ഊര് തെണ്ടി

  • Home
  • ഊര് തെണ്ടി

ഊര് തെണ്ടി THE ULTIMATE TRAVELING PAGE
(6)

#ആമസോണ്‍ മഴക്കാടില്‍ നിന്നും അത്ഭുതകരമായി രക്ഷപ്പെട്ട മക്കള്‍.എഴുത്ത്: Aboo Bucker (Bucker Aboo)എട്ട് വര്‍ഷങ്ങള്‍ക്ക് ...
12/06/2023

#ആമസോണ്‍ മഴക്കാടില്‍ നിന്നും അത്ഭുതകരമായി രക്ഷപ്പെട്ട മക്കള്‍.

എഴുത്ത്: Aboo Bucker (Bucker Aboo)

എട്ട് വര്‍ഷങ്ങള്‍ക്ക് മുന്‍പാണ് “ചരിത്രാന്വേഷികള്‍” എന്ന ഗ്രൂപ്പില്‍ “ആമസോണ്‍ ഒരു കടല്‍ നദി” എന്നൊരു കുറിപ്പ് എഴുതിയത്. അറ്റ്ലാൻ്റിക് സമുദ്രത്തിൽ നിന്ന് ആമസോണിലേക്ക് കയറിയാൽ ഏകദേശം മുവ്വായിരത്തി അറനൂര്‍ കിലോമീറ്റര്‍ ദൂരം വലിയ കപ്പലുകള്‍ക്ക് സഞ്ചരിക്കുവാന്‍ കഴിയും. മഴക്കാടുകളിലൂടെയുള്ള ആമസോണിലെ ഇതര ജലനൌകകളുടെ സഞ്ചാരദൂരം ആറായിരം കിലോമീറ്ററാണ്. ആമസോണ്‍ നദിയിലൂടെ ബ്രസീലിലെ ട്രോമ്പറ്റാസിലേക്കുള്ള യാത്ര ജീവിതത്തില്‍ മറ്റൊന്നിനും പകരംവെക്കാന്‍ ആവാത്ത ഒരു യാത്രയായിരുന്നു. യാത്രക്കാരുടെ ശ്രദ്ധയ്ക്ക് ഗ്രൂപ്പിലും ചരിത്രാന്വേഷികളിലും വന്ന ആ കുറിപ്പുകള്‍ നേടിത്തന്ന സോഷ്യല്‍ മീഡിയയുടെ ശ്രദ്ധ കുറച്ചൊന്നുമല്ല പിന്നീടുള്ള എഴുത്തിനെ സ്വാധീനിച്ചത്. തുടര്‍ന്നുള്ള സൌത്ത് അമേരിക്കന്‍ യാത്രകളില്‍ ഏറെ ആകര്‍ഷിച്ച ഒരു രാജ്യമാണ് കൊളംബിയ. ബോനവെന്ടുരയില്‍ നിന്നും യൂറോപ്പിലേക്ക് വാഴപ്പഴം കയറ്റിക്കൊണ്ടുപോവുന്നതിന് പലതവണ കൊളംബിയയില്‍ പോയിട്ടുണ്ട്.

ആമസോണ്‍ മഴക്കാട് അതിരിടുന്ന രാജ്യങ്ങളില്‍ കൊളംബിയക്കും അതിന്‍റെതായ പങ്കുണ്ട്, രാജ്യത്തിന്‍റെ മുപ്പത്തഞ്ച് ശതമാനം ഏകദേശം 483000 km2 ആമസോനിയ മേഖല എന്നറിയപ്പെടുന്ന മഴക്കാടുകളാണ്. ആ മഴക്കാടിലാണ് ഒരു ചെറുവിമാനം തകര്‍ന്നുവീണു നാലു കുട്ടികളെ കാണാതായതും നാല്പത് ദിവസത്തിനുശേഷം അവരെ രക്ഷപ്പടുത്തി കൊണ്ടുവരാന്‍ സാധിച്ചതും. മരണക്കെണികളുടെ മഹാവിപത്തിനെ അതിജീവിച്ച പതിമൂന്ന് വയസ്സിന് താഴെയുള്ള നാല് കുഞ്ഞുങ്ങള്‍ ഇന്നൊരു മഹാത്ഭുതവാര്‍ത്തയായി മാറിയിരിക്കുന്നു.

മെയ് ആദ്യവാരത്തില്‍ സെസ്ന സിങ്കിള്‍ എഞ്ചിന്‍ വിമാനത്തില്‍ ആമസോനിയന്‍ വില്ലേജായ Araracuara യില്‍ നിന്ന് സെന്‍ട്രല്‍ കൊളംബിയയിലെ San Jose del Guaviare യിലേക്ക് യാത്രചെയ്തതായിരുന്നു നാലുകുട്ടികളും അവരുടെ അമ്മയും പൈലറ്റടക്കം മറ്റു മൂന്നുപേരും.

എഞ്ചിന്‍ തകരാറില്‍ വിമാനം വഴിമദ്ധ്യേ ആമസോണ്‍ മഴക്കാടില്‍ തകര്‍ന്നുവീണപ്പോള്‍ മുതിർന്ന മൂന്നുപേരും കുട്ടികളുടെ അമ്മയും കൊല്ലപ്പെട്ടു. ലെസ്ലി, സോലെനി, ടിയന്‍, ക്രിസ്റ്റീന്‍ എന്നീ കുട്ടികളെ കാണാതായി, അവരില്‍ ഒരു കുഞ്ഞിന് പതിനൊന്ന് മാസം മാത്രമേ പ്രായം ഉണ്ടായിരുന്നുള്ളൂ.

ഓരോ മൂന്നു ദിവസങ്ങളിലും ഏതെങ്കിലും തരത്തിലുള്ള പുതിയ സ്പീഷീസുകളെ കണ്ടെത്തുന്ന ആമസോണ്‍ മഴക്കാടില്‍ കുട്ടികളെ തെരഞ്ഞു കണ്ടുപിടിക്കുന്നത് കാലാവസ്ഥകൊണ്ടും കാടിന്‍റെ വന്യത കൊണ്ടും അസാധ്യമായിത്തീർന്നിരുന്നു.
സാധാരണയായി കാണപ്പെടുന്ന അക്രമികളായ വന്യജീവികൾക്ക് പുറമേ രണ്ട് മീറ്റർ നീളവും മുന്നൂർ കിലോ ഭാരവും വരുന്ന താപിർ എന്ന ഭീകരനെയും ഈ കുഞ്ഞുമക്കൾ എങ്ങിനെ അതിജീവിക്കുമെന്ന് രക്ഷാ സംഘം ശങ്കിച്ചിരുന്നു. അതിനേക്കാൾ ഭീകരമാണ് റാനായിസ് കോക്കോയിസ് എന്ന് വിളിക്കപ്പെടുന്ന നാൽപതോളം വിവിധ തരത്തിലുള്ള മരണവിഷം വമിപ്പിക്കുന്ന ആമസോൺ തവളകൾ.
ഓറഞ്ച് വർണ്ണത്തിൽ നിന്നും അതിവേഗം ചുവപ്പിലേക്ക് കളർമാറി കണ്ണിനെ കൺഫ്യൂഷനാക്കുന്ന ഒരു മാരകയിനം.

മുന്നൂറ്റി ഇരുപത് സ്ക്വയര്‍ കിലോമീറ്റര്‍ വനത്തില്‍ ക്ഷുദ്രജീവികളെയും വന വന്യതയും തരണം ചെയ്ത് ഇരുനൂര്‍ ഭടന്മാരും ആമസോണ്‍ ആദിവാസികളും രക്ഷാദൌത്യത്തിന് ഉപയോഗിക്കുന്ന ഡോഗുകളും തെരച്ചില്‍ തുടര്‍ന്നു കൊണ്ടേയിരുന്നു,. മറുഭാഗത്ത് ഹെലിക്കോപ്റ്ററുകളില്‍ നിന്ന് പതിനായിരത്തോളം ലീഫ് ലെറ്റുകള്‍ കാട്ടില്‍ വിതറിക്കൊണ്ടും അതിശക്തമായ സെര്‍ച് ലൈറ്റുകള്‍ ഉപയോഗിച്ചും കുട്ടികള്‍ക്കായുള്ള അന്വേഷണം തുടർന്നുപോന്നു. നാല്പത് മീറ്ററില്‍ കൂടുതലുള്ള മരങ്ങള്‍ ഉയര്‍ന്നുനില്‍ക്കുന്ന വെളിച്ചം കടക്കാത്ത ഇടങ്ങളില്‍ പകല്‍പോലും സെര്‍ച് ലൈറ്റുകള്‍ അവര്‍ക്ക് ഉപയോഗിക്കേണ്ടി വന്നു. അതേ സമയം കുട്ടികളുടെ ഗ്രാന്‍ഡ്‌ മദറിന്‍റെ ശബ്ദം റെക്കോര്‍ഡ് ചെയ്ത് ഹെലിക്കൊപ്ടറില്‍ നിന്നും കാടിന്‍റെ എത്താവുന്ന സ്ഥലങ്ങളില്‍ ഒക്കെയും കേള്‍പ്പിച്ചുകൊണ്ടുമിരുന്നു.

ലോകത്തിലെ ഏറ്റവും വലിയ മഴക്കാടിന്‍റെ അതിഭീകരതയെ അതിജീവിക്കാന്‍ മാത്രം ഈ കുഞ്ഞുങ്ങളില്‍ ഒരു രക്ഷാസംവിധാനവും ഇല്ലാ എന്നറിയുന്ന ദൌത്യസംഘം അവര്‍ക്ക് ജീവന്‍ നഷ്ടപ്പെട്ടതിന് ഒരു തെളിവും ലഭിച്ചിട്ടില്ല എന്ന പ്രതീക്ഷയിലായിരുന്നു രക്ഷാപ്രവാര്‍ത്തനം തുടര്‍ന്നിരുന്നത്.

കുടിക്കാന്‍ ശുദ്ധജലമോ, ശരീരം മറയ്ക്കാന്‍ കമ്പിളിയോ വിഷജീവികളുടെ ആക്രമത്തില്‍ നിന്ന് രക്ഷപ്പെടാന്‍ മരുന്നുകളോ, മലേറിയ പരത്തുന്ന കൊതുകളില്‍ നിന്ന് രക്ഷപ്പെടാനുള്ള വഴിയോ ഒന്നും ഇല്ലാതിരുന്ന ഒരു സംഘത്തിന്‍റെ അതിജീവനം അസാധ്യമായിരുന്നു.
തിരച്ചിലിനിടെ കാടില്‍ നിന്ന് അവര്‍ക്ക് കിട്ടിയ ഒരു ഫീഡിംഗ് ബോട്ടിലും, കുട്ടികള്‍ കഴിച്ചതിന്‍റെ ബാക്കിവന്ന ഒരു പഴവും, ഒരു ചെറിയ ചളിനിറഞ്ഞകുഴി കടന്നുപോയ കാലടിപ്പാടും, ഒരു ചെറു കത്രികയും ഹെയർബാൻഡും അവര്‍ എവിടെയോ ജീവിച്ചിരിപ്പുണ്ട് എന്നൊരു പ്രതീക്ഷയാൽ രക്ഷാസൈനികര്‍ക്ക് ആവേശം പകര്‍ന്നു.

നമ്മള്‍ കരുതുന്നത് പോലെ കാടിനെക്കുറിച്ച് ഒന്നുമറിയാത്ത കുട്ടികളായിരുന്നില്ല അവര്‍. ആമസോനിയന്‍ മേഖലയിലുള്ള വനനിവാസികളായ എണ്ണത്തില്‍ തീരെകുറവുള്ള ഹ്യുറ്റാറ്റോ ഗോത്രത്തിലെ കുട്ടികളാണിവര്‍. സ്ത്രീകൾ നഗ്‌നരായി ശരീരത്തിൽ ചിത്രങ്ങൾ വരച്ച് നാണം മറച്ചു ജീവിച്ചുവന്ന ഒരു വിഭാഗത്തിലെ പുതിയ തലമുറക്കാർ. അപകടസാഹചര്യങ്ങളിലും കാട്ടിലും അതിജീവനത്തിനു വളരെ ചെറുപ്പത്തിലെ പരിശീലനം ഇവര്‍ക്ക് കൊടുത്തിട്ടുണ്ട് എന്ന് ഇവരുടെ ഗ്രാൻ്റ് ഫാദർ ഫിഡെൻസിയോ രക്ഷാസേനയോട് പറഞ്ഞിരുന്നു.

കാടിന്‍റെ പലഭാഗങ്ങളിലും ഭക്ഷണപായ്ക്കറ്റുകള്‍ ദൌത്യസേന കുട്ടികൾക്കായി വെച്ചു കൊണ്ടും വിതറിയ ഓരോ ലീഫ് ലെറ്റിലും രക്ഷപ്പെടാനുള്ള മാര്‍ഗ്ഗങ്ങളും മാപ്പുകളും നൽകിയിട്ടുമായിരുന്നു സാഹസികമായ ആ രക്ഷാപ്രവർത്തനം തുടർന്നിരുന്നത്.
പതിനൊന്ന് മാസം പ്രായമായ ഒരു കുഞ്ഞ്, നാലും ഒമ്പതും പതിമൂന്നും വയസ്സുള്ള മറ്റുമൂന്നുപേരും നാല്പത് ദിവസം ഇത്രയും വലിയൊരു മഴക്കാടില്‍ അകപ്പെട്ട്, ഒടുവില്‍ ദൌത്യസേനയുടെ സ്നിഫ് ഡോഗ് അവരെ കണ്ടെത്തിയ നിമിഷം കൊളംബിയയെ മാത്രമല്ല ഈ മക്കളെ കാണാതായത് മുതല്‍ രക്ഷാപ്രവര്‍ത്തനത്തിനെ പിന്തുടര്‍ന്നിരുന്ന മുഴുവന്‍ മനുഷ്യരെയുമാണ് ആശ്വാസത്തിലെത്തിച്ചത്.

