Lechu’s Tours & Travels

16/12/2022

തലേ ദിവസം രാത്രി ചിക്കൻ കറി ഉണ്ടാക്കി വക്കണം.
നിറയെ കുഞ്ഞുള്ളി ഇട്ട് ഉണ്ടാക്കിയ ചിക്കൻ കറി പുലരുവോളം ഇരുന്ന് മസാല ഒക്കെ പിടിച്ച് ഒരു പരുവം ആകുന്ന അവസരത്തിൽ നന്നായി പുളിച്ച് പൊന്തിയ അപ്പത്തിന്റെ മാവ് ചട്ടിയിൽ ഒഴിച്ച് ചുട്ടെടുക്കണം. ന്നട്ട് തലേ ദിവസത്തെ ചിക്കൻ കറീം കൂട്ടി ഒരു പിടി പിടിച്ചാലുണ്ടല്ലോ 🔥

അപ്പം
ചിക്കൻ കറി
മുട്ട
ചായ

ഈ ചിക്കൻ കറി ടെ റെസിപി തരാം. സാധാരണ എല്ലാരും ഉണ്ടാക്കുന്ന പോലെ തന്നെ. ഇതിൽ കുഞ്ഞുള്ളി മാത്രേ ഇടുള്ളൂ. സവാള ചേർക്കില്ല.
ഒരു പാനിൽ വെളിച്ചെണ്ണ ഒഴിച്ച് ചൂടാവുമ്പോൾ വെളുത്തുള്ളിയും ഇഞ്ചിയും ചതച്ചത് ഇട്ട് വഴറ്റുക. ഇതിലേക്ക് 2 കപ്പ് കുഞ്ഞുള്ളി, പച്ചമുളക്, കറിവേപ്പില ഇവ ചേർത്ത് വഴറ്റുക. കുഞ്ഞുള്ളി ഒന്ന് വാടി കഴിയുമ്പോൾ മഞ്ഞൾ പൊടി, മല്ലിപൊടി, മുളക് പൊടി, ഗരം മസാല പൊടി, പെരുംജീരകം പൊടി ഇവ ചേർത്ത് പച്ച മണം മാറുന്ന വരെ വഴറ്റുക. ഒരു തക്കാളി അരിഞ്ഞു ചേർക്കുക. തക്കാളി വെന്ത് കഴിയുമ്പോൾ ചിക്കൻ ചേർക്കുക. ആവശ്യത്തിന് വെള്ളവും ഉപ്പും ചേർത്ത് മൂടി വച്ച് വേവിക്കുക. വെന്തു കഴിയുമ്പോൾ കുറച്ച് കുരുമുളക് പൊടി ചേർക്കുക. കുറച്ച് വെളിച്ചെണ്ണയിൽ കുഞ്ഞുള്ളിയും കറിവേപ്പിലയും താളിച്ചൊഴിക്കുക.

☺️♥️☺️

24/11/2022

ൂപയ്ക്ക്_5_മണിക്കൂർ_ഒരു_കിടിലൻ_ബോട്ട്_യാത്ര_ആലപ്പുഴയിൽ
ആലപ്പുഴയിൽ 400 രൂപയ്ക്ക് 5.00 മണിക്കൂർ കിടിലൻ ബോട്ട് യാത്ര.
600 രൂപ കൊടുത്താൽ ഏസി യിലും യാത്ര ചെയ്യാം. സർക്കാരിന്റെ വേഗ ബോട്ട് സർവീസ്...

ഏസിയിൽ 40 സീറ്റും നോൺ ഏസിയിൽ 80 സീറ്റും ഉണ്ട് (Total 120). മുൻകൂട്ടി ബുക്ക് ചെയ്ത് വന്നാൽ മാത്രമേ സീറ്റ് ലഭിക്കുകയുള്ളൂ. കൂടാതെ ബുക്ക് ചെയ്യുന്ന ഫോൺ നംബർ ഉള്ള വ്യക്തി ബോട്ടിൽ ഉണ്ടായിരിക്കണം.

രാവിലെ 11.00 മണിക്ക് ആരംഭിക്കുന്ന ബോട്ട് യാത്ര ആലപ്പുഴ ബോട്ട് ജെട്ടിയിൽ നിന്നും ആരംഭിച്ച് നേരെ ഫിനിഷിംഗ് പോയിന്റ് വഴി സ്റ്റാർട്ടിംഗ് പോയിന്റും ചുറ്റി വേമ്പനാട്ട് കായലിലൂടെ പാതിരാമണൽ വഴിയാണ് യാത്ര. പാതിരാമണലിൽ ബോട്ട് ഒരുമണിക്കൂർ വയ്റ്റിങ് ഉണ്ട്, അവിടെ കയറുന്നതിന് ഒരാൾക്ക് 10.00 ചാർജ് ഏർപ്പെടുത്തിയിട്ടുണ്ട്...
1.00 മണിക്ക് അവിടെ എത്തിയ നമുക്ക് നേരത്തെ കുടുംബശ്രീയിലെ ചേച്ചിമാർ ഊണിന് വേണ്ട കൂപ്പൺ തന്നിരിക്കും.

