My Cochin Tours & Travels

02/10/2024

20/07/2024

Jew Town - Kochi, Kerala 🏰
A place that doesn't feel like India 🩷



Credits to Anku_Datta

19/07/2024

ഐഹോളിലെ തെരുവിൽ ബസ് കാത്തു നിൽക്കുമ്പോൾ എൻ്റെ ഹൃദയത്തെ ആഴത്തിൽ സ്പർശിച്ച ഒരു രംഗമുണ്ട്.
ബസ് വരാൻ ഒരു മണിക്കൂർ സമയമുണ്ട്. ആ തെരുവിലൂടെ ഒന്ന് കണ്ണോടിച്ചപ്പോളാണ്
കത്തികളും മറ്റ് സാമഗ്രികൾ നിർമ്മിക്കുന്നതിൽ ഏർപ്പെട്ടിരുന്ന
ഒരു കുടുംബത്തെ ശ്രദ്ധയിൽപ്പെട്ടത്.
അവർ ഈ നാട്ടുകാർ അല്ല.
തലമുറകളായി കൈമാറി
കിട്ടിയ തൊഴിൽ ആയിരിക്കണം അവർക്കിത്, നാടോടികളാണ്.
ആലയിൽ പുകയുന്ന തീയുടെ
തീക്ഷണത കൂട്ടാൻ ചക്രം കറക്കികൊണ്ടിരിക്കുന്ന
ഒരു പെൺകുട്ടിയെ കാണാം.
വളരെ ചെറു പ്രായത്തിൽ
അവളുടെ വിവാഹം കഴിഞ്ഞിട്ടുണ്ടാകണം.
ഭർത്താവ് അടുത്ത് തന്നെ ഇരിപ്പുണ്ട്. അദ്ദേഹം തിരക്കിട്ട ജോലിലാണ്.
അയാൾ ഇരുമ്പ് ചുറ്റിക കൊണ്ട് താൻ നിർമ്മിക്കുന്ന വസ്തുവിലേക്ക് അതിന്റെ
ഷേപ്പ് ഉറപ്പ് വരുത്തുന്നതിനായി
ആഞ്ഞ് അടിക്കുന്നുണ്ട്.
പെട്ടെന്നാണ് ചെറിയൊരു പാറക്കക്ഷണത്തിന്റെ ചീളോ
മറ്റ് എന്തോ അടുത്തിരുന്ന പെൺകുട്ടിയുടെ കണ്ണിലേക്ക് തെറിച്ചു വീണത്.
കണ്ണുകൾ തിരുമ്മുന്നതിന്റെ ഫലമായി
അവളുടെ കണ്ണുകൾ നിറയുന്നുണ്ട്.
ആ കണ്ണുനീരിൽ ഞാൻ കണ്ടത്
അവളുടെ ജീവിത യാതനകളാണ്.
അവൾ കടന്ന് പോകുന്ന ജീവിത
സാഹചര്യം ആ മുഖത്ത് നിന്ന്
വായിച്ച് എടുക്കാമായിരുന്നു.
എന്തോ, ഈ ജോലി ആരോ
അവളെക്കൊണ്ട് നിർബന്ധമായി ചെയ്യിപ്പിക്കുന്നതായാണ് എനിക്ക് തോന്നിയത്. തൊട്ടടുത്ത്
അവർക്ക് അരികിലായി
ഒരു അമ്മ ജോലി കഴിഞ്ഞ്
ക്ഷീണിച്ച് വിശ്രമിക്കാൻ കിടക്കുന്നു,
എന്നിട്ടും അവരുടെ കൈകൾ ചലിച്ചുകൊണ്ടിരുന്നു.
തന്റെ കുഞ്ഞ് ഉറങ്ങുന്ന
തൊട്ടിൽ ഒരു ചരടിനാൽ
അവർ ബന്ധിപ്പിച്ചിരിക്കുകയാണ്.
അവരുടെ വിശ്രമത്തിലും തൊട്ടിലിന്റെ ആട്ടം നിലയ്ക്കുന്നില്ല.
പരിചരണത്തിൻ്റെയും സ്ഥിരോത്സാഹത്തിൻ്റെയും
ഈ ലളിതമായ പ്രവൃത്തി ഗ്രാമീണ ജീവിതത്തിൻ്റെ കരുത്തിൻ്റെയും പ്രതിരോധത്തിൻ്റെയും ഉജ്ജ്വലമായ ഓർമ്മപ്പെടുത്തലുകളായിരുന്നു.

കഴിഞ്ഞ പോസ്റ്റിൽ ബദാമിയിലെ കാഴ്ച്ചകളാണ് പറഞ്ഞു നിർത്തിയത്.
ഇന്ന് നമ്മൾ പോകുന്നത് 'ഐഹോള' യിലേക്കാണ്. ബദാമിയിൽ
നിന്നും ഏകദേശം മുപ്പത്തിയഞ്ചു കിലോമീറ്റർ ദൂരമുണ്ട് ണ്ട് അങ്ങോട്ടേക്ക്. ഓരോ മണിക്കൂർ കൂടുമ്പോൾ ബസ്സ്റ്റാൻഡിൽ നിന്നും ബസ് സർവീസ് ലഭ്യമാണ്.

ആധുനിക ജീവിതങ്ങളുടെ ആഡംബരങ്ങൾ എത്തി
നോക്കാൻ മടിച്ച,
കലചക്രത്തിൽ സമയം
എപ്പോളോ മുന്നോട്ട്
സഞ്ചരിക്കാൻ മറന്നുപോയ്,
വികസനം നിശ്ചലമായി
നിൽക്കുന്ന ഒരു ഗ്രാമം.
ആധുനിക വികസനം
ഒരു വിദൂര ആശയമാണ്
ഇവിടെയെന്ന് നമുക്ക് തോന്നിപ്പോകും.
ഗ്രാമീണ ജീവിതത്തിലേക്കുള്ള
ഒരു നേർക്കാഴ്ചയാണ് ഇവിടേയ്ക്കുള്ള യാത്ര.

ബദാമിയിൽ പോകാൻ
അവസരം കിട്ടുന്നുണ്ടെങ്കിൽ കൂട്ടത്തിൽ ഐഹോളെയും പട്ടടക്കലും കണ്ടില്ലെങ്കിൽ
ആ യാത്ര പൂർണ്ണമാകില്ല.
"എന്തുകൊണ്ട് ഐഹോളെ ?"
എന്നൊരു ചോദ്യം പലരുടെയും
മനസ്സിൽ ഉണ്ടാകാം.

'ഐഹോളെ' കർണാടകയുടെ ഹൃദയഭാഗത്തായി സ്ഥിതി
ചെയ്യുന്ന ഈ പുരാതന ഗ്രാമം,
നമുക്ക് പരിചിതമായ തിരക്കേറിയ നഗരദൃശ്യങ്ങളിൽ നിന്ന് വളരെ അകലെയാണ്. ഇത് ഒരു നഗരമല്ല,
ചരിത്രത്തിൽ ആഴ്ന്നിറങ്ങിയ
ഒരു പഴയ ഗ്രാമമാണ്.
ബസ് ലക്ഷ്യ സ്ഥാനത്ത് എത്താറാകുമ്പോളും പുറത്തെ
കാഴ്ചകൾ കാണുമ്പോൾ നമുക്ക് ഒരുപക്ഷെ തോന്നിയേക്കാം
ഫോട്ടോകളിലും വീഡിയോകളിലും
കണ്ട ഐഹോള ക്ഷേത്രങ്ങൾ ഇവിടെ തന്നെയാണോ സ്ഥിതി ചെയ്യുന്നതെന്ന്. റോഡരികിൽ പൊളിഞ്ഞുവീഴാറായ പുരാതന കെട്ടിടങ്ങൾ. മറുവശത്ത് പ്രദേശവാസികൾ അവരുടെ ദൈനംദിന ജീവിതം നയിക്കുന്നു.