പ്രതീക്ഷ കൈവിടാതെയുള്ള ദൌത്യസേനയുടെ സേവനത്തെ എത്ര പ്രകീര്‍ത്തിച്ചാലും അവരുടെ സാഹസത്തിന്‍റെ അരികിലെത്തില്ല.

The organization of the indigenous people of the Columbian Amazon അവരുടെ പ്രസ്താവനയില്‍ നമ്മെ ഓര്‍മ്മിപ്പിക്കുന്നൊരു നല്ല സന്ദേശമുണ്ട്.

“കുട്ടികളുടെ അതിജീവനം ജീവിതത്തിന്‍റെ സ്വാഭാവിക
പരിസ്ഥിതിയുമായുള്ള അറിവിന്‍റെയും ബന്ധത്തിന്‍റെയും അടയാളമാണ്,
അതാവട്ടെ വളരെ ചെറുപ്രായത്തിലെ അവരിലേക്ക് നേര്‍ന്നതും പരിശീലനം നല്കപ്പെട്ടതുമാവുന്നു”.

മലയിടിഞ്ഞ്‌ മണ്ണ് വന്നുമൂടിപ്പോയ തകര്‍ന്ന വീടിന്‍റെ അവശിഷ്ടങ്ങളില്‍ നിന്ന് മക്കളെ കണ്ടെത്താനും, ഭൂകമ്പത്തില്‍ വിണ്ടുപിളര്‍ന്ന ഭൂപാളികളില്‍ കുടുങ്ങിപ്പോയ മനുഷ്യരെ കണ്ടെത്താനും ആമസോണ്‍ മഴക്കാടില്‍ അതിജീവിക്കുന്ന മക്കളെ കണ്ടെത്താനും മനുഷ്യരോടൊപ്പം ഒരു ജീവികൂടിയുണ്ട്. ഏകദേശം മുപ്പതിനായിരത്തോളം വര്‍ഷമായി മനുഷ്യരോടൊപ്പം കൂട്ടുകൂടി ജീവിക്കുന്ന മണം കൊണ്ട് രക്ഷകനാവുന്ന “നായ”. കടപ്പാട് പറഞ്ഞാലും ഇല്ലെങ്കിലും അത് നമ്മോടൊപ്പം ജീവൻ രക്ഷാപ്രവർത്തനത്തിൽ ആത്മസേവകനായി എന്നുമെന്നുമുണ്ടാവും. #ബക്കർ അബു #

26/01/2022

😳

ലോകത്തിന്റെ പ്ലാസ്റ്റിക് കുപ്പത്തൊട്ടിയായ ""ഹെൻഡേഴ്സൺ ദീപ് "" കരയിൽ നിന്ന് 5000 km ദൂരെ, തെക്കൻ പസഫിക് സമുദ്രത്തിലായി സ...
03/07/2021

ലോകത്തിന്റെ പ്ലാസ്റ്റിക് കുപ്പത്തൊട്ടിയായ ""ഹെൻഡേഴ്സൺ ദീപ് ""

കരയിൽ നിന്ന് 5000 km ദൂരെ, തെക്കൻ പസഫിക് സമുദ്രത്തിലായി സ്ഥിതി ചെയ്യുന്ന ഹെൻഡേഴ്സൺ എന്ന ദ്വീപിൽ 2015ൽ ഏഴ് ഗവേഷകരെത്തി. മനുഷ്യരാരും അധികമൊന്നും കടന്നു ചെല്ലാത്തയിടമായിരുന്നു അത്. അതിനാൽത്തന്നെയാണ് ‘മനുഷ്യന്റെ കരസ്പർശമേൽക്കാത്ത ഭൂപ്രദേശ’മെന്ന വിശേഷണത്തോടെ 1988ൽ യുനെസ്കോ ഈ ദ്വീപിനെ ഹെറിറ്റേജ് സൈറ്റായും പ്രഖ്യാപിച്ചത്. ഓസ്ട്രേലിയയിലെ ടാസ്മാനിയ സർവകലാശാലയിൽ നിന്നുള്ള ജെന്നിഫർ ലേവേഴ്സിന്റെ നേതൃത്വത്തിലുള്ള സംഘമാണ് മൂന്നുമാസം ഇവിടെ താമസിച്ചത്.

ദ്വീപിൽ അവരെ കാത്തിരുന്നതാകട്ടെ അത്യപൂർവമായൊരു കാഴ്ചയായിരുന്നു. അതിലെന്തായാലും മനുഷ്യനെന്ന നിലയിൽ നമുക്ക് അഭിമാനം കൊള്ളാനാകില്ല. പല തരത്തിലുള്ള പ്ലാസ്റ്റിക് മാലിന്യങ്ങളാൽ ഏകദേശം മൂടപ്പെട്ട നിലയിലായിരുന്നു ആ ദ്വീപ്. മനുഷ്യർ കൊണ്ടുവന്നു തള്ളുന്നതാണോ ഇതെന്നായിരുന്നു ആദ്യ അന്വേഷണം. പക്ഷേ ഒരു രാത്രി ഇരുട്ടി വെളുത്തപ്പോൾ മനസിലായി, എവിടെ നിന്നൊക്കെയോ മനുഷ്യൻ കടലിലേക്കു തള്ളുന്ന പ്ലാസ്റ്റിക് മാലിന്യം കറങ്ങിത്തിരിഞ്ഞ് ദ്വീപിലേക്ക് എത്തുന്നതാണെന്ന്.
ഹെൻഡേഴ്സണിൽ തന്നെ ഇത് അടിഞ്ഞു കൂടാനുമുണ്ട് കാരണം. ‘സൗത്ത് പസഫിക് ചുഴി’ എന്നറിയപ്പെടുന്ന അടിയൊഴുക്കുകളുടെ സംഗമസ്ഥാനത്തോടു ചേർന്നാണ് ഈ ദ്വീപ് നിലകൊള്ളുന്നത്. ഈ അടിയൊഴുക്കുകളാകട്ടെ ഒഴുകിയെത്തുന്ന മാലിന്യങ്ങളെയെല്ലാം പിടിച്ചെടുത്ത് ‘സൂക്ഷിക്കുന്ന’ സ്വഭാവമുള്ളവയും. അങ്ങനെ ഒഴുക്കിൽപ്പെട്ടെത്തുന്ന പ്ലാസ്റ്റിക് മാലിന്യങ്ങളെല്ലാം അടിയുന്നത് ഹെൻഡേഴ്സൺ ദ്വീപിലും. 3.8 കോടി എണ്ണം പ്ലാസ്റ്റിക് മാലിന്യക്കഷണങ്ങളാണ് ജെന്നിഫറിന്റെ നേതൃത്വത്തിൽ ഇവിടെ കണക്കുകൂട്ടിയെടുത്തത്. ഭാരമാകട്ടെ 17.6 ടൺ വരും. അക്കൂട്ടത്തിൽ ഭൂരിപക്ഷവും പ്ലാസ്റ്റിക് മാലിന്യവും. ശേഖരിക്കുന്ന മാലിന്യമെല്ലാം ബോട്ടിൽ കരയിലേക്ക് എത്തിച്ച് ദ്വീപ് വൃത്തിയാക്കുകയും ചെയ്തു ഇവർ.

1980കളിൽ തന്റെ സഹോദരൻ കളിച്ചിരുന്ന തരം പ്ലാസ്റ്റിക് പാവകളെ വരെ ദ്വീപിൽ കണ്ടെത്തിയെന്നു പറയുന്നു ജെന്നിഫർ. ഇവയിൽ മൂന്നിൽ രണ്ട് പ്ലാസ്റ്റിക് പദാർഥങ്ങളും മണ്ണുമൂടിയ നിലയിലായിരുന്നു. ഉപേക്ഷിക്കപ്പെട്ട സിഗററ്റ് ലൈറ്ററുകളും ടൂത്ത് ബ്രഷുകളുമായിരുന്നു മാലിന്യത്തിൽ ഏറെയും. നിശ്ചിത സ്ഥലത്ത് കുന്നുകൂടിയ മാലിന്യത്തിന്റെ അളവിന്റെ കണക്കെടുക്കുമ്പോൾ ലോകത്ത് ഇത്തരത്തിൽ ഏറ്റവുമധികം മലിനീകരിക്കപ്പെട്ട പ്രദേശമായും ഹെൻഡേഴ്സൺ മാറുന്നു.
പല വർണങ്ങളിലുള്ള മാലിന്യങ്ങൾ ചിതറി ‘ഒരേസമയം ഏറെ ഭംഗിയുള്ളതും ഭയാനകവുമായ കാഴ്ച’ എന്നാണ് ജെന്നിഫർ ദ്വീപിലെ മലിനീകരണത്തെ വിശേഷിപ്പിച്ചത്. ഉപേക്ഷിക്കപ്പെട്ട വലകളിൽപ്പെട്ട് കടലാമകൾ ചത്തുകിടക്കുന്നതിനും ദ്വീപിലെ പ്രത്യേകതരം ഞണ്ടുകൾ ചെറുപ്ലാസ്റ്റിക് പാത്രങ്ങളെ ‘കവചമാക്കി’ ജീവിക്കുന്നതിനും ജെന്നിഫർ സാക്ഷിയായി. എത്ര വൃത്തിയാക്കിയാലും ദ്വീപ് പ്ലാസ്റ്റിക് വിമുക്തമാകില്ലെന്നും അവർ പറയുന്നു. എല്ലാം വൃത്തിയാക്കിയാലും ദിവസവും ശരാശരി 13,000 കഷണമെങ്കിലും മാലിന്യം ഇവിടെ വന്നടിയുന്നുണ്ട്. അതാകട്ടെ ദ്വീപിൽ പരന്നാൽ‌ 10 കിലോമീറ്റർ നീളവും അഞ്ചു കിലോമീറ്റർ വരെ വീതിയിലുമായിരിക്കും ചിതറിക്കിടക്കുക.

ബ്രിട്ടിഷ് ഭരണത്തിൻ കീഴിലുള്ള പിറ്റ്കേൻ ദ്വീപസമൂഹത്തിന്റെ ഭാഗമാണ് ഹെൻഡേഴ്സൺ ഐലന്റ്. പ്ലാസ്റ്റിക് പാരാവാരമാണെങ്കിലും അതിനിടയിൽ ഉപകാരമുള്ള ഒട്ടേറെ സംഗതികളുണ്ടെന്നും റീസൈക്കിൾ ചെയ്തെടുക്കാവുന്നതേയുള്ളൂവെന്നും ജെന്നിഫർ പറയുന്നു. സമുദ്രത്തിലെ മലിനീകരണത്തെപ്പറ്റി ചിന്തിക്കുമ്പോൾ മനുഷ്യവാസമില്ലെങ്കിൽപ്പോലും ദ്വീപുകൾ ‘പ്ലാസ്റ്റിക്’ കൂനകളായി മാറുന്ന ഇത്തരം സ്ഥിതിവിശേഷങ്ങളെപ്പറ്റിയും ഇനി മനസിലുണ്ടാകണമെന്നും ഗവേഷണ റിപ്പോർട്ടിനോടുള്ള വിദഗ്ധരുടെ മറുപടി. നാഷണൽ അക്കാദമി ഓഫ് സയൻസസിന്റെ ഔദ്യോഗിക ജേണലിൽ റിപ്പോർട്ട് പ്രസിദ്ധീകരിച്ചിട്ടുണ്ട്.

കടപ്പാട് :

ലോകമെമ്പാടുമുള്ള സ്മാർട്ട്ഫോൺ ഉപഭോക്താക്കൾ ഉപയോഗിക്കുന്ന ഒന്നാണ് ഗൂഗിൾ മാപ്പ്. ഗൂഗിൾ മാപ്പ് (GPS ലൊക്കേഷൻ) ഇട്ട് വാഹനം ഓ...
04/06/2021

ലോകമെമ്പാടുമുള്ള സ്മാർട്ട്ഫോൺ ഉപഭോക്താക്കൾ ഉപയോഗിക്കുന്ന ഒന്നാണ് ഗൂഗിൾ മാപ്പ്. ഗൂഗിൾ മാപ്പ് (GPS ലൊക്കേഷൻ) ഇട്ട് വാഹനം ഓടിക്കുമ്പോൾ നമുക്ക് നിർദ്ദേശം തരുന്ന സ്ത്രീ ശബ്ദത്തിന്റെ ഉടമ ആരാണ് എന്ന് ആരെങ്കിലും ചിന്തിച്ചിട്ടുണ്ടോ?

