Khen.sophea

02/03/2024

ទេវទត្ត សុំព្រះពុទ្ធបញ្ញត្តិវិន័យ៥ចំនុច អោយភិក្ខុសង្ឃគោរពប្រតិបត្តិតាម តែព្រះទ្រង់ហាមមិនអនុញ្ញាត

29/02/2024

- មនុស្សខ្វះបុណ្យមិនសូវមាននរណាគេនឹកឃើញ
- ប្រេតខ្វះបុណ្យមិនមាននរណានឹកឃើញឧទ្ទិសកុសលអោយទេ
- មនុស្សខ្វះទឹកចិត្ត លំបាកជាងមនុស្សខ្វះបុណ្យទៅទៀត

24/02/2024

អោយទុក្ខគេ គេរមែងអោយទុក្ខយើងវិញ
អោយសុខគេ គេរមែងអោយសុខយើងវិញ
ពៀររម្ងាប់ដោយការមិនចង់ពៀរ អ្នកបៀតបៀនគ្នារមែងរស់នៅជាទុក្ខអស់កាលជាយូរអង្វែង ។

21/02/2024

17/02/2024

បេមតោ ជាយតី សោកោ បេមតោ ជាយតី ភយំ
បេមតោ វិប្បមុត្តស្ស នត្ថិ សោកោ កុតោ ភយំ។
សេចក្តីសោកកើតពីការស្រឡាញ់ ភ័យកើតពីការស្រឡាញ់ កាលបើរួចស្រឡះចាកការស្រឡាញ់ហើយសេចក្តីសោក ក៏លែងមាន ភ័យនឹងមានមកពីណា។
(បិយវគ្គ គាថាទី៥ ទ្រង់ប្រារព្ធរឿងនាងវិសាខា)

15/02/2024

មនុស្ស ៥ ប្រភេទ
- - - - - - - - - -

អ្នកស្រុកភាគច្រើនតែងតែនិយាយថា ខ្ញុំជាមនុស្សអភ័ព្វណាស់ ជួយគេមិនដែលបានគុណសោះ បានតែទុក្ខទោសមកខ្លួនឯងវិញ តើខ្ញុំបានសាងកម្មអីបានជាជួបតែរឿងបែបនេះចឹង?

ព្រះពុទ្ធទ្រង់បានត្រាស់សំដែង អំពីមនុស្ស ៥ ប្រភេទដែលមានដូចតទៅ :
1. មនុស្សនេរយិកោ : មនុស្សចិត្តដូចសត្វនរក
2. មនុស្សបេត្តោ : មនុស្សចិត្តដូចពពួកប្រេត
3. មនុស្សតិរច្ឆានោ : មនុស្សចិត្តដូចសត្វតិរច្ឆាន
4. មនុស្សមនុស្សោ : មនុស្សចិត្តជាមនុស្សធម្មតា
5. មនុស្សទេវោ : មនុស្សដែលមានចិត្តដូចទេវតា ។

ដូច្នេះមានន័យថា បើអ្នកធ្វើបុណ្យទៅមនុស្ស ៥ នាក់ មានតែមនុស្ស ១នាក់គត់ដែរដឹងគុណ ចំពោះ ១ នាក់ទៀត ដឹងគុណដោយពេលព្រោះចិត្តមនុស្សតែងរេម្តងល្អ ម្តងអាក្រក់ ចំណែកឯ ៣ នាក់ទៀត រមិលគុណហើយ។

សរុបសេចក្តីទៅ បើជួយគេហើយ មិនចាំបាច់ខ្វល់ពីគុណស្រ័យអីទេ តែបើខ្វល់ពីគុណស្រ័យនោះគឺមិនបាច់ជួយទេ ព្រោះដោយយោងតាមព្រះពុទ្ធត្រាស់សំដែង មានន័យថា ជួយមនុស្ស ៥ នាក់ រមិលគុណ ៤ នាក់ហើយ នេះហើយគឺមនុស្ស 🙏🙏🙏