ക്ഷേത്ര വാസ്തുവിദ്യയുടെ അടിത്തറ
എന്ന നിലയിലാണ് ഐഹോളിൻ്റെ പ്രാധാന്യം. ചാലൂക്യരുടെ ആദ്യത്തെ തലസ്ഥാനമായിരുന്നു ഐഹോള.
പിന്നീട് അത് ബദാമി എന്ന് ഇന്ന് അറിയപ്പെടുന്ന വാതാപിയിലേക്ക് മാറ്റുക ആയിരുന്നു. ആറാം നൂറ്റാണ്ടിലെ ആദ്യകാല ചാലൂക്യ രാജവംശത്തിൻ്റെ ഉദയമാണ് ഐഹോളെയുടെ രേഖപ്പെടുത്തപ്പെട്ട ചരിത്രം. സങ്കീർണ്ണമായ ക്ഷേത്ര രൂപകൽപ്പനയ്ക്ക് പേരുകേട്ടതാണ് ഇവിടം.
4 മുതൽ 12 ആം നൂറ്റാണ്ട് വരെയുള്ള ക്ഷേത്ര വാസ്തുവിദ്യയുടെ പരിണാമം കാണിക്കുന്ന 125-ലധികം ശിലാക്ഷേത്രങ്ങൾ
ഈ ഗ്രാമത്തിൽ ഉണ്ട്.

പട്ടടക്കൽ, ബദാമി എന്നിവയ്‌ക്കൊപ്പം
ഇത് ഒരു പ്രധാന സാംസ്കാരിക കേന്ദ്രമായും വാസ്തുവിദ്യയിലും ആശയങ്ങളുടെ പരീക്ഷണങ്ങളിലുമുള്ള പുതുമകൾക്കായുള്ള
ഒരു മതകേന്ദ്രമായും മാറി.
ആറാം നൂറ്റാണ്ടിനും എട്ടാം നൂറ്റാണ്ടിനും ഇടയിൽ ചാലൂക്യർ കരകൗശല തൊഴിലാളികളെ സ്പോൺസർ ചെയ്യുകയും നിരവധി ക്ഷേത്രങ്ങൾ
ഈ പ്രദേശത്ത് നിർമ്മിക്കുകയും ചെയ്തു. നാലാം നൂറ്റാണ്ടിലെ തടിയിലും ഇഷ്ടികയിലും നിർമ്മിച്ച ക്ഷേത്രങ്ങളുടെ തെളിവുകൾ കണ്ടെത്തിയിട്ടുണ്ട്.
അഞ്ചാം നൂറ്റാണ്ടിൽ
ഗുപ്ത സാമ്രാജ്യത്തിൻ്റെ ഭരണാധികാരികൾക്ക് കീഴിൽ
ഇന്ത്യൻ ഉപഭൂഖണ്ഡം രാഷ്ട്രീയവും സാംസ്കാരികവുമായ സ്ഥിരത കൈവരിച്ച കാലഘട്ടത്തിലാണ് ഐഹോൾ കല്ല് പോലുള്ള മറ്റ് വസ്തുക്കളുമായി പരീക്ഷണങ്ങൾ ആരംഭിച്ചത്.

ഏറ്റവും പ്രശസ്തമായ ക്ഷേത്ര
സമുച്ചയം ദുർഗ്ഗാ ക്ഷേത്രമാണ്,
അതിന്റെ നിർമ്മാണവും
അതിശയകരമായ ശില്പങ്ങളും പേരുകേട്ടതാണ്. മറ്റ് ക്ഷേത്രങ്ങളുടെ കൂട്ടത്തിൽ ദുർഗ്ഗാ ക്ഷേത്രത്തിന്റെ
ഘടന വളരെ വ്യത്യസ്തമാണ്.
ആദ്യ കാഴ്ചയിൽ തന്നെ
അത് നമുക്ക് പ്രകടമാകും.
പേര് കേൾക്കുമ്പോൾ ദുർഗ്ഗയാണ് ഇവിടുത്തെ പ്രതിഷ്ഠ എന്ന് തോന്നാം, എന്നാൽ ഈ ക്ഷേത്രം സൂര്യ ഭഗവാന് വേണ്ടിയാണ് സമർപ്പിച്ചിരിക്കുന്നത്.
'കോട്ടയ്ക്കടുത്തുള്ള ക്ഷേത്രം'
എന്നർത്ഥം വരുന്ന ദുർഗദഗുഡിയിൽ നിന്നാണ് ക്ഷേത്രത്തിന് ഈ പേര് ലഭിച്ചത്.

തൂണുകളുള്ള ഹാളും ശ്രീകോവിലും
കൊണ്ട് ആദ്യകാല ചാലൂക്യ ശൈലി പ്രതിഫലിപ്പിക്കുന്ന ലാഡ് ഖാൻ ക്ഷേത്രം, ഏറ്റവും പഴക്കം ചെന്ന മറ്റൊരു ആകർഷണമാണ്.
1565-ൽ വിജയനഗര സാമ്രാജ്യത്തിൻ്റെ തകർച്ചയ്ക്ക് ശേഷം, ഐഹോളെ ബീജാപൂരിൽ നിന്നുള്ള ആദിൽ ഷാഹി ഭരണത്തിൻ്റെ ഭാഗമായിത്തീർന്നു.
ചില മുസ്ലീം കമാൻഡർമാർ ക്ഷേത്രങ്ങളെ വാസസ്ഥലമായും അവരുടെ കോമ്പൗണ്ടുകൾ ആയുധങ്ങളും വസ്തുക്കളും സംഭരിക്കുന്നതിന് കാവൽക്കാരായും ഉപയോഗിച്ചു.
ശിവന് സമർപ്പിച്ചിരിക്കുന്ന
ഈ ഹിന്ദു ക്ഷേത്രം ലാഡ് ഖാൻ
ക്ഷേത്രം എന്നറിയപ്പെട്ടു.
മുസ്ലീം കമാൻഡറുടെ പേരിലാണ്
ഇത് തൻ്റെ പ്രവർത്തന കേന്ദ്രമായി ഉപയോഗിച്ചത്, അന്നുമുതൽ
ഈ പേര് ഉപയോഗിച്ചുവരുന്നു.

ഈ നിർമ്മിതികൾ
ഭക്തി, കലാവൈഭവം,
പഴയ കാലഘട്ടത്തിലെ
വാസ്തുവിദ്യാ പ്രതിഭ
എന്നിവയുടെ കഥകൾ വിവരിക്കുന്നു.

വിദ്യാർത്ഥികളും അവരുടെ അധ്യാപകരും ക്ഷേത്രങ്ങളുടെ ചരിത്രപരമായ പ്രാധാന്യത്തെക്കുറിച്ച്
ചർച്ച ചെയ്യുന്ന കാഴ്ചകൾ
ഞാൻ കണ്ടു. യുവമനസ്സുകൾ
തങ്ങളുടെ നാടിൻ്റെ സമ്പന്നമായ
പൈതൃകം ഉൾക്കൊള്ളുന്ന
കാഴ്ച ഹൃദ്യമായിരുന്നു. വിദ്യാഭ്യാസത്തിലൂടെ ചരിത്രത്തെ ജീവസ്സുറ്റതാക്കുന്ന അനുഭവത്തെ നെഞ്ചേറ്റിക്കൊണ്ട് ഈ നിമിഷങ്ങൾ
ഞാൻ ക്യാമറയിൽ പകർത്തി.

ഐഹോളെ വെറുതെ
കാണാനുള്ള ഒരു സ്ഥലമല്ല,
യാത്രികരുടെ താൽപ്പര്യങ്ങൾക്ക് അനുസരിച്ച് നിങ്ങൾ പ്രതീക്ഷിക്കുന്ന ആസ്വാദനം ഇവിടെ നിന്ന് കിട്ടണമെന്നില്ല.
ഇന്ത്യയുടെ വാസ്തുവിദ്യാ സാംസ്കാരിക പാരമ്പര്യത്തിൻ്റെ ഹൃദയത്തിലേക്കുള്ള
ഒരു യാത്രയാണിത്. ഇത് ചരിത്രത്തിൻ്റെയും കലയുടെയും ഗ്രാമീണ ജീവിതത്തിൻ്റെയും സവിശേഷമായ ഒരു സമ്മിശ്രണം നമുക്ക് പ്രദാനം ചെയ്യുന്നു, ആധികാരികമായ അനുഭവം തേടുന്ന യാത്രക്കാർക്ക് നിർബന്ധിത തിരഞ്ഞെടുപ്പായി മാറ്റുന്നു
ഈ സ്ഥലങ്ങൾ.