100 രൂപയാണ് ഊണിന് ചാർജ്. മീൻകറി, സാമ്പാർ, പുളിശ്ശേരി, കക്കായിറച്ചി, അവിയൽ, തോരൻ, അച്ചാർ എന്നിവ ഉണ്ടാകും. ഒരു മണിക്കൂർ സമയം പാതിരാമണൽ കാണാനും ഫുഡ് കഴിക്കാനുമായി ലഭിക്കും.

കുറച്ച് റെസ്റ്റ് എടുത്ത ശേഷം 2.00 മണിക്ക് പുനരാരംഭിക്കുന്ന യാത്ര കുമരകം ലക്ഷൃമാക്കി നീങ്ങും. യാത്രക്കിടയിൽ ഐസ്ക്രീം, ചായ സ്നാക്സ് മുതലായവ ബോട്ടിൽ തന്നെ തയ്യാറാക്കിയിട്ടുണ്ട്...
കുമരകം കായലിന്റെ സൈഡിലെ കുരിശടി വഴി ബോട്ട് പിന്നീട് ആർ. ബ്ലോക്ക് ലക്ഷൃമാക്കി പോകും ആ റൂട്ടിൽ അധികം ബോട്ടുകൾ പോകാത്ത റൂട്ടാണ്. കൂടാതെ പലതരം പക്ഷികളെ യാത്രയിൽ കാണുവാൻ സാധിക്കും.

3.15 നോടുകൂടി ആർ ബ്ലോക്കിൽ നിന്നും സ്ഥിരം കോട്ടയം ആലപ്പുഴ റൂട്ടിലൂടെ ബോട്ട് ആലപ്പുഴയിലേക്ക് തിരിക്കും. യാത്രയിൽ ബോട്ടിന്റെ മുൻപിലും പുറകിലും നിൽക്കാനും ഇരുന്ന് യാത്ര ആസ്വദിക്കാനും സാധിക്കും...
വൈകിട്ട് 4.00 മണിയോടെ ആലപ്പുഴ ബോട്ട് ജെട്ടിയിൽ തിരികെ എത്തിച്ചേരും.

11 മണിക്ക് ആരംഭിച്ച യാത്ര 4 മണിക്ക് തിരികെ എത്തി കൂടാതെ ഇവിടെ നിന്നും ബീച്ചിൽ പോയി ലൈറ്റ് ഹൗസും, ബീച്ചും കണ്ട് സൂര്യാസ്തമയത്തോടൂകൂടി വീട്ടിലേക്ക് മടങ്ങാം...
ഒരു ദിവസം ആലപ്പുഴ കുറഞ്ഞ ചിലവിൽ കാണാൻ ആഗ്രഹിക്കുന്നവർക്ക് ഇത് ശരിക്കും പ്രയോജനം ചെയ്യും തീർച്ച...
Booking contact:
9400050322
9400050325

11/10/2022

11/10/2022

എന്തൊക്കെ ആയിരുന്നു മലപ്പുറം കത്തി ,അമ്പും വില്ലും...

11/10/2022

കരുനാഗപ്പള്ളി ആലുംകടവിലെ ബാബുചേട്ടന്റെ ഹോട്ടലിലെ പഴങ്കഞ്ഞി🥰🥰🥰
പഴഞ്ചോറും മീന്‍ചാറും കപ്പയും തൈരും മീന്‍വറുത്തതും കഞ്ഞിവെള്ളവും കൂട്ടി കടവിന്റെ ഭംഗിയും ആസ്വദിച്ചു രുചിയോടെ ഒരു പിടിപിടിക്കാം😍😍😍
പാരമ്പര്യമായി ഏകദേശം 85 വര്‍ഷമായി രുചിയേറിയ വിഭവങ്ങള്‍ വിളമ്പുന്നവരില്‍ ഈ തലമുറയിലെ ബാബുചേട്ടനും മകനും ആശംസകള്‍😍😍👍👍👏👏

05/10/2022

Allepy..

05/10/2022

29 രൂപയ്ക്ക് മൂന്നുമണിക്കൂർ നീളുന്ന ബോട്ട് യാത്ര, സഞ്ചാരികളെ സ്വാഗതം ചെയ്ത്‌ വേമ്പനാട്ടുകായൽ...

കേരള ജലഗതാഗത വകുപ്പിന്റെ ഏറ്റവും പഴക്കം ചെന്ന ജലഗതാഗത പാതയാണ് കോട്ടയം - ആലപ്പുഴ പാത. മൂന്ന് ബോട്ടുകളാണ് ഈ പാതയിലൂടെ സർവീസുകൾ നടത്തുന്നത്. സ്ഥിരം യാത്രക്കാർക്ക് പുറമേ കേരളത്തിലെ മറ്റ് ജില്ലകളിൽ നിന്നും മറ്റ് സംസ്ഥാനങ്ങളിൽ നിന്നും ഒക്കെയായി നിരവധി വിനോദസഞ്ചാരികളാണ് യാത്ര ആസ്വദിക്കുന്നതിനായി എത്തുന്നത്.

