Let’s Visit Laos by Aladdin

30/08/2024

Welcome to southern
Germany guests

25/05/2024

Third day Luang Brabang trip with Aladdin 😊🥰

24/05/2024

First and second Day

31/03/2024

ឧទ្យានទឹកធ្លាក់ក្វាងស៊ីជាទឹកធ្លាក់ដែលស្រស់ស្អាតបំផុតរបស់ប្រទេសឡាវដែលស្ថិតនៅក្នុងខេត្តលួងប្រាបាង ភាគខាងជើងនៃប្រទេស។
ឧទ្យាននេះមានចំងាយប្រហែល ៣០ គីឡូពីទីរួមខេត្តលួងប្រាបាង ដែលជាខេត្តបេតិកភណ្ឌពិភពលោក អ្នកទេសចរអាចទៅដល់ទឹកធ្លាក់ដោយប្រើរថយន្ត ១៥ កៅអី តុកតុក រថយន្តផ្ទាល់ខ្លួន ម៉ូតូជួល (បញ្ជាក់រថយន្តលើលពី ១៥ កៅអីមិនអនុញ្ញាតនោះទេ) ក្វាងស៊ីបើចូលទស្សនាម៉ោង ៨ និង បិទម៉ោង ៥ និង ៣០ នាទី។
ក្នុងឧទ្យានក្វាងស៊ីយើងអាចទស្សនាទឹកធ្លាក់ លេងទឺកធ្លាក់ ទស្សនាសួនមេអំបៅ ទស្សនាខ្លាឃ្មំ ព្រមទាំងព្រៃស្រោងដ៍ស្រសស្អាត។ ថ្លៃសំបុត្រចូលទស្សនា ២០០០០ គិប សម្រាប់ជនជាតិឡាវ និង ៦០០០០ គិប សម្រាប់បរទេ។

19/03/2024

10/03/2024

ថ្ងៃនេះអាឡាឌីន បាននាំបងប្អូនយើងមកលេងទីក្រុងលួងប្រាបាង ដែលជាទីក្រុងបេតិកភ័ណ្ឌ ពិភពលោក។
សម្រាប់បងប្អូនដែលមានបំណងចង់មកលេងឡាវ អាចទំនាក់ទំនងដោយផ្ទាល់តាមរយះផេក អាឡាឌីន យើងមានសេវាកម្ម:
👉លក់កញ្ចប់ទេសចរណ៍ជុំវិញឡាវ
👉កក់សំបុត្រយន្តហោះ និងរថភ្លើង
👉 រថយន្តជួលគ្រប់ប្រភេទ

23/02/2024

បងប្អូនខ្មែរយើងមួយចំនួនដែលបានទៅលេងនៅភាគខាងត្បូងប្រទេសឡាវ ដែលមានព្រំប្រទល់ជាប់និងខេត្តស្ទឹងត្រែង ប្រហែលជាស្គាល់ទឹកធ្លាក់ហ្វានឬតាតហ្វានក្នុងទឹកដីស្រុកប៉ាកសង តើបងប្អូនដឹងទេហេតុអ្វីបានគេហៅថាតាតហ្វានហើយមានប្រវត្តិយ៉ាងណា?
ពាក្យថាតាតសំដៅលើ ទឹកធ្លាក់ឬទឹកជ្រោះ ហើយពាក្យថាហ្វាន មានន័យថា សត្វក្តាន់ ។ តាតហ្វានគឺជាទឹកធ្លាក់ដែលមានកំពស់ខ្ពស់ជាងគេក្នុងប្រទេសឡាវ ប្រហែល 120 ម៉ែត្រ កើតចេញពីទឹកអូរចំនួនពីរដែលហូរធ្លាក់ទៅជ្រោះតែមួយគឺ អូរបាងលៀង និង អូជីប បង្កើតបានជាទឹកធ្លាក់ពីរខ្សែរ។ មូលហេតុដែលគេហៅថាហ្វានដោយសារពីមុនសំបូរទៅដោយសត្វក្តាន់ចូលចិត្តរកស៊ីនិងប្រលែងគ្នាលេងនៅមាត់អូរ ថ្ងៃមួយមានភ្លៀងធ្លាក់ខ្លាំង បណ្តាលអោយទឹកឡើង និងហូរជាខ្លាំង តែក្តាន់នៅតែឆ្លងកាត់ទៅមកទាំងទឹកហូរខ្លាំងបណ្តាលអោយទឹកគួចធ្លាក់ចូលជ្រោះបោកក្បាលស្លាប់ ចាប់ពីពេលនោះមកប្រជាជនក៍នាំគ្នាហៅថា តាហ្វាន ឬទឹកធ្លាក់ហ្វាន។
ទឹកធ្លាក់ហ្វានមានចំងាយប្រហែល 35 គីឡូម៉ែតពីទីក្រុងប៉ាកសេ នៅទីនោះយើងអាចញាំកាហ្វេគយគន់ទឹកធ្លាក់ និងធម្មជាតិដល់ស្រស្អាត់ តែចំនុចពិសេសដែលអ្នកទេសចរចូលចិត្តទៅតាតហ្វានគឺ ជិះខ្សែររ៉ត ៕

