Pop puri

16/12/2023

ଆଜିଠାରୁ ଶ୍ରୀମନ୍ଦିରରେ ଆରମ୍ଭ ହୋଇଛି ପହିଲି ଭୋଗ ନୀତି । ଏନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ସ୍ବତନ୍ତ୍ର ନୀତି ନିର୍ଘଣ୍ଟ ହୋଇଛି । ଏହି ନୀତି ଦୀର୍ଘ ଏକ ମାସ ଧରି ଆସନ୍ତା ମକର ସଂକ୍ରାନ୍ତି ପର୍ଯ୍ୟନ୍ତ ଚାଲୁ ରହିବ । ଏକ ମାସ ମା’ ମହାଲକ୍ଷ୍ମୀ ବାପ ଘରକୁ ଯିବାର ବିଧି ପରମ୍ପରା ଥିବାରୁ ମାସକ ପର୍ଯ୍ୟନ୍ତ ମାତା ଯଶୋଦା ପହିଲି ଭୋଗରେ ମହାପ୍ରଭୁଙ୍କ ଉଦ୍ଦେଶ୍ୟରେ ସକାଳୁ ସକାଳୁ ସୁସ୍ବାଦୁ ବ୍ୟଞ୍ଜନ ପ୍ରସ୍ତୁତ କରିଛନ୍ତି । ପହିଲି ଭୋଗରେ ମହାପ୍ରଭୁଙ୍କ ପାଇଁ ବିଭିନ୍ନ ବ୍ୟଞ୍ଜନ ତଥା ବଡ ଝିଲି, ଦରସୁଆ ବଡ଼ି, ଦରସୁଆ ଝିଲି, ବଡ଼ବଡା, କାକେରା, ଅମାଲୁ, ନଳୀ, ଏଣ୍ଡୁରି, ମୁଗେଇ, ଚଢ଼େଇ ନଦା, ଲଡ଼ୁ, ଗଜା, ଗଇଁଠା, ମଣ୍ଡା ଓ ଖଇର ଚୁଳ ଭଳି ଖାଦ୍ୟ ମହାପ୍ରଭୁଙ୍କ ଉଦ୍ଦେଶ୍ୟରେ ପ୍ରସ୍ତୁତ କରି ଲାଗି କରାଯାଇଛି । ପ୍ରତିଦିନ ସୂର୍ଯ୍ୟ ଉଦୟ ପୂର୍ବରୁ ମହାପ୍ରଭୁଙ୍କ ମଙ୍ଗଳ ଆଳତୀ ଓ ଅବକାଶ ନୀତି ବଢିବା ପରେ ପହିଲି ଭୋଗ ଲାଗି କରାଯାଏ ।

12/12/2023

ଦେବ ଦୀପାବଳୀ

ମାର୍ଗଶୀର ମାସ କୃଷ୍ଣପକ୍ଷ ଚତୁର୍ଦ୍ଦଶୀରୁ ଶ୍ରୀମନ୍ଦିରରେ ଆରମ୍ଭ ହୋଇଛି ଦେବ ଦୀପାବଳି । ଏହି ପବିତ୍ର ତିଥି ଠାରୁ ତିନିଦିନ ଧରି ଶ୍ରୀମନ୍ଦିରରେ ସ୍ୱତନ୍ତ୍ର ନୀତିକାନ୍ତି ଅନୁଷ୍ଠିତ ହୋଇଥାଏ । ଦେବ ଦୀପାବଳିରେ ମହାପ୍ରଭୁ ତାଙ୍କର ପିତୃପୁରୁଷଙ୍କ ଉଦ୍ଦେଶ୍ୟରେ ପିଣ୍ଡଦାନ ସହିତ ଦୀପ ଦାନ କରିଥାନ୍ତି । ଦ୍ୱିପହର ଧୂପ ପରେ ମହାପ୍ରଭୁ ଶ୍ରାଦ୍ଧ ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି ।

ସନ୍ଧ୍ୟାଧୁପ ପରେ ତିନୋଟି ମହାଦ୍ଵୀପ ବଡଦେଉଳ, ଜଗମୋହନ ଓ ଭୋଗମଣ୍ଡପକୁ ଉଠିବା ସହ ରତ୍ନସିଂହାସନ ଆଗରେ ଅରୁଆ ଚାଉଳରେ ଗଛଟିଏ କରାଯିବା ସହିତ ୨୮ଟି ଦୀପ ପ୍ରଭୁଙ୍କ ଉଦ୍ଦେଶ୍ୟରେ ଲାଗିବ । ଜୟବିଜୟ ଦ୍ୱାର ନିକଟରେ ମଧ୍ଯ ଚାଉଳ ଗଛ ସହ ଦୀପ ସମର୍ପଣ କରାଯିବ । ତିନିଦିନ ଧରି ଏହି ଶ୍ରାଦ୍ଧ ପ୍ରଦାନ ପ୍ରଦାନ କରିବେ ମହାପ୍ରଭୁ ।