Credits to :- Lal Kishor

28/06/2024

മലയാളികൾ അധികം യാത്ര ചെയ്തിട്ടില്ലാത്ത ഒരു സ്ഥലം ആയിരിക്കും 'ബദാമി'. എന്നാൽ ഇന്ത്യയുടെ ചരിത്രം അറിയാൻ കൊതിക്കുന്ന
അല്ലെങ്കിൽ വാസ്തുശില്പകലയോട് അത്രയേറെ കൗതുകമുള്ളവർ
തേടി കണ്ടുപിടിച്ച് യാത്ര ചെയ്യുന്ന സ്ഥലങ്ങളാണ് 'ബദാമി, പട്ടടക്കൽ, ഐഹോളെ.'

ഹമ്പിയിൽ നിന്നാണ് ഞാൻ ബദാമിയിലേക്ക് പോകുന്നത്.
ഏകദേശം മൂന്ന് മണിക്കൂർ
ട്രെയിൻ യാത്ര. കേരളത്തിൽ
നിന്നും ബദാമിയിലേക്ക്
നേരിട്ട് ട്രെയിൻ സർവീസ് ഇല്ലാ.
മംഗലാപുരം അല്ലെങ്കിൽ
ബാംഗ്ലൂർ നിന്ന് ട്രെയിൻ സർവീസ് ലഭ്യമാണ്. റെയിൽവേ സ്റ്റേഷനിൽ നിന്നും ബദാമി ബസ്റ്റാന്റിലേക്ക് അഞ്ചു കിലോമീറ്ററുണ്ട്. അവിടെ നിന്നും ഷെയർ റിക്ഷ ലഭ്യമാണ്.

ബസ്റ്റാൻഡിന് അടുത്തായാണ്
റൂം എടുത്തത്. അറുനൂറ്
രൂപയ്ക്ക് ഒരു സിംഗിൾ റൂം കിട്ടി.
ബദാമി അത്ര വലിയ ഡെവലപ്പ്
ആയിട്ടുള്ള ഒരു സ്ഥലമല്ല.
ഒരു ചെറിയ പട്ടണം.
താമസം, ഫുഡ്, മറ്റ് ആവശ്യ
സാധനങ്ങൾ, ബസ്റ്റാന്റ് എന്നീ
എല്ലാ സൗകര്യങ്ങളും അവിടെയുണ്ട്.

ബസ്സ്റ്റാൻഡിന് അടുത്തായി
റൂം എടുക്കാൻ രണ്ടു കാരണങ്ങളുണ്ട്.
'ബദാമി കേവ്' അവിടെ നിന്നും
നടന്ന് പോകാനുള്ള ദൂരമേ ഉള്ളൂ.
UNESCO World Heritage സൈറ്റുകളിൽ ഉൾപ്പെടുന്ന ഐഹോള, പട്ടടക്കൽ പോകാൻ ബസ് ഇവിടെ നിന്നാണ് ലഭിക്കുക. ഐഹോളയിലേക്ക് 35km ഉം പട്ടടക്കലിലേക്ക് 22km ദൂരമാണ് ഉള്ളത്.

രണ്ടു ദിവസം പ്ലാൻ ചെയ്തു വരികയാണെങ്കിൽ ഓട്ടപ്രദിക്ഷണം നടത്താതെ മൂന്ന് സ്ഥലങ്ങളും ആസ്വദിച്ചു കാണാം. ഒൻപത് മണി ആയപ്പോളേക്കും ഞാൻ ബദാമി എത്തിയതുകൊണ്ട് റൂം എടുത്ത് വേഗം ഫ്രഷ് ആയി പത്തുമണി ആയപ്പോളേക്കും ഐഹോളയ്ക്ക് പോകുന്ന ബസ് പിടിച്ചു. ഒരു മണിക്കൂർ കൂടുമ്പോൾ മാത്രമേ ബസ് സർവീസ് ഉള്ളൂ.
നഗരത്തിന്റെ തിരക്ക് കഴിഞ്ഞാൽ റോഡിന്റെ ഇരുവശങ്ങളും വിജനമായ പ്രദേശങ്ങളും കൃഷിയിടങ്ങളും ഇടയ്ക്ക്
ഇടയ്ക്ക് വരുന്ന ചെറിയ ഗ്രാമങ്ങളും മാത്രമേ കാണാൻ കഴിയുള്ളൂ.
വികസനം ഒക്കെ അവിടേയ്ക്ക് തിരിഞ്ഞു നോക്കിയിട്ട് പോലുമില്ല എന്ന് തോന്നി പോകും. എങ്കിലും അവിടുത്തെ ജനങ്ങൾ അതിൽ സംതൃപ്തരാണ് എന്നാണ് തോന്നിയത്. ഗ്രാമീണതയുടെ
ഭംഗി നമുക്ക് വല്ലാത്തൊരു ഫീൽ നൽകും. വൃത്തിഹീനമായ പ്രദേശങ്ങളും പോകുന്ന
വഴികളിൽ നമുക്ക് കാണാം.

ഐഹോളെ, പട്ടടക്കൽ വിശേഷങ്ങൾ അടുത്ത പോസ്റ്റുകളിൽ എഴുതാം.

ആദ്യ ദിവസം ഈ രണ്ടു സ്ഥലങ്ങളും കണ്ടതിന് ശേഷം വൈകിട്ട് നാലു മണി ആയപ്പോളേക്കും ബദാമി ബസ്റ്റാൻഡിൽ ഞാൻ തിരിച്ചെത്തി. സമയം ബാക്കി ഉള്ളതുകൊണ്ട് നാളെ പോകാമെന്ന് കരുതിയ ബദാമി കേവിലേക്ക് വെച്ചു പിടിച്ചു. നടന്നാണ് പോയത്.
കേവിന്റെ ഓപ്പോസിറ്റ് സൈഡിൽ
കാണുന്ന ഭൂതനാഥ്‌ ക്ഷേത്രത്തിനും ആഗസ്ത്യാർ തടാകത്തിന്റെ അടുത്തേക്കുമാണ് ആദ്യം പോയത്. അർക്കിയോളജിക്കൽ സർവ്വേയുടെ കീഴിലുള്ള ഈ പ്രദേശങ്ങൾ അസ്തമയം ആയപ്പോളേക്കും അടയ്ക്കാറായിരുന്നു.
എങ്കിലും മതിയാകുവോളം
അഗസ്ത്യാർ തടാകവും ചുറ്റുമുള്ള ക്ഷേത്രങ്ങളും ഞാൻ ആസ്വദിച്ചു.
അവിടെ നിന്നും മലമുകളിലുള്ള
ബദാമി കേവ് കാണാം. നാളെ രാവിലെയാണ് അങ്ങോട്ടേക്ക്
പോകാൻ തീരുമാനിച്ചിരിക്കുന്നത്.
മനസ്സ് നിറച്ച കുറച്ചു ചിത്രങ്ങൾ
ക്യാമറയിൽ പകർത്തി റൂമിലേക്ക് തിരിച്ചു.

രാവിലെ ഒൻപതു മണി ആയപ്പോളേക്കും ബദാമി കേവിൽ എത്തി.
വിദേശികളും സ്വദേശികളുമായ സഞ്ചാരികൾ വന്നു തുടങ്ങുന്നതേയുള്ളൂ.
രാവിലെ പോയാൽ
അത്ര തിരക്ക് ഉണ്ടാകില്ല.
ഇരുപത്തിയഞ്ചു രൂപയാണ്
പ്രവേശന ടിക്കറ്റ്.