15/02/2024

ប៉ាក់ទូសៃ Patuxay ដែល ប៉ាក់ទូមានន័យថាទ្វារ ហើយសៃមានន័យថាជ័យ ដូច្នេះប៉ាកទូសៃ មានន័ថាទ្វារជ័យ ជាសំណង់អគារប្រវត្តិសាស្ត្ររបស់ឡាវ ដែលបានសាងសង់ឡើងក្នុងអំឡុងឆ្នាំ ១៩៥៧ ដក់ ១៩៦៨ នៅចំកណ្តាល់រដ្ឋធានីនៃប្រទេសក្នុងគោលបំណងតំណាងអោយការប្រកាសឯករាជ្យពីអាណានិគមបារាំង និងរំលឹកដល់ការបូជាជីវិតរបស់ទាហានឡាវដែលបានស្លាប់បាត់បងជីវិតក្នុងសង្គ្រាមលោកលើកទី២ និង សង្គ្រាមជាមួយបារាំងក្នុងឆ្នាំ ១៩៤៩។
ប៉ាក់ទូសៃមានកំពស់៤៩ម៉ែត្រ មានរាងស្រដៀងនិង Arc de Triomphe របស់បារាំង តែមានកំពស់ខ្ពស់ និងទំហំធំជាង ហើយរចនាតាមបែបបទរបស់ឡាវនៃពុទ្ធ ហីឌូ និង វិស្ណុ សាសនារួមបញ្ចូលគ្នា។
ឥលូវ ប៉ាកទូសៃបានក្លាយជាតំបន់ទេសចរដ៍មានសក្តានុពលមួយរបស់រដ្ឋធានីវៀងច័ន្ទ ដែលទាក់ទាញទាំងភ្ញៀវជាតិ និង អន្តរជាតិ មកទស្សនា។ ភ្ញៀវទេសចរណ៍អាចឡើងទៅជាន់ខាងលើដើម្បីផ្តិតយករូបភាពទាំងមូលនៃទីក្រុងវៀងច័ន្ទ ហើយនៅជាន់កណ្តាលអាចគយគន់រូបគំនូរ និង រូបភាពផ្សេងៗអមជាមួយអត្តបទដែលពាក់ព័ន្ទនិងតំបន់ទេសចរណ៍ផ្សេងៗមានក្នុងប្រទេសឡាវ។ តម្លៃសំបុត្រចូលមើលផ្នែកខាងក្នុង និងលើងទៅមើលទស្សនីយភាពប៉ាក់ទូសៃ សម្រាប់ជនបរទេស ៣០០០០ គីប សម្រាប់ជនជាតិឡាវ ៥០០០ គីប។