രാത്രിയിൽ ഇരുണ്ട റോഡിൽ നമ്മൾ ഒറ്റയ്‌ക്ക് വാഹനങ്ങൾ ഓടിക്കുമ്പോൾ ഗൂഗിൾ മാപ്പിന്റെ ശാന്തസുന്ദര ശബ്ദം കേൾക്കുമ്പോൾ ഒരു പക്ഷേ അത് ആരുടെതാണെന്ന് പലരും ചിന്തിച്ചിട്ടുണ്ടാകാം. ലോകമെമ്പാടുമുള്ള 400 ദശലക്ഷം ജി‌പി‌എസ് യൂണിറ്റുകളിലും, സ്മാർട്ട്‌ഫോണുകളിലും ദിശകൾ നൽകുന്ന എല്ലാ ദിവസവും നമ്മൾ കേൾക്കുന്ന ആ മനോഹര ശബ്ദത്തിന്റെ ഉടമയാണ് ജി‌പി‌എസ് ഗേൾ എന്നറിയപ്പെടുന്ന, കാരെൻ ജേക്കബ്സൺന്റെ ശബ്ദം. മുഴുവൻ പേര് കാരെൻ എലിസബത്ത് ജേക്കബ്സൺ (Karen Elisabeth Jacobsen).

2002 ലാണ് GPS ലെ Text to Speak സിസ്റ്റത്തിൽ കാരെൻ ജേക്കബ്സൺന്റെ ശബ്ദം ഉപയോഗിച്ചു തുടങ്ങിയത്. തുടർന്നാണ് ‘ജിപിഎസ് ഗേൾ’ എന്ന വിളിപ്പേര് കരേനു ലഭിച്ചത്.

ഓസ്‌ട്രേലിയയിലെ ഒരു ചെറിയ പട്ടണത്തിൽ ജനിച്ച കാരെൻ ജേക്കബ്സൺ ഒരു പ്രൊഫഷണൽ ഗായികയും, പരസ്യ കാമ്പെയ്‌നുകളും മറ്റും റെക്കോർഡുചെയ്യുന്ന വോയ്‌സ് ഓവർ ആർട്ടിസ്റ്റും, ലോകമെമ്പാടുമുള്ള കോർപ്പറേറ്റ് ഇവന്റുകൾക്കുള്ള ഒരു എന്റർടെയ്‌നറും ആണ്. ഓസ്‌ട്രേലിയയിൽ ആണ് ജനനം എങ്കിലും ഇപ്പോൾ അമേരിക്കയിൽ സ്ഥിര താമസക്കാരിയാണ് കാരെൻ.

കടപ്പാട് :

06/01/2021

#ബൈക്കിൽ_ഒരു_ലോങ്ങ്_ട്രിപ്പ്_അറിയേണ്ടതെല്ലാം "
ബൈക്കിൽ കേരള ടു കാശ്മീർ അല്ലെങ്കിൽ നേപ്പാൾ, ഭൂട്ടാൻ , ലഡാക്ക് , നോർത്ത് ഈസ്റ്റ് ഒക്കെ പോവാൻ എന്ത് ചിലവ് വരും ? എന്തൊക്കെ കാര്യങ്ങൾ ശ്രദ്ധിക്കണം ? ഇതിനു വിശദമായി തന്നെ മറുപടി തരാനുള്ളൊരു ശ്രമം ആണ് 🙏🏻

ചിലവ് -റൂട്ട് -താമസം- ആവശ്യമായ കാര്യങ്ങൾ -ടിപ്സ്

Nb: കേരളത്തിൽ നിന്നും ബൈക്കിൽ ഹിമാചൽ പ്രദേശിലേക്കും തിരിച്ച്‌ കേരളത്തിലേക്കും യാത്ര ചെയ്തതിന്റെ അനുഭവത്തിൽ പറയുന്നതാണ് .. തെറ്റ് ഉണ്ടെങ്കിൽ പറഞ്ഞാൽ തിരുത്തുന്നതാണ് .

എന്ത് ചിലവ് വരും ??

എന്റെ യാത്രക്ക് ചെലവായത് 35000 രൂപയാണ് ( ഞാൻ ഒറ്റക്കായിരുന്നു-അപ്പോ ചിലവ് കൂടി , ഇതിൽ 5000 ബൈക്ക് സർവീസ് ചെയ്യാൻ ആയതാണ് -പുതിയ ബൈക്ക് ആയത് കൊണ്ട് 3 showroom service ചെയ്തു )

യാത്രയുടെ ചിലവ് പ്രധാനമായും
2 കാര്യങ്ങളെ ആശ്രയിച്ചാണ് .1- മൊത്തം കവർ ചെയ്യുന്ന ദൂരം (km ), മൊത്തം യാത്ര ചെയ്യാനെടുക്കുന്ന ദിവസങ്ങൾ .

Eg: നിങ്ങൾ 10000km കവർ ചെയ്യുന്നുവെങ്കിൽ 20000രൂപ എങ്കിലും പെട്രോളിന് ആവും ( ബൈക്കിന്റെ മൈലേജ്, ഇപ്പഴത്തെ പെട്രോൾ പ്രൈസ് വെച്ച് calculate ചെയ്താൽ കറക്റ്റ് ചിലവ് കിട്ടും )

ഒരു ദിവസത്തെ ചിലവ് :
താമസം +പെട്രോൾ +ഭക്ഷണം + എൻട്രി ഫീ (if any)

Eg 1: Nagpur to Hyderabad
പോവുകയാണെന്ന് കരുതുക ,

പെട്രോളിന് 1000 എങ്കിലും ആവും (500 km ) , ഫുഡിന് 100-300 വരെ
ആവാം , ഹോട്ടൽ 300മുതൽ ഒക്കെ
(ചിലപ്പോ അതിൽ കുറവിലും കിട്ടാം )

മൊത്തം ഒരു ദിവസത്തെ ചിലവ് : 1400 ഒക്കെ ആവാം

Eg 2: ഹൈദരാബാദ് എത്തി പിറ്റേന്ന് അവിടത്തെ കാഴ്ചകൾ കാണൽ ആണെങ്കിൽ

ഫുഡ് 100-300, ഹോട്ടൽ 300- ,
പെട്രോൾ : അധികം ആവില്ല , 100-200

മൊത്തം ചിലവ് : 500 ഒക്കെ

എങ്ങനെ ചിലവ് കുറക്കാം ??

രണ്ടാൾ ഒരു ബൈക്കിൽ
പോവുകയാണെങ്കിൽ പെട്രോൾ , ഹോട്ടൽ ഇത് രണ്ടിലും ചിലവ് കുറയും .

ഏറ്റവും ഫലപ്രദമായി ചിലവ് കുറക്കാൻ പറ്റുക താമസത്തിന്റെ (hotel ) കാര്യത്തിൽ ആണ് , ഇതിനു കുറച്ചു വഴികളുണ്ട്

1- couchsurfing ( ഇത് ഒരു travelers community ആണ് - ഒരു സ്ഥലത്തെ ആൾ സ്വന്തം താമസ സ്ഥലത്ത് യാത്രക്കാരെ
ഹോസ്റ്റ്
ചെയ്യുന്ന രീതി , free stay എന്നത് മാത്രമല്ല ഉദ്ദേശം , cultures, travel experience തുടങ്ങിയവ ഷെയർ ചെയ്യലാണ് ,

Couchsurfing mobile application download ചെയ്ത്
പോകാനുദ്ദേശിക്കുന്ന സ്ഥലത്തെ
ഹോസ്റ്റുകൾക്ക് request
കൊടുക്കാം , അവർ accept ചെയ്താൽ അവിടെ താമസിക്കാം )

2- bikers club
ഇന്ത്യയിൽ ഒരുപാട് സ്ഥലങ്ങളിൽ
bikers club/riding group കൾ
ഉണ്ട് , ഫേസ്ബുക്
വഴിയോ
മറ്റോ
അവരെ contact ചെയ്താൽ താമസ സൗകര്യം ലഭിച്ചേക്കാം
3- online traveling groups

Sanchari, Backpackers &travelers India തുടങ്ങിയ ഗ്രൂപ്പുകളിൽ
പോവാനുദ്ദേശിക്കുന്ന യാത്രയെ പറ്റി പോസ്റ്റ്
ഇട്ട് അത് വഴി സ്റ്റേ കിട്ടുമോന്ന്
നോക്കാം
4- ടെന്റ് സ്റ്റേ
Tent &sleeping bag വാങ്ങുക,
കഴിയുന്നിടത്തൊക്കെ ക്യാമ്പ് ചെയുക
------
റൂട്ട് : ഞാൻ പോയ റൂട്ട് ഇതാണ് > kerala (malappuram)-Bangalore-hyderabad-Nagpur-Jhansi-Agra-Delhi-Chandigarh-Narkanda-Manali-Chandigarh-Delhi-Jaipur-Ajmer-Pushkar-Udaipur- Surat-Mumbai-Goa-Mangalore-Kerala

കാണാൻ ഉദ്ദേശിക്കുന്ന സ്ഥലങ്ങൾക്കനുസരിച്ച് റൂട്ട് തയാറാക്കുക
---------

ആവശ്യമായ കാര്യങ്ങൾ :
1- Riding Gears:
*Full face helmet( എന്തായാലും വേണം , half face helmet പോര , ഞാൻ ഉപയോഗിച്ചത് SMK ആണ് , price:4300)
* Riding jacket( leather jacket അല്ല , വില 5000 മുതൽ ഒക്കെ , Rynox പോലുള്ള ബ്രാൻഡ് ടൈപ്പ് വാങ്ങുന്നത് നല്ലതാ , എന്റേത് XDI, price:5700)
* Knee Pad/ Riding Pant,
Knee Pad ഞാൻ ഉപയോഗിച്ചത് Pro Biker, Price:1000
* Riding Glove: എന്റേത് Pro biker( low quality, price: 300)
തണുപ്പത്തും ഇടാൻ പറ്റുന്ന ടൈപ്പ് glove വാങ്ങിയാൽ നല്ലത് )

* cash ഉണ്ടേൽ riding shoe

2-ഡ്രസ്സ് : 2 പാന്റ് , 3 ടീഷർട്ട് (ധാരാളം ആണ് ), underwear കുറച്ചധികം വെച്ചോ , അതാവുമ്പോ കുറെ ദിവസം കൂടിയിട്ട് അലക്കിയാൽ മതി , 2 pair socks, ഒരു തൊപ്പി , winter glove and socks( ഡെക്കത്താലോണിൽ കിട്ടും ) ,

3- ബൈക്കിന്റെ ഡോക്യൂമെൻറ്സ് :
ഒറിജിനൽ ഡോക്യൂമെൻറ്സ് : RC, insurance, tax , pollution certificate, എല്ലാത്തിന്റേം കോപ്പിയും

4- Medicines: പനി , തലവേദന , ഛർദി , തുടങ്ങിയവയ്ക്കുള്ള tablets , volini spray( for pain relief) , lip balm,

5- first aid kit

6- spare keys of bike ( എന്റേൽ എക്സ്ട്രാ 2 key ഉണ്ടായിരുന്നു )

7-Bungee cords: ബാഗ് ബൈക്കിൽ വെച്ച് കെട്ടാൻ

8- Rain cover for bag( even plastic sheet is ok), Rain coat, few plastic covers

9- Mobile applications: Go ibibo, make my trip, bookings.com ( for hotel booking) , google map, maps.me (offline map) etc

10-mobile mount (ഫോൺ ചാർജ് ചെയ്യാൻ പറ്റുന്നത് )

11-ബൈക്കിന്റെ spare parts: clutch cable, accelerator cable, fuse, chain lock etc

12- puncture kit: Tubeless tire അല്ലെങ്കിൽ ടയർ അഴിച്ച് puncture അടക്കാൻ പഠിക്കണം
———————-

ശ്രദ്ധിക്കേണ്ട കാര്യങ്ങൾ/ tips :

1) നൈറ്റ് റൈഡ് ഒഴിവാക്കുന്നതാണ് ഏറ്റവും നല്ലത്

2) പോവുന്ന റൂട്ട്, കാണേണ്ട സ്ഥലങ്ങൾ എന്നിവയെ പറ്റി ഏകദേശ ധാരണ ഉണ്ടാക്കുക

3) യാത്ര പ്ലാനുകൾ , യാത്ര ചെയ്യുന്ന റൂട്ട് , താമസിക്കുന്ന സ്ഥലം എന്നിവ ഒന്നിലധികം
സുഹൃത്തുക്കളോട് പറയുക , വാട്സാപ്പിൽ live location share ചെയുക

4) ലഡാക്ക് പോലുള്ള High altitude സ്ഥലങ്ങളിലേക്ക് പോകുമ്പോ AMS-(ഉയരം കൂടിയ സ്ഥലങ്ങളിലേക്ക് പോകുമ്പോൾ ഓക്സിജന്റെ കുറവ് മൂലം വരാവുന്ന അസുഖം/പ്രശ്നം ) വരാതിരിക്കാൻ ഉള്ള മുൻകരുതലുകൾ എടുക്കുക