ଆଜି ପ୍ରଥମ ଦିନରେ କଶ୍ୟପ ଏବଂ ଅଦିତିଙ୍କ ଉଦ୍ଦେଶ୍ୟରେ ଶ୍ରାଦ୍ଧ ପ୍ରଦାନ କରାଯାଇଛି । ଆସନ୍ତାକାଲି ଅମାବାସ୍ୟା ଦିନ ଦଶରଥ ଓ କୌଶଲ୍ୟା ଓ ତା ପରଦିନ ନନ୍ଦ ଓ ଯଶୋଦା, ଦେବକୀ ଓ ବସୁଦେବ, ଇନ୍ଦ୍ରଦ୍ୟୁମ୍ନ ଓ ଶ୍ରୀଗୁଣ୍ଡିଚାଙ୍କୁ ପିଣ୍ଡଦାନ କରାଯିବ ।

27/04/2023

ଚାପେ ତୁ ମଧୁସୂଦନ

19/08/2022

19/08/2022

Flood @ Puri

Evacuation Started

14/08/2022

Azadi ka Amrit Mahotsav

Jai Hind

10/08/2022

@ Puri, Dates Back

16/06/2022

ଅଗ୍ନିପଥ :

୧. ୧୭ ବର୍ଷ ବୟସରେ ପଥ ଭ୍ରଷ୍ଟ ହେବାର ଯଥେଷ୍ଟ ସୁଯୋଗ ଓ କାରଣ ଥାଏ । ଆର୍ଥିକ ଦୂରାବସ୍ଥା ହେତୁ କୁସଙ୍ଗରେ ପଡ଼ି ଭୁଲ ରାସ୍ତାକୁ ଯିବାର ମୌକା ଥାଏ। ଏ ସମୟରେ ଯଦି ଆର୍ମିରେ ଯୋଗ ଦେବେ, ତେବେ ମଦ ପିଇ ଠେକାଦାର ଓ କୁଜି ନେତାଙ୍କ ପଛରେ ବୁଲିବ କିଏ ? ନେତାଙ୍କ ଶୋଭାଯାତ୍ରାରେ ପତାକା ଧରିବ କିଏ ?

୨. ୨୨ବର୍ଷ ବୟସରେ ଚାକିରୀରୁ ବିରତି ନେବା ବେଳେ ହାତରେ ଥିବ ୧୨ ଲକ୍ଷ ଟଙ୍କା ଓ ନିଜ ସାଧ୍ୟ ମୁତାବକ ଯୋଗ୍ୟତା ପତ୍ର। ଏମାନଙ୍କ ସଂଖ୍ୟା ବଢ଼ି ଗଲେ ୫୦୦ ଟଙ୍କା ନେଇ ଭୋଟ ଦେବ କିଏ ? ଏଥିରେ ଅସୁବିଧା କାହାକୁ ?

୩. ପ୍ରତି ଚାରି ବର୍ଷରେ ଶତକଡ଼ା ୭୫ ଭାଗ ଲୋକ ବିରତି ନେବେ । ତାଙ୍କ ଜାଗାରେ ନୂଆ ଲୋକ ଯୋଗ ଦେବେ । ସେମାନଙ୍କ ମଧ୍ୟରୁ ୭୫ ଭାଗ ବିରତି ନେବେ । ବିରତି ନେଉଥିବା ଲୋକେ ପୁଣି ବିଭିନ୍ନ ଚାକିରି କରିବେ, ସାଧାରଣ ଲୋକଙ୍କ ସହ ଜୀବନ ବଞ୍ଚିବେ । Once a soldier, always a soldier ! ଏ ପ୍ରକାର ଲୋକଙ୍କ ସଂଖ୍ୟା ବହୁତ୍ ବଢ଼ିଗଲେ ଅସୁବିଧା କାହାକୁ ?( କିଛି ଲୋକଙ୍କ ଯୁକ୍ତି ଚାକିରୀ କରିବା ବୟସରେ ଏମାନେ ଅବସର ନେବେ । ସେଇଠୁ ଅସୁବିଧା କେଉଁଠି ? ଚାକିରୀ ସାଙ୍ଗକୁ ପାଠ ପଢା। ଦକ୍ଷତା ବି ଥିବ ଆଉ ଅଭିଜ୍ଞତା ବି । କିଛି ଘରୋଇ ଉଦ୍ୟୋଗ ଚାକିରୀରେ ଏମାନଙ୍କୁ ଅଗ୍ରାଧିକାର ଦେବାକୁ ଏବେଠୁ ଅଣ୍ଟା ଭିଡ଼ିଲେଣି ।)