കോട്ടയം മുതൽ ആലപ്പുഴ വരെയുള്ള കായൽ കാഴ്ചകൾ ആണ് സഞ്ചാരികളെ ഇങ്ങോട്ട് ആകർഷിക്കുന്നത്.

കോട്ടയത്ത് നിന്നും രാവിലെ 6.35, 11.30 എന്നീ സമയത്തും ഉച്ചയ്ക്കുശേഷം1.00, 3.30 എന്നീ സമയത്തും വൈകിട്ട് 5. 15 നും ബോട്ടുകൾ പുറപ്പെടുന്നുണ്ട്.

കോട്ടയം കോടിമതയിൽ നിന്നും ആരംഭിച്ച കാഞ്ഞിരം, വെട്ടിക്കാട്, ആർ ബ്ലോക്ക്, പുന്നമട വഴി ആലപ്പുഴ എത്തുന്നതാണ് യാത്ര. യാത്രയെക്കുറിച്ച് അറിഞ്ഞ് നിരവധി പേരാണ് എത്തുന്നത്. ഈ ബോട്ട് യാത്ര നല്ലൊരു അനുഭവമാണ് നൽകുന്നത് എന്ന് യാത്രക്കാർ പറയുന്നു.

20/08/2022

17/08/2022

പഴനിക്ക് പോകാൻ കേരളത്തിൽ നിന്ന് നേരിട്ട് ട്രെയിൻ ഉണ്ടെന്ന് ഇപ്പോഴും പലർക്കും അറിയില്ല എന്നത് അദ്‌ഭുതപ്പെടുത്തുന്നു.

രാത്രി 8.30ന് തിരുവനന്തപുരത്ത് നിന്ന് പുറപ്പെടുന്ന അമൃത എക്സ്പ്രസ്സ് (16343) രാവിലെ 7.15 ന് പഴനിയിൽ എത്തും. കോട്ടയത്ത് രാത്രി 11.15നും എറണാകുളം നോർത്തിൽ 12.45നും ആണ്. (എറണാകുളത്ത് നിന്ന് ടിക്കറ്റ് എടുക്കുന്നവർ തീയതി സൂക്ഷിച്ച് കൊടുക്കണം.. പിറ്റേന്നത്തെ). വലിയ തിരക്കില്ല. ഒരാഴ്ച മുൻപേ ഒക്കെ ടിക്കറ്റ് കിട്ടും. തത്കാൽ ആണെങ്കിൽ മിക്കവാറും ഏത് ദിവസവും ഉണ്ട്. (ചാർജ് : സ്ലീപ്പർ 190, 3A 505, 2A 710 എറണാകുളത്ത് നിന്ന്).

പഴനി റെയിൽവേ സ്റ്റേഷൻ ടൗണിന്റെ ഒരറ്റത്താണ്. അമ്പലത്തിൽ നിന്ന് ഏകദേശം 2km. ഓട്ടോയ്ക്ക് 100രൂപ ആകും. വല്ല സമയത്തും ഓടുന്ന ബസ് ഉണ്ട്. അത്യാവശ്യം ആരോഗ്യമുള്ളവർക്ക് നടക്കാവുന്നതേ ഉള്ളൂ.. 20 മിനിറ്റിൽ എത്തും.

തിരിച്ചുള്ള അമൃത (16344) സന്ധ്യയ്ക്ക് 6.15 ന് പഴനി വിട്ട് രാത്രി 12.30ന് എറണാകുളം. വെളുപ്പിന് 5 മണിക്ക് തിരുവനന്തപുരം.

(പാലക്കാട് നിന്ന് വേറെ രണ്ട് വണ്ടികൾ പഴനി വഴി ഉണ്ട്).

18/07/2022

മലക്കപ്പാറക്ക് ശേഷം മൂന്നാറിലേക്ക് ക്ഷണിച്ച് കെ.എസ്.ആർ.ടി.സി..

തിരൂരിൽ നിന്നുള്ള ആദ്യ ഉല്ലാസയാത്രക്ക് ശേഷം തിരൂർ - മൂന്നാർ യാത്രയൊരുക്കി ksrtc. യാത്രക്കാരുടെ താല്പര്യാർത്ഥം സൂപ്പർ ഡീലക്സ് എയർ ബസാണ് തയ്യാറാക്കിയിട്ടുള്ളത്. 1200 രൂപയാണ് നിരക്ക് വരുന്നത്. തിരൂരിൽ നിന്ന് മൂന്നാറിലേക്കും തിരിച്ചുമുള്ള യാത്രയും, മൂന്നാറിൽ രാത്രി എസി സ്ലീപ്പർ ബസ്സിൽ ഉറങ്ങാനുള്ള സൗകര്യവും, മൂന്നാറിൽ ഒരു പകൽ മുഴുവൻ ksrtc ബസ്സിൽ സൈറ്റ് സീയിങ്ങും ഇതിൽ ഉൾപ്പെടുന്നു.