കർണാടകയിലെ ബാഗൽകോട്ട്
ജില്ലയിൽ സ്ഥിതി ചെയ്യുന്ന
ഒരു ചരിത്ര നഗരമാണ് ബദാമി.
പണ്ട് കാലത്ത് ഈ സ്ഥലം
'വാതാപി' എന്നാണ് അറിയപ്പെട്ടിരുന്നത്.
സമ്പന്നമായ ചരിത്രത്തിനും അതിമനോഹരമായ റോക്ക്-കട്ട് വാസ്തുവിദ്യയ്ക്കും ചാലൂക്യ രാജവംശത്തിൻ്റെ ചരിത്രത്തിലെ
ഒരു പ്രധാന സ്ഥലമായും
ഇത് പ്രശസ്തമാണ്.
പുലകേശൻ ഒന്നാമനാണ്
ഈ നഗരം സ്ഥാപിച്ചത്, പിന്നീട്
പുലകേശൻ രണ്ടാമൻ്റെ കീഴിൽ
ഡെക്കാൺ പ്രദേശത്തെ
ഒരു പ്രമുഖ ഭരണ കേന്ദ്രമായി മാറി.

ആറാം നൂറ്റാണ്ടിനും എട്ടാം നൂറ്റാണ്ടിനും ഇടയിൽ കർണാടക, മഹാരാഷ്ട്ര, തമിഴ്‌നാടിൻ്റെ ചില ഭാഗങ്ങൾ, ആന്ധ്രാപ്രദേശ് എന്നിവയുടെ ഭൂരിഭാഗവും ഭരിച്ചിരുന്ന ആദ്യകാല ചാലൂക്യരുടെ തലസ്ഥാനമായിരുന്നു വാതാപി.

'വാതാപി' എന്ന പേരിന് പിന്നിൽ
ഒരു കഥയുണ്ട്. പ്രാദേശിക പാരമ്പര്യം അനുസരിച്ച് ബദാമി പട്ടണം മഹാഭാരതത്തിലെ
അഗസ്ത്യ മുനിയുമായി ബന്ധപ്പെട്ടിരിക്കുന്നു.
ഇതിഹാസ കഥയനുസരിച്ച്
രാക്ഷസ സഹോദരന്മാരായ
വാതാപിയും ഇൽവലയും
തങ്ങളുടെ അതിഥികളെ
കബളിപ്പിച്ച്, വാതാപിയെ ഒരു ആടായി രൂപാന്തരപ്പെടുത്തുകയും ഇൽവാല
ആ ആടിനെ പാചകം ചെയ്യുകയും ചെയ്യും. അതിഥികൾ ആടിനെ കഴിച്ചു കഴിയുമ്പോൾ വാതാപി അവരുടെ വയറിനുള്ളിൽ കയറക്കൂടി അവരെ കൊല്ലും.
ഒരിക്കൽ അഗസ്ത്യ മുനി
ഇവരെ സന്ദർശിച്ചപ്പോൾ ഇൽവല
ആടിനെ മുനിക്ക് സമർപ്പിച്ചു.
അവരുടെ തന്ത്രം മനസ്സിലാക്കിയ അഗസ്ത്യൻ, ആടിനെ ഭക്ഷിക്കുകയും തൻ്റെ ദഹനശക്തി ഉപയോഗിച്ച് വാതാപിയെ പെട്ടെന്ന് പൂർണ്ണമായും ദഹിപ്പിക്കുകയും ചെയ്തു. തുടർന്ന് അഗസ്ത്യൻ ഇൽവാലയെ നേരിടുകയും പരാജയപ്പെടുത്തുകയും ചെയ്തു.
ഈ ഐതിഹ്യം ബദാമിക്ക് സമീപമാണ് നടന്നതെന്ന് വിശ്വസിക്കപ്പെടുന്നു.
അതിനാൽ ഈ പട്ടണം ഒരിക്കൽ
വാതാപി എന്നറിയപ്പെട്ടു.
അസുരന്മാരുടെ മേൽ വിജയം നേടിയ മുനിയെ ബഹുമാനിക്കുന്ന തടാകത്തിന് അഗസ്ത്യ തടാകം എന്ന പേരും ഇട്ടു.

പാറക്കെട്ടുകളുടെ താഴെ
സ്ഥിതി ചെയ്യുന്ന ഈ തടാകം ക്ഷേത്രങ്ങളാലും ഗുഹാ
സമുച്ചയങ്ങളാലും ചുറ്റപ്പെട്ടിരിക്കുന്നു.
അഗസ്ത്യ തടാകത്തിൻ്റെ
സാന്നിധ്യം അവർക്ക് ജലസ്രോതസ്സ്
പ്രദാനം ചെയ്തു, ഇത് നഗരത്തിലെ ജനസംഖ്യയുടെയും കാർഷിക പ്രവർത്തനങ്ങളുടെയും നിലനിൽപ്പിന് അത്യന്താപേക്ഷിതമായിരുന്നു.

ഒരു വലിയ മലഞ്ചെരുവിൽ
പാറകളിൽ കൊത്തിയെടുത്ത
ഹിന്ദു, ജൈന ഗുഹാക്ഷേത്രങ്ങളിൽ സങ്കീർണ്ണമായ കൊത്തുപണികൾ, വിപുലമായ ശിൽപങ്ങൾ,
മനോഹരമായ ചുവർചിത്രങ്ങൾ
എന്നിവ നമുക്ക് കാണാം.
ശിവൻ, വിഷ്ണു, മഹാവീരൻ
എന്നിവർക്കായി സമർപ്പിക്കപ്പെട്ടതാണ്
ഈ ഗുഹകൾ.

അഗസ്ത്യ തടാകത്തിൻ്റെ
കിഴക്കൻ തീരത്ത് സ്ഥിതി
ചെയ്യുന്ന ഭൂതനാഥ ക്ഷേത്രങ്ങൾ
ശിവൻ്റെ ഒരു രൂപമായ
ഭൂതനാഥന് സമർപ്പിച്ചിരിക്കുന്നു.
ദ്രാവിഡ ശൈലിയിലുള്ള
വാസ്തുവിദ്യയുടെ
സവിശേഷതകൾ ഇവിടെ കാണാം.

നഗരത്തിലെ പ്രശസ്തമായ
പാറയിൽ വെട്ടിയ ക്ഷേത്രങ്ങളും
മറ്റ് ഘടനകളും നിർമ്മിക്കാൻ ഉപയോഗിക്കുന്ന സാൻഡ് സ്റ്റോൺ ഉൾപ്പെടെ പ്രകൃതി വിഭവങ്ങളാൽ സമ്പന്നമായിരുന്നു ബദാമിക്ക്
ചുറ്റുമുള്ള പ്രദേശം.

അതിമനോഹരമായ കലയ്ക്കും ശിൽപങ്ങൾക്കും ഈ നഗരം പ്രശസ്തമാണ്, പ്രത്യേകിച്ച്
ചാലൂക്യൻ ശൈലി.
ഇത് പിൽക്കാല ദക്ഷിണേന്ത്യൻ
ക്ഷേത്ര വാസ്തുവിദ്യയെ
വളരെയധികം സ്വാധീനിച്ചിട്ടുണ്ട്.

ബദാമിയിലെ ചാലൂക്യ കാലഘട്ടത്തിലെ കല, സംസ്കാരം, വാസ്തുവിദ്യ എന്നിവയുടെ വികാസം
പ്രാദേശിക പാരമ്പര്യങ്ങളുടെയും
മറ്റ് പ്രദേശങ്ങളിൽ നിന്നുള്ള സ്വാധീനങ്ങളുടെയും സാംസ്കാരിക ആവിഷ്കാരത്തെ വിലമതിക്കുന്ന ഭരണാധികാരികളുടെയും സംഗമമായിരുന്നു.