# # # អ្វីៗ គ្រប់យ៉ាងមិនដូចគ្នាទេ # # #

15/02/2024

កាលាមសូត្រ
- - - - - - - -

កាលាមសូត្រ គឺ​ជា​សូត្រ​ដែល​ព្រះ​សម្មា​សម្ពុទ្ធ​ទ្រង់​សម្តែង​ដល់​អ្នក​ស្រុក​កាលាម​ នៅ​រដ្ឋ​កោសល។ កាលាម​សូត្រ ជា​គោល​ជំនឿ​ ដែល​ព្រះ​ពុទ្ធ​ជា​ម្ចាស់​មិន​ឲ្យ​យើង​ជឿ​ដោយ​ងប់​ងុល​គ្មាន​បញ្ញា​មក​ត្រិះរិះ​ពិចារណា​ទេ​ គឺ​ព្រះអង្គ​ឲ្យ​យើង​ជឿ​តាម​រយៈ​ការ​ឃើញ​នូវ​ការ​ពិត​មុន​នឹង​ជឿ​។ ជំនឿ​ទាំង​ ១០ ប្រការ​នោះ៖

១. កុំ​ជឿ​នូវអ្វីដែល​បាន​ស្តាប់ពាក្យគេនិយាយឮ​តៗគ្នា

២. កុំជឿនូវអ្វីដោយសារតែវាជាប្រពៃណី

៣. កុំជឿនូវអ្វីដែលជារឿងព្រេង ឬរឿងប្រឌិត

៤. កុំជឿនូវអ្វីដែលជាក្បួនតម្រា ឬគម្ពីរដីការផ្សេងៗ

៥. កុំជឿនូវអ្វីដែលជាពាក្យទំនាយទុក

៦. កុំជឿនូវអ្វីដែលគ្រាន់តែជាការស្មានហេតុផល

៧. កុំជឿនូវអ្វីដែលជាទិដ្ឋភាពខាងក្រៅ

៨. កុំជឿនូវអ្វីដែលស្របនឹងគំនិតរបស់ខ្លួន

៩. កុំជឿនូវបុគ្គលដែលចេះដឹងច្រើន ឬមានអំណាច

១០. កុំជឿនូវបុគ្គលជាគ្រូរបស់ខ្លួន។

សូមឲ្យបានសុខហើយចម្រើនផង 🙏🙏🙏

15/02/2024

បុគ្គលពាលកាត់ប្រយោជន៍ ទាំង២ យ៉ាង
- កាត់ប្រយោជន៍ បច្ចុប្បន្ន ១
- កាត់ប្រយោជន៍អនាគត ១

12/02/2024

ថ្ងៃ១៥ កើត ខែមាឃ ព្រះអង្គដាក់ព្រះជន្មាយុសង្ខារចំពោះមុខមារ
ថាចាប់ពីថ្ងៃនេះទៅ នៅសល់បីខែទៀត តថាគតនឹងបរិនិញ្វនហើយ ចូលមារមានចិត្តបាប មានការខ្វល់ខ្វាយតិចចុះ

09/02/2024

ទំនួញអានន្ទ

09/02/2024

ទីក្រុងសាវត្ថី សម័យព្រះពុទ្ធគង់នៅប្រជាជនមានចំនួន ៧ កោដិ បណ្ដាមនុស្សទាំងនោះ អ្នកដែលបានស្តាប់ធម៌របស់ព្រះសាស្តាហើយ បានទៅជាអរិយសាវកប្រមាណ ៥ កោដិ នៅជាបុថុជ្ជនប្រមាណ ២ កោដិ ។
បណ្ដាមនុស្សទាំងនោះ កិច្ចរបស់អរិយសាវកមានត្រឹមតែពីរយ៉ាងប៉ុណ្ណោះ គឺមុនភត្ត លោកថ្វាយទាន .ក្រោយភត្ត លោកមានដៃកាន់គ្រឿងសក្ការៈបូជា មានគ្រឿងក្រអូប និងផ្កាកម្រងជាដើម ហើយប្រើមនុស្សអោយកាន់ទេយ្យធម៌ មានសំពត់ ភេសជ្ជៈ និងទឹកបានៈជាដើម ទៅដើម្បីស្តាប់ធម៌ ។

