06/09/2024
Busan ဟာ တောင်ကိုရီးယားနိုင်ငံရဲ့ ဒုတိယအကြီးဆုံးမြို့ဖြစ်ပြီး ကမ်းရိုးတန်းတစ်လျှောက် ကြည့်ရှုအပန်းဖြေဖို့ နေရာများစွာရှိတာကြောင့် သွားရောက်လည်ပတ်ဖို့ အလွန်ရေပန်းစားတဲ့ နေရာတစ်ခုဖြစ်ပါတယ်။ ဒီနေ့မှာတော့ ဘူဆန်မြို့ကို ရောက်ရင် သွားရောက်လည်ပတ်သင့်တဲ့ နေရာများစွာထဲက ထိပ်တန်းနေရာ 6 နေရာကို ရွေးချယ်ထားပါတယ်။ ဘူဆန်ကိုသွားချင်နေတယ်ဆိုရင် ဘယ်နေရာတွေက ကောင်းလဲဆိုတာကို ပြောပြမှာမလို့ ဆက်ပြီးဖတ်ကြည့်ကြည့်လိုက်ပါဦးဗျ။
1. Gamcheon ယဉ်ကျေးမှုကျေးရွာ
Busan ရောက်လို့ သွားသင့်တဲ့ အကောင်းဆုံးအရာတွေထဲက တခုကတာ့ နာမည်ကြီး Gamcheon ယဉ်ကျေးမှုရွာ (감천문화마을) ကို လည်ပတ်ဖို့ဘဲ ဖြစ်ပါတယ်။ ဒီကျေးရွာကို 1920 ခုနှစ်တွေအတွင်း တည်ဆောက်ခဲ့တဲ့ ရပ်ကွက်တစ်ခုဖြစ်ပြီး ယခုအခါ ဆေးသုတ်ထားတဲ့ အဆောက်အဦးတွေနဲ့ လမ်းမတွေထက်က နံရံဆေးရေးပန်းချီတွေကြောင့် လူသိများတဲ့ ကျေးရွာတခု ဖြစ်ပါတယ် ။ ဒီဧရိယာဟာ ယခင်က ဘူဆန်ရှိ အခြေခံလူတန်းစားတွေ နေထိုင်ရာ ရပ်ကွက်တခုဖြစ်ပြီး ၂၀၀၉ ခုနှစ်မှာတော့ ခရီးသွားလာရေး ဝန်ကြီးဌာနမှ ရွာကို အနုပညာနဲ့ပေါင်းစပ်ဖန်တီးခဲ့ပါတယ်။ အဲ့အချိန်ကစပြီး ကိုရီးယားအနုပညာရှင်အများအပြားဟာ ရွာအနှံ့ နံရံ ဆေးရေးပန်းချီတွေ အပြင် ပန်းချီကားများစွာကိုလဲ ရေးဆွဲခဲ့ကြပါတယ်။ Gamcheon ရွာကို ကမ္ဘာလှည့်ခရီးသည်တွေ အနေနဲ့ ကိုရီးယား တီဗီရှိုးတွေနဲ့ K-dramas တွေမှာပါတဲ့ နေရာတွကို အများဆုံး သွားရောက်ကြပါတယ်။ Gamcheon ယဉ်ကျေးမှုရွာရဲ့ မြေမျက်နှာသွင်ပြင်ကြောင့် မတ်စောက်တဲ့ တောင်ကုန်းတွေပေါ်ကို တက်ဖို့ လှေကားထစ်တွေ ရှိပေမယ့် လမ်းလျှောက်ဖို့ ခက်ခဲနိုင်တာကို သတိပြုပါ။
လိပ်စာ- 200၊ Gamnae 1-ro၊ Saha-gu၊ Busan (부산၊ 사하구၊ 감내 1로၊ 200)