പുലകേശൻ ഒന്നാമനും
പുലകേശൻ രണ്ടാമനും പോലുള്ള
ചാലൂക്യ ഭരണാധികാരികൾ കലയുടെയും വാസ്തുവിദ്യയുടെയും മികച്ച രക്ഷാധികാരികളായിരുന്നു.
അവരുടെ പിന്തുണ സ്മാരക
നിർമ്മിതികൾ സൃഷ്ടിക്കുന്നതിനും സാംസ്കാരിക പ്രവർത്തനങ്ങൾ അഭിവൃദ്ധിപ്പെടുന്നതിനും സഹായിച്ചു.

ഹിന്ദുമതത്തോടും ജൈനമതത്തോടുമുള്ള ഭരണാധികാരികളുടെ ഭക്തിയും രാഷ്ട്രീയ ശക്തിയും നിരവധി ക്ഷേത്രങ്ങളുടെയും മതപരമായ ഘടനകളുടെയും നിർമ്മാണത്തിന് പ്രചോദനമായി.

ഡെക്കാൻ മേഖലയിലെ
കലാപരമായ പാരമ്പര്യങ്ങളിൽ
നിന്ന് പ്രചോദനം ഉൾക്കൊണ്ട്
അവരുടേതായ ശൈലികളിൽ സംയോജിപ്പിച്ചതാണ് ചാലൂക്യ
വാസ്തുവിദ്യാ ശില്പങ്ങൾ.
തെക്ക് പല്ലവ, വടക്ക് ഗുപ്ത സാമ്രാജ്യം തുടങ്ങിയ അയൽ പ്രദേശങ്ങളുമായുള്ള ചാലൂക്യ സാമ്രാജ്യത്തിൻ്റെ ഇടപെടലുകൾ വൈവിധ്യമാർന്ന കലാപരമായ സ്വാധീനങ്ങൾക്ക് കാരണമായി. ഉദാഹരണത്തിന്, പല്ലവർ
അവരുടെ പാറയിൽ നിർമ്മിച്ച വാസ്തുവിദ്യയ്ക്ക് പേരുകേട്ടവരായിരുന്നു,
ഇത് ചാലൂക്യൻ ക്ഷേത്ര രൂപകൽപ്പനയെ സ്വാധീനിച്ചു.

തന്ത്രപരവും ഭൂമിശാസ്ത്രപരവും രാഷ്ട്രീയപരവുമായ നിരവധി കാരണങ്ങളാലാണ് ചാലൂക്യ രാജവംശം ബദാമി തലസ്ഥാനമായി തിരഞ്ഞെടുത്തത്.

ബദാമിക്ക് ചുറ്റുമുള്ള ദുർഘടമായ ഭൂപ്രകൃതിയും പാറകൾ നിറഞ്ഞ
കുന്നും മലകളും അധിനിവേശങ്ങൾക്കും ആക്രമണങ്ങൾക്കും
എതിരെ പ്രതിരോധം സൃഷ്ടിച്ചു.
ശത്രുസൈന്യത്തിന്റെ
അധിനിവേശങ്ങൾക്ക്
പ്രകൃതിദത്തമായ ഈ
കോട്ടകൾ ബുദ്ധിമുട്ട് ഉണ്ടാക്കി.

പല്ലവർ, രാഷ്ട്രകൂടർ, വിജയനഗര
തുടങ്ങി ഒടുവിൽ കല്യാണിയിലെ
ചാലൂക്യർ ഉൾപ്പെടെ ഉള്ളവരുമായി
നിരവധി യുദ്ധങ്ങൾക്ക് ഈ നഗരം
സാക്ഷ്യം വഹിച്ചിട്ടുണ്ട്.

* പ്രധാന ക്ഷേത്രങ്ങളും ഘടനകളും

- ബദാമി ഗുഹാക്ഷേത്രങ്ങൾ

ദേവന്മാരെയും ദേവതകളെയും ജീവികളെയും പുരാണ ഹൈന്ദവ ഇതിഹാസങ്ങളിൽ നിന്നുള്ള ദൃശ്യങ്ങളെയും ചിത്രീകരിക്കുന്ന വിശദമായ ശിൽപങ്ങൾ കൊണ്ട് ക്ഷേത്രങ്ങൾ അലങ്കരിച്ചിരിക്കുന്നു.

ഗുഹ 1 : ശിവന് സമർപ്പിച്ചിരിക്കുന്ന ഈ ഗുഹയിൽ 18 കൈകളുള്ള നടരാജൻ്റെ (നൃത്തം ചെയ്യുന്ന ശിവൻ) ഒരു വലിയ ശിൽപമുണ്ട്.

2. ഗുഹ 2 : വിഷ്ണുവിന് സമർപ്പിച്ചിരിക്കുന്ന ഇതിൽ വിഷ്ണുവിൻ്റെ വരാഹ അവതാരം, ത്രിവിക്രമ (വിഷ്ണുവിൻ്റെ മറ്റൊരു രൂപം) എന്നിവയുടെ ശിൽപങ്ങൾ അടങ്ങിയിരിക്കുന്നു.

3. ഗുഹ 3 : വിശദമായ ശിൽപങ്ങളും ലിഖിതങ്ങളും ഉള്ള, വിഷ്ണുവിന് സമർപ്പിച്ചിരിക്കുന്ന ഏറ്റവും
വലുതും വിശാലവുമായ
ഒരു ഏരിയ ആണിത്.

4. ഗുഹ 4 : തീർത്ഥങ്കരന്മാരുടെ കൊത്തുപണികൾ ഉൾക്കൊള്ളുന്ന
ഒരു ജൈന ക്ഷേത്രം.

* ഭൂതനാഥ ക്ഷേത്രങ്ങൾ

അഗസ്ത്യ തടാകത്തിൻ്റെ തീരത്ത് നിർമ്മിച്ച ഈ ക്ഷേത്രങ്ങളിൽ ആദ്യകാല ദ്രാവിഡ വാസ്തുവിദ്യാ ശൈലികളും സങ്കീർണ്ണമായ ശിലാരൂപങ്ങളും പ്രദർശിപ്പിച്ചിരിക്കുന്നു.

ചരിത്രത്തിൻ്റെയും വാസ്തുവിദ്യയുടെയും സംസ്കാരത്തിൻ്റെയും സവിശേഷമായ സമ്മിശ്രണം ബദാമിയെ പുരാതന ഇന്ത്യൻ ചരിത്രത്തിലും പൈതൃകത്തിലും താൽപ്പര്യമുള്ളവർക്ക് ആകർഷകമായ സ്ഥലമാക്കി മാറ്റുന്നു.

Credits :- Lal Kishor

16/06/2024

16/05/2024

Tanvi Ram

16/05/2024

'ഹമ്പി' രണ്ട് ദിവസം കൊണ്ട് എങ്ങനെ കണ്ടു തീർക്കാം.

ബാംഗ്ലൂർ നിന്നാണ് ഞാൻ ഹമ്പിയിലേക്ക് പോയത്. കഴിഞ്ഞ വർഷം ഫെബ്രുവരി മാസത്തിൽ ആയിരുന്നു യാത്ര.
ബാംഗ്ലൂർ നിന്ന് രാത്രി പത്തു മണിക്ക് കയറിയാൽ രാവിലെ ഏഴുമണി ആകുമ്പോളേക്കും 'Hospet' എത്തും.
ട്രെയിൻ ഒന്നര മണിക്കൂർ ലേറ്റ് ആയിരുന്നു. എട്ടര മണി ആയപ്പോളാണ് Hospet
റെയിൽവേ സ്റ്റേഷനിൽ എത്തിയത്.

Hospet ചെറിയൊരു സിറ്റിയാണ്.
റെയിൽവേ സ്റ്റേഷനിൽ നിന്നും
ഏകദേശം പതിനഞ്ചു കിലോമീറ്റർ ദൂരമുണ്ട് ഹമ്പിയിലേക്ക്. അങ്ങോട്ടേക്ക് ഓട്ടോയും ബസും ലഭ്യമാണ്. ബസിന് ഇരുപതു രൂപയും, ഓട്ടോയ്ക്ക് ഇരുന്നൂറ് മുതൽ
മുന്നൂറ്‌ വരെയും ചാർജ് ചെയ്യാറുണ്ട്.
ബസ് സ്റ്റാൻഡിലേക്ക്
ഒരു കിലോമീറ്റർ ദൂരമുണ്ട്,
ഞാൻ അങ്ങോട്ടേക്ക് നടന്നു.

