताना विचारलं होतं, तेच पृष्ठभाग" करून उभे होते. पुन्हा मनात हसलो आणि निघालो....

बरं, बस मध्ये बसलो. ते पण शेवटच्या खुर्चीवर... आपल्या नशिबात सगळं शेवटचंच आहे... तिथं आजोबा बसलेले...
आजोबांच्या बाजूला जावून बसलो. थोड्या वेळाने
कंडक्टर आले... तिकिट... तिकिट...
आजोबा... हाफ तिकिट द्या...
कंडक्टर.... आधार कार्ड दाखवा
आजोबा... घरी विसरलो, साहेब
कंडक्टर....पुर्ण भाडे लागेल मग
आजोबा...का?
कंडक्टर.... आधार कार्ड नाही, आधार कार्ड दाखवा मग हाफ भाडे देतो...
"मी खुश झालो. माझ्या चेहरा तर आनंदाने लालबुंद झाला"
आजोबा चेहरा बारीक करून माझ्या कडे बघू लागले...
आजोबा....तु का इतका खुश झाला?
मी... माझ्या जवळ आधार कार्ड आहे ना. हे बघा, एकच हसा पिकला..........कंडक्टर, आजोबा कोमात मी जोमात.......
या जगण्यावर शतदा प्रेम करावे....

17/12/2022

आयुष्यावर बोलू काही....
आयुष्याच्या चित्रपटात प्रत्येकाला एक 'पात्र' दिलेलं आहे. त्यात प्रत्येकाची भूमिका अलग-अलग.
त्यात त्याने प्रत्येक दिवसाचा दर कोस,दर मुक्काम करत ती भूमिका साकारायची.यात अनेक संकटे, अडचणी येतील आणि येतातही... त्यातून पुन्हा बाहेर पडायचं.... आणि जगायचं.... किती छान असतं हे सगळं. पण असो
आयुष्यात आनंद आणि दुःख या दोन सावत्र भावांचा खेळ सुरुच असतो.आणी यातच एक दिवस असा येतो की, आपला आयुष्यातील भूमिकेच्या पात्राचा शेवट होतो....
तर चला जगून घ्या बिनधास्त....
या जन्मावर या जगण्यावर शतदा प्रेम करावे...

16/12/2022

कॅंडल फाउंडेशन, औरंगाबाद यांच्या वतीने राजर्षी शाहू सार्वजनिक वाचनालयास पुस्तके भेट दिली...
कॅंडल फाउंडेशनचे सामाजिक काम खूप मोठे आहे. आणि विशेष म्हणजे लोकांना सुशिक्षित करण्यासाठी त्यांची पुर्ण टिम अहोरात्र काम करत आहे...
विशेष म्हणजे कोणताही लाभ न घेता निस्वार्थीपणे समाजसेवा करत आहेत.
या फाउंडेशन विषयी सांगायचं म्हणजे यांनी करोना काळात कडक लॉकडाऊन असताना त्यांनी सिनगाव जहागीर येथे येऊन जनता विद्यालयाला १०वीच्या मुलांसाठी १० पुस्तकांचा संच दिला होता.
ही खरोखर अभिमानाची गोष्ट आहे... आणि आज वाचनालयाला पुन्हा पुस्तके भेट दिली...
खरंच तुमच्या संपूर्ण टीम चे मनापासून धन्यवाद....

16/12/2022

आयुष्यावर बोलू काही....
'आयुष्य'... साडे तीन अक्षरांचा बनलेला शब्द...पण मोठा अर्थ सांगून जातो. जो पर्यंत "साडे तीन टाळ्या" वाजवत नाही, तोपर्यंत दुसऱ्यासाठीच जगत असतो...
स्वतः ला कधी वेळ दिला, हे त्याच्या लक्षातही येत नाही... आयुष्य फार सुंदर आहे, फक्त जगता आलं पाहिजे....
फोटो ठिकाण... गजानन महाराज मंदिर, औरंगाबाद

09/12/2022

सेवानिवृत्त प्राचार्य झाकीर हुसेन आणि शेख मिनाज सेवानिवृत्त लाईनमन या दोन ज्येष्ठ व्यक्तिंनी राजर्षी शाहू सार्वजनिक वाचनालयास पुस्तक भेट दिले... मनापासून धन्यवाद