ലഡാക്ക് പോകാൻ പ്രദാനമായും 2 റൂട്ട് ആണ് , മണാലി -റോഹ്‌തങ് പാസ് വഴി , കാശ്മീർ - കാർഗിൽ വഴി . ഇതിൽ രണ്ടാമത്തെ വഴി പോകുന്നത് AMS വരാനുള്ള സാധ്യത കുറക്കും . മണാലി വഴി പോകുമ്പോൾ permission മണാലിയിൽ നിന്ന് എടുക്കാവുന്നതാണ് . വർഷത്തിൽ എല്ലാ സമയവും ലഡാക്ക് റൂട്ട് ഓപ്പൺ അല്ല .. മെയ് മുതൽ ആഗസ്റ്റ് / സെപ്റ്റംബർ ( ഇതിൽ ചെറിയ മാറ്റം വരാം ) വരെ ആണ് സീസൺ .
5)ഒരു സ്ഥലത്തെ ആളുകളുമായും
പ്രശ്നങ്ങൾ ഉണ്ടാക്കാതിരിക്കുക

6) google map നെ കണ്ണടച്ചു വിശ്വസിക്കരുത് , ചിലപ്പോ
ചെറിയ പണികൾ കിട്ടിയേക്കാം

7) അത്യാവശ്യം കഴിക്കാൻ വേണ്ട ഭക്ഷണം, വെള്ളം എപ്പോഴും കയ്യിൽ വെക്കുക ( ബിസ്കറ്റും ഈത്ത പഴവുമാണ് ഞാൻ കയ്യിൽ വെച്ചത് )

8-ബാഗിൽ ഏറ്റവും അത്യാവശ്യ സമയത്ത് എടുക്കാൻ വേണ്ടി 1000 രൂപയോ മറ്റോ വെക്കുക (ATM CARD വഴി പൈസ എടുക്കാൻ പറ്റാതിരിക്കുകയോ മറ്റോ വരുന്ന സഹചര്യങ്ങളിൽ ഉപകരിക്കും )

9)ബാംഗ്ലൂർ - ഹൈദരാബാദ് -ഡൽഹി വരെ ഏകദേശം നല്ല റോഡ് ആണ് , പക്ഷെ നായ്ക്കൾ/ പശു / വണ്ടി വരുന്നുണ്ടോന്ന് ശരിക്ക് നോക്കാതെ റോഡ് ക്രോസ് ചെയുന്ന മനുഷ്യർ ഇവരെ ശ്രദിച്ചു വണ്ടി ഓടിക്കുക

10)Mumbai- Goa expressway യിൽ ബൈക്ക് ഓടിക്കാൻ പറ്റില്ല , police കണ്ടാൽ ഫൈൻ കിട്ടും

11) ഒറ്റക്കാണ് യാത്രയെങ്കിൽ അത്ര സുരക്ഷിതമല്ലെന്ന് തോന്നുന്ന സ്ഥലങ്ങളിൽ eg : petrol pumps, Dhaba etc. കൂട്ടുകാർ പിറകെ വരുന്നുണ്ട് , ഇത്തിരി മുന്നിലായി എന്നോ മറ്റോ പറയുക , ഒറ്റക്കാണെന്ന് പറയാതിരിക്കുക
--------
Tips:
1- സ്വന്തം wats ap നമ്പർ
ഫോണിൽ സേവ് ചെയുക , ബൈക്ക് എവിടെയെങ്കിലും പാർക്ക് ചെയ്യുന്ന സമയത്ത് ലൊക്കേഷൻ ആ നമ്പറിലേക്ക് അയക്കുക , അപ്പോ തിരിച്ചു വരുന്ന സമയത്ത് എളുപ്പത്തിൽ ബൈക്കിന്റെ അടുത്തെത്താം
2) student ആണെങ്കിൽ Student Id card കയ്യിൽ വെക്കുക ,
കൊട്ടാരങ്ങൾ , കോട്ടകൾ തുടങ്ങിയവക്കുള്ള എൻട്രി ഫീയിൽ ഇളവ് കിട്ടും

3) ഒരു സ്ഥലത്ത് എത്തിയാൽ ക്ലോസിങ് ടൈം ഉള്ള സ്ഥലങ്ങൾ ആദ്യം പോയി കാണുക

4) നല്ലൊരു വാട്ടർ ബോട്ടിൽ വാങ്ങുക , ഹോട്ടലുകളിൽ നിന്നും മറ്റും റീഫിൽ ചെയ്ത് ഉപയോഗിക്കുക , ചിലവും പ്ലാസ്റ്റിക്കിന്റെ ഉപയോഗവും കുറക്കാം

5) ബിസ്കറ്റ് , ചോക്ലേറ്റ്സ് പോലുള്ളവ കഴിച്ചിട്ട് കവർ കളയാതിരിക്കുക , കയ്യിൽ വെച്ചിട്ട് വേസ്റ്റ് ബിന്നിൽ ഇടുക

ഒറ്റക്ക് ആണ് എന്ന കാരണം കൊണ്ട് യാത്ര ചെയാതിരിക്കരുത് , എന്റെ അഭിപ്രായത്തിൽ ഒറ്റക്ക് പോവുന്നതാണ് ഏറ്റവും നല്ലത്

യാത്രയിൽ എവിടെയും എനിക്ക് മോശം അനുഭവങ്ങളോ പ്രശ്നങ്ങളോ ഉണ്ടായിട്ടില്ല .

Sky diving അനുഭവത്തെ കുറിച്ച്
പറയുന്നതിനിടയി ഹോളിവുഡ്
നടൻ വിൽ സ്മിത്ത് പറഞ്ഞൊരു കാര്യമുണ്ട് “ The best things in our life are on the other side of fear”

നമ്മുടെ ജീവിതത്തിലെ ഏറ്റവും നല്ല കാര്യങ്ങൾ ഭയത്തിന്റെ മറുവശത്താണുള്ളത് .

ഇത്പോലെ ദൂര യാത്രകളൊക്കെ ചെയ്ത് , കുറെ വർഷങ്ങൾ കഴിയുമ്പോൾ ഒരു പക്ഷെ നമ്മുടെ ജീവിത സാഹചര്യങ്ങൾ നമ്മൾ പോലും
വിചാരിക്കാത്ത രീതിയിൽ മാറിയേക്കാം .. പക്ഷെ അന്നും പണ്ട് നമ്മളനുഭവിച്ച മലമുകളിലെ തണുപ്പും , കണ്ട കാഴ്ചകളും വഴിയരികിലെ കർഷകരും , അപരിചതരും നിങ്ങളെ സഹായിച്ചവരും ..കാടും ..മലയും ..തിരക്ക് പിടിച്ച നഗരങ്ങളും ..പച്ചപ്പ് നിറഞ്ഞ ഗ്രാമങ്ങളും ..എല്ലാം നിങ്ങളുടെ മനസ്സിലുണ്ടാവും ..

#ഉവൈസ്

05/01/2021

#പെട്രോൾ_പമ്പുകളിൽ #നിങ്ങൾക്ക്_ലഭിക്കുന്ന_ഈ #സൗജന്യ_സേവനങ്ങൾ…

സ്വന്തമായി വാഹനങ്ങളുള്ളവർ പെട്രോൾ പമ്പുകളിൽ പോകാത്തവർ ആരുംതന്നെ ഉണ്ടായിരിക്കില്ല. പെട്രോളും ഡീസലും നിറയ്ക്കുവാൻ മാത്രമുള്ള സ്ഥലമാണ് ഈ പമ്പുകൾ എന്നു വിചാരിച്ചെങ്കിൽ നിങ്ങൾക്ക് തെറ്റി. ഇതിനു പുറമെ യാത്രികർക്ക് മറ്റു സേവനങ്ങൾ കൂടി സൗജന്യമായി പെട്രോൾ പമ്പുകളിൽ ലഭ്യമാക്കിയിരിക്കണം. അതാണ് നിയമം. ആ സേവനങ്ങളെക്കുറിച്ച് അധികമാർക്കും അറിവില്ല എന്നതു കൊണ്ടാണ് ഇത്തരത്തിലൊരു ലേഖനം ഞങ്ങൾ പ്രസിദ്ധീകരിക്കുന്നത്. ഇനി എന്തൊക്കെയാണ് പെട്രോൾ പമ്പുകളിൽ നിന്നും നിങ്ങൾക്ക് നിർബന്ധമായും ലഭിച്ചിരിക്കേണ്ട സൗജന്യ സർവ്വീസുകൾ?

1 ക്വളിറ്റി, അളവ് പരിശോധന : ഒരു പമ്പിൽ നിന്നും ലഭിക്കുന്ന ഇന്ധനങ്ങളുടെ ഗുണമേന്മയിൽ നിങ്ങൾക്ക് സംശയമുണ്ടെങ്കിൽ ആ പമ്പിൽ നിന്നും തന്നെ ക്വാളിറ്റി ചെക്ക് ചെയ്യുവാനായി ഒരു ഫിൽറ്റർ പേപ്പർ ടെസ്റ്റ് ആവശ്യപ്പെടാവുന്നതാണ്. ഉപഭോക്താക്കൾ ആവശ്യപ്പെടുന്നതു പ്രകാരം പമ്പുകാർ ഇത് ചെയ്തുകൊടുക്കുവാൻ ബാധ്യസ്ഥരാണ്. ഇതുപോലെ തന്നെ പമ്പുകളിൽ നിന്നും ലഭിക്കുന്ന ഇന്ധനങ്ങളുടെ അളവ് സംബന്ധിച്ച് എന്തെങ്കിലും സംശയങ്ങൾ ഉണ്ടെങ്കിൽ അതും ചെക്ക് ചെയ്യാവുന്നതാണ്. ഈ സേവനങ്ങൾക്ക് പമ്പുകാർ യാതൊരുവിധ സർവ്വീസ് ചാർജ്ജുകളും ഈടാക്കുവാൻ പാടുള്ളതല്ല.

2. ഫസ്റ്റ് എയ്‌ഡ്‌ കിറ്റ് : എല്ലാ വാഹനങ്ങളിലും ഫസ്റ്റ് എയ്‌ഡ്‌ കിറ്റുകൾ വേണമെന്നതു പോലെത്തന്നെ എല്ലാ പെട്രോൾ പമ്പുകളിലും ഇത് നിർബന്ധമായും ഉണ്ടായിരിക്കണം. ഹൈവേകളിലും മറ്റും അപകടങ്ങൾ ഉണ്ടാകുന്ന സമയത്ത് ഫസ്റ്റ് എയ്‌ഡ്‌ കിറ്റിനായി അലയേണ്ട കാര്യമില്ല. തൊട്ടടുത്ത് പെട്രോൾ പമ്പുണ്ടെങ്കിൽ അവിടെ നിന്നും അത് ലഭിക്കും. ഇനി അഥവാ നിങ്ങൾക്ക് അവിടെ നിന്നും അത് ലഭ്യമായില്ലെങ്കിൽ പമ്പുകാർക്കെതിരെ നിയമനടപടി സ്വീകരിക്കാവുന്നതാണ്.

3. എമർജൻസി കോൾ : എന്തെങ്കിലും അടിയന്തിര ഘട്ടങ്ങളിൽ നിങ്ങൾക്ക് ആരെയെങ്കിലും എമർജൻസി കോൾ ചെയ്യേണ്ട അവസ്ഥ വന്നാൽ (നിങ്ങളുടെ ഫോൺ സ്വിച്ച് ഓഫ് ആയാൽ) ഉടനെ അടുത്തുള്ള പെട്രോൾ പമ്പിൽ ചെന്നാൽ നിങ്ങൾക്ക് സൗജന്യമായി ആ എമർജൻസി കോൾ ചെയ്യുവാനുള്ള സൗകര്യം അവിടെ ലഭിക്കും. എന്നു കരുതി ചുമ്മാ ഏതു കാര്യങ്ങൾക്കും ഓടിച്ചെന്നു പമ്പിൽപ്പോയി ഫോൺ വിളിക്കാമെന്നു കരുതേണ്ട. ആദ്യമേ തന്നെ പറഞ്ഞല്ലോ മറ്റുള്ളവർക്ക് കേട്ടാൽ എമർജൻസി ആണെന്ന് ബോധ്യപ്പെടുന്ന അവസരങ്ങളിൽ മാത്രം ഈ സൗകര്യം വിനിയോഗിക്കുക.

4. വാഷ് റൂമുകൾ : യാത്രകൾക്കിടയിൽ എല്ലാവരും, പ്രത്യേകിച്ച് സ്ത്രീകൾ ഒരേപോലെ അനുഭവിക്കുന്ന ഒരു ബുദ്ധിമുട്ടാണ് വാഷ് റൂം, ടോയ്‌ലറ്റ് സൗകര്യങ്ങൾ. ഇവ എല്ലാ പെട്രോൾ പമ്പുകളിലും ലഭ്യമാണ്. ഈ കാര്യം യാത്രകൾ ചെയ്യുന്ന മിക്കയാളുകൾക്കും അറിവുള്ള കാര്യമാണ്. പമ്പുകളിൽ നിന്നും നിങ്ങൾ പെട്രോൾ അടിച്ചില്ലെങ്കിലും ഈ സൗകര്യം സൗജന്യമായി ഉപയോഗിക്കുവാൻ നിങ്ങൾക്ക് അവകാശമുണ്ട്.