27/01/2024

ន ហិ វេរន វេរានិ សម្មន្តីធ កុទាចនំ
អវេរេន ច សម្មន្តិ ឯស ធម្មោ សនន្តនោ ។

តាំង​ពី​កាល​ណា​មក ក្នុង​លោក​នេះ ពៀរ​ទាំង​ឡាយ​ មិន​រម្ងាប់ដោយ​ការ​ចង​ពៀរ​ឡើយ (ពិត​មែន) ពៀរ​ទាំង​ឡាយ​តែង​រម្ងាប់​ដោយ​ការ​មិន​ចង​ពៀរ នេះ​ជា​បវេណី​ធម៌ ។

26/01/2024

មហាគោតមសម្ពុទ្ធោ កុសិនារាយ និព្វុតោធាតុវិត្ថារកំ កត្វា តេ សុ តេ សុ វិសេសតោ ។
ព្រះគោតមបរមសម្ពុទ្ធដ៏ប្រសើរ ព្រះអង្គបរិនិព្វានហើយជិតក្រុងកុសិនារា ធ្វើនូវកិរិយាផ្សាយនូវព្រះសារីរិកធាតុក្នុងទីទាំងឡាយនោះៗដោយផ្សេងៗគ្នា ។
ឧណ្ហីសំ ចតស្សោ ទាឋា អក្ខកា ទ្វេ ច សត្តមា អសម្ភិន្នា វ តា សត្ត សេសា ភិន្នា វ ធាតុយោ ។
ព្រះសារីរិកធាតុទាំងឡាយនោះ ដែលមិនបែកចេញមាន៧អង្គគឺ ព្រះឧណ្ហីសធាតុ ១ ព្រះទាឋធាតុ៤ ព្រះអក្ខកធាតុ ២ ព្រះសារីរិកធាតុដ៏សេស ក្រៅពីនោះសុទ្ធតែបែងចេញ ជាចំណែកតូចៗ ។
- ព្រះបរមធាតុទាំងឡាយដែលបែកចេញ លោកពោលថាមាន ៣យ៉ាង គឺ ព្រះធាតុខ្នាតធំ វ៉ាល់បានចំនួន៥នាឡិ ព្រះធាតុខ្នាតកណ្ដាល វ៉ាល់បានចំនួន ៥នាឡិ ព្រះធាតុខ្នាតតូច វ៉ាល់បានចំនួន ៦នាឡិ ។
- ព្រះបរមធាតុទាំងឡាយ មានខ្នាតផ្សេងៗគ្នាយ៉ាងនេះគឺ ព្រះធាតុខ្នាតធំ មានទំហំប៉ុនកំណាត់គ្រាប់សណ្ដែកបាយ ព្រះបរមធាតុខ្នាតកណ្ដាល មានទំហំប៉ុនកំណាត់គ្រាប់អង្ករ ព្រះធាតុខ្នាតតូច មានទំហំប៉ុនគ្រាប់ស្ពៃ ។
- ព្រះបរមធាតុទាំងឡាយ មានព៌ណផ្សេងគ្នាយ៉ាងនេះគឺ ព្រះធាតុខ្នាតធំ មានព៌ណដូចមាស ព្រះធាតុខ្នាតកណ្ដាល មានព៌ណដូចកែវមុក្តា ព្រះធាតុខ្នាតតូច មានព៌ណដូចផ្កាម្លិះ ខ្ញុំព្រះករុណាសូមក្រាបថ្វាយបង្គំនូវព្រះធាតុទាំងឡាយនោះ ។
- ព្រះស្តូប ១ ប្រតិស្ឋាននៅក្នុងក្រុងរាជគ្រឺះ ព្រះស្តូប ១ ប្រតិស្ឋាននៅក្នុងក្រុងវេសាលី ព្រះស្តូប ១ ប្រតិស្ឋាននៅក្នុងក្រុងកបិលភ័ស្តុ ព្រះស្តូប ១ ប្រតិស្ឋាននៅក្នុងក្រុងអលកប្បកៈ ព្រះស្តូប ១ ប្រតិស្ឋាននៅក្នុងរាមគ្រាម ព្រះស្តូប១ ប្រតិស្ឋាននៅក្នុងវេដ្ឋទីបកៈ ព្រះស្តូប១ ប្រតិស្ឋាននៅក្នុងបាវេយ្យកៈ ក្នុងមល្លរដ្ឋជនបទ ព្រះស្តូប ប្រតិស្ឋាននៅក្នុងក្រុងកុសិនារា ។