23/07/2022 ശനിയാഴ്ചയാണ് മൂന്നാർ യാത്ര നിശ്ചയിച്ചിട്ടുള്ളത്. തിരൂരിൽ നിന്ന് രാവിലെ 11:00ന് പുറപ്പെട്ട് രാത്രിയോടെ മൂന്നാറിലെത്തും. അന്ന് രാത്രി ഡിപ്പോയിൽ പ്രത്യേകം സജ്ജീകരിച്ചിട്ടുളള സ്ലീപ്പർ ബസ്സിൽ ഉറങ്ങിയ ശേഷം, പിറ്റേന്ന് രാവിലെ 09:00 മണിയോടെ മൂന്നാറിൻ്റെ മനോഹര കാഴ്ചകളിലേക്ക് കടക്കും. Ksrtc യുടെ സൈറ്റ് സീയിങ് ബസാണ് ഇതിനായി ഉപയോഗിക്കുക.

സന്ദർശിക്കുന്ന സ്ഥലങ്ങൾ:-

1 .ടീ മ്യൂസിയം
Entry fee Rs 125/-
2. ടോപ്പ് സ്റ്റേഷൻ
Entry Fee Rs 20/-
3. കുണ്ടള ഡാം
Free entry
4. എക്കോ പോയിന്റ്
Entry fee Rs 10/-
5. ഫിലിം ഷൂട്ടിംഗ് പോയിൻ്റ്
Free entry
6. മാട്ടുപെട്ടി ഡാം
Speed boat.. Rs 300/-
Pedal boat....Rs. 150/-
7. ടീ ഗാർഡൻ ഫോട്ടോ പോയിൻ്റ്
Free entry
8. ഫോറസ്റ്റ് ഫ്ലവർ ഗാർഡൻ
Entry fee Rs 50/-

ഈ ഉല്ലാസയാത്രയ്ക്ക് പോകാൻ താല്പര്യം ഉള്ളവർ സീറ്റ് ബുക്ക് ചെയ്യുന്നതിനായി താഴെ കാണുന്ന നമ്പറിലേക്ക്, യാത്രയുടെ പേര്, നിങ്ങളുടെ പേര് (ഒന്നിൽ കൂടുതൽ ആളുകൾ ഉണ്ടെങ്കിൽ മുഴുവൻ ആളുകളുടെയും പേരും), വിളിച്ചാൽ കിട്ടുന്ന ഫോൺ നമ്പറും, നിങ്ങൾ ബസ്സിൽ കയറുന്ന സ്ഥലവും (Boarding point) താഴെ കാണുന്ന ഫോർമാറ്റിൽ വാട്സപ്പ് മെസ്സേജ് ചെയ്യുക. അപ്പോൾ നിങ്ങൾക്ക് ലഭിക്കുന്ന ബാർകോഡ് സ്കാൻ ചെയ്ത് പണമടക്കുക. പണം അടച്ച് കഴിഞ്ഞാൽ മാത്രമേ സീറ്റ് ബുക്കിംഗ് പൂർത്തിയാകുകയുള്ളൂ. ആദ്യം ബുക്ക് ചെയ്യുന്ന 40 പേർക്കാണ് അവസരം.

Whatsapp number: 9995726885

സംശയങ്ങൾക്ക്: (രാവിലെ 08:00 മണി മുതൽ രാത്രി 08:00 മണി വരെ മാത്രം വിളിക്കുക): 9447203014

Format 👇

23th Tirur - Munnar Trip
Name:
Mob:
Boarding point:

NB: ഉല്ലാസയാത്രയുമായി ബന്ധപ്പെട്ട വിവരങ്ങൾക്ക് തന്നിരിക്കുന്ന നമ്പറിൽ മാത്രം ബന്ധപ്പെടുക. തിരൂർ ksrtc സ്റ്റേഷൻ മാസ്റ്റർ ഓഫീസിലും, പൊന്നാനി, മലപ്പുറം ഡിപ്പോകളിലും ഉല്ലാസ യാത്രയുമായി ബന്ധപ്പെട്ട വിവരങ്ങൾ ലഭ്യമല്ല.

28/05/2022

അങ്ങനെ പതിയെ പതിയെ പുതിയ സർവീസുകൾ സ്വിഫ്റ്റ് തുടങ്ങുന്നു

തിരുവനന്തപുരം - പളനി സ്വിഫ്റ്റ്
സൂപ്പർ ഡീലക്സ് എയർ ബസ്

തിരുവനന്തപുരം സെൻട്രൽ - പളനി
സൂപ്പർ ഡീലക്സ് എയർ ബസ്
സ്വിഫ്റ്റിലൂടെ കൂടുതൽ സൗകര്യത്തോടെ യാത്രക്കാർക്കായ് ഒരുക്കിയിരിക്കുന്നു.