5. ശുദ്ധമായ കുടിവെള്ളം : യാത്രയ്ക്കിടയിൽ നിങ്ങൾക്ക് വെള്ളം കുടിക്കണമെന്ന് തോന്നുകയാണെങ്കിൽ ശുദ്ധമായ കുടിവെള്ളം പെട്രോൾ പമ്പിൽ ലഭ്യമായിരിക്കും (അങ്ങനെ അവർ ചെയ്യേണ്ടതാണ്). നിങ്ങൾക്ക് പമ്പുകളിൽ നിന്നും വെള്ളം കുടിക്കുവാനും വേണമെങ്കിൽ കൈവശമുള്ള കുപ്പികളിൽ നിറയ്ക്കുവാനും സാധിക്കും. ഇതിനു യാതൊരുവിധ ചാർജ്ജും കൊടുക്കേണ്ടതില്ല.

6. ഫ്രീ എയർ ഫില്ലിംഗ് : പെട്രോൾ പമ്പുകളിൽ ഇന്ധനങ്ങൾക്ക് പുറമെ വാഹനങ്ങളിൽ സൗജന്യമായി എയർ നിറയ്ക്കുന്നതിനുള്ള സൗകര്യങ്ങളും ലഭ്യമാണ്. നിങ്ങൾ പമ്പിൽ നിന്നും ഇന്ധനം അടിച്ചില്ലെങ്കിലും ഈ സൗകര്യം ഉപയോഗിക്കാം. ചിലയിടങ്ങളിൽ എയർ നിറച്ചു തരുന്നതിനായി പമ്പിലെ ജീവനക്കാർ ഉണ്ടായിരിക്കും. ഈ സേവനം സൗജന്യമാണെങ്കിലും അവർക്ക് ഒരു പത്തോ ഇരുപതോ രൂപ കൊടുക്കുന്നതിൽ തെറ്റില്ല, ഒരു ടിപ്പ് എന്നതു പോലെ. എന്നാൽ ഇത്തരത്തിൽ വാഹനങ്ങളിൽ എയർ നിറയ്ക്കുന്നതിനു അവർ നിർബന്ധമായി ചാർജ്ജ് ചോദിച്ചു വാങ്ങുകയാണെങ്കിൽ നിങ്ങൾക്ക് പമ്പിനെതിരെ പരാതി നൽകാവുന്നതാണ്

21/12/2020

ഈ എഴുത്തുകൾ കൊണ്ടു അവരുടെ നാമം ലോകം ഓർത്തിരിക്കുമെന്നു കരുതുന്ന വിണ്ഡികളാണവർ.

ഉത്തരവാദിത്തമുള്ള യാത്രികരാവുക

Location: Abdul Kalam Marg Kochi

13/12/2020

*80 വയസില്‍ പോലും സ്ത്രീകള്‍ ചെറുപ്പമായിരിക്കുന്ന ഒരു സ്ഥലത്തെ കുറിച്ച്‌ കേട്ടിട്ടുണ്ടോ? കാരണം ഇതാണ്,*
ഇവിടുത്തെ സ്ത്രീകള്‍ക്ക് 65 മുതല്‍ 80 വയസ്സ് വരെ കുട്ടികള്‍ക്ക് ജന്മം നല്‍കാന്‍ കഴിയുമെന്നതാണ് മറ്റൊരു പ്രത്യേകത.

ന്യൂഡല്‍ഹി: എപ്പോഴും സുന്ദരന്‍മാരും സുന്ദരികളുമായി ഇരിക്കാന്‍ ആരാണ് ആഗ്രഹിക്കാത്തത്. ഇക്കാര്യത്തില്‍ പുരുഷന്‍മാരെക്കാള്‍ ആഗ്രഹമുള്ളവരാണ് സ്ത്രീകള്‍. അതുകൊണ്ടു ഇക്കാലത്ത് മേക്കപ്പ് ചെയ്ത് യഥാര്‍ഥ പ്രായം മറയ്ക്കാന്‍ പലരും ശ്രമിക്കാറുമുണ്ട്. എന്നാല്‍ പ്രായമായ സ്ത്രീകള്‍ അവരുടെ യഥാര്‍ത്ഥ പ്രായത്തേക്കാള്‍ വളരെ ചെറുപ്പമായി കാണപ്പെടുന്ന ഒരു സ്ഥലമുണ്ടെന്ന് നിങ്ങള്‍ കേട്ടുട്ടുണ്ടോ? ഇല്ലെങ്കില്‍ അത്തരമൊരു സ്ഥലത്തെ കുറിച്ചാണ് പറയുന്നത്.
ഇന്ത്യയില്‍ പലതരം പല ജാതികളിലുള്ള മനുഷ്യരുണ്ട്. അക്കൂട്ടത്തിലൊന്നാണ് ഹന്‍സ ഗോത്രം. ഈ ഗോത്രത്തിലെ സ്ത്രീകളാണ് പ്രായം കൂടിയാലും വളരെ സുന്ദരികളും ചെറുപ്പക്കാരികളുമായി കാണപ്പെടുന്നതെന്നാണ് പറയപ്പെടുന്നത്. പാക് അധിനിവേശ പ്രദേശമായ ഗില്‍‌ജിറ്റിലാണ് ഈ ഗോത്രത്തില്‍പ്പെട്ടവര്‍ താമസിക്കുന്നത്.
ഹന്‍സ വിഭാഗക്കാര്‍ താമസിക്കുന്നതിനാല്‍ ഈ പ്രദേശം ഹന്‍സ വാലി എന്നാണ് അറിയപ്പെടുന്നത്. ഇവിടുത്തെ സ്ത്രീകള്‍ക്ക് 65 മുതല്‍ 80 വയസ്സ് വരെ കുട്ടികള്‍ക്ക് ജന്മം നല്‍കാന്‍ കഴിയുമെന്നതാണ് മറ്റൊരു പ്രത്യേകത.
ഈ പ്രദേശത്തിന്റെ ഭൂമിശാസ്ത്രപരമായ സ്ഥാനം കൊണ്ടു തന്നെ ഇവിടെയുള്ളവര്‍ക്ക് അസുഖങ്ങളും കുറവാണെന്ന് ഓര്‍ക്കണം. ഇപ്പോള്‍ പുറത്തുവന്നിരിക്കുന്ന വാര്‍ത്ത അനുസരിച്ച്‌ ഹന്‍സ ഗോത്രത്തിലെ ഭൂരിഭാഗം പേരും നൂറ് വര്‍ഷത്തിലധികം ജീവിച്ചിരിക്കുമെന്നാണ് പറയപ്പെടുന്നത്.

ജോവര്‍ മില്ലറ്റ്, ഖുമനി, ഉണങ്ങിയ പഴങ്ങള്‍ എന്നിവയാണെന്ന് ഇവരുടെ ആഹാരം. ഇവരുടെ ആരോഗ്യത്തിനു കാരണവും ഇതാണെന്നാണ് പറയപ്പെടുന്നത്. ഇവര്‍ പൂജ്യ ഡിഗ്രിയില്‍ താഴെ താപനിലയുള്ള വെള്ളത്തില്‍ കുളിക്കുകയും സ്വന്തമായി കൃഷി ചെയ്തുണ്ടാക്കുന്ന ഭക്ഷണം കഴിക്കുകയും ചെയ്യും.
ഹന്‍സ ഗോത്രത്തിലെ ആളുകള്‍ തങ്ങളെ അലക്സാണ്ടറിന്റെ പിന്‍ഗാമികളാണെന്നാണ് വിശ്വാസം.

19/11/2020

പാത മനോഹരമാണെങ്കിൽ എങ്ങോട്ടാണെന്നു അന്വേഷിക്കണം.
എന്നാൽ, ലക്ഷ്യസ്ഥാനം മനോഹരമാണെങ്കിൽ പാതയെക്കുറിച്ച് ആലോചിക്കേണ്ടതില്ല മുന്നോട്ട് സഞ്ചരിച്ചു കൊണ്ടിരിക്കുക.....

11/11/2020

#സ്വന്തമായി_ഒരു_ആൻഡമാൻ_യാത്ര_പ്ലാൻ_ചെയ്യാം.

✍️ അബു വി കെ
ഞാൻ നടത്തിയ യാത്രയും എനിക്കറിയാവുന്ന യാത്രാ ടിപ്സും ഉൾപ്പെടുത്തിയിട്ടുള്ള പോസ്റ്റാണിത്.
കൂടുതൽ വിവരങ്ങൾ അറിയുന്നവർ കമന്റ്‌ ബോക്സിൽ രേഖപ്പെടുത്താവുന്നതാണ്.

🔻ഇന്ത്യയുടെ ഭാഗമായ ആൻഡമാനിലേക്ക് യാത്ര ചെയ്യാൻ ഇന്ത്യക്കാരൻ പ്രത്യേക പെർമിഷനോ പാസ്പോർട്ടോ ആവിശ്യമില്ല.

🔻വാലിഡ്‌ ആയിട്ടുള്ള രേഖ കൈവശം ഉണ്ടായാൽ മതി. ആധാർ കാർഡ് / ഐഡന്റിറ്റി കാർഡ് / ലൈസെൻസ് / പാൻ കാർഡ് / പാസ്സ് പോർട്ട്‌ . ആധാർ ഉണ്ടെകിൽ അതു കരുതുന്നതായിരിക്കും ഒന്നൂടെ ഉത്തമം.

👇യാത്ര

യാത്ര ചെയ്യാൻ ഫ്ലൈറ്റോ കപ്പലോ തിരഞ്ഞെടുക്കാവുന്നതാണ്.

🔹ഫ്ലൈറ്റ് വഴി ഏതു സമയവും യാത്ര തിരഞ്ഞെടുക്കാവുന്നതാണ്.
കൊച്ചി, ചെന്നൈ, കൊൽക്കത്ത എന്നിവിടങ്ങളിൽ നിന്ന് കുറഞ്ഞ ചാർജിൽ യാത്ര ചെയ്യാം.

3500 മുതൽ ചെന്നൈ ടു പോർട്ട്‌ ബ്ലയർ ടിക്കറ്റുകൾ ലഭ്യമാണ്.
കൊച്ചിയിൽ നിന്നാകുമ്പോൾ ഒന്നൂടെ റേറ്റ് കൂടും, കൊച്ചിയിൽ നിന്നെടുക്കുന്ന ഫ്‌ളൈറ്റ് ചെന്നൈ കണക്ട് ആയിരിക്കും.
ഒന്നൂടെ ചിലവ് ചുരുക്കണമെങ്കിൽ ചെന്നൈയിലേക്ക് ട്രെയിൻ പിടിച്ചു അവിടുന്ന് ഫ്ലൈറ്റ് കയറുന്നതായിരുക്കും നല്ലത്. ഇൻഡിഗോ, ഗോ എയർ, സ്‌പൈസ് ജെറ്റ്, എയർ ഇന്ത്യ തുടങ്ങിയ സർവീസുകളും ലഭ്യമാണ്.

🔹കപ്പൽ യാത്ര ഉദ്ദേശിക്കുന്നെതെങ്കിൽ ഒക്ടോബർ മുതൽ മെയ്‌ വരെയാണ് കടൽ യാത്രയ്ക്ക് പറ്റിയ സമയം.

ഷിപ്പിന് ചെന്നൈ, കൊൽക്കത്ത വിശാഖപട്ടണം, എന്നിവിടങ്ങളിൽ നിന്ന് യാത്ര തിരിക്കാം.

കപ്പൽ യാത്ര ചെയ്യുന്ന തീയതിക്ക് കുറഞ്ഞത് അഞ്ച് ദിവസം മുമ്പെങ്കിലും താഴെയുള്ള ഓഫീസുകളുമായോ ടിക്കറ്റ് നൽകുന്ന അതോറിറ്റിയുമായോ ബന്ധപ്പെടാം. ടിക്കറ്റിനു വേണ്ടി
അപേക്ഷാ ഫോം പൂരിപ്പിക്കേണ്ടതുണ്ട്, രണ്ട് പാസ്‌പോർട്ട് സൈസ് ഫോട്ടോ ആവശ്യമാണ്.ഫസ്റ്റ് സെർവ് അടിസ്ഥാനത്തിലാണ് ടിക്കറ്റുകൾ നൽകുന്നത്.
രണ്ട് വയസ്സിന് താഴെയുള്ള കുട്ടികൾക്ക് ചാർജ് വേണ്ട എന്നാൽ കുട്ടികളുടെ വിശദാംശങ്ങൾ
ടിക്കറ്റ് വാങ്ങുമ്പോൾ യാത്രക്കാർ നൽകേണ്ടതുണ്ട്.

എല്ലാ പാസഞ്ചർ കപ്പലുകൾക്കുള്ള ടിക്കറ്റുകൾ ഷിപ്പിംഗ് കോർപ്പറേഷൻ ഓഫ് ഇന്ത്യയാണ് നൽകുന്നത്.
ഏറ്റവും കുറഞ്ഞ നിരക്കുള്ള ബങ്ക് ക്ലാസ്സിന് 2500 രൂപയ്ക്ക് മുകളിൽ വരും.

