26/02/2023
ئاڵوگۆڕی دراو لەفڕۆکەخانەی سلێمانی و بەغداد بەشێوەیەکی کاتی رادەگیرێت.
ئاڕ تى بانک ڕایگەیاند؛ پڕۆسەی ئاڵوگۆڕی دراو بۆ گەشتیاران، لە نوسینگەكانیان، لە نێو فڕۆكەخانەی سلێمانی و بەغداد، بەشێوەیەكی كاتی رادەگیرێت.
هاوکات، فرۆكەخانەی نێودەوڵەتی سلێمانی لەڕاگەیەندراوێکدا زانیارییەکەی ئاڕتی بانکی پشتڕاستکردەوەو ئاماژەی بەوەکرد:"ئەمشەو پڕۆسەی ئاڵوگۆڕی دراوی گەشتیاران، لە نوسینگەكانی بانكی بازرگانی، لە لقی بەغداد و لەناو فڕۆكەخانەی نێودەوڵەتی سلێمانی بەشێوەیەكی كاتی ڕادەگیرێت".
بەپێی مەرجە یاساییەکان، لە لقەکانی ئارتی بانک، فرۆشتنی 100 دۆلار بە گەشتیاران بە نرخی 132 هەزار دینارە، لەمانگێکیشدا هەر گەشتیارێک دەتوانێت بۆ یەک جار سودمەند بێت لەو بڕیارە.