02:30 pm ന് തിരുവനന്തപുരത്തു നിന്ന് പുറപ്പെട്ട് കൊല്ലം, കായംകുളം
എറണാകുളം, തൃശ്ശൂർ, പൊള്ളാച്ചി
വഴി പളനിയിൽ പുലർച്ചെ 01:15 am ന് എത്തിച്ചേരുകയും തുടർന്ന് 09:31 am ന് തിരുവനന്തപുരത്തേയ്ക്ക്
തിരിക്കുന്ന രീതിയിലാണ് സർവ്വീസ്
ക്രമീകരിച്ചിട്ടുള്ളത്.

🚞തിരുവനന്തപുരം - പളനി🚞

🔄സമയക്രമം🔄

തിരുവനന്തപുരം - 02.30pm
കൊല്ലം - 03:55pm
കായംകുളം - 05:05 pm
ആലപ്പുഴ. - 06:00 pm
എറണാകുളം - 07:35 pm
തൃശ്ശൂർ - 09:10pm
പാലക്കാട് - 10:55pm
പളനി - 01:05am

🚎പളനി -തിരുവനന്തപുരം🚎

പളനി - 09:30am
പാലക്കാട് - 12:10pm
തൃശ്ശൂർ. -01:35pm
എറണാകുളം -03:30pm
ആലപ്പുഴ. -04:45pm
കൊല്ലം - 18:50pm
തിരുവനന്തപുരം - 08:15pm

ഓൺലൈൻ റിസർവേഷൻ സംവിധാനവും ലഭ്യമാണ്. കൂടുതൽ വിവരങ്ങൾക്കും
ടിക്കറ്റുകൾ മുൻകൂട്ടി ബുക്കു ചെയ്യുന്നതിനും സൗകര്യമുണ്ട്.

www.online.keralartc.com
എന്ന വെബ് സൈറ്റിലുകയും
"Ente KSRTC" എന്ന മൊബൈൽ ആപ്പിലൂടെയും ടിക്കറ്റുകൾ മുൻകൂട്ടി റിസർവ്വ് ചെയ്യാവുന്നതാണ്.

"Ente KSRTC" മൊബൈൽ ആപ്പ് Google Play Store ലിങ്ക് - https://play.google.com/store/apps/details?id=com.keralasrtc.app...

കെ എസ് ആർ ടി സി
തിരുവനന്തപുരം സെൻട്രൽ

ഫോൺ:- 0471-2323886

കെഎസ്ആർടിസി, കൺട്രോൾറൂം (24×7)
മൊബൈൽ - 9447071021
ലാൻഡ്‌ലൈൻ - 0471-2463799
18005994011
എന്ന ടോൾ ഫ്രീ നമ്പരിലേയ്ക്കും
ബന്ധപ്പെടാവുന്നതാണ്.

സോഷ്യൽ മീഡിയ സെൽ, കെഎസ്ആർടിസി - (24×7)
വാട്സാപ്പ് - 8129562972

Connect us on
Website: www.keralartc.com

YouTube - https://youtube.com/channel/UCQO70_lRhoPu__PMrnroIHg

faccebook - https://www.facebook.com/KeralaStateRoadTransportCorporation/

Instagram - https://instagram.com/ksrtcofficial?utm_medium=copy_link

Dailyhunt - https://profile.dailyhunt.in/keralartc

Twitter -
https://twitter.com/transport_state?s=08


# Swift

19/05/2022

19/05/2022

മലയാളികൾക്ക് പണ്ടുമുതലേ ടൂർ എന്നു വെച്ചാൽ ഊട്ടിയോ കൊടൈക്കനാലോ ഒക്കെയാണ്. എങ്കിലും കൊടൈക്കനാലിനെക്കാളും ഒരുപടി മുന്നിലാണ് ഊട്ടിയെ നമ്മൾ പ്രതിഷ്ഠിച്ചിരിക്കുന്നത്. കോളേജ് ടൂർ, ഫാമിലി ടൂർ, ഹണിമൂൺ എന്നുവേണ്ട മിക്കവരുടെയും ടൂർ ലൊക്കേഷൻ ഊട്ടിയായിരിക്കും. ഊട്ടിയിൽ ചിത്രീകരിച്ച മലയാള സിനിമകൾ ഒരു പരിധിവരെ അവിടേക്ക് നമ്മളെ ആകർഷിക്കുന്നതിൽ പ്രധാന പങ്ക് വഹിച്ചു എന്നുവേണം പറയുവാൻ.