കൊൽക്കത്ത
ഷിപ്പിംഗ് കോർപ്പറേഷൻ ഓഫ് ഇന്ത്യ ലിമിറ്റഡ്,
ഷിപ്പിംഗ് (h)
നമ്പർ 18 സ്ട്രാന്റ് റോഡ്
കൊൽക്കത്ത -700 017☏: (033) 22482354☏: (033) 22488013
☏: (033) 284456

മുംബൈ
ഷിപ്പിംഗ് കോർപ്പറേഷൻ ഓഫ് ഇന്ത്യ ലിമിറ്റഡ്,
കോസ്റ്റൽ പാസഞ്ചർ സർവീസ് ഡിവിഷൻ
ഡിസ്കവറി ഓഫ് ഇന്ത്യ ബിൽഡിംഗ് അഞ്ചാം നില,
നെഹ്‌റു സെന്റർ ആനി ബെസന്റ് റോഡ്, വോർലി
മുംബൈ -400 018☏: (022) 22822101☏: (022) 22823316

ചെന്നൈ
പോർട്ട് ട്രസ്റ്റ്,
രാജാജി സലായ് , കസ്റ്റംസ് ഓഫീസിന് എതിർവശത്ത്,
ചെന്നൈ -600 101☏: (033) 25231401
☏: (044) 25220841☏: (044) 25226873
സി.പി.ഡബ്ല്യു.ഡി കാമ്പസ്,കെ കെ.നഗർ,
ചെന്നൈ - 600 078☏: (044) 24844715
അന്ന നഗർ വെസ്റ്റ് എക്സ്റ്റൻഷൻ,
പാഡി വില്ലേജ്
ചെന്നൈ - 600 078☏: (044) 26259295

വിശാഖപട്ടണം
എം / എസ് എ വി ബഹനജീറോയും ഗരുഡ
പട്ടാഭിരമയ & കോ,
ഏജന്റ്-ഷിപ്പിംഗ് കോർപ്പറേഷൻ ഓഫ് ഇന്ത്യ ലിമിറ്റഡ്,
പോസ്റ്റ് ബോക്സ് നമ്പർ 17
വിശാഖപട്ടണം☏: (0891) 2565597☏: (0891) 2562661

പോർട്ട്‌ ബ്ലയർ

ഡയറക്ടറേറ്റ് ഓഫ് ഷിപ്പിംഗ് സർവീസ്,
ആൻഡമാൻ ആൻഡ് നിക്കോബാർ അഡ്മിനിസ്ട്രേഷൻ,
ഫീനിക്സ് ബേ ജെട്ടി
പോർട്ട് ബ്ലെയർ - 744 101☏: (03192) 232528☏: (03192) 232742

ഷിപ്പിംഗ് കോർപ്പറേഷൻ ഓഫ് ഇന്ത്യ ലിമിറ്റഡ്,
ആബർ‌ഡീൻ ബസാർ,
പോർട്ട് ബ്ലെയർ - 744 101☏: (03192) 233347☏: (03192) 233590

👇കപ്പൽ
എം വി നിക്കോബാർ
എം വി ഹർഷവർധന
എം വി നാകോറി
എം വി അക്ബർ
എം വി സ്വൊരാജ്

ചെന്നൈ പോർട്ട്‌ ബ്ലൈയർ ഏകദേശം 60 മണിക്കൂർ യാത്ര. കൊൽക്കത്ത പോർട്ട്‌ ബ്ലൈയർ 66മണിക്കൂർ യാത്ര.

വിശാഖപട്ടണം പോർട്ട്‌ ബ്ലൈയർ 56മണിക്കൂർ യാത്ര.

രണ്ടോ മൂന്നോ ദിവസം ഉണ്ടെങ്കിൽ പോർട്ട്‌ ബ്ലളയറും അതിനടുത്തു കിടക്കുന്ന ദ്വീപിലെ കാഴ്ചകളും കാണാം.

ബൈക്ക് / ക്യാബ് വാടകക്കെടുത്ത് പോർട്ട്‌ ബ്ലയർ ചുറ്റി കറങ്ങാം.

▪️സെല്ലുലാർ ജയിൽ

അബാർദീൻ ബസാറിൽ നിന്നും
മെഡിക്കൽ പോകുന്ന ബസ്സിൽ കയറിയാൽ സെല്ലുലാർ ജയിൽ സന്ദർക്കാം.

▪️Anthropological മ്യൂസിയം

ചൊവ്വാഴ്ച മുതൽ ഞായർ വരെ എല്ലാ ദിവസവും രാവിലെ 9: മുതൽ ഉച്ചയ്ക്ക് 01: മണി വരെയും ഉച്ചയ്ക്ക് 02മുതൽ 04:30 വരെയുമാണ് സന്ദർശന സമയം. എൻട്രി ഫീ 10 രൂപ

▪️ചാത്തം ദ്വീപ്,

ഏഷ്യയിലെ ഏറ്റവും വലുതും പഴയതുമായ ചാത്തം മില്ലിലേക്ക്
പോർട്ട് ബ്ലെയറിൽ നിന്ന് ഫോർ‌ഷോർ റോഡ് വഴി 30 മിനിറ്റിനുള്ളിൽ ചാത്തം ദ്വീപിൽ എത്തിച്ചേരാം. നേരിട്ട് ബസ് സർവീസും ഉണ്ട്. എൻട്രി ഫീ 10 രൂപ.
സന്ദർശന സമയം രാവിലെ മുതൽ ഉച്ച വരെ. ഗൈഡുകളും ഇതിനുള്ളിൽ ലഭ്യമാണ് 50 രൂപ ചാർജ് .

🌅 വൈപ്പർ ഐലൻഡ്

ആൻഡമാനിലെ ഒരു പ്രധാന ദ്വീപാണ് വൈപ്പർ ദ്വീപ്
സെല്ലുലാർ ജയിൽ പണിയുന്നതിനുമുമ്പ്, ഇന്ത്യയിലെ സ്വാതന്ത്ര്യസമര സേനാനികളെ ബ്രിട്ടീഷുകാർ ഇരുണ്ട പീഡനത്തിനിരയാക്കിയ സ്ഥലമാണിത്,
ഏറ്റവും പഴയ തടവറയും ഇവിടെയാണ്. ശാന്തമായ ഈ ദ്വീപ് ഇപ്പോൾ ആൻഡമാനിലെ പ്രിയപ്പെട്ട വിനോദസഞ്ചാര കേന്ദ്രങ്ങളിൽ ഒന്നാണ് .
പോർട്ട്‌ ബ്ലയറിൻ 4 കിലോമീറ്റർ പടിഞ്ഞാറ് ഭാഗത്തുള്ള വൈപ്പർ ദ്വീപിലേക്കെത്താൻ പോർട്ട് ബ്ലെയർറിൽ നിന്ന് എല്ലായ്പ്പോഴും
ഫെറികൾ ഉണ്ട്.

🌅 വണ്ടൂർ ബീച്ച്

ആൻഡമാനിലെ ഏറ്റവും മനോഹരമായതും പ്രശസ്തവുമായ ബീച്ചുകളിലൊന്നായ വണ്ടൂർ ബീച്ച് , പോർട്ട് ബ്ലെയറിൽ നിന്ന് വണ്ടൂർ ബീച്ചിലെത്താൻ ഏകദേശം 25 കിലോമീറ്റർ സഞ്ചരിക്കണം . പോർട്ട് ബ്ലെയർ മുതൽ വണ്ടൂർ വില്ലേജ് വരെ ബോട്ട് ലഭ്യമാണ്, അവിടെ നിന്ന് കാൽനടയായി ബീച്ചിലെത്താം.

🌅 ജൊളി ബ്യൂയ് ദ്വീപ്

വർഷത്തിൽ 6 മാസം മാത്രമം തുറക്കുന്ന ആൾപാർപ്പില്ലാത്ത കൊച്ചു ദ്വീപ് ആണ് ജൊളി ബ്യൂയ്
ഒരു ദിവസം 200 പേരെ മാത്രം പ്രവേശിപ്പിക്കുന്ന ദ്വീപിലേക്ക്
ഫോസ്റ് ഡിപ്പാർട്ടമെന്റ് പെർമിഷനോട്‌ കൂടി മഹാത്മാ ഗാന്ധി നാഷണൽ പാർക്കിൽ നിന്ന് ഇവിടേക്ക് യാത്ര ചെയ്യാം. ടിക്കറ്റിന് വേണ്ടി
EXPERIENCE ANDAMAN എന്ന വെബ്‌സൈറ്റിൽ കയറി ബുക്ക് ചെയ്യാവുന്നതാണ് .

🌅 റോസ് ഐലൻഡ്

രാജീവ്‌ ഗാന്ധി ജെട്ടിയിൽ നിന്നും ബോട്ട് ലഭിക്കും. ഇങ്ങോട്ടുള്ള യാത്ര വൈകിട്ട് 4 മണിക്ക് സെറ്റ് ചെയ്യുക... ഇങ്ങിനെ സെറ്റ് ചെയ്‌താൽ അവിടുത്തെ ലൈറ്റ് ആൻഡ്‌ സൗണ്ട് ഷോയും കണ്ടു മടങ്ങാം.

🌅 കോർബിൻസ് കേവ് ബീച്ച്.
🌅 ചിടായിപ്പു
▪️സാമുദ്രിക മറൈൻ മ്യൂസിയം.
▪️മഹാത്മാഗാന്ധി മറൈൻ നാഷണൽ പാർക്ക്‌......... തുടങ്ങിയ സ്ഥലങ്ങൾ പോർട്ട്‌ ബ്ലയറിൽ നിന്നും അധികം ദൂരത്തല്ലാതെ കിടപ്പുണ്ട്.. സാഹചര്യത്തിനും ടിക്കറ്റ് കൺഫേമിനും അനുസരിച്ചു സെറ്റ് ചെയ്യുക. മേൽ പറഞ്ഞ സ്ഥലങ്ങൾ ഒക്കെ കണ്ടു തീർക്കണമെങ്കിൽ മൂന്ന് ദിവസമെങ്കിലും എടുക്കും.

👉ഒരു ദിവസത്തെ യാത്ര മാറ്റിവെക്കുവാണേൽ
ബാരാടൻ പോയി തിരികെ പോർട്ട്‌ ബ്ലയറിൽ എത്താം.

കാടിനകത്തുകൂടിയുള്ള
ഈ യാത്രയിൽ ആദിമ ഗോത്രവർഗ്ഗത്തിൽ പെട്ട jarawa കളെ കാണാം,
3500മുതൽ 4500രൂപക്ക് വരെ പോർട്ട്‌ ബ്ലയറിൽ നിന്ന് ടാക്സികൾ ലഭ്യമാണ്. കൂടുതൽ പേരുണ്ടെങ്കിൽ ടാക്സി തിരഞ്ഞെടുക്കുന്നതായിരിക്കും നല്ലത് സമയ നഷ്ടമില്ലാതെ കാഴ്ചകൾ കണ്ടു തിരിച്ചു വരാം.....
ബസ്സിന് പോവുകയാണെങ്കിൽ അബാർദീൻ ബസാറിൽ നിന്ന് മിഡിൽ സ്ട്രൈറ്റ് വഴി ദിഗ്ലിപ്പൂരിലേക്കോ രംഗത്തിലേക്കോ പോവുന്ന ബസ്സിൽ കയറി മിഡിൽ സ്ട്രൈറ്റ് ജെട്ടിയിൽ ഇറങ്ങുക, അവിടുന്ന് നിലമ്പൂർ ജെട്ടിലേക്ക് ഫെറി പിടിക്കുക 10രൂപ.
ശേഷം നിലമ്പൂർ ജെട്ടിയിൽ നിന്ന് limestone gave ലേക്ക് parrot തുടങ്ങിയ സ്ഥലത്തേക്ക് യാത്ര തിരിക്കാം.

Mangro walk, limestone gave ( ചുണ്ണാമ്പ് ഗുഹ ) ലേക്ക് 700 രൂപയ്ക്ക് ബോട്ട് ടിക്കറ്റ് എടുത്താൽ ഒരു ഗൈഡും കൂടെ ഉണ്ടാവും, രണ്ടു സ്ഥലങ്ങൾ കണ്ട് അതേ ബോട്ടിൽ തിരിച്ചു നിലമ്പൂർ ജെട്ടിയിൽ ഇറക്കി തരും.

വേണമെങ്കിൽ ഇവിടെ വെച്ച് യാത്ര അവസാനിപ്പിച്ചു പോർട്ട്‌ബ്ലയറിലേക്ക് മടങ്ങാം...

അതല്ല !

യാത്ര നീട്ടാനാണ് ഉദ്ദേശമെങ്കിൽ
ഉച്ചയ്ക്ക് മുൻപ് മേൽ പറഞ്ഞ സ്ഥലങ്ങളൊക്കെ കറങ്ങി വൈകിട്ട്
പാരറ്റ് ഐലൻഡും സുന്ദരമായ അസ്തമയം കാണുന്ന മറ്റൊരു ഐലൻഡും ഉണ്ട്, വേണമെങ്കിൽ അവിടേക്കും യാത്ര തിരിക്കാം ഇതേ ജെട്ടിയിൽ നിന്നും ടിക്കറ്റും ലഭിക്കും..

ബാരാടൻ യാത്രയിൽ ഉൾപെടുത്താവുന്ന ആന്ഡമാനിന്റെ നോർത്ത് ഭാഗം ആണ് ദിഗ്ലിപ്പൂരും, രംഗത്തും, മായാ ബന്ദറുമൊക്കെ .

