26/04/2022
👉អ្នកកាសែតខ្មែរថាមស៍៖
ក្នុងសៀវភៅគោលនយោបារបស់CPP សម្រាប់ការបោះឆ្នោតជ្រើសរើសក្រុមប្រឹក្សាឃុំសង្កាត់នៅឆ្នាំ២០២២ នេះ។ ត្រងច់ចំណុចសន្យាលើកកម្ពស់ការផ្តល់យុត្តិធម៌សង្គម លើកកម្ពស់ភាពស្អាតស្អំ ចាត់វិធានការប្រឆាំងអំពើពុករលួយ និងការរំលោភអំណាចនៅថ្នាក់មូលដ្ឋាន។ជាពិសេសការអនុវត្ត«អភិក្រមទាំង៥» ប្រឆាំងនឹងមន្ត្រីឃុំ ភូមិ និងមន្ត្រីសាធារណៈដែលប្រព្រឹត្តអំពើពុករលួយ និងរំលោភអំណាច ដែលប៉ះពាល់ផលប្រយោជន៍សាធារណៈរបស់ពលរដ្ឋនៅមូលដ្ឋាន។ តើឯឧ យល់យ៉ាងណាចំពោះគោលនយោបាយនេះ? តើការអនុវត្តកន្លងមកបានទទួលជោគជ័យទេ? តើអាជ្ញារនៅមូលដ្ឋានអនុត្តបានកំរិតបើតាមឯឧ សង្កេត?
សូមអរគុណ!
👉លោក គង់ មុនីកា ប្រធានគណបក្សឆន្ទៈខ្មែរ៖
ជាទូទៅ គោលនយោបាយរបស់គណបក្សនយោបាយទាំងឡាយ ក៏ដូចគណបក្សប្រជាជន សុទ្ធតែល្អៗ ប៉ុន្តែការអនុវត្តជាក់ស្តែង វាពុំបានឆ្លើយតបទៅនឹងបញ្ហាដែលកើតមានឡើងចំពោះប្រជាពលរដ្ឋនោះទេ ផ្ទុយទៅវិញមានតែបន្ថែមបន្ទុក បំភិតបំភ័យ រើសអើង មិនយកចិត្តទុកដាក់ចំពោះប្រជាពលរដ្ឋដែលមាននិន្នាការនយោបាយផ្សេង។ កន្លងមក ការអនុវត្តអភិក្រមទាំង៥ ធ្វើឡើងចំពោះតែមន្ត្រីតូចតាច គ្មានខ្នងបង្អែកតែប៉ុណ្ណោះ។ ខ្ញុំយល់ថារាល់ការអនុវត្តច្បាប់ ត្រូវអនុវត្តពីលើចុះក្រោម បានន័យថាការទោសទ័ណ្ឌលើមន្ត្រីថ្នាក់លើដែលប្រព្រឹត្តខុស គឺជាសារដ៏សំខាន់ក្នុងការឈានទៅបំបាត់អំពើពុករលួយ ការបំពានអំណាចរបស់មន្ត្រីថ្នាក់ក្រោម។
#គណបក្សឆន្ទៈខ្មែរ - ជាប៉ូលនយោបាយថ្មី ជាជម្រើសថ្មី មានសញ្ញាព្រះអាទិត្យថ្មី!