ശരിക്കും ഊട്ടിയിൽ കുറെയേറെ സ്ഥലങ്ങളുണ്ട് സഞ്ചാരികൾക്ക് കാണുവാൻ. എന്നാൽ ഭൂരിഭാഗം ആളുകളും ബൊട്ടാണിക്കൽ ഗാർഡൻ, ബോട്ട് ഹൗസ്, റോസ് ഗാർഡൻ, പൈൻ ഫോറസ്റ്റ് തുടങ്ങിയവ മാത്രം കണ്ട് ആസ്വദിച്ചു പോരുന്നു. എത്ര പ്രാവശ്യം പോയാലും മിക്കവരും ഈ സ്ഥലങ്ങളിലൊക്കെ തന്നെ ചുറ്റിത്തിരിയുവാനാണ് ശ്രമിക്കാറുള്ളത്. എന്നാൽ ഇവയെക്കൂടാതെ ഊട്ടിയിൽ കാണുവാനായി കുറെയേറെ സ്ഥലങ്ങളുണ്ട്. ഒന്നോ രണ്ടോ ദിവസം കൊണ്ട് കണ്ടു തീർക്കാവുന്നതല്ല ഊട്ടിയുടെ സൗന്ദര്യം എന്നോർക്കുക. ഇനി അടുത്ത തവണ ഊട്ടിയിൽ പോകുമ്പോൾ നിങ്ങൾക്ക് സന്ദർശിക്കുവാനായി കുറച്ചു വ്യത്യസ്തമായ സ്ഥലങ്ങളെ ഇവിടെ പരിചയപ്പെടുത്തി തരാം.

1. ഗ്ലെൻ മോർഗൻ : ഊട്ടിയിൽ നിന്നും ഏകദേശം 35 കിലോമീറ്റർ ദൂരത്തായി സ്ഥിതി ചെയ്യുന്ന മനോഹരമായ ഒരു സ്ഥലമാണ് ഇത്. ഇവിടെയുള്ള കുന്നും തേയിലത്തോട്ടങ്ങളും ഒക്കെ ഏതൊരു സഞ്ചാരിയുടെയും മനസ്സ് കീഴടക്കും എന്നുറപ്പാണ്. ഇവിടെയെത്തുന്ന സഞ്ചാരികൾക്ക് ഡാം, പവർ ഹൗസ്, ട്രെക്കിങ്, ടീ എസ്റ്റേറ്റ് എന്നിവയിൽ സമയം ചെലവഴിക്കാം.

2. പൈക്കര : ഊട്ടിയിൽ നിന്നും ഏകദേശം 25 കിലോമീറ്റർ ദൂരത്തായി സ്ഥിതി ചെയ്യുന്ന ഒരു സ്ഥലമാണ് പൈക്കര. പൈക്കരയിലുള്ള തടാകമാണ് ഇവിടത്തെ എടുത്തു പറയേണ്ട പ്രത്യേകത. ഈ തടാകത്തിൽ സഞ്ചാരികൾക്ക് ബോട്ടിംഗ് നടത്തുന്നതിനുള്ള സൗകര്യങ്ങളുണ്ട്. 8 സീറ്റുള്ള മോട്ടോർ ബോട്ടിനു 20 മിനിറ്റ് സമയത്തേക്ക് 750 രൂപയാണ് ചാർജ്ജ്. രണ്ടു പേർക്ക് സഞ്ചരിക്കാവുന്ന ബോട്ടുകളും ഇവിടെയുണ്ട്. രാവിലെ 9 മണി മുതൽ വൈകീട്ട് ആറുമണി വരെയാണ് ഇവിടെ സഞ്ചാരികൾക്ക് പ്രവേശനമുള്ളത്. തടാകത്തെ കൂടാതെ ഇവിടെ ഒരു വെള്ളച്ചാട്ടവും ഡാമും ഒക്കെയുണ്ട്. വെള്ളച്ചാട്ടം കാണുവാനായി ഒരാൾക്ക് പത്തു രൂപയിൽ താഴെ മാത്രമേ ചാർജ്ജ് വരികയുള്ളൂ.

3.കാമരാജ് സാഗർ ഡാം : സാന്ദിനല്ല റിസർവോയർ എന്ന പേരിൽക്കൂടി അറിയപ്പെടുന്ന കാമരാജ് സാഗർ ടം സ്ഥിതി ചെയ്യുന്നത് ഊട്ടിയിൽ നിന്നും പത്തു കിലോമീറ്റർ അകലെയാണ്. ഫോട്ടോഗ്രാഫിയിൽ കമ്പമുള്ളവർക്കും പ്രകൃതി സ്നേഹികൾക്കും പറ്റിയൊരു സ്ഥലമാണിത്. പ്രശസ്തമായ ഷൂട്ടിംഗ് പോയിന്റിൽ നിന്നും ഇവിടേക്ക് അഞ്ചോ ആരോ കിലോമീറ്റർ ദൂരമേയുള്ളൂ.