04/02/2024

ភាគខាងត្បូងនៃប្រទេសជាប់ជាមួយព្រំប្រទល់កម្ពុជា កោះបួនពាន់ឬជាភាសាឡាវគេហៅថាស៊ីផាន់ដន គឺជាតំបន់ទេសចរណធម្មជាតិ និងប្រវត្តិសាស្ត្រដែលជាទីចាប់អារម្មណ៌យ៉ាងខ្លាំងក្នុងខ្សែរភ្នែកភ្ញៀវទេសចរបរទេស ជាពិសេសគឺភ្ញៀវទេសចរមកពីលោកខាងលិច។ ទីនេះគេហៅថាកោះបួនពាន់ ដោយសារផ្ទៃដ៍ធំធេងនៃទឹកទន្លេមេគង្គដែលបានបែកសាចលាតសណ្ធឹង ហើយបង្កើតទៅជាកោះតូចធំជាច្រើនមានប្រហែលបួនពាន់កោះ។ ទោះបីវាមានប្រហែល បួនពាន់កោះ ប៉ុន្តែកោះដែលភ្ញៀវទេសចរនិយមទៅដើរកម្សាន្ត និង សម្រាកលំហែរច្រើនជាងគេមានតែកោះដេត និង កោះខន តែប៉ុណ្ណោះ កោះទាំងពីរនេះតភ្ជាប់គ្នាដោយស្ពានបុរាណសម័យបារំាង។ ផ្លូវក្រវ៉ាត់ជាច្រើនខ្សែរជុំវិញកោះត្រូវបានកសាងឡើងយ៉ាងស្រស់ស្អាត និង បង្ករភាពងារស្រួលដល់ប្រជាជន និង ភ្ញៀវទេសចរ។ សកម្មភាពសំខាន់ៗសម្រាប់ភ្ញៀវទេសចរនៅលើកោះមានដូចជា ជិះកង់ជុំវិញកោះមើលក្បាលរថភ្លើង និង ទីតាំងនាវាចាស់សម័យបារាំង ជិះខាយយ៉ាក់ ជិះទូក ថ្មើរជើង អង្គុយគយគន់ថ្ញៃលិច មើលការនេសាទរបស់ប្រជាជន លើសពីនេះនៅពេលរាត្រីមានភោជនីយដ្ឋាន និងបាតូចៗស្តាយអឺរ៉ុបដើម្បីជជែក រាំលេងកម្សាន្ត និងរិករាយជាមួយបៀរឡាវ។

14/12/2023

ប្រាសាទវត្តភូមានទីតាំងស្ថិតនៅក្នុង ស្រុកចំប៉ាសាក់ ខេត្តចំប៉ាសាក់ប្រទេសឡាវ ត្រូវបានសាងសង់ក្នុងអំឡុងសតវត្សទី១១ ដល់សតវត្សទី១៣ ក្នុងរាជ្យព្រះរាជាច្រើនអង្គ ដូចជាព្រះបាទយសោវរ្ម័នទី១ ព្រះបាទសូរ្យវរ្ម័នទី១ ព្រះបាទសូរ្យវរ្ម័នទី២ និងព្រះបាទភវវរ្ម័នទី១ ដែលរូបរាង ស្រដៀងគ្នាយ៉ាងខ្លាំងទៅនឹងប្រាសាទព្រះវិហារ ដែលស្ថិតនៅលើភ្នំ ដងរែកខាងទឹកដីកម្ពុជា។ស្ថាបត្យកម្មប្រសាទត្រូវបានកសាងក្នុងរចនាបថប្រាសាទកោះកេរ្តិ៍និងបាពួន សម្រាប់ឧទ្ទិសដល់ព្រះសិវៈ និងព្រះវិស្ណុ ស្ថិតលើភ្នំដែលមានកម្ពស់ ២០០ម៉ែត្រ ប្រាសាទនេះជាប្រាសាទភ្នំ ដែលបែរមុខទៅទិសខាង កើតមានរាងជាក្រចាប់សេះ។ស្ថាបត្យកម្មដែលភាពអស្ចារ្យគឺជណ្ដើរបុរាណជាថ្មដាជាថ្នាក់ៗមានប្រវែង ១៣០០ម៉ែត្រ ប្រកបដោយក្បាច់រចនាយ៉ាងល្អឯក។
ប្រសិនបើបងប្អូនប្រជាពលរដ្ឋចង់ទៅទស្សនាប្រសាទមួយនេះយើងធ្វើដំណើរតាមរយ:រថយន្តបានដោយ មានចម្ងាយប្រហែល ៦៣០ គីឡូម៉ែត្រពីរាជធានីភ្នំពេញ ឬចំងាយ ២៥០គីឡូម៉ែត្រពីទីរួមខេត្តស្ទឹងត្រែង ប្រទេសកម្ពុជាយើង។
បន្ទាប់មកយើងត្រូវធ្វើដំណើរដោយម៉ូតូឬរថយន្តក៏បាន ចំងាយ ៤៥គ.ម ឬ ៥០នាទីពីទីក្រុងប៉ាក់សេ តាម បណ្ដោយទន្លេមេគង្គ។ ពិសេសជាងនេះទៅទៀត តាមផ្លូវធ្វើដំណើរភ្ញៀសទេសចរនឹងបានគយគន់ផ្ទះ បែបជនបទនិងទេសភាពវាលស្រែខៀវស្រងាត់ ជាមួយសកម្មភាពដកស្ទូងរបស់ប្រជាកសិករឡាវ អមជាមួយភ្នំហំព័ទ្ធដោយផ្សែងអ័ព្ទនៅខាងក្រោយដាច់កន្ទុយភ្នែក ។ សម្រាប់តម្លៃសំបុត្រជនបរទេសគឺ ៥០,០០០ គីប ប្រហែល១០,០០០ រៀល