👉 പ്ലാൻ ഒന്ന് ചേഞ്ച്‌ ചെയ്യുവാണെങ്കിൽ ബാരാടൻലെ സ്ഥലങ്ങൾ കണ്ടു അന്ന് രാത്രി തന്നെ ദിഗ്ലിപ്പൂരിലേക്ക് യാത്ര തിരിക്കണം

👇 ഇനി കൂടുതൽ സമയം ചിലവഴിക്കാൻ ഉള്ളവർ മാത്രം ഈ റൂട്ട് സെലക്ട്‌ ചെയ്യുക.

മൂന്നോ നാലോ ദിവസം ചിലവഴിക്കാൻ സമയം ഉള്ളവരാണ് നിങ്ങൾ എങ്കിൽ തീർച്ചയായും ദിഗ്ലിപ്പൂരും, മായാ ബന്ദറും, ലോങ്ങ്‌ ഐലൻഡും, രംഗത്തുമൊക്ക സന്ദർശിക്കുക.

പോർട്ട് ബ്ലെയറിൽ നിന്ന് ദിഗ്ലിപ്പൂരിലേക്ക് നേരിട്ട് ബസ് സർവീസ് ഉണ്ട്, നിങ്ങളുടെ പ്ലാനിനും സമയത്തിനും അനുസരിച്ചു മുമ്പോട്ടുള്ള യാത്ര സെറ്റ് ചെയ്യാം.
അങ്ങിനെ ആണെങ്കിൽ ലാസ്റ്റ് എൻഡ് ആയ ദിഗ്ലിപ്പൂരിലേക്ക് നേരിട്ട് വണ്ടി പിടിക്കുക്ക
ദിഗ്ലിപ്പൂരിലെയും മായാബന്ദറിലേയും, രംഗത്തിലെയും
സ്ഥലങ്ങളൊക്കെ കറങ്ങുന്ന പോലെ യാത്ര സെറ്റ് ചെയ്യാം.

ആദ്യം ദിഗ്ലിപ്പൂർ കാഴ്ചകളിലേക്ക് ഇറങ്ങാം.

ആൻഡമാനിലെ ഏറ്റവും വലിയ ദ്വീപ് പട്ടണമാണ് ദിഗ്ലിപ്പൂർ, അറിയപ്പെടാത്ത ഒത്തിരി വിനോദസഞ്ചാര കേന്ദ്രങ്ങൾ ഇവിടെ ഉൾകൊള്ളുന്നുണ്ട്

🌅 രാം നഗർ ബീച്
🌅 ലാമിയ ബേ
🌅 പാതി ലെവൽ ബീച്ച്
🌄 ജൽ തിക്രി -
ദിഗ്ലിപ്പൂർ നാഷണൽ പാർക്ക്.
🌄 കാളിഘട്ട് ക്രീക്ക്.....
etc എന്നിവയാണ് കാണാനുള്ളത്.

ദിഗ്ലിപ്പൂർ ഒന്നോ രണ്ടോ ദിവസത്തിനുള്ളിൽ കണ്ടു തീർത്തതിനു ശേഷം
ശേഷം മായാബന്ദറിലേക്ക് വരിക

മായാബന്ദറിലെ കാഴ്ച്ചകൾ

🌅 അവിസ്‌ ദ്വീപ്
🌄 റേ ഹിൽസ്.
🌅 കർമതാങ്‌ ബീച്ച്
🌅 റാംപൂർ ബീച്ച്

മായാബന്ദറിലെ കാഴ്ചകൾ കണ്ടു തീർത്തു രംഗത്തിലേക്ക് വരിക.

👉 ഒരു കാര്യം പ്രത്യേകം ശ്രദ്ധിക്കുക. രംഗത്ത് നിന്നും മുൻകൂട്ടി ഹാവ്ലോക്ക്, ടിക്കറ്റ് എടുക്കുന്നുവെങ്കിൽ നിലമ്പൂർ ജെട്ടിയിൽ നിന്നുള്ള mangrove, limestone gave, parrot, ഒക്കെ ആദ്യം കണ്ടുതീർത്ത ശേഷമേ
ദിഗ്ലിപ്പൂരിലേക്ക് യാത്ര തിരിക്കാവൂ.

രംഗത്തിലെ യെരാട്ടയിൽ നിന്ന് ലോംഗ് ഐലൻഡിലേക്ക് വൈകുന്നേരം 4 മണിക്കുള്ള ബോട്ട് പിടിക്കാം. അന്ന് ലോങ് ഐലൻഡിൽ സ്റ്റേ ചെയ്തു പുലർച്ചെ സ്ഥലങ്ങൾ കാണാൻ ഇറങ്ങുക

ലോംഗ് ഐലൻഡിലെ കാഴ്ചകൾ

🌅 ലാലാജി ബീച്ച്
🌅 മെർക്ക് ബേ ബീച്ച്.
🌅 ഗിത്താർ ദ്വീപ്.

ലോങ്ങ്‌ ഐലൻഡ് കാഴ്ച്ചകളൊക്ക കണ്ട ശേഷം തിരികെ രംഗത്ത് വരിക

രംഗത്തി ലെ പ്രധാന കാഴ്ചകൾ

🌅 കത്ബർട്ട് ബേ. ഇതിനടുത്ത് വന്യ ജീവി സങ്കേതവും ഉണ്ട് .
🌄 പഞ്ചവതി കുന്നുകൾ.
🌅 ആംകുഞ്ച് ബീച്.

ഒരു ദിവസം രംഗത്ത് കറങ്ങിയ ശേഷം നേരെ നീലിലേക്കോ പോർട്ട്‌ ബ്ലയറിലേക്കോ മടങ്ങാം.

👉 രണ്ട് ദിവസം ഉണ്ടെങ്കിൽ
ഹാവ്ലോക്ക് ഐലൻഡും നീൽ ഐലൻഡും എങ്ങിനെ കണ്ടു തീർക്കാം.

പോർട്ട്‌ ബ്ലയറിൽ നിന്ന് നേരിട്ട് ഹാവ്ലോക്കിലേക്ക്, നീൽ ദ്വീപ് എന്നിവിടങ്ങളിലേക്ക് ആഡംബര ക്രൂയിസറും, gvt വെസലുകളും ലഭ്യമാണ്.
ക്രൂയിസർ 1100 മുതൽ മുകളിലേക്ക് ആണ് ടിക്കറ്റ് ചാർജ്
അതെ സമയം വെസലിന് 600 രൂപ മാത്രം. നേരിട്ട് ടിക്കറ്റ് കൗണ്ടറിൽ നിന്ന് വളരെ തുച്ഛമായ ടിക്കറ്റ് മാത്രമേ നൺ ഐലൻഡേഴ്സിന് വെസലിന് കിട്ടുകയൊള്ളൂ. കിട്ടിയാൽ തന്നെ ഭാഗ്യം.

കാലത്ത് പോർട്ട്‌ ബ്ലയറിലെ ഏതെങ്കിലും ജെട്ടിൽ നിന്ന് പുറപ്പെടുന്ന ക്രൂയ്സറിൻ തലേന്ന് തന്നെ ടിക്കറ്റ് എടുത്തു വെക്കുക .

Nb : ഹാവ്ലോക്ക് ദ്വീപ് ടൂറിസ്റ്റുകളുടെ പ്രധാന കേന്ദ്രമായത് കൊണ്ട് റൂമിനും ഫുഡിനും അല്പം റേറ്റ് കൂടുതലായിരിക്കും. മാത്രവുമല്ല
ഹാവ് ലോക്കിലെ പ്രധാന കാഴ്ചകൾ കാണാൻ ഒരു പകൽ തന്നെ ധാരാളം.

👉 പ്ലാൻ ഒന്ന് മാറ്റി പിടിക്കുവാണേൽ
ഒന്നൂടെ ബെറ്ററായി ചെയ്യാം .

ഹാവ് ലോക്കിൽ സ്റ്റേ ചെയ്യാതെ നീലിൽ സ്റ്റേ ചെയ്യുന്ന രീതിയിൽ പ്ലാൻ ചെയ്യുകയാണേൽ രണ്ടു ദിവസം കൊണ്ട് രണ്ടു ദ്വീപിലെ കാഴ്ചകൾ കണ്ടു മടങ്ങാം.

തലേന്ന് അതി രാവിലെ ഹാവ്ലോക്ക് പോകുന്ന ടിക്കറ്റ് എടുക്കുക, ഹാവ്ലോക്ക് ദ്വീപിലേക്ക് പോർട്ട്‌ ബ്ലയറിൽ നിന്ന് 2 മണിക്കൂർ കടൽ യാത്രയുണ്ട്.
കൂടെ അന്ന് ഉച്ചക്ക് രണ്ടു മണിക്കുള്ള havelock- Neil island ടിക്കറ്റും എടുക്കുക. ഹാവ്ലോക്ക് നിന്ന് നീലിലേക്ക് 2 മണിക്കൂർ യാത്രയുണ്ട്.
ഹാവ്ലോക്ക് കറക്കം കഴിഞു നീൽ ഐലൻഡ് ജെട്ടിയിൽ വന്നിറങ്ങിയ ഉടനെ ടിക്കറ്റ് കൗണ്ടറിൽ ചെന്ന് അടുത്ത ദിവസം കാലത്ത് 9 മണിക്ക് ശേഷം ഉള്ള Neil island -portblair വെസൽ ടിക്കറ്റ് നോക്കുക.Govt vesal ticket എടുക്കാൻ havelock jetty ( govid nagar ) യിലെ Dss കൗണ്ടറിൽ നിന്ന് എടുക്കാം. ടിക്കറ്റ് കിട്ടിയില്ലെങ്കിൽ ക്രൂയിസ് ടിക്കറ്റ് തന്നെ എടുത്തു വെക്കുക.

Ticket booking 👇
Mv maakruz. www.makruzz.com
Costal cruise www.costalcruise.in www.sealink

portblair-havelock, havelock- Neil island, Neil island -portblair എന്നിങ്ങനെ മൂന്നു ടിക്കറ്റിൻ ക്രൂയിസർ ആണെങ്കിൽ ഒരാൾക്ക് 3500 രൂപക്ക് മുകളിൽ വരും.
വെസൽ ആണെങ്കിൽ 1800 രൂപയും ആകും.

ബസ്, ടാക്സി കാർ , റെന്റ് ബൈക്ക്, സൈക്കിൾ, എതെങ്കിലും ട്രാൻസ്‌പോർട് മോഡിലൂടെ ഹാവ്‌ലോക്ക്, നീൽ ഒക്കെ ചുറ്റിക്കറങ്ങാം.

👉ഹാവ്ലോക്ക് ഐലൻഡിലെ പ്രധാന ബീച്ചുകൾ

🌅 കലാപത്ഥർ ബീച്ച്
🌅 രാധനാഗർ ബീച്ച്
🌅 എലിഫന്റ് ബീച്ച്.

ഹാവ്ലോക്ക് ദ്വീപിൽ വന്നിറങ്ങി സമയം കളയാതെ ഉടനെ ബൈക്കോ, ക്യാബോ വാടകക്ക് എടുക്കുക. ആദ്യം കലാപത്ഥർ ബീച്ച് വേഗം കണ്ടു തീർക്കുക.

ശേഷം രാധാനാഗർ പോകുന്ന വഴി എലിഫന്റ് ബീച്ച്ലേക്ക് 2 കിലോമീറ്റർ ട്രെക്കിങ് ഉണ്ട് വേഗം നടന്നു ചെന്ന് ബീച് കണ്ടു മടങ്ങുക. ഇവിടെ വാട്ടർ ആക്ടിവിറ്റീസിൻ പറ്റിയ സ്ഥലം ആണ് ചെയ്യാൻ ഉദ്ദേശിക്കുന്നു എങ്കിൽ പെട്ടൊന്ന് ചെയ്തു തീർക്കുക. എലിഫന്റ് ബീച്ചിൽ നിന്നും വേഗം വണ്ടിയിൽ വന്നു കയറുക. അടുത്ത സ്പോട്ട് ആയ രാധാനഗറിൽ സമയം ചിലവഴിക്കുക. ഓർക്കുക ഉച്ചക്ക് രണ്ടു മണിക്ക് നീലിൽ പോകുന്ന ഷിപ്പിന്റെ ഒരുമിക്കൂർ മുൻപ് രാധാനഗർ ബീച്ചിൽ നിന്നും വണ്ടി തിരിക്കുക.

ജെട്ടിയിൽ എത്തിയാൽ ജെട്ടിയുടെ മെയിൻ ഗേറ്റിന്റെ ഇടതു വശത്ത് കുറച്ചു മുമ്പോട്ട് നടന്നാൽ നല്ലൊരു ഹോട്ടൽ ഉണ്ട് അവിടുന്ന് ഭക്ഷണം കഴിക്കുക, വിലക്കുറവും ക്വാളിറ്റിയും ഉള്ള ഭക്ഷണമാണ് .
ഷിപ്പ് പുറപ്പെടുന്നതിന്റെ 20 മിനുട്ട് മുൻപ് ചെക്കിന് ചെയ്യുക.