୪. ଚୀନ, ପାକିସ୍ତାନ ପରି ବିଦେଶୀ ଶକ୍ତି ସହ ଯୁଦ୍ଧ ବେଳେ ଏତେ ଗୁଡ଼ାଏ ତାଲିମପ୍ରାପ୍ତ ଜନସମ୍ବଳ ଆମ ପାଖରେ ଥିଲେ ଅସୁବିଧା କାହାକୁ ହେବ ?

୫. ଗୃହ ଯୁଦ୍ଧ ବା ଦଙ୍ଗା ବେଳେ ଏତେ ଗୁଡ଼ାଏ ତାଲିମପ୍ରାପ୍ତ, ଦେଶ ପାଇଁ ସମର୍ପିତ ଏକ୍ସ-ଆର୍ମି ଯଦି ଦେଶ ଭିତରେ ଉପସ୍ଥିତ ରହିବେ, ତେବେ ଅସୁବିଧା କାହାକୁ ହେବ ?

୬. ଯେଉଁ ୨୫ ଭାଗ, ଆର୍ମିରେ ଯୋଗ ଦେବେ ସେମାନେ ଅନୂପାତିକ ଭାବେ ଅଧିକ ଉଦ୍ଦାମ ଓ ଦକ୍ଷ ରହିବେ । ଏଥିରେ ଅସୁବିଧା କାହାକୁ ହେବ ?

୭. ଆପଣ ଯେଉଁ ଅଞ୍ଚଳରେ ରହୁଛନ୍ତି, ସେ ଅଞ୍ଚଳରେ ଏକ୍ସ-ଆର୍ମି ସଂଖ୍ୟା ବଢିଗଲେ ମୁଷ୍ଟିମେୟଙ୍କ ଗୁଣ୍ଡାଗିରି ବଢିବ ନା କମିବ ? କମିଲେ ଅସୁବିଧା କାହାକୁ ହେବ ?

୮. ଏ ଜନ ବହୁଳ ଦେଶରେ ସବୁଠୁ ଅଧିକ କେଉଁ ଲୋକେ ଆର୍ମି ତାଲିମ ପାଇବେ ? ସେଥିରେ ବିପଦ କାହାକୁ ?

୯. ସବୁ ରାଜ୍ୟର ପୋଲିସରେ ଯଦି ଏମାନଙ୍କୁ ଅଗ୍ରାଧିକାର ମିଳେ ? ଆସାମ ରାଇଫଲ୍ , CAPF ପରି ଜାଗାରେ ଅଗ୍ରାଧିକାର ମିଳିଲେ ?

୧୦. ଦେଶଭକ୍ତଙ୍କ ସଂଖ୍ୟା ବଢ଼ିଲେ ଅସୁବିଧା କାହାକୁ ହେବ ?

Jai Hind

16/06/2022

15/06/2022

ଶ୍ରୀଜୀଉଙ୍କ ଅଣସର ଓ ପଟ୍ଟିଦିଅଁ ପୂଜା :

ଅଣସର ସମୟରେ ଗର୍ଭଗୃହରେ ଦାରୁ ମୂର୍ତ୍ତିମାନଙ୍କ ବଦଳରେ ପଟିଦିଅଁଙ୍କୁ ପୂଜା କରାଯାଇଥାଏ । ବଳଭଦ୍ରଙ୍କ ପଟିଦିଅଁ ବାସୁଦେବ, ଦେବୀ ସୁଭଦ୍ରାଙ୍କର ପଟିଦିଅଁ ଭାବେ ଯାଜ୍ଞସେନୀ ବା ଭୁବନେଶ୍ୱରୀ ଓ ଜଗନ୍ନାଥଙ୍କ ପଟିଦିଅଁ ଭାବେ ନାରାୟଣ ପୂଜା ପାଇଥାନ୍ତି ।