24/11/2023

ប៉ាកសងគឺជាស្រុកមួយស្ថិតនៅក្នុងខេត្តចំប៉ាសាក់ មានចំងាយប្រហែល 30 គីឡូពីទីក្រុងប៉ាកសេ ជាស្រុកដែលគេស្គាល់ថា សំបូរដោយតំបន់ទេសចរណ៍ធម្មជាតិជាច្រើន ជាពិសេសគឺទឹកធ្លាក់ដ៍ស្រស់ស្អាតមានរហូតដល់ទៅជាង10 កន្លែងឯណោះ ដូចជា ទឹកធ្លាក់ញឿង ហ្វាន គូរ ថាំចាំពី តាញឹកសឿ … លើពិនេះទៅទៀតចំនុចពិសេសរបស់ប៉ាកសងគឺមានអាកាសធាតុត្រជាក់ និងសំនើមពេញមួយឆ្នាំ ។ ម៉្យាងវិញទៀត ប៉ាកសងគឺជាទីតាំងកសិកម្មដ៍សំខាន់មួយរបស់ខេត្តចំប៉ាសាក់ក៍ដូចជាប្រទេសឡាវទាំងមូល ដែលកាហ្វេជាដំណាំងសំខាន់ ក្រៅពីនេះមាន ចំការបន្លែគ្រប់មុខ ចំការផ្លែបើ ផាសសិន អាហ្វូកាដូរ និងផ្សេងៗទៀត។
#ប៉ាកសង #ប៉ាកសេ
#ປາກເຊ #ປາກຊອງ