Nb : ബസിൽ കയറി ബീച്ചിലോട്ട് പോകുന്ന യാത്ര ഈ പ്ലാനിൽ മാറ്റി നിറുത്തേണ്ടി വരും. ബസ്സിന്റെ ഷെഡ്യൂളും നമ്മുടെ സമയകുറവും ബസ് യാത്രയിൽ നമ്മുടെ സകല പ്ലാനിങ്ങും തെറ്റിക്കും .

ഷിപ്പ് കയറിയാൽ വീണ്ടും 2മണിക്കൂർ യാത്രയുണ്ട് നീൽ ഐലണ്ടിലേക്ക്.

നീൽ ഐലൻഡിലെ പ്രധാന കാഴ്ചകൾ.

****************************
🌅 ലക്ഷ്മണൻ പൂർ ബീച്ച്
🌄 സീതാപൂർ ബീച്ച്
🌄 ഹൗറ ബ്രിഡ്ജ് /beach no 2
🌅 ഭരത്പൂർ ബീച്ച്.

ജെട്ടിയിൽ കാലുകുത്തിയാൽ വേഗം റെന്റ് ബൈക്ക് / സ്കൂട്ടി ഏതെങ്കിലും എടുക്കുക 700-1000 രൂപ വരെയാണ് ഒരു ദിവസത്തെ ചാർജ്. വണ്ടി എടുത്താൽ അടുത്തതായി മുൻകൂട്ടി ബുക്ക്‌ ചെയ്ത റൂമിൽ ചെന്ന് ചെക്കിന് ചെയ്തു ലഗേജ് എല്ലാം വെച്ച് പെട്ടൊന്ന് സൂര്യാസ്തമയം കാണുന്ന ലക്ഷ്മണൻ പൂർ ബീച്ച് പിടിക്കുക. സൂര്യാസ്തമയം കണ്ടു കടലിലെ കുളിയൊക്കെ കഴിഞ്ഞു തിരികെ റൂമിൽ വരിക.

ഫുഡ്‌ ഒക്കെ കഴിച്ചു രാത്രി ബീച്ചിൽ പോകുന്നെങ്കിൽ പോയിട്ടു വരാം. നേരത്തെ
കിടന്നുറങ്ങാൻ മറക്കരുത് .

പുലർച്ചെ 4 മണിക്ക് സീതാപൂർ ബീച്ചിലേക്ക് സൺ റൈസ് കാണാൻ പുറപ്പെടുക. സൺ റൈസ് ഒക്കെ കണ്ടു നേരം പുലർന്നാൽ അടുത്ത സ്ഥലത്തേക്ക് വണ്ടി തിരിക്കുക
ഹൗറ ബ്രിഡ്ജ് ബീച്ച് നമ്പർ 2 ലേക്ക് .
അവിടുന്ന് കാഴ്ചകൾ കണ്ടു. തിരികെ റൂമിൽ വരിക. റൂം ചെക്കോട്ട് ചെയ്തു ബ്രേക് ഫാസ്റ്റൊക്കെ കഴിച്ചു.
അടുത്ത ബീച്ച് ആയ ഭരത് പൂർ ബീച്ചിൽ വരിക .ഇവിടെ വാട്ടർ ആക്ടിവിറ്റീസ് ഉണ്ട് വേണങ്കിൽ അതൊക്ക ചെയ്തു. പോർട്ട്‌ ബ്ലയറിലേക്കുള്ള ഷിപ്പിന്റെ ഒരുമണിക്കൂർ മുൻപ് വണ്ടി തിരികെ ഏൽപ്പിച്ചു ജെട്ടിയിൽ വരിക, ഷിപ് കയറുക.

ഇനി രണ്ടു മണിക്കൂർ യാത്രക്ക് ശേഷം പോർട്ട്‌ ബ്ലയറിൽ വന്നിറങ്ങും.
പോർട്ട്‌ ബ്ലയറിൽ വല്ല സ്ഥലങ്ങളും മിസ്സ്‌ ചെയ്തിട്ടുണ്ടെങ്കിൽ അതൊക്കെ കണ്ടു തീർക്കുക.

അടുത്ത ദിവസം
ഷിപ്പോ, ഫ്ലൈറ്റോ വഴി തിരികെ നാട് പിടിക്കുക.

ഇനി ഒട്ടും താമസിക്കണ്ട ആൻഡമാൻ യാത്രക്ക് ഒരുങ്ങിക്കോ.... കൂടുതൽ വിവരങ്ങൾക്ക് വിക്കിക്കാം
✍️അബു വി കെ 📱9526707594.

🔻 ഒക്ടോബർ മുതൽ ഫെബ്രുവരി വരെയാണ് ഹാവ്‌ലോക്ക് സന്ദർശിക്കാൻ ഏറ്റവും അനുയോജ്യമായ സമയം.

🔻 ഓരോരുത്തരുടെയും സമയത്തിനും പോകുന്ന സമയത്തെ കാലാവസ്ഥക്ക് അനുസൃതമായയും സ്ഥലങ്ങൾ തിരഞ്ഞെടുക്കുക.

🔻ആൻഡമാൻ യാത്രയിൽ ഓർത്തിരിക്കേണ്ട പ്രധാനപ്പെട്ട കാര്യം 4 : 15 ന് സൂര്യോദയവും 5:15 സൂര്യാസ്തമയവുമാണ്.
നേരത്തെ യാത്ര തിരിച്ചു നേരത്തെ യാത്ര അവസാനിപ്പിക്കുക.

🔻 ഷിപ്പിന്റെ ഷെഡ്യൂളുകളും സമയവും സീസൺ, കാലാവസ്ഥ എന്നിവയ്ക്ക് അനുസരിച്ച് വ്യത്യാസപ്പെടാം.

🔻ഷിപ് ടിക്കറ്റിന് : costal cruize , sea link, green ocean, markuz , എന്നീ സൈറ്റുകൾ സന്ദർശിക്കുക.

🔻ഓഫ്‌ സീസണിൽ ഫ്ലൈറ്റ് ടിക്കറ്റ് up&down കുറഞ്ഞ ചാർജിൽ ചെന്നൈയിൽ നിന്നും ലഭിക്കും

🔻ഹിന്ദി ആണ് കൂടുതലൽ ആളുകൾ ഉപയോഗിക്കുന്ന ഭാഷ, ഇംഗ്ലീഷ്, ബംഗാളി , തമിഴ് , മലയാളവും, ഉപോയോഗിക്കുന്നവർ അവിടെ ഉണ്ട് . ഭാഷ അറിയില്ല എന്ന ടെൻഷൻ വേണ്ട.

🔻നെറ്റ്‌വർക്ക് ഒട്ടും പ്രതീക്ഷിക്കരുത്
Bsnl, airtel, vodafone, മാത്രം ലഭിക്കും.

🔻റൂം ഒക്കെ ഓൺലൈനായി ബുക്ക് ചെയ്യുക. Booking.com. go ibibo. make my trip , ലൊക്കെ നല്ല റൂംസ് കിട്ടും. റിവ്യൂ കൂടെ നോക്കി റൂം ബുക്ക് ചെയ്യുക

🔻വാട്ടർ ആക്ടിവിറ്റീസ് ചെയ്യാൻ നീൽ ഐലൻഡും, ഹാവ്ലോക്ക് ഐലൻഡും, ജോളി ബ്യൂയും തിരഞ്ഞെടുക്കുക.

🔻ഭക്ഷണ ചിലവ് ചുരുക്കണമെങ്കിൽ വലിയ ഹോട്ടലുകളിൽ കയറി ഭക്ഷണം കഴിക്കാതിരിക്കുക. നല്ല ക്വാളിറ്റിയിൽ ചെറിയ കടകളിൽ ഭക്ഷണം കിട്ടും.

പ്ലാൻ ഇട്ടു വെച്ചിരുന്ന ദിഗ്‌ലിപ്പൂരും, മായാബന്ദറും, ലോങ് ഐലൻഡും സമയക്കുറവ് മൂലം എനിക്കു കാണാൻ കഴിഞ്ഞിട്ടില്ല . അതു കൊണ്ട് ഈ സ്ഥലത്തെക്കുറിച്ചുള്ള ഡീറ്റെയിൽസ് മാക്സിമം കളക്റ്റ് ചെയ്തു പോവുക.

👇കയ്യിൽ കരുതേണ്ട അത്യാവശ്യ സാധനങ്ങൾ

🔹ആദ്യമേ പറയട്ടെ : ആൻഡമാൻ യാത്രയിൽ ആദ്യം മുന്നോട്ട് എടുത്തു വെക്കേണ്ടത് ക്ഷമയാണ്. അല്പം ക്ഷമ ഇല്ലാത്തവർ ഈ യാത്രയ്ക്ക് ഇറങ്ങി പുറപ്പെടരുത്.

🔹വാലിഡ്‌ ഐഡി കാർഡ് : ആധാർ, ലൈസൻസ് ഇവ രണ്ടും കരുതിയിരിക്കണം.

🔹ബീച്ചിലോട്ട് പോകുമ്പോൾ അത്യാവശ്യം വേണ്ട ഒരു കൂളിംഗ് ഗ്ലാസും , സൺ ക്രീമും കരുതുക .

🔹അത്യാവശ്യം ഡ്രെസ്സും, മെഡിസിനും, ചിത്രങ്ങൾ പകർത്താനുള്ള ഉപകരണങ്ങളും എടുക്കാൻ മറക്കരുത്.

🔹ഒരു ഷൂ ധരിച്ചാണ് പോകുന്നെതെങ്കിൽ സിമ്പിൾ ആയ ഒരു നോർമൽ ചെരിപ്പും കൂടെ വെച്ചോ, ഇത് ഈ യാത്രയിലുടനീളം ഉപകാരപ്പെടും.

🔹നാലോ അഞ്ചോ പേര് ചേർന്നുള്ള യാത്ര ആണെങ്കിൽ മാക്സിമം ക്യാബ് ഉള്ളടത്തേക്ക് അത് ഉപയോഗപ്പെടുത്തുക.

🔹 സിംഗിൾ ആയി പോകുന്നവർ സിറ്റിക്ക് അകത്തും , ചെറിയ ദ്വീപുകൾക്ക് അകത്തും ഉള്ള സ്ഥലങ്ങൾ കാണാൻ ബസ്സോ, ഓട്ടോയോ, ബൈക്കോ എടുക്കുക.

Address


Telephone

+919497470783

Website

Alerts

Be the first to know and let us send you an email when ഊര് തെണ്ടി posts news and promotions. Your email address will not be used for any other purpose, and you can unsubscribe at any time.

Videos

കാലി ടിന്നുകൾ കാലുകളാക്കി നടന്നു നീങ്ങുന്ന എട്ടു വയസ്സുകാരി മായാ മുഹമ്മദ് അലി മെർഹി ,സിറിയയിലെ ഈഡ് ലിബ് അഭയാർഥി ക്യാംപിൽനിന്നുമാണ് കരളലിയിപ്പിക്കുന്ന ഈ ദയനീയ കാഴ്ച... മെർഹിക്കും പിതാവിനും ജന്മനാ കാൽമുട്ടുകളില്ല ,കൃത്രിമ കാൽ വെക്കാനുള്ള പണം ഇല്ലാത്തതിനാൽ ടിന്നിനുള്ളിൽ പഞ്ഞിയും പഴന്തുണിയും നിറച്ച് പിതാവ് മകൾക്കുണ്ടാക്കി നൽകിയ ടിൻ " കാലുകൾ ! അഭ്യന്തരയുദ്ധംമൂലം സ്വദേശമായ അലപ്പോ വിട്ട് ഈഡ്‌ലിബിൽ എത്തിയതാണ് മെർഹിയുടെ കുടുംബം! നമുക്ക് എല്ലാവർക്കും പരാതിയാണ്.... ബാപ്പ ബ്രാൻഡഡ് ഷൂ വാങ്ങി തരാത്തതിന്... നമുക്ക് എല്ലാര്ക്കും പരാതിയാണ്.... ടൂ വീലേറോ ഫോർ വീലേറോ കിടാത്തതിന്... നമുക്ക് എല്ലാവർക്കും പരാതിയാണ്.... ഗോവയിലേക്കും മണാലിയിലേക്കും ട്രിപ്പ് പോവാൻ ബാപ്പ കായ്‌ തരാത്തതിന്.... നമുക്ക് എല്ലാവർക്കും പരാതിയാണ്.... iphone കിടാത്തതിന്.... നമുക്ക് എല്ലാവർക്കും പരാതിയാണ് എലാത്തിനും.... തീർത്താൽ തീരാത്ത പരാതികൾ..... ഈ വീഡിയോ ഒന്ന് കാണണം നിങ്ങൾ....എനിക് ഒന്നുമില്ല എന്ന് വിചാരിക്കുന്നവർ കാണണം ഇത്.... My dear brothers and sisters.... Count your blessings... Instead of blaming what you dont have....

#ദുരന്തം #trip #പ്ലാനിങ്

#Kundala_lake #മൂന്നാർ

മാമലകണ്ടം #എത്തിച്ചേരാൻ കോതമംഗലം >> ചേലാട് >> ഉരുളന്തണ്ണി >> മാമലക്കണ്ടം 30 കിലോമീറ്റർ

#കുറ്റാലം തമിഴ് നാട്

Shortcuts

  • Address
  • Telephone
  • Alerts
  • Videos
  • Claim ownership or report listing

  • Want your business to be the top-listed Travel Agency?

Share