ତେବେ ଦାରୁ ଦେବତାମାନେ ରତ୍ନ ସିଂହାସନରେ ଯେଉଁ ରୂପରେ ପୂଜା ପାଆନ୍ତି ପଟ୍ଟଚିତ୍ର ଗୁଡ଼ିକ ସେହି ଆକୃତିର ନୁହେଁ । କାଷ୍ଠ ନିର୍ମିତ ସୁଦୃଶ୍ୟ ଆସରେ ବସିଥିବା ପରି ଅଙ୍କିତ ହୋଇଥିବା ଚିତ୍ରରେ ସମସ୍ତ ଦିଅଁ ଚତୁଃହସ୍ତ ଓ ଦୁଇପଦ ବିଶିଷ୍ଟ ହୋଇ ପଦ୍ମାସନରେ ବସିଥାଆନ୍ତି । ବଳଭଦ୍ରଙ୍କ କଳେବର ଶ୍ୱେତବର୍ଣ୍ଣରେ ଚିତ୍ରିତ ହେଇଥାଏ । ଚତୁଃହସ୍ତରେ ସେ ଧରିଥାଆନ୍ତି ଶଙ୍ଖ, ଚକ୍ର, ଗଦା ଓ ହଳ । ହରିଦ୍ର ବର୍ଣ୍ଣା ସୁଭଦ୍ରା ଦୁଇ ଉର୍ଦ୍ଧ୍ୱ ହସ୍ତରେ ପଦ୍ମ ଧରିଥାଆନ୍ତି ଓ ନିମ୍ନ ହସ୍ତ ଦୁଇଟି ଥାଏ ବରଦା ମୁଦ୍ରାରେ । କଳା ରଙ୍ଗରେ ଚିତ୍ରିତ ଜଗନ୍ନାଥ ଚାରିହାତରେ ଶଙ୍ଖ, ଚକ୍ର, ଗଦା ଓ ପଦ୍ମ ଧରିଥାଆନ୍ତି । ସମସ୍ତ ଦେବତାଙ୍କ ପୃଷ୍ଠପଟ୍ଟ ଗାଢ଼ନାଲି ରଙ୍ଗ ହେଇଥାଏ ।

ଅଣସର ପଟି ତିନୋଟିକୁ ବଂଶାନୁକ୍ରମେ କେତେକ ଚିତ୍ରକର ଖୁବ ନିଷ୍ଠାରେ ପ୍ରସ୍ତୁତ କରିଥାଆନ୍ତି । ଚିତ୍ର କରିବା ସମୟତକ ସେମାନେ ନିରାମିଷା ଭକ୍ଷଣ କରନ୍ତି । କାମ ଚାଲିଥିବା କୋଠରୀକୁ ସ୍ତ୍ରୀ ଲୋକଙ୍କ ପ୍ରବେଶ ନିଷେଧ ଥାଏ । ଚିତ୍ର ପାଇଁ ଧଳାରଙ୍ଗ ଶଙ୍କରୁ ପ୍ରସ୍ତୁତ ହେଉଥିବା ବେଳେ, କଳାରଙ୍ଗ ନିମନ୍ତେ ପୋଲାଙ୍ଗ ଦୀପର କଳା, ହିଙ୍ଗୁଳରୁ ନାଲି, ହରିତାଳରୁ ହଳଦିଆ ଓ ଖଣ୍ଡନୀଳରୁ ନୀଳ ରଙ୍ଗ ପ୍ରସ୍ତୁତ କରାଯାଇଥାଏ । ସ୍ନାନ ପୂର୍ଣ୍ଣିମା ଦିନ ଗଭୀର ରାତିରେ, ବାଇଦ ବାଜଣା ସହ ଚିତ୍ରକାରମାନେ ଅଣସର ପଟ୍ଟିଗୁଡ଼ିକୁ ମନ୍ଦିରକୁ ଆଣନ୍ତି । ଆଷାଢ଼ ପ୍ରତିପଦାରୁ ଅମାବାସ୍ୟା ଯାଏଁ ଏକ ପକ୍ଷ ବ୍ୟାପି ଏହି ପଟି ଦେବତାଙ୍କ ଆଗରେ ଭୋଗ ବଢ଼ାଯାଏ । ଅଣସର ଘରେ ଠାକୁରମାନଙ୍କୁ ପଣା ଓ ଚକଟା ଭୋଗ ଆଦି କରାଯାଉଥିବା ବେଳେ ପଟିଦିଅଁଙ୍କୁ ଅନ୍ନଭୋଗ କରାଯାଇଥାଏ । ଗର୍ଭଗୃହ ସଂଲଗ୍ନ ଦକ୍ଷିଣ ଘରୁ ସେବାୟତମାନେ ସାତଗୋଟି ଚଳନ୍ତି ପ୍ରତିମା ଆଣି ଅଣସର ଘର ବାହାରପଟେ ପକାଯାଇଥିବା ଗୋଟିଏ ଖଟ ଉପରେ ରଖନ୍ତି । ବଳଭଦ୍ରଙ୍କ ଆସ୍ଥାନ ସମୀପରେ ରାମ, ନୃସିଂହ ଓ ଦୋଳଗୋବିନ୍ଦଙ୍କ ବିଗ୍ରହ ରହେ, ସୁଭଦ୍ରାଙ୍କ ସମୀପରେ ରହେ ଲକ୍ଷ୍ମୀ ଓ ସରସ୍ୱତୀଙ୍କ ଏବଂ ଶ୍ରୀଜଗନ୍ନାଥଙ୍କ ସମ୍ମୁଖରେ ରହେ ମଦନମୋହନ ଓ କୃଷ୍ଣଙ୍କ ପ୍ରତିମୂର୍ତ୍ତି ।