- ព្រះស្តូបទាំង៨នុ៎ះ ជាព្រះស្តូបបញ្ចុះព្រះបរមសារីរិកធាតុ ប្រតិស្ឋាននៅក្នុងជម្ពូទ្វីប ខ្ញុំព្រះករុណាសូមក្រាបថ្វាយបង្គំនូវព្រះបរមធាតុទាំងឡាយ ក្នុងព្រះស្តូបទាំង ៨ នោះ ដែលទេវតា និងមនុស្សទាំងឡាយតែងបូជា ។
- ព្រះទាឋធាតុអង្គ ១ ប្រតិស្ឋាននៅក្នុងឋានត្រៃត្រិង្ស ព្រះទាឋធាតុអង្គ ១ ប្រតិស្ឋាននៅក្នុងពិភពនាគ ព្រះទាឋធាតុអង្គ ១ ប្រតិស្ឋាននៅក្នុងគន្ធាររដ្ឋ ព្រះទាឋធាតុអង្គ ១ ប្រតិស្ឋាននៅក្នុងសីហឡទ្វីប ។
- ព្រះទាឋធាតុទាំងឡាយនេះ របស់ព្រះបរមសាស្តា ប្រតិស្ឋាននៅក្នុងទីទាំងឡាយ ៤ កន្លែង ខ្ញុំព្រះករុណា សូមក្រាបថ្វាយបង្គំនូវព្រះធាតុទាំងឡាយដែលទេវតា និងមនុស្សតែងបូជា ។
- ព្រះទាឋធាតុស្តាំខាងលើ ប្រតិស្ឋាននៅក្នុងឋានតាវតឹង្ស ព្រះទាឋធាតុស្តាំខាងក្រោមប្រតិស្ឋាននៅក្នុងសីហឡទ្វីប ព្រះទាឋធាតុឆ្វេងខាងលើប្រតិស្ឋាននៅក្នុងដែនគន្ធារៈ ព្រះទាឋធាតុឆ្វេងខាងក្រោម ប្រតិស្ឋាននៅក្នុងពិភពនាគ ខ្ញុំព្រះករុណាសូមក្រាបថ្វាយបង្គំនូវព្រះធាតុទាំងឡាយដែលទេវតា និងមនុស្សតែងបូជា។
- ព្រះទុស្សធាតុ ព្រះអក្ខកធាតុខាងឆ្វេង ប្រតិស្ឋាននៅក្នុងព្រហ្មលោក ព្រហ្មទាំងឡាយទាំងអស់គ្នា តែងបូជានូវព្រះស្តូបកម្ពស់ ១២ យោជន៍ ដែលបញ្ចុះនូវព្រះធាតុទាំងនោះ ។
- ទេវតាទាំងឡាយទាំងពួង ដែលជាអ្នកជ្រះថ្លាក្នុងព្រះពុទ្ធសាសនា តែងបូជានូវព្រះកេសធាតុ ដែលប្រតិស្ឋាននៅក្នុងចូឡាមណីចេតិយ របស់ទេវតាទាំងឡាយក្នុងឋានត្រែត្រឹង្ស ខ្ញុំព្រះករុណា សូមក្រាបថ្វាយបង្គំនូវព្រះធាតុទាំងឡាយ ដែលទេវតា និងមនុស្សទាំងឡាយតែងបូជា ។
- ព្រះទន្តធាតុទាំងឡាយ ៤០គត់ផង ព្រះកេសធាតុទាំងឡាយផង ព្រះលោមធាតុទាំងឡាយផង ព្រះនខធាតុទាំងឡាយផង ទេវតាទាំងឡាយនាំទៅនូវព្រះធាតុ ១ អង្គៗ កាន់ចក្រវាឡដទៃ និងដទៃ គឺព្រះធាតុ ១ អង្គៗ ក្នុងចក្រវាឡមួយៗ ខ្ញុំព្រះករុណា សូមក្រាបថ្វាយបង្គំនូវព្រះធាតុទាំងឡាយ ដែលទេវតា និងមនុស្សទាំងឡាយតែងបូជា។
- នាកាលព្រះពុទ្ធសករាជបាន ២១៨ ឆ្នាំ មានមហាក្សត្រមួយអង្គទ្រង់ព្រះនាមធម្មាសោក ក្នុងកាលនោះ ព្រះអង្គបានកសាងព្រះចេតិយចំនួន ៨ មុឺន ៤ ពាន់ ខ្ញុំព្រះករុណា សូមក្រាបថ្វាយបង្គំនូវព្រះធាតុទាំងឡាយ ( ក្នុងព្រះចេតិយ ទាំងនោះ) ដែលទេវតា និងមនុស្សទាំងឡាយតែងបូជា ។