08/10/2023

06/10/2023

02/10/2023

វៀងច័ន្ទជារដ្ឋធានីនៃសាធារណរដ្ឋប្រជាធិបតីប្រជាមានិតឡាវដែលមានប្រវត្តិដូចតទៅ: ឆ្នាំ ១៥៦០ ព្រះបាទ សៃសេដ្ឋា បានផ្លាស់ប្តូររាជ្យធានីនៃអាណាចក្រឡានសាង (ដំរីរាប់លាន) ពីលួងព្រះបាងមកវៀងច័ន្ទ ដែលនៅពេលនោះបានប្រសិទ្ធនាមថា នគរច័ន្ទថាបុរី ស៊ីសាត់តាណាខា ណាហូឌ ឧតម៉ារ៉ាចាថានី ហើយបន្ទាប់មកក្នុងរាជ្រព្រះបាទសូរិយាវង្សារ ក្នុងសតវត្សទី 17 រាជ្យធានីវៀងច័ន្ទត្រូវបានអភិវឌ្ឍន៍បន្ថែមអោយទៅជាតំបន់រដ្ឋបាល នយោបាយ សេដ្ឋកិច្ច សង្គម និងវប្បធម៌។ យ៉ាយណាក៍ដោយ រាជ្យធានីត្រូវបានដុតបំផ្លាញដោយសៀម នៅឆ្នាំ1828 ហើយបែងចែកជាពីរ ភាគខាងជើងនៃទន្លេមេគង្គក្លាយជាកម្មសិទ្ធរបស់សៀម ហើយភាគដែលនៅសល់ជាកម្មសិទ្ធរបស់ឡាវ។ មកដល់បច្ចប្បន្នរដ្ឋធានីវៀងច័ន្តគឺពិតជាមានទំហំតូច ត្រឹមតែពាក់កណ្តាលនៃរាជ្យធានីវៀងច័ន្ទចាស់។
ពាក្យថា”វៀង”ក្នុងភាសាឡាវមានន័យទីក្រុង ហើយពាក្យថា”ច័ន្ទថាឬទៀន” ក្នុងភាសាបាលីមានន័យថាដើមចាន់គ្រឹស្នា ឬ ក៍ព្រះខែ ។ បច្ចុប្បន្នរដ្ឋធានីវៀងច័ន្ទជាទីតាំងរដ្ឋបាល នយោបាយ ការទូត សេដ្ឋកិច្ច ពាណិជ្ជកម្ម ពត៍មាន ទេសចរណ៍ និង វប្បធម៌។ តំបន់ទេសចរណ៍នៅវៀងច័ន្ទមានដូចជា ប៉ាទូសៃ ឬ វិមានឯករាជ្យ ផាក់ថាតលួង ឬ ចេតិស្តេចបុរាណ វត្តព្រះកែវ វត្តសីសាកេត ផ្សាររាត្រី វត្តស៊ីមឿង និងផ្សេងៗ។

03/09/2023

លួងប្រាបាង ឬ លួងព្រះបាង គឺជាខេត្តមួយស្ថិតនៅភាគខាងជើងប្រទេសឡាវមានព្រំប្រទល់ជាប់ជាមួយប្រទេសវៀតណាម ដែលពីមុនជារាជធានីរបស់ឡាវ ក្នុងសម័យអាណាចក្រឡានសាង (ដំរីរាប់លាន) សតវត្សទី14 -16។ ក្នុងសម័យអាណានិគមន៍បារាំង 1893-1953 លួងព្រះបាងត្រូវបានចាត់ជាកន្លែងរដ្ឋបាលគ្រប់ជាន់ថ្នាក់របស់បារាំងដើម្បីឃ្លាំមើលនិងត្រួតត្រាលើប្រទេសឡាវទាំងមូល ហេតុដូចច្នេះហើយបានលួងព្រះបាងបានបន្សល់ទុកនៅសំណង់អាគារបុរាណដែលមានរចនាបថបែបបារាំង - ឡាវ និងវត្តវ៉ាអារាមជាច្រើន ។ ទីក្រុងលួងព្រះបាងទាំងមូលត្រូវបានចាត់ទុកជាមរតកបេតិកភ័ណ្ឌពិភពលោកក្នុងឆ្នាំង 1995 ដោយអង្គការយូនីស្កូ ដូចច្នេះហើយគ្រប់ការសាងសង់ទាំងអស់ក្នុងលួងព្រះបាងត្រូវសុំការអនុញ្ញាតពីអង្ការយូនីស្កូ ជាមុនសិន។ ភាពទាក់ទាញរបស់លួងព្រះបាងគឺជាទីក្រុងដែលមានសំណង់អាគារស្ទើរតែដូចគ្នាទាំងអស់ធ្វើអំពីឈើ ឬឈើលើថ្មក្រោម ហើយនិងវត្តវ៉ាអារាមដែលមានវ័យចំណាស់ ព្រះរាជវាំងបុរាណ ភ្នំពណ៍ដ៍ស្រស់ស្អាតកណ្តាលទីក្រុងមានកំពស់ 100 ម៉ែត្រដែលអាចឡើងមើលនិងគយគន់ទីក្រុងលួងព្រះបាងទាំងមូល និងមើលថ្ងៃលិចពីកំពូលភ្នំ ចំនុចពិសេសមួយទៀតគឺគ្រប់ផ្លូវនិងទីធ្លាក្នុងលួងបាងគឺស្អាតគ្មានសម្រាម និងមានអនាម័យ។ សកម្មភាព និងទីតាំងទេសចរក្នុងលួងព្រះបាងគឺ ក្រោកពីព្រលឹម ដើម្បីរាប់បាតដែលមានព្រសង្ឃច្រើនអង្គមកទទួលចង្ហាន់ បន្ទាបមកឡើងភ្នំពណ៍ ហើយចូលមើលព្រះរាជវាំង និងវត្តបុរាណជាច្រើន នៅថ្ងៃរសៀលអាចទៅលេងទឹកធ្លាក់ក្វាងស៊ី និងល្អាងថាំទីង ហើយពេលល្ងាចដើរផ្សាររាត្រី និងហាងអាហារស្តាយបែបលោកខាងលិចជាច្រើន។ ឥលូវនេះយើងអាចទៅលេងលួងព្រះបាងដោយជិះរថភ្លើងល្បឿនលឿនដោយប្រើពេល1ម៉ោង 55 នាទី ជាមួយតំលៃ 435,000 គីប ឬ22 $ សម្រាប់ First class ហើយ 275,000 គិបឬ13$ សម្រាប់ second class និង Hard seat ត្រឹមតែ 9,5 $។