အနီးဆုံးမြေအောက်ရထားဘူတာ- Toseong station (မြေအောက်ရထားလိုင်း 1)၊ ထွက်ပေါက် 6။ (토성역 출구)။ ဘူတာရုံကနေ ယဉ်ကျေးမှုကျေးရွာကို ဆက်သွယ်ထားတဲ့ ဘတ်စ်ကားကတော့ ဘူဆန်တက္ကသိုလ် ဆေးရုံကားဂိတ် (부산대학교병원 정류장) ကနေ ထွက်တာဖြစ်ပါတယ်။ ဘတ်စ်ကားမှတ်တိုင်ကို ဘူတာရုံထွက်ပေါက်ကနေ တစ်မိနစ်ခန့် လမ်းလျှောက်သွားနိုင်ပါ။
အနီးဆုံးဘတ်စ်ကားမှတ်တိုင်- Gamcheong မူလတန်းကျောင်း၊ Gamcheon ယဉ်ကျေးမှုကျေးရွာ ဘတ်စ်ကားမှတ်တိုင် – Seogu 2 (감청초등학교၊ 감청문화마을정류장၊ 서구 2)
2. Bupyeong Kangtong ရိုးရာဈေး
Bupyeong Kangtong ဈေး (부평깡통시장) ဟာ ဘူဆန်မှာ ပထမဆုံးဖွင့်တဲ့ ညဈေးဖြစ်ပါတယ် ။ ဒီရိုးရာဈေးကို 1910 ခုနှစ်တွေကတည်းက လည်ပတ်နေခဲ့တာ ဖြစ်ပါတယ်။ ဒီစျေးဟာ နှစ်ပေါင်းတစ်ရာကျော် သမိုင်းကြောင်း ရှိပြီး နိုင်ငံခြားခရီးသွားတွေ လာရောက်မှု နည်းပါးပေမယ့် ကိုရီးယားလူမျိုးများတွေကတော့ အလွန်နှစ်သက်ကြပါတယ်။
လိပ်စာ- 82၊ Bupyeong 2-gil၊ Jung-gu၊ Busan
부산၊ 중구၊ 부평 2길၊ 82
အနီးဆုံးမြေအောက်ရထားဘူတာ- Jagalchi Station (Busan မြေအောက်ရထားလိုင်း 1)၊ ထွက်ပေါက် 3။ (자갈치여) 출 ဘူတာရုံမှ ၁၀ မိနစ်ခန့် လမ်းလျှောက်ရင် ရောက်ပါပြီ။
အနီးဆုံးဘတ်စ်ကားမှတ်တိုင်- Bupyeong Market ဘတ်စ်ကားမှတ်တိုင်။
စျေးဖွင့်ချိန်- နေ့စဉ် ည ၇း၃၀ မှ ၁၁း၃၀ ထိ
3. Haedong Yonggungsa ဘုရားကျောင်း
Haedong Yonggungsa ဘုရားကျောင်း (해동 융궁사) ဟာ ကိုရီးယားနိုင်ငံရဲ့ အလှဆုံးဘုရားကျောင်းလို့ ဆိုကြပါတယ်။ ဒီဘုရားကျောင်းဟာ တခြားဘုရားကျောင်း အများစုနဲ့ မတူဘဲ တောင်ပေါ်မှာ တည်ရှိတာ မဟုတ်ဘဲ ဘူဆန်ရဲ့ ကမ်းရိုးတန်းမှာ တည်ရှိတာကြောင့် ထူးခြားပါတယ်။ Yonggungsa ဘုရားကျောင်းဟာ နှစ်ပေါင်း 600 ကျော် သမိုင်းကြောင်းရှိပြီး 1376 ခုနှစ် အစောပိုင်းမှာ တည်ဆောက်ခဲ့တယ်လို့ ယူဆရပါတယ်။ ဒဏ္ဍာရီများအရ ဂေါင်မင်းဘုရင်ရဲ့ အတိုင်ပင်ခံပုဂ္ဂိုလ်ဖြစ်တဲ့ ဘုန်းကြီး Naong ဟာ အိပ်မက်ထဲမှာ ပင်လယ် နတ်ဘုရားက သမုဒ္ဒရာဘေးမှာ ဗိမာန်ဆောက်ပြီး အဲဒီနေရာမှာ ဆုတောင်းရင် ပြည်သူတွေ ဆင်းရဲဒုက္ခကင်းကင်းနဲ့ နေနိုင်မယ်လို့ ပြောခဲ့တယ်လို့ မက်ခဲ့ပါတယ်။ ဒီရှေးခေတ် ဒဏ္ဍာရီအရ Yonggungsa ဘုရားကျောင်းရဲ့ တည်နေရာကို သတ်မှတ်ခဲ့ခြင်း ဖြစ်ပါတယ်။
ယနေ့အထိ Haedong Yonggungsa မှာ ထူးခြားတဲ့ ဘာသာရေး ဓလေ့ထုံးတမ်းများကို ဆက်လက်ထိန်းသိမ်းထား ပါတယ်။Yonggungsa ရဲ့ သမိုင်းကြောင်းနဲ့အတူ ဗိသုကာအလှတရားတွေနဲ့ ရင်သပ်ရှုမောဖွယ် ပင်လယ်ရှုခင်းတွေဟာ တောင်ကိုးရီးယားမှာ အကျော်ကြားဆုံး ဘုရားကျောင်းတွေထဲက တခုအဖြစ် ဆက်လက်တည်ရှိနေပါတယ်။ ဒီနေရာကို လာလည်ပြီး ဘူဆန်မှာ ရှိတဲ့ ကိုရီးယားရိုးရာ ဓလေ့ယဥ်ကျေးမှုတွေကို လေ့လာနိုင်မှာဘဲ ဖြစ်ပါတယ်။
လိပ်စာ- 86၊ Yonggung-gil၊ Gijang-eup၊ Gijang-gun၊ Busan 46083
46083 부산, 기장군, 기장읍, 용궁길, 86
အနီးဆုံးမြေအောက်ရထားဘူတာ- Songjeong ဘူတာ၊ ထွက်ပေါက် 2။ (송정역 출구 2번. 송정2 휴먼시아 정류장). ဒီဘူတာရုံ ထွက်ပေါက်ကနေ ဘုရားကျောင်းကိုသွားဖို့ Songjeong 2 Hyumeonshia ဘတ်စ်ကား (09005) ကိုတက်စီးရပါမယ်။ ဘတ်စ်ကားမှတ်တိုင်ကိုိုရထားဘူတာရုံ ထွက်ပေါက်ကနေ ၄ မိနစ်ခန့် လမ်းလျှောက်ရပါတယ်။
အနီးဆုံးဘတ်စ်ကားမှတ်တိုင်- Yonggungsa၊ National Academy of Aquatic Sciences ဘတ်စ်ကားမှတ်တိုင် (09039)။ (용궁사၊ 국립수산과학원 정류장 09039)။ ကားဂိတ်ကနေ ဘုရားကျောင်းကို လမ်းလျှောက်ဖို့ ၁၀ မိနစ်ခန့် ကြာပါတယ်။
ဘုရားကျောင်းကို နေ့စဉ် နံနက် ၄း၃၀ မှ ည ၈း၃၀ နာရီအထိ ဖွင့်လှစ်ထားပြီး အခမဲ့လာရောက်ကြည့်ရှုနိုင်ပါတယ်။
ဒီနေ့ကတော့ ဘူဆန်မြို့က ထိပ်တန်းနေရာ 6 နေရာထဲက (3 နေရာ) ကို ပြောပြသွားတာ ဖြစ်ပါတယ်။ နောက်ထပ်ကျန်နေသေးတဲ့ 3 နေရာကို နောက်ေန့မှာ ကျွန်တော်တို့ MyanGoal Travel ကနေ တင်ဆက်ပေးသွားမှာမလို့ စောင့်မျှော်နေကြပါနော်။