-

23/01/2024

មនុស្ស ៥ ប្រភេទ
- - - - - - - - - -

អ្នកស្រុកភាគច្រើនតែងតែនិយាយថា ខ្ញុំជាមនុស្សអភ័ព្វណាស់ ជួយគេមិនដែលបានគុណសោះ បានតែទុក្ខទោសមកខ្លួនឯងវិញ តើខ្ញុំបានសាងកម្មអីបានជាជួបតែរឿងបែបនេះចឹង?

ព្រះពុទ្ធទ្រង់បានត្រាស់សំដែង អំពីមនុស្ស ៥ ប្រភេទដែលមានដូចតទៅ :
1. មនុស្សនេរយិកោ : មនុស្សចិត្តដូចសត្វនរក
2. មនុស្សបេត្តោ : មនុស្សចិត្តដូចពពួកប្រេត
3. មនុស្សតិរច្ឆានោ : មនុស្សចិត្តដូចសត្វតិរច្ឆាន
4. មនុស្សមនុស្សោ : មនុស្សចិត្តជាមនុស្សធម្មតា
5. មនុស្សទេវោ : មនុស្សដែលមានចិត្តដូចទេវតា ។

ដូច្នេះមានន័យថា បើអ្នកធ្វើបុណ្យទៅមនុស្ស ៥ នាក់ មានតែមនុស្ស ១នាក់គត់ដែរដឹងគុណ ចំពោះ ១ នាក់ទៀត ដឹងគុណដោយពេលព្រោះចិត្តមនុស្សតែងរេម្តងល្អ ម្តងអាក្រក់ ចំណែកឯ ៣ នាក់ទៀត រមិលគុណហើយ។

សរុបសេចក្តីទៅ បើជួយគេហើយ មិនចាំបាច់ខ្វល់ពីគុណស្រ័យអីទេ តែបើខ្វល់ពីគុណស្រ័យនោះគឺមិនបាច់ជួយទេ ព្រោះដោយយោងតាមព្រះពុទ្ធត្រាស់សំដែង មានន័យថា ជួយមនុស្ស ៥ នាក់ រមិលគុណ ៤ នាក់ហើយ នេះហើយគឺមនុស្ស 🙏🙏🙏

21/01/2024

គាមេ វា យទិ វា រញ្ញេ និន្នេ វា យទិ ថលេ យត្ថ អរហន្តោ វិហរន្តិ តំ ភូមិរាមណេយ្យកំ ។
ព្រះអរហន្តទាំងឡាយ នៅក្នុងទីណា ទោះជាស្រុកក្តី ព្រៃក្តី ទីទាបក្តី ទីទួលក្តី ទីនោះឯងជាភូមិគួរត្រេកអរ ។

17/01/2024

ព្រះអាទិត្យរៈហើយ តែងលិចទៅវិញជាធម្មតា , ជីវិតសព្វសត្វកើតមកហើយ ក៏តែងស្លាប់ទៅវិញជាធម្មតា , ស្លឹកឈើលាស់ត្រួយខ្ចីក៏រមែងទុំជ្រុះចាកទងដែរ នេះជាច្បាប់ធម្មជាតិ ។

13/01/2024

ព្រះវិន័យឋិតនៅដរាបណា ព្រះសាសនាក៏ឋិតនៅដរាបនោះដែរ

09/01/2024

កុមារាម្នាក់ កើតក្នុងត្រកូលក្រីក្រតោកយ៉ាក ប៉ុន្តែមាននិស្ស័យចូលបួស ក្រោយមកលោកសិក្សាប្រតិបត្តិធម្មវិន័យត្រូវ និងប្រព្រឹត្តល្អ ក៏បានសម្រេចជាព្រះអរហន្ត។

ភិក្ខុទាំងឡាយទូលសួរព្រះពុទ្ធថា បុគ្គលមានឧបនិស្ស័យល្អយ៉ាងនេះ ហេតុអ្វីក៏កើតក្នុងត្រកូលតោកយ៉ាកម្ល៉េះព្រះអង្គ?
ព្រះពុទ្ធទ្រង់តបថា ជលជាតិមានផ្កាឈូកជាដើម តែងដុះចាកទឹក និងភក់ ប៉ុន្តែក្រោយពេលលូតផុតទឹកហើយ តែងក្លាយជាផ្កាបរិបូណ៌ដោយក្លិននិងពណ៌ មិនប្រឡាក់ដោយមន្ទិលទៀតទេ យ៉ាងណាមិញ មនុស្សយើង ឲ្យតែមានការសិក្សាត្រូវ ប្រតិបត្តិត្រូវ លទ្ធផលពិតជាថ្លៃថ្លាដូចជាផ្កាឈូកដូច្នោះ។ វណ្ណៈ ឬត្រកូល មិនអាចរារាំងបុគ្គលមិនឲ្យធ្វើសេចក្តីល្អបានឡើយ ហើយវាក៏មិនអាចប្រឡាក់ដល់ចិត្តរបស់បុគ្គលអ្នករួចចាកអាសវៈកិលេសដែរ។

អាស្រ័យហេតុដូច្នេះ ទោះជាអ្នកកើតក្នុងត្រកូលក្រីក្រយ៉ាងណា សូមកុំអស់សង្ឃឹមក្នុងការកសាងដំណើរជីវិតរបស់អ្នក គួរយកតម្រាប់ផ្កាឈូក។
- អ្នកដែលបានអប់រំចិត្ត ហ្វឹកហាត់ចិត្ត ទូន្មានចិត្ត ចិត្តរមែងស្ងប់ សប្បាយរីករាយ ត្រជាក់ទាំងកាយ ត្រជាក់ទាំងចិត្ត ហើយមិនក្តៅក្រហាយ ។

09/01/2024

(ពេលវេលាដើរលឿនណាស់ ហើយក៏វាប្រែប្រួលទៅតាមថ្ងៃខែឆ្នាំ ព្រមជាមួយនិងអាកាសធាតុផងដែរ)
- រមណីយានិ អរញ្ញានិ យត្ថ ន រមតី ជនោ វីតរាគា រមេស្សន្តិ ន តេ កាមគវេសិនោ ។
ជន អ្នកស្វែងរកកាម រមែងមិនត្រេកអរក្នុងព្រៃ ដែលគួររីករាយទេ ព្រះខីណាស្រពដែលមានរាគៈទៅប្រាស់ហើយទើបត្រេកអរក្នុងព្រៃនោះ ព្រោះលោកជាអ្នកមិនស្វែងរកកាម ។
- ឥជ្ជេវ កិច្ឆិមា កោជញ្ញា មរណំសុវេ នរណាទៅដឹងថា ថ្ងៃស្អែកនឹងត្រូវស្លាប់នោះ !

09/12/2023

មានហេតុទើបមានផល ហេតុយ៉ាងណាផលក៏យ៉ាងនោះដែរ។
ជឿកម្មនិងផលហើយទើបឲ្យទាន