01/09/2023

វ៉ាងវៀងគឺជាស្រុកតូចមួយរបស់ខេត្តវៀងច័ន្ទ ដែលមានចំងាយប្រហែល130 គីឡូមែត្រពីរដ្ឋធានីវៀងច័ន្ទ។ កាលពីមុនប្រសិនបើយើងចង់ធ្វើដំណើទៅវ៉ាងវៀងត្រូវចំណាយពេលប្រហែល4 ទៅ5 ម៉ោងពីរដ្ឋធានីវៀងច័ន្ទដោយសារផ្លូវធ្វើដំណើមានភាពបត់បែនតាមចង្កេះភ្នំជាច្រើន តែឥលូវនេះប្រើពេលត្រឹមតែមួយម៉ោងតាមផ្លូវល្បឿនលឿន និង 55 នាទីប៉ុណ្ណះតាមរថភ្លើង។ វ៉ាងវៀងជាតំបន់ទេសចរមួយដែលមានសក្តានុពលខ្លាំងរបស់ប្រទេសឡាវ ពីព្រោះវាហ៊ុមព័ទ្ធដោយភ្នំដែលកើតឡើងដោយថ្មដ៍ស្រស់ស្អាតអមជាមួយនិងជ្រលងទឹកដ៍ថ្លាឆ្វង់ប្រៀបដូចជាឋាន្តសួគ៍មនុស្សលោក។ គេឃើញថាមានភ្ញៀវទេសចរមកពីជុំវិញពិភពលោកមកកម្សាន្តនៅវ៉ាងវៀងជាពិសេសគឺជនជាតិកូរ៉េ ថៃ ជប៉ុន ចិន និង អឺរ៉ុប។ សកម្មភាពដែលអាចកម្សាន្តនៅវ៉ាងវៀងមានដូចជា ជិះទូកKayak ឡើងភ្នំ មើលល្អាង ជិះzip line ជិះBalloon, ជិះម៉ូតូគយគន់ទេសភាពដ៍ស្រស់ស្អាត ដូចជា Lagoon 1, lagoon 2,Lagoon3….Lagoon9 និងវិធីរស់នៅរបស់ប្រជាជន… ហើយនៅពេលល្ងាចអាចគយគន់ផ្សាររាត្រី និងជាពិសេសគឺ បា កម្សាន្តដ៍ល្បីដែលមានឈ្មោះថា Sakura ដែលជាបណ្តុំសម្សាប់ភ្ញៀវទេសចរក្រៅប្រទេសនាពេលរាត្រី។

31/08/2023

ទេសភាពវ៉ាងវៀងពេលព្រឹកព្រលឹម