14/06/2022

ରଜ ଓଡ଼ିଶାର ଏକ ପାରମ୍ପାରିକ ପର୍ବ ଓ ରାଜ୍ୟର ଗଣପର୍ବ । ଏହା ତିନିଦିନ ଧରି ପାଳନ କରାଯାଇଥାଏ । ଏହାର ଦ୍ୱିତୀୟ ଦିନରେ ମିଥୁନ ମାସର ଆରମ୍ଭ ଓ ଏହା ପରେ ବର୍ଷା ଋତୁ ଆରମ୍ଭ ହୁଏ । ରଜ ସଂକ୍ରାନ୍ତିର ପୂର୍ବଦିନ ପହିଲି ରଜ, ଦ୍ୱିତୀୟ ଦିବସ ହେଉଛି ରଜ ସଂକ୍ରାନ୍ତି, ତୃତୀୟ ଦିବସ ହେଉଛି ଭୂମିଦାହ ବା ଭୂମି ଦହନ, ଚତୁର୍ଥ ତଥା ଅନ୍ତିମ ଦିବସ ହେଉଛି ବସୁମତୀ ସ୍ନାନ ।

14/06/2022

ଦେବସ୍ନାନ ପୂର୍ଣ୍ଣିମା ବା ସ୍ନାନଯାତ୍ରା, ଜ୍ୟେଷ୍ଠ ମାସ ଶୁକ୍ଳପକ୍ଷ ପୂର୍ଣ୍ଣିମା ତିଥିରେ ଶ୍ରୀକ୍ଷେତ୍ରରେ ପାଳନ କରାଯାଏ । ଏହି ଦିନ ଶ୍ରୀମନ୍ଦିରର ସ୍ନାନ ମଣ୍ଡପରେ ଚତୁର୍ଦ୍ଧା ମୂର୍ତ୍ତିଙ୍କୁ ପାରମ୍ପରିକ ରୀତିରେ ବେଦଧ୍ୱନି ପୂର୍ବକ ୧୦୮ କଳସୀ ଜଳରେ ସ୍ନାନ କରାଯାଏ । ଏହା ପରେ ଦିଅଁମାନଙ୍କୁ ଗଜାନନ ବେଶରେ ସଜ୍ଜିତ କରାଯାଇଥାଏ । ସାଧାରଣତଃ ବର୍ଷରେ ଥରୁଟିଏ ଶ୍ରୀ ଜଗନ୍ନାଥ ଭାଇଭଉଣୀଙ୍କ ସହିତ ଜଳସ୍ନାନ କରନ୍ତି, ଅନ୍ୟ ସମୟରେ ତାଙ୍କୁ ମନ୍ତ୍ରସ୍ନାନ କରାଯାଏ । ଏହି ଦିନକୁ ଜଗନ୍ନାଥଙ୍କର ଜନ୍ମଦିନ ରୂପରେ ମଧ୍ୟ ପାଳନ କରାଯାଇଥାଏ । ଏହା ରଥଯାତ୍ରା ଆଗରୁ ପାଳିତ ହେଉଥିବା ଏକ ପୂଜା ବିଧି ।

11/06/2022

ଶୁଭ ବିବାହ ମହାପ୍ରଭୁ

08/06/2022

DOSTARLiMAB

08/06/2022

Barabati Is Waiting For You

10/05/2022

Chandana Charchita Neelakalebara Peetabasana Banamali