06/12/2022

राजर्षी शाहू सार्वजनिक वाचनालयात *भारतरत्न डॉ बाबासाहेब आंबेडकर* महापरिनिर्वाण दिन साजरा करण्यात आला.
कार्यक्रमाचे अध्यक्ष: *मा.श्री.सुनिलजी डोईफोडे, बँक मॅनेजर*
देऊळगाव राजा अर्बन

28/09/2022

लेखक, स्तंभलेखक, पत्रकार, कवी माननीय.श्री.संतोषदादा मर्गज....
दादा पत्रकारिता क्षेत्रात अडीच दशकांपासून काम करत आहेत. दै.रत्नागिरी, दै.पुढारी, दै.प्रहार, आणि दै. मुंबई चौफेर असा प्रवास करत त्यांनी वृत्तपत्रातून लेखन केलं. ते २० पुरस्कारांचे मानवरी आहेत. तसेच २०२० रोजी राज्यस्तरीय गुणीजनरत्न जीवनगौरव पुरस्कार मुंबईत मिळाला.
त्यांच्या नावावर तिनं पुस्तक आहेत. असं बरंच काही.असो...
दादा भरपूर दिवसांपासून मुंबईत राहतात. पण शहरासोबत गावच्या माणसांशी घट्ट असलेली नाळ आजही कायम आहे. त्यांचा गावची माती आणि माणसं जिव्हाळ्याचा विषय. दादांच मुळगाव सिंधुदुर्ग जिल्ह्यातील कुडाळ तालुक्यात...
पाच वर्षांपूर्वी झालेली भेट. आजही त्यांच्या आठवणीत आहे. भेटल्यानंतर लक्षात आलं. आज अचानक भेट झाली.
"मोठी माणसं, मनानेही तितकीचं मोठी असतात"....
मनापासून धन्यवाद दादा...

22/08/2022

सीबीआयला राज्यात मोकळीक!

सुशांतसिंग राजपूत प्रकरणात सीबीआय महाराष्ट्रात येऊन तपास करणार होती. तेव्हा मविआ सरकारने निर्णय घेतला की, राज्यात एखाद्या प्रकरणाची चौकशी सीबीआयला करायची असेल तर राज्य सरकारची परवानगी बंधनकारक राहील.त्यात आजतागायत बदल झालेला नाही.

✓ मुसक्या आवळण्यासाठी उपयोग
मात्र, यापुढे राज्यातील सरकार केंद्र सरकारला अनुकूल राहील असे निर्णय घेणार असल्याचे बोलल्या जात आहे. जर कदाचित सीबीआय या केंद्रिय यंत्रणेला राज्यात शिरकाव करण्यासाठी परवानगी दिली. तर नक्कीच भविष्यात महाराष्ट्रात मोठ्या प्रमाणावर उलथापालथ झालेली बघायला मिळू शकते. विरोधकांच्या मुसक्या आवळण्यासाठी सर्रास ईडीचा वापर होतो असं बोलल्या जात. तसं भविष्यात सीबीआय कडून झालं तर नवल वाटायला नको.

✓या राज्यात परवानगी घ्यावी लागते
सध्या भारतात महाराष्ट्रासह पंजाब, राजस्थान, झारखंड, छत्तीसगड,केरळ, मिझोराम आणि पश्चिम बंगाल या राज्यांमध्ये सीबीआयला तेथील सरकारची परवानगी घेतल्या शिवाय तपास करता येत नाही.

21/08/2022

आता एवढंच बाकी होतं!

विटी - दांडू मंगळागौरीचा खेळात समावेश
बसं बसं आता एवढंच बाकी राहिलं होतं. मागणी झाली तर या प्रकाराचा सुध्दा समावेश केला जाईल, असं एक जेष्ठ मंत्री पुण्यात म्हणाले...
मंत्री महोदय मग असं करा ना? "मामाचं टोपरं हरवलं" या खेळाचा समावेश होणार असेल तर बघा ना? हल्ली हा खेळ काळाच्या ओघात लुप्त होत चाललायं....