Hospet ബസ്റ്റാൻഡിന് എതിർവശമുള്ള ഉഡുപ്പി ഹോട്ടലിൽ നിന്നും ബ്രേക്ക്ഫാസ്റ്റ് കഴിച്ചതിന് ശേഷം ഹമ്പിയിലേക്ക് ബസ് കയറി. പത്തുമണി ആയപ്പോളേക്കും
ഹമ്പി എത്തി.

ഗ്രാമീണ ജീവിതം അതുപോലെ
ഇപ്പോഴും നിലനിർത്തിപ്പോരുന്ന
ഒരു സ്ഥലമാണ് ഹമ്പി.
ആഡംബര ഭംഗിയോ സൗകര്യങ്ങളോ
ഒന്നും നമുക്ക് അവിടെ കാണാൻ കഴിയില്ല.
ഒരു ബസ്‌റ്റോപ്പ്, അതിന് ചുറ്റുമായി ചെറിയ കടകൾ. വിരുപാക്ഷ ടെമ്പിളിന് അടുത്തായിട്ടാണ് ബസ് സ്റ്റോപ്പ്. അമ്പലത്തിന്റെ വലിയ ഗോപുരവും,
ചുറ്റും പഴയ നിർമ്മിതികളുടെ
ചരിത്രാവശിഷ്ടങ്ങളും കാണാം.
'Ruins of hampi' എന്നത് കൊണ്ട് എന്താണ് അർത്ഥമാക്കുന്നതെന്ന് അവിടെ ചെന്ന് ഇറങ്ങുമ്പോൾ തന്നെ നമുക്ക് മനസ്സിലാകും.
ശാന്തമായ അന്തരീക്ഷം.
അമ്പലത്തിൽ നിന്നും പാട്ട് കേൾക്കുന്നുണ്ട്.

വളരെ മികച്ച നിലവാരമുള്ള റൂമുകൾ ഒന്നും ഹമ്പിയിൽ ലഭിക്കില്ല, അതുകൊണ്ട് കുറച്ചു സൗകര്യം കൂടുതൽ ആവശ്യമെങ്കിൽ
Hospet തന്നെ റൂം എടുക്കണം.
ക്യാഷ് കയ്യിൽ കരുതുകയും വേണം.
ഹമ്പിയിൽ ATM ഉണ്ടായിരുന്നില്ല. മൊബൈൽ നെറ്റ്‌വർക്കും കുറവാണ്.

റൂം എടുക്കാൻ എങ്ങോട്ടേക്ക് പോകണമെന്ന് എനിക്ക് ഒരു
ഐഡിയയും കിട്ടുന്നില്ല.
ആ സ്ഥലം കണ്ടിട്ട് അവിടെ വലിയ കെട്ടിടങ്ങൾ ഒന്നും ഉള്ളതായും തോന്നുന്നില്ല. അവിടെ നിന്ന ആളുകളോട് ചോദിച്ചപ്പോൾ ദൂരേക്ക് ഒരു ചെറിയ വഴി ചൂണ്ടികാട്ടി അങ്ങോട്ടേക്ക് പോയാൽ മതിയെന്ന് പറഞ്ഞു.
ചെറിയ ഒരു വഴിയിലൂടെ മുന്നോട്ട് പോകുമ്പോൾ കുറച്ചു വീടുകൾ കാണുന്നുണ്ട്. കടകൾ ഒന്നും തുറന്നിട്ടില്ല. റൂം വേണോ എന്ന് ചോദിച്ചുകൊണ്ട് ആരും പിറകേ വരുന്നില്ല. ഹോംസ്റ്റേകളുടെ
ചെറിയ ബോർഡുകൾ കാണാം.
റൂഫ് ടോപ് Restaurant എന്ന ഒരു ബോർഡ് കണ്ട് അവിടേക്ക് കയറി.
സിംഗിൾ റൂം എണ്ണൂറ് രൂപ.
ബാത്‌റൂം കോമൺ ആണെങ്കിൽ
അഞ്ഞൂറ്. ബാത്‌റൂം ഉള്ളതാണ് കുറച്ചു
കൂടി സൗകര്യം, അങ്ങനെ അവിടെ ഒരു റൂം എടുത്ത് ഫ്രഷ് ആയി ഉടൻ തന്നെ ഹമ്പിയിലെ കാഴ്ചകൾ കാണാൻ ഞാൻ തയ്യാറായി.

ഒരു സൈക്കിൾ തരപ്പെടുത്തി.
നൂറ്റിയമ്പത് രൂപയാണ്
ഒരു ദിവസത്തെ വാടക.
ഓട്ടോയിൽ ഒരു ദിവസം കറങ്ങണമെങ്കിൽ 1200 രൂപയ്ക്ക് മുകളിൽ ആണ് ചാർജ്.
ബൈക്ക് റെന്റ് 600 രൂപ.

എങ്ങോട്ടേക്കാണ് പോകേണ്ടതെന്ന് എനിക്ക് വലിയ പ്ലാൻ ഒന്നും ഉണ്ടായിരുന്നില്ല. ചില പ്രധാനപ്പെട്ട സ്ഥലങ്ങളെ കുറച്ചുള്ള കേട്ടറിവ് മാത്രം. ഹമ്പിയുടെ വിവരങ്ങൾ അടങ്ങുന്ന ബുക്കുകളുമായി നിൽക്കുന്ന ഒരാളുടെ കയ്യിൽ നിന്നും ഒരു Map സ്വന്തമാക്കി.
മുന്നിലൂടെ കണ്ട വഴിയിലൂടെ
യാത്ര തുടർന്നു.

വിരുപാക്ഷ ടെംപിൾ ഞാൻ താമസിക്കുന്ന സ്ഥലത്തിന്റെ വളരെ അടുത്ത് ആയതുകൊണ്ട് അവിടേയ്ക്ക് പിന്നീട് പോകാമെന്നു കരുതി ക്ഷേത്രത്തിന് എതിർവശം കാണുന്ന വഴിയിലൂടെ
നേരെ മുന്നോട്ട് നടക്കാൻ തീരുമാനിച്ചു.

വിരൂപാക്ഷ ക്ഷേത്രത്തിൻ്റെ കിഴക്ക്
മാതംഗ കുന്നിൻ്റെ അടിവാരം
വരെ 750 മീറ്റർ നീളവും 35 മീറ്റർ വീതിയുമുള്ള ഒരു മാർക്കറ്റ്
സ്ഥിതി ചെയ്യുന്നുണ്ട്.
കിഴക്കേ അറ്റത്ത് രണ്ട് നിലകളിലായി തൂണുകളുള്ള മണ്ഡപവും വിരൂപാക്ഷ ക്ഷേത്രത്തിന് അഭിമുഖമായി നിൽക്കുന്ന ഒരു കൂറ്റൻ മോണോലിത്തിക്ക് കാളയും ഉണ്ട്. Eduru Basavanna (Monolithic Bull) എന്നാണ് ഇതിനെ അറിയപ്പെടുന്നത്.

അവിടെ നിന്നും ഇടത്തേക്ക് തിരിഞ്ഞാൽ ഒരു മൺപാത കാണാം. അത് വിത്തല ക്ഷേത്രത്തിലേക്കുള്ള വഴിയാണ്.
വിത്തല ക്ഷേത്രത്തിലാണ് പ്രശസ്തമായ 'Stone Chariot' ഉള്ളത്.
അങ്ങോട്ടേയ്ക്ക് റോഡ് മാർഗവും പോകാം. ഞാൻ Ancient pathway യാണ് തിരഞ്ഞെടുത്തത്. സൈക്കിൾ അവിടെ ഒരിടത്ത് വെച്ചിട്ട് Ancient pathway
വഴി മുന്നോട്ട് നടന്നു. അവിടെ താഴേക്ക് കുറച്ചു പടികൾ കാണാം. അത് നേരെ ചെന്നെത്തുന്നത് തുംഗഭദ്ര നദിയുടെ തീരത്തേക്ക് ആണ്. നദിയരികിലെ കല്ലുകളും, അങ്ങ് ദൂരെ കല്ലുകൾ കൊണ്ട് നിർമ്മിച്ച കെട്ടിടങ്ങളും കുന്നുകളുമായി നദി വളരെ മനോഹരമായിരിക്കുന്നു.