4.തണ്ടർ വേൾഡ് : ഊട്ടി ബോട്ട് ഹൗസിൽ നിന്നും ഏകദേശം ഒരു കിലോമീറ്ററോളം ദൂരത്തായാണ് തണ്ടർ വേൾഡ് സ്ഥിതി ചെയ്യുന്നത്. കുട്ടികളുമായി പോകുന്നവർക്ക് സന്ദർശിക്കുവാൻ പറ്റിയ ഒരിടമാണിത്. ചലിക്കുന്ന ദിനോസർ, 5D തിയേറ്റർ, കൃത്രിമമായ മഞ്ഞിൽ കളിക്കാവുന്ന സൗകര്യം എന്നിവ ഇവിടെയുണ്ട്. ഒരേക്കർ സ്ഥലത്തായി പരന്നു കിടക്കുന്ന ഇവിടേക്കുള്ള പ്രവേശനം രാവിലെ 9.30 മണി മുതൽ 6.30 വരെയാണ്.

5. സെൻറ് സ്റ്റീഫൻസ് പള്ളി : ഊട്ടിയിലെ ആദ്യത്തെ കൊളോണിയൽ കെട്ടിടമാണിത്. 1820 നിർമ്മിക്കപ്പെട്ട ഇത് തോട ക്ഷേത്രം നിന്നിരുന്ന സ്ഥലത്താണ് നിർമ്മിച്ചിരിക്കുന്നത്. ഗോഥിക് ശൈലിയിലാണ് ഇത് നിർമ്മിച്ചിരിക്കുന്നത്. ഊട്ടി കളക്ടറേറ്റ് ഇതിനടുത്താണ്.

6. സർക്കാർ മ്യൂസിയം, ഊട്ടി : ബൊട്ടാണിക്കൽ ഗാർഡനിൽ നിന്നും ഏകദേശം രണ്ടു കിലോമീറ്ററോളം ദൂരമേയുള്ളൂ സർക്കാർ മ്യൂസിയത്തിലേക്ക്. ചരിത്രപ്രാധാന്യമുള്ള വസ്തുക്കൾ, ജില്ലയുടെ പാരിസ്ഥിതിക വിവരങ്ങൾ, കലാരൂപങ്ങൾ, തമിഴ് നാട്ടിലെ ശിൽപ്പങ്ങൾ എന്നിവയാണ് ഈ മ്യൂസിയത്തിലെ പ്രധാന ആകർഷണങ്ങൾ. ഊട്ടി ട്രൈബൽ മ്യൂസിയം എന്നുകൂടി വിളിപ്പേരുള്ള ഈ മ്യൂസിയത്തിലേക്കുള്ള പ്രവേശനം സൗജന്യമാണ്. മ്യൂസിയം ദേശീയ അവധി ദിവസങ്ങളിലും വെള്ളിയാഴ്ചകളിലും രണ്ടാം ശനിയാഴ്ചകളിലും പ്രവർത്തിക്കുന്നതായിരിക്കില്ല. സമയം – രാവിലെ 10 മുതൽ ഉച്ചയ്ക്ക് 1 വരെ, ഉച്ചയ്ക്ക് 2 മുതൽ വൈകീട്ട് 5 വരെ.

7. വാക്സ് വേൾഡ് : പേരു പോലെത്തന്നെ മെഴുക് പ്രതിമകളുടെ ഒരു ലോകമാണിത്. ബൊട്ടാണിക്കൽ ഗാർഡനിൽ നിന്നും ഒരു കിലോമീറ്റർ ദൂരമേയുള്ളൂ വാക്സ് വേൾഡിലേക്ക്. ശ്രീജി ഭാസ്കരൻ എന്നു പേരായ ഒരു ഐടി പ്രൊഫഷണലാണ് ഇതിന്റെ പിന്നിൽ പ്രവർത്തിച്ചിരിക്കുന്നത്. സ്വാതന്ത്ര്യ സമര സേനാനികളുടെയും ദേശീയ നേതാക്കളുടെയും ജീവൻ തുടിക്കുന്ന മെഴുകു പ്രതിമകൾ ഈ മ്യൂസിയത്തിൽ നമുക്ക് കാണാം. ഇവിടേക്കുള്ള പ്രവേശന ഫീസ് മുതിർന്നവർക്ക് 30 രൂപയും കുട്ടികൾക്ക് 20 രൂപയുമാണ്. രാവിലെ 9 മണി മുതൽ രാത്രി 8 മണി വരെ മ്യൂസിയം തുറന്നിരിക്കുന്നതായിരിക്കും.

8. ലവ് ഡെൽ : ഊട്ടിയിൽ നിന്നും ഏകദേശം എട്ടു കിലോമീറ്റർ മാറി സ്ഥിതി ചെയ്യുന്ന, ഉയരമേറിയ ഒരു മനോഹര സ്ഥലമാണ് ലവ് ഡെൽ. ലവ്‌ഡെയ്‌ലില്‍ ഏതു സമയത്തും തണുപ്പു നിറഞ്ഞ അന്തരീക്ഷമായിരിക്കും.പേരിനൊപ്പം ലവ് ഉള്ളത് ശ്രദ്ധിച്ചില്ലേ? ശാന്തമായി സമയം ചിലവഴിക്കുവാൻ ആഗ്രഹിക്കുന്നവർക്കും ഹണിമൂൺ യാത്രികർക്കും തിരഞ്ഞെടുക്കാവുന്ന ഒരു സ്ഥലം കൂടിയാണിവിടം.

ഇവയെക്കൂടാതെ ധാരാളം വിനോദസഞ്ചാരകേന്ദ്രങ്ങൾ ഊട്ടിയിലും പരിസര പ്രദേശങ്ങളിലുമായി ഉണ്ട്. അവ പിന്നീട് ഒരിക്കൽ പറഞ്ഞു തരാം. ഇനി അടുത്ത തവണ ഊട്ടിയിലേക്ക് ടൂർ പോകുന്നവർ ഈ സ്ഥലങ്ങളിൽ കൂടി ഒന്നു സന്ദർശിക്കുവാൻ ശ്രമിക്കുക.

Whatsaap +91 7994998664

19/05/2022

യാത്രകൾ അവസാനിക്കുന്നില്ല...ഇനി യാത്ര കടലിലേക്ക്...

കായംകുളം-സാഗരറാണി-ഹിൽപാലസ് ഉല്ലാസയാത്ര...
-------------------------------------------------------------------------

വാഗമൺ,മലക്കപ്പാറ ഉല്ലാസയാത്രകൾ വൻ വിജയമായതിന് പിന്നാലെ കെ.എസ്.ആർ.ടി.സി കായംകുളം ബജറ്റ് ടൂറിസം ഇനി കടലിലേക്കും..കരയിൽ നിന്ന് മാത്രം കടലിന്റെ ഭംഗി ആസ്വദിച്ചവർക്ക് കൊച്ചി കായലിന്റെയും അറബിക്കടലിന്റെയും ഓളപ്പരപ്പിലൂടെ സഞ്ചരിച്ച് അസ്തമയം കണ്ട് വരാനുള്ള സുവർണ്ണാവസരം ഒരുക്കി കൊണ്ട് കായംകുളത്ത് നിന്നും സാഗരറാണി ഉല്ലാസയാത്ര ആരംഭിക്കുകയാണ്

കേരള ഷിപ്പിങ് ആൻഡ് ഇൻലാൻഡ് നാവിഗേഷൻ കോർപറേഷന്റെ ക്രൂയിസ് വെസ്സലാണ് സാഗരറാണി..എറണാകുളം ബോട്ട് ജെട്ടിയിൽ നിന്നും ആരംഭിച്ച് കൊച്ചി കായലിലൂടെ കൊച്ചി തീരത്തിന്റെ വശ്യമായ ഭംഗി ആസ്വദിച്ച് അറബിക്കടലിലെത്തി അസ്തമയം കണ്ട് മടങ്ങും വിധം രണ്ട് മണിക്കൂർ നീളുന്ന യാത്രയാണ് യാത്രക്കാർക്കായി സാഗരറാണിയിൽ ഒരുക്കിയിരിക്കുന്നത്..കൂടാതെ തൃപ്പൂണിത്തുറ ഹിൽ പാലസ്,മട്ടാഞ്ചേരി എന്നിവിടങ്ങളിലെ സന്ദർശനവും കൊച്ചിയിലെ മറ്റ് കാഴ്ചകൾ കാണാനുള്ള അവസരവും ഉല്ലാസയാത്രയുടെ ഭാഗമായി ഇതോടൊപ്പം ഉൾപ്പെടുത്തിയിട്ടുണ്ട്..രാവിലെ 7 മണിയോടെ കായംകുളത്ത് നിന്നും യാത്ര ആരംഭിച്ച് ഹിൽപാലസ്,മട്ടാഞ്ചേരി,മറ്റ്‌ കാഴ്ചകൾ എന്നിവ കണ്ട് വൈകുന്നേരം സാഗരറാണിയിൽ എത്തിച്ചേരും വിധമാണ് യാത്ര ക്രമീകരിച്ചിരിക്കുന്നത്‌

മെയ് 21 ശനിയാഴ്ച ആരംഭിക്കുന്ന സാഗരറാണി ആദ്യ യാത്രയിലേക്ക് ബുക്കിങ് ആരംഭിച്ചു കഴിഞ്ഞു..
കപ്പൽ യാത്രയ്ക്കുള്ള പ്രവേശന ഫീസ് ഉൾപ്പടെ (ഭക്ഷണം മറ്റ് പ്രവേശന ഫീസ് ഒഴികെ) ഒരാൾക്ക് 900 രൂപ മാത്രമാണ് ഇതിനായി ഈടാക്കുന്നത്

അന്വേഷണങ്ങൾക്കും ബുക്കിങ്ങിനും ബന്ധപ്പെടുക

ആനന്ദകുട്ടൻ : 9605440234
എ.പി റെജി : 9400441002

KSRTC കായംകുളം ❤️
0479 2442022