നദീതീരത്തുള്ള പാറക്കെട്ടുകൾ നിറഞ്ഞ ഭൂപ്രകൃതി ലോകത്തിലെ തന്നെ ഏറ്റവും പുരാതനവും സുസ്ഥിരവുമായ ഒന്നാണ്.
ബില്യൺകണക്കിന് വർഷങ്ങൾ കൊണ്ട് രൂപപ്പെട്ടവയാണ് ഇവ. ഈ പാറകളിൽ ചിലത് ഭൂമിയിലെ ആദ്യ ജീവൻ്റെ ആവിർഭാവത്തിനും ദിനോസറുകളുടെ ഭരണത്തിനും മനുഷ്യരുടെ പരിണാമത്തിനും സാക്ഷ്യം വഹിച്ചിട്ടുണ്ടാകണം.

ഇവിടെ അടുത്ത് ഒരു രാമക്ഷേത്രമുണ്ട്. അവിടേക്ക് ഉത്തർപ്രദേശിൽ നിന്ന്
വരുന്ന ഒരുപാട് തീര്‍ത്ഥാടകരെ കാണാം.
രാമായണത്തിൽ പ്രതിപാദിക്കുന്ന വാനരരാജ്യമായ കിഷ്കിന്ധ
സ്ഥിതിചെയ്തിരുന്നത് തുംഗഭദ്രാനദിയുടെ തീരത്താണ് എന്നാണ് വിശ്വാസം.

അവിടെ നിന്നും മുന്നോട്ട് നടന്നു.
അവശിഷ്ടങ്ങൾക്കിടയിൽ കൊഴിഞ്ഞു പോയ കഴിഞ്ഞകാല ഉത്സവങ്ങളുടെ പ്രതിധ്വനികൾ, തകർന്ന കൊട്ടാരങ്ങൾ, ക്ഷേത്രങ്ങൾ, സ്മാരകങ്ങൾ,
മാർക്കറ്റുകൾ, കോട്ടകൾ,
സങ്കീർണ്ണമായ ജലപാതകൾ
ഇവയെല്ലാം ഈ നഗരത്തിന്റെ പ്രൗഡിയുടെയും ഗാംഭീര്യത്തിന്റെയും ചരിത്രത്തിന്റെ ചിത്രം നമുക്ക്
മുന്നിൽ വരച്ചു കാട്ടുന്നു.

വിത്തല ക്ഷേത്രം എത്തുന്നതിന് മുൻപ്
ഈ വഴിയിൽ സന്ദർശിക്കാൻ sadhikkunna മറ്റ് പ്രധാന സ്ഥലങ്ങളിൽ ചിലത് താഴെ കൊടുക്കാം.

Achyutaraya temple
Achyutaraya Bazaar
Holy Tank ( Pushkarani )
Narasimha temple
King's Balance
Ruined Gateway

ഇവിടം മുഴുവൻ നിറഞ്ഞു നിൽക്കുന്നത് ശാന്തതയാണ്.
അതാണ് എനിക്ക്
ഏറെ ഇഷ്ടപ്പെട്ടതും.
നടന്നു ക്ഷീണിക്കുമ്പോൾ ഏതെങ്കിലും
ഒരു ക്ഷേത്രത്തിൽ വിശ്രമിക്കാം.

കിങ്‌സ് ബാലൻസ് കഴിഞ്ഞാൽ
വിത്തല ക്ഷേത്രമാണ്.
Ancient pathway എത്തിച്ചേരുന്നത്
വിത്തല ക്ഷേത്രത്തിന്റെ പിറകു വശത്താണ്. ഇവിടെ അകത്തേക്ക് പ്രവേശിക്കാൻ ടിക്കറ്റ് എടുക്കണം.
നാല്പത് രൂപയാണ് ടിക്കറ്റ് നിരക്ക്.
ഈ ഒരു ടിക്കറ്റ് കൊണ്ട് മറ്റുള്ള സ്ഥലങ്ങളിലും പ്രവേശിക്കാം.

ക്ഷേത്രം എന്ന് പറയുമ്പോൾ പൂജകളും പ്രാർത്ഥനകളും ഒന്നുമുള്ള അമ്പലം അല്ല.
ഇവിടെയാണ് ഏറെ പ്രശസ്തമായ സ്റ്റോൺ ചാരിയറ്റ് ഉള്ളത്. അൻപത് രൂപ നോട്ടിലെ നിർമ്മിതി എന്നുള്ളതാണ് യഥാർത്ഥ ചരിത്രത്തേക്കാൾ ഏറെ ആളുകളെ ഇവിടെയ്ക്ക് എത്തിക്കുന്നത്.
ഈ ക്ഷേത്രം രണ്ട് പ്രധാന കാരണങ്ങൾ കൊണ്ടാണ് വിനോദ സഞ്ചാരികളെ ആകർഷിക്കുന്നത്. ഒന്ന് Stone chariot മറ്റൊന്ന് Musical pillers. മ്യൂസിക്കൽ പില്ലേഴ്സ് നമുക്ക് കാണാൻ മാത്രമേ സാധിക്കൂ. ഓരോ തോണുകളിലും ശബ്ദവ്യത്യാനം കൊണ്ട് ഉണ്ടാകുന്ന സംഗീതം നമുക്ക് ശ്രവിക്കാൻ അവസരം ലഭിക്കില്ല. അങ്ങോട്ടേക്ക് പ്രവേശനം ഇല്ല. എങ്കിലും ക്ഷേത്രത്തിലെ
മറ്റ് തൂണുകളിൽ വെറുതെ താളത്തിൽ കൈ വിരലുകൾ തട്ടി നോക്കി.
അതിലും ചില സംഗീതം ഉണരുന്നുണ്ട്.

കാഴ്ചകൾ കണ്ട് വിശപ്പ് ഒന്നും അറിഞ്ഞതെ ഇല്ലാ. രാവിലെ കഴിച്ചതിന് ശേഷം വെള്ളം മാത്രമാണ് കുടിച്ചത്.
ഞാൻ വന്ന വഴിയിൽ അങ്ങനെ കടകൾ ഒന്നും ഇല്ല. ഇനി വൈകിട്ട് ലഞ്ച് ഡിന്നർ ഒരുമിച്ചു കഴിക്കാമെന്ന് കരുതി.

വിത്തല ക്ഷേത്രത്തിലെ കാഴ്ചകൾക്ക് ശേഷം ഞാൻ തിരിച്ചു നടന്നു. അപ്പോളേക്കും നാലുമണി കഴിഞ്ഞിരുന്നു. Virupaksha ക്ഷേത്രം ആണ് അടുത്ത ലക്ഷ്യം. അവിടെ പ്രാർത്ഥനകളും പൂജകളും ഒക്കെ ഉള്ള അമ്പലമാണ്. ടെംപിൾനോട്‌ ചേർന്ന് ആണ് Sunset point.
Hemakuta hill & Hemakuta group of temples അടങ്ങുന്ന പ്രദേശമാണ് ഇവിടം.
ഇവിടെ കുന്നിന്റെ മുകളിലായി ഒരുപാട് ചരിത്രനിർമ്മിതികൾ കാണാം.

ഹമ്പിയിൽ വരുന്നവർ ഇവിടുത്തെ സൂര്യാസ്തമയം ഒരിക്കലും മിസ്സ്‌ ചെയ്യരുത്. നയനമനോഹരമായ
ഒരു കഴ്ചയാണ് അത്.
അവിടെ നിന്നും എനിക്ക് എന്റെ
Favourite clicks ൽ ഉൾപ്പെടുത്താൻ
ഒരു ചിത്രവും കിട്ടി.

ആദ്യത്തെ ദിവസം സൈക്കിൾ
ആവശ്യം ഉണ്ടായിരുന്നില്ല.
നടന്നാണ് ഈ സ്ഥലങ്ങളിൽ
എല്ലാം പോയത്. അത് നൽകുന്ന
അനുഭവം വ്യത്യസ്തമാണ്.
രണ്ടാം ദിവസത്തെ യാത്ര അടുത്ത പോസ്റ്റിൽ.

പോസ്റ്റിന് കടപ്പാട് ഃ- Lal kishor

16/05/2024

30/04/2024

The longest driveable road in the world is
the Pan-American Highway. It passes through 14 countries and is a length of 29,825.817 miles.
This would be a dope road trip
🚗💨

04/02/2024

❤️❤️

കൊളമ്പിയ സ്പേസ് ഷട്ടിൽ ബഹിരാകാശത്ത് നിന്നുള്ള അതിന്റെ മടക്കയാത്രക്കിടെ 2003 ഫെബ്രുവരി 1 ന് അമേരിക്കയിലെ ടെക്സാസ് ലൂസിയാന സ്റ്റേറ്റുകളുടെ മുകളിലുള്ള അന്തരീക്ഷത്തിൽ വെച്ച് പൊട്ടിത്തെറിച്ചു…

7 ബഹിരാകാശ യാത്രക്കാരും മരിച്ചു…

അതിൽ ഉൾപ്പെട്ട കല്പന ചൗളയെ നാമെല്ലാമറിയും…

കൂടെ ഒരു വനിത കൂടി ഉണ്ടായിരുന്നു…

അവരാണ് ലോറൽ ക്ലാർക്ക്..

ലോറൽ ബ്ലയർ സാൾട്ടൻ ക്ലാർക് ഇതാണ് ഫുൾ നെയിം…

അവർ ഏകദേശം കല്പനയുടെ സെയിം ഏജ് ആയിരുന്നു…

1961 മെയ്‌ 10 ന് ജനിച്ച ലോറൽ ക്ലാർക്ക് വൈദ്യ ശാസ്ത്രത്തിൽ ഡോക്ടറേറ്റ് നേടിയിട്ടുണ്ട്…

ഇവരുടെ പേരിൽ ഒരു ചിന്നഗ്രഹമുണ്ട്…

ചൊവ്വയിലേ കൊളംമ്പിയ ഹിൽസിൽ ഒരു കുന്നുണ്ട്…

അതിന് ക്ലാർക്ക് ഹിൽ എന്നാണ് പേര്..

അത് ലോറൽ ക്ലാർക്കിന്റെ പേരിൽ ആണ്…


1962 മെയ്‌ 17 ന് കർണാലിൽ ജനിച്ച കല്പന ചൗള ഏഷ്യയിലെ തന്നെ ആദ്യ വനിത ബഹിരാകാശ സഞ്ചാരിയായിരുന്നു..

ക്ലാർക്കിനും കല്പനയ്ക്കും ആദരാഞ്ജലികൾ..

Jagadeep J L Unni 😍

20/12/2023

Grab your Ticket and Visa


call / whatsapp :-
9995071540, 070255 00666

Tour Packages, Visa Service, Ticketing, Passport Service, Money Exchange, Shipping and Cargo

24/11/2023

KOCHI NIGHTS from the SKIES 😮😍🔥

Some splendid views of few regions in Kochi city from the skies during night 👌👌

Photos taken by : Emil Kurian
Post Credit :- Kochi Next

16/11/2023

01/11/2023

🌴

27/10/2023

DUBAI VISITING VISA COST

VISA ALSO AVAILABLE

✅ SCHENGEN
✅ SINGAPORE
✅ MALAYSIA

PACKAGE DETAILS:

✔ VISIT VISA FOR 30, 60, 90 DAYS
✔ FOOD & ACCOMODATION
✔ AIRPORT PICKUP AND DROP
✔ JOB SEARCHING ASSISTANCE

MY COCHIN TOUR & TRAVELS
KUNNEPARAMBU JUNCTION, VAZHAKKALA ERNAKULAM
CALL NOW : +91 9995 071 540 , 070255 00666

17/10/2023

വല്ലാർപാടം അന്താരാഷ്ട്ര കണ്ടെയ്നർ ട്രാൻഷിപ്മെൻ്റ് ടെർമിനൽ വികസിക്കുകയാണ് ❤️❤️

നിലവിലെ നാല് Sea-To-Shore (STS) മെഗാമാക്സ് ക്രയിനുകൾക്ക് പുറമെ രണ്ടെണ്ണം കൂടി വരുകയാണ് വല്ലാർപാടത്തേക്ക് 👌👏

നിലവിലെ പത്ത് ഗാൻട്രി ക്രയിനുകൾക്ക് പുറമെ നാല് പുതിയ ഗാൻട്രി ക്രയിനുകൾ ഇന്ന് രാവിലെ എത്തിക്കഴിഞ്ഞു 😍😍.
ഒരു മാസത്തിനുള്ളിൽ STS മെഗാമാക്സ് ക്രയിനുകൾ എത്തുമെന്നാണ് വല്ലാർപാടം ടെർമിനലിൻ്റെ സിഇഒ പറഞ്ഞത്.

ഇപ്പൊൾ പ്രവർത്തിക്കുന്ന ഒന്നാം ഘട്ടത്തിൻ്റെ ശേഷി പ്രതിവർഷം 10 ലക്ഷം കൻ്റൈനറുകൾ (TEUs) ആണ്. അതിൻ്റെ 75-80% ശേഷിയും ഇപ്പൊൾ കൈകാര്യം ചെയ്യുന്ന സാഹചര്യത്തിലാണ് കൂടുതൽ ക്രയിനുകൾ കൊണ്ട് വരുന്നത്. വൈകാതെ രണ്ടാം ഘട്ടവും കപ്പൽചാലിൻ്റെ ആഴം വർദ്ധിപ്പിക്കുന്ന പദ്ധതികളും നടപ്പിലാക്കും.

പലരും ശ്രദ്ധിക്കാത്ത വസ്തുത എന്തെന്നാൽ രാജ്യത്തെ ആദ്യത്തെ അന്താരാഷ്ട്ര കൻ്റൈനർ ട്രാൻഷിപ്മെൻ്റ് ടെർമിനലായ നമ്മുടെ ഡിപി വേൾഡ് കൊച്ചി വഴിയുള്ള ചരക്ക് നീക്കം കഴിഞ്ഞ അഞ്ചാറു സാമ്പത്തിക വർഷങ്ങളിൽ 3 ഇരട്ടിയിലധികം വളർന്നു എന്നതാണ്. ട്രാൻഷിപ്മെൻ്റ് കാർഗോയും വളർന്നു. കഴിഞ്ഞ സാമ്പത്തിക വർഷത്തിൽ വളർച്ച ചെറുതായി ഒന്ന് കുറഞ്ഞു എങ്കിലും ഈ സാമ്പത്തിക വർഷം വീണ്ടും കൂടുന്ന കാഴ്ചയാണ് നിലവിൽ കാണുന്നത്. ഡ്രഡ്ജിംഗ് ചിലവുകൾ ഉണ്ടെങ്കിലും തുറമുഖം ലാഭത്തിലാണ്. അതിന് കാരണം എന്തെന്നാൽ വെറുമൊരു കൻ്റൈനർ ടെർമിനലിനെ ആശ്രയിച്ച് നിൽകുന്ന തുറമുഖം അല്ല കൊച്ചി തുറമുഖം എന്നതാണ്.

Credit to "Kochi Next Forum"

21/09/2023

23/08/2023

🇦🇪 📲 #9995071540

19/08/2023

🇦🇪

15/08/2023

28/06/2023

#2023